मत्ती 10
10
बाह्र जान स्यूस्स्यायूदे चेब सेवा
मर्कूस ३:१३-१९; ६:७-१३; १३:९-१३; लूका ६:१२-१६; ९:१-६; १२:२-९; २१:१२-१७
1येशूदे रङ्सेजे बाह्र जना स्यूस्स्यायूने कोदेबे अन्ज्य आत्मायू योम्बेने मेस्ये पीरीपीरीजे बीद मेस्ये नवयूने तम् चीम्मेब हक थमयूने पीन्दे।
2मूल स्यूस्स्यायू बाह्र जनाजे मीन् अम्ब ख्यङ्, पात्ता खूम् पत्रुस यब सिमोन मेस्ये ङूजे च्योन् अन्द्रियास, जब्दियाजे च याकूब मेस्ये ङूजे च्योन् यूहन्ना, 3फिलिप, बारथोलोमाइ, थोमा मेस्ये स्योर्म लङब मत्ती, अल्फयसजे च याकूब मेस्ये थेदियस, 4सिमोन कनानी होर्दे येशूने धोका पीनब यहूदा इस्करियोत ख्य।
5येशूदे अम्ब बाह्र जना स्यूस्स्यायूने येरे यदेबे कूल्बीदे, “यहूदी तेब मीयूट्याने अम्प्रलाची, मेस्ये सामरीयूजे सहरने अम्प्रलाची। 6तर इस्राएलजे मीयू मलेब स्वान्यूप्रने ख्यङ्, थमयू ट्याने प्र। 7‘स्वर्गजे राज्य ट्यारङ्ने फ्योर ख्यङ्’, यदेबे मीयूने स्य्वे। 8नवयूने तम् चीम्मी, सीयेब मीयूने सोम्बो चीम्मी, कुष्ठबीद लादेब मीयूने शुद्ध चीम्मी, छेत्यूने योम्पी। नमयूदे होरेने प्रेत्दे, होरेने पीन्। 9नमयू रङ्सेजे कूच्यूने मर्, चाँदी मेस्ये तम्पजे मन्द्रमूली अन्टेल्लाची, 10#१ कोरिन्थी 9:14; १ तिमोथी 5:18नमयू लम्ने प्रब झ्योल, तोर ङ्ही, फल्तू पैङ्गी मेस्ये थेलब पीर्क अन्टेल्लाची। चेनेयलो काम फरब मीदे ङूजे मीला प्रेपर्तीय।
11“नमयू कम्ब सहर या तने प्रीय, हैयाने गेसेन् चीत्देबे नमयूने क्वब खल्जे मी सू ख्य टोङ् यदेबे मेल् मेस्ये हैयादे अन्-योङ्बदासेमे होनेने टूङ्। 12हम्ब कीम्नङ्ने क्योबब नमस्कार ची। 13कादेये हम्ब कीम्जे मी नमयूने गेसेन् चेब खल्जे ख्यङ्लो नमयूजे शान्ति हम्ब कीम्ने रस्य। तर कादेये हम्ब कीम्जे मी होर त्वोलो नमयूजे शान्ति नमयूप्रेने ल्वारस्य। 14#मूल स्यूस्स्यायूजे कामजे किताब 13:51कादेये नमयूने हम्ब सहर या कीम्जे मीयू सूदेये गेसेन् चीत्देबे अङ्कोलो या नमयूजे वचन अन्ङ्यीन्देयलो, हम्ब नेदे योङ्रब रङ्से तोप्जे धूलो फ्रूप्की। 15#मत्ती 11:24; उत्पत्ति 19:24-28#लूका 10:4-12तम्दम्ने ङ नमयूने यीय, न्याय चेब दिनने हम्ब सहरजे दसायली बरू सदोमप्रे गमोराजे हालात थेप् सैदेख्वब क्यूक्क्य।
16 #
लूका 10:3
“ले, ङैदे नमयूने च्यूङ्गूयूजे अन्द्रने स्वान्यूप्र कूल्बीन ख्यङ्। हम्बकारणदे नमयू र्वेप्र चलाख, मेस्ये धोङ्रप्र सोर्तो क्यूर्। 17#मर्कूस 13:9-11; लूका 12:11,12; 21:12-15तर मीयूप्रे होस्स्यार क्यूर्, चेनेयलो थमयूदे नमयूने अड्डने सूम्दीपीय, मेस्ये थमयूजे सभा-कीम्यूने कूबदेबे नमयूने कोर्रा लैदीय। 18ङैने विश्वास चेब कारणदे थमयूदे नमयूने हाकिमयूप्रे मूरुम्यूजे खूम्दे मेर्से पीन्क्य हन्छ्वाब थमयूने मेस्ये यहूदी तेब मीयूने ङैजे गवाही पीनब नमयू क्यूक्क्य। 19तर कन्छ्वाब थमयूदे नमयूने चूङ्गीय, हन्छ्वाब केर्बे च क्यम यदेबे सूर्त अन्चील्लाची। चेनेयलो नमयूदे च क्यम पर्दे, हन्छ्वाबने नमयूने लोम्मीय। 20चेनेयलो नमयू रङ्सेदेने क्यम अम्पर्दी, तर नमयूजे प परमेश्वरजे आत्मा नमयूप्रे क्यूत्देबे क्यम्क्य।
21 #
मर्कूस 13:12; लूका 21:16 “मीयूदे रङ्से अत-च्योन्ने सेने सूम्दीपीय, पदे रङ्से च चीमीने, प-मयूजे विरुद्धने च चीमीयू लङ्रीय मेस्ये थमयूने सेस्स्ये पीन्क्य। 22#मत्ती 24:9; मर्कूस 13:13; लूका 21:17; मत्ती 24:13; मर्कूस 13:13ङैने विश्वास चेब कारणदे मीयू क्वादेने नमयूने ह्यल चीक्क्य। तर सूदे ङ्येसेमे टेम्देबे टूङ्क्य ङूदे उद्धार प्रेक्क्य। 23कन्छ्वाब थमयूदे नमयूने सहरत्याने सतनम् पीन्क्य, हन्छ्वाब सूजो सहरने छ्योङ्ब। तम्दम्ने ङ नमयूने यीय, चेनेयलो मीजे च रयली खूम् नमयूदे इस्राएलजे टक्क सहरयूने काम चीक्क चन्स्ये त्वो।
24 #
लूका 6:40; यूहन्ना 13:16; 15:20 “स्यूस्स्या रङ्से गुरुयली मेस्ये त्वो रङ्से नोबोयली केन् क्यूस्से त्वो। 25#मत्ती 9:34; 12:24; मर्कूस 3:22; लूका 11:15स्यूस्स्या रङ्से गुरुप्र मेस्ये त्वो रङ्से नोबोप्र क्यूर प्रेप्प सून्ताकी क्यूस्स्य, कादेये थमयूदे कीम्जे नोबोने बालजिबुल यदेयलो ङूजे कीम्-म्हीतीने झन् कोला थेप् यीय?
26 #
मर्कूस 4:22; लूका 8:17 “येरेक्यूत्देबे थमयूप्रे अम्फलाची। चेनेयलो उप्देबे अन्तङब मेस्ये फूदेबे था अन्क्यूरब से चैत्याये त्वो। 27ङैदे नमयूने मून्दूङ्ने च यीय, हम्ब नमयूदे ओथ्याङ्ने येबी, मेस्ये नमयूजे ङ्यलम् नदे च तैय, हम्ब कीम्जे धूरीयूदे उर्ती प्वी। 28सूदे ङ्वने नाश चेखूइय तर आत्माने नाश चेअङ्खू येर मीयूप्रे अम्फलाची। बरू आत्मा मेस्ये ङ्व ङ्हीनेने नरकने नाश चेख्वब परमेश्वरप्रे फ-पर्दीय। 29नोर् त्याने च्यूङ्नी ङ्ही सोङ अङ्ख्वया? नमयूजे पजे इच्छा अन्क्यूत्दासेमे हम्बयू नङ्ने तीत्यात्याये च्येने तल्बस्येत्वो। 30नमयूजे ट फूयूये टक्कने चीले ख्यङ्। 31होरेक्यूत्देब नमयू अम्फलाची, कूम च्यूङ्नीयूयली नमयू थेप् लू पर्देब ख्यङ्।
32“येरेक्यूत्देबे मीयूजे खूम्ने ङैने प्रभु यदेबे सू-सूदे यीय ङैये स्वर्गने ख्यब ङैजे पजे खूम्ने रङ्सेजे यदेबे ङूने यीय। 33#२ तिमोथी 2:12तर मीयूजे खूम्ने ङैने प्रभु यदेबे सू-सूदे अन्-य, ङैये स्वर्गने ख्यब ङैजे पजे खूम्ने रङ्सेजे यदेबे ङूने अन्-य।
34“पृथ्वीने ङ शान्ति रेने रख्यङ् अम्मन्लाची। शान्ति रेने र दी, तर ङ तरवार चील्लेने रख्यङ्। 35#मीका 7:6चेनेयलो ङ मीयूने ङूजे पजे विरुद्ध मेस्ये चीमीने ङूजे मजे विरुद्धने मेस्ये, मसङ्ने ङूजे य्वामीजे विरुद्ध चीस्स्ये पीनने रख्यङ्। 36मीजे शत्रु ङूजे रङ्से कीम्-म्हीती नङ्जेयूने क्यूक्क्य।
37“सूदे ङैने यली थेप् रङ्से प या मने प्रेम चीक्क्य, हम्ब ङैजे स्यूस्स्या क्यूरब लायकजे त्वो। सूदे ङैनेयली थेप् रङ्से च-चीमीने प्रेम चीक्क्य, हम्ब ङैजे स्यूस्स्या क्यूरब लायकजे त्वो। 38#मत्ती 16:24; मर्कूस 8:34; लूका 9:23सू रङ्से क्रूस प्लेत्देबे ङैजे ङ्ये-ङ्ये अम्प्र, हम्ब ङैजे स्यूस्स्या क्यूरब लायकजे त्वो। 39#मत्ती 16:25; मर्कूस 8:35; लूका 9:24; 17:33; यूहन्ना 12:25सूदे रङ्से प्राण जूक्तेमेय, हम्ब मीदे ङूजे प्राण प्रेस्स्ये त्वो, मेस्ये ङैजे लागि रङ्से प्राण पीनब मीदे ङूजे रङ्से प्राण जूक्तीय।
40 #
लूका 10:16; यूहन्ना 13:20; मर्कूस 9:37; लूका 9:48 “नमयूने ग्रहण चेब मीदे ङैनेये ग्रहण चेब क्यूक्क्य मेस्ये ङैने ग्रहण चेब मीदे ङैने कूल्बेबनेये ग्रहण चेब क्यूक्क्य। 41अगमवक्ताने अगमवक्ता यदेबे ग्रहण चेब मीदे अगमवक्ताजेप्र इनाम प्रेक्क्य। धर्मी मीने धर्मी मी मन्देबे ग्रहण चेब मीदे धर्मी मीजेप्र इनाम प्रेक्क्य। 42अम्ब चीदमीयू नङ्ने सूदे चीदत्याने ङैजे स्यूस्स्या मन्देबे कप्त्या क्यू सीम्नेयली थूङ्स्ये पीन्क्य, तम्दम्ने ङ नमयूने यीय, ङूदे रङ्से इनाम केरेनेक्यूल्ली प्रेक्क्य।”
Currently Selected:
मत्ती 10: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
