يُحَنَّ 19

1ندٜنْ ݠِلَاتُ عُمْرِ يِمْࢡٜ مُمْ ࢡٜکٛوشَ عِيسَى، ࢡٜࢡٛشَّ مٛ؞ 2سٛوجٜعٜنْ مبَمِ مٜىٰتَلٜىٰوٛلْ غِعٜ، ࢡٜنجٛعِّنِ طُمْ دٛوْ حٛورٜ عِيسَى، ࢡٜمٛجِمٛ مٛجَارٜ وٛطٜىٰرٜ؞ 3ࢡٜࢡَدِتِمٛ، ࢡٜمبِعِ‏: «اَللَّه وٛونَنٜ، لَامِيطٛ يَحُودُعٜنْ‏!» ࢡٜمَارِمٛ؞

4ݠِلَاتُ وُرْتِ ڢَحِنْ، وٛلْوَنِ يِمْࢡٜ، وِعِ‏: «ندَا، مِوُرْتِنَنْ مٛ حَا مٛوطٛنْ، نغَمْ حَا عٛنْ ݠَامَ مِتَوَايْ دَلِيلَ حِيتَاغٛ مٛ؞» 5ندٜنْ عِيسَى وُرْتِ، مٜىٰتَلٜىٰوٛلْ غِعٜ طٛنْ دٛوْ حٛورٜ مَاکٛ، عٛطٛنْ مٛجِ مٛجَارٜ وٛطٜىٰرٜ غٛ؞ ݠِلَاتُ وِعِ ࢡٜ‏: «ندَا مٛ؞» 6عَمَّا ندٜ لِمَنْعٜنْ عٜ عَيْنٛوࢡٜ نغِعِمٛ، ࢡٜنغٛوکِ، ࢡٜمبِعِ‏: «ࢡِلْ مٛ حَا لٜغَّلْ غَاڢَانغَلْ‏! ࢡِلْ مٛ‏!» ݠِلَاتُ وِعِ ࢡٜ‏: «کٛوشٜ مٛ عٛنٛنْ، ࢡِلٜ مٛ، نغَمْ مِنْ مِتَوَايْ دَلِيلَ حِيتَاغٛ مٛ؞» 7يَحُودُعٜنْ مبِعِمٛ‏: «مِنْ نغٛودِ عُمْرٛورٜ وٛورٜ؞ ڢٛدّٜ عُمْرٛورٜ مَنْ سٜيْ عٛمَايَ، نغَمْ عٛوَطِ حٛورٜ مَاکٛ عٛ ࢡِطّٛ اَللَّه؞»

8ندٜ ݠِلَاتُ نَنِ وٛلْدٜ ندٜعٜ، کُلٛلْ مَاکٛ ࢡٜسْدِ؞ 9عٛنَسْتِ سَارٜ ڢَحِنْ، عٛࢨَمِ عِيسَى‏: «تٛيْ عِوْطَا؟» عَمَّا عِيسَى جَابَاکِمٛ سَمْ؞ 10ݠِلَاتُ وِعِمٛ‏: «عَجَابَتَاکٛ يَمْ نَ؟ عَعَنْدَا مِوٛودِ بَاوْطٜ يٛوڢُغٛ مَ، مِوٛودِ بٛو بَاوْطٜ ࢡِلُغٛ مَ حَا لٜغَّلْ غَاڢَانغَلْ نَ؟» 11عِيسَى جَابِمٛ‏: «عَوَلَانٛ بَاوْطٜ دٛوْ عَمْ کٛو سٜطَّ، تٛ اَللَّه حٛکَّايْنٛ مَ طٜ؞ نغَمْ مَاجُمْ مٛ حٛکِّ يَمْ حَا جُنغٛ مَ، حَکّٜ مَاکٛ ࢡُرِ مَوْنُغٛ؞»

12دِغَ سَاعِ مَنْ ݠِلَاتُ تٜڢِ دَبَرٜ يٛوڢُغٛ عِيسَى؞ عَمَّا يَحُودُعٜنْ نغٛوکِ، مبِعِ‏: «تٛ عَيٛوڢِمٛ، ندٜنْ کَمْ نَا عَ سٛوبَاجٛ کَيْسَرَ لَامِيطٛ رٛمَ؞ کٛو مٛيْ وَطِ حٛورٜ مُوطُمْ لَامِيطٛ، عٛ کٛنّٜىٰجٛ کَيْسَرَ لَامِيطٛ رٛمَ؞» 13ندٜ ݠِلَاتُ نَنِ بٛلّٜ طٜعٜ، عٛوُرْتِنِ عِيسَى ڢَحِنْ، عٛجٛوطِ دٛوْ کٛرٛمْوَلْ کِيتَ، حَا نٛکُّورٜ وِعٜتٜىٰندٜ بٜى عِبْرَنِنغْکٜىٰرٜ غَبَّتَ، وَاتٛ تَنغْکٛلْ-کَاعٜ؞ 14طُمْ ࢩَلَادٜ تَاسْکَرَ جُولْدٜ ݠَسْکَ، دٜيْدٜيْ شَکَ ࢩَلَوْمَ؞ ݠِلَاتُ وِعِ يَحُودُعٜنْ‏: «ندَا لَامِيطٛ مٛوطٛنْ‏!» 15ࢡٜنغٛوکِ، ࢡٜمبِعِ‏: «مبَرْ مٛ، مبَرْ مٛ، ࢡِلْ مٛ حَا لٜغَّلْ غَاڢَانغَلْ؞» ݠِلَاتُ وِعِ ࢡٜ‏: «کَدِ مِࢡِلَ لَامِيطٛ مٛوطٛنْ نَ؟» مَوْࢡٜ لِمَنْعٜنْ نجَابِ‏: «مِنْ نغَلَا لَامِيطٛ ڢٜىٰرٜ، سٜيْ لَامِيطٛ کَيْسَرَ؞» 16ندٜنْ، ݠِلَاتُ حٛکِّ ࢡٜ عِيسَى حَا ࢡٜࢡِلَ مٛ حَا لٜغَّلْ غَاڢَانغَلْ؞ ࢡٜندِلِّرِمٛ؞

عِيسَى ࢡِلَامَ حَا لٜغَّلْ غَاڢَانغَلْ

(مَتَّ 27‏:32‏-44؛ مَرْکُسْ 15‏:21‏-32؛ لُکَ 23‏:26‏-43)

17عِيسَى وُرْتِ يَاسِ بٜرْنِوٛلْ، عٛطٛنْ رٛونْدِ غَاڢَانغَلْ مَاکٛ، حَا عٛيٛتِّ نٛکُّورٜ وِعٜتٜىٰندٜ بٜى عِبْرَنِنغْکٜىٰرٜ غٛلْغٛتَ، وَاتٛ غُمْبَلْ-حٛورٜ؞ 18حَا تٛنْ سٛوجٜعٜنْ ࢡِلِ عِيسَى حَا لٜغَّلْ غَاڢَانغَلْ؞ ࢡٜࢡِلْدِ وٛرْࢡٜ طِطٛ بٜى عِيسَى، غٛوتٛ حَا وَکٜىٰرٜ ࢩَامْرٜ، غٛوتٛ بٛو حَا وَکٜىٰرٜ نَنْدٜ، عِيسَى طٛنْ حَا شَکَ؞ 19ݠِلَاتُ وِنْدِ دٛوْ عَلُّحَ، عٛࢡِلِ طُمْ حَا غَاڢَانغَلْ؞ ندَا کٛ عٛوِنْدِ‏: «عِيسَى مٛ نَسَرَتُ، لَامِيطٛ يَحُودُعٜنْ؞» 20يَحُودُعٜنْ طُوطْࢡٜ نجَنغِ طُمْ، نغَمْ نٛکُّورٜ مَنْ دَايَاکِ بٜى بٜرْنِوٛلْ؞ بِنْدِ مَنْ وِنْدَامَ بٜى عِبْرَنِنغْکٜىٰرٜ عٜ رٛمَنغْکٜىٰرٜ عٜ يُنَنِنغْکٜىٰرٜ؞ 21عَمَّا مَوْࢡٜ لِمَنْعٜنْ يَحُودُعٜنْ مبِعِ ݠِلَاتُ‏: «تَا وِنْدُ‏: لَامِيطٛ يَحُودُعٜنْ، عَمَّا وِنْدُ‏: عٛوِعِ عٛ لَامِيطٛ يَحُودُعٜنْ؞» 22ݠِلَاتُ جَابِ ࢡٜ‏: «کٛ مِوِنْدِ، طُمْ تَبِتِ؞»

23ندٜ سٛوجٜعٜنْ تِمِّنِ ࢡِلُغٛ عِيسَى حَا لٜغَّلْ غَاڢَانغَلْ، ࢡٜکٛوشِ لِمْشٜ مَاکٛ، ࢡٜشٜنْدِ طٜ غٜࢡٜ نَيِ، سٛوجٜىٰجٛ ڢُو حٜࢡِ يٜࢡْرٜ وٛورٜ؞ ࢡٜکٛوشِ بٛو تٛغّٛورٜ مَاکٛ سَنْࢩَاندٜ دِغَ دٛوْ حَا لٜسْ بِلَا ࢩٛوغٛلْ؞ 24سٛوجٜعٜنْ مبِعِ حَکُّندٜ مُوطُمْعٜنْ‏: «تَا عٜنْ شٜىٰکَ تٛغّٛورٜ ندٜ، عَمَّا عٜنْ مبَطَ کُرْعُ نغَمْ عٜنْ ندَارَ مٛيْ حٜࢡَتَ ندٜ؞» بَنَ نِي کٛ دٜڢْتٜرٜ وِعِ، غٛونغْطِرِ‏:

«ࢡٜشٜنْدِ لِمْشٜ عَمْ حَکُّندٜ مَࢡّٜ،

ࢡٜمبَطِ کُرْعُ نغَمْ لِمْشٜ عَمْ؞»

بَنَ نِي سٛوجٜعٜنْ مبَطِ#جَبُورَ 22‏:19؞؞

25دَادَ عِيسَى عٜ دٜىٰرْطُمْ دٜبّٛ عٜ مَرِيَمَ دٜبّٛ کٛلٛݠَسْ عٜ مَرِيَمَ مٛ مَغْدَلَ، ࢡٜطٛنْ ندَرِ کٛمْبِ لٜغَّلْ غَاڢَانغَلْ حَا ࢡٜࢡِلِ عِيسَى؞ 26عِيسَى يِعِ دَادَ مُوطُمْ عٜ ݠُکَرَاجٛ مٛ عٛيِطِ طُمْ، ࢡٜطٛنْ ندَرٛدِ تٛنْ؞ عٛوِعِ دَادَ مَاکٛ‏: «دٜبّٛ، ندَا ࢡِطّٛ مَ؞» 27ندٜنْ عٛوِعِ ݠُکَرَاجٛ مَنْ‏: «ندَا دَادَ مَ؞» دِغَ سَاعِ مَنْ ݠُکَرَاجٛ مَنْ حٛوشِ مَرِيَمَ حَا سَارٜ مُوطُمْ؞

مَايْدٜ عِيسَى

(مَتَّ 27‏:5‏-56؛ مَرْکُسْ 15‏:33‏-41؛ لُکَ 23‏:44‏-49)

28ࢡَاوٛ مَاجُمْ، ندٜ عِيسَى عَنْدِ کُوجٜ ڢُو کٜبِّتِنَامَ، نغَمْ عٛغٛونغْطِنَ کٛ وِنْدَ ندٜرْ دٜڢْتٜرٜ، عٛوِعِ‏: «مِطٛمْطِ#جَبُورَ 69‏:22؛ 22‏:16؞؞» 29وٛودِ مبُلْکُ تٛنْ، کٜبِّنَانغُ عِنَبٛوجَمْ لَمُّطَمْ؞ ࢡٜشُووِ عِرِنْ سٛوسٛ ندٜرْ مَاجَمْ، ࢡٜمبَطِ طُمْ حَا ࢨٛمْبَلْ عِسٛݠْ، ࢡٜࢡَنغْتِ طُمْ حَا حُنْدُکٛ عِيسَى؞ 30ندٜ عِيسَى مٜتِّ لَمُّطَمْ، عٛوِعِ‏: «طُمْ ڢُو طُمْ تِمِّدِ؞» ندٜنْ عٛتُرِ حٛورٜ مَاکٛ، عٛمَايِ؞

سٛوجٜىٰجٛ يُوِ وُتُّدُ عِيسَى

31طُمْ ࢩَنْدٜ تَاسْکَرَ ࢩَلَادٜ سِوْتٛرْدٜ؞ يَحُودُعٜنْ نغِطَا ࢡَلِّ لُتَّ دٛوْ لٜطّٜ غَاڢَاطٜ ࢩَنْدٜ سِوْتٛرْدٜ نغَمْ ࢩَلَادٜ سِوْتٛرْدٜ مَنْ لَاتِ ࢩَلَادٜ مَوْندٜ حَا مَࢡّٜ؞ نغَمْ مَاجُمْ ࢡٜتٛرِ ݠِلَاتُ عٛعُمْرَ ࢡٜنغٜوَ کٛسْطٜ ࢡِلَاࢡٜ، ࢡٜنجِݠِّنَ ࢡَلِّ مَࢡّٜ؞ 32ندٜنْ سٛوجٜعٜنْ نغَرِ، ࢡٜنغٜوِ کٛسْطٜ عَرَنٛ، ندٜنْ ࢡٜنغٜوِ طٜ طِطَࢡٛ حَا ࢡِلْدَاࢡٜ بٜى عِيسَى دٛوْ لٜطّٜ غَاڢَاطٜ؞ 33ندٜ ࢡٜنجٛتِّ حَا عِيسَى، ࢡٜتَوِ عٛمَايِ، نغَمْ مَاجُمْ ࢡٜنغٜوَايْ کٛسْطٜ مَاکٛ؞ 34عَمَّا غٛوتٛ ندٜرْ سٛوجٜعٜنْ يُوِمٛ وُتُّدُ بٜى لَبّٛ، لَوْ ࢨِيࢨَمْ عٜ ندِيَمْ نغُرْتِ؞ 35غِعْطٛ سٜىٰدِ طُمْ، سٜىٰدَمْکُ مَاکٛ غٛونغَ، کَنغْکٛ بٛو عٛعَنْدِ غٛونغَ عٛوٛلْوِ، نغَمْ حَا عٛنٛنْ بٛو عٛنْ نُطِّنَ؞ 36طُمْ لَاتِ نٛنْ نغَمْ حٜبِّتِنغٛ کٛ دٜڢْتٜرٜ وِعِ‏: «ࢡٜنغٜوَتَا عِعٜ مَاکٛ کٛو غٛوتَلْ#غُرْتَاکِ 12‏:46؛ لِمْلٜ 9‏:12؛ جَبُورَ 34‏:21؞؞» 37عَايَارٜ ڢٜىٰرٜ بٛو وِعِ‏: «ࢡٜندَارَنْ مٛ ࢡٜنجُوِ#جٜکَرِيَ 12‏:10؛ وَحَيُ يُحَنَّ 1‏:7؞؞»

عِيسَى وَلِّنَامَ ندٜرْ يٜنَاندٜ

(مَتَّ 27‏:57‏-61؛ مَرْکُسْ 15‏:42‏-47؛ لُکَ 23‏:50‏-56)

38ࢡَاوٛ مَاجُمْ، يُوسُڢُ مٛ وُرٛ عَرِمَتِيَ تٛرِ ݠِلَاتُ دُنغَيٜىٰرٜ حٛوشُغٛ ࢡَنْدُ عِيسَى؞ يُوسُڢُ بٛو لَاتِنٛ ݠُکَرَاجٛ عِيسَى، عَمَّا بٜى سِرِّ، نغَمْ عٛطٛنّٛ حُلَ يَحُودُعٜنْ؞ ݠِلَاتُ دُنغَنِمٛ؞ عٛيٜحِ، عٛحٛوشِ ࢡَنْدُ عِيسَى؞ 39نِکٛدٜمُسْ مٛ يٜحِنٛ حَا عِيسَى جٜمَّارٜ وٛطْندٜ، کَنغْکٛ بٛو عٛوَرِ، عٛوَدِّ جِلِّنْدِرَاطُمْ عُورْدِ بَطَادِ عٜ لٜطّٜ عُورْطٜ، بَاکِنْ کِلٛ شَݠَّنْطٜ تَتِ#يُحَنَّ 3‏:1‏-2؞؞ 40کَمْࢡٜ طِطٛ ࢡٜکٛوشِ ࢡَنْدُ عِيسَى، ࢡٜشَاوِ ندُ بٜى لٜݠِّ، ࢡٜندُڢِ نٜبَّمْ عُورْطَمْ دٛوْ مَارُ، بَنَ يَحُودُعٜنْ مبٛووِ وَطُغٛ تٛ ࢡٜطٛنْ عُوَ مَايْطٛ؞ 41حَا کٛمْبِ نٛکُّورٜ ࢡٜࢡِلْنٛ عِيسَى، وٛودِ جَرْنٜ تٛنْ؞ ندٜرْ جَرْنٜ مَنْ وٛودِ يٜنَاندٜ حٜسْرٜ ندٜ ࢡٜمٜىٰطَايْ وَلِّنْغٛ مَايْطٛ ندٜرْ مُوطُمْ؞ 42حَا تٛنْ ࢡٜمبَلِّنِ ࢡَنْدُ عِيسَى، نغَمْ طُمْ ࢩَلَادٜ تَاسْکَرَ سِوْتٛرْدٜ يَحُودُعٜنْ عٜ يٜنَاندٜ مَنْ بٛو دَايَاکِ؞

Currently Selected:

يُحَنَّ 19: داَ

Highlight

Copy