لُکَ 17

حَکّٜ

(مَتَّ 18‏:6‏-7‏،21‏-22؛ مَرْکُسْ 9‏:42)

1عِيسَى وِعِ ݠُکَرَعٜنْ مُوطُمْ‏: «وَلَا مٛ وَاوَتَ حَطُغٛ کٛ نَسْتِنْتَ يِمْࢡٜ ندٜرْ حَکّٜ؞ عَمَّا بٛنٜ لَاتَنْتٛ نٜطّٛ مٛ لَاتِ دَلِيلَ مَاجُمْ‏! 2ندِکَّنَ مٛ ࢡٜࢡِلَ حَيْرٜ نَمَرْدٜ مَوْندٜ حَا دَاندٜ مَاکٛ، ࢡٜنجٛلَّ مٛ ندٜرْ مبٜىٰلَ، دٛوْ عٛدٛعَّ غٛوتٛ ࢡُرْطٛ ڢَمْطُغٛ عٛو ندٜرْ حَکّٜ؞ 3کَکِّلَنٜ کٛعٜ مٛوطٛنْ‏!

«تٛ دٜىٰرْطِرَاوٛ مَ وَطِ حَکّٜ، ڢٜلْ مٛ؞ تٛ عٛتُوبِ، يَاڢَ مٛ#مَتَّ 18‏:15؞؞ 4تٛ عٛوَطِ مَ عَيْبٜ ندٜ جٛوٜىٰطِطِ ندٜرْ ࢩَلَادٜ، ندٜنْ بٛو ندٜ جٛوٜىٰطِطِ مَنْ ڢُو، عٛلٛرِ حَا مَاطَ بٜى وِعْغٛ‏: مِتُوبِ، يَاڢَ مٛ؞»

نُطِّنْکِ

5نٜلَاࢡٜ مبِعِ جَوْمِرَاوٛ‏: «ࢡٜسْدَنْ مِنْ نُطِّنْکِ‏!» 6جَوْمِرَاوٛ بٛو وِعِ‏: «تٛ عٛنْ نغٛودِ نُطِّنْکِ کٛو سٜطَّ بَنَ غَوٜلْ شِتَّ، عٛنْ مبِعَنْ دُندٜىٰحِ کِعِ‏: طٛوڢَ، يَحْ طِسٛيَ ندٜرْ مبٜىٰلَ؞ کِ طٛوْتَنْتٛ عٛنْ؞»

کُوغَلْ کُووٛووٛ

7«مٛيْ حَا مٛوطٛنْ مَرِ کُووٛووٛ، مٛ طٛنْ رٜمَ مَلَّ طٛنْ دُرَ دَبَّاجِ، تٛ کُووٛووٛ عٛو وَرْتِ نغٜسَ، عٛوِعَ مٛ‏: وَرْ لَوْ، ࢩَامْ؟ 8نَا عٛوِعَنْ مٛ‏: تَاسْکِتِنَمْ کٛ مِࢩَامَ، ࢡٛرْنَ لِمْشٜ کُوغَلْ، حُووَنَمْ، حَا تٛ مِࢩَامِ عٜ مِيَرِ، ࢡَاوٛ مَاجُمْ عَنْ بٛو عَࢩَامَ عَيَرَ کَدِ؞ نَا نٛنْ نَ؟ 9کَدِ عٛيٜتَّنْ سُکَ عٛو نغَمْ عٛحُووَنِمٛ کٛ عٛعُمْرِمٛ نَ؟ 10بَنَ نٛنْ عٛنٛنْ بٛو، تٛ عٛنْ مبَطِ کٛ اَللَّه عُمْرِ عٛنْ ڢُو، مبِعٜ‏: مِنِنْ مِنْ حُووٛوࢡٜ مٜىٰرٜ، نغَمْ مِنْ کُووِ کٛ حَاندَنِنٛ مِنْ کُووَ تَنْ؞»

عِيسَى يَمْطِتِنِ کُتُرُعٜنْ سَݠّٛ

11ندٜ عِيسَى طٛنْ يَحَ عُرُسَلِيمَ، عٛسَالٛرِ حَکُّندٜ سَمَرِيَ بٜى غَلِيلِ؞ 12عٛطٛنّٛ نَسْتَ وُرٛ ڢٜىٰرٜ، کُتُرُعٜنْ سَݠّٛ نغَرِ ڢٛتُّغٛ بٜى مَاکٛ؞ ࢡٜندَرِ دَايِيطُمْ، 13ࢡٜتٛوْنِ سَوْتُ، ࢡٜمبِعِ‏: «عِيسَى، جَاغٛرْطٛ، يُرْمِنْ مِنْ‏!» 14ندٜ عٛيِعِ ࢡٜ، عٛوِعِ ࢡٜ‏: «نجٜحٜ، شَݠِّنٜ ࢡَلِّ مٛوطٛنْ حَا لِمَنْعٜنْ؞» ندٜ ࢡٜطٛنْ نجَحَ، ࢡٜنجَمْطِتِ#ڢَرِلَّاجِ لٜوِعٜنْ 14‏:1‏-32؞؞ 15غٛوتٛ مَࢡّٜ، ندٜ يِعِ يَمْطِتِ، لٛرِ، طٛنْ تٜدِّنَ اَللَّه بٜى سَوْتُ؞ 16عٛسُجِدِ کٛمْبِ عِيسَى، عٛيٜتِّمٛ؞ غٛطّٛ عٛو عٛ سَمَرِيَاجٛ؞ 17عِيسَى ࢨَمِ‏: «نَا سَݠّٛ ڢُو نجَمْطِتِ نَ؟ عٜ تٛيْ نجٛوٜىٰنَيٛ وٛطْࢡٜ؟ 18وَلَا کٛو غٛوتٛ مٛ نُمِ لٛرَاغٛ، تٜدِّنَ اَللَّه، سٜيْ جَنَنّٛ عٛو نَ؟» 19ندٜنْ عٛوِعِمٛ‏: «عُمَّ، دِلُّ، نُطِّنْکِ مَ حِسْنِ مَ؞»

غَرٛيْکِ لَامُ اَللَّه

(مَتَّ 24‏:23‏-28‏،37‏-41)

20ڢَرِسَعٜنْ ࢨَمِ عِيسَى‏: «ندٜيٜ لَامُ اَللَّه وَرَتَ؟» عٛجَابِ ࢡٜ‏: «لَامُ اَللَّه وَرَتَا بٜى عَلَامَاجِ غِعٜتٜىٰطِ؞ 21ࢡٜمبِعَتَا بٛو‏: ندَارٜ نغُ طٛنْ طٛ مَلَّ نغُ طٛنْ تٛ نغَمْ لَامُ اَللَّه طٛنْ شَکَ مٛوطٛنْ؞»

22عٛوِعِ ݠُکَرَعٜنْ‏: «ࢩَلْطٜ نغَرَنْ، عٛنْ نغٜلَنْ يِعُغٛ ࢩَلَادٜ وٛورٜ ندٜرْ ࢩَلْطٜ ࢡِي-نٜطّٛ، عَمَّا عٛنْ نغِعَتَا ندٜ؞ 23ࢡٜمبِعَنْ عٛنْ‏: ندَا عٛطٛنْ طٛ، عٛطٛنْ تٛ؞ تَا نجٜحٜ تٛنْ، تَا ندٛغّٜ تٛنْ؞ 24نغَمْ بَنَ مَعّٜرٜ مَعِّرْتَ وَکٜىٰرٜ عَسَمَ ندٜعٜ ندٜنْ جَيْنغٛلْ مَارٜ طٛنْ يٛتّٛ حَا وَکٜىٰرٜ ندٜيَ، بَنَ نٛنْ ࢡِي-نٜطّٛ لَاتٛرْتٛ ندٜرْ ࢩَلَادٜ مُمْ؞ 25عَمَّا عَرَنْ، عٛيَرَنْ بٛنٜ طُوطُّمْ، يِمْࢡٜ زَمَنُورُ ندُعُ نغُدِنَنْ مٛ؞ 26کٛ لَاتِنٛ ندٜرْ زَمَنُ نُوحُ، طُمْ لَاتٛتٛ بَنَ نٛنْ بٛو ندٜرْ ࢩَلْطٜ ࢡِي-نٜطّٛ#لَاتَانٛوجِ 6‏:5‏-8؞؞ 27يِمْࢡٜ طٛنّٛ ࢩَامَ، نجَرَ، تٜعَ، تٜعَنَ ࢡِيُمْعٜنْ، حَا ࢩَلَادٜ نُوحُ نَسْتِ کٛومْبٛوَلْ#17‏:27 کٛومْبٛوَلْ مَلَّ لَانَوَلْ؞، عِلَمْ تُوڢَانَ وَرِ حَلْکِ ࢡٜ ڢُو#لَاتَانٛوجِ 7‏:6‏-24؞؞ 28طُمْ لَاتٛتٛ بٛو بَنَ ندٜرْ زَمَنُ لُوطُ‏: يِمْࢡٜ طٛنّٛ ࢩَامَ، نجَرَ، شٛودَ، شٛورَّ، عَاوَ، مَحَ شُوطِ؞ 29عَمَّا ࢩَلَادٜ لُوطُ وُرْتِ سٛدٛمَ، اَللَّه تٛࢡْنِ يِيتٜ عٜ بَرُودُ#17‏:29 بَارُدُ مَلَّ کِبِرِيتَ؞ دِغَ دٛوْ بَنَ عِيٜىٰندٜ، حَلْکِ لُتُّࢡٜ ڢُو#لَاتَانٛوجِ 18‏:20‏–19‏:25؞؞ 30بَنَ نٛنْ طُمْ لَاتٛتٛ ࢩَنْدٜ بَنغُکِ ࢡِي-نٜطّٛ؞

31«ࢩَلَادٜ مَنْ، مٛ طٛنْ دٛوْ سٛورٛوٛلْ تَا جِݠّٛ نغَمْ حٛوعُغٛ کُوجٜ مُوطُمْ ندٜرْ سُودُ مُمْ؞ نٛنْ بٛو نغَمْ غٛنْطٛ حَا نغٜسَ، تَا لٛرٛ سَمْ#مَتَّ 24‏:17‏-18؛ مَرْکُسْ 13‏:15‏-16؞؞ 32شِڢْتٛرٜ دٜبّٛ لُوطُ#مَتَّ 19‏:26؞؞ 33کٛو مٛيْ يِطِ حِسْنُغٛ يٛنغْکِ مُمْ، مَجِّنَنْ کِ، عَمَّا مٛ مَجِّنِ کِ بٛو، حٜࢡْتَنْ کِ#مَتَّ 10‏:39؛ 16‏:25؛ مَرْکُسْ 8‏:35؛ لُکَ 9‏:24؛ يُحَنَّ 12‏:25؞؞ 34مِطٛنْ وِعَ عٛنْ، جٜمَّارٜ مَاجُمْ يِمْࢡٜ طِطٛ نغٛنْدَنْ دٛوْ لٜىٰسٛ وٛوتٛ، غٛوتٛ حٛوسٜ، غٛوتٛ عَشّٜ؞ 35رٜوْࢡٜ طِطٛ نَمْدَنْ دٛوْ نَمَرْدٜ وٛورٜ، غٛوتٛ حٛوسٜ، غٛوتٛ عَشّٜ؞ ‏[‏ 36يِمْࢡٜ طِطٛ نغٛنْدَنْ ندٜرْ نغٜسَ، غٛوتٛ حٛوسٜتٜ، غٛوتٛ بٛو عَشّٜ؞]‏» 37ݠُکَرَعٜنْ مَاکٛ مبِعِمٛ‏: «حَا تٛيْ طُمْ لَاتٛتٛ، جَوْمِرَاوٛ؟» عٛوِعِ ࢡٜ‏: «حَا ࢩَوْمَندٜ وٛنِ ڢُو، تٛنْ جِغَاجٜ مٛوࢡْتٛتٛ؞»

Currently Selected:

لُکَ 17: داَ

Highlight

Copy