Markus Uram 7
7
Er Yesus biryi, “Sun Farisi nang aryi Er Imtamnyi Uram dongtam kimnaming,” eboka eterebmou uram
7:1-23
1Uki tentok tum aryi ninyi mikbaryi nang ara sien atei Yerusalem aryi kuboka Er Yesus dam yanmai. A yanmai nang ton nang ara Musa kerek sengna liliboka kunuramnyi nang Farisi nang yanmai. Sun ab tonkwa Er Yesus dam yanmai nang ara Musa kerek sengna etereramnyi nang ton yanmai. 2Yanmai ura, diramnyi uca, Er Yesus miliramnyi nang ton nang ara roti kwaning yina kum kuabiryi, taruk me ilingdona kum uca talyi yibmai asi eibmai. Ara, er Musa biryi, “Yina kum yiabmuncok, sun taruk me ilikdobmunci, yibkwandarur,” ebdeiamwe bok, Er Yesus miliramnyi nang ara ato kum kubmai. Ara, sun Farisi nang ab Musa kerek sengna etereramnyi nang ab aryi asing eibmai ba, Yesus miliramnyi nang ton aryi sun taruk me kum ilikmai cok, yina yibmai asi eibmai. 3Ura, sunci sun kanya aryi, “Se, Er Yesus miliraming nang ara nun abwe yabwe aryi, ‘Ato kubdarur,’ ebdeiansei uram kum kunubmang,” tenebmai. Sun Farisi nang ab sun Yahudi yala nang yuk nang nirya ara yina kum yibmangiryok, sun taruk me minob ilingnamnyi. Ati, sunci, “Nun taruk asi me kum ilikabokibyi ura, nunci nun abwe yabwe aryi takubdeiansei uram asi yan yanibibyei,” tenen ato kunuramnyi. 4Ato kuramiryi, yina dengna ai dam binmangnyi ani, atei yangnyi ura, sunci sun taruk ab sun dekmangnyi yina ab ara me ilikabokingiryok, yiramnyi. Tonda, sunci sun abwe yabwe aryi, “Ukubdarur,” eamnyi uram diboka taleramiryi, yuk dinyi-yuk dinyi ababyi ilinto tabakoka kunuramnyi. Ara, sun me yina moyok ab, sun me kweboka dingdongon moyok ab, Tonda, me yun moyok ab asi me ilingkarongnamnyi.
5Ato kuramiryok, sun Farisi nang ab sun er Musa kerek sengna etereramnyi nang aryi Er Yesus bisi ato ebmai, “Nai, Kan miliranking nang ara ukubman mem dinyi asi kubmangci, sun taruk me kum ilikmang cok, roti kwaning talyi yibmang do? Kan miliranking nang ara sunda unatoa ati nun abwe yabwe aryi, ‘Ato ukubdarur,’ ebdeiansei uram ara kum kunuraming do?” eboka asibdenmai. 6Ato eboka asibdenmai uca, Er Yesus biryi sunsi ato ebmou, “Sunda si bambul dem aryok Er Imtamnyi Uram kunun nang kimdarandum nang e. Nabi Yesaya biryi sun tenen kanya diboka bingnamuryi, erci sunti ato eboka kerek sekeiamwe,
‘A nang ara Ni Er Imtamnyi si asi diboka weik kum eraning. Sunci, “Er Imtamnyi si weik erebkwayeb,” eraming cok, tola ati eraning. A nang sun kanyatam ara Ni Er Imtamnyi bisi diboka kum teneiriraning. 7A nang ara ninyi aryi, “Ukubdarur,” eamnyi to akwe etereraming. Sunci Ni si weik eraning bok, talyitam eraming.’ (Yesaya 29:13)
Ato eboka nabi Yesaya biryi sun Farisi nang deyok ati, minob kerek sekeiamwe,” ebmou. 8Ato ebmou cok, Er Yesus biryi sun Farisi nang ab sun Musa kerek sengna etereramnyi nang ab asi ato ton ebmou. “Sunda Er Imtamnyi biryi ebdeibsou uram asi tanglorandumci, sun abwe yabwe aryi, ‘Ukubdarur,’ eansei uram asi etererandum. 9Sunci sun abwe yabwe aryi, ‘Ukubdarur,’ eansei uram asi u dikum kimdorandumci, Er Imtamnyi biryi takubdeibsou uram ara dongtam kiboka yan yanirandum. 10Nun abwe Musa biryi nunsi ato ebdeiansou,
‘Sunci sun nai sun kwin ab ati, “Nun nai, nun kwin,” teneramunci, sun ebmasiringnyi uram asi diboka kekebdarur.’ (Keluaran 20:12)
Nun abwe Musa biryi ato eansou cok, erci nunsi ato ebmou,
‘Ninyi tentok aryi, “Ni nai malinyi, ni kwin malyi ner,” eboka kerebmaci ura, sunci anyi bisi obdarur,’ ebmou. (Keluaran 21:17)
11Er Musa biryi minob uca ato ebdeiansou uram ara sunci dongtam deiboka yan yanirandum se. Tonda, ninyi aryi, ‘Nun taruk dam kubmaci dinyi asi nunci nun nai nun kwin asi karena nun li,’ eboka sun nai sun kwin ina ngilingnaming nang asi kum wenerandumcok, sunci eterebman kum dinyi etererandum. Ara, sun Farisi nang aryi a nang asi ato eboka etererandum, ‘Sunci sun kwin sun nai asi ato ebdarur, “Nun taruk dam kubmaci dinyi asi Er Imtamnyi bisi nun dama deibkwamab tenebmab ati, sunsi kum karebkwansib,” ebdarur. Ato ebmunyi ura, sunci sun nai sun kwin asi kum karerandum, erda ato dinyi ara mem ena kum dinyi ukubmunci,’ erandum. 12Sunda Farisi nang ab Musa kerek sengna etererandum nang ab aryi ato eboka malyi uram etererandum. Ba, sun ninyi aryi sun nai ab sun kwin ab asi diboka kum teneiriraming. 13Ato kuboka sunci Er Imtamnyi ebdeiansou uram dongtam kimnandumci, sun abwe yabwe aryi, ‘Ukubdarur,’ en uram asi u dikum kimdorandum. Ato dinyi yuk dinyi ababyi ilinto asi sunci tuba-tuba malyi kurandum nang se.” Ato eboka Er Yesus biryi sun Farisi nang ab sun er Musa kerek sengna etereramnyi nang asi wenebmou.
14A sirya wenebmou ura, Er Yesus biryi sun adikum buluboka yanmai nang asi, “Ni dam yandarur,” eboka nabmouci, sunsi ato ebmou, “Ni kwit yabwe ab, Ni kwin yabwe ab, Ni malnerabwe ab, sunci Ni ebkwinsin uram asi diboka kekebmunci, bikdobkwandarur,” ebmou. 15Ura, ato eboka eterebmou. “Ninyi mundu umbura wengnansir dinyi ara ninyi malyi kubdeibsute do? Ato tenen kum. Nunci yuk dinyi utotoa yibibyi uca, Er Imtamnyi biryi nunti, ‘Malyi kunmang nang,’ kum tenesurur. Ninyi mundu umbura wengbaransir dinyi ara nunsi malyito kum kimdeisurur. Eda, malyi uram ninyi kanya dam aryi anarande dinyi ara ninyi malyi kimdeiriransir. Ara, ninyi kanya aryi malyi kun dinyi tenerande ati, Er Imtamnyi biryi sunti, ‘Malyi kunmang nang,’ tenesurur.” 16Ati, sun amol kusurur nang ara kekebmunci, a kekebmarum deyok asi diboka bobdobdarur.
17Er Yesus biryi ato eboka sirya eterebwe ura, a kekebmai nang asi takloboka yuk ai inirdarorbinmouci, bindobmou. Banmou ani, ai tentok wengbinmou ura. Er miliramnyi nang aryi miliboka Ersi ato eboka molobmai. “Nai Du, nunda Kan kikliboka eterebmarim uram deyok asi kum bikmab ati, Kanci lak eterebsurum,” eboka molobmai. 18Ura, Er Yesus biryi sunsi, “Ni kwit yabwe, sunbabyi walwal kusurur darib? Nun yina ara utotoa-utotoa yiramibyi dinyi ara nunsi malyi kum kurdeirisurur. Sun a deyok asi kum bikmarum do? 19Nun yibmabyi dinyi ara dantam wengdur do? Nun tenen kanya dam ara ninyi aryi malyi deyok kourandum dam asi wengdur do? Ato tenen kum. Eda, nun yibmabyi dinyi ara nun mundu umbura wengbindoka tiya mabmaci ani, dei bis yarkaramib dinyi ara sun kum bingdarur do? Nun yiramibyi dinyi aryi malyi deyok kourandum dinyi dam asi kum wengbarur. A deyok aryi, nun yiramibyi dinyi ara teleb akwe kururci, nunsi malyito kum kibdeibsute,” ebmou.
20Ato ebmou cok, Er Yesus biryi sunsi ato ebmou, “Sun ninyi tenen kanya aryi anarur dinyi ara ninyi malyi kimdeiriransir. 21Sun tenen kanya aryi kuboka iya malyi kun dinyi anarur. Ati, sun ninyi kanyatam, ‘Malyi kubtinyi,’ tenen deyok kouramunyi ura, malyi kurandum. Tonda, sun ninyi kanyatam aryi, ‘Ner ukula yobtinyi,’ tenen deyok kouramunyi ura, ner talyi yorandum. Tonda, sun ninyi aryi sun tenen kanya aryi, ‘Ninyi bona asi ukula dobdobtinyi,’ tenen deyok kouramunyi ura, ninyi bona asi ukula dorandum. Tonda, ‘Ninyi obtinyi,’ tenen deyok kouramunyi ura, ninyi orandum. Ato kuboka sun ninyi tenen kanya aryi malyi kun dinyi ilinto anarur. 22Tonda, ninyi tenen kanya aryi anarur malyi kun dinyi ara, ner ukula dona ton, ‘Bona ilinto talebtinyi,’ tenen dinyi ton, yu kanya boboka malyi kuna ton, tola uram ena ton anarur. Tonda, ‘Talyi yobtinyi,’ tenen dinyi ton, ukubman kum dinyi kununa ton, ninyi asi kitungdana ton, Er Imtamnyi si yan yanina ton, ninyi asi ina ngilingna ton, bingdona kum aryi ukubman kum dinyi ukuna ton asi ninyi kanya aryi anarur. 23A dinyi nirya ara ninyi tenen kanya aryi anaransir ati, Er Imtamnyi biryi sunti, ‘A nang ara malyi kuraming nang,’ tenesurur.” Ato eboka Er Yesus biryi Er miliramnyi nang asi eterebmou.
Fenisia ner tentok aryi Er Yesus bisi dib tenebmou uram
7:24-30
24Eterebmou ani, sirya eterebmou ura, Er Yesus bira Genesaret mutuk aryi anaboka Er Imtamnyi Uram kum bingnamnyi nang mutuk si Tirus mutuk asi binmou. Binmouci, Erci, “A mutuk nang aryi Ni bikningnyei,” tenen iniboka ai wengdorbinmou. Asi, Er Yesus inibdobman kum kubmou. 25Ura, ner tentok aryi, “Yesus a yanmar,” ena kekebmouci, Er Yesus dam yanmou. A ner er nebnyi isa wekamwe asi, erci, “Nun nai biryi isa asi yakwetebte,” teneboka Er Yesus yan dam kutam ikdongoboka buryanmouci, molobmou. 26A ner ara Yunani mutuk ner asi Siro-Fenisia mutuk aryi deiandei ner kuramwe. A ner ara mambul kanya boboka Er Yesus bisi ato eboka molobmou. Erci Ersi, “Nai, ni nebnyi asi isa aryi wekwe ati, Kanci yakdonokdum,” eboka molobmou.
27Ato eboka molobmou bok, Er Yesus biryi a ner asi ato ebmou, “Kanda Israel ner kum kurandim ati, Niryi kan nebnyi lebtinyi ara kikiman kum kubte. Niryi sun Israel yala nang asi lebniryok, sun Er Imtamnyi Uram kum bingnandum nang ara aminda aryi lebkwansin. Nunci nun mabwe ara roti kwaning tuba atanmar bok, nun taramibyi kam ati roti kwaning talyi karenub do? Ato kum kuramib. Nun mabwe nermabwe asi minob yinmangnyi ba, sirya boubci ura, nun kam ati aminda aryi roti kwaning kareramib. Ato kuboka kan Er Imtamnyi Uram walwal ner kurum ati, Niryi kan nebnyi asi ukuryok akiryi teleb kubdeibtinyi ara kikiman kum kubte,” ebmou. 28Er Yesus biryi ato ebmou bok, a ner aryi Ersi tatabkaboka ato ebmou. “Nai, Kanci dib ebmanirim bok, ni uram ton ebkun. Sun mabwe nermabwe aryi roti kwaning yinmangnyi uca, oubdoba a co lamna amwetam sangnande dinyi ara kam aryi yiraming. Ati, nira Israel ner kum kunun bok, Kanci ni nebnyi isa wekwa yakdonokminci, lebdeibnurum,” eboka molobmou. 29Ba, Er Yesus biryi a ner asi ato ebmou, “Kan ato ebmanirim ati, Niryi kan nebnyi asi er wekwe isa ara yakdonokmanci, sirya teleb kubdeibman. Ati, kan aitam ur bindoka dinminyi ba, kan nebnyi ara telebto mabmar asi eibkwamarim,” ebmou.
30Ato ebmou ura, a ner er aitam urbinmouci, diramwe uca, er nebnyi ara Er Yesus biryi yakdonokmou uca, er nebnyi Er Yesus biryi isa wekamwe dinyi yakdonokmou ba, sirya bindobmou uca, teleb kuboka man amsuna deici mabmou asi eibmou.
Er Yesus biryi ninyi tentok ara o kinikamwe aryi uram soldeia eramunyi bisi kwetebmou uram
7:31-37
31Er Yesus bira Tirus mutuk aryi anaboka Sidon mutuk binmou. Binmouci, mabmou ani, Erci Galilea me kwan otam lingkwa dam ara Dekapolis mutuk asi tamuboka binmou. 32Binmou ura, ton nang aryi ninyi tentok Er dam bobinmai. Anyi bira o kinikamwe aryi uram soldeia eramunyi kuramwe. Bobinmai ura, sunci Er Yesus bisi, “Nai Du, Kanci nun kwit nong deici asi Kan taruk deibminci, kwetebdum,” eboka molobmai. 33Ba, Er Yesus biryi a o kinikamwe asi uram soldeia eramunyi bisi yuk dikum bobindoka tingdeirirbinmou. Ba, sun yuk tikmareici, Er Yesus biryi Er taruk dum aryi er o kinikamunyi er amol um bis asi dongobmou. Ura, Erci si maka tulubdeiboka er o kinikamunyi silalum deici deibmou. 34Ato kubmou ura, Erci imtam dibweleboka isin weik libdobmouci, “Efata,” ebmou. Ara, nun uram ena ara, “Kukeibmakin,” ebmou. Ara, “Anyi biryi ninyi uram kekebkaliboka uram sirika ebkalibte,” tenen Erci ato ebmou. 35Ato ebmou ba, anyi bira telebto kuboka diboka kekebmouci, uram sirik ebmou. 36Ura, Er Yesus biryi sun bulubmai nang asi ebtabakoka ato ebmou, “Yuk nang asi lak ebmunyei,” ebmou. Bok, sunci Er Uram kum kekebmaici, sunci, “Nun Du biryi o kinikamwe aryi soldeia eramunyi bisi kwetebmar,” eboka tabakoka lak eterebmai. 37Eterenmai cok, sun kekebmai nang nirya aryi ato ebdanmai. “Nai e, Er Yesus bira diboka ninyi teleb kurdeirinanyi kurur. Erci kwetebmaci uca, sun o kinikamwe nang aryi kekeraming, Tonda, sun uram soldeia eramnyi nang aryi uram sirika eraming,” ebmai.
Currently Selected:
Markus Uram 7: MTG
Highlight
Share
Copy
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Markus Uram 7
7
Er Yesus biryi, “Sun Farisi nang aryi Er Imtamnyi Uram dongtam kimnaming,” eboka eterebmou uram
7:1-23
1Uki tentok tum aryi ninyi mikbaryi nang ara sien atei Yerusalem aryi kuboka Er Yesus dam yanmai. A yanmai nang ton nang ara Musa kerek sengna liliboka kunuramnyi nang Farisi nang yanmai. Sun ab tonkwa Er Yesus dam yanmai nang ara Musa kerek sengna etereramnyi nang ton yanmai. 2Yanmai ura, diramnyi uca, Er Yesus miliramnyi nang ton nang ara roti kwaning yina kum kuabiryi, taruk me ilingdona kum uca talyi yibmai asi eibmai. Ara, er Musa biryi, “Yina kum yiabmuncok, sun taruk me ilikdobmunci, yibkwandarur,” ebdeiamwe bok, Er Yesus miliramnyi nang ara ato kum kubmai. Ara, sun Farisi nang ab Musa kerek sengna etereramnyi nang ab aryi asing eibmai ba, Yesus miliramnyi nang ton aryi sun taruk me kum ilikmai cok, yina yibmai asi eibmai. 3Ura, sunci sun kanya aryi, “Se, Er Yesus miliraming nang ara nun abwe yabwe aryi, ‘Ato kubdarur,’ ebdeiansei uram kum kunubmang,” tenebmai. Sun Farisi nang ab sun Yahudi yala nang yuk nang nirya ara yina kum yibmangiryok, sun taruk me minob ilingnamnyi. Ati, sunci, “Nun taruk asi me kum ilikabokibyi ura, nunci nun abwe yabwe aryi takubdeiansei uram asi yan yanibibyei,” tenen ato kunuramnyi. 4Ato kuramiryi, yina dengna ai dam binmangnyi ani, atei yangnyi ura, sunci sun taruk ab sun dekmangnyi yina ab ara me ilikabokingiryok, yiramnyi. Tonda, sunci sun abwe yabwe aryi, “Ukubdarur,” eamnyi uram diboka taleramiryi, yuk dinyi-yuk dinyi ababyi ilinto tabakoka kunuramnyi. Ara, sun me yina moyok ab, sun me kweboka dingdongon moyok ab, Tonda, me yun moyok ab asi me ilingkarongnamnyi.
5Ato kuramiryok, sun Farisi nang ab sun er Musa kerek sengna etereramnyi nang aryi Er Yesus bisi ato ebmai, “Nai, Kan miliranking nang ara ukubman mem dinyi asi kubmangci, sun taruk me kum ilikmang cok, roti kwaning talyi yibmang do? Kan miliranking nang ara sunda unatoa ati nun abwe yabwe aryi, ‘Ato ukubdarur,’ ebdeiansei uram ara kum kunuraming do?” eboka asibdenmai. 6Ato eboka asibdenmai uca, Er Yesus biryi sunsi ato ebmou, “Sunda si bambul dem aryok Er Imtamnyi Uram kunun nang kimdarandum nang e. Nabi Yesaya biryi sun tenen kanya diboka bingnamuryi, erci sunti ato eboka kerek sekeiamwe,
‘A nang ara Ni Er Imtamnyi si asi diboka weik kum eraning. Sunci, “Er Imtamnyi si weik erebkwayeb,” eraming cok, tola ati eraning. A nang sun kanyatam ara Ni Er Imtamnyi bisi diboka kum teneiriraning. 7A nang ara ninyi aryi, “Ukubdarur,” eamnyi to akwe etereraming. Sunci Ni si weik eraning bok, talyitam eraming.’ (Yesaya 29:13)
Ato eboka nabi Yesaya biryi sun Farisi nang deyok ati, minob kerek sekeiamwe,” ebmou. 8Ato ebmou cok, Er Yesus biryi sun Farisi nang ab sun Musa kerek sengna etereramnyi nang ab asi ato ton ebmou. “Sunda Er Imtamnyi biryi ebdeibsou uram asi tanglorandumci, sun abwe yabwe aryi, ‘Ukubdarur,’ eansei uram asi etererandum. 9Sunci sun abwe yabwe aryi, ‘Ukubdarur,’ eansei uram asi u dikum kimdorandumci, Er Imtamnyi biryi takubdeibsou uram ara dongtam kiboka yan yanirandum. 10Nun abwe Musa biryi nunsi ato ebdeiansou,
‘Sunci sun nai sun kwin ab ati, “Nun nai, nun kwin,” teneramunci, sun ebmasiringnyi uram asi diboka kekebdarur.’ (Keluaran 20:12)
Nun abwe Musa biryi ato eansou cok, erci nunsi ato ebmou,
‘Ninyi tentok aryi, “Ni nai malinyi, ni kwin malyi ner,” eboka kerebmaci ura, sunci anyi bisi obdarur,’ ebmou. (Keluaran 21:17)
11Er Musa biryi minob uca ato ebdeiansou uram ara sunci dongtam deiboka yan yanirandum se. Tonda, ninyi aryi, ‘Nun taruk dam kubmaci dinyi asi nunci nun nai nun kwin asi karena nun li,’ eboka sun nai sun kwin ina ngilingnaming nang asi kum wenerandumcok, sunci eterebman kum dinyi etererandum. Ara, sun Farisi nang aryi a nang asi ato eboka etererandum, ‘Sunci sun kwin sun nai asi ato ebdarur, “Nun taruk dam kubmaci dinyi asi Er Imtamnyi bisi nun dama deibkwamab tenebmab ati, sunsi kum karebkwansib,” ebdarur. Ato ebmunyi ura, sunci sun nai sun kwin asi kum karerandum, erda ato dinyi ara mem ena kum dinyi ukubmunci,’ erandum. 12Sunda Farisi nang ab Musa kerek sengna etererandum nang ab aryi ato eboka malyi uram etererandum. Ba, sun ninyi aryi sun nai ab sun kwin ab asi diboka kum teneiriraming. 13Ato kuboka sunci Er Imtamnyi ebdeiansou uram dongtam kimnandumci, sun abwe yabwe aryi, ‘Ukubdarur,’ en uram asi u dikum kimdorandum. Ato dinyi yuk dinyi ababyi ilinto asi sunci tuba-tuba malyi kurandum nang se.” Ato eboka Er Yesus biryi sun Farisi nang ab sun er Musa kerek sengna etereramnyi nang asi wenebmou.
14A sirya wenebmou ura, Er Yesus biryi sun adikum buluboka yanmai nang asi, “Ni dam yandarur,” eboka nabmouci, sunsi ato ebmou, “Ni kwit yabwe ab, Ni kwin yabwe ab, Ni malnerabwe ab, sunci Ni ebkwinsin uram asi diboka kekebmunci, bikdobkwandarur,” ebmou. 15Ura, ato eboka eterebmou. “Ninyi mundu umbura wengnansir dinyi ara ninyi malyi kubdeibsute do? Ato tenen kum. Nunci yuk dinyi utotoa yibibyi uca, Er Imtamnyi biryi nunti, ‘Malyi kunmang nang,’ kum tenesurur. Ninyi mundu umbura wengbaransir dinyi ara nunsi malyito kum kimdeisurur. Eda, malyi uram ninyi kanya dam aryi anarande dinyi ara ninyi malyi kimdeiriransir. Ara, ninyi kanya aryi malyi kun dinyi tenerande ati, Er Imtamnyi biryi sunti, ‘Malyi kunmang nang,’ tenesurur.” 16Ati, sun amol kusurur nang ara kekebmunci, a kekebmarum deyok asi diboka bobdobdarur.
17Er Yesus biryi ato eboka sirya eterebwe ura, a kekebmai nang asi takloboka yuk ai inirdarorbinmouci, bindobmou. Banmou ani, ai tentok wengbinmou ura. Er miliramnyi nang aryi miliboka Ersi ato eboka molobmai. “Nai Du, nunda Kan kikliboka eterebmarim uram deyok asi kum bikmab ati, Kanci lak eterebsurum,” eboka molobmai. 18Ura, Er Yesus biryi sunsi, “Ni kwit yabwe, sunbabyi walwal kusurur darib? Nun yina ara utotoa-utotoa yiramibyi dinyi ara nunsi malyi kum kurdeirisurur. Sun a deyok asi kum bikmarum do? 19Nun yibmabyi dinyi ara dantam wengdur do? Nun tenen kanya dam ara ninyi aryi malyi deyok kourandum dam asi wengdur do? Ato tenen kum. Eda, nun yibmabyi dinyi ara nun mundu umbura wengbindoka tiya mabmaci ani, dei bis yarkaramib dinyi ara sun kum bingdarur do? Nun yiramibyi dinyi aryi malyi deyok kourandum dinyi dam asi kum wengbarur. A deyok aryi, nun yiramibyi dinyi ara teleb akwe kururci, nunsi malyito kum kibdeibsute,” ebmou.
20Ato ebmou cok, Er Yesus biryi sunsi ato ebmou, “Sun ninyi tenen kanya aryi anarur dinyi ara ninyi malyi kimdeiriransir. 21Sun tenen kanya aryi kuboka iya malyi kun dinyi anarur. Ati, sun ninyi kanyatam, ‘Malyi kubtinyi,’ tenen deyok kouramunyi ura, malyi kurandum. Tonda, sun ninyi kanyatam aryi, ‘Ner ukula yobtinyi,’ tenen deyok kouramunyi ura, ner talyi yorandum. Tonda, sun ninyi aryi sun tenen kanya aryi, ‘Ninyi bona asi ukula dobdobtinyi,’ tenen deyok kouramunyi ura, ninyi bona asi ukula dorandum. Tonda, ‘Ninyi obtinyi,’ tenen deyok kouramunyi ura, ninyi orandum. Ato kuboka sun ninyi tenen kanya aryi malyi kun dinyi ilinto anarur. 22Tonda, ninyi tenen kanya aryi anarur malyi kun dinyi ara, ner ukula dona ton, ‘Bona ilinto talebtinyi,’ tenen dinyi ton, yu kanya boboka malyi kuna ton, tola uram ena ton anarur. Tonda, ‘Talyi yobtinyi,’ tenen dinyi ton, ukubman kum dinyi kununa ton, ninyi asi kitungdana ton, Er Imtamnyi si yan yanina ton, ninyi asi ina ngilingna ton, bingdona kum aryi ukubman kum dinyi ukuna ton asi ninyi kanya aryi anarur. 23A dinyi nirya ara ninyi tenen kanya aryi anaransir ati, Er Imtamnyi biryi sunti, ‘A nang ara malyi kuraming nang,’ tenesurur.” Ato eboka Er Yesus biryi Er miliramnyi nang asi eterebmou.
Fenisia ner tentok aryi Er Yesus bisi dib tenebmou uram
7:24-30
24Eterebmou ani, sirya eterebmou ura, Er Yesus bira Genesaret mutuk aryi anaboka Er Imtamnyi Uram kum bingnamnyi nang mutuk si Tirus mutuk asi binmou. Binmouci, Erci, “A mutuk nang aryi Ni bikningnyei,” tenen iniboka ai wengdorbinmou. Asi, Er Yesus inibdobman kum kubmou. 25Ura, ner tentok aryi, “Yesus a yanmar,” ena kekebmouci, Er Yesus dam yanmou. A ner er nebnyi isa wekamwe asi, erci, “Nun nai biryi isa asi yakwetebte,” teneboka Er Yesus yan dam kutam ikdongoboka buryanmouci, molobmou. 26A ner ara Yunani mutuk ner asi Siro-Fenisia mutuk aryi deiandei ner kuramwe. A ner ara mambul kanya boboka Er Yesus bisi ato eboka molobmou. Erci Ersi, “Nai, ni nebnyi asi isa aryi wekwe ati, Kanci yakdonokdum,” eboka molobmou.
27Ato eboka molobmou bok, Er Yesus biryi a ner asi ato ebmou, “Kanda Israel ner kum kurandim ati, Niryi kan nebnyi lebtinyi ara kikiman kum kubte. Niryi sun Israel yala nang asi lebniryok, sun Er Imtamnyi Uram kum bingnandum nang ara aminda aryi lebkwansin. Nunci nun mabwe ara roti kwaning tuba atanmar bok, nun taramibyi kam ati roti kwaning talyi karenub do? Ato kum kuramib. Nun mabwe nermabwe asi minob yinmangnyi ba, sirya boubci ura, nun kam ati aminda aryi roti kwaning kareramib. Ato kuboka kan Er Imtamnyi Uram walwal ner kurum ati, Niryi kan nebnyi asi ukuryok akiryi teleb kubdeibtinyi ara kikiman kum kubte,” ebmou. 28Er Yesus biryi ato ebmou bok, a ner aryi Ersi tatabkaboka ato ebmou. “Nai, Kanci dib ebmanirim bok, ni uram ton ebkun. Sun mabwe nermabwe aryi roti kwaning yinmangnyi uca, oubdoba a co lamna amwetam sangnande dinyi ara kam aryi yiraming. Ati, nira Israel ner kum kunun bok, Kanci ni nebnyi isa wekwa yakdonokminci, lebdeibnurum,” eboka molobmou. 29Ba, Er Yesus biryi a ner asi ato ebmou, “Kan ato ebmanirim ati, Niryi kan nebnyi asi er wekwe isa ara yakdonokmanci, sirya teleb kubdeibman. Ati, kan aitam ur bindoka dinminyi ba, kan nebnyi ara telebto mabmar asi eibkwamarim,” ebmou.
30Ato ebmou ura, a ner er aitam urbinmouci, diramwe uca, er nebnyi ara Er Yesus biryi yakdonokmou uca, er nebnyi Er Yesus biryi isa wekamwe dinyi yakdonokmou ba, sirya bindobmou uca, teleb kuboka man amsuna deici mabmou asi eibmou.
Er Yesus biryi ninyi tentok ara o kinikamwe aryi uram soldeia eramunyi bisi kwetebmou uram
7:31-37
31Er Yesus bira Tirus mutuk aryi anaboka Sidon mutuk binmou. Binmouci, mabmou ani, Erci Galilea me kwan otam lingkwa dam ara Dekapolis mutuk asi tamuboka binmou. 32Binmou ura, ton nang aryi ninyi tentok Er dam bobinmai. Anyi bira o kinikamwe aryi uram soldeia eramunyi kuramwe. Bobinmai ura, sunci Er Yesus bisi, “Nai Du, Kanci nun kwit nong deici asi Kan taruk deibminci, kwetebdum,” eboka molobmai. 33Ba, Er Yesus biryi a o kinikamwe asi uram soldeia eramunyi bisi yuk dikum bobindoka tingdeirirbinmou. Ba, sun yuk tikmareici, Er Yesus biryi Er taruk dum aryi er o kinikamunyi er amol um bis asi dongobmou. Ura, Erci si maka tulubdeiboka er o kinikamunyi silalum deici deibmou. 34Ato kubmou ura, Erci imtam dibweleboka isin weik libdobmouci, “Efata,” ebmou. Ara, nun uram ena ara, “Kukeibmakin,” ebmou. Ara, “Anyi biryi ninyi uram kekebkaliboka uram sirika ebkalibte,” tenen Erci ato ebmou. 35Ato ebmou ba, anyi bira telebto kuboka diboka kekebmouci, uram sirik ebmou. 36Ura, Er Yesus biryi sun bulubmai nang asi ebtabakoka ato ebmou, “Yuk nang asi lak ebmunyei,” ebmou. Bok, sunci Er Uram kum kekebmaici, sunci, “Nun Du biryi o kinikamwe aryi soldeia eramunyi bisi kwetebmar,” eboka tabakoka lak eterebmai. 37Eterenmai cok, sun kekebmai nang nirya aryi ato ebdanmai. “Nai e, Er Yesus bira diboka ninyi teleb kurdeirinanyi kurur. Erci kwetebmaci uca, sun o kinikamwe nang aryi kekeraming, Tonda, sun uram soldeia eramnyi nang aryi uram sirika eraming,” ebmai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)