मत्ती 28:12-15

कन्‍छ्वाब पूस्‍र्‌या केन्‌यू धर्म गुरुयूप्रे रूप् क्‍यूत्‍दे, थमयूदे मोतो चीत्‍दे, मेस्‍ये सीन्त्री टूङ्ब सिपाईयूने येरे यदेबे कूम नोर‌्‌ पीन्‍दे, “नमयूदे य, ‘ङी मून्‍दे ङ्यूम्म्‍य गीले बीलने येशूजे स्यूस्स्यायू रदेबे ङूजे ङ्व खूको।’ कादेये अम्‍ब खबर हाकिमजे नने फ्‍योबदेयलो, ङीदे हाकिमप्रे पो मील्‍लीदेबे नमयूने जूक्‍तीमीय।” होर्‌दे थमयूदे हम्‍ब नोर‌्‌ तादे, मेस्‍ये केरे लोम्‍मे ख्य होरेने चीत्‍दे, मेस्‍ये यहूदीयूजे अन्‍द्रने दीनीसेमेने अम्‍ब पो ड्वाङ्‍गे क्‍यून्‍न ख्यङ्।