يُحَنَّ 11
11
مَايْدٜ لَازَرُسْ
1وٛودِنٛ غٛطّٛ مٛ عِنْدٜ مُوطُمْ لَازَرُسْ، عٛࢩَوِ؞ وُرٛ مَاکٛ، بَيْتَنِيَ؞ طُمْ وُرٛ نغٛ مَرِيَمَ عٜ مَرْتَ دٜىٰرْطُمْ دٜبّٛ نغٛنِ حَا مُوطُمْ#لُکَ 10:38-39؞؞ 2مَرِيَمَ عٛ دٜبّٛ مٛ رُڢِنٛ عُورْدِ دٛوْ کٛسْطٜ جَوْمِرَاوٛ، مٛ يِغِّنٛ طٜ بٜى غَاسَ مُوطُمْ؞ لَازَرُسْ ࢩَوْطٛ عٛو، طُمْ دٜىٰرْطِيکٛ#يُحَنَّ 12:3؞؞ 3دٜىٰرْطِرَاࢡٜ رٜوْࢡٜ طِطٛ ࢡٜعٜ نٜلِ غٛطّٛ حَا عِيسَى، نغَمْ عٛوِعَ مٛ: «جَوْمِرَاوٛ، سٛوبَاجٛ مَاطَ ࢩَوْطٛ؞» 4ندٜ عِيسَى نَنِ طُمْ، عٛوِعِ: «ࢩَوُ نغُعُ مَايْنَتَا مٛ، عَمَّا نغُ وَنغِنَنْ تٜدُّنغَلْ اَللَّه، نغَمْ حَا ࢡِطّٛ اَللَّه تٜدِّنٜ دَلِيلَ مَنْ؞»
5عِيسَى يِطِ مَرْتَ عٜ مَرِيَمَ عٜ لَازَرُسْ؞ 6ندٜ عٛنَنِ لَازَرُسْ ࢩَوْطٛ، عٛڢَࢡِّ ࢩَلْطٜ طِطِ ڢَحِنْ حَا نٛکُّورٜ ندٜ عٛوٛنّٛ؞ 7ندٜنْ عٛوِعِ ݠُکَرَعٜنْ: «عٜنْ لٛرْتٛ حَا لٜسْدِ يَحُدِيَ؞» 8ݠُکَرَعٜنْ مبِعِمٛ: «مٛودِبّٛ، نٜىٰࢡَايْ يَحُودُعٜنْ طٛنّٛ طَࢡَّ ڢِطُغٛ مَ بٜى کَاعٜ، ندٜنْ عَيِطِ لٛرَاغٛ تٛنْ؟» 9عِيسَى جَابِ: «نَا وٛودِ سَاعِيجِ سَݠّٛ عٜ طِطِ ندٜرْ ࢩَلَوْمَارٜ؟ تٛ غٛطّٛ طٛنْ يَحَ بٜى ࢩَلَوْمَ، عٛڢٜرْغَتَاکٛ، نغَمْ عٛطٛنْ يِعَ أَلنّٛورَ دُنِيَارُ ندُعُ؞ 10عَمَّا تٛ غٛطّٛ طٛنْ يَحَ بٜى جٜمَّ، عٛڢٜرْغٛتٛ، نغَمْ عٛوَلَا أَلنّٛورَ ندٜرْ مَاکٛ؞» 11ࢡَاوٛ وٛلْوَنْغٛ ࢡٜ بٛلّٜ طٜعٜ، عٛࢡٜسْدِ وِعُغٛ ࢡٜ: «سٛوبَاجٛ مٜىٰطٜنْ لَازَرُسْ طَانَکٜ، عَمَّا مِيَحَنْ ڢِنْدِنغٛ مٛ؞» 12ݠُکَرَعٜنْ نجَابِمٛ: «جَوْمِرَاوٛ، تٛ عٛطَانَکٜ، عٛيَمْطِتَنْ؞» 13عِيسَى طٛنّٛ وٛلْوَ دٛوْ حَالَ مَايْدٜ لَازَرُسْ، عَمَّا ݠُکَرَعٜنْ تَمِّنٛ عٛطٛنْ وٛلْوَ حَالَ طٛيْنغٛلْ بٜى غٛونغَ؞ 14ندٜنْ عِيسَى وِعِ ࢡٜ بٜى لَاࢡْطُمْ: «لَازَرُسْ مَايِ؞ 15عَمَّا نغَمْ دَلِيلَ مٛوطٛنْ مِطٛنْ سٜيٛ نغَمْ مِوَلَا تٛنْ، نغَمْ حَا عٛنْ نُطِّنَ؞ جٛنْتَ کَمْ، ندِلّٜنْ حَا مَاکٛ؞» 16تٛمَسْ بِعٜتٜىٰطٛ شِوْتٛ وِعِ ݠُکَرَعٜنْ وٛطْࢡٜ: «ندِلّٜنْ تٛنْ عٜنٜنْ بٛو، نغَمْ عٜنْ مَايْدَ بٜى مَاکٛ؞»
عِيسَى وٛنِ عُمِّتِنٛووٛ عٜ غٜىٰطِنٛووٛ مَايْࢡٜ
17ندٜ عِيسَى يٛتِّ بَيْتَنِيَ، عٛتَوِ ࢡٜنَسْتِنِ ࢡَنْدُ لَازَرُسْ ندٜرْ يٜنَاندٜ، وَطِ ࢩَلْطٜ نَيِ؞ 18بَيْتَنِيَ ࢡَدِ بٜى عُرُسَلِيمَ، بَاکِنْ کِلٛمٜىٰتِرْ تَتِ؞ 19يَحُودُعٜنْ طُوطْࢡٜ نغَرِ حَا مَرْتَ عٜ مَرِيَمَ، نغَمْ دٜعِّتِنغٛ ࢡٜ نغَمْ مَايْدٜ دٜىٰرْطِرَاوٛ مَࢡّٜ؞
20ندٜ مَرْتَ نَنِ عِيسَى وَرِ، عٛدِلِّ ڢٛتّٛيْغٛ بٜى مَاکٛ، عَمَّا مَرِيَمَ جٛوطِ حَا سَارٜ؞ 21مَرْتَ وِعِ عِيسَى: «جَوْمِرَاوٛ، تٛ عَطٛنّٛ طٛ، دٜىٰرْطَمْ مَايَتَانٛ؞ 22عَمَّا مِعَنْدِ، کٛو جٛنْتَ بٛو، اَللَّه حٛکّٜتٜ کٛ عَتٛرٛتٛ مٛ ڢُو؞» 23عِيسَى وِعِمٛ: «دٜىٰرْطَ عُمِّتِتّٛ؞» 24مَرْتَ جَابِمٛ: «مِعَنْدِ عٛعُمِّتِتّٛ سَاعِ عُمِّتِنٜىٰکِ مَايْࢡٜ، ࢩَلَادٜ دَرْنغَلْ؞»
25عِيسَى وِعِمٛ: «مِنْ وٛنِ عُمِّتِنٛووٛ عٜ غٜىٰطِتِنٛووٛ؞ کٛو مٛيْ نُطِّنِ يَمْ يٜىٰطَنْ، کٛو تٛ عٛمَايِ بٛو؞ 26کٛو مٛيْ غٜىٰتٛ، نُطِّنْطٛ يَمْ، مَايَتَا سَمْ؞ عَنُطِّنِ طُمْ نَ؟» 27مَرْتَ جَابِمٛ: «عٛوحٛ، جَوْمِرَاوٛ، مِنُطِّنِ عَنْ، عَ اَلْمَسِيحُ، ࢡِطّٛ اَللَّه، غَرَنْطٛ ندٜرْ دُنِيَارُ؞»
عِيسَى عِلْنِ غٛنْطِ
28ࢡَاوٛ بٛلّٜ طٜعٜ، مَرْتَ لٛرِ حَا دٜىٰرْطُمْ مَرِيَمَ، وِعِمٛ بٜى سِرِّ: «مٛودِبّٛ وَرِ، عٛطٛنْ عٜوْنٜ؞» 29ندٜ مَرِيَمَ نَنِ طُمْ، عٛعُمِّ لَوْ، عٛيٜحِ حَا عِيسَى؞ 30عِيسَى نَسْتَايْنٛ وُرٛ تَوٛنْ، عٛطٛنْ حَا نٛکُّورٜ ندٜ مَرْتَ ڢٛتُّنٛ بٜى مَاکٛ؞ 31يَحُودُعٜنْ وٛندُنٛوࢡٜ بٜى مَرِيَمَ ندٜرْ سُودُ نغَمْ دٜعِّتِنغٛ مٛ نغِعِ عٛعُمِّ لَوْ، عٛوُرْتِ، ࢡٜتٛکِّمٛ؞ ࢡٜتَمِّ عٛيَحَنْ حَا يٜنَاندٜ نغَمْ وٛيُغٛ تٛنْ؞
32ندٜ مَرِيَمَ وَرِ حَا نٛکُّورٜ ندٜ عِيسَى وٛنِ، عٛيِعِمٛ، عٛحٛڢِ لٜسْ کٛسْطٜ مَاکٛ، عٛوِعِمٛ: «جَوْمِرَاوٛ، تٛ عَطٛنّٛ طٛ، دٜىٰرْطَمْ مَايَتَانٛ؞» 33ندٜ عِيسَى يِعِ عٛطٛنْ وٛيَ، يَحُودُعٜنْ وَرْدُࢡٜ بٜى مَاکٛ بٛو طٛنْ مبٛيَ، طُمْ عُمِّنِ ࢡٜرْندٜ مَاکٛ؞ 34عٛوِعِ: «حَا تٛيْ عٛنْ عُوِمٛ؟» ࢡٜنجَابِمٛ: «جَوْمِرَاوٛ، وَرْ لَارْ؞» 35عِيسَى عِلْنِ غٛنْطِ؞ 36يَحُودُعٜنْ مبِعِ: «کَيْ، ندَارٜ نٛ عٛيِطِرِمٛ!» 37عَمَّا وٛطْࢡٜ شَکَ مَࢡّٜ مبِعِ: «کَنغْکٛ مٛ وُمْتِنِ وُمْࢡٜ، عٛوَاوَتَانٛ حِسْنُغٛ لَازَرُسْ مَايْدٜ نَ؟»
لَازَرُسْ يٜىٰطِتِنَامَ
38ࢡٜرْندٜ عِيسَى عُمِّ ڢَحِنْ، عٛيٜحِ حَا يٜنَاندٜ؞ طُمْ لٛوٛلْ مَࢡَّانغٛلْ بٜى حَيْرٜ؞ 39عِيسَى وِعِ: «شٛتِّنٜ حَيْرٜ؞» مَرْتَ، دٜىٰرْطُ مَايْطٛ وِعِ: «جَوْمِرَاوٛ، عٛحَشَّنْ، نغَمْ عٛوَطِ ࢩَلْطٜ نَيِ ندٜرْ يٜنَاندٜ؞» 40عِيسَى وِعِمٛ: «مِوِعَايْنٛ مَ، تٛ عَنُطِّنِ، عَيِعَنْ تٜدُّنغَلْ اَللَّه نَ؟» 41ࢡٜشٛتِّنِ حَيْرٜ غٛ؞ عِيسَى تِجِّ عَسَمَ، وِعِ: «يَا بَابِرَاوٛ، مِيٜتِّ مَ نغَمْ عَنَنَنِ يَمْ؞ 42مِنْ کَمْ، مِعَنْدِ عَطٛنْ نَنَمِّ ڢٛرٛيْ، عَمَّا مِوِعِ طُمْ نغَمْ مٛوࢡْرٜ يِمْࢡٜ دَرِيࢡٜ حَا طٛ، نغَمْ حَا ࢡٜنُطِّنَ عَنْ نٜلِ يَمْ؞» 43ندٜ عٛوٛلْوِ بٛلّٜ طٜعٜ، عٛحٛولِ بٜى سَوْتُ: «لَازَرُسْ، وُرْتَ!» 44مَايْطٛ وُرْتِ، کٛسْطٜ عٜ جُوطٜ مَاکٛ طٛنْ تَارِ بٜى لٜݠِّ، يٜىٰسٛ مَاکٛ بٛو سَاوَانغٛ بٜى لٜݠّٛلْ؞ عِيسَى وِعِ ࢡٜ: «ݠِيسْتٜ مٛ، عَشّٜ مٛ عٛدِلَّ؞»
دَبَرٜ نَنغُغٛ عِيسَى
(مَتَّ 26:1-5؛ مَرْکُسْ 14:1-2؛ لُکَ 22:1-2)
45يَحُودُعٜنْ طُوطْࢡٜ وَرْࢡٜ حَا مَرِيَمَ نغِعِ کٛ عِيسَى وَطِ، ࢡٜنُطِّنِمٛ؞ 46عَمَّا وٛطْࢡٜ شَکَ مَࢡّٜ نجٜحِ حَا ڢَرِسَعٜنْ، نغٜشِّ ࢡٜ کٛ عِيسَى وَطِ؞ 47ڢَرِسَعٜنْ عٜ مَوْࢡٜ لِمَنْعٜنْ ندَوْرِدِ، مبِعِ: «طُمٜ عٜنْ مبَطَتَ؟ نغَمْ غٛرْکٛ عٛو طٛنْ وَطَ کَايٜىٰڢِيجِ طُوطِّ؞ 48تٛ عٜنْ عَشِّمٛ عٛطٛنْ وَطَ بَنَ نِي، يِمْࢡٜ ڢُو نُطِّنَنْ مٛ؞ ندٜنْ مَوْࢡٜ رٛمَعٜنْ نَسْتَنْࢡٜ حَالَ مَنْ، کَلْکَنْ حَيْکَلِيرُ مٜىٰطٜنْ عٜ عُمَّاتٛورٜ مٜىٰطٜنْ!» 49غٛوتٛ شَکَ مَࢡّٜ، مٛ عِنْدٜ مُوطُمْ کَيَڢَسْ، کَنغْکٛ وٛنِ حٛورٜىٰجٛ لِمَنْعٜنْ حِتَاندٜ مَنْ، وِعِ ࢡٜ: «عٛنٛنْ وَلَا کٛ عٛنْ ݠَامَتَ؞ 50عٛنْ ݠَامَتَا تٛ غٛطّٛ غٛوتٛ مَايِ نغَمْ جَمَعَارٜ ڢُو، طُمْ ࢡُرَنْ وٛوطُغٛ دٛوْ حَلْکٜرٜ عُمَّاتٛورٜ ڢُو نَ؟» 51عٛوٛلْوَايْ بٛلّٜ طٜعٜ بٜى نغِطَ مَاکٛ؞ عَمَّا ندٜ عٛ حٛورٜىٰجٛ لِمَنْعٜنْ حِتَاندٜ مَنْ، عٛوَطِ عَنَّبَاکُ، عٛوِعِ عِيسَى مَايَنْ نغَمْ عُمَّاتٛورٜ يَحُودُعٜنْ ڢُو، 52نَا نغَمْ عُمَّاتٛورٜ مَاجُمْ تَنْ، عَمَّا نغَمْ عٛحَوْتَ ࢡِࢡّٜ اَللَّه سَنغْکِتِيࢡٜ ڢُو بٛو؞
53دِغَ ࢩَنْدٜ مَنْ، مَوْࢡٜ يَحُودُعٜنْ کٛوعِ عَنِّيَ مبَرُغٛ عِيسَى؞ 54نغَمْ مَنْ عِيسَى مٜىٰتَايْ وَانْشُغٛ بٜى بَنغُطُمْ شَکَ يَحُودُعٜنْ؞ عٛدِلِّ حَا نٛکُّورٜ کٛمْبِ لَدّٜ، حَا وُرٛ وِعٜتٜىٰنغٛ عٜڢْرَيِمْ، تٛنْ عٛڢَࢡِّدِ بٜى ݠُکَرَعٜنْ مَاکٛ؞
55جُولْدٜ يَحُودُعٜنْ وِعٜتٜىٰندٜ ݠَسْکَ ࢡَدَکٜ، يِمْࢡٜ غُرٜ ڢٜىٰرٜ ڢٜىٰرٜ نجٜحِ عُرُسَلِيمَ دِغَ جُولْدٜ مَنْ سِوَا، نغَمْ ࢡٜشٜنَ کٛعٜ مَࢡّٜ؞ 56ࢡٜطٛنّٛ تٜڢَ عِيسَى، ࢡٜطٛنّٛ ࢨَمْࢨَمْتِرَ حَکُّندٜ مَࢡّٜ ندٜ ࢡٜطٛنّٛ ندَرِ ندٜرْ حَيْکَلِيرُ: «طُمٜ نُمْطٛنْ؟ عٛوَرَتَا جُولْدٜ سَمْ نَ؟» 57مَوْࢡٜ لِمَنْعٜنْ عٜ ڢَرِسَعٜنْ عُمْرِنٛ، تٛ غٛطّٛ عَنْدِ حَا عِيسَى وٛنِ، سٜيْ عٛڢٜڢْتَ مٛ نغَمْ ࢡٜنَنغَ مٛ؞
Currently Selected:
يُحَنَّ 11: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
