يُحَنَّ 1
1
اَلْمَسِيحُ بِعٜتٜىٰطٛ وٛلْدٜ
1حَا ڢُطَّمْ، وٛودِ بِعٜتٜىٰطٛ وٛلْدٜ؞ وٛلْدٜ مَنْ طٛنّٛ حَا کٛمْبِ اَللَّه، کَيْرٜ وٛنِ اَللَّه؞ 2ندٜ طٛنّٛ حَا کٛمْبِ اَللَّه دِغَ ڢُطَّمْ؞ 3اَللَّه تَغْرِ کٛو طُمٜ ڢُو بٜى مَارٜ، وَلَا کٛ تَغَ بِلَا مَارٜ؞ 4نغٜىٰندَمْ عِوِ حَا مَارٜ، نغٜىٰندَمْ مَنْ وٛنِ أَلنّٛورَ يِمْࢡٜ؞ 5أَلنّٛورَ طٛنْ يَيْنَ ندٜرْ ࢩِࢡْرٜ، عَمَّا ࢩِࢡْرٜ وَاوَايْ حَطُغٛ کَ#1:5 ࢩِࢡْرٜ وَاوَايْ حَطُغٛ کَ مَلَّ ࢩِࢡْرٜ جَࢡَايْ کَ مَلَّ بٛو ࢩِࢡْرٜ ڢَامَايْ کَ؞؞
6اَللَّه نٜلِ غٛطّٛ مٛ عِنْدٜ مُوطُمْ يُحَنَّ#مَتَّ 3:1؛ مَرْکُسْ 1:4؛ لُکَ 3:1-2؞؞ 7عٛوَرِ نغَمْ سٜىٰدَنَاغٛ أَلنّٛورَ غٛ، نغَمْ حَا يِمْࢡٜ ڢُو نُطِّنَ کَ؞ 8عٛلَاتَاکِ أَلنّٛورَ کَنغْکٛ بٜى حٛورٜ مَاکٛ، عَمَّا عٛوَرِ سٜىٰدَنَاغٛ أَلنّٛورَ؞ 9وٛلْدٜ غٛ وٛنِ أَلنّٛورَ نغٛونغْطُکَ، کَ وَرِ ندٜرْ دُنِيَارُ، کَ طٛنْ يَيْنَنَ يِمْࢡٜ ڢُو؞
10وٛلْدٜ مَنْ طٛنّٛ ندٜرْ دُنِيَارُ، اَللَّه تَغْرِ دُنِيَارُ بٜى مَارٜ، عَمَّا دُنِيَارُ عَنْدِتَايْ ندٜ؞ 11ندٜ وَرِ حَا يِمْࢡٜ مَارٜ، عَمَّا يِمْࢡٜ مَارٜ نجَࢡَايْ ندٜ؞ 12عَمَّا حَا جَࢡّٜ ندٜ، نُطِّنْࢡٜ ندٜ ڢُو، ندٜ حٛکِّ ࢡٜ بَاوْطٜ لَاتَاغٛ ࢡِࢡّٜ اَللَّه؞ 13ࢡٜندَࢩَاکَ ڢٛدّٜ طَبِيَ يِمْࢡٜ مَلَّ مُويٛ يِمْࢡٜ، عَمَّا طُمْ اَللَّه لَاتِنِ ࢡٜ ࢡِࢡّٜ مُوطُمْ؞
14وٛلْدٜ غٛ لَاتِ نٜطّٛ مَرْطٛ ࢡَنْدُ، عٛجٛوطِ شَکَ مٜىٰطٜنْ؞ عٛ کٜىٰوْطٛ مٛعّٜرٜ عٜ غٛونغَ؞ مِنْ نغِعِ تٜدُّنغَلْ مَاکٛ، طُمْ تٜدُّنغَلْ ࢡِطّٛ بَجّٛ مٛ بَابِرَاوٛ؞ 15يُحَنَّ سٜىٰدَنِمٛ، وٛلْوِ بٜى سَوْتُ، وِعِ: «کَنغْکٛ وٛنِ مٛ مِوٛلْوِ دٛوْ مُوطُمْ، مِوِعِ: عٛوَرَنْ ࢡَاوٛ عَمْ، عَمَّا عٛࢡُرِ يَمْ، نغَمْ عٛطٛنْ دِغَ مِسِوَا دَࢩٜىٰغٛ؞»
16عٜنْ ڢُو عٜنْ کٜࢡِ غٜطَلْ مٜىٰطٜنْ حَا جٜيْنِتَاجٜ مَاکٛ، عٜنْ کٜࢡِ مٛعّٜرٜ دٛوْ مٛعّٜرٜ؞ 17تَوْرٜىٰتَ حٛکَّامَ بٜى جُنغٛ مُوسَى، عَمَّا مٛعّٜرٜ عٜ غٛونغَ مبَنغِ بٜى عِيسَى اَلْمَسِيحُ؞ 18وَلَا مٛ مٜىٰطِ يِعُغٛ اَللَّه؞ عَمَّا ࢡِطّٛ بَجّٛ#1:18 ࢡِطّٛ بَجّٛ ڢَسَّرُويٜىٰجِ غٛطِّ ࢡٜسْدِ: مٛ وٛنِ اَللَّه؞، طَکّٛتِرْطٛ بٜى بَابِرَاوٛ، کَنغْکٛ عَنْدِنِ عٜنْ مٛ؞
وَازُ يُحَنَّ بَطٛووٛ بَݠْتِسْمَ
(مَتَّ 3:1-12؛ مَرْکُسْ 1:1-8؛ لُکَ 3:1-18)
19ندَا سٜىٰدَمْکُ يُحَنَّ ندٜ يَحُودُعٜنْ عُرُسَلِيمَ نٜلِ لِمَنْعٜنْ عٜ لٜوِعٜنْ حَا مَاکٛ نغَمْ ࢨَمُغٛ مٛ: «عَنْ عَ مٛيٜ؟» 20عٛسَلَاکِ جَابَاغٛ، عٛوَنغِنِ طُمْ لَاࢡْطُمْ، عٛوِعِ: «نَا مِنْ وٛنِ اَلْمَسِيحُ؞» 21ࢡٜࢨَمِمٛ: «عَ مٛيْ کَدِ؟ عَ إِلْيَاسُ نَ؟» عٛجَابِ: «عَاعَ، نَا مِعٜلِيَ؞» ࢡٜمبِعِ: «عَ اَلنَّبِيجٛ مٛ مِنْ ندٜىٰنَتَ نَ؟» عٛجَابِ: «عَاعَ#تٛوکْتَاکِ تَوْرٜىٰتَ 18:15،18؛ مَلَکِيَ 3:23؞؞» 22ࢡٜمبِعِمٛ: «عٜ عَ مٛيْ کَدِ؟ حَا مِنْ کٜࢡَ لٛرْنَنْغٛ نٜلْࢡٜ مِنْ جَاوَابُ؞ طُمٜ عَوِعَنْتَ حٛورٜ مَ، عَنْ؟» 23عٛجَابِ:
«مِنْ وٛنِ مٛ اَلنَّبِي عٜسَايَ وٛلْوِ دٛوْ مُوطُمْ، وِعِ:
غٛطّٛ طٛنْ حٛولَ ندٜرْ لَدّٜ، طٛنْ وِعَ:
مبَطَنٜ جَوْمِرَاوٛ لَاوٛلْ دَرْنُنغٛلْ#عٜسَايَ 40:3؞؞»
24نٜلَاࢡٜ وَرْࢡٜ حَا يُحَنَّ غٛ، طُمْ ڢَرِسَعٜنْ؞ 25ࢡٜࢨَمِمٛ: «تٛ عَلَاتَاکِ اَلْمَسِيحُ مَلَّ إِلْيَاسُ مَلَّ بٛو اَلنَّبِيجٛ غٛ، نغَمْ طُمٜ عَطٛنْ وَطَ بَݠْتِسْمَ؟» 26يُحَنَّ جَابِ ࢡٜ: «مِنْ مِطٛنْ وَطَ بَݠْتِسْمَ ندٜرْ ندِيَمْ، عَمَّا وٛودِ غٛطّٛ شَکَ مٛوطٛنْ، عٛنْ عَنْدَا مٛ؞ 27عٛوَرَنْ ࢡَاوٛ عَمْ، عَمَّا مِ حٜعَايْ کٛو ڢِيسْتُغٛ ࢡٛغِّ ݠَطٜ مَاکٛ؞»
28ڢُو طُمْ وَطِ حَا وُرٛ بَيْتَنِيَ، غَطَ مَايٛ عُرْدُنْ، حَا يُحَنَّ وَطَنْتَ يِمْࢡٜ بَݠْتِسْمَ؞
عِيسَى وٛنِ جَوْغٜلْ اَللَّه
29جَنغٛ مَنْ يُحَنَّ يِعِ عِيسَى طٛنْ وَرَ حَا مَاکٛ، عٛوِعِ: «ندَا جَوْغٜلْ اَللَّه عِتَّنْنغٜلْ حَکّٜىٰجِ دُنِيَارُ؞ 30کَنغْکٛ وٛنِ مٛ مِوٛلْوَنِ عٛنْ حَالَ مُمْ، مِوِعِ: غٛطّٛ وَرَنْ ࢡَاوٛ عَمْ، عَمَّا عٛࢡُرِ يَمْ، نغَمْ عٛطٛنْ دِغَ مِسِوَا دَࢩٜىٰغٛ؞ 31مِعَنْدَانٛ مٛ، عَمَّا مِوَرِ وَطُغٛ بَݠْتِسْمَ بٜى ندِيَمْ نغَمْ حَا عٛوَنغَنَ إِسْرَاءِيلَعٜنْ؞»
32يُحَنَّ وَطِ سٜىٰدَمْکُ، وِعِ ڢَحِنْ: «مِيِعِ رُوحُ اَللَّه جِݠِّ دِغَ عَسَمَ بَنَ ݠٛولَ، وَرِ جٛوطِ دٛوْ مَاکٛ؞ 33مِنْ مِعَنْدَانٛ مٛ، عَمَّا اَللَّه مٛ نٜلِ يَمْ وَطُغٛ بَݠْتِسْمَ بٜى ندِيَمْ، وِعِ يَمْ: عَيِعَنْ رُوحُ جِݠّٛتٛ، جٛوطٛ دٛوْ غٛطّٛ، کَنغْکٛ عٛوَطَنْ بَݠْتِسْمَ بٜى رُوحُ شٜنِيطٛ؞» 34مِنْ مِيِعِ طُمْ، مِسٜىٰدَکٜ کَنغْکٛ وٛنِ ࢡِطّٛ اَللَّه؞
ݠُکَرَعٜنْ عِيسَى عَارْتُࢡٜ
35جَنغٛ مَنْ يُحَنَّ طٛنّٛ دَرِ ڢَحِنْ حَا نٛکُّورٜ غٛ تَوٛنْ بٜى ݠُکَرَعٜنْ#1:35 ݠُکَرَعٜنْ مَلَّ عَحِيࢡٜ؞ مُوطُمْ طِطٛ؞ 36ندٜ عٛيِعِ عِيسَى طٛنْ سَالٛ، عٛوِعِ: «ندَا جَوْغٜلْ اَللَّه؞» 37ݠُکَرَعٜنْ طِطٛ غٛ نَنِ کٛ عٛوِعِ، ࢡٜتٛکِّ عِيسَى؞ 38عِيسَى يٜىٰسِتِ، يِعِ ࢡٜطٛنْ تٛکِّمٛ، عٛࢨَمِ ࢡٜ: «کٛ طَࢡِّتِتّٛنْ؟» ࢡٜمبِعِمٛ: «رَبِّ، تٛيْ نجٛوطِيطَا؟» رَبِّ يِطِ وِعْغٛ مٛودِبّٛ؞ 39عٛوِعِ ࢡٜ: «نغَرٜ، عٛنْ نغِعَنْ؞» ندٜنْ ࢡٜنجٜحِ، ࢡٜنغِعِ حَا عٛجٛوطِ؞ ࢩَنْدٜ مَنْ ࢡٜکِيرْتِدِ، طُمْ طٛنّٛ بَاکِنْ سَاعَ نَيِ؞
40عَندِرٜ دٜىٰرْطِرَاوٛ سِمٛنْ ݠِيٜرْ، عٛ غٛوتٛ ندٜرْ نَنْࢡٜ سٜىٰدَمْکُ يُحَنَّ، کَنغْکٛ عٛتٛکِّ عِيسَى؞ 41عَندِرٜ تَوِ دٜىٰرْطُمْ سِمٛنْ عَرَنْ، وِعِمٛ: «مِنْ تَوِ اَلْمَسِيحُ؞» اَلْمَسِيحُ يِطِ وِعْغٛ مٛيْتَاطٛ؞ 42عٛيَحْرِمٛ حَا عِيسَى؞ عِيسَى لَارِمٛ، وِعِ: «عَنْ وٛنِ سِمٛنْ ࢡِي يُحَنَّ، يٜىٰسٛ طٛ عِنْدٜ مَ لَاتٛتٛ کٜڢَسْ؞ کٜڢَسْ يِطِ وِعْغٛ تَݠَارٜ؞»
عِيسَى عٜوْنِ ڢِلِݠْ عٜ نَتَنَيٜلْ
43جَنغٛ مَنْ، عِيسَى يِطِ يَحُغٛ لٜسْدِ غَلِيلِ؞ عٛتَوِ ڢِلِݠْ، عٛوِعِمٛ: «تٛکَّمْ!» 44ڢِلِݠْ عِوِ وُرٛ بَيْتِسَيْدَ، وُرٛ مَاکٛ وٛوتٛ بٜى عَندِرٜ عٜ ݠِيٜرْ؞ 45ڢِلِݠْ بٛو تَوِ نَتَنَيٜلْ، وِعِمٛ: «مِنْ تَوِمٛ مُوسَى وٛلْوِ دٛوْ مُوطُمْ ندٜرْ تَوْرٜىٰتَ عٜ اَلنَّبِعٜنْ بٛو مبٛلْوِ حَالَ مَاکٛ، کَنغْکٛ وٛنِ عِيسَى مٛ نَسَرَتُ، ࢡِي يُوسُڢُ؞» 46نَتَنَيٜلْ وِعِمٛ: «حُوندٜ وٛوندٜ عِوَنْ دِغَ نَسَرَتُ نَ؟» ڢِلِݠْ وِعِ: «وَرْ، لَارْ!»
47ندٜ عِيسَى يِعِ نَتَنَيٜلْ طٛنْ وَرَ حَا مَاکٛ، عٛوٛلْوِ دٛوْ مَاکٛ، عٛوِعِ: «ندَا غٛطّٛ لَاتِيطٛ عِسْرَعِيلَاجٛ بٜى غٛونغَ، مٛ وَلَا نَاڢِکَارٜ سَمْ؞» 48نَتَنَيٜلْ ࢨَمِمٛ: «نٛيْ عَنْدِرْطَ مِ؟» عِيسَى جَابِمٛ: «مِيِعِ مَ ندٜ عَطٛنّٛ لٜسْ عِبِّ، دِغَ ڢِلِݠْ عٜوْنَاکِ مَ تَوٛنْ؞» 49ندٜنْ نَتَنَيٜلْ وِعِمٛ: «مٛودِبّٛ، عَنْ وٛنِ ࢡِطّٛ اَللَّه، عَنْ وٛنِ لَامِيطٛ إِسْرَاءِيلَ!» 50عِيسَى جَابِمٛ: «عَنُطِّنِ نغَمْ مِوِعِ مِيِعِ مَ لٜسْ عِبِّ نَ؟ عَيِعَنْ کُوجٜ ࢡُرَنْطٜ کُوجٜ طٜعٜ مَوْنُغٛ؞» 51عٛوِعِمٛ ڢَحِنْ: «غٛونغَ مِوِعٜتٜ، عٛنْ نغِعَنْ عَسَمَ مَࢡِّتَکٜ، مَلَاعِکَعٜنْ اَللَّه طٛنْ عٜىٰنغَ، طٛنْ نجِݠّٛ دٛوْ ࢡِي-نٜطّٛ#لَاتَانٛوجِ 28:12؞؞»#1:51 لَارْ لَاتَانٛوجِ 28:12؞
Currently Selected:
يُحَنَّ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
