സങ്കീർത്തനങ്ങൾ 1

ഒന്നാംപുസ്തകം

1ദുഷ്ടന്മാരുടെ ആലോചനപ്രകാരം നടക്കാതെയും

പാപികളുടെ വഴിയിൽ നില്ക്കാതെയും

പരിഹാസികളുടെ ഇരിപ്പിടത്തിൽ ഇരിക്കാതെയും

2യഹോവയുടെ ന്യായപ്രമാണത്തിൽ സന്തോഷിച്ച്

അവന്റെ ന്യായപ്രമാണത്തെ

രാപ്പകൽ ധ്യാനിക്കുന്നവൻ ഭാഗ്യവാൻ.

3അവൻ, ആറ്റരികത്തു നട്ടിരിക്കുന്നതും

തക്കകാലത്തു ഫലം കായിക്കുന്നതും

ഇല വാടാത്തതുമായ വൃക്ഷംപോലെ ഇരിക്കും;

അവൻ ചെയ്യുന്നതൊക്കെയും സാധിക്കും.

4ദുഷ്ടന്മാർ അങ്ങനെയല്ല; അവർ കാറ്റു പാറ്റുന്ന പതിർപോലെയത്രേ.

5ആകയാൽ ദുഷ്ടന്മാർ ന്യായവിസ്താരത്തിലും

പാപികൾ നീതിമാന്മാരുടെ സഭയിലും നിവിർന്നുനില്ക്കയില്ല.

6യഹോവ നീതിമാന്മാരുടെ വഴി അറിയുന്നു;

ദുഷ്ടന്മാരുടെ വഴിയോ നാശകരം ആകുന്നു.

Currently Selected:

സങ്കീർത്തനങ്ങൾ 1: MALOVBSI

Highlight

Copy

Want to have your highlights saved across all your devices? Sign up or sign in

Malayalam OV Bible - സത്യവേദപുസ്തകം

Learn More About സത്യവേദപുസ്തകം OV Bible (BSI)