کُوطٜ نٜلَابٜٔ 1

شِڢْتِنٛرْکِ عِينَوٛلْ بَابِرَاوٛ

1يَا تٜيٛڢِلُسْ، ندٜرْ دٜڢْتٜرٜ عَمْ عَرَنْدٜ، مِوِنْدِ کٛ عِيسَى ڢُطِّ وَطُغٛ عٜ عٜکِّتِنْغٛ ڢُو#لُکَ 1‏:1‏-4؞، 2حَا ࢩَنْدٜ عٛعٜىٰنغَ حَا عَسَمَ؞ دِغَ عٛسِوَا عٜىٰنغِنٜىٰغٛ، بٜى بَاوْطٜ رُوحُ شٜنِيطٛ عٛعَنْدِنِ عُمْرٛوجٜ مَاکٛ حَا نٜلَاࢡٜ ࢡٜ عٛ سُࢡْنٛ؞ 3ࢡَاوٛ بٛنٜىٰجِ طِ عٛيَرِ، عٛوَنغَنِ ࢡٜ عٛ غٜىٰتٛ ڢَکَتْ بٜى عَلَامَاجِ طُوطِّ لَاࢡْطِ؞ بَاکِنْ ࢩَلْطٜ شَݠَّنْطٜ نَيِ، ࢡٜنغِعِمٛ، ࢡٜمبٛلِدِ حَالَ لَامُ اَللَّه؞ 4يَاکٜ عٛطٛنْ بٜى مَࢡّٜ، عٛوِعِ ࢡٜ‏: «تَا شٛتّٜ عُرُسَلِيمَ، عَمَّا ندٜىٰنٜ کٛ بَابِرَاوٛ عِينَنِ عٛنْ، بَنَ مبِعْمِ عٛنْ#لُکَ 24‏:49؞؞ 5نغَمْ يُحَنَّ وَطَنِ يِمْࢡٜ بَݠْتِسْمَ بٜى ندِيَمْ، عَمَّا عٛنٛنْ، عٛنْ نجَࢡَنْ يٜىٰسٛ سٜطَّ، بَݠْتِسْمَ بٜى رُوحُ شٜنِيطٛ#مَتَّ 3‏:11؛ مَرْکُسْ 1‏:8؛ لُکَ 3‏:16؛ يُحَنَّ 1‏:33؞؞»

عِيسَى عٜىٰنغِ

6ندٜنْ مٛوࢡْتِيࢡٜ تٛنْ ࢨَمِمٛ، ࢡٜمبِعِ‏: «جَوْمِرَاوٛ، عَوٛعِّتِنَنْ لَامُ نغَمْ إِسْرَاءِيلَ جٛنْتَ نَ؟» 7عِيسَى جَابِ ࢡٜ‏: «بَابِرَاوٛ عَمْ بٜى بَاوْطٜ مُمْ تَعِ وَکَّتِيجِ عٜ سَاعِيجِ مَنْ، عٛنْ مبَاوَتَا عَنْدُغٛ طِ، 8عَمَّا تٛ رُوحُ شٜنِيطٛ جِݠَّکٜ دٛوْ مٛوطٛنْ، عٛنْ کٜࢡَنْ بَاوْطٜ، ندٜنْ عٛنْ لَاتٛتٛ سٜىٰدَنْتٛوࢡٜ يَمْ حَا عُرُسَلِيمَ، حَا لٜسْدِ يَحُدِيَ ڢُو بٜى سَمَرِيَ عٜ حَا کٜىٰرٛلْ دُنِيَارُ ڢُو#مَتَّ 28‏:19؛ مَرْکُسْ 16‏:15؛ لُکَ 24‏:47‏-48؞؞» 9ندٜ عٛتِمِّنِ وٛلْوُغٛ بٛلّٜ طٜعٜ، عٛعٜىٰنغِ؞ ࢡٜطٛنْ ندَارَ، حَا رُولْدٜرٜ سُدِّمٛ#مَرْکُسْ 16‏:19؛ لُکَ 24‏:50‏-51؞؞

10ندٜ ݠُکَرَعٜنْ طٛنْ تِجّٛ حٜىٰدِ عَسَمَ حَا عِيسَى طٛنْ عٜىٰنغٛ، لَوْ وٛرْࢡٜ طِطٛ ࢡٛرْنِيࢡٜ لِمْشٜ دَنٜىٰجٜ مبَنغَنِ ࢡٜ، 11مبِعِ ࢡٜ‏: «عٛنٛنْ غَلِيلِعٜنْ، کٛنِ عٛنْ طٛنْ ندَرِ، تِجّٛ دٛوْ؟ عِيسَى عٛو، مٛ عٜىٰنغِ، عَشِّ عٛنْ، عٛلٛرٛتٛ بَنَ عٛنْ نغِعِ عٛدِلِّرِ عَسَمَ؞»

ࢡٜشُࢡِ مَتِّيَسْ مبَتُّدِ#1‏:11 مبَتُّدِ مَلَّ حَا ݠٜلّٜلْ؞ يَحُودَ

12ندٜنْ نٜلَاࢡٜ نجِݠِّ حٛوسٜىٰرٜ وِعٜتٜىٰندٜ حٛوسٜىٰرٜ جَيْتُنْجٜ، ࢡٜلٛرِ حَا عُرُسَلِيمَ، طُمْ دَايِ بَاکِنْ کِلٛمٜىٰتِرْ غٛوتٜلْ؞ 13ندٜ ࢡٜنَسْتِ عُرُسَلِيمَ، ࢡٜمبَعِّ سُودُ دٛوْرُ، حَا وٜىٰرْدٜ مَࢡّٜ بَنَ کٛ وٛووَ؞ طُمْ ݠِيٜرْ، يُحَنَّ، يَاکُبَ، عَندِرٜ، ڢِلِݠْ، تٛمَسْ، بَرْتٛلٛمٜ، مَتَّ، يَاکُبَ ࢡِي عَلْڢَ، سِمٛنْ مٛ غٛطّٛ يٜࢡْرٜ جٜلٛتْعٜنْ عٜ يَحُودَ ࢡِي يَاکُبَ#مَتَّ 10‏:2‏-4؛ مَرْکُسْ 3‏:16‏-19؛ لُکَ 6‏:14‏-16؞؞ 14ندٜرْ عَنِّيَ نغٛوتَ، ࢡٜ ڢُو ࢡٜطٛنْ کَوْتَ تُمْ نغَمْ تٛرَاغٛ اَللَّه حَوْتَادٜ بٜى مَرِيَمَ، دَادَ#1‏:14 دَادَ مَلَّ عِنَّ؞ عِيسَى عٜ دٜىٰرْطِرَاࢡٜ عِيسَى عٜ رٜوْࢡٜ وٛطْࢡٜ بٛو؞

15ࢩَنْدٜ ڢٜىٰرٜ، ندٜ نُطِّنْࢡٜ بَاکِنْ تٜىٰمٜرّٜ عٜ نٛوغَسْ (120) طٛنْ کَوْتِ، ݠِيٜرْ عُمِّ شَکَ دٜىٰرْطِرَاࢡٜ، وِعِ‏: 16«دٜىٰرْطِرَاࢡٜ عَمْ، دٛولٜ کٛ دٜڢْتٜرٜ اَللَّه عَارْتُنٛ وِعْغٛ دٛوْ يَحُودَ، غٛونغْطَ؞ بٜى حُنْدُکٛ دَاوُدَ، رُوحُ شٜنِيطٛ وِعْنٛ طُمْ دٛوْ يَحُودَ، مٛ طٛوِ نَنغُࢡٜ عِيسَى، 17نغَمْ يَحُودَ لَاتِنٛ مٛ عَمِنْ، نغَمْ عِيسَى سُࢡِمٛ حَا مِنْ کُووْدَ کُوغَلْ نغَعَلْ؞»

18يَحُودَ سٛودِ نغٜسَ بٜى نغٜىٰنَارِ ندِ عٛحٜࢡْرِ بٜى کُوغَلْ مَاکٛ کَلُّنغَلْ؞ تٛنْ عٛدٛعّٛرِ حٛورٜ حٛورٜ، رٜىٰدُ مَاکٛ سٜىٰکِ، تٜتٜکِ مَاکٛ ڢُو ندُڢِ يَاسِ؞ 19يِمْࢡٜ عُرُسَلِيمَ ڢُو نَنِ حَالَ کَعَ؞ کَنْجُمْ وَطِ ࢡٜعِنْدِ نغٜسَ کَعَ حَکٜلْدَمَ بٜى وٛلْدٜ مَࢡّٜ، بَنَ وِعْغٛ نغٜسَ-ࢨِيࢨَمْ#مَتَّ 27‏:3‏-8؞؞ 20نغَمْ طُمْ وِنْدَامَ حَا دٜڢْتٜرٜ جَبُورَ‏:

سَارٜ مَاکٛ لَاتٛ وِنْدٜ،

تَا غٛطّٛ جٛوطٛ تٛنْ؞

سٜيْ غٛطّٛ ڢٜىٰرٜ حٛوسَ بَبَلْ مَاکٛ#جَبُورَ 69‏:26؛ 109‏:8؞؞

21نغَمْ مَاجُمْ، سٜيْ غٛطّٛ شَکَ يَحْدُࢡٜ بٜى عَمِنْ ندٜرْ جَحَالٜ بٜى عِيسَى اَلْمَسِيحُ ڢُو، 22دِغَ ࢩَنْدٜ ندٜ يُحَنَّ وَطَنِمٛ بَݠْتِسْمَ حَا ࢩَنْدٜ ندٜ عٛعٜىٰنغَ حَا عَسَمَ، شٜىٰدِيطٛ عُمِّتِنٜىٰکِ مَاکٛ بٜى عَمِنْ، ڢٛتِ حَوْتَنَ مِنْ؞#مَتَّ 3‏:16؛ مَرْکُسْ 1‏:9؛ 16‏:19؛ لُکَ 3‏:21؛ 24‏:51؞ 23ندٜنْ ࢡٜمبَنغِنِ عِنْطٜ يِمْࢡٜ طِطٛ‏: يُوسُڢُ بِعٜتٜىٰطٛ بَرْسَبَسْ، شٛومٜتٜىٰطٛ يُسْتُسْ بٜى مَتِّيَسْ؞ 24ندٜنْ ࢡٜتٛرِ اَللَّه، ࢡٜمبِعِ‏: «يَا جَوْمِرَاوٛ، عَعَنْدِ ࢡٜرْطٜ يِمْࢡٜ ڢُو؞ نغَمْ مَاجُمْ حٛلُّ مِنْ حَکُّندٜ يِمْࢡٜ طِطٛ ࢡٜعٜ، مٛيْ شُࢡْطَ 25نغَمْ حَا عٛحٛوسَ کُوغَلْ نٜلَلْ نغَلْ يَحُودَ عَشِّ حَا عٛدِلِّ حَا ݠٜلّٜلْ مَاکٛ؞» 26ࢡَاوٛطٛنْ ࢡٜمبَطِ کُرْعُ#1‏:26 لَارْ لِمْلٜ 26‏:56؛ يٛسُوَ 14‏:2؛ 18‏:6؛ بَلْندِ 16‏:33؞ نغَمْ سُࢡُغٛ شَکَ عِنْطٜ طٜعٜ؞ کُرْعُ مَنْ وَنغِنِ مَتِّيَسْ، عٛلَاتِ سَݠّٛ عٜ طِطَࢡٛ نٜلَاࢡٜ غٛ؞

Currently Selected:

کُوطٜ نٜلَابٜٔ 1: داَ

Highlight

Copy