मत्ती 15
15
शुद्ध मेस्ये अशुद्ध
मर्कूस ७:१-१३
1यरूशलेमदे रब फरिसीयू मेस्ये पन्डेयू येशूट्याने रदेबे यदे, 2“नैजे स्यूस्स्यायूदे मेमेयूजे छ्यप् चेने अम्मन्दे? चेनेयलो थमयू चसे च यली खूम् रङ्से ला अन्ठू।”
3येशूदे थमयूने यदे, “नमयूये रङ्से छ्यप्जे लागि परमेश्वरजे आज्ञा चेने अम्मन्दे? 4#प्रस्थान 20:12; व्यवस्था 5:16; प्रस्थान 21:17; लेवी 20:9चेनेयलो परमेश्वरदे येये ख्यङ्, ‘रङ्से पजे मेस्ये मजे गेसेन् ची, मेस्ये पजे या मजे विरुद्धने सूदे ले तप्क्य, हम्ब सेक्कने पर्दीय।’ 5तर सूदे रङ्से प-मने यीय, ‘ङैजे तर्फदे न प मेस्ये मने पीन पर्देब सेयू ङैदे परमेश्वरने चेर्तीकदे ‘जेम्से हम्बदे रङ्से प-मने चैसेये पीन अम्पर्दी यदेबे नमयूदे य ख्यङ्। 6नमयूदे येर्बे रङ्से छ्यप्जे लागि परमेश्वरजे आज्ञा काम अन्लादे चे ख्यङ्।
7ओ कप्टीयू! यशैया अगमवक्तादे नमयूजे बारेने यब पो ठ्याक्के मील्ले ख्यङ्,
8 #
यशैया 29:13
‘अम्ब मीयूदे ङैने ङूर्देत्या गेसेन् चे ख्यङ्, तर थमयूजे सेम् ङैप्रे सोरो चीन्तङ् ख्यङ्।
9थमयू सीत्तीने ङैने पूस्तेप्रत्या तन्न ख्यङ्, मेस्ये मीदे चीतेब नियमत्या लोम्मे ख्यङ्’।”
10येशूदे रङ्सेट्याने मीयू कोदेबे यदे, “पो ङ्यीन् मेस्ये कोय। 11ङूर्नङ्ने च चेबीय, हम्बदे मीने अशुद्ध अन्ची, तर ङूर् नङ्दे चे पो फीने योङ्रीय हम्बदे मीने अशुद्ध चीक्क्य।”
12होर्दे स्यूस्स्यायू रदेबे येशूने लोत्दे, “था ख्ययीर, नदे यब पो तदेबे फरिसीयू प्रोलङ ख्यङ्?”
13तर येशूदे यदे, “स्वर्गने ख्यब ङैजे पदे अन्सूकब तोङ्बोयू टक्कने ह्वागीय। 14#लूका 6:39थमयूजे पो चीन्न अम्पर्ती, थमयू म्याअन्तङब अगुवायू ख्यङ्। म्याअन्तङब मीदे म्याअन्तङब मीने स्योल्देप्रलो, थम ङ्हीने लोम्ने क्योबीय।”
15पत्रुसदे येशूने यदे, “अम्ब उखानजे अर्थ ङीने स्योम्मी।”
16“नमयूदेये अझ क्व अन्ख्व, यदेबे येशूदे लोत्दे? 17ङूर नङ्ने च चेबीय हम्ब लोने प्रीय, मेस्ये हम्ब ङ्वदे फीने योङ्बीय यदेबे नमयूदे अन्स्ये? 18#मत्ती 12:34तर कम्ब पोयू ङूर्दे फीने योङ्रीय, हम्ब सेम्देने योङ्रब क्यूक्क्य, मेस्ये हम्ब पोदेने मीयूने अशुद्ध चीक्क्य। 19चेनेयलो सेम्देने अन्ज्य ह्वे चेब, मी सेब, मीजे मजप्रे प्रब, वेश्य काम चेब, ख्वब, लूच्च गवाही पीनब, मेस्ये मीजे बतनम् चेब अन्ज्य पोयू फीने योङ्रीय। 20अम्ब पोयूदे मीने अशुद्ध चीक्क्य तर ला अन्ठूलाबे चसे चबदे ङूने अशुद्ध अन्ची।”
कनानी मदीजे विश्वास
मर्कूस ७:२४-३०
21हम्बने पोङ्गीदेबे येशू टुरोस मेस्ये सीदोन यब नेतेले गीलीदे। 22हैयादे कनानी मदीत्या रदेबे के केन् योन्देबे यदे, “ओ प्रभु, दाऊदजे च, ङैने दया चीम्मी। ङैजे चीमीने छेत्दे सोरो सतनम् चीन्न ख्यङ्।”
23येशूदे ङूने चैत्याये जवाफ अम्पीन्। येशूजे स्यूस्स्यायू येशू ट्याने रदेबे बिन्ती चीत्दे, “ङूने प्र येबी, चेनेयलो ङू पारा पूदे-पूदे ङीनजे ङ्ये-ङ्ये रेन ख्यङ्।”
24येशूदे यदे, “ङ इस्राएलीयूजे लागित्या कूल्बे ख्यङ् थमयू मलेब स्वान्यूप्र ख्यङ्।”
25तर हम्ब मदी रदेबे येशूजे खूम्ने पून्छ्यल क्यूत्दे मेस्ये यदे, “ओ प्रभु, ङैने तोङ्मी।”
26येशूदे यदे, “पीचयूजे चसे लेन्देबे क्योयूने पीनब ज्य अन्क्यूर्।”
27ङूदे यदे, “अँ प्रभु, हम्ब तम्दम्ने ख्यङ्, तर क्योयूदेये रङ्से नोबोजे टेबलदे मो तेलेब चूरयू चीय।”
28होर्दे येशूदे ङूने जवाफ पीन्दे, “ओ मो, नैजे विश्वास केन् टोङ्। नैजे सेम्दे मेनब पूरा क्यूस्स्य।” ङूजे चीमी हन्छ्वाबने तम्क्यूरी।
येशूदे हजार स्यी मीने चसेपीनब
मर्कूस ७:३१—८:१०
29येशू हैयादे योङ्देबे गालीलजे समुद्र नदे गीलीदे, मेस्ये गङ्फ्याने गीलीदेबे होने टूङ्दे। 30होर्दे सोरो कूम मीहुल येशूट्याने रदे, मेस्ये थमयूदे प्रे-रेब खोन्ड्याल्या, लूला, म्या अन्तङब, लर मेस्ये सूजो कूम मीयूने येशूजे खूम्ने येम्मीदे, होर्दे ङूदे थमयूने तम् चीम्मीदे, 31कन्छ्वाब लरयूदे क्यमब, लूलायू तम् क्यूरेब, खोन्ड्याल्या प्रख्व क्यूरेब, म्या अन्तङबदे म्या तङ ख्व क्यूरेब, मीयूदे तङ्देबे हार्मन्दीकदे मेस्ये थमयूदे इस्राएलजे परमेश्वरजे महिमा चीत्दे।
32होर्दे येशूदे रङ्से ट्याने स्यूस्स्यायू कोदेबे यदे, “अम्ब मीहुल तङ्देबे ङ सोरो ङ्येम्कदे चेनेयलो थमयू ङैप्रे टूङ्देबे दीनी सोम्म्या क्यूत्दे, होर्दे थमयूप्रे चसे चैत्याये त्वो। ङ थमयूने तक्प कूल्बेसे अम्मन्। तक्पने कूल्पीलो थमयू ठीदेबे लम्ने लोला प्रखूइय।”
33स्यूस्स्यायूदे येशूने यदे, “येर फत्या कूम मीहुलने अम्ब चैत्याये त्वब आलाङ्गी नेने चसे पीनजे लागि अन्छ्वा कूम चसे केने प्रे?
34येशूदे थमयूने यदे, “नमयूप्रे क्यङ् कोला ख्यङ्?”
थमयूदे यदे, “क्यङ् ङ्यी मेस्ये चीद ङयू छीत्या ख्यङ्।”
35च्येने टूङ् यदेबे येशूदे मीहुलने आज्ञा चीत्दे। 36येशूदे हम्ब क्यङ् ङ्यी मेस्ये चीद ङयू लाने टेल्देबे परमेश्वरने धन्यवाद पीनजेङ्कमेस्ये क्यङ् फाच्या चीत्देबे स्यूस्स्यायूने पीन्दे, होर्दे स्यूस्स्यायूदे मीयूने पीन्दे। 37थमयू क्वादेने ख्वाजे फ्यालाबे चदे मेस्ये स्यूस्स्यायूदे लमरब ढूटूमूटू टोलो ङ्यी रूप् पूत्दे। 38मदी प्रे पीचयू अन्चील्लाबे क्यङ् चब: हजार स्यीलाप्र पतीचयू ख्य। 39होर्दे मीहुलने कूल्बे जेनङ्येदे येशू डुङ्गाने टदेबे मगादान यब नेतेले गीलीदे।
Currently Selected:
मत्ती 15: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
मत्ती 15
15
शुद्ध मेस्ये अशुद्ध
मर्कूस ७:१-१३
1यरूशलेमदे रब फरिसीयू मेस्ये पन्डेयू येशूट्याने रदेबे यदे, 2“नैजे स्यूस्स्यायूदे मेमेयूजे छ्यप् चेने अम्मन्दे? चेनेयलो थमयू चसे च यली खूम् रङ्से ला अन्ठू।”
3येशूदे थमयूने यदे, “नमयूये रङ्से छ्यप्जे लागि परमेश्वरजे आज्ञा चेने अम्मन्दे? 4#प्रस्थान 20:12; व्यवस्था 5:16; प्रस्थान 21:17; लेवी 20:9चेनेयलो परमेश्वरदे येये ख्यङ्, ‘रङ्से पजे मेस्ये मजे गेसेन् ची, मेस्ये पजे या मजे विरुद्धने सूदे ले तप्क्य, हम्ब सेक्कने पर्दीय।’ 5तर सूदे रङ्से प-मने यीय, ‘ङैजे तर्फदे न प मेस्ये मने पीन पर्देब सेयू ङैदे परमेश्वरने चेर्तीकदे ‘जेम्से हम्बदे रङ्से प-मने चैसेये पीन अम्पर्दी यदेबे नमयूदे य ख्यङ्। 6नमयूदे येर्बे रङ्से छ्यप्जे लागि परमेश्वरजे आज्ञा काम अन्लादे चे ख्यङ्।
7ओ कप्टीयू! यशैया अगमवक्तादे नमयूजे बारेने यब पो ठ्याक्के मील्ले ख्यङ्,
8 #
यशैया 29:13
‘अम्ब मीयूदे ङैने ङूर्देत्या गेसेन् चे ख्यङ्, तर थमयूजे सेम् ङैप्रे सोरो चीन्तङ् ख्यङ्।
9थमयू सीत्तीने ङैने पूस्तेप्रत्या तन्न ख्यङ्, मेस्ये मीदे चीतेब नियमत्या लोम्मे ख्यङ्’।”
10येशूदे रङ्सेट्याने मीयू कोदेबे यदे, “पो ङ्यीन् मेस्ये कोय। 11ङूर्नङ्ने च चेबीय, हम्बदे मीने अशुद्ध अन्ची, तर ङूर् नङ्दे चे पो फीने योङ्रीय हम्बदे मीने अशुद्ध चीक्क्य।”
12होर्दे स्यूस्स्यायू रदेबे येशूने लोत्दे, “था ख्ययीर, नदे यब पो तदेबे फरिसीयू प्रोलङ ख्यङ्?”
13तर येशूदे यदे, “स्वर्गने ख्यब ङैजे पदे अन्सूकब तोङ्बोयू टक्कने ह्वागीय। 14#लूका 6:39थमयूजे पो चीन्न अम्पर्ती, थमयू म्याअन्तङब अगुवायू ख्यङ्। म्याअन्तङब मीदे म्याअन्तङब मीने स्योल्देप्रलो, थम ङ्हीने लोम्ने क्योबीय।”
15पत्रुसदे येशूने यदे, “अम्ब उखानजे अर्थ ङीने स्योम्मी।”
16“नमयूदेये अझ क्व अन्ख्व, यदेबे येशूदे लोत्दे? 17ङूर नङ्ने च चेबीय हम्ब लोने प्रीय, मेस्ये हम्ब ङ्वदे फीने योङ्बीय यदेबे नमयूदे अन्स्ये? 18#मत्ती 12:34तर कम्ब पोयू ङूर्दे फीने योङ्रीय, हम्ब सेम्देने योङ्रब क्यूक्क्य, मेस्ये हम्ब पोदेने मीयूने अशुद्ध चीक्क्य। 19चेनेयलो सेम्देने अन्ज्य ह्वे चेब, मी सेब, मीजे मजप्रे प्रब, वेश्य काम चेब, ख्वब, लूच्च गवाही पीनब, मेस्ये मीजे बतनम् चेब अन्ज्य पोयू फीने योङ्रीय। 20अम्ब पोयूदे मीने अशुद्ध चीक्क्य तर ला अन्ठूलाबे चसे चबदे ङूने अशुद्ध अन्ची।”
कनानी मदीजे विश्वास
मर्कूस ७:२४-३०
21हम्बने पोङ्गीदेबे येशू टुरोस मेस्ये सीदोन यब नेतेले गीलीदे। 22हैयादे कनानी मदीत्या रदेबे के केन् योन्देबे यदे, “ओ प्रभु, दाऊदजे च, ङैने दया चीम्मी। ङैजे चीमीने छेत्दे सोरो सतनम् चीन्न ख्यङ्।”
23येशूदे ङूने चैत्याये जवाफ अम्पीन्। येशूजे स्यूस्स्यायू येशू ट्याने रदेबे बिन्ती चीत्दे, “ङूने प्र येबी, चेनेयलो ङू पारा पूदे-पूदे ङीनजे ङ्ये-ङ्ये रेन ख्यङ्।”
24येशूदे यदे, “ङ इस्राएलीयूजे लागित्या कूल्बे ख्यङ् थमयू मलेब स्वान्यूप्र ख्यङ्।”
25तर हम्ब मदी रदेबे येशूजे खूम्ने पून्छ्यल क्यूत्दे मेस्ये यदे, “ओ प्रभु, ङैने तोङ्मी।”
26येशूदे यदे, “पीचयूजे चसे लेन्देबे क्योयूने पीनब ज्य अन्क्यूर्।”
27ङूदे यदे, “अँ प्रभु, हम्ब तम्दम्ने ख्यङ्, तर क्योयूदेये रङ्से नोबोजे टेबलदे मो तेलेब चूरयू चीय।”
28होर्दे येशूदे ङूने जवाफ पीन्दे, “ओ मो, नैजे विश्वास केन् टोङ्। नैजे सेम्दे मेनब पूरा क्यूस्स्य।” ङूजे चीमी हन्छ्वाबने तम्क्यूरी।
येशूदे हजार स्यी मीने चसेपीनब
मर्कूस ७:३१—८:१०
29येशू हैयादे योङ्देबे गालीलजे समुद्र नदे गीलीदे, मेस्ये गङ्फ्याने गीलीदेबे होने टूङ्दे। 30होर्दे सोरो कूम मीहुल येशूट्याने रदे, मेस्ये थमयूदे प्रे-रेब खोन्ड्याल्या, लूला, म्या अन्तङब, लर मेस्ये सूजो कूम मीयूने येशूजे खूम्ने येम्मीदे, होर्दे ङूदे थमयूने तम् चीम्मीदे, 31कन्छ्वाब लरयूदे क्यमब, लूलायू तम् क्यूरेब, खोन्ड्याल्या प्रख्व क्यूरेब, म्या अन्तङबदे म्या तङ ख्व क्यूरेब, मीयूदे तङ्देबे हार्मन्दीकदे मेस्ये थमयूदे इस्राएलजे परमेश्वरजे महिमा चीत्दे।
32होर्दे येशूदे रङ्से ट्याने स्यूस्स्यायू कोदेबे यदे, “अम्ब मीहुल तङ्देबे ङ सोरो ङ्येम्कदे चेनेयलो थमयू ङैप्रे टूङ्देबे दीनी सोम्म्या क्यूत्दे, होर्दे थमयूप्रे चसे चैत्याये त्वो। ङ थमयूने तक्प कूल्बेसे अम्मन्। तक्पने कूल्पीलो थमयू ठीदेबे लम्ने लोला प्रखूइय।”
33स्यूस्स्यायूदे येशूने यदे, “येर फत्या कूम मीहुलने अम्ब चैत्याये त्वब आलाङ्गी नेने चसे पीनजे लागि अन्छ्वा कूम चसे केने प्रे?
34येशूदे थमयूने यदे, “नमयूप्रे क्यङ् कोला ख्यङ्?”
थमयूदे यदे, “क्यङ् ङ्यी मेस्ये चीद ङयू छीत्या ख्यङ्।”
35च्येने टूङ् यदेबे येशूदे मीहुलने आज्ञा चीत्दे। 36येशूदे हम्ब क्यङ् ङ्यी मेस्ये चीद ङयू लाने टेल्देबे परमेश्वरने धन्यवाद पीनजेङ्कमेस्ये क्यङ् फाच्या चीत्देबे स्यूस्स्यायूने पीन्दे, होर्दे स्यूस्स्यायूदे मीयूने पीन्दे। 37थमयू क्वादेने ख्वाजे फ्यालाबे चदे मेस्ये स्यूस्स्यायूदे लमरब ढूटूमूटू टोलो ङ्यी रूप् पूत्दे। 38मदी प्रे पीचयू अन्चील्लाबे क्यङ् चब: हजार स्यीलाप्र पतीचयू ख्य। 39होर्दे मीहुलने कूल्बे जेनङ्येदे येशू डुङ्गाने टदेबे मगादान यब नेतेले गीलीदे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.