Kisah Para Rasul Uram 3
3
Petrus ab Yohanes ab aryi yibinman kum kuramunyi bisi kwetebmarei uram
3:1-10
1Kuramnyi ani, uki tentok tum aryi er Petrus ab Yohanes ab Bait Allah ai ara Er Imtamnyi ninyi dama deirin ai dam banmarei. Ara, kiting yalekabwe ba, sun Israel yala nang nirya aryi Er Imtamnyi bisi moloramnyi kiting yakna kubmou bok, Bait Allah ai asi welebinmarei. 2Banmarei bok, ninyi tentok ara yan deneamwe bok, deiaminyi a bukmou. Anyi bira er yuk yibinman kum kuramwe deyok aryi, yuk nang aryi bobaraminyi kuramwe. Sun dam kuramnyi nang ara sun kwit bisi boboka uki tuba-tuba Bait Allah ai dam bobaramnyi. Ara, erci sun bisirbaramnyi nang asi, “Co bok karebnurum,” eboka moloronkwandura tenen ati, sunci ersi boboka bublan dam si, “Teleb Bublan,” dam burdeirirbaramnyi to kuboka burdeirirbinmai. 3Ura, “Teleb Bublan,” dam buramunyi biryi er Petrus ab Yohanes ab Bait Allah ai dam wengbankwandei asi asing eibmou ba, erci sunsi, “Ni nai yabwe, co bok ton karebnururum,” eboka molobmou. 4Molobmou bok, sunci ersi dinmarei cok, er Petrus biryi ersi, “Kanci nunsi disurum!” ebmou. 5Ebmou ba, er yan deneamunyi biryi, “Co bok karebkwiniring,” teneboka sunsi dinmou. 6Dinmou bok, er Petrus biryi ersi ato ebmou, “Co bok utotoa kum bobman asi, ni dam kubmar to kansi karebkwinkin. Ara, Er Yesus Kristus bira er Nazaret ateinyi si deib aryi niryi kansi, ‘Tikoka yibarum,’ ebmakin,” ebmou. 7Ato ebmou cok, er Petrus biryi er yan deneamunyi bisi taruk siriktam taleboka ersi tikeibmou. Tikeibmou ba, er yan nirya mikib kubmou. 8Uca, erci sakaboka tikokmou ura, o bina-a yana kimou. Ura, erci er Petrus ab Yohanes ab tonkwa Bait Allah ai dam wengbanmai cok, erci kilkil weik kuboka sunukoka Er Imtamnyi si weik ebnin binmou. 9Erda Er Imtamnyi si weik ebde yibarkiringmunyi bisi ninyi nirya aryi asing eibmai. 10Asing eibmai cok, sunci, “ ‘Teleb Bublan,’ dam bukoka co bok moloramunyi yibarkiringmar,” tenen bikmai ba, sunci, “Nai e, dindarur, Er Imtamnyi biryi ersi kwetebmar,” ebdanmai.
Er Petrus biryi weik ai si, “Salomo biryi doamwe ai,” aryi kuboka uram ebmou uram
3:11-26
11Ura, er kwetebmunyi biryi er Petrus ab Yohanes ab tonkwa tuba kunmai bok, ninyi nirya aryi, “Nai e,” teneboka sun dam buluryanmai. Ara, Bait Allah ai dam doamnyi ai weik ai si, “Salomo biryi doamwe ai,” wengyandoka bulubmai. Akai ara abilinga imna kum uca, duma dem deibloamnyi ai wengyandoka bulubmai. 12Bulubmai asi er Petrus biryi eibmou ba, erci sunsi ato ebmou. “Ni kwit yabwe Israel yala nang o. Unato ati, sunci, ‘Nai e,’ tenebmarum do? Nun anyi bisi kwetebmanim ara nunbiramnyi mikib biriman aryi kwetebmanim ati, tenebmarum do? Ato tenen kum. Nunda Er Imtamnyi bisi diboka dirniliranim deyok aryi, kwetebmanim ati, tenebmarum do? Ato tenen kum. 13Erda Er Imtamnyi bira nun abwe yabwe Abraham ab, Ishak ab, Yakub ab moloraminyi biryi Er arungnanyi Yesus si weik erebmou cok, anyi bisi kwetebmar. Anyi Yesus bisi sunci taleboka bobinmandau ura, sun Roma nang sienyi Pilatus biryi, ‘Anyi lobdeibkun,’ tenebmou bok, sunci Ersi, ‘Anyi nun li,’ ebmandau. 14Anyi Yesus bira Er Imtamnyi biryi wibmounyi kuboka Er Imtamnyi Uram kununanyi kuramwe. Sunci Anyi biti, ‘Nun li,’ teneboka ninyi onanyi biti, ‘Anyi bisi lobdeibsurum,’ eboka molobmandau se! 15Ato kuboka sunci Er Kam Kurdeirin Deyoknyi bisi obmandau se! Sunci Ersi obmandau bok, Er Imtamnyi biryi ersi kam bukeibmou. Er Yesus bisi diboka kam bukeibmou ati, ebmanim. Nun asing eibmoubwe to lak ebmasinim. 16Ati, anyi yan deneamunyi biryi Er Yesus bisi dib tenebmar ati, sun eibmarum ilil tenen dinyi kubmar. Ara, Er Yesus si deib aryi er yan mikib yanmar. Anyi biryi Er Yesus bisi dib tenebmou deyok aryi, sun nirya asing eibmarum ba, Er Yesus biryi ersi teleb kubdeibmar.
17Ati, ukuryok, ni kwit yabwe o, kekebnindarur. Sun ab sun sien nang ab walwal kuboka a malyi dinyi kubmandau ati, ni bikman. 18Er Imtamnyi bira a dinyi minob bingnamunyi biryi Er uram ebdeibmaci to lak etereramnyi nang biriman aryi lak eransou to, ukuboka kunubmou. Ara, ‘Er Imtamnyi biryi bokdonokwansiranyi ninyi Lemsinanyi bisi mambul kubdeibkwaming,’ eramnyi uram kunubkwamwe ati, ato kubmou ati ebman. 19Ati, ukuryok sunci sun, ‘Malyi kubkwan,’ tenendarur dinyi takloboka Er Imtamnyi kanya asi teleb kurdeirin dinyi akwe teneibde ukubdarur. Ukubmun cok, sunci, ‘Er Imtamnyi biryi nun malyi kuramoubwe dinyi kilibsute,’ tenen Er uram kekeboka tamuryandarur. 20Ara, ‘Er Imtamnyi biryi Erci minob wibmou ninyi Lemsinanyi bira Yesus bisi bokweteboka nun kanya mikib kubdeibkwansir,’ tenen tamuryandarur. 21Nun Du Yesus bira imtam welebinmunyi imtam kubkwandur. Ara, Er Imtamnyi biryi utotoa nirya minob kuamwe to teleb kum kubdeibde bok, nun Du Yesus imtam kubkwandur. A yankwansir talak ara Er Imtamnyi biryi wibmou nabi-nabi nang aryi minob aryi kuboka eramnyi. 22Er Musa biryi nun abwe yabwe asi ato ebmou.
‘Er Imtamnyi bira sun kwit yabwe kankan aryi wiboka ni tonyi Er uram ebdeibmaca bobananyi tikeibkwansir. Anyi biryi sunsi ebkwansir to sunci diboka kekebdarur. 23Unanyi-unaner aryi anyi Er Imtamnyi Uram ebdeibmaca bobananyi bisi kum kekebkwanci ura, Anyi-a ner ara nun Israel yala nang kankan aryi bai yakdonokoka obkabokwanung,’ ebmou. (Ulangan 18:15, 16, 19)
24Er Musa biryi ato ebmou ura, kuramnyi ani, nabi-nabi nang nirya ara er Samuel kuramwe talak aryi kuboka sun aminda kuramnyi nang ababyi, ‘A talak yankwansir,’ ati lak eramnyi. 25Ura, nabi-nabi nang biriman aryi ebdeibmou to ara Erci sunti ebdeibmou. Ara, Er Imtamnyi biryi sun abwe yabwe asi mururdeirin uram karebmou to, Erci sunbabyi a uram asi karebsou. Erci er Abraham bisi ebdeibmou uram ara,
‘Kan deibkwandim yala nang biriman aryi Ni Er Imtamnyi biryi sun im dangna tukwe dangna yala nang nirya asi kisal dakwan,’ ebdeibmou. (Kejadian 22:18; 26:4)
26Ati, Er Imtamnyi biryi Er arungnanyi Yesus bisi tikeiboka Erci Ersi sun dam yuma aryi bokwetebmou. Ara, sunci sun malyi dinyi yuk-yuk taklobmunbok, nun Du Yesus biryi sunsi teleb kubdeibkwansir ati, Er Imtamnyi biryi Ersi sun dam sirya bokwetebsou.” Ato eboka er Petrus biryi sun bulubmai nang asi eterebmou.
Currently Selected:
Kisah Para Rasul Uram 3: MTG
Highlight
Share
Copy
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Kisah Para Rasul Uram 3
3
Petrus ab Yohanes ab aryi yibinman kum kuramunyi bisi kwetebmarei uram
3:1-10
1Kuramnyi ani, uki tentok tum aryi er Petrus ab Yohanes ab Bait Allah ai ara Er Imtamnyi ninyi dama deirin ai dam banmarei. Ara, kiting yalekabwe ba, sun Israel yala nang nirya aryi Er Imtamnyi bisi moloramnyi kiting yakna kubmou bok, Bait Allah ai asi welebinmarei. 2Banmarei bok, ninyi tentok ara yan deneamwe bok, deiaminyi a bukmou. Anyi bira er yuk yibinman kum kuramwe deyok aryi, yuk nang aryi bobaraminyi kuramwe. Sun dam kuramnyi nang ara sun kwit bisi boboka uki tuba-tuba Bait Allah ai dam bobaramnyi. Ara, erci sun bisirbaramnyi nang asi, “Co bok karebnurum,” eboka moloronkwandura tenen ati, sunci ersi boboka bublan dam si, “Teleb Bublan,” dam burdeirirbaramnyi to kuboka burdeirirbinmai. 3Ura, “Teleb Bublan,” dam buramunyi biryi er Petrus ab Yohanes ab Bait Allah ai dam wengbankwandei asi asing eibmou ba, erci sunsi, “Ni nai yabwe, co bok ton karebnururum,” eboka molobmou. 4Molobmou bok, sunci ersi dinmarei cok, er Petrus biryi ersi, “Kanci nunsi disurum!” ebmou. 5Ebmou ba, er yan deneamunyi biryi, “Co bok karebkwiniring,” teneboka sunsi dinmou. 6Dinmou bok, er Petrus biryi ersi ato ebmou, “Co bok utotoa kum bobman asi, ni dam kubmar to kansi karebkwinkin. Ara, Er Yesus Kristus bira er Nazaret ateinyi si deib aryi niryi kansi, ‘Tikoka yibarum,’ ebmakin,” ebmou. 7Ato ebmou cok, er Petrus biryi er yan deneamunyi bisi taruk siriktam taleboka ersi tikeibmou. Tikeibmou ba, er yan nirya mikib kubmou. 8Uca, erci sakaboka tikokmou ura, o bina-a yana kimou. Ura, erci er Petrus ab Yohanes ab tonkwa Bait Allah ai dam wengbanmai cok, erci kilkil weik kuboka sunukoka Er Imtamnyi si weik ebnin binmou. 9Erda Er Imtamnyi si weik ebde yibarkiringmunyi bisi ninyi nirya aryi asing eibmai. 10Asing eibmai cok, sunci, “ ‘Teleb Bublan,’ dam bukoka co bok moloramunyi yibarkiringmar,” tenen bikmai ba, sunci, “Nai e, dindarur, Er Imtamnyi biryi ersi kwetebmar,” ebdanmai.
Er Petrus biryi weik ai si, “Salomo biryi doamwe ai,” aryi kuboka uram ebmou uram
3:11-26
11Ura, er kwetebmunyi biryi er Petrus ab Yohanes ab tonkwa tuba kunmai bok, ninyi nirya aryi, “Nai e,” teneboka sun dam buluryanmai. Ara, Bait Allah ai dam doamnyi ai weik ai si, “Salomo biryi doamwe ai,” wengyandoka bulubmai. Akai ara abilinga imna kum uca, duma dem deibloamnyi ai wengyandoka bulubmai. 12Bulubmai asi er Petrus biryi eibmou ba, erci sunsi ato ebmou. “Ni kwit yabwe Israel yala nang o. Unato ati, sunci, ‘Nai e,’ tenebmarum do? Nun anyi bisi kwetebmanim ara nunbiramnyi mikib biriman aryi kwetebmanim ati, tenebmarum do? Ato tenen kum. Nunda Er Imtamnyi bisi diboka dirniliranim deyok aryi, kwetebmanim ati, tenebmarum do? Ato tenen kum. 13Erda Er Imtamnyi bira nun abwe yabwe Abraham ab, Ishak ab, Yakub ab moloraminyi biryi Er arungnanyi Yesus si weik erebmou cok, anyi bisi kwetebmar. Anyi Yesus bisi sunci taleboka bobinmandau ura, sun Roma nang sienyi Pilatus biryi, ‘Anyi lobdeibkun,’ tenebmou bok, sunci Ersi, ‘Anyi nun li,’ ebmandau. 14Anyi Yesus bira Er Imtamnyi biryi wibmounyi kuboka Er Imtamnyi Uram kununanyi kuramwe. Sunci Anyi biti, ‘Nun li,’ teneboka ninyi onanyi biti, ‘Anyi bisi lobdeibsurum,’ eboka molobmandau se! 15Ato kuboka sunci Er Kam Kurdeirin Deyoknyi bisi obmandau se! Sunci Ersi obmandau bok, Er Imtamnyi biryi ersi kam bukeibmou. Er Yesus bisi diboka kam bukeibmou ati, ebmanim. Nun asing eibmoubwe to lak ebmasinim. 16Ati, anyi yan deneamunyi biryi Er Yesus bisi dib tenebmar ati, sun eibmarum ilil tenen dinyi kubmar. Ara, Er Yesus si deib aryi er yan mikib yanmar. Anyi biryi Er Yesus bisi dib tenebmou deyok aryi, sun nirya asing eibmarum ba, Er Yesus biryi ersi teleb kubdeibmar.
17Ati, ukuryok, ni kwit yabwe o, kekebnindarur. Sun ab sun sien nang ab walwal kuboka a malyi dinyi kubmandau ati, ni bikman. 18Er Imtamnyi bira a dinyi minob bingnamunyi biryi Er uram ebdeibmaci to lak etereramnyi nang biriman aryi lak eransou to, ukuboka kunubmou. Ara, ‘Er Imtamnyi biryi bokdonokwansiranyi ninyi Lemsinanyi bisi mambul kubdeibkwaming,’ eramnyi uram kunubkwamwe ati, ato kubmou ati ebman. 19Ati, ukuryok sunci sun, ‘Malyi kubkwan,’ tenendarur dinyi takloboka Er Imtamnyi kanya asi teleb kurdeirin dinyi akwe teneibde ukubdarur. Ukubmun cok, sunci, ‘Er Imtamnyi biryi nun malyi kuramoubwe dinyi kilibsute,’ tenen Er uram kekeboka tamuryandarur. 20Ara, ‘Er Imtamnyi biryi Erci minob wibmou ninyi Lemsinanyi bira Yesus bisi bokweteboka nun kanya mikib kubdeibkwansir,’ tenen tamuryandarur. 21Nun Du Yesus bira imtam welebinmunyi imtam kubkwandur. Ara, Er Imtamnyi biryi utotoa nirya minob kuamwe to teleb kum kubdeibde bok, nun Du Yesus imtam kubkwandur. A yankwansir talak ara Er Imtamnyi biryi wibmou nabi-nabi nang aryi minob aryi kuboka eramnyi. 22Er Musa biryi nun abwe yabwe asi ato ebmou.
‘Er Imtamnyi bira sun kwit yabwe kankan aryi wiboka ni tonyi Er uram ebdeibmaca bobananyi tikeibkwansir. Anyi biryi sunsi ebkwansir to sunci diboka kekebdarur. 23Unanyi-unaner aryi anyi Er Imtamnyi Uram ebdeibmaca bobananyi bisi kum kekebkwanci ura, Anyi-a ner ara nun Israel yala nang kankan aryi bai yakdonokoka obkabokwanung,’ ebmou. (Ulangan 18:15, 16, 19)
24Er Musa biryi ato ebmou ura, kuramnyi ani, nabi-nabi nang nirya ara er Samuel kuramwe talak aryi kuboka sun aminda kuramnyi nang ababyi, ‘A talak yankwansir,’ ati lak eramnyi. 25Ura, nabi-nabi nang biriman aryi ebdeibmou to ara Erci sunti ebdeibmou. Ara, Er Imtamnyi biryi sun abwe yabwe asi mururdeirin uram karebmou to, Erci sunbabyi a uram asi karebsou. Erci er Abraham bisi ebdeibmou uram ara,
‘Kan deibkwandim yala nang biriman aryi Ni Er Imtamnyi biryi sun im dangna tukwe dangna yala nang nirya asi kisal dakwan,’ ebdeibmou. (Kejadian 22:18; 26:4)
26Ati, Er Imtamnyi biryi Er arungnanyi Yesus bisi tikeiboka Erci Ersi sun dam yuma aryi bokwetebmou. Ara, sunci sun malyi dinyi yuk-yuk taklobmunbok, nun Du Yesus biryi sunsi teleb kubdeibkwansir ati, Er Imtamnyi biryi Ersi sun dam sirya bokwetebsou.” Ato eboka er Petrus biryi sun bulubmai nang asi eterebmou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)