Luke 12
12
Bejaga Ari Orang Ke Pura-pura Ngapa
(Matthew 10.26-27)
1 #
Mat 16.6; Mrk 8.15. Lebuh beribu-ribu iku orang begempuru, datai ke sida nyau teindikka kaki pangan diri, Jesus bejaku ngagai sida murid Iya. Ku Iya, “Bejaga kita ari ragi orang Parisi, reti nya ari jaku sida ti pura-pura ngapa. 2#Mat 10.26-27; Mrk 4.22; Luk 8.17; Eps 5.13. Nadai utai ti ditudung enda dikebakka, lalu nadai utai ti dilalaika, enda ditemu. 3Nya alai, utai ti udah disebut kita dalam petang, deka didinga lebuh siang hari, lalu utai ti dipetelaika kita di bilik, deka disadaka ari puchuk perabung.
Sapa Ke Patut Dikenangika
(Matthew 10.28-31)
4 #
Jhn 15.14-15. #Mat 10.28-33. “Aku madah ngagai kita, unggal, anang takutka orang ke munuh tubuh, tang udah nya enda ulih ngereja utai lebih ari nya. 5#Heb 10.31. Tang Aku madahka sapa ke patut dikenangika kita: nangika Allah Taala ti bisi kuasa muai kita ngagai neraka#12.5 neraka; Gerika: Gehenna lebuh Iya udah munuh kita. Sigi amat. Aku madah ngagai kita: nangika Iya!
6Ukai enda lima iku burung pipit dijual ngena rega dua sen aja? Tang taja pia, nadai siku sida nya enda dikingatka Allah Taala. 7#Luk 21.18; SKR 27.34; Mat 12.12. Indah semua lambar buk ba pala kita deh udah diitung magang. Nya alai anang takut. Kita lebih agi berega ari burung pipit!
Ngaku Enggau Nulak Kristus
(Matthew 10.32-33; 12.32; 10.19-20)
8“Lalu Aku madah ngagai kita, genap iku orang ke ngaku Aku di mua orang, deka diaku Anak Mensia di mua bala melikat Allah Taala. 9#Mrk 8.38; Luk 9.26; 2 Tim 2.12. Tang barang sapa besangkalka Aku di mua orang, deka disangkal Anak Mensia di mua bala melikat Allah Taala.
10 #
Mat 12.32; Mrk 3.29. Lalu genap iku orang ke bejaku ngelaban Anak Mensia, deka diampun, tang barang sapa bejaku busung ngelaban Roh Kudus, enda diampun.
11 #
Mat 10.19-20; Mrk 13.11; Luk 21.14-15. Lebuh sida mai kita ngagai balai gempuru, ngambika kita kena pechara di mua raja, di mua orang ke megai perintah, anang irauka jalai kita deka nyaut sida, tauka utai ti deka disebut kita, 12laban Roh Kudus deka ngajar kita, ba jam nya, utai ti patut disebut kita.”
Sempama Pasal Orang Kaya Ke Beli
13Siku orang ari tekang bala mayuh nyebut ngagai Jesus, “Pengajar, asuh menyadi lelaki aku magi reta kami sebilik enggau aku.”
14Tang ku Jesus bejaku ngagai iya, “Unggal, sapa ngasuh Aku nyadi hakim tauka bekuasa magi reta kita?” 15#1 Tim 6.6-10. Lalu ku Jesus bejaku ngagai semua sida, “Bejimat kita. Jaga diri ari semua macham pengamu, laban pengidup mensia ukai bepanggai ba pemayuh reta tengkira.”
16Iya lalu madahka siti sempama ngagai sida. Ku Iya, “Tanah orang siku ke kaya mansutka mayuh amat asil, 17lalu ku iya berunding, ‘Nama utai ti deka dikereja aku, laban aku nadai endur alai nyimpan gandum aku?’ 18Lalu ku iya bejaku, ‘Tu utai ti deka dikereja aku: Aku deka ngererak setor aku ti lama, lalu ngaga sebuah ti besai agi, alai nyimpan semua gandum enggau reta tengkira aku. 19#[2] Sir 11.19. Lalu aku deka bejaku enggau diri empu, ‘Nuan udah besimpanka mayuh utai nyadika penabat ke berapa taun ti deka datai. Badu agi gawa, makai, ngirup lalu ngelantangka diri.’ 20#Jer 17.11; Jop 27.8; Mas 39.6; Luk 12.33-34. Tang ku Allah Taala bejaku ngagai iya, ‘Nuan tu beli! Malam tu seput nuan deka diambi ari nuan, lalu sapa deka bempu semua utai ti udah disimpan nuan?’
21Nya meh gaya utai ti deka nyadi ba orang ke nugungka pengaya ke diri empu, tang enda kaya di mua Allah Taala.”
Anang Irau
(Matthew 6.25-34)
22Lalu ku Iya bejaku ngagai sida murid Iya, “Nya alai Aku madah ngagai kita, anang irauka pengidup kita, utai ti deka diempa kita, tauka pasal tubuh, tauka pasal gari. 23Laban pengidup beguna agi ari pemakai, lalu tubuh beguna agi ari gari. 24#Luk 12.6-7. Peratika burung kak: sida nadai nanam utai, tauka ngetau, lalu sida nadai setor tauka pelabuh, tang taja pia, Allah Taala nupi sida! Kita lebih agi berega ari burung! 25Kati pengirau kita ulih nambahka umur kita sejam? 26Enti kita enda ulih ngereja utai ti ngemit nya, nama kebuah kita irauka utai bukai? 27#1 Raj 10.1-10; 2 Ban 9.3-6. Peratika bungai bakung, jalai sida tumbuh. Sida enda gawa, tauka betenun. Tang Aku madah ngagai kita, indah Solomon enggau semua pengaya iya, deh nadai gari ti ngemanah sida bungai nya. 28Tang enti Allah Taala meri gari ngagai rumput ti idup sehari tu, lalu pagila dibuai ngagai api, Allah Taala tentu deka lebih agi meri gari ngagai kita, O kita ke mit pengarap!
29Lalu anang irauka utai ti deka diempa tauka diirup kita. 30#Mat 6.8. Semina orang ke enda nemu Allah Taala aja ke irauka utai nya lalu Apai kita ti di serega nemu kita begunaka utai nya. 31Tang giga dulu Perintah Allah Taala, lalu semua utai nya deka mega diberi ngagai kita.
Pengaya Ti Di Serega
(Matthew 6.19-21)
32 #
Jhn 21.15-17. “Anang takut, kita ke mimit tu, laban Apai kita endang gaga ati deka meri Perintah ngagai kita. 33#Mat 6.19-21; Luk 18.22. Jual semua reta tengkira kita, lalu beri sedekah ngagai orang ke seranta. Gaga ke diri empu kambut duit ti enda nemu luya, lalu simpan pengaya ke diri empu di serega, alai penchuri, enggau indu gegat enda ulih ngerusak. 34Laban dia alai pengaya kita, dia meh ati kita.
Bejaga
35 #
Eps 6.14; Mat 25.1-13. “Seruran besedia, lalu awakka lampu kita seruran menyadi belama, 36#Mrk 13.34-36. baka orang gaji ke nganti tuan sida pulai ari gawai tikah, ngambika sida ulih muka pintu ke iya, lebuh iya datai lalu nekung pintu. 37#Jhn 13.3-5; Mat 24.42; Luk 21.36. Beberekat meh orang gaji ke ditemu tuan sida enda tinduk lebuh iya datai. Enggau bendar Aku madah ngagai kita, iya deka nyendiaka diri, lalu ngasuh sida belatur duduk, lalu mela sida. 38Beberekat meh orang gaji nya enti tuan sida tetemuka sida udah sedia, lebuh iya datai ba urung tengah malam tauka ba urung dini hari. 39#Mat 24.43-44; 1 Tes 5.2; Pem 3.3; 16.15; 2 Pet 3.10. Tang awakka kita nemu tu: enti orang ke bempu rumah nemu maya penchuri datai, iya tentu deka bejaga enggai ke penchuri tama ngagai rumah iya. 40Kita pen enda tau enda mega besedia, laban Anak Mensia deka datai ba maya ti enda disangka kita.”
Orang gaji Ke Tetap Ati Enggau Ke Enda Tetap Ati
(Matthew 24.45-51)
41Ku Peter bejaku, “Tuhan, kati Nuan madahka sempama tu ke kami, tauka ke semua orang?”
42 #
Mat 24.45-51. #Luk 7.13. Tuhan lalu bejaku, “Sapa ulun ke tetap ati sereta pintar, ke tau diasuh tuan iya ngemataka ulun iya, meri sida pemakai ba maya ti patut? 43Beberekat meh ulun nya ke ditemu tuan iya ngereja pengawa lebuh tuan iya datai! 44Enggau bendar Aku madah ngagai kita, tuan iya deka ngasuh iya ngemataka semua reta tengkira iya. 45Tang enti ulun nya bejaku dalam ati diri, ‘Tuan aku laun datai,’ lalu enti iya belabuh bepaluka sida ulun ti bukai, ke lelaki enggau ke indu, lalu makai ngirup lalu mabuk, 46tuan iya deka datai ba hari ti enda disangka iya, enggau ba jam ti enda ditemu iya, lalu mepat iya #12.46 Tauka: muai iya lalu ngasuh iya begulai enggau orang ke enda tetap ati.
47 #
U-dat 25.2-3; P-pau 15.29-30; Luk 8.18; 19.26. Ulun nya ke nemu utai ti dikedekaka tuan iya, tang enda nyendiaka diri tauka enda ngereja utai ti dikedekaka tuan iya, deka balat disipat. 48Tang ulun ke enda nemu utai ti dikedekaka tuan iya, lalu ngereja utai ti ngasuh iya patut kena sipat, deka disipat enda balat. Orang ke diberi mayuh, dipinta meri mayuh, lalu orang ke dikarapka ngemataka mayuh utai, deka dikarapka meri mayuh agi.
Orang Beserekang Ketegal Jesus
(Matthew 10.34-36)
49 #
Luk 22.15. “Aku datai laban Aku deka nyelup dunya tu ngena api. Naka meh pemanah enti sema dunya endang udah diselup! 50#Mrk 10.38-39; Jhn 12.27. Aku bisi siti pemaptisa ti deka dikena maptisa Aku. Naka meh pemalat pemerinsa Aku sebedau pemaptisa nya tembu! 51#Mat 10.34-36; Luk 21.16. Kati kita ngumbai Aku datai mai pemaik ngagai dunya? Ukai: Aku ukai datai mai pemaik, tang mai penyerekang. 52Belabuh ari diatu, orang lima iku diri sebilik deka beserekang, tiga ngelaban dua, lalu dua ngelaban tiga. 53#Mik 7.6. Sida deka beserekang,
apai ngelaban anak lelaki,
lalu anak lelaki ngelaban apai,
indai ngelaban anak indu,
lalu anak indu ngelaban indai
mentua indu ngelaban menantu indu,
lalu menantu indu ngelaban mentua indu.”
Ngelala Maya
(Matthew 16.2-3)
54 #
Mat 16.2-3. Iya mega nyebut ngagai orang mayuh, “Lebuh kita meda mua hari ayan tunga ke barat, kita lalu tekala nya nyebut, ‘Hari deka ujan,’ lalu hari amat ujan. 55Lalu lebuh ribut bepuput ari selatan, kita nyebut, ‘Angat hari sehari tu’, lalu hari amat angat. 56Kita tu orang ke pura-pura ngapa!#12.56 tu orang ke pura-pura ngapa; Tauka: hipokrit! Kita nemu nerangka gaya tanah enggau langit. Tang nama kebuah kita enda nemu nerangka tanda ke maya ti diatu?
Nelesai Laya
(Matthew 5.25-26)
57 #
Mat 5.25-26. “Lalu nama kebuah kita enda nemu ngelala utai ti ngena? 58Lebuh kita mansang ngagai kot enggau orang ke deka bedawaka kita, kita enda tau enda, enggau naka ulih, nelesai laya kita enggau orang nya lebuh kita agi di rantau jalai, enggai ke iya ngirit kita ngagai hakim, lalu hakim nyerahka kita ngagai polis, lalu polis nutup kita dalam rumah jil. 59Aku madah ngagai kita, kita enda pansut ari rumah jil nya datai ke kita udah mayar semua duit ukum kita.”#12.59 Gerika: lepton
Currently Selected:
Luke 12: BK
Highlight
Share
Copy
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
Luke 12
12
Bejaga Ari Orang Ke Pura-pura Ngapa
(Matthew 10.26-27)
1 #
Mat 16.6; Mrk 8.15. Lebuh beribu-ribu iku orang begempuru, datai ke sida nyau teindikka kaki pangan diri, Jesus bejaku ngagai sida murid Iya. Ku Iya, “Bejaga kita ari ragi orang Parisi, reti nya ari jaku sida ti pura-pura ngapa. 2#Mat 10.26-27; Mrk 4.22; Luk 8.17; Eps 5.13. Nadai utai ti ditudung enda dikebakka, lalu nadai utai ti dilalaika, enda ditemu. 3Nya alai, utai ti udah disebut kita dalam petang, deka didinga lebuh siang hari, lalu utai ti dipetelaika kita di bilik, deka disadaka ari puchuk perabung.
Sapa Ke Patut Dikenangika
(Matthew 10.28-31)
4 #
Jhn 15.14-15. #Mat 10.28-33. “Aku madah ngagai kita, unggal, anang takutka orang ke munuh tubuh, tang udah nya enda ulih ngereja utai lebih ari nya. 5#Heb 10.31. Tang Aku madahka sapa ke patut dikenangika kita: nangika Allah Taala ti bisi kuasa muai kita ngagai neraka#12.5 neraka; Gerika: Gehenna lebuh Iya udah munuh kita. Sigi amat. Aku madah ngagai kita: nangika Iya!
6Ukai enda lima iku burung pipit dijual ngena rega dua sen aja? Tang taja pia, nadai siku sida nya enda dikingatka Allah Taala. 7#Luk 21.18; SKR 27.34; Mat 12.12. Indah semua lambar buk ba pala kita deh udah diitung magang. Nya alai anang takut. Kita lebih agi berega ari burung pipit!
Ngaku Enggau Nulak Kristus
(Matthew 10.32-33; 12.32; 10.19-20)
8“Lalu Aku madah ngagai kita, genap iku orang ke ngaku Aku di mua orang, deka diaku Anak Mensia di mua bala melikat Allah Taala. 9#Mrk 8.38; Luk 9.26; 2 Tim 2.12. Tang barang sapa besangkalka Aku di mua orang, deka disangkal Anak Mensia di mua bala melikat Allah Taala.
10 #
Mat 12.32; Mrk 3.29. Lalu genap iku orang ke bejaku ngelaban Anak Mensia, deka diampun, tang barang sapa bejaku busung ngelaban Roh Kudus, enda diampun.
11 #
Mat 10.19-20; Mrk 13.11; Luk 21.14-15. Lebuh sida mai kita ngagai balai gempuru, ngambika kita kena pechara di mua raja, di mua orang ke megai perintah, anang irauka jalai kita deka nyaut sida, tauka utai ti deka disebut kita, 12laban Roh Kudus deka ngajar kita, ba jam nya, utai ti patut disebut kita.”
Sempama Pasal Orang Kaya Ke Beli
13Siku orang ari tekang bala mayuh nyebut ngagai Jesus, “Pengajar, asuh menyadi lelaki aku magi reta kami sebilik enggau aku.”
14Tang ku Jesus bejaku ngagai iya, “Unggal, sapa ngasuh Aku nyadi hakim tauka bekuasa magi reta kita?” 15#1 Tim 6.6-10. Lalu ku Jesus bejaku ngagai semua sida, “Bejimat kita. Jaga diri ari semua macham pengamu, laban pengidup mensia ukai bepanggai ba pemayuh reta tengkira.”
16Iya lalu madahka siti sempama ngagai sida. Ku Iya, “Tanah orang siku ke kaya mansutka mayuh amat asil, 17lalu ku iya berunding, ‘Nama utai ti deka dikereja aku, laban aku nadai endur alai nyimpan gandum aku?’ 18Lalu ku iya bejaku, ‘Tu utai ti deka dikereja aku: Aku deka ngererak setor aku ti lama, lalu ngaga sebuah ti besai agi, alai nyimpan semua gandum enggau reta tengkira aku. 19#[2] Sir 11.19. Lalu aku deka bejaku enggau diri empu, ‘Nuan udah besimpanka mayuh utai nyadika penabat ke berapa taun ti deka datai. Badu agi gawa, makai, ngirup lalu ngelantangka diri.’ 20#Jer 17.11; Jop 27.8; Mas 39.6; Luk 12.33-34. Tang ku Allah Taala bejaku ngagai iya, ‘Nuan tu beli! Malam tu seput nuan deka diambi ari nuan, lalu sapa deka bempu semua utai ti udah disimpan nuan?’
21Nya meh gaya utai ti deka nyadi ba orang ke nugungka pengaya ke diri empu, tang enda kaya di mua Allah Taala.”
Anang Irau
(Matthew 6.25-34)
22Lalu ku Iya bejaku ngagai sida murid Iya, “Nya alai Aku madah ngagai kita, anang irauka pengidup kita, utai ti deka diempa kita, tauka pasal tubuh, tauka pasal gari. 23Laban pengidup beguna agi ari pemakai, lalu tubuh beguna agi ari gari. 24#Luk 12.6-7. Peratika burung kak: sida nadai nanam utai, tauka ngetau, lalu sida nadai setor tauka pelabuh, tang taja pia, Allah Taala nupi sida! Kita lebih agi berega ari burung! 25Kati pengirau kita ulih nambahka umur kita sejam? 26Enti kita enda ulih ngereja utai ti ngemit nya, nama kebuah kita irauka utai bukai? 27#1 Raj 10.1-10; 2 Ban 9.3-6. Peratika bungai bakung, jalai sida tumbuh. Sida enda gawa, tauka betenun. Tang Aku madah ngagai kita, indah Solomon enggau semua pengaya iya, deh nadai gari ti ngemanah sida bungai nya. 28Tang enti Allah Taala meri gari ngagai rumput ti idup sehari tu, lalu pagila dibuai ngagai api, Allah Taala tentu deka lebih agi meri gari ngagai kita, O kita ke mit pengarap!
29Lalu anang irauka utai ti deka diempa tauka diirup kita. 30#Mat 6.8. Semina orang ke enda nemu Allah Taala aja ke irauka utai nya lalu Apai kita ti di serega nemu kita begunaka utai nya. 31Tang giga dulu Perintah Allah Taala, lalu semua utai nya deka mega diberi ngagai kita.
Pengaya Ti Di Serega
(Matthew 6.19-21)
32 #
Jhn 21.15-17. “Anang takut, kita ke mimit tu, laban Apai kita endang gaga ati deka meri Perintah ngagai kita. 33#Mat 6.19-21; Luk 18.22. Jual semua reta tengkira kita, lalu beri sedekah ngagai orang ke seranta. Gaga ke diri empu kambut duit ti enda nemu luya, lalu simpan pengaya ke diri empu di serega, alai penchuri, enggau indu gegat enda ulih ngerusak. 34Laban dia alai pengaya kita, dia meh ati kita.
Bejaga
35 #
Eps 6.14; Mat 25.1-13. “Seruran besedia, lalu awakka lampu kita seruran menyadi belama, 36#Mrk 13.34-36. baka orang gaji ke nganti tuan sida pulai ari gawai tikah, ngambika sida ulih muka pintu ke iya, lebuh iya datai lalu nekung pintu. 37#Jhn 13.3-5; Mat 24.42; Luk 21.36. Beberekat meh orang gaji ke ditemu tuan sida enda tinduk lebuh iya datai. Enggau bendar Aku madah ngagai kita, iya deka nyendiaka diri, lalu ngasuh sida belatur duduk, lalu mela sida. 38Beberekat meh orang gaji nya enti tuan sida tetemuka sida udah sedia, lebuh iya datai ba urung tengah malam tauka ba urung dini hari. 39#Mat 24.43-44; 1 Tes 5.2; Pem 3.3; 16.15; 2 Pet 3.10. Tang awakka kita nemu tu: enti orang ke bempu rumah nemu maya penchuri datai, iya tentu deka bejaga enggai ke penchuri tama ngagai rumah iya. 40Kita pen enda tau enda mega besedia, laban Anak Mensia deka datai ba maya ti enda disangka kita.”
Orang gaji Ke Tetap Ati Enggau Ke Enda Tetap Ati
(Matthew 24.45-51)
41Ku Peter bejaku, “Tuhan, kati Nuan madahka sempama tu ke kami, tauka ke semua orang?”
42 #
Mat 24.45-51. #Luk 7.13. Tuhan lalu bejaku, “Sapa ulun ke tetap ati sereta pintar, ke tau diasuh tuan iya ngemataka ulun iya, meri sida pemakai ba maya ti patut? 43Beberekat meh ulun nya ke ditemu tuan iya ngereja pengawa lebuh tuan iya datai! 44Enggau bendar Aku madah ngagai kita, tuan iya deka ngasuh iya ngemataka semua reta tengkira iya. 45Tang enti ulun nya bejaku dalam ati diri, ‘Tuan aku laun datai,’ lalu enti iya belabuh bepaluka sida ulun ti bukai, ke lelaki enggau ke indu, lalu makai ngirup lalu mabuk, 46tuan iya deka datai ba hari ti enda disangka iya, enggau ba jam ti enda ditemu iya, lalu mepat iya #12.46 Tauka: muai iya lalu ngasuh iya begulai enggau orang ke enda tetap ati.
47 #
U-dat 25.2-3; P-pau 15.29-30; Luk 8.18; 19.26. Ulun nya ke nemu utai ti dikedekaka tuan iya, tang enda nyendiaka diri tauka enda ngereja utai ti dikedekaka tuan iya, deka balat disipat. 48Tang ulun ke enda nemu utai ti dikedekaka tuan iya, lalu ngereja utai ti ngasuh iya patut kena sipat, deka disipat enda balat. Orang ke diberi mayuh, dipinta meri mayuh, lalu orang ke dikarapka ngemataka mayuh utai, deka dikarapka meri mayuh agi.
Orang Beserekang Ketegal Jesus
(Matthew 10.34-36)
49 #
Luk 22.15. “Aku datai laban Aku deka nyelup dunya tu ngena api. Naka meh pemanah enti sema dunya endang udah diselup! 50#Mrk 10.38-39; Jhn 12.27. Aku bisi siti pemaptisa ti deka dikena maptisa Aku. Naka meh pemalat pemerinsa Aku sebedau pemaptisa nya tembu! 51#Mat 10.34-36; Luk 21.16. Kati kita ngumbai Aku datai mai pemaik ngagai dunya? Ukai: Aku ukai datai mai pemaik, tang mai penyerekang. 52Belabuh ari diatu, orang lima iku diri sebilik deka beserekang, tiga ngelaban dua, lalu dua ngelaban tiga. 53#Mik 7.6. Sida deka beserekang,
apai ngelaban anak lelaki,
lalu anak lelaki ngelaban apai,
indai ngelaban anak indu,
lalu anak indu ngelaban indai
mentua indu ngelaban menantu indu,
lalu menantu indu ngelaban mentua indu.”
Ngelala Maya
(Matthew 16.2-3)
54 #
Mat 16.2-3. Iya mega nyebut ngagai orang mayuh, “Lebuh kita meda mua hari ayan tunga ke barat, kita lalu tekala nya nyebut, ‘Hari deka ujan,’ lalu hari amat ujan. 55Lalu lebuh ribut bepuput ari selatan, kita nyebut, ‘Angat hari sehari tu’, lalu hari amat angat. 56Kita tu orang ke pura-pura ngapa!#12.56 tu orang ke pura-pura ngapa; Tauka: hipokrit! Kita nemu nerangka gaya tanah enggau langit. Tang nama kebuah kita enda nemu nerangka tanda ke maya ti diatu?
Nelesai Laya
(Matthew 5.25-26)
57 #
Mat 5.25-26. “Lalu nama kebuah kita enda nemu ngelala utai ti ngena? 58Lebuh kita mansang ngagai kot enggau orang ke deka bedawaka kita, kita enda tau enda, enggau naka ulih, nelesai laya kita enggau orang nya lebuh kita agi di rantau jalai, enggai ke iya ngirit kita ngagai hakim, lalu hakim nyerahka kita ngagai polis, lalu polis nutup kita dalam rumah jil. 59Aku madah ngagai kita, kita enda pansut ari rumah jil nya datai ke kita udah mayar semua duit ukum kita.”#12.59 Gerika: lepton
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia