ማቲዎሴ 16
16
ፆኦሲ ዎልቄና ማዺንታ ባኮ ዛጋኒ ዖኦጪንቴ ዖኦጪሢ
(ማር. 8፥11-13፤ ሉቃ. 12፥54-56)
1ፔርሴ ዓሶና ሶዶቄ ዓሶና ዬሱሴ ኮይላ'' ሙኪ፥ ዒ ዎዚ ጋዓቴያ ኑ ዛጎም ጌዒ፦ «ጫሪንቺዳፓ ፆኦሲ ዎልቄና ማዺንታ ዓኪ ባኣዚ'' ማዺ ኑና ዻዌ» ጌዒ ዖኦጬኔ። #ማቲ. 12፥38፤ ሉቃ. 11፥16። 2ዒዚ ጋዓንቴ ማሃዖ፦ «ዓማ''ዛ ‹ጫሪንጫ ጌኤሺታሢሮ፥ ሃኖ'' ዒርዚ ዋርቃዓ› ዒንሢ ጋዓኔ፤ 3ጉቶ ሃሣ ‹ሃኖ'' ሳዓ ሻኣሬናኬ፤ ዒርዚ ዋርቃንዳኔ› ዒንሢ ጋዓኔ፤ ዬያይዲ ጫሪንጮ ዛጊ ዒንሢ ዔሪ ዔራኔ፤ ጋዓንቴ ሓሢ ማዺንቲ ማዺንቲ ዓኣ ባኮ ዛሎ'' ዒንሢ ዔራኒ ዳንዳዒባኣሴ።#16፥3 ፔቴ'' ፔቴ'' ሚናኣ ማፃኣፓ ፓይዲ ሃይሦና ላምዖናይዳ ዬሱሴ ጌዔ ባኮ ኬኤዙዋሴ። 4ፑርታ ሓሣ ጉሙርቂሢ ባኣያ ማዔ፥ ሃያ ዎዶ'' ዓሳ ማላታ ዛጋኒ ኮዓኔ፤ ጋዓንቴ ፆኦሲ ማሊፆ ኬኤዛ ዮናሴ ማላቶ''ይዳፓ ዓታዛ ሜሌ'' ማላታ ዔያቶም ዻዊንታዓኬ» ጋዓዖ፥ ዬሱሴ ዔያቶ ሃሺ'' ሜሌ ቤሲ ዓኣዼኔ። #ማቲ. 12፥39፤ ሉቃ. 11፥29።
ፔርሴ ዓሶና ሶዶቄ ዓሶናኮ ዓሶ ዻቢሻ ሙኑቆ ፃኣዞ
(ማር. 8፥14-21)
5ዒዛኮ ጊንፆ ሃንታ ናኣታ'' ጋላ ዔኩዋዖ ዋሊ'' ባዞ'' ሱኮ ፒንቄኔ፤ 6ዬሱሴ ዒዛኮ ጊንፆ ሃንታዞንሢ ኮራ፦ «ኮሺ'' ዔሩዋቴ! ፔርሴ ዓሶና ሶዶቄ ዓሶናኮ ዓሶ ዻቢሻ ሙኑቆ ፃኣዞፓ ዒንሢና ካፑዋቴ» ጌዔኔ። #ሉቃ. 12፥1።
7ዔያታ፦ «ዒዛኮ ዬያ ጌይፃ ጎዖንቴ ጋሎ'' ኑ ዋሌ''ሢሮ ናንዳኔ» ጌዒ ዎላ'' ጌስቴኔ።
8ዬሱሴ ጋዓንቴ ማሊፆ ዔያቶኮ ዔራዖ፦ «ዒንሢ ጉሙርቂፃ ፓጬ ዓሳ! ‹ካሦ ኑ ዋሌ''ሢሮኬ› ጌይ ዓይጎሮ ዎላ'' ዒንሢ ጌስታይ? 9ሄኤዶ ሄላ''ዖ ዒንሢ ጶቂሡዋዓዳ? ዶንጎ ካሦ፥ ዶንጎ ሺያ ዓሲ ሚሽኬም ዓቴ'' ዶምቦ ዋኣዺ ዼኤፒ ሌማቴ ኩሙሢ ዒንሢ ዔኬቶዋ ዒንሢ ጶቂሡዋዓዳ? #ማቲ. 14፥17-21። 10ዬያጉዲ ሃሣ ላንካይ ካሣ ዖይዶ ሺያ ዓሲ ሚሼም ዓቴ'' ዶምቦ ዋኣዺ ዼኤፒ ሌማቴ ኩሙሢ ዒንሢ ዔኬቶዋ ዒንሢ ጶቂሡዋዓዳ? #ማቲ. 15፥34-38። 11ዓካሪ ‹ፔርሴ ዓሶና ሶዶቄ ዓሶናኮ ዓሶ ዻቢሻ ሙኑቆ ፃኣዞፓ ዒንሢና ካፑዋቴ› ጌዒ ታ ዒንሢም ኬኤዛኣና ካሣ ዛላቱዋኣሢ ዎይቲ ዒንሢ ጶቂሡዋይ?» ጌዔኔ።
12ዒዛኮ ጊንፆ ሃንታዞንሢ ዬሱሴ ዒንሢና ካፒንቱዋቴ ዔያቶም ጌዔሢ ፔርሴ ዓሶና ሶዶቄ ዓሶናኮ ዔርዚፆይዳፓ ማዓንዳኣፓዓቴም ካሣ ዛላቱዋኣሢ ዔያታ ዔሬኔ።
ጴፂሮሴኮ ጉሙርቂፆና ማርካዺፆና
(ማር. 8፥27-30፤ ሉቃ. 9፥18-21)
13ዬሱሴ ፒልጶሴ ቂሳሪያ ጎዖ ዓጮ'' ሄላ''ዖ ዒዛኮ ጊንፆ ሃንታዞንሢ ኮራ፦ «ዓሳ ዓሲኮ ናዓሢ ዖናኬ ጋዓይ?» ጌዒ ዔያቶ ዖኦጬኔ፤
14ዔያታ፦ «ፔቴ'' ፔቴ'' ዓሳ ‹ማስካ ዮሓኒሴኬ› ጋዓኔ፤ ዛላ'' ሃሣ ‹ዔኤሊያሴኬ› ጋዓኔ፤ ዓቴ'' ዓሳ ሃሣ ‹ዔርሚያሴኬ፤ ሃንጎ ፆኦሲ ማሊፆ ኬኤዛዞንሢዳፓ ፔቴ''ሢኬ› ጋዓኔ» ጌዔኔ። #ማቲ. 14፥1-2፤ ማር. 6፥14-15፤ ሉቃ. 9፥7-8።
15ዬሱሴያ፦ «ዒንሢ ታና ዖናኬ ጋዓይ?» ጌዔኔ።
16ዬማ''ና ሲሞኦኔ ጌይንታ ጴፂሮሴ፦ «ኔኤኒ ናንጊና ናንጋ ፆኦዛሢ ናኣዚ''፥ ሜሲሔኬ!» ጌዔኔ። #ዮሓ. 6፥66-69።
17ዬሱሴ ማሃዖ፦ «ዮና ናዓሦ ሲሞኦኔ! ኔኤኒ ዓንጂንቴያኬ፤ ዓይጎሮ ጌዔቶ ዬያ ኔና ዔርዜሢ ጫሪንጫ ዓኣ ታ ዓዳሢ ማዓንዳፓዓቴም ዓሲቱዋሴ፤ 18ታ ኔኤም ሂዚ ጋዓኔ፦ ጴፂሮሴ፥ ኔኤኒ ላሌኬ፤ ሃያ ቦኦኮላሢ ማዔ ሹጫሢዳ ታኣኮ ሺኢጲፆ ማኣሮ ዓሶ ታ ዶዲሺ ዔቂሳንዳኔ፤ ዬኖ ሺኢጲፆ ማኣሮ ዓሶ ሃይቢ ዎልቄታዖ ባይዛዓኬ። 19ሃይሾ ታ ኔኤም ጫሪንጮ ማኣሮ ካኣቱሞኮ ካሮ'' ቡሎ'' ቁልፖ ዒንጋንዳኔ፤ ሳዓ ኔ ‹ማዖንጎ› ጌዔ ባካ ጫሪንጫ ዒማዺ ማዓንዳኔ፤ ሳዓ ኔ ‹ማዖፓ› ጌዔ ባካ ጫሪንጫኣ ማዓዓኬ» ጌዔኔ። #ማቲ. 18፥18፤ ዮሓ. 20፥23። 20ዬካፓ ዬሱሴ ዒዛኮ ጊንፆ ሃንታዞንሢ ኮራ ዒዚ ኪሪስቶሴ ማዔሢ ዖኦማኣ ዔያታ ኬኤዙዋጉዲ ላቲ ዓይሤኔ።
ዬሱሴ ፔና ሄላ''ንዳ ሜቶና ሃይቦና ዛሎ'' ኬኤዜሢ
(ማር. 8፥31—9፥1፤ ሉቃ. 9፥22-27)
21ዬማፓ ዓርቃዖ ዬሱሴ ዒዛኮ ጊንፆ ሃንታ ናኣቶ'' ኮራ፦ «ሃሢ ዬሩሳላሜ ታ ዓኣዻንዳያ ኮይሳኔ፤ ዒኢካ ጪሞና ቄኤሶኮ ሱኡጎና ሃሣ ሙሴ ዎጎ ዔርዛ ዓሶና ታ ጊዳ'' ፑርታ ሜቶ ዔኪ ዬዔም፥ ሃይቄስካፓ ሃይሣሳ ኬሎ''ና ሃይባ''ፓ ታ ዔቃንዳኔ» ጌዒ ጌዒ ኬኤዚሢ ዓርቄኔ።
22ጴፂሮሴ ጋዓንቴ ዬሱሴ ዱማሳዖ፦ «ጎዳሢዮ! ፔቴ''ታዖ ዬይ ማዓዓኬ! ዬይ ባካ ኔና ሄሎ''ፓ!» ጌዒ ዞሪሢ ዓርቄኔ።
23ዬሱሴ ጋዓንቴ ጴፂሮሴ ባንሢ ሺራዖ፦ «ፃላሄ፥ ኔ ታ ኮራፓ ሃኬ! ኔኤኒ ዓሲ ባኣዚ''ዳፓ ዓታዛ ፆኦሲ ባኣዚ'' ማሉዋኣሢሮ ታኣኮ ኔ ዹቆ ማዓኔ» ጌዔኔ።
24ዬካፓ ዬሱሴ ዒዛኮ ጊንፆ ሃንታ ናኣቶ'' ኮራ፦ «ታ ጊንፆ ሃንታኒ ኮዓሢ ፔና ኬኤሪ ሃሾ''ንጎ፤ ሃሣ ሃይቢማኣ ጊኢጊ ታ ጊንፆ ሃንቶንጎ። #ማቲ. 10፥38፤ ሉቃ. 14፥27። 25ፔ ናንጎ ዓይሳኒ ኮዓሢ ቢያ ናንጎ ባይዛንዳኔ፤ ፔ ናንጎ ታ ጋይቴ ጌዒ ባይዛሢ ጋዓንቴ ዓይሳንዳኔ። #ማቲ. 10፥39፤ ሉቃ. 17፥33፤ ዮሓ. 12፥25። 26ፔቴ'' ዓሲ፡ ዓጫ'' ዓኣ ባካ ቢያ ዒዛም ማዔም ፔ ናንጎ ጋዓንቴ ባይዜቶ ዓይጎ ዒዛ ማኣዳ''ንዳይ? ሃሣ ዓሲ ፔኤኮ ባይቄ ናንጎ ማሂ ዴንቃኒ ዓይጎና ዳንዳዓይ? 27ዓሲኮ ናዓሢ ዓዶኮ ቦንቾና ፆኦሲ ኪኢታንቾና ዎላ'' ሙካንዳኔ፤ ዒማ''ና ፔቴ'' ፔቴ''ሢም ፔኤኮ ማዾ''ጉዲ ዒንጋንዳኔ። #ማቲ. 25፥31፤ ዓይኑ. 62፥12፤ ሮሜ 2፥6። 28ጎኔ ታ ዒንሢም ጋዓኔ፤ ዓሲኮ ናዓሢ ጫሪንጮ ካኣቱሞ ቦንቾና ሙካኣና ዛጋንዳያ ሄላ''ንዳኣና ሃይካ ዔቄ ዓሶ ባኣካ''ፓ ሃይቂንዱዋ ዓሲ ዓኣኔ» ጌዔኔ።
Currently Selected:
ማቲዎሴ 16: MNT
Highlight
Share
Copy
Want to have your highlights saved across all your devices? Sign up or sign in
Maale New Testament © Bible Society of Ethiopia, 2007.
ማቲዎሴ 16
16
ፆኦሲ ዎልቄና ማዺንታ ባኮ ዛጋኒ ዖኦጪንቴ ዖኦጪሢ
(ማር. 8፥11-13፤ ሉቃ. 12፥54-56)
1ፔርሴ ዓሶና ሶዶቄ ዓሶና ዬሱሴ ኮይላ'' ሙኪ፥ ዒ ዎዚ ጋዓቴያ ኑ ዛጎም ጌዒ፦ «ጫሪንቺዳፓ ፆኦሲ ዎልቄና ማዺንታ ዓኪ ባኣዚ'' ማዺ ኑና ዻዌ» ጌዒ ዖኦጬኔ። #ማቲ. 12፥38፤ ሉቃ. 11፥16። 2ዒዚ ጋዓንቴ ማሃዖ፦ «ዓማ''ዛ ‹ጫሪንጫ ጌኤሺታሢሮ፥ ሃኖ'' ዒርዚ ዋርቃዓ› ዒንሢ ጋዓኔ፤ 3ጉቶ ሃሣ ‹ሃኖ'' ሳዓ ሻኣሬናኬ፤ ዒርዚ ዋርቃንዳኔ› ዒንሢ ጋዓኔ፤ ዬያይዲ ጫሪንጮ ዛጊ ዒንሢ ዔሪ ዔራኔ፤ ጋዓንቴ ሓሢ ማዺንቲ ማዺንቲ ዓኣ ባኮ ዛሎ'' ዒንሢ ዔራኒ ዳንዳዒባኣሴ።#16፥3 ፔቴ'' ፔቴ'' ሚናኣ ማፃኣፓ ፓይዲ ሃይሦና ላምዖናይዳ ዬሱሴ ጌዔ ባኮ ኬኤዙዋሴ። 4ፑርታ ሓሣ ጉሙርቂሢ ባኣያ ማዔ፥ ሃያ ዎዶ'' ዓሳ ማላታ ዛጋኒ ኮዓኔ፤ ጋዓንቴ ፆኦሲ ማሊፆ ኬኤዛ ዮናሴ ማላቶ''ይዳፓ ዓታዛ ሜሌ'' ማላታ ዔያቶም ዻዊንታዓኬ» ጋዓዖ፥ ዬሱሴ ዔያቶ ሃሺ'' ሜሌ ቤሲ ዓኣዼኔ። #ማቲ. 12፥39፤ ሉቃ. 11፥29።
ፔርሴ ዓሶና ሶዶቄ ዓሶናኮ ዓሶ ዻቢሻ ሙኑቆ ፃኣዞ
(ማር. 8፥14-21)
5ዒዛኮ ጊንፆ ሃንታ ናኣታ'' ጋላ ዔኩዋዖ ዋሊ'' ባዞ'' ሱኮ ፒንቄኔ፤ 6ዬሱሴ ዒዛኮ ጊንፆ ሃንታዞንሢ ኮራ፦ «ኮሺ'' ዔሩዋቴ! ፔርሴ ዓሶና ሶዶቄ ዓሶናኮ ዓሶ ዻቢሻ ሙኑቆ ፃኣዞፓ ዒንሢና ካፑዋቴ» ጌዔኔ። #ሉቃ. 12፥1።
7ዔያታ፦ «ዒዛኮ ዬያ ጌይፃ ጎዖንቴ ጋሎ'' ኑ ዋሌ''ሢሮ ናንዳኔ» ጌዒ ዎላ'' ጌስቴኔ።
8ዬሱሴ ጋዓንቴ ማሊፆ ዔያቶኮ ዔራዖ፦ «ዒንሢ ጉሙርቂፃ ፓጬ ዓሳ! ‹ካሦ ኑ ዋሌ''ሢሮኬ› ጌይ ዓይጎሮ ዎላ'' ዒንሢ ጌስታይ? 9ሄኤዶ ሄላ''ዖ ዒንሢ ጶቂሡዋዓዳ? ዶንጎ ካሦ፥ ዶንጎ ሺያ ዓሲ ሚሽኬም ዓቴ'' ዶምቦ ዋኣዺ ዼኤፒ ሌማቴ ኩሙሢ ዒንሢ ዔኬቶዋ ዒንሢ ጶቂሡዋዓዳ? #ማቲ. 14፥17-21። 10ዬያጉዲ ሃሣ ላንካይ ካሣ ዖይዶ ሺያ ዓሲ ሚሼም ዓቴ'' ዶምቦ ዋኣዺ ዼኤፒ ሌማቴ ኩሙሢ ዒንሢ ዔኬቶዋ ዒንሢ ጶቂሡዋዓዳ? #ማቲ. 15፥34-38። 11ዓካሪ ‹ፔርሴ ዓሶና ሶዶቄ ዓሶናኮ ዓሶ ዻቢሻ ሙኑቆ ፃኣዞፓ ዒንሢና ካፑዋቴ› ጌዒ ታ ዒንሢም ኬኤዛኣና ካሣ ዛላቱዋኣሢ ዎይቲ ዒንሢ ጶቂሡዋይ?» ጌዔኔ።
12ዒዛኮ ጊንፆ ሃንታዞንሢ ዬሱሴ ዒንሢና ካፒንቱዋቴ ዔያቶም ጌዔሢ ፔርሴ ዓሶና ሶዶቄ ዓሶናኮ ዔርዚፆይዳፓ ማዓንዳኣፓዓቴም ካሣ ዛላቱዋኣሢ ዔያታ ዔሬኔ።
ጴፂሮሴኮ ጉሙርቂፆና ማርካዺፆና
(ማር. 8፥27-30፤ ሉቃ. 9፥18-21)
13ዬሱሴ ፒልጶሴ ቂሳሪያ ጎዖ ዓጮ'' ሄላ''ዖ ዒዛኮ ጊንፆ ሃንታዞንሢ ኮራ፦ «ዓሳ ዓሲኮ ናዓሢ ዖናኬ ጋዓይ?» ጌዒ ዔያቶ ዖኦጬኔ፤
14ዔያታ፦ «ፔቴ'' ፔቴ'' ዓሳ ‹ማስካ ዮሓኒሴኬ› ጋዓኔ፤ ዛላ'' ሃሣ ‹ዔኤሊያሴኬ› ጋዓኔ፤ ዓቴ'' ዓሳ ሃሣ ‹ዔርሚያሴኬ፤ ሃንጎ ፆኦሲ ማሊፆ ኬኤዛዞንሢዳፓ ፔቴ''ሢኬ› ጋዓኔ» ጌዔኔ። #ማቲ. 14፥1-2፤ ማር. 6፥14-15፤ ሉቃ. 9፥7-8።
15ዬሱሴያ፦ «ዒንሢ ታና ዖናኬ ጋዓይ?» ጌዔኔ።
16ዬማ''ና ሲሞኦኔ ጌይንታ ጴፂሮሴ፦ «ኔኤኒ ናንጊና ናንጋ ፆኦዛሢ ናኣዚ''፥ ሜሲሔኬ!» ጌዔኔ። #ዮሓ. 6፥66-69።
17ዬሱሴ ማሃዖ፦ «ዮና ናዓሦ ሲሞኦኔ! ኔኤኒ ዓንጂንቴያኬ፤ ዓይጎሮ ጌዔቶ ዬያ ኔና ዔርዜሢ ጫሪንጫ ዓኣ ታ ዓዳሢ ማዓንዳፓዓቴም ዓሲቱዋሴ፤ 18ታ ኔኤም ሂዚ ጋዓኔ፦ ጴፂሮሴ፥ ኔኤኒ ላሌኬ፤ ሃያ ቦኦኮላሢ ማዔ ሹጫሢዳ ታኣኮ ሺኢጲፆ ማኣሮ ዓሶ ታ ዶዲሺ ዔቂሳንዳኔ፤ ዬኖ ሺኢጲፆ ማኣሮ ዓሶ ሃይቢ ዎልቄታዖ ባይዛዓኬ። 19ሃይሾ ታ ኔኤም ጫሪንጮ ማኣሮ ካኣቱሞኮ ካሮ'' ቡሎ'' ቁልፖ ዒንጋንዳኔ፤ ሳዓ ኔ ‹ማዖንጎ› ጌዔ ባካ ጫሪንጫ ዒማዺ ማዓንዳኔ፤ ሳዓ ኔ ‹ማዖፓ› ጌዔ ባካ ጫሪንጫኣ ማዓዓኬ» ጌዔኔ። #ማቲ. 18፥18፤ ዮሓ. 20፥23። 20ዬካፓ ዬሱሴ ዒዛኮ ጊንፆ ሃንታዞንሢ ኮራ ዒዚ ኪሪስቶሴ ማዔሢ ዖኦማኣ ዔያታ ኬኤዙዋጉዲ ላቲ ዓይሤኔ።
ዬሱሴ ፔና ሄላ''ንዳ ሜቶና ሃይቦና ዛሎ'' ኬኤዜሢ
(ማር. 8፥31—9፥1፤ ሉቃ. 9፥22-27)
21ዬማፓ ዓርቃዖ ዬሱሴ ዒዛኮ ጊንፆ ሃንታ ናኣቶ'' ኮራ፦ «ሃሢ ዬሩሳላሜ ታ ዓኣዻንዳያ ኮይሳኔ፤ ዒኢካ ጪሞና ቄኤሶኮ ሱኡጎና ሃሣ ሙሴ ዎጎ ዔርዛ ዓሶና ታ ጊዳ'' ፑርታ ሜቶ ዔኪ ዬዔም፥ ሃይቄስካፓ ሃይሣሳ ኬሎ''ና ሃይባ''ፓ ታ ዔቃንዳኔ» ጌዒ ጌዒ ኬኤዚሢ ዓርቄኔ።
22ጴፂሮሴ ጋዓንቴ ዬሱሴ ዱማሳዖ፦ «ጎዳሢዮ! ፔቴ''ታዖ ዬይ ማዓዓኬ! ዬይ ባካ ኔና ሄሎ''ፓ!» ጌዒ ዞሪሢ ዓርቄኔ።
23ዬሱሴ ጋዓንቴ ጴፂሮሴ ባንሢ ሺራዖ፦ «ፃላሄ፥ ኔ ታ ኮራፓ ሃኬ! ኔኤኒ ዓሲ ባኣዚ''ዳፓ ዓታዛ ፆኦሲ ባኣዚ'' ማሉዋኣሢሮ ታኣኮ ኔ ዹቆ ማዓኔ» ጌዔኔ።
24ዬካፓ ዬሱሴ ዒዛኮ ጊንፆ ሃንታ ናኣቶ'' ኮራ፦ «ታ ጊንፆ ሃንታኒ ኮዓሢ ፔና ኬኤሪ ሃሾ''ንጎ፤ ሃሣ ሃይቢማኣ ጊኢጊ ታ ጊንፆ ሃንቶንጎ። #ማቲ. 10፥38፤ ሉቃ. 14፥27። 25ፔ ናንጎ ዓይሳኒ ኮዓሢ ቢያ ናንጎ ባይዛንዳኔ፤ ፔ ናንጎ ታ ጋይቴ ጌዒ ባይዛሢ ጋዓንቴ ዓይሳንዳኔ። #ማቲ. 10፥39፤ ሉቃ. 17፥33፤ ዮሓ. 12፥25። 26ፔቴ'' ዓሲ፡ ዓጫ'' ዓኣ ባካ ቢያ ዒዛም ማዔም ፔ ናንጎ ጋዓንቴ ባይዜቶ ዓይጎ ዒዛ ማኣዳ''ንዳይ? ሃሣ ዓሲ ፔኤኮ ባይቄ ናንጎ ማሂ ዴንቃኒ ዓይጎና ዳንዳዓይ? 27ዓሲኮ ናዓሢ ዓዶኮ ቦንቾና ፆኦሲ ኪኢታንቾና ዎላ'' ሙካንዳኔ፤ ዒማ''ና ፔቴ'' ፔቴ''ሢም ፔኤኮ ማዾ''ጉዲ ዒንጋንዳኔ። #ማቲ. 25፥31፤ ዓይኑ. 62፥12፤ ሮሜ 2፥6። 28ጎኔ ታ ዒንሢም ጋዓኔ፤ ዓሲኮ ናዓሢ ጫሪንጮ ካኣቱሞ ቦንቾና ሙካኣና ዛጋንዳያ ሄላ''ንዳኣና ሃይካ ዔቄ ዓሶ ባኣካ''ፓ ሃይቂንዱዋ ዓሲ ዓኣኔ» ጌዔኔ።
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maale New Testament © Bible Society of Ethiopia, 2007.