يُحَنَّ 21
21
عِيسَى وَنغَنِ ݠُکَرَعٜنْ نجٛوٜىٰطِطٛ
1ࢡَاوٛ مَاجُمْ ڢَحِنْ عِيسَى وَنغَنِ ݠُکَرَعٜنْ مُوطُمْ حَا کٛمْبِ وٜىٰندُ تِبٜرِيَسْ؞ ندَا نٛ عٛوَنغِرَنِ ࢡٜ: 2سِمٛنْ ݠِيٜرْ عٜ تٛمَسْ بِعٜتٜىٰطٛ شِوْتٛ عٜ نَتَنَيٜلْ مٛ وُرٛ کَنَ ندٜرْ لٜسْدِ غَلِيلِ عٜ ࢡِࢡّٜ زٜبٜدٜ عٜ ݠُکَرَعٜنْ عِيسَى وٛطْࢡٜ طِطٛ، ڢُو طٛنْ کَوْتِ؞ 3سِمٛنْ ݠِيٜرْ وِعِ ࢡٜ: «مِدِلَّنْ وَاوٛيْغٛ لِطِّ؞» ࢡٜمبِعِمٛ: «مِنِنْ بٛو مِنْ نجَحْدَنْ بٜى مَاطَ؞» ࢡٜندِلِّ، ࢡٜنَسْتِ کٛومْبٛوَلْ#21:3 کٛومْبٛوَلْ مَلَّ لَانَوَلْ؞؞ عَمَّا جٜمَّارٜ مَنْ ڢُو ࢡٜنَنغَايْ کٛو لِينغُ#لُکَ 5:5؞؞ 4ندٜ ڢُطِّ وٜىٰتُغٛ، عِيسَى دَرِ حَا ڢٛمٛوندٜ، عَمَّا ݠُکَرَعٜنْ عَنْدَا طُمْ کَنغْکٛ؞ 5ندٜنْ عِيسَى ࢨَمِ ࢡٜ: «ࢡِکّٛيْ، عٛنْ کٜࢡِ ࢩَامْدُ نَ؟» ࢡٜنجَابِمٛ: «عَاعَ؞» 6عٛوِعِ ࢡٜ: «شَکِّنٜ زُبَاوٛلْ حَا وُتُّدُ کٛومْبٛوَلْ ࢩَامْرُ، عٛنْ کٜࢡَنْ؞» ࢡٜشَکِّنِ زُبَاوٛلْ، ࢡٜنَنغِ لِطِّ طُوطِّ مَسِنْ حَا ࢡٜمبَاوَايْ نَسْتِنْغٛ زُبَاوٛلْ ندٜرْ کٛومْبٛوَلْ#لُکَ 5:6؞؞
7ندٜنْ ݠُکَرَاجٛ مٛ عِيسَى يِطِ طُمْ وِعِ سِمٛنْ ݠِيٜرْ: «طُمْ جَوْمِرَاوٛ!» ندٜ سِمٛنْ ݠِيٜرْ نَنِ طُمْ، عٛࢡٛرْنِ لِمْشٜ مَاکٛ، نغَمْ عٛࢡٛرْتِنٛ طٜ، عٛدِوِ ندٜرْ ندِيَمْ؞ 8ݠُکَرَعٜنْ وٛطْࢡٜ نغَرِ بٜى کٛومْبٛوَلْ، ࢡٜطٛنْ ندَسَ زُبَاوٛلْ کٜىٰوْنغٛلْ لِطِّ غٛ، ࢡٜندَايَاکِنٛ ڢٛمٛوندٜ، ࢡُرَايْ مٜىٰتِرْ تٜىٰمٜرّٜ؞ 9ندٜ ࢡٜنغُرْتِ، ࢡٜنجِݠِّ حَا لٜسْدِ، ࢡٜنغِعِ يِيتٜ بٜى لِطِّ دٛوْ مَاغٜ عٜ تَمْسٜىٰجٜ؞ 10عِيسَى وِعِ ࢡٜ: «نغَدّٜ لِطِّ سٜطَّ ندٜرْ کٛ عٛنْ نَنغِ جٛنْتَ؞» 11سِمٛنْ ݠِيٜرْ نَسْتِ کٛومْبٛوَلْ، وُرْتِنِ زُبَاوٛلْ کٜىٰوْنغٛلْ لِطِّ مَوْطِ مَوْطِ، لِمْغَلْ مَاجِ تٜىٰمٜرّٜ عٜ شَݠَّنْطٜ جٛوِ عٜ تَتِ (153)؞ کٛو ندٜ طِ طُوطِّ بَنَ نٛنْ، زُبَاوٛلْ سٜىٰکَايْ؞ 12عِيسَى وِعِ ࢡٜ: «نغَرٜ، ࢩَامٜ؞» وَلَا کٛو غٛوتٛ ندٜرْ ݠُکَرَعٜنْ نُمِ ࢨَمُغٛ مٛ: «عَنْ عَ مٛيْ؟» نغَمْ ࢡٜعَنْدِ طُمْ جَوْمِرَاوٛ؞ 13عِيسَى ࢡَدِتِ ࢡٜ، حٛوعِ تَمْسٜىٰرٜ، حٛکِّ ࢡٜ، عٛحٛکِّ ࢡٜ لِطِّ بٛو؞ 14کَنْجُمْ وٛنِ وَنغَنْدٜ تَتَࢡْرٜ ندٜ عِيسَى وَنغَنِ ݠُکَرَعٜنْ مُوطُمْ، ࢡَاوٛ عٛعُمِّتِنَامَ شَکَ مَايْࢡٜ؞
عِيسَى عٜ ݠِيٜرْ
15ࢡَاوٛ ࢡٜࢩَامِ، عِيسَى وِعِ سِمٛنْ ݠِيٜرْ: «سِمٛنْ ࢡِي يُحَنَّ، عَيِطِ يَمْ کٛ ࢡُرِ ࢡٜعٜ طٛ نَ؟» عٛجَابِ: «عٛوحٛ، جَوْمِرَاوٛ، عَعَنْدِ مِيِطِ مَ؞» عِيسَى وِعِمٛ: «دُرُ ࢡِࢡّٜ بَالِ عَمْ؞» 16ندٜنْ عٛوٛلْوَنِمٛ طِطَوْرٜ، عٛࢨَمِ: «سِمٛنْ ࢡِي يُحَنَّ، عَيِطِ يَمْ نَ؟» عٛجَابِمٛ: «عٛوحٛ، عَعَنْدِ مِيِطِ مَ؞» عِيسَى وِعِمٛ: «لَاتَ غَيْنَاکٛ بَالِ عَمْ؞» 17عٛوٛلْوَنِمٛ تَتَࢡْرٜ: «سِمٛنْ ࢡِي يُحَنَّ، عَيِطِ يَمْ نَ؟» ݠِيٜرْ سُنِ ندٜ عِيسَى ࢨَمِمٛ ࢨَمٛلْ تَتَࢡٛلْ: «عَيِطِ يَمْ نَ؟» عٛجَابِمٛ: «جَوْمِرَاوٛ، عَنْ عَعَنْدِ کٛو طُمٜ ڢُو، عَعَنْدِ مِيِطِ مَ؞» عِيسَى وِعِمٛ: «دُرُ بَالِ عَمْ؞ 18غٛونغَ مِطٛنْ وِعٜ: يَاکٜ عَ دٜرْکٜىٰجٛنٛ، عَنْ بٜى حٛورٜ مَ عَطٛنْ تَادٛ تَادٛرْغٛلْ مَ، عَطٛنْ يَحَ حَا عَيِطِ ڢُو؞ عَمَّا تٛ عَندٛتِّدِ، عَڢٛرْتَنَنْ غٛطّٛ ڢٜىٰرٜ جُوطٜ مَ، کَنغْکٛ بٛو عٛتَادَنْتٜ تَادٛرْغٛلْ، عٛيَحْرٜتٜ حَا عَيِطَا؞» 19بٜى بٛلّٜ طٜعٜ عِيسَى يِطِ تِنْدِنغٛ عِرِنْ مَايْدٜ ندٜ ݠِيٜرْ تَمِّ مَايُغٛ نغَمْ تٜدِّنْغٛ اَللَّه؞ ندٜنْ عِيسَى وِعِمٛ: «تٛکَّمْ؞»
عِيسَى عٜ ݠُکَرَاجٛ غٛطّٛ
20ݠِيٜرْ يٜىٰسِتِ، يِعِ ݠُکَرَاجٛ مٛ عِيسَى يِطِ طُمْ طٛنْ وَرَ ࢡَاوٛ مَࢡّٜ، کَنغْکٛ ࢡَارِنٛ عِيسَى يَاکٜ ࢡٜطٛنّٛ ࢩَامَ، ࢨَمْنٛ مٛ: «جَوْمِرَاوٛ، مٛيْ زَمْبٛتٛ مَ#يُحَنَّ 13:25؞؟» 21ندٜ ݠِيٜرْ يِعِمٛ، عٛوِعِ عِيسَى: «جَوْمِرَاوٛ، عٜ نٛيْ عٛو طٛ، طُمٜ وَطَتَ مٛ؟» 22عِيسَى جَابِمٛ: «تٛ مِيِطِ عٛيٜىٰطَ حَا تٛ مِلٛرِ، کٛ يَالُ مَ؟ عَنْ کَمْ تٛکَّمْ!» 23حَالَ مَنْ سَنغْکِتِ شَکَ نُطِّنْࢡٜ، ࢡٜطٛنْ مبِعَ ݠُکَرَاجٛ عٛو مَايَتَا؞ عَلْحَالِ بٛو عِيسَى وِعَايْ ݠِيٜرْ: «ݠُکَرَاجٛ عٛو مَايَتَا؞» عَمَّا عٛوِعِمٛ: «تٛ مِيِطِ عٛيٜىٰطَ حَا تٛ مِلٛرِ، کٛ يَالُ مَ؟»
24ݠُکَرَاجٛ عٛو، کَنغْکٛ وٛنِ شٜىٰدٛووٛ کُبَرُوجِ طِعِ، عٛوِنْدِ طِ بٛو، مِنْ عَنْدِ سٜىٰدَمْکُ مَاکٛ طُمْ غٛونغَ؞
تِمّٛودٜ
25عِيسَى حُووِ کُوطٜ غٛطّٜ طُوطّٜ؞ تٛ طٜ مبِنْدَانٛ غٛوتَلْ غٛوتَلْ ڢُو، مِتَمِّ دُنِيَارُ وَاوَتَا جٛغَاغٛ دٜڢْتٜ مَنْ؞
Currently Selected:
يُحَنَّ 21: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
