کُوطٜ نٜلَابٜٔ 17
17
نٜلَاࢡٜ نجٜحِ وُرٛ تٜسَّلٛنِيکِ
1ندٜ ࢡٜشَالِ عَمْڢِݠٛلِسْ عٜ عَݠٛلّٛنِيَ، ࢡٜنجٛتِّ حَا تٜسَّلٛنِيکِ؞ وٛودِ سُودُ دٜوَلْ يَحُودُعٜنْ تٛنْ؞ 2ݠٛلْ يٜحِ حَا سُودُ مَنْ بَنَ کٛ وٛووَ؞ ࢩَلْطٜ شِوْتٛرْطٜ تَتِ عٛطٛنْ حُجّٛتِرَ بٜى يَحُودُعٜنْ دٛوْ دٜڢْتٜرٜ اَللَّه؞ 3عٛطٛنْ ڢَامْتِنَ، عٛطٛنْ حٛلَّ ࢡٜ بٜى لَاࢡْطُمْ کٛ وٛلْدٜ اَللَّه وِعِ دٛوْ اَلْمَسِيحُ: سٜيْ عٛيَرَ بٛنٜ، عٛعُمِّتٛ دِغَ مَايْدٜ؞ ݠٛلْ وِعِ: «کَنغْکٛ وٛنِ اَلْمَسِيحُ عِيسَى مٛ مِوَازَتَ عٛنْ؞» 4وٛطْࢡٜ مَࢡّٜ نجَࢡِ بٛلّٜ طٜعٜ، کَوْتَنِ ݠٛلْ عٜ سِلَسْ؞ نٛنْ بٛو يُنَنِنغْکٜعٜنْ حُلْࢡٜ اَللَّه طُوطْࢡٜ عٜ رٜوْࢡٜ تٜدَّ-عَسْلِعٜنْ وٛطْࢡٜ؞
5عَمَّا يَحُودُعٜنْ کَاجِ ࢡٜ، کَوْتِ بُوطَاجٜ وٛنْࢡٜ حَا لُومٛ، ࢡٜعُمِّنِ ڢِتِنَ ندٜرْ وُرٛ؞ ࢡٜکِݠِّ سَارٜ يَسٛنْ، ࢡٜطٛنْ طَࢡِّتَ ݠٛلْ عٜ سِلَسْ حَا ࢡٜنغُرْتِنَ ࢡٜ، ࢡٜنغَرَ يٜىٰسٛ مٛوࢡْرٜ؞ 6عَمَّا ندٜ ࢡٜتَوَايْ ࢡٜ، ࢡٜندَسِ يَسٛنْ عٜ دٜىٰرْطِرَاࢡٜ وٛطْࢡٜ يٜىٰسٛ مَوْࢡٜ وُرٛ، ࢡٜکٛولِ، ࢡٜمبِعِ: «يِمْࢡٜ ࢡٜعٜ، عُمِّنِ جِيࢡْرٜ ندٜرْ دُنِيَارُ ڢُو! جٛنْتَ ࢡٜنغَرِ حَا وُرٛ مٜىٰطٜنْ، 7يَسٛنْ بٛو وٜىٰرْنِ ࢡٜ حَا سَارٜ مُمْ؞ ࢡٜنغٜوِ عُمْرٛوجٜ لَامِيطٛ رٛمَ بٜى وِعْغٛ وٛودِ لَامِيطٛ غٛطّٛ، بِعٜتٜىٰطٛ عِيسَى؞» 8ࢡٜشَکْلِ ࢡٜرْطٜ يِمْࢡٜ عٜ ࢡٜرْطٜ مَوْࢡٜ وُرٛ نَنْࢡٜ حَالَ کَعَ؞ 9يَسٛنْ عٜ وٛطْࢡٜ ندٛکِّ شٜىٰدٜ، ندٜنْ ࢡٜنجٛوڢِ ࢡٜ؞
نٜلَاࢡٜ نجٜحِ حَا بٜرٜيَ
10ندٜ جٜمَّ وَطِ، دٜىٰرْطِرَاࢡٜ نٜلِ ݠٛلْ عٜ سِلَسْ حَا بٜرٜيَ؞ ندٜ ࢡٜنجٛتِّ تٛنْ، ࢡٜنجٜحِ سُودُ دٜوَلْ يَحُودُعٜنْ؞ 11يِمْࢡٜ بٜرٜيَ لَاتَاکِ بَنَ يِمْࢡٜ تٜسَّلٛنِيکِ؞ کَمْࢡٜ ࢡٜنجَࢡِ وٛلْدٜ اَللَّه لَوْ؞ بَلْطٜ ڢُو ࢡٜطٛنْ لِࢩَ دٜڢْتٜ اَللَّه، حَا ࢡٜنغٛونغْطِنَ کٛ ݠٛلْ وٛلْوِ؞ 12طُوطْࢡٜ مَࢡّٜ نُطِّنِ؞ رٜوْࢡٜ يُنَنِنغْکٜعٜنْ#17:12 يُنَنِنغْکٜعٜنْ مَلَّ غِرٜکْعٜنْ؞ تٜدَّ-عَسْلِعٜنْ عٜ يُنَنِنغْکٜعٜنْ وٛرْࢡٜ طُوطْࢡٜ نُطِّنِ؞ 13عَمَّا ندٜ يَحُودُعٜنْ عِوْࢡٜ تٜسَّلٛنِيکِ نَنِ ݠٛلْ وَازِ وٛلْدٜ اَللَّه حَا بٜرٜيَ بٛو، ࢡٜنغَرِ، ࢡٜ نجِيࢡِ يِمْࢡٜ، ࢡٜعُمِّنِ ࢡٜرْطٜ مَࢡّٜ؞ 14لَوْ دٜىٰرْطِرَاࢡٜ بٛو طٛڢْتِ ݠٛلْ حَا ڢٛمٛوندٜ وٜىٰندُ، عَمَّا سِلَسْ عٜ تِمٛتٜ لُتِّ تٛنْ؞ 15طٛڢْتُࢡٜ ݠٛلْ نجَحْدِ بٜى مَاکٛ حَا يٛتِّ عَتٜىٰنَ، ندٜنْ ࢡٜلٛرِ بٜرٜيَ؞ ݠٛلْ نٜلِ ࢡٜ حَا سِلَسْ عٜ تِمٛتٜ حَا ࢡٜنغَرَ حَا مَاکٛ لَوْ؞
وَازُ ݠٛلْ حَا بٜرْنِوٛلْ عَتٜىٰنَ
16يَاکٜ ݠٛلْ طٛنّٛ رٜىٰنَ سِلَسْ عٜ تِمٛتٜ حَا عَتٜىٰنَ، ࢡٜرْندٜ مُمْ مٜتِّ ندٜ عٛيِعِ وُرٛ مَنْ طٛنْ حٜىٰوِ لَبِّ؞ 17نغَمْ مَاجُمْ عٛحُجّٛتِرِ بٜى يَحُودُعٜنْ عٜ يُنَنِنغْکٜعٜنْ حُلْࢡٜ اَللَّه ندٜرْ سُودُ دٜوَلْ يَحُودُعٜنْ؞ ࢩَلَادٜ ڢُو عٛطٛنْ حُجّٛتِرَ بٜى يِمْࢡٜ ࢡٜ عٛ تَوِ حَا لُومٛ بٛو؞ 18مَرْࢡٜ عَنْدٜ وِعٜتٜىٰࢡٜ عٜݠِکُرِعٜنْ عٜ سِتٛيْکِعٜنْ وٛطْࢡٜ بٛو کُجّٛتِرِ بٜى مَاکٛ؞ وٛطْࢡٜ مبِعِ: «طُمٜ طُوطَ-حَالَاجٛ عٛو يِطِ وِعْغٛ؟» وٛطْࢡٜ بٛو مبِعِ: «تٜىٰمَ عٛطٛنْ وٛلْوَ حَالَ طٛوَنْتٜىٰࢡٜ جَنَنْࢡٜ؞» ࢡٜمبِعِ طُمْ نغَمْ ݠٛلْ طٛنْ وَازِنَ لِنْجِيلَ عِيسَى عٜ عُمِّتِنٜىٰکِ مَايْࢡٜ؞ 19نغَمْ مَاجُمْ ࢡٜنَنغِمٛ، ࢡٜنجَحْرِمٛ حَا نٛکُّورٜ وِعٜتٜىٰندٜ عَرٜيٛݠَغُسْ، ࢡٜمبِعِ: «مِنْ نغِطِ عٜکِّتِنٛلْ کٜسٛلْ نغٛلْ عَعٜکِّتِنْتَ؞ 20عَطٛنْ وَنغِنَ حَالَ کٜسَ کَ مِنْ مٜىٰطَايْ نَنُغٛ طُمْ، مِنْ نغِطِ ڢَامُغٛ کَ؞» 21يِمْࢡٜ عَتٜىٰنَ عٜ جَنَنْࢡٜ جٛوطِيࢡٜ شَکَ مَࢡّٜ طٛنّٛ شُکْلِ لِمْتُغٛ عٜ نَنُغٛ حَالَاجِ کٜسِ؞
22ݠٛلْ دَرِ يٜىٰسٛ جَمَعَارٜ حَا عَرٜيٛݠَغُسْ، وِعِ: «يَا وٛرْࢡٜ عَتٜىٰنَ! مِيِعِ عٛنْ طٛنْ تِينِ سُکْلَنَاغٛ حَالَ دِينَ مٛنْ جَمُمْ؞ 23نغَمْ ندٜ مِطٛنْ وَانْشَ ندٜرْ وُرٛ مٛنْ، مِيِعِ کُوجٜ طٜ عٛنْ طٛنْ ندٜوَ، مِتَوِ نٛکُّورٜ دِينَ مٛوطٛنْ بٜى بِنْدِ طِعِ: نغَمْ طٛوَنْتٜىٰطٛ مٛ عَنْدَاکَ؞ کَدِ مٛ عٛنْ ندٜوَتَ، کٛو ندٜ عٛنْ عَنْدَا مٛ، حَالَ مَاکٛ مِوَازِنْتَ عٛنْ؞ 24اَللَّه تَغْطٛ دُنِيَارُ عٜ کٛ وٛنِ ندٜرْ مَارُ ڢُو، کَنغْکٛ وٛنِ جَوْمِرَاوٛ عَسَمَ عٜ لٜسْدِ، عٛجٛوطَتَاکٛ ندٜرْ شُوطِ دِينَ طٜ جُوطٜ يِمْࢡٜ مَحِ؞ 25عٛمَرَايْ حَاجٜ يِمْࢡٜ مبَطَنَ مٛ کٛو طُمٜ، نغَمْ کَنغْکٛ حٛکَّتَ کٛو مٛيْ يٛنغْکِ عٜ ݠٛوڢْطٜ عٜ کٛو طُمٜ ڢُو#1 لَامِيࢡٜ 8:27؛ عٜسَايَ 42:5؛ کُوطٜ نٜلَاࢡٜ 7:48؞؞ 26دِغَ غٛطّٛ غٛوتٛ عٛتَغْرِ عَسْلِ يِمْࢡٜ ڢُو حَا ࢡٜنجٛوطٛ حَا دُنِيَارُ ندُعُ ڢُو؞ عٛدَرْنِ وَکَّتِيجِ عٜ کٜىٰرِ جٛوندٜ مَࢡّٜ بٛو؞ 27عٛوَطِ طُمْ حَا ࢡٜطَࢡِّتَ مٛ، تٜىٰمَ ࢡٜمَاتَ مٛ ࢡٜتَوَ مٛ نغَمْ بٜى غٛونغَ اَللَّه دَايَاکِ کٛو مٛيْ مٜىٰطٜنْ، 28نغَمْ طُمْ وِعَ:
يٜىٰطُغٛ مٜىٰطٜنْ، دِمْبَاغٛ مٜىٰطٜنْ، لَاتَاغٛ مٜىٰطٜنْ،
ڢُو حَا مَاکٛ طُمْ عِوِ؞
بَنَ وٛطْࢡٜ حَا يِمٛوࢡٜ مٛنْ مبِعِ:
عٜنٜنْ بٛو عٜنْ دَࢩْغٛلْ مَاکٛ؞
29ندٜ نِي عٜنْ دَࢩْغٛلْ مَاکٛ، تَا عٜنْ نُمَ اَللَّه نَنْدِ بٜى سُورَاجِ طِ کَنغّٜىٰرِ عٜ شَرْدِ مَلَّ حَيْرٜ کٛ يِمْࢡٜ مبَطَتَ بٜى حَکِّيلٛ عٜ بَاوَلْ مُوطُمْعٜنْ؞ 30ࢡٛويْمَ اَللَّه مُࢩَنِ يِمْࢡٜ ندٜ ࢡٜعَنْدَانٛ حَالَ مُوطُمْ، عَمَّا جٛنْتَ عٛعُمْرِ يِمْࢡٜ کٛو تٛيْ ڢُو ࢡٜتُوبَ؞ 31نغَمْ عٛدَرْنِ ࢩَنْدٜ ندٜ عٛحِيتٛرْتٛ دُنِيَارُ ڢُو بٜى عَدِلَاکُ، بٜى غٛطّٛ مٛ عٛسُࢡِ؞ عٛغٛونغْطِنِرِ طُمْ يٜىٰسٛ يِمْࢡٜ ڢُو بٜى عُمِّتِنْغٛ مٛ دِغَ مَايْدٜ؞»
32ندٜ ࢡٜنَنِ ݠٛلْ طٛنْ وٛلْوَ حَالَ عُمِّتِنٜىٰکِ دِغَ مَايْدٜ، وٛطْࢡٜ نجَنْشِمٛ، عَمَّا وٛطْࢡٜ مبِعِ: «مِنْ نغِطِ عَوٛلْوَنَ مِنْ حَالَ کَعَ ڢَحِنْ؞» 33ندٜنْ ݠٛلْ وُرْتِ شَکَ مَࢡّٜ؞ 34وٛرْࢡٜ وٛطْࢡٜ بٛو نُطِّنِ، تٛکِّمٛ؞ طُمْ دِيٛنِسِيُسْ، غٛطّٛ عَرٜيٛݠَغُسْ عٜ دٜبّٛ بِعٜتٜىٰطٛ دَمَرِسْ عٜ يِمْࢡٜ ڢٜىٰرٜ؞
Currently Selected:
کُوطٜ نٜلَابٜٔ 17: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
کُوطٜ نٜلَابٜٔ 17
17
نٜلَاࢡٜ نجٜحِ وُرٛ تٜسَّلٛنِيکِ
1ندٜ ࢡٜشَالِ عَمْڢِݠٛلِسْ عٜ عَݠٛلّٛنِيَ، ࢡٜنجٛتِّ حَا تٜسَّلٛنِيکِ؞ وٛودِ سُودُ دٜوَلْ يَحُودُعٜنْ تٛنْ؞ 2ݠٛلْ يٜحِ حَا سُودُ مَنْ بَنَ کٛ وٛووَ؞ ࢩَلْطٜ شِوْتٛرْطٜ تَتِ عٛطٛنْ حُجّٛتِرَ بٜى يَحُودُعٜنْ دٛوْ دٜڢْتٜرٜ اَللَّه؞ 3عٛطٛنْ ڢَامْتِنَ، عٛطٛنْ حٛلَّ ࢡٜ بٜى لَاࢡْطُمْ کٛ وٛلْدٜ اَللَّه وِعِ دٛوْ اَلْمَسِيحُ: سٜيْ عٛيَرَ بٛنٜ، عٛعُمِّتٛ دِغَ مَايْدٜ؞ ݠٛلْ وِعِ: «کَنغْکٛ وٛنِ اَلْمَسِيحُ عِيسَى مٛ مِوَازَتَ عٛنْ؞» 4وٛطْࢡٜ مَࢡّٜ نجَࢡِ بٛلّٜ طٜعٜ، کَوْتَنِ ݠٛلْ عٜ سِلَسْ؞ نٛنْ بٛو يُنَنِنغْکٜعٜنْ حُلْࢡٜ اَللَّه طُوطْࢡٜ عٜ رٜوْࢡٜ تٜدَّ-عَسْلِعٜنْ وٛطْࢡٜ؞
5عَمَّا يَحُودُعٜنْ کَاجِ ࢡٜ، کَوْتِ بُوطَاجٜ وٛنْࢡٜ حَا لُومٛ، ࢡٜعُمِّنِ ڢِتِنَ ندٜرْ وُرٛ؞ ࢡٜکِݠِّ سَارٜ يَسٛنْ، ࢡٜطٛنْ طَࢡِّتَ ݠٛلْ عٜ سِلَسْ حَا ࢡٜنغُرْتِنَ ࢡٜ، ࢡٜنغَرَ يٜىٰسٛ مٛوࢡْرٜ؞ 6عَمَّا ندٜ ࢡٜتَوَايْ ࢡٜ، ࢡٜندَسِ يَسٛنْ عٜ دٜىٰرْطِرَاࢡٜ وٛطْࢡٜ يٜىٰسٛ مَوْࢡٜ وُرٛ، ࢡٜکٛولِ، ࢡٜمبِعِ: «يِمْࢡٜ ࢡٜعٜ، عُمِّنِ جِيࢡْرٜ ندٜرْ دُنِيَارُ ڢُو! جٛنْتَ ࢡٜنغَرِ حَا وُرٛ مٜىٰطٜنْ، 7يَسٛنْ بٛو وٜىٰرْنِ ࢡٜ حَا سَارٜ مُمْ؞ ࢡٜنغٜوِ عُمْرٛوجٜ لَامِيطٛ رٛمَ بٜى وِعْغٛ وٛودِ لَامِيطٛ غٛطّٛ، بِعٜتٜىٰطٛ عِيسَى؞» 8ࢡٜشَکْلِ ࢡٜرْطٜ يِمْࢡٜ عٜ ࢡٜرْطٜ مَوْࢡٜ وُرٛ نَنْࢡٜ حَالَ کَعَ؞ 9يَسٛنْ عٜ وٛطْࢡٜ ندٛکِّ شٜىٰدٜ، ندٜنْ ࢡٜنجٛوڢِ ࢡٜ؞
نٜلَاࢡٜ نجٜحِ حَا بٜرٜيَ
10ندٜ جٜمَّ وَطِ، دٜىٰرْطِرَاࢡٜ نٜلِ ݠٛلْ عٜ سِلَسْ حَا بٜرٜيَ؞ ندٜ ࢡٜنجٛتِّ تٛنْ، ࢡٜنجٜحِ سُودُ دٜوَلْ يَحُودُعٜنْ؞ 11يِمْࢡٜ بٜرٜيَ لَاتَاکِ بَنَ يِمْࢡٜ تٜسَّلٛنِيکِ؞ کَمْࢡٜ ࢡٜنجَࢡِ وٛلْدٜ اَللَّه لَوْ؞ بَلْطٜ ڢُو ࢡٜطٛنْ لِࢩَ دٜڢْتٜ اَللَّه، حَا ࢡٜنغٛونغْطِنَ کٛ ݠٛلْ وٛلْوِ؞ 12طُوطْࢡٜ مَࢡّٜ نُطِّنِ؞ رٜوْࢡٜ يُنَنِنغْکٜعٜنْ#17:12 يُنَنِنغْکٜعٜنْ مَلَّ غِرٜکْعٜنْ؞ تٜدَّ-عَسْلِعٜنْ عٜ يُنَنِنغْکٜعٜنْ وٛرْࢡٜ طُوطْࢡٜ نُطِّنِ؞ 13عَمَّا ندٜ يَحُودُعٜنْ عِوْࢡٜ تٜسَّلٛنِيکِ نَنِ ݠٛلْ وَازِ وٛلْدٜ اَللَّه حَا بٜرٜيَ بٛو، ࢡٜنغَرِ، ࢡٜ نجِيࢡِ يِمْࢡٜ، ࢡٜعُمِّنِ ࢡٜرْطٜ مَࢡّٜ؞ 14لَوْ دٜىٰرْطِرَاࢡٜ بٛو طٛڢْتِ ݠٛلْ حَا ڢٛمٛوندٜ وٜىٰندُ، عَمَّا سِلَسْ عٜ تِمٛتٜ لُتِّ تٛنْ؞ 15طٛڢْتُࢡٜ ݠٛلْ نجَحْدِ بٜى مَاکٛ حَا يٛتِّ عَتٜىٰنَ، ندٜنْ ࢡٜلٛرِ بٜرٜيَ؞ ݠٛلْ نٜلِ ࢡٜ حَا سِلَسْ عٜ تِمٛتٜ حَا ࢡٜنغَرَ حَا مَاکٛ لَوْ؞
وَازُ ݠٛلْ حَا بٜرْنِوٛلْ عَتٜىٰنَ
16يَاکٜ ݠٛلْ طٛنّٛ رٜىٰنَ سِلَسْ عٜ تِمٛتٜ حَا عَتٜىٰنَ، ࢡٜرْندٜ مُمْ مٜتِّ ندٜ عٛيِعِ وُرٛ مَنْ طٛنْ حٜىٰوِ لَبِّ؞ 17نغَمْ مَاجُمْ عٛحُجّٛتِرِ بٜى يَحُودُعٜنْ عٜ يُنَنِنغْکٜعٜنْ حُلْࢡٜ اَللَّه ندٜرْ سُودُ دٜوَلْ يَحُودُعٜنْ؞ ࢩَلَادٜ ڢُو عٛطٛنْ حُجّٛتِرَ بٜى يِمْࢡٜ ࢡٜ عٛ تَوِ حَا لُومٛ بٛو؞ 18مَرْࢡٜ عَنْدٜ وِعٜتٜىٰࢡٜ عٜݠِکُرِعٜنْ عٜ سِتٛيْکِعٜنْ وٛطْࢡٜ بٛو کُجّٛتِرِ بٜى مَاکٛ؞ وٛطْࢡٜ مبِعِ: «طُمٜ طُوطَ-حَالَاجٛ عٛو يِطِ وِعْغٛ؟» وٛطْࢡٜ بٛو مبِعِ: «تٜىٰمَ عٛطٛنْ وٛلْوَ حَالَ طٛوَنْتٜىٰࢡٜ جَنَنْࢡٜ؞» ࢡٜمبِعِ طُمْ نغَمْ ݠٛلْ طٛنْ وَازِنَ لِنْجِيلَ عِيسَى عٜ عُمِّتِنٜىٰکِ مَايْࢡٜ؞ 19نغَمْ مَاجُمْ ࢡٜنَنغِمٛ، ࢡٜنجَحْرِمٛ حَا نٛکُّورٜ وِعٜتٜىٰندٜ عَرٜيٛݠَغُسْ، ࢡٜمبِعِ: «مِنْ نغِطِ عٜکِّتِنٛلْ کٜسٛلْ نغٛلْ عَعٜکِّتِنْتَ؞ 20عَطٛنْ وَنغِنَ حَالَ کٜسَ کَ مِنْ مٜىٰطَايْ نَنُغٛ طُمْ، مِنْ نغِطِ ڢَامُغٛ کَ؞» 21يِمْࢡٜ عَتٜىٰنَ عٜ جَنَنْࢡٜ جٛوطِيࢡٜ شَکَ مَࢡّٜ طٛنّٛ شُکْلِ لِمْتُغٛ عٜ نَنُغٛ حَالَاجِ کٜسِ؞
22ݠٛلْ دَرِ يٜىٰسٛ جَمَعَارٜ حَا عَرٜيٛݠَغُسْ، وِعِ: «يَا وٛرْࢡٜ عَتٜىٰنَ! مِيِعِ عٛنْ طٛنْ تِينِ سُکْلَنَاغٛ حَالَ دِينَ مٛنْ جَمُمْ؞ 23نغَمْ ندٜ مِطٛنْ وَانْشَ ندٜرْ وُرٛ مٛنْ، مِيِعِ کُوجٜ طٜ عٛنْ طٛنْ ندٜوَ، مِتَوِ نٛکُّورٜ دِينَ مٛوطٛنْ بٜى بِنْدِ طِعِ: نغَمْ طٛوَنْتٜىٰطٛ مٛ عَنْدَاکَ؞ کَدِ مٛ عٛنْ ندٜوَتَ، کٛو ندٜ عٛنْ عَنْدَا مٛ، حَالَ مَاکٛ مِوَازِنْتَ عٛنْ؞ 24اَللَّه تَغْطٛ دُنِيَارُ عٜ کٛ وٛنِ ندٜرْ مَارُ ڢُو، کَنغْکٛ وٛنِ جَوْمِرَاوٛ عَسَمَ عٜ لٜسْدِ، عٛجٛوطَتَاکٛ ندٜرْ شُوطِ دِينَ طٜ جُوطٜ يِمْࢡٜ مَحِ؞ 25عٛمَرَايْ حَاجٜ يِمْࢡٜ مبَطَنَ مٛ کٛو طُمٜ، نغَمْ کَنغْکٛ حٛکَّتَ کٛو مٛيْ يٛنغْکِ عٜ ݠٛوڢْطٜ عٜ کٛو طُمٜ ڢُو#1 لَامِيࢡٜ 8:27؛ عٜسَايَ 42:5؛ کُوطٜ نٜلَاࢡٜ 7:48؞؞ 26دِغَ غٛطّٛ غٛوتٛ عٛتَغْرِ عَسْلِ يِمْࢡٜ ڢُو حَا ࢡٜنجٛوطٛ حَا دُنِيَارُ ندُعُ ڢُو؞ عٛدَرْنِ وَکَّتِيجِ عٜ کٜىٰرِ جٛوندٜ مَࢡّٜ بٛو؞ 27عٛوَطِ طُمْ حَا ࢡٜطَࢡِّتَ مٛ، تٜىٰمَ ࢡٜمَاتَ مٛ ࢡٜتَوَ مٛ نغَمْ بٜى غٛونغَ اَللَّه دَايَاکِ کٛو مٛيْ مٜىٰطٜنْ، 28نغَمْ طُمْ وِعَ:
يٜىٰطُغٛ مٜىٰطٜنْ، دِمْبَاغٛ مٜىٰطٜنْ، لَاتَاغٛ مٜىٰطٜنْ،
ڢُو حَا مَاکٛ طُمْ عِوِ؞
بَنَ وٛطْࢡٜ حَا يِمٛوࢡٜ مٛنْ مبِعِ:
عٜنٜنْ بٛو عٜنْ دَࢩْغٛلْ مَاکٛ؞
29ندٜ نِي عٜنْ دَࢩْغٛلْ مَاکٛ، تَا عٜنْ نُمَ اَللَّه نَنْدِ بٜى سُورَاجِ طِ کَنغّٜىٰرِ عٜ شَرْدِ مَلَّ حَيْرٜ کٛ يِمْࢡٜ مبَطَتَ بٜى حَکِّيلٛ عٜ بَاوَلْ مُوطُمْعٜنْ؞ 30ࢡٛويْمَ اَللَّه مُࢩَنِ يِمْࢡٜ ندٜ ࢡٜعَنْدَانٛ حَالَ مُوطُمْ، عَمَّا جٛنْتَ عٛعُمْرِ يِمْࢡٜ کٛو تٛيْ ڢُو ࢡٜتُوبَ؞ 31نغَمْ عٛدَرْنِ ࢩَنْدٜ ندٜ عٛحِيتٛرْتٛ دُنِيَارُ ڢُو بٜى عَدِلَاکُ، بٜى غٛطّٛ مٛ عٛسُࢡِ؞ عٛغٛونغْطِنِرِ طُمْ يٜىٰسٛ يِمْࢡٜ ڢُو بٜى عُمِّتِنْغٛ مٛ دِغَ مَايْدٜ؞»
32ندٜ ࢡٜنَنِ ݠٛلْ طٛنْ وٛلْوَ حَالَ عُمِّتِنٜىٰکِ دِغَ مَايْدٜ، وٛطْࢡٜ نجَنْشِمٛ، عَمَّا وٛطْࢡٜ مبِعِ: «مِنْ نغِطِ عَوٛلْوَنَ مِنْ حَالَ کَعَ ڢَحِنْ؞» 33ندٜنْ ݠٛلْ وُرْتِ شَکَ مَࢡّٜ؞ 34وٛرْࢡٜ وٛطْࢡٜ بٛو نُطِّنِ، تٛکِّمٛ؞ طُمْ دِيٛنِسِيُسْ، غٛطّٛ عَرٜيٛݠَغُسْ عٜ دٜبّٛ بِعٜتٜىٰطٛ دَمَرِسْ عٜ يِمْࢡٜ ڢٜىٰرٜ؞
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.