کُوطٜ نٜلَابٜٔ 8
8
سٛلْ ڢِتِنِ جَمَعَاجٜ نُطِّنْࢡٜ
1سٛلْ بٛو يٜرْدِ مبَرٜىٰکِ عٜتِيٜنْ؞ ࢩَنْدٜ مَنْ ڢِتِنَ شَاتُکَ عُکَّنِ جَمَعَارٜ نُطِّنْࢡٜ حَا عُرُسَلِيمَ؞ ࢡٜ ڢُو ࢡٜشَنغْکِتِ حَا کَوْيٜ يَحُدِيَ عٜ سَمَرِيَ، سٜيْ نٜلَاࢡٜ تَنْ لُتِّ؞ 2يِمْࢡٜ حُلْࢡٜ اَللَّه عُوِ عٜتِيٜنْ، ࢡٜمبٛيِمٛ مَسِنْ؞
3عَمَّا سٛلْ طَࢡِّ نَتِّنْغٛ جَمَعَارٜ نُطِّنْࢡٜ؞ عٛيٜحِ حَا شِعٜ#8:3 شِعٜ مَلَّ شَلَاجٜ؞، عٛنَنغِ نُطِّنْࢡٜ وٛرْࢡٜ عٜ رٜوْࢡٜ، عٛنَسْتِنِ ࢡٜ ندٜرْ ڢُرْسِنَ#کُوطٜ نٜلَاࢡٜ 22:4-5؛ 26:9-11؞#8:3 ڢُرْسِنَ مَلَّ يَنغَدَ؞؞
يِمْࢡٜ سَمَرِيَ نَنِ حَبَرُ عِيسَى
4نُطِّنْࢡٜ سَنغْکِتِيࢡٜ غٛ نغَازِ لِنْجِيلَ، حَا ࢡٜنجٜحِ ڢُو؞ 5ڢِلِݠْ يٜحِ حَا بٜرْنِوٛلْ سَمَرِيَ، عٛوَازِ يِمْࢡٜ حَبَرُ اَلْمَسِيحُ؞ 6مٛوࢡٜ يِمْࢡٜ کَوْتِ، نَنِ بٛلّٜ ڢِلِݠْ بٜى حَکِّيلٛ، نغِعِ بٛو کَايٜىٰڢِيجِ طِ عٛوَطِ؞ 7نغَمْ رُوحُوجِ شٛࢡْطِ نغُرْتِ دِغَ يِمْࢡٜ طُوطْࢡٜ بٜى غٛوکَالِ؞ جِيجِيࢡٜ عٜ وٛوسْࢡٜ طُوطْࢡٜ بٛو نجَمْطِتِ؞ 8يِمْࢡٜ سَمَرِيَ شٜيِ مَسِنْ؞
9وٛودِنٛ غٛطّٛ بِعٜتٜىٰطٛ سِمٛنْ ندٜرْ بٜرْنِوٛلْ نغٛعٛلْ؞ عٛطٛنّٛ حَيْطِنَ يِمْࢡٜ سَمَرِيَ بٜى حِيلَاجِ مَاکٛ؞ عٛوِعِ عٛ مَوْطٛ؞ 10نغَمْ مَاجُمْ يِمْࢡٜ ندٜرْ بٜرْنِوٛلْ ڢُو، مَوْࢡٜ عٜ لٜىٰسْࢡٜ طٛنّٛ نَنَ مٛ بٜى حَکِّيلٛ؞ ࢡٜمبِعِ: «کَنغْکٛ وٛنِ بَاوْطٜ اَللَّه بِعٜتٜىٰطٜ بَاوْطٜ مَوْطٜ؞» 11نٜىٰࢡِ عٛطٛنّٛ حَيْطِنَ ࢡٜ بٜى حِيلَاجِ مَاکٛ، نغَمْ مَاجُمْ ࢡٜنغٜرْدِمٛ؞ 12ندٜ ڢِلِݠْ وَازِ ࢡٜلِنْجِيلَ دٛوْ لَامُ اَللَّه عٜ دٛوْ عِنْدٜ عِيسَى اَلْمَسِيحُ، ࢡٜنُطِّنِ، وٛرْࢡٜ عٜ رٜوْࢡٜ ڢُو، ࢡٜنجَࢡِ بَݠْتِسْمَ؞ 13سِمٛنْ بٛو نُطِّنِ؞ ندٜ عٛجَࢡِ بَݠْتِسْمَ، عٛتٛکِّ ڢِلِݠْ، عٛحَيْطِنِ ندٜ عٛيِعِ عَلَامَاجِ عٜ کَايٜىٰڢِيجِ مَوْطِ طِ ڢِلِݠْ وَطَتَ؞
14ندٜ نٜلَاࢡٜ حَا عُرُسَلِيمَ نَنِ يِمْࢡٜ سَمَرِيَ نجَࢡِ وٛلْدٜ اَللَّه، ࢡٜنٜلِ ݠِيٜرْ عٜ يُحَنَّ حَا مَࢡّٜ؞ 15ندٜ ݠِيٜرْ عٜ يُحَنَّ نجٛتِّ تٛنْ، ࢡٜتٛرِ اَللَّه حَا عٛحٛکَّ ࢡٜ رُوحُ شٜنِيطٛ؞ 16نغَمْ يِمْࢡٜ سَمَرِيَ جَࢡِنٛ بَݠْتِسْمَ بٜى عِنْدٜ جَوْمِرَاوٛ عِيسَى، عَمَّا رُوحُ شٜنِيطٛ جِݠَّاکِنٛ کٛو دٛوْ غٛوتٛ مَࢡّٜ تَوٛنْ؞ 17ندٜنْ ݠِيٜرْ عٜ يُحَنَّ مبَلِّنِ جُوطٜ دٛوْ مَࢡّٜ، ࢡٜکٜࢡِ رُوحُ شٜنِيطٛ؞
18ندٜ سِمٛنْ يِعِ يِمْࢡٜ کٜࢡِ رُوحُ نغَمْ نٜلَاࢡٜ مبَلِّنِ جُوطٜ دٛوْ مَࢡّٜ، عٛحٛکِّ ݠِيٜرْ بٜى يُحَنَّ شٜىٰدٜ، 19عٛوِعِ ࢡٜ: «ندٛکّٜىٰطَمْ مِنْ بٛو بَاوْطٜ طٜعٜ، نغَمْ حَا مٛ مِوَلِّنَنِ طُمْ جُوطٜ عَمْ ڢُو، حٜࢡَ رُوحُ شٜنِيطٛ؞» 20عَمَّا ݠِيٜرْ جَابِمٛ: «اَللَّه حَلْکِدٜ بٜى شٜىٰدٜ مَاطَ ڢُو، نغَمْ عَنُمِ سٛودُغٛ دٛکَّلْ اَللَّه بٜى شٜىٰدٜ! 21عَوَلَا غٜطَلْ ندٜرْ حَالَ کَعَ سَمْ، نغَمْ ࢡٜرْندٜ مَ لَاࢡَايْ حَا يٜىٰسٛ اَللَّه؞ 22تُوبُ دٛوْ حَلّٜىٰندٜ مَ! تٛرَ اَللَّه! تٜىٰمَ عٛيَاڢَنْتٜ عَنِّيَ ࢡٜرْندٜ مَ کَلُّکَ کَعَ، 23نغَمْ مِيِعِ ࢡٜرْندٜ مَ طٛنْ حٜىٰوِ کَاجَلْ، عَ مَشُّطٛ حَلّٜىٰندٜ؞» 24ندٜنْ سِمٛنْ تٛرِ ݠِيٜرْ عٜ يُحَنَّ: «عُسٜنِ، تٛرَنٜىٰطَمْ جَوْمِرَاوٛ، نغَمْ تَا کٛ مبِعْطٛنْ وَرَنَمِّ؞»
25ݠِيٜرْ عٜ يُحَنَّ مبَطِ سٜىٰدَمْکُ، ࢡٜنغَازِ وٛلْدٜ جَوْمِرَاوٛ، ندٜنْ ࢡٜلٛرْتِ حَا عُرُسَلِيمَ؞ ندٜ ࢡٜطٛنْ کٛوتَ، ࢡٜنغَازِ لِنْجِيلَ حَا غُرٜ طُوطّٜ ندٜرْ سَمَرِيَ؞
ڢِلِݠْ بٜى عٜتِيٛݠِيَاجٛ#8:25 عٜتِيٛݠِيَاجٛ مَلَّ حَبَسِيجٛ؞
26مَلَاعِکَاجٛ جَوْمِرَاوٛ وِعِ ڢِلِݠْ: «عُمَّ، يَحْ حَا ڢٛمْبِنَ حَا لَاوٛلْ عُمّٛتٛونغٛلْ عُرُسَلِيمَ يَحُغٛ غَازَ؞» يِمْࢡٜ عَشِّنٛ تٛکَّاغٛ لَاوٛلْ نغٛعٛلْ؞ 27ڢِلِݠْ عُمِّ، يٜحِ؞ حَا تٛنْ عٛتَوِ عٜتِيٛݠِيَاجٛ: عٛ شٛرْتَاطٛ، عَرْدِيطٛ مَوْطٛ، کَلِيڢَاجٛ مَرْدِ لَامِيطٛ کَندَسْ دٜبّٛ مٛ لَامِ دٛوْ لٜسْدِ عٜتِيٛݠِيَ#8:27 عٜتِيٛݠِيَ مَلَّ حَبَسِ؞؞ عٛيَحْنٛ عُرُسَلِيمَ نغَمْ سُجِدَنْغٛ اَللَّه؞ 28عٛطٛنّٛ جٛوطِ ندٜرْ مٛوتَ ݠُشِّ مَاکٛ، عٛطٛنْ حٛوتَ؞ عٛطٛنّٛ جَنغَ دٜڢْتٜرٜ اَلنَّبِي عٜسَايَ؞ 29رُوحُ شٜنِيطٛ وِعِ ڢِلِݠْ: «ࢡَدِتَ مٛوتَ ݠُشِّ نغَعَ؞» 30ڢِلِݠْ دٛغِّ، جٛکِّمٛ، نَنِ عٛطٛنْ جَنغَ ندٜرْ دٜڢْتٜرٜ اَلنَّبِي عٜسَايَ، ندٜنْ عٛࢨَمِمٛ: «عَطٛنْ ڢَامَ کٛ عَجَنغَتَ نَ؟» 31عٜتِيٛݠِيَاجٛ وِعِ: «نٛيْ ݠَامْرَنْمِ ندٜ مِوَلَا ݠَامْتِنٛووٛ؟» عٛتٛرِ ڢِلِݠْ عٛوَعّٛ مٛوتَ ݠُشِّ، عٛجٛوطٛ کٛمْبِ مَاکٛ؞ 32ندَا کٛ عٛجَنغِ ندٜرْ دٜڢْتٜرٜ مَنْ:
«عٛطٛنْ بَنَ جَوْغٜلْ نغٜلْ ࢡٜنجَحْرَتَ حِرْسٜىٰغٛ؞
بَنَ مبَالُ مُوکَانغُ يٜىٰسٛ مٜکْسٛوࢡٜ غَاسَ مُوطُمْ،
نٛنْ عٛمَࢡِّتَايْ حُنْدُکٛ مَاکٛ؞
33ࢡٜلٜىٰسْتِنِمٛ، وَلَا جِنغُطٛ مٛ؞
مٛيْ وٛلْوَتَ حَالَ دَࢩْغٛلْ مَاکٛ؟
نغَمْ ࢡٜعِتِّ نغٜىٰندَمْ مَاکٛ دِغَ دُنِيَارُ#عٜسَايَ 53:7-8؞؞»
34عٜتِيٛݠِيَاجٛ وِعِ ڢِلِݠْ: «عُسٜنِ، يٜشَّمْ، دٛوْ مٛيْ اَلنَّبِيجٛ وٛلْوِ طُمْ؟ دٛوْ حٛورٜ مَاکٛ نَا مَلَّ دٛوْ غٛطّٛ؟» 35ڢِلِݠْ ڢُطِّ وٛلْوُغٛ دٛوْ عَايَاجٜ غٛ، عٛوَازِنِمٛ لِنْجِيلَ عِيسَى؞ 36ندٜ ࢡٜطٛنْ تٛکِّتِنَ جَحَانغَلْ مَࢡّٜ، ࢡٜنجٛتِّ نٛکُّورٜ ندِيَمْ؞ عٜتِيٛݠِيَاجٛ وِعِ: «ندَا ندِيَمْ، کٛ حَطَتَمِّ جَࢡُغٛ بَݠْتِسْمَ؟» [ 37ڢِلِݠْ وِعِمٛ: «طُمْ وَطٛتٛ تٛ عَنُطِّنِ بٜى ࢡٜرْندٜ وٛورٜ؞» عٛجَابِ: «مِنُطِّنِ عِيسَى اَلْمَسِيحُ وٛنِ ࢡِطّٛ اَللَّه؞»] 38ندٜنْ عٛعُمْرِ ࢡٜندَرْنَ مٛوتَ ݠُشِّ مَاکٛ؞ ࢡٜنجِݠّٛدِ ࢡٜ طِطٛ ڢُو ندٜرْ ندِيَمْ؞ ڢِلِݠْ وَطَنِمٛ بَݠْتِسْمَ؞ 39ندٜ ࢡٜنغُرْتِ ندِيَمْ، رُوحُ جَوْمِرَاوٛ وِڢْتِ ڢِلِݠْ؞ عٜتِيٛݠِيَاجٛ مٜىٰتَايْ يِعُغٛ مٛ؞ عٛتٛکِّتِنِ جَحَانغَلْ مَاکٛ بٜى سٜيٛ؞ 40ڢِلِݠْ تَوَامَ حَا عَسْدٛدْ؞ عٛتٛکِّ وَازَاغٛ لِنْجِيلَ حَا غُرٜ حَا عٛسَالِ ڢُو، حَا عٛيٛتِّ وُرٛ کَيْسَرِيَ؞
Currently Selected:
کُوطٜ نٜلَابٜٔ 8: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
