Pemungkal 16
16
Hagar Enggau Ismail
1Sarai, bini Abram, nadai anak. Tang iya bisi siku ulun, indu orang Ejip, ke benama Hagar. 2Ku Sarai bejaku enggau Abram, “TUHAN udah nagang aku beranak, nya alai manah nuan tinduk enggau ulun aku. Nyangka ukur iya ulih ngadaka siku anak ke aku.” Abram besetuju enggau utai ti disebut Sarai. 3Nya alai Sarai nyerahka Hagar ngagai Abram nyadika indu simpan iya. (Utai tu nyadi lebuh Abram udah diau di menua Kanaan sepuluh taun.) 4Abram tinduk enggau Hagar, lalu Hagar ngandung. Lebuh Hagar nemu diri ngandung, iya lalu ngenyumbungka diri, lalu mechat Sarai.
5Udah nya Sarai lalu bejaku enggau Abram, “Nuan udah salah, nya kebuah Hagar mechat aku.#16.5 Tauka: Awakka nuan merinsa, laban nuan udah ngereja utai ti salah tu ngagai aku. Aku empu ti udah meri iya ngagai nuan, lalu sekumbang iya ke nemu diri udah ngandung, iya mechat aku. Awakka TUHAN ngakim sapa tua ke ngena, nuan tauka aku!”
6Disaut Abram, “Barang ku jaku. Iya ulun nuan, lalu iya di baruh kuasa nuan. Kereja aja sebarang utai ti dikedekaka nuan ba iya.” Udah nya Sarai lalu merinsaka Hagar, datai ke Hagar nyau rari.
7Melikat TUHAN betemu enggau Hagar ba siti mata ai di menua puang, ba jalai ngagai Sur 8lalu bejaku, “Hagar, ulun Sarai: datai ari ni nuan, lalu kini ke tunga pejalai nuan?”
Disaut Hagar, “Aku rari ari Sarai.”
9Ku melikat TUHAN nya bejaku, “Nuan enda tau enda pulai baru ngagai iya lalu nyadi ulun iya.” 10Udah nya melikat nya bejaku ngagai iya, “Aku deka meri nuan mayuh peturun, datai ke sida nyau enda ulih diitung. 11Nuan deka ngadaka siku anak lelaki, lalu nuan deka meri iya nama Ismail,#16.11 Ismail; Reti nya: Allah Taala ninga laban TUHAN udah ninga sabak nuan. 12Tang iya deka idup baka keledai kampung: iya deka ngelaban semua orang, lalu semua orang deka ngelaban iya. Iya deka diau beserekang ari semua kaban belayan iya.”
13Hagar lalu nanya diri empu, “Kati aku amat udah meda Allah Taala, lalu agi mengkang idup nusui pasal utai nya?” #16.13 idup lalu ulih nusui pasal utai nya; Enda terang dalam Hebrew. Nya alai iya ngumbai TUHAN ti udah bejaku enggau iya nya “Allah Taala Ke Meda.” 14Nya meh kebuah orang ngumbai telaga ti ba entara Kades enggau Beret nya “Telaga Ti Diempu Iya Ti Idup, Ke Meda Aku.”
15 #
Gal 4.22. Hagar ngadaka siku anak lelaki ke Abram, lalu Abram meri iya nama Ismail. 16Umur Abram lapan puluh enam taun lebuh maya nya.
Currently Selected:
Pemungkal 16: BK
Highlight
Share
Copy
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
