Zvak. MAZWI EKUTANGA
MAZWI EKUTANGA
Zvakaitwa ngeVapostori kuangira kuenda mberi kweVhangeri raRuka. Biningidzo raro gurutu ngerokuereketa ngenjira yevakashanda ndiyo vadzidzi vaJesu vokutanga, vechitungamirirwa ndiMweya Wakachena, kuparadzira MASHOKO AKANAKA ngendaa yake, “MuJerusarema, muJudhia mweshe, muSamaria nokumagumo enyika.” (1:8) Indaa yokudira kwemaKristu kudai ngokutanga kwezvakaita pakati pevanhu vevaJudha nokuangira kuenda mberi metsa zvaita kugonda kwenyika yeshe. Munyori waiya akabatika ngokuda kugwinyisa vafundi vebhuku rake kuti vaKristu avasiri chikwata chevapanduki vezvokutongwa kwenyika kunotyisa kuumambo hwevaRoma, nokuti kugonda kwevaKristu kwaiya kuzadzisika kwokudira kwechiJudha.
Zvakaitwa ngeVapostori zvingagurwa kuita marupande matatu, zvechionisa ndau inoramba yakapamhama umwo munochumairwa Mashoko Akanaka ngendaa yaJesu nendaa yokutangwa kwezviara.
1. Kutangwa kwechikwata chemaKristu muJerusarema ngesure kwokukwira kwaJesu mudenga;
2. kupararira kwazvo kundau dzimweni dzePharestaini; ne
3. kuangira kupararira, munyika yeMedhitherenyeni zvechiguma muRoma.
Ndaa hurutu inoereketwa ndiyo mubhuku raZvakaitwa ngeVapostori mushando woMweya Wakachena, uwo unouya ngesimba padera pemaKristu muJerusarema ngezuva rePentekosti wechiangira kutungamirira nokugwinyisa chiara nevatungamiriri vacho mundaa dzakaitika dzeshe dzakashumwa mubhuku. Izwi rokutanga remaKristu rakatsinhirwa ngokufupisira muchumairo dzakawanda, nendaa dzakaitika dzakanyorwa mubhuku raZvakaitwa dzinoonisa simba reizwi iri mukupona kwemaKristu nomukuzwanana kwechiara.
URONGWA HWEZVIRI MUBHUKU RAZVAKAITWA NGEVAPOSTORI
Kunasirira kuita uchapupu 1:1-26
a. Kupanga nokugondisa kwokugumisira kwaJesu 1:1-14
b. Mugari wendau yaJudhasi 1:15-26
Uchapupu hunoitwa muJerusarema 2:1—8:3
Uchapupu hunoitwa muJudhia nomuSamaria 8:4—12:25
Mushando waPhauri 13:1—28:31
Rwendo rwokutumwa kwokutanga 13:1—14:28
Mushongano wakaitirwa muJerusarema 15:1-35
Rwendo rwechipiri 15:36—18:22
Rwendo rwechitatu 18:23—21:16
Phauri unoitwa bhanditi muJerusarema, Sizaria nomuRoma 21:17—28:31
Currently Selected:
Zvak. MAZWI EKUTANGA: Ndau
Highlight
Share
Copy
Want to have your highlights saved across all your devices? Sign up or sign in