Zvak. 6
6
Kutsanangurwa kweVadetseri Vanomwe
1Zvino mumazuva aya, apo vadzidzi vaiangira kuwanzwa, vaJudha vaiereketa chiGiriki vakavhuruvhutira vaHebheru, ngendaa yokuti shirikadzi dzavo dzairekeredzwa mukukoanisirwa kwezuva ngezuva. 2Nevari gumi navairi vakadaidza kwavari chiunga chevadzidzi, vakati, “Akusisiri kuti isusu tisiye izwi raMwari, tishande pamatafura. 3Ndizvo, hama dzangu, tsanangurai vamuna vanomwe kubva pakati penyu vanogondeka, vakazara ndiMweya nokungwara, vetingaemesa padera pouyu mushando. 4Asi isusu tinozoangira mukukumbira nomumushando weizwi.”
5Neizwi iro rakadakadza chiunga cheshe, navo vakatsanangura Stefano, munhu wakazara ngokugonda noMweya Wakachena, Firipu, Prokhorusi, Nikano, Thimona, Phamenasi naNikorusi weAntiokhi waiya akatenderukira kuchiJudha. 6Vakavaisa pamberi pevapostori, naapo vaiya vakumbira, vakaisa nyara dzavo padera pavo.
7Neizwi raMwari rakaangira kupararira; chiunga chevadzidzi chakaangira kukura kakurutu muJerusarema; nevapristi vazhinji vakapurutana mukutenda.
Kusungwa kwaStefano
8Stefano azara ngenyasha nesimba, waiita mishamiso nezvioniso zvikuru pakati pevanhu. 9Zvino vamweni veavo vemhatso yokudira vanozwi Vanhu Vakasununguka,#6:9 Vanhu Vakasununguka:Vanhu vakabhadhara mare kudzisunhura kubva muuhloko. nevaKurene, nevaArekizanda, neavo vanobva Sirisia, nevaAsia, vakamiruka vechiita hasha naStefano. 10Navo avazi kukona kuemesedzana noungwaru noMweya zvaakaereketa ndizvo. 11Naapo ngokufishika vakanyengerera vanhu kuti vati, “Takamuzwa echiereketa mazwi okutuka Mosi naMwari.” 12Navo vakavherudza vanhu nevakuru nevanyori, vakamutsotokera, vakamubata, vakamuunza kune vatongi. 13Vakaemesa zvapupu zvokunyepa, izvo zvakati, “Munhu uyu aatongorekeri kuereketa mazwi okutuka iyi ndau yakachena neMipango; 14ngokuti takamuzwa echironza kuti, uyu Jesu weNazaretha unozoparadza ndau iyi, nokupinduridza mitoo yaakapa kwetiri Mosi.” 15Naavo veshe vaiya vakagara pavatongi, vechimuringisisa, vakaona hope yake yakadai ngehope yengirosi.
Currently Selected:
Zvak. 6: Ndau
Highlight
Share
Copy
Want to have your highlights saved across all your devices? Sign up or sign in
Zvak. 6
6
Kutsanangurwa kweVadetseri Vanomwe
1Zvino mumazuva aya, apo vadzidzi vaiangira kuwanzwa, vaJudha vaiereketa chiGiriki vakavhuruvhutira vaHebheru, ngendaa yokuti shirikadzi dzavo dzairekeredzwa mukukoanisirwa kwezuva ngezuva. 2Nevari gumi navairi vakadaidza kwavari chiunga chevadzidzi, vakati, “Akusisiri kuti isusu tisiye izwi raMwari, tishande pamatafura. 3Ndizvo, hama dzangu, tsanangurai vamuna vanomwe kubva pakati penyu vanogondeka, vakazara ndiMweya nokungwara, vetingaemesa padera pouyu mushando. 4Asi isusu tinozoangira mukukumbira nomumushando weizwi.”
5Neizwi iro rakadakadza chiunga cheshe, navo vakatsanangura Stefano, munhu wakazara ngokugonda noMweya Wakachena, Firipu, Prokhorusi, Nikano, Thimona, Phamenasi naNikorusi weAntiokhi waiya akatenderukira kuchiJudha. 6Vakavaisa pamberi pevapostori, naapo vaiya vakumbira, vakaisa nyara dzavo padera pavo.
7Neizwi raMwari rakaangira kupararira; chiunga chevadzidzi chakaangira kukura kakurutu muJerusarema; nevapristi vazhinji vakapurutana mukutenda.
Kusungwa kwaStefano
8Stefano azara ngenyasha nesimba, waiita mishamiso nezvioniso zvikuru pakati pevanhu. 9Zvino vamweni veavo vemhatso yokudira vanozwi Vanhu Vakasununguka,#6:9 Vanhu Vakasununguka:Vanhu vakabhadhara mare kudzisunhura kubva muuhloko. nevaKurene, nevaArekizanda, neavo vanobva Sirisia, nevaAsia, vakamiruka vechiita hasha naStefano. 10Navo avazi kukona kuemesedzana noungwaru noMweya zvaakaereketa ndizvo. 11Naapo ngokufishika vakanyengerera vanhu kuti vati, “Takamuzwa echiereketa mazwi okutuka Mosi naMwari.” 12Navo vakavherudza vanhu nevakuru nevanyori, vakamutsotokera, vakamubata, vakamuunza kune vatongi. 13Vakaemesa zvapupu zvokunyepa, izvo zvakati, “Munhu uyu aatongorekeri kuereketa mazwi okutuka iyi ndau yakachena neMipango; 14ngokuti takamuzwa echironza kuti, uyu Jesu weNazaretha unozoparadza ndau iyi, nokupinduridza mitoo yaakapa kwetiri Mosi.” 15Naavo veshe vaiya vakagara pavatongi, vechimuringisisa, vakaona hope yake yakadai ngehope yengirosi.
Currently Selected:
:
Highlight
Share
Copy
Want to have your highlights saved across all your devices? Sign up or sign in