मर्कूस 15
15
पिलातसजे खूम्ने येशू
मत्ती २७:११-३१; लूका २३:२-३,१८-२५; यूहन्ना १८:२८-४०; १९:१-१६
1नप्देने पूस्र्या केन्यू, धर्मगुरुयू, यहूदी पन्डेयू मेस्ये यहूदीजे पात्ता केन् सभाजे मीयू क्वादेने मोतो चीत्देबे येशूने ख्यादेबे कूदीदे, मेस्ये रोमजे हाकिम केन् पिलातसने सूम्दीपीदे।
2पिलातसदे येशूने लोत्दे, “न यहूदीयूजे मूरुम् औ?”
येशूदे जवाफ पीन्दे, “नदेने होरे येन ख्यङ्।”
3पूस्र्या केन्यूदे येशूने कूम पोयूजे दोष लैदीदे। 4पिलातसदे येशूने फेरि येरे यदेबे लोत्दे, “नैप्रे जवाफ चेये त्वा? ले, थमयूदे नने येर कूम दोष पीन्न ख्यङ्।”
5तर येशू चेये अन्-यलाबे टूङ्दे। अम्ब तङ्देबे पिलातस हार्मन्दीदे।
6निस्तार-दीन्बरने मीयूदे क्यापी यदेबे यब कैदी त्या थमयूजे लागि पिलातसदे झ्यालखानदे फीने योम्बे ख्य। 7हन्छ्वाब बारब्बा यब मीत्या झ्यालखानने ख्य। चेनेयलो ङूदे सूजो मीयूप्रे तोङ्देबे हुलदङ्गा क्यूप्प मी सेक्क ख्य। 8होर्दे मीहुल पिलातस ट्याने रदे ङूजे पे अनुसार थमयूजे लागि कैदीत्या क्यापी यदेबे बिन्ती चीत्दे।
9पिलातसदे थमयूने लोत्दे, “होरेयलो नमयूजे लागि यहूदीयूजे मूरुम्ने क्यापीस्य मन यीर?” 10चेनेयलो पूस्र्या केन्यूदे म्या थूदेबे येशूने सूम्दीर यब पो पिलातसदे था ख्य। 11तर बारब्बा यब मीने थमयूजे लागि क्यापी य यदेबे पूस्र्या केन्यूदे मीहुलने यने तो प्लेत्दे।
12पिलातसदे मीयूने फेरि लोत्दे “होरेयलो नमयूदे यहूदीयूजे मूरुम् यबने ङैदे केर्चे?”
13थमयूदे बोङ्बे पारा पूत्देबे यदे, “ङूने खील् ठोक्दीदे क्रूसने पील्बी।”
14पिलातसदे थमयूने लोत्दे, “चेने? ङूदे च अन्ज्य काम चीक्क ख्यङ् स्व?”
तर थमयूदे थेप् बोङ्बे पारा पूत्देबे यदे, “ङूने खील् ठोक्दीदे क्रूसने पील्बी।”
15होर्दे पिलातसदे मीहुलने सूग्लाबे चेने थमयूजे लागि बारब्बाने झ्यालखानदे फीने योम्बीदे, होर्दे येशूने कोर्रादे ठरेने मेस्ये क्रूसने खील् ठोक्दीदे पीलने सिपाईयूजे लाने सूम्दीपीदे।
16सिपाईयूदे येशूने हाकिम केन्जे दरबारजे य्वेने कूदीदे मेस्ये सूजो सिपाईयू क्वाने कोदेबे रेत्दे। 17होर्दे थमयूदे येशूने बैजनी कोला होम्मीदे, मेस्ये चोयूदे तायेब मुकुट ङूजे टने कूमीदे, 18होर्दे थमयूदे येशूने यदे, “यहूदीयूजे मूरुम्जे जै!” यदेबे ङूने सलाम चीत्दे। 19होर्दे थमयूदे येशूने म्याजे पीर्गदे टने ठरीदेबे, छ्योम थर्दे मेस्ये पूजी चोदेबे ङूने स्यूव पीन्दे। 20होर्दे येशूजे खिसी चे जेन ङ्येदे थमयूदे बैजनी कोला प्यङ्देबे ङूजे रङ्से कोला होम्मीदे। होर्देङ्येदे थमयूदे ङूने खील् ठोक्दीदे क्रूसने पीलने फीने कूदीदे।
येशू क्रूसने पीलेब
मत्ती २७:३२-४४; लूका २३:३३-४३; यूहन्ना १९:१७-२७
21 #
रोमी 16:13
होर्दे लम्ने प्रेनूब थमयूदे कुरेनी देशजे सिमोन यब मी त्या सहरतेले रेनब तूदे। ङू अलेक्जेन्डर मेस्ये रूफसजे प ख्य। सिपाईयूदे ङूने कर्चङ्देबे येशूजे क्रूस प्लेस्से पीन्दे। 22होर्दे थमयूदे येशूने गलगथा यब गङ्ने कूदीदे। गलगथाजे अर्थ ट खोकाजे ने ख्यङ्। 23हैयाने कूदीदेबे थमयूदे येशूने मूर्र यब से च्यूम्देबे अङ्गुरजे ची पीन्दे। तर येशूदे अन्थूङ्। 24#भजनसंग्रह 22:18होर्दे थमयूदे येशूने खील् ठोक्दीदेबे क्रूसने पील्बीदे। होर्दे ङूजे कोलायू सू-सूजे भाने पर्दे टोङ् यदेबे थमयूदे चीट्ठ थादेबे कोत्दे।
25येशूने थमयूदे क्रूसने खील् ठोक्दीदे पील्ब नप्जे गू तप ख्य। 26येशूने दोष चेब पोने “यहूदीयूजे मूरुम्” यदेबे लिख्दीये ख्य। 27#यशैया 53:12थमयूदे येशूप्रे खूमान् ङ्हीने खील् ठोक्दीदेबे क्रूसने पील्दे, त्याने येशूजे योन्देयोर् मेस्ये त्याने स्येत्देयोर्। 28[धर्मशास्त्रने लिख्दीयेब वचन येरे पूरा क्यूत्दे, “ङू अपराधी मीयूप्रेने चील्दे।”]#१५:२८ मीयूङ्जे कोइ कोइ पाण्डूलिपीने अम्ब पद अन्लीख्दीये ख्यङ्। 29#भजनसंग्रह 22:7; 109:25; मर्कूस 14:58; यूहन्ना 2:19हम्ब लम्दे प्रब मीयूदे ट लीङ्देबे येशूजे न पूत्देबे यदे, “बाप्पे! परमेश्वरजे मन्दिर हूल्देबे फेरि सोम्म्याने बन्दीय यब, 30क्रूसदे मो तल्ख, मेस्ये न रङ्सेने बच्दी।”
31होरप्रने पूस्र्या केन्यूदेये यहूदी पन्डेयूप्रे त्यादे त्याने येशूजे पो चीत्दे, “ङूदे सूजो मीयूने बच्दीमीदे, तर रङ्से यलो बच्दे अङ्खू। 32अम्ब इस्राएलजे मूरुम्, ख्रीष्ट क्रूसदे मो तल्ख। ङी लेक्क्य, मेस्ये विश्वास चेस्ये।” ङूप्रे क्रूसने पीलेब खूमान्यूदेये ङूजे न पूत्दे।
येशू सीयेब
मत्ती २७:४५-५६; लूका २३:४४-४९; यूहन्ना १९:२८-३०
33नोजे बाह्र तप-मेस्ये घण्टा सोम्सेमे का-मुलुक देशने मून्दूङ् क्यूत्दे। 34#भजनसंग्रह 22:1नूस्यूङ्जे सोम् तप्प येशूदे के केन् योन्देबे पारा पूत्दे, “ईलोई, ईलोई, लामा सबखथानी?” अम्बजे अर्थ, “ओ ङैजे परमेश्वर, ओ ङैजे परमेश्वर नदे ङैने चेने पोङ्ये?”
35येशू ट्याने मेर्नब कोइ मीयूदे ङूजे के तदेबे यदे, “ङ्यीन् ङूदे एलियाने कप्पीन ख्यङ्।”
36 #
भजनसंग्रह 69:21
होर्दे मीत्या छ्योङ्रदेबे रेङ म्याजे पीर्ग टने कोला टलोत्या तोल्देबे हम्ब टलोने क्यूङब अङ्गुरजे चीने य्वादेबे येशूने थूङ्से पीन्दे, “लेदे च, कादेये ङूने क्रूसदे मो तलने एलिया रीयी च।”
37हन्छ्वाबने येशूदे के केन् योन्देब दीयो पूत्दे।
38 #
प्रस्थान 26:31-33
होर्दे मन्दिरजे पर्दा टदे मो ड्वासेमे फाच्या ङ्ही क्यूत्देबे प्र्याङ्यी। 39येशूदे येर्बे प्राण क्याबेब तङ्देबे क्रूसजे खूम्दे मेर्नब रोमी कप्तानदे यदे, “तम्दम्ने अम्ब मी परमेश्वरजे च टूङ्।”
40 #
लूका 8:2,3 हैयाने चीन्तङ्दे लेन्नब मदीयूये ख्य। थमयूप्रे मरियम मग्दलिनी होर्दे चीद कन्छ याकूब मेस्ये योसेफजे म मरियम मेस्ये सलोमीये ख्य। 41येशू गालीलने ख्यङ्ब थमयू ङूजे ङ्ये-ङ्ये प्रख्य, होर्दे ङूजे सुसार चेख्य, मेस्ये येशूप्रे-प्रे यरूशलेमने रब सूजो कूम मदीयूये हैयाने ख्य।
येशूने पोपब
मत्ती २७:५७-६१; लूका २३:५०-५६; यूहन्ना १९:३८-४२
42तयारजे दिन, या आरामचेब दिनजे खूम्जे दिन, हन्छ्वाब नूस्यूङ् क्यूट्ट ख्य 43यहूदीजे पात्ता केन् सभाजे क्वादेने मन्देब मी केन् अरिमाथिया सहरजे योसेफ ख्य, ङूदे परमेश्वरजे राज्यजे लम् लेन्न ख्य, ङूदे द्याङ् केन् चीत्देबे पिलातस ट्याने गीलीदेबे येशूजे लास स्यदे।
44येशू तरने सीइ यब पो तदेबे पिलातस हार्मन्दीदे। होर्दे येशू तम्दम्ने सीये औ यदेबे ङूदे रोमी कप्तानने कोदेबे लोत्दे,
45येशू तम्दम्ने सीइ यदेबे कप्तानदे पो स्योट्टमेस्ये पिलातसदे योसेफने, येशूजे लास कूबसे पीन्दे।
46होर्दे योसेफदे मलमलजे कोला कीन्देबे रेत्दे मेस्ये येशूजे ङ्व क्रूसदे मो तल्देबे हम्ब कोलादे फूर्देबे पोलोम् यूर्देबे भोङ् केन् चीतेब तूर्सने हीत्दे। होर्दे लूङ् केन्त्या रीलीली हूल्गीदेबे तूर्सजे ल चेपीदे।
47मरियम मग्दलिनीप्रे योसेफजे म मरियमदे येशू तूर्सने येब लेन्न ख्य।
Currently Selected:
मर्कूस 15: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
