لُکَ 14
14
عِيسَى يَمْطِتِنِ ࢩَوْطٛ
1 ࢩَنْدٜ سِوْتٛرْدٜ ڢٜىٰرٜ، عِيسَى يٜحِ سَارٜ غٛوتٛ ندٜرْ مَوْࢡٜ ڢَرِسَعٜنْ، نغَمْ عٛࢩَامَ تٛنْ؞ وٛنْࢡٜ تٛنْ عَيْنِمٛ؞ 2ندَا غٛطّٛ مٛ ࢡَنْدُ مُمْ عُݠِّ دَلِيلَ ࢩَوُ طٛنْ ندَرِ يٜىٰسٛ مَاکٛ؞ 3عِيسَى ࢨَمِ مٛودِࢡّٜ تَوْرٜىٰتَ عٜ ڢَرِسَعٜنْ، وِعِ: «طُمْ دُنغَاطُمْ يَمْطِتِنْغٛ ࢩَنْدٜ سِوْتٛرْدٜ نَ؟» 4ࢡٜنجٜىٰطِ؞ ندٜنْ عِيسَى جٛغِ ࢩَوْطٛ غٛ، يَمْطِتِنِمٛ، عَشِّمٛ عٛدِلَّ؞ 5ندٜنْ عٛوِعِ ࢡٜ: «مٛيْ شَکَ مٛوطٛنْ، تٛ ࢡِنغٜلْ مُمْ مَلَّ نغَارِ مُمْ يٛلَّکٜ ندٜرْ ࢡُلْندُ، وُرْتِنْتَا طُمْ لَوْ کٛو تٛ ࢩَنْدٜ سِوْتٛرْدٜ نَ#مَتَّ 12:11؞؟» 6ࢡٜمبَاوَايْ جَابَاغٛ مٛ کٛو طُمٜ دٛوْ مَاجُمْ؞
سُࢡُغٛ جٛولٜ تٜدُّطٜ عٜ عٜوْنَاغٛ يِمْࢡٜ حَا جُولْدٜ
7عِيسَى يِعِ نٛ عٜوْنَاࢡٜ شُࢡْرِ جٛولٜ تٜدُّطٜ، عٛوٛلْوَنِ ࢡٜ، عٛوِعِ: 8«تٛ غٛطّٛ عٜوْنَکٜ مَ حَا ࢩَامْدُوجِ ࢡَنغَلْ، تَا جٛوطٛيَ حَا بَبَلْ تٜدُّنغَلْ؞ تٜىٰمَ وٛودِ شَکَ عٜوْنَاࢡٜ مٛ ࢡُرِ مَ دَرَجَ؞ 9تَا مٛ عٜوْنِ عٛنْ طِطٛ ڢُو وَرَ وِعٜ: عَشَّنْ عٛو طٛ بَبَلْ نغَعَلْ؞ عَسٜمْتَنْ جٛوطٛيَاغٛ حَا بَبَلْ ࢡَاوٛوَلْ؞ 10عَمَّا تٛ عَعٜوْنَامَ، يَحْ جٛوطَ حَا بَبَلْ ࢡَاوٛوَلْ، حَا تٛ عٜوْنِيطٛ مَ وَرِ، وِعِ مَ: سٛوبَاجٛ عَمْ، وَرْ حَا جٛوندٜ ࢡُرْندٜ وٛوطُغٛ ندٜعٜ؞ طُمْ لَاتَنْتٜ تٜدُّنغَلْ يٜىٰسٛ ࢡٜ عَ ࢩَامْدَتَ ڢُو#بَلْندِ 25:6-7؞؞ 11نغَمْ مٛ مَوْنِنِ حٛورٜ مُمْ، عٛ لٜىٰسْتِنْتٜىٰطٛ، مٛ لٜىٰسْتِنِ حٛورٜ مُمْ بٛو، عٛ ࢡَنغْتٜتٜىٰطٛ#مَتَّ 23:12؛ لُکَ 18:14؞؞»
12ندٜنْ عٛوٛلْوَنِ بٛو عٜوْنِيطٛ مٛ غٛ: «تٛ عَوَطَنِ يِمْࢡٜ ࢩَامْدُوجِ کٛو ندٜيْ، تَا عٜوْنَ سٛوبِرَاࢡٜ مَ مَلَّ دٜىٰرْطِرَاࢡٜ مَ مَلَّ بَنْدِرَاࢡٜ مَ، کٛو حٜىٰدِّطِّرَاࢡٜ مَ رِسْکُࢡٜ، نغَمْ تَا ࢡٜعٜوْنٜ کَمْࢡٜ بٛو، ࢡٜمبَرْجٛ مَ؞ 13عَمَّا تٛ عَوَطِ ࢩَامْدُ جُولْدٜ، عٜوْنَ تَلَکَعٜنْ عٜ جِيجِيࢡٜ عٜ وٛوسْࢡٜ عٜ وُمْࢡٜ؞ 14عَحٜࢡَنْ بَرْکَ نغَمْ ࢡٜمبَاوَتَا وَرْجَاغٛ مَ؞ اَللَّه وَرْجٛتٛ مَ طُمْ ࢩَنْدٜ عُمِّتِنٜىٰکِ عَدِلِعٜنْ؞»
بَلْندٛلْ ࢩَامْدُ طُوطْندُ
(مَتَّ 22:1-10)
15ندٜ غٛوتٛ شَکَ ࢩَامْدَنْࢡٜ بٜى عِيسَى نَنِ بٛلّٜ طٜعٜ، عٛوِعِ: «بَرْکَ لَاتَنْتٛ ࢩَامَنْطٛ ࢩَامْدُ مُمْ ندٜرْ لَامُ اَللَّه؞» 16عِيسَى جَابِمٛ: «غٛطّٛ ڢٜىٰرٜ وَطِ ࢩَامْدُ طُوطْندُ، عٛعٜوْنِ يِمْࢡٜ طُوطْࢡٜ؞ 17وَکَّتِ ࢩَامُغٛ، عٛنٜلِ سُکَ مَاکٛ عٛوِعَ عٜوْنَاࢡٜ: نغَرٜ، نغَمْ کٛو طُمٜ ڢُو تَاسْکَکٜ؞ 18ࢡٜ ڢُو مَࢡّٜ ࢡٜݠُطِّ يٜلْدِتَاغٛ؞ عَرَنٛ وِعِ سُکَ غٛ: مِسٛودِ نغٜسَ، سٜيْ مِيَحَ مِلَارَ کَ، مِتٛرِ مَ، يَاڢَمْ؞ 19غٛطّٛ بٛو وِعِ: مِسٛودِ غَعِ سَݠّٛ شِنْدَاطِ طِطِ طِطِ، مِيِطِ لَارْندَاغٛ طِ، مِتٛرِ مَ، يَاڢَمْ؞ 20غٛطّٛ ڢٜىٰرٜ بٛو وِعِ: مِࢡَنغِ نٜىٰࢡَايْ، نغَمْ مَاجُمْ مِحٜࢡَتَا وَرْغٛ؞ 21سُکَ لٛرْتِ حَا جَاغٛرْطٛ مُوطُمْ، يٜشِّمٛ طُمْ ڢُو؞ ندٜنْ جَوْمُ سَارٜ ࢡٜرْنِ، وِعِ سُکَ مُوطُمْ: يَحْ لَوْ حَا دَلْدٜ وُرٛ عٜ حَا لَابِ، عٜوْنَ تَلَکَعٜنْ عٜ جِيجِيࢡٜ عٜ وُمْࢡٜ عٜ وٛوسْࢡٜ؞ 22سُکَ يٜحِ، وَرْتِ، وِعِ: جَاغٛرْطٛ، کٛ عَعُمْرِ وَطَامَ، عَمَّا بَبَلْ طٛنْ لُتِّ ڢَحِنْ؞ 23جَاغٛرْطٛ وِعِ سُکَ غٛ: يَحْ حَا بُووِ عٜ لَابِ کٛمْبِ غٜسٜ، دٛولُ يِمْࢡٜ ࢡٜ عَ ڢٛتَّتَ بٜى مُوطُمْعٜنْ ڢُو ࢡٜنَسْتَ، نغَمْ حَا سَارٜ عَمْ حٜىٰوَ؞ 24مِطٛنْ وِعَ عٛنْ: کٛو غٛوتٛ حَا عَارْتُࢡٜ عٜوْنٜىٰغٛ مٜتَّتَا ࢩَامْدُ عَمْ!»
نٛ غٛطّٛ لَاتٛرْتٛ ݠُکَرَاجٛ عِيسَى
(مَتَّ 10:37-38)
25مٛوࢡٜ طُوطّٜ ندِلِّدِ بٜى عِيسَى؞ عٛيٜىٰسِتِ، عٛوِعِ ࢡٜ: 26«تٛ غٛطّٛ وَرِ حَا عَمْ عٜ عٛࢡُرَايْ يِطُغٛ يَمْ دٛوْ بَابَ مَاکٛ عٜ دَادَ مَاکٛ عٜ دٜبّٛ مَاکٛ عٜ ࢡِکّٛيْ مَاکٛ عٜ دٜىٰرْطِرَاࢡٜ مَاکٛ وٛرْࢡٜ عٜ رٜوْࢡٜ، کٛو يٛنغْکِ مَاکٛ بٛو، عٛوَاوَتَا لَاتَاغٛ ݠُکَرَاجٛ عَمْ#مَتَّ 10:37؞؞ 27کٛو مٛيْ مٛ رٛونْدَاکِ غَاڢَانغَلْ مُمْ نغَمْ تٛکَّاغٛ يَمْ، وَاوَتَا لَاتَاغٛ ݠُکَرَاجٛ عَمْ#مَتَّ 10:38؛ 16:24؛ مَرْکُسْ 8:34؛ لُکَ 9:23؞؞ 28مٛيْ حَا مٛوطٛنْ، تٛ يِطِ مَحُغٛ سُودُ عَيْنِرْدُ، عٛجٛوطَتَاکٛ، عٛحِيمٛ کٛ عٛمَجِّنْتَ، عٛلَارَ تٛ عٛوَاوَنْ تِمِّنْغٛ؞ 29نغَمْ تَا عٛوَلِّنَ شَࢡَّوَلْ ندٜنْ عٛوَاوَايْ تِمِّنْغٛ، يِعْࢡٜ مٛ نجَنْشَنْ مٛ، مبِعَنْ: 30غٛرْکٛ عٛو ڢُطِّ مَحُغٛ، عٛوَاوَايْ تِمِّنْغٛ؞ 31مَلَّ لَامِيطٛ مٛيٜ، تٛ يِطِ يَحُغٛ وَطَ کٛنُ بٜى لَامِيطٛ غٛطّٛ، عٛجٛوطَتَاکٛ تَوٛنْ، عٛحِيمٛ، تٛ عٛوَاوَنْ يَحُغٛ بٜى يِمْࢡٜ عُجِنٜ سَݠّٛ، نغَمْ ڢٛتُّغٛ بٜى غَرَنَنْطٛ مٛ بٜى يِمْࢡٜ عُجِنٜ نٛوغَسْ؟ 32تٛ عٛوَاوَتَا، دِغَ لَامِيطٛ مَنْ طٛنْ دَايِ تَوٛنْ، عٛنٜلَنْ نٜلَاࢡٜ نغَمْ ࢨَمُغٛ نٛ ࢡٜشُلْحٛتِرَ؞ 33بَنَ نٛنْ حَا مٛوطٛنْ بٛو، مٛ عَشَّايْ جَوْدِ مُوطُمْ ڢُو، وَاوَتَا لَاتَاغٛ ݠُکَرَاجٛ عَمْ؞»
مَنْدَ طَمْ نَڢَتَا
(مَتَّ 5:13؛ مَرْکُسْ 9:50)
34«مَنْدَ وٛوطِ، عَمَّا تٛ لَمّٜىٰنغَ مَاجَمْ عِتَّکٜ، نٛيْ طَمْ حٜࢡْتِرْتَ لَمّٜىٰنغَ مَنْ ڢَحِنْ؟ 35طَمْ نَڢَتَا حَا لٜسْدِ، طَمْ نَڢَتَا نغَمْ کٛونَلْ، ࢡٜندُڢَنْ طَمْ يَاسِ؞ مٛ وٛودِ نٛݠِّ نَنُغٛ، نَنَ!»
Currently Selected:
لُکَ 14: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
لُکَ 14
14
عِيسَى يَمْطِتِنِ ࢩَوْطٛ
1 ࢩَنْدٜ سِوْتٛرْدٜ ڢٜىٰرٜ، عِيسَى يٜحِ سَارٜ غٛوتٛ ندٜرْ مَوْࢡٜ ڢَرِسَعٜنْ، نغَمْ عٛࢩَامَ تٛنْ؞ وٛنْࢡٜ تٛنْ عَيْنِمٛ؞ 2ندَا غٛطّٛ مٛ ࢡَنْدُ مُمْ عُݠِّ دَلِيلَ ࢩَوُ طٛنْ ندَرِ يٜىٰسٛ مَاکٛ؞ 3عِيسَى ࢨَمِ مٛودِࢡّٜ تَوْرٜىٰتَ عٜ ڢَرِسَعٜنْ، وِعِ: «طُمْ دُنغَاطُمْ يَمْطِتِنْغٛ ࢩَنْدٜ سِوْتٛرْدٜ نَ؟» 4ࢡٜنجٜىٰطِ؞ ندٜنْ عِيسَى جٛغِ ࢩَوْطٛ غٛ، يَمْطِتِنِمٛ، عَشِّمٛ عٛدِلَّ؞ 5ندٜنْ عٛوِعِ ࢡٜ: «مٛيْ شَکَ مٛوطٛنْ، تٛ ࢡِنغٜلْ مُمْ مَلَّ نغَارِ مُمْ يٛلَّکٜ ندٜرْ ࢡُلْندُ، وُرْتِنْتَا طُمْ لَوْ کٛو تٛ ࢩَنْدٜ سِوْتٛرْدٜ نَ#مَتَّ 12:11؞؟» 6ࢡٜمبَاوَايْ جَابَاغٛ مٛ کٛو طُمٜ دٛوْ مَاجُمْ؞
سُࢡُغٛ جٛولٜ تٜدُّطٜ عٜ عٜوْنَاغٛ يِمْࢡٜ حَا جُولْدٜ
7عِيسَى يِعِ نٛ عٜوْنَاࢡٜ شُࢡْرِ جٛولٜ تٜدُّطٜ، عٛوٛلْوَنِ ࢡٜ، عٛوِعِ: 8«تٛ غٛطّٛ عٜوْنَکٜ مَ حَا ࢩَامْدُوجِ ࢡَنغَلْ، تَا جٛوطٛيَ حَا بَبَلْ تٜدُّنغَلْ؞ تٜىٰمَ وٛودِ شَکَ عٜوْنَاࢡٜ مٛ ࢡُرِ مَ دَرَجَ؞ 9تَا مٛ عٜوْنِ عٛنْ طِطٛ ڢُو وَرَ وِعٜ: عَشَّنْ عٛو طٛ بَبَلْ نغَعَلْ؞ عَسٜمْتَنْ جٛوطٛيَاغٛ حَا بَبَلْ ࢡَاوٛوَلْ؞ 10عَمَّا تٛ عَعٜوْنَامَ، يَحْ جٛوطَ حَا بَبَلْ ࢡَاوٛوَلْ، حَا تٛ عٜوْنِيطٛ مَ وَرِ، وِعِ مَ: سٛوبَاجٛ عَمْ، وَرْ حَا جٛوندٜ ࢡُرْندٜ وٛوطُغٛ ندٜعٜ؞ طُمْ لَاتَنْتٜ تٜدُّنغَلْ يٜىٰسٛ ࢡٜ عَ ࢩَامْدَتَ ڢُو#بَلْندِ 25:6-7؞؞ 11نغَمْ مٛ مَوْنِنِ حٛورٜ مُمْ، عٛ لٜىٰسْتِنْتٜىٰطٛ، مٛ لٜىٰسْتِنِ حٛورٜ مُمْ بٛو، عٛ ࢡَنغْتٜتٜىٰطٛ#مَتَّ 23:12؛ لُکَ 18:14؞؞»
12ندٜنْ عٛوٛلْوَنِ بٛو عٜوْنِيطٛ مٛ غٛ: «تٛ عَوَطَنِ يِمْࢡٜ ࢩَامْدُوجِ کٛو ندٜيْ، تَا عٜوْنَ سٛوبِرَاࢡٜ مَ مَلَّ دٜىٰرْطِرَاࢡٜ مَ مَلَّ بَنْدِرَاࢡٜ مَ، کٛو حٜىٰدِّطِّرَاࢡٜ مَ رِسْکُࢡٜ، نغَمْ تَا ࢡٜعٜوْنٜ کَمْࢡٜ بٛو، ࢡٜمبَرْجٛ مَ؞ 13عَمَّا تٛ عَوَطِ ࢩَامْدُ جُولْدٜ، عٜوْنَ تَلَکَعٜنْ عٜ جِيجِيࢡٜ عٜ وٛوسْࢡٜ عٜ وُمْࢡٜ؞ 14عَحٜࢡَنْ بَرْکَ نغَمْ ࢡٜمبَاوَتَا وَرْجَاغٛ مَ؞ اَللَّه وَرْجٛتٛ مَ طُمْ ࢩَنْدٜ عُمِّتِنٜىٰکِ عَدِلِعٜنْ؞»
بَلْندٛلْ ࢩَامْدُ طُوطْندُ
(مَتَّ 22:1-10)
15ندٜ غٛوتٛ شَکَ ࢩَامْدَنْࢡٜ بٜى عِيسَى نَنِ بٛلّٜ طٜعٜ، عٛوِعِ: «بَرْکَ لَاتَنْتٛ ࢩَامَنْطٛ ࢩَامْدُ مُمْ ندٜرْ لَامُ اَللَّه؞» 16عِيسَى جَابِمٛ: «غٛطّٛ ڢٜىٰرٜ وَطِ ࢩَامْدُ طُوطْندُ، عٛعٜوْنِ يِمْࢡٜ طُوطْࢡٜ؞ 17وَکَّتِ ࢩَامُغٛ، عٛنٜلِ سُکَ مَاکٛ عٛوِعَ عٜوْنَاࢡٜ: نغَرٜ، نغَمْ کٛو طُمٜ ڢُو تَاسْکَکٜ؞ 18ࢡٜ ڢُو مَࢡّٜ ࢡٜݠُطِّ يٜلْدِتَاغٛ؞ عَرَنٛ وِعِ سُکَ غٛ: مِسٛودِ نغٜسَ، سٜيْ مِيَحَ مِلَارَ کَ، مِتٛرِ مَ، يَاڢَمْ؞ 19غٛطّٛ بٛو وِعِ: مِسٛودِ غَعِ سَݠّٛ شِنْدَاطِ طِطِ طِطِ، مِيِطِ لَارْندَاغٛ طِ، مِتٛرِ مَ، يَاڢَمْ؞ 20غٛطّٛ ڢٜىٰرٜ بٛو وِعِ: مِࢡَنغِ نٜىٰࢡَايْ، نغَمْ مَاجُمْ مِحٜࢡَتَا وَرْغٛ؞ 21سُکَ لٛرْتِ حَا جَاغٛرْطٛ مُوطُمْ، يٜشِّمٛ طُمْ ڢُو؞ ندٜنْ جَوْمُ سَارٜ ࢡٜرْنِ، وِعِ سُکَ مُوطُمْ: يَحْ لَوْ حَا دَلْدٜ وُرٛ عٜ حَا لَابِ، عٜوْنَ تَلَکَعٜنْ عٜ جِيجِيࢡٜ عٜ وُمْࢡٜ عٜ وٛوسْࢡٜ؞ 22سُکَ يٜحِ، وَرْتِ، وِعِ: جَاغٛرْطٛ، کٛ عَعُمْرِ وَطَامَ، عَمَّا بَبَلْ طٛنْ لُتِّ ڢَحِنْ؞ 23جَاغٛرْطٛ وِعِ سُکَ غٛ: يَحْ حَا بُووِ عٜ لَابِ کٛمْبِ غٜسٜ، دٛولُ يِمْࢡٜ ࢡٜ عَ ڢٛتَّتَ بٜى مُوطُمْعٜنْ ڢُو ࢡٜنَسْتَ، نغَمْ حَا سَارٜ عَمْ حٜىٰوَ؞ 24مِطٛنْ وِعَ عٛنْ: کٛو غٛوتٛ حَا عَارْتُࢡٜ عٜوْنٜىٰغٛ مٜتَّتَا ࢩَامْدُ عَمْ!»
نٛ غٛطّٛ لَاتٛرْتٛ ݠُکَرَاجٛ عِيسَى
(مَتَّ 10:37-38)
25مٛوࢡٜ طُوطّٜ ندِلِّدِ بٜى عِيسَى؞ عٛيٜىٰسِتِ، عٛوِعِ ࢡٜ: 26«تٛ غٛطّٛ وَرِ حَا عَمْ عٜ عٛࢡُرَايْ يِطُغٛ يَمْ دٛوْ بَابَ مَاکٛ عٜ دَادَ مَاکٛ عٜ دٜبّٛ مَاکٛ عٜ ࢡِکّٛيْ مَاکٛ عٜ دٜىٰرْطِرَاࢡٜ مَاکٛ وٛرْࢡٜ عٜ رٜوْࢡٜ، کٛو يٛنغْکِ مَاکٛ بٛو، عٛوَاوَتَا لَاتَاغٛ ݠُکَرَاجٛ عَمْ#مَتَّ 10:37؞؞ 27کٛو مٛيْ مٛ رٛونْدَاکِ غَاڢَانغَلْ مُمْ نغَمْ تٛکَّاغٛ يَمْ، وَاوَتَا لَاتَاغٛ ݠُکَرَاجٛ عَمْ#مَتَّ 10:38؛ 16:24؛ مَرْکُسْ 8:34؛ لُکَ 9:23؞؞ 28مٛيْ حَا مٛوطٛنْ، تٛ يِطِ مَحُغٛ سُودُ عَيْنِرْدُ، عٛجٛوطَتَاکٛ، عٛحِيمٛ کٛ عٛمَجِّنْتَ، عٛلَارَ تٛ عٛوَاوَنْ تِمِّنْغٛ؞ 29نغَمْ تَا عٛوَلِّنَ شَࢡَّوَلْ ندٜنْ عٛوَاوَايْ تِمِّنْغٛ، يِعْࢡٜ مٛ نجَنْشَنْ مٛ، مبِعَنْ: 30غٛرْکٛ عٛو ڢُطِّ مَحُغٛ، عٛوَاوَايْ تِمِّنْغٛ؞ 31مَلَّ لَامِيطٛ مٛيٜ، تٛ يِطِ يَحُغٛ وَطَ کٛنُ بٜى لَامِيطٛ غٛطّٛ، عٛجٛوطَتَاکٛ تَوٛنْ، عٛحِيمٛ، تٛ عٛوَاوَنْ يَحُغٛ بٜى يِمْࢡٜ عُجِنٜ سَݠّٛ، نغَمْ ڢٛتُّغٛ بٜى غَرَنَنْطٛ مٛ بٜى يِمْࢡٜ عُجِنٜ نٛوغَسْ؟ 32تٛ عٛوَاوَتَا، دِغَ لَامِيطٛ مَنْ طٛنْ دَايِ تَوٛنْ، عٛنٜلَنْ نٜلَاࢡٜ نغَمْ ࢨَمُغٛ نٛ ࢡٜشُلْحٛتِرَ؞ 33بَنَ نٛنْ حَا مٛوطٛنْ بٛو، مٛ عَشَّايْ جَوْدِ مُوطُمْ ڢُو، وَاوَتَا لَاتَاغٛ ݠُکَرَاجٛ عَمْ؞»
مَنْدَ طَمْ نَڢَتَا
(مَتَّ 5:13؛ مَرْکُسْ 9:50)
34«مَنْدَ وٛوطِ، عَمَّا تٛ لَمّٜىٰنغَ مَاجَمْ عِتَّکٜ، نٛيْ طَمْ حٜࢡْتِرْتَ لَمّٜىٰنغَ مَنْ ڢَحِنْ؟ 35طَمْ نَڢَتَا حَا لٜسْدِ، طَمْ نَڢَتَا نغَمْ کٛونَلْ، ࢡٜندُڢَنْ طَمْ يَاسِ؞ مٛ وٛودِ نٛݠِّ نَنُغٛ، نَنَ!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.