मर्कूस 5
5
येशूदे छेत् लादीकब मी तम् चीम्मीत्दे
मत्ती ८:२८-३४; लूका ८:२६-३९
1होर्दे थमयू समुद्रजे तीप्ल्या गेरासेनसजे मुलुकने फ्योरदे। 2येशू डुङ्गादे फीने योङ्रबने अशुद्ध आत्मा लादीकब मीत्या तूर्स ख्यब नेदे येशूने तूरदे। 3ङू तूर्सयू ख्यब नेने टूङ ख्य, ङूने सूदेये सङ्लोदे ख्यादेबे ये अन्ख्व ख्य। 4चेनेयलो ङूजे ला-तोप् नेल् मेस्ये सङ्लोयूदे कूम खेप् ख्याये ख्य, ख्यायीलीने ला तोप्ने ख्यब सङ्लोये धूचधूच प्रेबे ख्य। ङूने सूमीदेये चूङ अङ्ख्व ख्य। 5ङू नोमून् येतार्ने तूर्सयू होर्दे गङ्-गङ्ने पारा पूत्देबे रङ्से ङ्वने रङ्सेदेने लूङ्दे प्राये-प्राये प्रख्य।
6होर्दे कन्छ्वाब ङूदे येशूने चीन्तङ्देने तङ्दे हन्छ्वाबने छो ग्येरदे, मेस्ये येशूने स्यूव पीन्दे। 7होर्दे ङूदे के योन्देबे यदे, “ओ पात्ता केन् परमेश्वरजे च येशू, ङैने नदे च चे मे? ङ परमेश्वरने कसम चदेबे नने बिन्ती चीक्क्य ङैने छरङ् अम्पीन्लाची।” 8चेनेयलो येशूदे ङूने, “ओ अशुद्ध आत्मा, हम्ब मी नङ्ने अन्टूङ्लाबे फीने योङ्ख यदेबे य ख्य।”
9होर्दे येशूदे ङूने लोत्दे, “नैजे मीन् च?”
ङूदे येशूने स्योत्दे, “ङैजे मीन्ब ‘बगल’ चेनेयलो ङी कूम ख्यङ्।” 10अशुद्ध आत्मायूने हम्ब मुलुकदे फीने अन्-योम्बीलची यदेबे हम्ब मीदे येशूने सोरो बिन्ती चीत्दे।
11हम्ब गङ्जे पैतेलेयोर् पाजे हुल केन्त्या चेन् ख्य। 12हम्ब अशुद्ध आत्मायूदे येशूने बिन्ती चीत्दे, “ङीने पायू ट्याने प्रस्ये पीन्, मेस्ये ङी पायू नङ्ने क्योबीय।” 13होर्दे येशूदे थमयूने पायू नङ्ने क्योबस्ये पीन्दे, मेस्ये अशुद्ध आत्मायू फीने योङ्देबे पायू नङ्ने क्योयीदे, होर्दे हजार ङ्हीला पायू पैदे समुद्रतेले छङ्यी, मेस्ये समुद्रने नूम्यीदेबे सीइ।
14हम्ब पा छब मीयू ग्येइदेबे सहरने मेस्ये त-तने खबर स्योत्दे। मेस्ये च क्यूरे टूङ् यदेबे हम्ब लेने मीयू हैयाने रदे। 15होर्दे थमयू येशू ट्याने रदे, मेस्ये हम्ब छेत् लादीकब मी ज्य क्यूत्दे कोला होत्देबे टूनब तङ्दे, हम्ब तङ्देबे थमयू फैगदे। 16होर्दे येरे क्यूरेब तङब मीयूदे, छेत् लादीकब मी प्रे पायूने च क्यूरे ख्य हम्ब क्यूरेब पो क्वाने मीयूने स्योम्मीदे। 17होर्दे येर पो तदेबे हम्ब मीयूदे येशूने बिन्ती चीत्दे, ङीजे त पोङ्देबे प्र।
18येशू डुङ्गाने ट मेल्नूब हम्ब छेत् योङ्गीदे ज्य क्यूरेब मीदे ङैने नेप्रे प्रस्येपीन् यदेबे बिन्ती चीत्दे। 19तर येशूदे प्रस्ये अम्पीन्, मेस्ये ङूने यदे, “न रङ्से कीम्ने प्रदेबे नैजे ख्योन्यूने प्रभुदे नने चीम्मेब केन् काम मेस्ये तम्मेब दयाजे साप्ता पोयू रङ्से मीयूने स्योम्मी।” 20होर्दे हम्ब मी गीलीदेबे येशूदे ङूने चीम्मेब सोरो केन् कामजे पोयू डेकापोलिसजे का-मुलुकने स्योत्दे, हम्ब पो तदेबे मीयू क्वाने हार्मन्दीदे।
सीयेब मदी-पीच मेस्ये नव मदी
मत्ती ९:१८-२६; लूका ८:४०-५६
21कन्छ्वाब येशू फेरि डुङ्गाने टदेबे समुद्रजे तीब्ल्यायोर् गीलीदे, हन्छ्वाब हैयाने मी हुलत्या येशूजे ती-छो रूप् क्यूत्दे। येशू समुद्रजे नने ख्य। 22यहूदी सभा-कीम्जे पात्ता केन् मी याइरस यब मीत्या येशू ट्याने रदे, मेस्ये येशूने तङ्देबे तोप्ने स्यूव पीन्दे, 23मेस्ये येरे यदेबे बिन्ती चीत्दे, “ङैजे चीमी चीद नदेबे सीबमेल्न ख्यङ्, न रदेबे ङैजे चीमी फ्याने नैजे ला हीम्मी मेस्ये ङू तम् क्यूत्देबे बच्दीस्य।” 24होर्दे येशू ङूप्रे गीलीदे।
मी हुल केन्त्या ङू ङ्ये-ङ्ये रदे, मेस्ये मीयू ङूजे ती-छो तीहुल्-छोहुल् चीत्दे। 25हम्ब नेने बाह्र वर्ष खूम् मेस्येने का बग्दे बीद ख्यब मदीत्या ख्य। 26ङूदे कूम पीरी-पीरीजे डाक्टरयूने तन्दे बेस्से छरङ् प्रेत्देबे रङ्सेजे कूम सीर-सम्पत्ति जेङ्कदे, होरेचीत्देबेये ङू तम् अङ्क्यूल्लाबे बीद सोरो थेप्-थेप् चप्दीये ख्य। 27हम्ब मदीदे येशूजे बारेने तख्य, मेस्ये ङू मी हुल नङ्ने क्योयीदेबे येशूजे ङ्यलम्जे कोला छूत्दे। 28चेनेयलो ङूजे सेम्ने मेन्दे, “ङैदे ङूजे कोला त्या छ्वे प्रेल्लीने ङ तम् क्यूक्क्य।” 29होर्दे खात्याने मदीजे का बग्देब थम्दीइ, मेस्ये रङ्सेजे ङ्वने ख्यब बीद तम् क्यूरेब मदीदे था प्रेत्दे।
30येशूदे रङ्से शक्ति फीने योङ्येब छाट्टे था प्रेत्देबे मीहुल नङ्ने ङ्यलम्योर् ल्वादेबे लोत्दे, “ङैजे कोला सूदे छ्वे?”
31स्यूस्स्यायूदे येशूने यदे, “मीहुलदे तीहूल्-छोहूल् चीन्नब नदे तङ्नने ख्यङ्, येर तङ्लीने, “ङैने सूदे छूत्दे यदेबे नदे चेने ल्वे?”
32ङूने छ्वेब मी सू टोङ् यदेबे ङूदे ती-छो ले मेदे। 33होर्दे रङ्सेने च क्यूरे ख्य हम्ब क्वाने था प्रेत्देबे हम्ब मदी फदे स्य लूतूतू फ्रीक्देबे येशूजे खूम्ने रदेबे पून्छ्यल् क्यूत्दे, मेस्ये ङूने तम्दम् पोयू क्वाने स्योम्मीदे। 34होर्दे येशूदे ङूने यदे, “चीमी, नैजे विश्वासदे बीद तम् क्यूरे ख्यङ्। चैये अम्मन्लाबे प्र। नैजे बीद तम् क्यूस्स्य।”
35येशूदे पो येनूब, यहूदी सभा-कीम्जे पात्ता केन् मी याइरसजे कीम्दे मीयू रदेबे यदे, “नैजे चीमी सीइ। जेम्से गुरुने चेने सूजो छरङ् पीन्न?”
36तर थमयूदे यब पोयू येशूदे अन्ङ्यीन्लाबे यहूदी सभा-कीम्जे पात्ता केन् मीने यदे, “अम्फलाबे, विश्वास त्या ची।”
37होर्दे येशूदे पत्रुस, याकूब मेस्ये याकूबजे च्योन् यूहन्ना-नेत्या ङूप्रे रसे पीन्दे सूजो मीयू सूत्याये ङूप्रे रसे अम्पीन्। 38थमयू यहूदी सभा-कीम्जे पात्ता केन् मीजे कीम्ने फ्योरदे, होर्दे येशूदे मीयू सोरो पारा पून्नब, ङूनबयू मेस्ये अन्सूग्देबे के केन्दे बीगन फानब मीयू तङ्दे। 39कीम् नङ्ने गीलीदेबे येशूदे थमयूने यदे, “नमयू चेने पारा पूत्देबे ङून? चम्च सीये दी, ङू ङ्यूम्न ख्यङ्। 40तर येशूजे पोने थमयू रीग्दे, होर्दे ङूदे थमयू क्वानेने फीने कूल्बीदे, मेस्ये चम्चजे प-म मेस्ये ङूप्रे ख्यब मीयूने प्रे स्योल्देबे चम्च ख्यब नेनङ्ने गीलीदे।
41होर्दे चम्चजे ला चूङ्देबे ङूदे हम्ब चम्चने यदे, “तालीता कूमी”, अम्बजे अर्थ, “ओ मो, लङ्।”
42होरे यबीतीक्ने हम्ब चम्च लङ्दे, मेस्ये ती-छो प्रमेदे। ङू बाह्र वर्ष क्यूर ख्य। होर्दे हन्छ्वाब थमयू हार्मन्दीकदे।
43येशूदे थमयूने अम्ब पो सूदेये था अम्प्रेस्स्य यदेबे हुकुम पीन्दे। होर्दे चम्चने चसे चत्या पीन् यदेबे थमयूने यदे।
Currently Selected:
मर्कूस 5: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
मर्कूस 5
5
येशूदे छेत् लादीकब मी तम् चीम्मीत्दे
मत्ती ८:२८-३४; लूका ८:२६-३९
1होर्दे थमयू समुद्रजे तीप्ल्या गेरासेनसजे मुलुकने फ्योरदे। 2येशू डुङ्गादे फीने योङ्रबने अशुद्ध आत्मा लादीकब मीत्या तूर्स ख्यब नेदे येशूने तूरदे। 3ङू तूर्सयू ख्यब नेने टूङ ख्य, ङूने सूदेये सङ्लोदे ख्यादेबे ये अन्ख्व ख्य। 4चेनेयलो ङूजे ला-तोप् नेल् मेस्ये सङ्लोयूदे कूम खेप् ख्याये ख्य, ख्यायीलीने ला तोप्ने ख्यब सङ्लोये धूचधूच प्रेबे ख्य। ङूने सूमीदेये चूङ अङ्ख्व ख्य। 5ङू नोमून् येतार्ने तूर्सयू होर्दे गङ्-गङ्ने पारा पूत्देबे रङ्से ङ्वने रङ्सेदेने लूङ्दे प्राये-प्राये प्रख्य।
6होर्दे कन्छ्वाब ङूदे येशूने चीन्तङ्देने तङ्दे हन्छ्वाबने छो ग्येरदे, मेस्ये येशूने स्यूव पीन्दे। 7होर्दे ङूदे के योन्देबे यदे, “ओ पात्ता केन् परमेश्वरजे च येशू, ङैने नदे च चे मे? ङ परमेश्वरने कसम चदेबे नने बिन्ती चीक्क्य ङैने छरङ् अम्पीन्लाची।” 8चेनेयलो येशूदे ङूने, “ओ अशुद्ध आत्मा, हम्ब मी नङ्ने अन्टूङ्लाबे फीने योङ्ख यदेबे य ख्य।”
9होर्दे येशूदे ङूने लोत्दे, “नैजे मीन् च?”
ङूदे येशूने स्योत्दे, “ङैजे मीन्ब ‘बगल’ चेनेयलो ङी कूम ख्यङ्।” 10अशुद्ध आत्मायूने हम्ब मुलुकदे फीने अन्-योम्बीलची यदेबे हम्ब मीदे येशूने सोरो बिन्ती चीत्दे।
11हम्ब गङ्जे पैतेलेयोर् पाजे हुल केन्त्या चेन् ख्य। 12हम्ब अशुद्ध आत्मायूदे येशूने बिन्ती चीत्दे, “ङीने पायू ट्याने प्रस्ये पीन्, मेस्ये ङी पायू नङ्ने क्योबीय।” 13होर्दे येशूदे थमयूने पायू नङ्ने क्योबस्ये पीन्दे, मेस्ये अशुद्ध आत्मायू फीने योङ्देबे पायू नङ्ने क्योयीदे, होर्दे हजार ङ्हीला पायू पैदे समुद्रतेले छङ्यी, मेस्ये समुद्रने नूम्यीदेबे सीइ।
14हम्ब पा छब मीयू ग्येइदेबे सहरने मेस्ये त-तने खबर स्योत्दे। मेस्ये च क्यूरे टूङ् यदेबे हम्ब लेने मीयू हैयाने रदे। 15होर्दे थमयू येशू ट्याने रदे, मेस्ये हम्ब छेत् लादीकब मी ज्य क्यूत्दे कोला होत्देबे टूनब तङ्दे, हम्ब तङ्देबे थमयू फैगदे। 16होर्दे येरे क्यूरेब तङब मीयूदे, छेत् लादीकब मी प्रे पायूने च क्यूरे ख्य हम्ब क्यूरेब पो क्वाने मीयूने स्योम्मीदे। 17होर्दे येर पो तदेबे हम्ब मीयूदे येशूने बिन्ती चीत्दे, ङीजे त पोङ्देबे प्र।
18येशू डुङ्गाने ट मेल्नूब हम्ब छेत् योङ्गीदे ज्य क्यूरेब मीदे ङैने नेप्रे प्रस्येपीन् यदेबे बिन्ती चीत्दे। 19तर येशूदे प्रस्ये अम्पीन्, मेस्ये ङूने यदे, “न रङ्से कीम्ने प्रदेबे नैजे ख्योन्यूने प्रभुदे नने चीम्मेब केन् काम मेस्ये तम्मेब दयाजे साप्ता पोयू रङ्से मीयूने स्योम्मी।” 20होर्दे हम्ब मी गीलीदेबे येशूदे ङूने चीम्मेब सोरो केन् कामजे पोयू डेकापोलिसजे का-मुलुकने स्योत्दे, हम्ब पो तदेबे मीयू क्वाने हार्मन्दीदे।
सीयेब मदी-पीच मेस्ये नव मदी
मत्ती ९:१८-२६; लूका ८:४०-५६
21कन्छ्वाब येशू फेरि डुङ्गाने टदेबे समुद्रजे तीब्ल्यायोर् गीलीदे, हन्छ्वाब हैयाने मी हुलत्या येशूजे ती-छो रूप् क्यूत्दे। येशू समुद्रजे नने ख्य। 22यहूदी सभा-कीम्जे पात्ता केन् मी याइरस यब मीत्या येशू ट्याने रदे, मेस्ये येशूने तङ्देबे तोप्ने स्यूव पीन्दे, 23मेस्ये येरे यदेबे बिन्ती चीत्दे, “ङैजे चीमी चीद नदेबे सीबमेल्न ख्यङ्, न रदेबे ङैजे चीमी फ्याने नैजे ला हीम्मी मेस्ये ङू तम् क्यूत्देबे बच्दीस्य।” 24होर्दे येशू ङूप्रे गीलीदे।
मी हुल केन्त्या ङू ङ्ये-ङ्ये रदे, मेस्ये मीयू ङूजे ती-छो तीहुल्-छोहुल् चीत्दे। 25हम्ब नेने बाह्र वर्ष खूम् मेस्येने का बग्दे बीद ख्यब मदीत्या ख्य। 26ङूदे कूम पीरी-पीरीजे डाक्टरयूने तन्दे बेस्से छरङ् प्रेत्देबे रङ्सेजे कूम सीर-सम्पत्ति जेङ्कदे, होरेचीत्देबेये ङू तम् अङ्क्यूल्लाबे बीद सोरो थेप्-थेप् चप्दीये ख्य। 27हम्ब मदीदे येशूजे बारेने तख्य, मेस्ये ङू मी हुल नङ्ने क्योयीदेबे येशूजे ङ्यलम्जे कोला छूत्दे। 28चेनेयलो ङूजे सेम्ने मेन्दे, “ङैदे ङूजे कोला त्या छ्वे प्रेल्लीने ङ तम् क्यूक्क्य।” 29होर्दे खात्याने मदीजे का बग्देब थम्दीइ, मेस्ये रङ्सेजे ङ्वने ख्यब बीद तम् क्यूरेब मदीदे था प्रेत्दे।
30येशूदे रङ्से शक्ति फीने योङ्येब छाट्टे था प्रेत्देबे मीहुल नङ्ने ङ्यलम्योर् ल्वादेबे लोत्दे, “ङैजे कोला सूदे छ्वे?”
31स्यूस्स्यायूदे येशूने यदे, “मीहुलदे तीहूल्-छोहूल् चीन्नब नदे तङ्नने ख्यङ्, येर तङ्लीने, “ङैने सूदे छूत्दे यदेबे नदे चेने ल्वे?”
32ङूने छ्वेब मी सू टोङ् यदेबे ङूदे ती-छो ले मेदे। 33होर्दे रङ्सेने च क्यूरे ख्य हम्ब क्वाने था प्रेत्देबे हम्ब मदी फदे स्य लूतूतू फ्रीक्देबे येशूजे खूम्ने रदेबे पून्छ्यल् क्यूत्दे, मेस्ये ङूने तम्दम् पोयू क्वाने स्योम्मीदे। 34होर्दे येशूदे ङूने यदे, “चीमी, नैजे विश्वासदे बीद तम् क्यूरे ख्यङ्। चैये अम्मन्लाबे प्र। नैजे बीद तम् क्यूस्स्य।”
35येशूदे पो येनूब, यहूदी सभा-कीम्जे पात्ता केन् मी याइरसजे कीम्दे मीयू रदेबे यदे, “नैजे चीमी सीइ। जेम्से गुरुने चेने सूजो छरङ् पीन्न?”
36तर थमयूदे यब पोयू येशूदे अन्ङ्यीन्लाबे यहूदी सभा-कीम्जे पात्ता केन् मीने यदे, “अम्फलाबे, विश्वास त्या ची।”
37होर्दे येशूदे पत्रुस, याकूब मेस्ये याकूबजे च्योन् यूहन्ना-नेत्या ङूप्रे रसे पीन्दे सूजो मीयू सूत्याये ङूप्रे रसे अम्पीन्। 38थमयू यहूदी सभा-कीम्जे पात्ता केन् मीजे कीम्ने फ्योरदे, होर्दे येशूदे मीयू सोरो पारा पून्नब, ङूनबयू मेस्ये अन्सूग्देबे के केन्दे बीगन फानब मीयू तङ्दे। 39कीम् नङ्ने गीलीदेबे येशूदे थमयूने यदे, “नमयू चेने पारा पूत्देबे ङून? चम्च सीये दी, ङू ङ्यूम्न ख्यङ्। 40तर येशूजे पोने थमयू रीग्दे, होर्दे ङूदे थमयू क्वानेने फीने कूल्बीदे, मेस्ये चम्चजे प-म मेस्ये ङूप्रे ख्यब मीयूने प्रे स्योल्देबे चम्च ख्यब नेनङ्ने गीलीदे।
41होर्दे चम्चजे ला चूङ्देबे ङूदे हम्ब चम्चने यदे, “तालीता कूमी”, अम्बजे अर्थ, “ओ मो, लङ्।”
42होरे यबीतीक्ने हम्ब चम्च लङ्दे, मेस्ये ती-छो प्रमेदे। ङू बाह्र वर्ष क्यूर ख्य। होर्दे हन्छ्वाब थमयू हार्मन्दीकदे।
43येशूदे थमयूने अम्ब पो सूदेये था अम्प्रेस्स्य यदेबे हुकुम पीन्दे। होर्दे चम्चने चसे चत्या पीन् यदेबे थमयूने यदे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.