भजनसंग्रह 3
3
सहायताको लागि बिहानको प्रार्थना
(आफ्ना छोरा अब्शालोमबाट भाग्दा दाऊदको भजन)
1हे परमप्रभु! मेरा कति धेरै शत्रुहरू छन्;
मेरा विरुद्धमा उठ्ने मानिसहरू कति धेरै छन्!
2तिनीहरू मेरो बारेमा कुरा गर्छन् र भन्छन्:
“परमेश्वरले त्यसलाई सहायता दिनुहुनेछैन।”
3तर हे परमप्रभु! सधैँ खतरादेखि जोगाउने तपाईं मेरा ढाल हुनुहुन्छ,
तपाईंले मलाई विजय दिनुहुन्छ
र ममा फेरि साहस भरिदिनुहुन्छ।
4म परमप्रभुलाई सहायताको लागि पुकार्छु,
उहाँले मलाई आफ्नो पवित्र डाँडाबाट उत्तर दिनुहुन्छ।
5म ढल्कन्छु र सुत्छु
र रातभरि परमप्रभुले मलाई रक्षा गर्नुहुन्छ।
6मलाई चारैतिर घेरेर बसेका
हजारौं शत्रुहरूदेखि म डराउँदिनँ।
7परमप्रभु, आउनुहोस्! हे मेरा परमेश्वर, मलाई बचाउनुहोस्!
मेरा सबै शत्रुहरूलाई दण्ड दिनुहोस्
र मलाई हानि गर्न नसक्ने गरी तिनीहरूलाई शक्तिरहितको बनाउनुहोस्।
8विजय परमप्रभुले दिनुहुन्छ:
उहाँले आफ्ना प्रजालाई आशीर्वाद देऊन्!
Currently Selected:
भजनसंग्रह 3: सरल नेपाली
Highlight
Share
Copy
Want to have your highlights saved across all your devices? Sign up or sign in
Simple Nepali Holy Bible © Nepal Bible Society, 2008.