کُوطٜ نٜلَابٜٔ 13
13
نُطِّنْࢡٜ عَنْتَکِيَ نٜلِ بَرْنَبَسْ عٜ سٛلْ
1ندٜرْ جَمَعَارٜ نُطِّنْࢡٜ عَنْتَکِيَ وٛودِ اَلنَّبِعٜنْ بٜى عٜکِّتِنٛوࢡٜ؞ ندَا عِنْطٜ مَࢡّٜ: بَرْنَبَسْ، سِمٜيٛنْ شٛومٜتٜىٰطٛ ࢡَلٜىٰجٛ، لُسِيُسْ مٛ سِرٜنٜ، مَنَحٜنْ مٛ مَوْنِدِ بٜى حِرُدُسْ عَنْتِݠَسْ عٜ سٛلْ؞ 2ࢩَنْدٜ ڢٜىٰرٜ ندٜ ࢡٜطٛنْ شُجِدَنَ اَللَّه، ࢡٜطٛنْ شُومٛ، رُوحُ شٜنِيطٛ وِعِ ࢡٜ: «شُࢡَنٜىٰطَمْ بَرْنَبَسْ عٜ سٛلْ نغَمْ کُوغَلْ نغَلْ مِعٜوْنٛرِ ࢡٜ؞» 3ندٜنْ ࢡٜشُومِ، ࢡٜمبَطِ دٛعَ، ࢡٜمبَلِّنِ جُوطٜ دٛوْ مَࢡّٜ، ࢡٜنجَࢡِّتِ ࢡٜ؞
بَرْنَبَسْ عٜ سٛلْ نغَازِ حَا کِݠْرُسْ
4بَنَ نِي رُوحُ شٜنِيطٛ نٜلِرِ بَرْنَبَسْ عٜ سٛلْ؞ ࢡٜنجٜحِ سٜلٜوْکِيَ، دِغَ تٛنْ ࢡٜنَسْتِ کٛومْبٛوَلْ#13:4 کٛومْبٛوَلْ مَلَّ لَانَوَلْ؞ دِلُّغٛ دُوندٜ کِݠْرُسْ؞ 5ندٜ ࢡٜنجٛتِّ سَلَمِسْ، ࢡٜنغَازِ وٛلْدٜ اَللَّه حَا شُوطِ دٜوَلْ يَحُودُعٜنْ؞ يُحَنَّ مَرْکُسْ طٛنْ بٜى مَࢡّٜ، عٛ بَلّٛووٛ مَࢡّٜ؞
6ࢡٜعٜىٰرِ غَطَ دُوندٜ، ࢡٜنجٛتِّ ݠَڢٛسْ؞ تٛنْ ࢡٜتَوِ حِيلَاجٛ بِعٜتٜىٰطٛ بَرْ-عِيسَى، عٛ يَحُودُوجٛ، ݠٜوٛووٛ بِعَنْطٛ عٛ اَلنَّبِيجٛ؞ 7عٛ سٛوبَاجٛ سٜرْغِيُسْ ݠٛلْ، لَوَنْ دُوندٜ مَنْ؞ لَوَنْ عٛو، وٛودِ حَکِّيلٛ؞ عٛعٜوْنِ بَرْنَبَسْ عٜ سٛلْ نغَمْ عٛيِطِ نَنُغٛ وٛلْدٜ اَللَّه؞ 8عَمَّا عٜلِمَسْ – مٛ مَانَ عِنْدٜ مُمْ حِيلَاجٛ – دَرْتَنِ ࢡٜ؞ عٛتٜڢِ حَطُغٛ لَوَنْ نُطِّنْغٛ؞ 9عَمَّا سٛلْ بِعٜتٜىٰطٛ ݠٛلْ بٛو، کٜبِّنَاطٛ رُوحُ شٜنِيطٛ، سُتِ حِيلَاجٛ غٛ، 10وِعِ: «ࢡِي-عِبْلِسَ! عَ کٜبِّنَاطٛ ڢَاسِکَارٜ عٜ حَلّٜىٰندٜ، عَ کٛنّٜىٰجٛ عَدِلَاکُ ڢُو، تُمْ عَطٛنْ دَرْتَنٛ لَاوٛلْ اَللَّه غٛونغَوٛلْ؞ 11جٛنْتَ جَوْمِرَاوٛ ڢِيٜتٜ: عَوُمَنْ، عَيِعَتَا أَلنّٛورَ نَانغٜ حَا نٜىٰࢡَ سٜطَّ؞» لَوْ ࢩِࢡْرٜ عُکَّنِمٛ، عٛوُمِ؞ عٛيِيلِ عٛتٜڢِ غٛطّٛ نغَمْ طٛوُغٛ مٛ؞ 12ندٜ لَوَنْ مَنْ لَارِ کٛ وَطِ، عٛنُطِّنِ، عٜکِّتِنٛلْ دٛوْ جَوْمِرَاوٛ حَيْطِنِمٛ مَسِنْ؞
نٜلَاࢡٜ نغَازِ حَا وُرٛ عَنْتَکِيَ ندٜرْ لٜسْدِ ݠِسِدِيَ
13ݠٛلْ عٜ وٛنْدِطِّرَاࢡٜ مُمْ نَسْتِ کٛومْبٛوَلْ حَا ݠَڢٛسْ، ࢡٜندِلِّ حَا ݠٜرْغٜ ندٜرْ لٜسْدِ ݠَمْڢِلِيَ؞ عَمَّا يُحَنَّ مَرْکُسْ عَشِّ ࢡٜ، لٛرِ عُرُسَلِيمَ؞ 14کَمْࢡٜ بٛو ࢡٜعُمِّ ݠٜرْغٜ، ࢡٜنغَرِ عَنْتَکِيَ ندٜرْ لٜسْدِ ݠِسِدِيَ؞ ࢩَنْدٜ سِوْتٛرْدٜ ࢡٜنَسْتِ سُودُ دٜوَلْ يَحُودُعٜنْ، ࢡٜنجٛوطِ تٛنْ؞ 15ࢡَاوٛ جَنغُکِ تَوْرٜىٰتَ مُوسَى عٜ دٜڢْتٜ اَلنَّبِعٜنْ، عَرْدِيࢡٜ سُودُ دٜوَلْ نٜلِ حَا ݠٛلْ عٜ وٛنْدِطِّرَاࢡٜ مُمْ، ࢡٜمبِعِ: «دٜىٰرْطِرَاࢡٜ، تٛ عٛنْ نغٛودِ بٛلّٜ نغَمْ وَسَاغٛ يِمْࢡٜ، مبٛلْوٜ؞» 16ندٜنْ ݠٛلْ عُمِّ، دَرِ، ࢡَنغْتِ جُنغٛ مُمْ، وِعِ:
«إِسْرَاءِيلَعٜنْ عٜ يِمْࢡٜ عُمَّاتٛوجٜ غٛطّٜ، حُلْࢡٜ اَللَّه، نَنَنٜىٰطَمْ! 17اَللَّه مٛ يِمْࢡٜ إِسْرَاءِيلَ، سُࢡِ کَاکِرَاࢡٜ مٜىٰطٜنْ، مَوْنِنِ ࢡٜ يَاکٜ ࢡٜطٛنّٛ حَا لٜسْدِ مِصْرَ؞ عٛوُرْتِنِ ࢡٜ مِصْرَ بٜى بَاوْطٜ مُوطُمْ مَوْطٜ#غُرْتَاکِ 1:7؛ 12:51؞؞ 18دُوࢡِ شَݠَّنْطٜ نَيِ عٛمُࢩَنِ ࢡٜ ندٜرْ لَدّٜ#لِمْلٜ 14:34؛ تٛوکْتَاکِ تَوْرٜىٰتَ 1:31؞؞ 19عٛحَلْکِ لَامُوجِ جٛوٜىٰطِطِ حَا لٜسْدِ کَنَانَ، عٛمَرْنِ يِمْࢡٜ مَاکٛ لٜسْدِ مَنْ#تٛوکْتَاکِ تَوْرٜىٰتَ 7:1؛ يٛسُوَ 14:1؞؞ 20طُمْ ڢُو طُمْ وَطِ بَاکِنْ دُوࢡِ تٜىٰمٜطّٜ نَيِ عٜ شَݠَّنْطٜ جٛوِ؞
«ࢡَاوٛطٛنْ عٛحٛکِّ ࢡٜ عَلْکَالِعٜنْ حَا يٛتِّ زَمَنُ اَلنَّبِي سَمُيِلَ#عَلْکَالِعٜنْ 2:16؛ 1 سَمُيِلَ 3:20؞؞ 21ندٜنْ ࢡٜتٛرِمٛ لَامِيطٛ، اَللَّه حٛکِّ ࢡٜ سٛلْ ࢡِي کِسْ، غٛطّٛ لٜࢩٛلْ بٜنْيَمِنْ، عٛلَامَنِ ࢡٜ دُوࢡِ شَݠَّنْطٜ نَيِ#1 سَمُيِلَ 8:5؛ 10:21؞؞ 22ندٜ اَللَّه ࢡٛرْتِ سٛلْ لَامُ، عٛحٛکِّ نغُ دَاوُدَ، عٛلَامَنِ ࢡٜ؞ ندَا کٛ اَللَّه سٜىٰدِ دٛوْ دَاوُدَ، عٛوِعِ: دَاوُدَ ࢡِي يٜسَّ ڢٛتَّنِ يَمْ، عٛوَطَنْ کٛ نغِطْمِ ڢُو#1 سَمُيِلَ 13:14؛ 16:12؛ جَبُورَ 89:21؞؞ 23حَا دَࢩْغٛلْ دَاوُدَ عٛو، اَللَّه وَطَنِ إِسْرَاءِيلَعٜنْ کِسْنٛووٛ ڢٛدّٜ عِينَوٛلْ مُوطُمْ، کَنغْکٛ وٛنِ عِيسَى؞ 24دِغَ عِيسَى سِوَا وَرْغٛ، يُحَنَّ وَازِنِ إِسْرَاءِيلَعٜنْ ڢُو، ࢡٜتُوبَ، ࢡٜنجَࢡَ بَݠْتِسْمَ#مَرْکُسْ 1:4؛ لُکَ 3:3؞؞ 25ندٜ يُحَنَّ ࢡَدَکٜ تِمِّنْغٛ کُوغَلْ مُمْ، عٛوِعِ يِمْࢡٜ: عٛنْ تَمِّ مِنْ وٛنِ اَلْمَسِيحُ نَ؟ عَاعَ، نَا طُمْ مِنْ؞ عَمَّا وٛودِ غَرَنْطٛ ࢡَاوٛ عَمْ، مِ حٜعَايْ ڢِيسْتَنغٛ مٛ ݠَطٜ#مَتَّ 3:11؛ مَرْکُسْ 1:7؛ لُکَ 3:16؛ يُحَنَّ 1:20،27؞؞
26«يَا دٜىٰرْطِرَاࢡٜ عَمْ، دَࢩْغٛلْ إِبْرَاهِيمَ عٜ يِمْࢡٜ وٛطْࢡٜ حُلْࢡٜ اَللَّه، حَا مٜىٰطٜنْ اَللَّه نٜلْدِ حَبَرُ کِسْندَمْ طَعَمْ! 27عَمَّا يِمْࢡٜ عُرُسَلِيمَ بٜى مَوْࢡٜ مُوطُمْعٜنْ ݠَامَايْ کَنغْکٛ وٛنِ کِسْنٛووٛ، ࢡٜݠَامَايْ بٛلّٜ اَلنَّبِعٜنْ طٜ يِمْࢡٜ نجَنغَتَ ࢩَنْدٜ سِوْتٛرْدٜ ڢُو؞ کٛو نٛنْ ڢُو ࢡٜنغٛونغْطِنِ بٛلّٜ اَلنَّبِعٜنْ بٜى حِيتَاغٛ عِيسَى؞ 28کٛو ندٜ ࢡٜتَوَايْ دَلِيلَ حِيتَاغٛ مٛ کِيتَ مبَرٜىٰغٛ، ࢡٜتٛرِ ݠِلَاتُ عٛمبَرَ مٛ#مَتَّ 27:22-23؛ مَرْکُسْ 15:13-14؛ لُکَ 23:21-23؛ يُحَنَّ 19:15؞؞ 29ندٜ ࢡٜتِمِّنِ وَطُغٛ مٛ کٛ دٜڢْتٜ اَللَّه مبِعْنٛ دٛوْ مَاکٛ ڢُو، ࢡٜنجِݠِّنِمٛ دِغَ لٜغَّلْ، ندٜنْ ࢡٜمبَلِّنِمٛ ندٜرْ يٜنَاندٜ#مَتَّ 27:57-61؛ مَرْکُسْ 15:42-47؛ لُکَ 23:50-56؛ يُحَنَّ 19:38-42؞؞ 30عَمَّا اَللَّه عُمِّتِنِمٛ دِغَ مَايْدٜ؞ 31بَلْطٜ طُوطّٜ عٛوَنغَنِ يَحْدُنٛوࢡٜ بٜى مَاکٛ دِغَ غَلِيلِ حَا عُرُسَلِيمَ؞ جٛنْتَ کَمْࢡٜ نغٛنِ سٜىٰدٛوࢡٜ مَاکٛ حَا إِسْرَاءِيلَعٜنْ#کُوطٜ نٜلَاࢡٜ 1:3؞؞ 32مِنِنْ مِنْ طٛنْ نغَازِنَ عٛنْ لِنْجِيلَ: کٛ اَللَّه عِينَنِنٛ کَاکِرَاࢡٜ مٜىٰطٜنْ، 33عٛحٜبِّتِنَنِ عٜنْ طُمْ ڢُو، عٜنٜنْ ࢡِࢡّٜ مَࢡّٜ، ندٜ عٛعُمِّتِنِ عِيسَى، بَنَ کٛ وِنْدَ حَا يِمْرٜ جَبُورَ طِطَوْرٜ:
عَنْ وٛنِ ࢡِطّٛ عَمْ،
حَنْدٜ مِدَࢩِ مَ#جَبُورَ 2:7؞؞
34اَللَّه عُمِّتِنِمٛ دِغَ مَايْدٜ، نغَمْ تَا عٛمٜىٰطَ ࢩٛلُغٛ، بَنَ عٛوِعْنٛ:
مِبَرْکِطِنْتٜ بٜى بَرْکَاجِ عَمْ شٜنِيطِ عٜ کٛولْنِيطِ،
بَنَ مِوِعْنٛ دَاوُدَ#عٜسَايَ 55:3؞؞
35ڢَحِنْ بَنَ عٛوِعِ ندٜرْ عَايَاجٜ غٛطّٜ:
عَعَشَّتَا شٜنِيطٛ مَ ࢩٛلَ#جَبُورَ 16:10؞؞
36ندٜ دَاوُدَ حُووِ ندٜرْ زَمَنُ مُوطُمْ بَنَ جَوْمِرَاوٛ عُمْرِنٛ، عٛمَايِ، ࢡٜعُوِمٛ کٛمْبِ کَاکِرَاࢡٜ مَاکٛ، عٛࢩٛلِ؞ 37عَمَّا مٛ اَللَّه عُمِّتِنِ دِغَ مَايْدٜ، ࢩٛلَتَا؞ 38سٜيْ عَنْدٛنْ دٜىٰرْطِرَاࢡٜ، بَرْکَ مَاکٛ يَاڢُيٜ حَکّٜىٰجِ وَازِنَامَ عٛنْ؞ کٛو ندٜ تَوْرٜىٰتَ مُوسَى وَاوَتَا عَدِلِنغٛ عٛنْ، 39کَنغْکٛ عٛعَدِلِنَنْ کٛو مٛيْ نُطِّنِمٛ؞ 40کَدِ، کَکِّلٜ، تَا کٛ اَلنَّبِعٜنْ مبِعْنٛ حٜࢡَ عٛنْ:
41ندَارٜ، عٛنٛنْ مَوْنِتِيࢡٜ!
کَيْطِنٜ، کَلْکٜ!
نغَمْ کُوغَلْ نغَلْ مبَطَنْمِ ندٜرْ بَلْطٜ مٛوطٛنْ،
طُمْ کُوغَلْ نغَلْ عٛنْ نجَࢡَتَا نُطِّنْغٛ،
کٛو تٛ غٛطّٛ يٜشِّ عٛنْ حَبَرُ مَاجُمْ#عِبْرَنِنغْکٜعٜنْ 1:5؞!»
42ندٜ ݠٛلْ بٜى بَرْنَبَسْ طٛنْ نغُرْتٛ سُودُ دٜوَلْ يَحُودُعٜنْ، يِمْࢡٜ تٛرِ ࢡٜ، ࢡٜلٛرٛ ࢩَنْدٜ سِوْتٛرْدٜ وَرَنْدٜ بٛو، نغَمْ حَا ࢡٜلٛرْنَ بٛلّٜ طٜعٜ؞ 43ندٜ يِمْࢡٜ شَنغْکِتِ، يَحُودُعٜنْ طُوطْࢡٜ عٜ جَنَنْࢡٜ، حُلْࢡٜ اَللَّه، تٛکِّيࢡٜ دِينَ يَحُودُعٜنْ طُوطْࢡٜ تٛکِّ ݠٛلْ عٜ بَرْنَبَسْ؞ ࢡٜمبٛلْوَنِ ࢡٜ، شُوسْطِنِ ࢡٜ نغَمْ حَا ࢡٜتَبِتَ ندٜرْ مٛعّٜرٜ اَللَّه؞
44ندٜ ࢩَنْدٜ سِوْتٛرْدٜ وَطِ ڢَحِنْ، ࢡُرْنَ يِمْࢡٜ وُرٛ نغَرِ نَنُغٛ وٛلْدٜ اَللَّه؞ 45ندٜ يَحُودُعٜنْ نغِعِ يِمْࢡٜ طُوطِ، ࢡٜ کَاجِ مَسِنْ؞ ࢡٜنغٜدِّ وٛلْدٜ ݠٛلْ، ࢡٜکُطِمٛ؞ 46عَمَّا ݠٛلْ عٜ بَرْنَبَسْ مبٛلْوِ بٜى دَرْتَارٜ، ࢡٜمبِعِ: «دٛولٜ مِنْ عَارْتَ وٛلْوَنْغٛ عٛنْ وٛلْدٜ اَللَّه؞ عَمَّا ندٜ نِي عٛنْ شَلِ جَࢡُغٛ طُمْ، عٛنْ کِيتِ کٛعٜ مٛنْ عٛنْ کٜعَايْ حٜࢡُغٛ نغٜىٰندَمْ ندُومِيطَمْ، مِنْ عَشَّنْ عٛنْ، مِنْ نجَحَنْ حَا عُمَّاتٛوجٜ غٛطّٜ! 47نغَمْ کَنْجُمْ وٛنِ عُمْرٛورٜ ندٜ جَوْمِرَاوٛ عُمْرِ مِنْ، وِعِ:
مِوَطِ مَ عَ أَلنّٛورَ نغَمْ عُمَّاتٛوجٜ،
عَيَحْرَ کِسْندَمْ حَا کٜىٰرِ دُنِيَارُ#عٜسَايَ 42:6؛ 49:6؞؞»
48ندٜ يِمْࢡٜ عُمَّاتٛوجٜ نَنِ طُمْ، ࢡٜشٜيِ، ࢡٜمَنغْتِ وٛلْدٜ جَوْمِرَاوٛ؞ تَاسْکِتِنَاࢡٜ دِغَ ࢡٛويْمَ نغَمْ نغٜىٰندَمْ ندُومِيطَمْ ڢُو نُطِّنِ؞
49وٛلْدٜ اَللَّه سَنغْکِتِ کٛو تٛيْ حَا لٜسْدِ مَنْ؞ 50عَمَّا يَحُودُعٜنْ عُمِّنِ ࢡٜرْطٜ مَوْࢡٜ وُرٛ عٜ تٜدَّ-عَسْلِعٜنْ، رٜوْࢡٜ حُلْࢡٜ اَللَّه؞ ࢡٜعُمِّنِ ڢِتِنَ دٛوْ ݠٛلْ عٜ بَرْنَبَسْ، ࢡٜنغُرْتِنِ ࢡٜ لٜسْدِ مَࢡّٜ؞ 51ࢡٜݠِطِّ شٛلَّاجٜ کٛسْطٜ مَࢡّٜ#13:51 ڢِطُّغٛ شٛلَّاجٜ دٛوْ غٛطّٛ طُمْ لَارُغٛ مٛ بَنَ کٜىٰڢٜىٰرٛ؞ دٛوْ يِمْࢡٜ ࢡٜعٜ؞ ندٜنْ ࢡٜندِلِّ عِکٛنِيَ#مَتَّ 10:14؛ مَرْکُسْ 6:11؛ لُکَ 9:5؛ 10:11؞؞ 52عَمَّا ݠُکَرَعٜنْ#13:52 ݠُکَرَعٜنْ مَلَّ عَحِيࢡٜ؞ کٜىٰوِ سٜيٛ عٜ رُوحُ شٜنِيطٛ؞
Currently Selected:
کُوطٜ نٜلَابٜٔ 13: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
کُوطٜ نٜلَابٜٔ 13
13
نُطِّنْࢡٜ عَنْتَکِيَ نٜلِ بَرْنَبَسْ عٜ سٛلْ
1ندٜرْ جَمَعَارٜ نُطِّنْࢡٜ عَنْتَکِيَ وٛودِ اَلنَّبِعٜنْ بٜى عٜکِّتِنٛوࢡٜ؞ ندَا عِنْطٜ مَࢡّٜ: بَرْنَبَسْ، سِمٜيٛنْ شٛومٜتٜىٰطٛ ࢡَلٜىٰجٛ، لُسِيُسْ مٛ سِرٜنٜ، مَنَحٜنْ مٛ مَوْنِدِ بٜى حِرُدُسْ عَنْتِݠَسْ عٜ سٛلْ؞ 2ࢩَنْدٜ ڢٜىٰرٜ ندٜ ࢡٜطٛنْ شُجِدَنَ اَللَّه، ࢡٜطٛنْ شُومٛ، رُوحُ شٜنِيطٛ وِعِ ࢡٜ: «شُࢡَنٜىٰطَمْ بَرْنَبَسْ عٜ سٛلْ نغَمْ کُوغَلْ نغَلْ مِعٜوْنٛرِ ࢡٜ؞» 3ندٜنْ ࢡٜشُومِ، ࢡٜمبَطِ دٛعَ، ࢡٜمبَلِّنِ جُوطٜ دٛوْ مَࢡّٜ، ࢡٜنجَࢡِّتِ ࢡٜ؞
بَرْنَبَسْ عٜ سٛلْ نغَازِ حَا کِݠْرُسْ
4بَنَ نِي رُوحُ شٜنِيطٛ نٜلِرِ بَرْنَبَسْ عٜ سٛلْ؞ ࢡٜنجٜحِ سٜلٜوْکِيَ، دِغَ تٛنْ ࢡٜنَسْتِ کٛومْبٛوَلْ#13:4 کٛومْبٛوَلْ مَلَّ لَانَوَلْ؞ دِلُّغٛ دُوندٜ کِݠْرُسْ؞ 5ندٜ ࢡٜنجٛتِّ سَلَمِسْ، ࢡٜنغَازِ وٛلْدٜ اَللَّه حَا شُوطِ دٜوَلْ يَحُودُعٜنْ؞ يُحَنَّ مَرْکُسْ طٛنْ بٜى مَࢡّٜ، عٛ بَلّٛووٛ مَࢡّٜ؞
6ࢡٜعٜىٰرِ غَطَ دُوندٜ، ࢡٜنجٛتِّ ݠَڢٛسْ؞ تٛنْ ࢡٜتَوِ حِيلَاجٛ بِعٜتٜىٰطٛ بَرْ-عِيسَى، عٛ يَحُودُوجٛ، ݠٜوٛووٛ بِعَنْطٛ عٛ اَلنَّبِيجٛ؞ 7عٛ سٛوبَاجٛ سٜرْغِيُسْ ݠٛلْ، لَوَنْ دُوندٜ مَنْ؞ لَوَنْ عٛو، وٛودِ حَکِّيلٛ؞ عٛعٜوْنِ بَرْنَبَسْ عٜ سٛلْ نغَمْ عٛيِطِ نَنُغٛ وٛلْدٜ اَللَّه؞ 8عَمَّا عٜلِمَسْ – مٛ مَانَ عِنْدٜ مُمْ حِيلَاجٛ – دَرْتَنِ ࢡٜ؞ عٛتٜڢِ حَطُغٛ لَوَنْ نُطِّنْغٛ؞ 9عَمَّا سٛلْ بِعٜتٜىٰطٛ ݠٛلْ بٛو، کٜبِّنَاطٛ رُوحُ شٜنِيطٛ، سُتِ حِيلَاجٛ غٛ، 10وِعِ: «ࢡِي-عِبْلِسَ! عَ کٜبِّنَاطٛ ڢَاسِکَارٜ عٜ حَلّٜىٰندٜ، عَ کٛنّٜىٰجٛ عَدِلَاکُ ڢُو، تُمْ عَطٛنْ دَرْتَنٛ لَاوٛلْ اَللَّه غٛونغَوٛلْ؞ 11جٛنْتَ جَوْمِرَاوٛ ڢِيٜتٜ: عَوُمَنْ، عَيِعَتَا أَلنّٛورَ نَانغٜ حَا نٜىٰࢡَ سٜطَّ؞» لَوْ ࢩِࢡْرٜ عُکَّنِمٛ، عٛوُمِ؞ عٛيِيلِ عٛتٜڢِ غٛطّٛ نغَمْ طٛوُغٛ مٛ؞ 12ندٜ لَوَنْ مَنْ لَارِ کٛ وَطِ، عٛنُطِّنِ، عٜکِّتِنٛلْ دٛوْ جَوْمِرَاوٛ حَيْطِنِمٛ مَسِنْ؞
نٜلَاࢡٜ نغَازِ حَا وُرٛ عَنْتَکِيَ ندٜرْ لٜسْدِ ݠِسِدِيَ
13ݠٛلْ عٜ وٛنْدِطِّرَاࢡٜ مُمْ نَسْتِ کٛومْبٛوَلْ حَا ݠَڢٛسْ، ࢡٜندِلِّ حَا ݠٜرْغٜ ندٜرْ لٜسْدِ ݠَمْڢِلِيَ؞ عَمَّا يُحَنَّ مَرْکُسْ عَشِّ ࢡٜ، لٛرِ عُرُسَلِيمَ؞ 14کَمْࢡٜ بٛو ࢡٜعُمِّ ݠٜرْغٜ، ࢡٜنغَرِ عَنْتَکِيَ ندٜرْ لٜسْدِ ݠِسِدِيَ؞ ࢩَنْدٜ سِوْتٛرْدٜ ࢡٜنَسْتِ سُودُ دٜوَلْ يَحُودُعٜنْ، ࢡٜنجٛوطِ تٛنْ؞ 15ࢡَاوٛ جَنغُکِ تَوْرٜىٰتَ مُوسَى عٜ دٜڢْتٜ اَلنَّبِعٜنْ، عَرْدِيࢡٜ سُودُ دٜوَلْ نٜلِ حَا ݠٛلْ عٜ وٛنْدِطِّرَاࢡٜ مُمْ، ࢡٜمبِعِ: «دٜىٰرْطِرَاࢡٜ، تٛ عٛنْ نغٛودِ بٛلّٜ نغَمْ وَسَاغٛ يِمْࢡٜ، مبٛلْوٜ؞» 16ندٜنْ ݠٛلْ عُمِّ، دَرِ، ࢡَنغْتِ جُنغٛ مُمْ، وِعِ:
«إِسْرَاءِيلَعٜنْ عٜ يِمْࢡٜ عُمَّاتٛوجٜ غٛطّٜ، حُلْࢡٜ اَللَّه، نَنَنٜىٰطَمْ! 17اَللَّه مٛ يِمْࢡٜ إِسْرَاءِيلَ، سُࢡِ کَاکِرَاࢡٜ مٜىٰطٜنْ، مَوْنِنِ ࢡٜ يَاکٜ ࢡٜطٛنّٛ حَا لٜسْدِ مِصْرَ؞ عٛوُرْتِنِ ࢡٜ مِصْرَ بٜى بَاوْطٜ مُوطُمْ مَوْطٜ#غُرْتَاکِ 1:7؛ 12:51؞؞ 18دُوࢡِ شَݠَّنْطٜ نَيِ عٛمُࢩَنِ ࢡٜ ندٜرْ لَدّٜ#لِمْلٜ 14:34؛ تٛوکْتَاکِ تَوْرٜىٰتَ 1:31؞؞ 19عٛحَلْکِ لَامُوجِ جٛوٜىٰطِطِ حَا لٜسْدِ کَنَانَ، عٛمَرْنِ يِمْࢡٜ مَاکٛ لٜسْدِ مَنْ#تٛوکْتَاکِ تَوْرٜىٰتَ 7:1؛ يٛسُوَ 14:1؞؞ 20طُمْ ڢُو طُمْ وَطِ بَاکِنْ دُوࢡِ تٜىٰمٜطّٜ نَيِ عٜ شَݠَّنْطٜ جٛوِ؞
«ࢡَاوٛطٛنْ عٛحٛکِّ ࢡٜ عَلْکَالِعٜنْ حَا يٛتِّ زَمَنُ اَلنَّبِي سَمُيِلَ#عَلْکَالِعٜنْ 2:16؛ 1 سَمُيِلَ 3:20؞؞ 21ندٜنْ ࢡٜتٛرِمٛ لَامِيطٛ، اَللَّه حٛکِّ ࢡٜ سٛلْ ࢡِي کِسْ، غٛطّٛ لٜࢩٛلْ بٜنْيَمِنْ، عٛلَامَنِ ࢡٜ دُوࢡِ شَݠَّنْطٜ نَيِ#1 سَمُيِلَ 8:5؛ 10:21؞؞ 22ندٜ اَللَّه ࢡٛرْتِ سٛلْ لَامُ، عٛحٛکِّ نغُ دَاوُدَ، عٛلَامَنِ ࢡٜ؞ ندَا کٛ اَللَّه سٜىٰدِ دٛوْ دَاوُدَ، عٛوِعِ: دَاوُدَ ࢡِي يٜسَّ ڢٛتَّنِ يَمْ، عٛوَطَنْ کٛ نغِطْمِ ڢُو#1 سَمُيِلَ 13:14؛ 16:12؛ جَبُورَ 89:21؞؞ 23حَا دَࢩْغٛلْ دَاوُدَ عٛو، اَللَّه وَطَنِ إِسْرَاءِيلَعٜنْ کِسْنٛووٛ ڢٛدّٜ عِينَوٛلْ مُوطُمْ، کَنغْکٛ وٛنِ عِيسَى؞ 24دِغَ عِيسَى سِوَا وَرْغٛ، يُحَنَّ وَازِنِ إِسْرَاءِيلَعٜنْ ڢُو، ࢡٜتُوبَ، ࢡٜنجَࢡَ بَݠْتِسْمَ#مَرْکُسْ 1:4؛ لُکَ 3:3؞؞ 25ندٜ يُحَنَّ ࢡَدَکٜ تِمِّنْغٛ کُوغَلْ مُمْ، عٛوِعِ يِمْࢡٜ: عٛنْ تَمِّ مِنْ وٛنِ اَلْمَسِيحُ نَ؟ عَاعَ، نَا طُمْ مِنْ؞ عَمَّا وٛودِ غَرَنْطٛ ࢡَاوٛ عَمْ، مِ حٜعَايْ ڢِيسْتَنغٛ مٛ ݠَطٜ#مَتَّ 3:11؛ مَرْکُسْ 1:7؛ لُکَ 3:16؛ يُحَنَّ 1:20،27؞؞
26«يَا دٜىٰرْطِرَاࢡٜ عَمْ، دَࢩْغٛلْ إِبْرَاهِيمَ عٜ يِمْࢡٜ وٛطْࢡٜ حُلْࢡٜ اَللَّه، حَا مٜىٰطٜنْ اَللَّه نٜلْدِ حَبَرُ کِسْندَمْ طَعَمْ! 27عَمَّا يِمْࢡٜ عُرُسَلِيمَ بٜى مَوْࢡٜ مُوطُمْعٜنْ ݠَامَايْ کَنغْکٛ وٛنِ کِسْنٛووٛ، ࢡٜݠَامَايْ بٛلّٜ اَلنَّبِعٜنْ طٜ يِمْࢡٜ نجَنغَتَ ࢩَنْدٜ سِوْتٛرْدٜ ڢُو؞ کٛو نٛنْ ڢُو ࢡٜنغٛونغْطِنِ بٛلّٜ اَلنَّبِعٜنْ بٜى حِيتَاغٛ عِيسَى؞ 28کٛو ندٜ ࢡٜتَوَايْ دَلِيلَ حِيتَاغٛ مٛ کِيتَ مبَرٜىٰغٛ، ࢡٜتٛرِ ݠِلَاتُ عٛمبَرَ مٛ#مَتَّ 27:22-23؛ مَرْکُسْ 15:13-14؛ لُکَ 23:21-23؛ يُحَنَّ 19:15؞؞ 29ندٜ ࢡٜتِمِّنِ وَطُغٛ مٛ کٛ دٜڢْتٜ اَللَّه مبِعْنٛ دٛوْ مَاکٛ ڢُو، ࢡٜنجِݠِّنِمٛ دِغَ لٜغَّلْ، ندٜنْ ࢡٜمبَلِّنِمٛ ندٜرْ يٜنَاندٜ#مَتَّ 27:57-61؛ مَرْکُسْ 15:42-47؛ لُکَ 23:50-56؛ يُحَنَّ 19:38-42؞؞ 30عَمَّا اَللَّه عُمِّتِنِمٛ دِغَ مَايْدٜ؞ 31بَلْطٜ طُوطّٜ عٛوَنغَنِ يَحْدُنٛوࢡٜ بٜى مَاکٛ دِغَ غَلِيلِ حَا عُرُسَلِيمَ؞ جٛنْتَ کَمْࢡٜ نغٛنِ سٜىٰدٛوࢡٜ مَاکٛ حَا إِسْرَاءِيلَعٜنْ#کُوطٜ نٜلَاࢡٜ 1:3؞؞ 32مِنِنْ مِنْ طٛنْ نغَازِنَ عٛنْ لِنْجِيلَ: کٛ اَللَّه عِينَنِنٛ کَاکِرَاࢡٜ مٜىٰطٜنْ، 33عٛحٜبِّتِنَنِ عٜنْ طُمْ ڢُو، عٜنٜنْ ࢡِࢡّٜ مَࢡّٜ، ندٜ عٛعُمِّتِنِ عِيسَى، بَنَ کٛ وِنْدَ حَا يِمْرٜ جَبُورَ طِطَوْرٜ:
عَنْ وٛنِ ࢡِطّٛ عَمْ،
حَنْدٜ مِدَࢩِ مَ#جَبُورَ 2:7؞؞
34اَللَّه عُمِّتِنِمٛ دِغَ مَايْدٜ، نغَمْ تَا عٛمٜىٰطَ ࢩٛلُغٛ، بَنَ عٛوِعْنٛ:
مِبَرْکِطِنْتٜ بٜى بَرْکَاجِ عَمْ شٜنِيطِ عٜ کٛولْنِيطِ،
بَنَ مِوِعْنٛ دَاوُدَ#عٜسَايَ 55:3؞؞
35ڢَحِنْ بَنَ عٛوِعِ ندٜرْ عَايَاجٜ غٛطّٜ:
عَعَشَّتَا شٜنِيطٛ مَ ࢩٛلَ#جَبُورَ 16:10؞؞
36ندٜ دَاوُدَ حُووِ ندٜرْ زَمَنُ مُوطُمْ بَنَ جَوْمِرَاوٛ عُمْرِنٛ، عٛمَايِ، ࢡٜعُوِمٛ کٛمْبِ کَاکِرَاࢡٜ مَاکٛ، عٛࢩٛلِ؞ 37عَمَّا مٛ اَللَّه عُمِّتِنِ دِغَ مَايْدٜ، ࢩٛلَتَا؞ 38سٜيْ عَنْدٛنْ دٜىٰرْطِرَاࢡٜ، بَرْکَ مَاکٛ يَاڢُيٜ حَکّٜىٰجِ وَازِنَامَ عٛنْ؞ کٛو ندٜ تَوْرٜىٰتَ مُوسَى وَاوَتَا عَدِلِنغٛ عٛنْ، 39کَنغْکٛ عٛعَدِلِنَنْ کٛو مٛيْ نُطِّنِمٛ؞ 40کَدِ، کَکِّلٜ، تَا کٛ اَلنَّبِعٜنْ مبِعْنٛ حٜࢡَ عٛنْ:
41ندَارٜ، عٛنٛنْ مَوْنِتِيࢡٜ!
کَيْطِنٜ، کَلْکٜ!
نغَمْ کُوغَلْ نغَلْ مبَطَنْمِ ندٜرْ بَلْطٜ مٛوطٛنْ،
طُمْ کُوغَلْ نغَلْ عٛنْ نجَࢡَتَا نُطِّنْغٛ،
کٛو تٛ غٛطّٛ يٜشِّ عٛنْ حَبَرُ مَاجُمْ#عِبْرَنِنغْکٜعٜنْ 1:5؞!»
42ندٜ ݠٛلْ بٜى بَرْنَبَسْ طٛنْ نغُرْتٛ سُودُ دٜوَلْ يَحُودُعٜنْ، يِمْࢡٜ تٛرِ ࢡٜ، ࢡٜلٛرٛ ࢩَنْدٜ سِوْتٛرْدٜ وَرَنْدٜ بٛو، نغَمْ حَا ࢡٜلٛرْنَ بٛلّٜ طٜعٜ؞ 43ندٜ يِمْࢡٜ شَنغْکِتِ، يَحُودُعٜنْ طُوطْࢡٜ عٜ جَنَنْࢡٜ، حُلْࢡٜ اَللَّه، تٛکِّيࢡٜ دِينَ يَحُودُعٜنْ طُوطْࢡٜ تٛکِّ ݠٛلْ عٜ بَرْنَبَسْ؞ ࢡٜمبٛلْوَنِ ࢡٜ، شُوسْطِنِ ࢡٜ نغَمْ حَا ࢡٜتَبِتَ ندٜرْ مٛعّٜرٜ اَللَّه؞
44ندٜ ࢩَنْدٜ سِوْتٛرْدٜ وَطِ ڢَحِنْ، ࢡُرْنَ يِمْࢡٜ وُرٛ نغَرِ نَنُغٛ وٛلْدٜ اَللَّه؞ 45ندٜ يَحُودُعٜنْ نغِعِ يِمْࢡٜ طُوطِ، ࢡٜ کَاجِ مَسِنْ؞ ࢡٜنغٜدِّ وٛلْدٜ ݠٛلْ، ࢡٜکُطِمٛ؞ 46عَمَّا ݠٛلْ عٜ بَرْنَبَسْ مبٛلْوِ بٜى دَرْتَارٜ، ࢡٜمبِعِ: «دٛولٜ مِنْ عَارْتَ وٛلْوَنْغٛ عٛنْ وٛلْدٜ اَللَّه؞ عَمَّا ندٜ نِي عٛنْ شَلِ جَࢡُغٛ طُمْ، عٛنْ کِيتِ کٛعٜ مٛنْ عٛنْ کٜعَايْ حٜࢡُغٛ نغٜىٰندَمْ ندُومِيطَمْ، مِنْ عَشَّنْ عٛنْ، مِنْ نجَحَنْ حَا عُمَّاتٛوجٜ غٛطّٜ! 47نغَمْ کَنْجُمْ وٛنِ عُمْرٛورٜ ندٜ جَوْمِرَاوٛ عُمْرِ مِنْ، وِعِ:
مِوَطِ مَ عَ أَلنّٛورَ نغَمْ عُمَّاتٛوجٜ،
عَيَحْرَ کِسْندَمْ حَا کٜىٰرِ دُنِيَارُ#عٜسَايَ 42:6؛ 49:6؞؞»
48ندٜ يِمْࢡٜ عُمَّاتٛوجٜ نَنِ طُمْ، ࢡٜشٜيِ، ࢡٜمَنغْتِ وٛلْدٜ جَوْمِرَاوٛ؞ تَاسْکِتِنَاࢡٜ دِغَ ࢡٛويْمَ نغَمْ نغٜىٰندَمْ ندُومِيطَمْ ڢُو نُطِّنِ؞
49وٛلْدٜ اَللَّه سَنغْکِتِ کٛو تٛيْ حَا لٜسْدِ مَنْ؞ 50عَمَّا يَحُودُعٜنْ عُمِّنِ ࢡٜرْطٜ مَوْࢡٜ وُرٛ عٜ تٜدَّ-عَسْلِعٜنْ، رٜوْࢡٜ حُلْࢡٜ اَللَّه؞ ࢡٜعُمِّنِ ڢِتِنَ دٛوْ ݠٛلْ عٜ بَرْنَبَسْ، ࢡٜنغُرْتِنِ ࢡٜ لٜسْدِ مَࢡّٜ؞ 51ࢡٜݠِطِّ شٛلَّاجٜ کٛسْطٜ مَࢡّٜ#13:51 ڢِطُّغٛ شٛلَّاجٜ دٛوْ غٛطّٛ طُمْ لَارُغٛ مٛ بَنَ کٜىٰڢٜىٰرٛ؞ دٛوْ يِمْࢡٜ ࢡٜعٜ؞ ندٜنْ ࢡٜندِلِّ عِکٛنِيَ#مَتَّ 10:14؛ مَرْکُسْ 6:11؛ لُکَ 9:5؛ 10:11؞؞ 52عَمَّا ݠُکَرَعٜنْ#13:52 ݠُکَرَعٜنْ مَلَّ عَحِيࢡٜ؞ کٜىٰوِ سٜيٛ عٜ رُوحُ شٜنِيطٛ؞
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.