مَتّیٰ 24
24
دونیَه‌نینگ آخیرینینگ عالاماتلاری
مَرقُس ۱۳:۱-۳۱؛ لوقا ۲۱:۵-۳۳
1عیسی عیباداتخانادان چیقیپ باریارقا، شَگیرتلِری عیباداتخانانینگ بینالارینا قووانیپ، اُنی عیسی گُرکِزمِک اوچین، اُنونگ یانینا گِلدیلِر. 2اِمّا عیسی اُلارا: «بو زاتلارینگ هِمّه‌سینی گُریَنگیزمی؟ سیزه دُغروسینی آیدیارین: بو یِرده داش اوستونده داش قالماز، هِمّه‌سی وِیران بُلار» دییدی.
3بیرآز سُنگرا عیسی زِیتون داغیندا اُتیرقا، شَگیرتلِری اُنونگ یانینا گِلیپ: «بیزه آیت، بو زاتلار هاچان بُلار؟ سِنینگ گِلمِگینگی و دونیَه‌نینگ آخیرینی گُرکِزیَن عالامات نَهیلی بُلار؟» دییّپ سُرادیلار. 4عیسی اُلارا شِیله جُغاپ بِردی: «خاباردار بُلونگ، هیچ کیم سیزی آلدایماسین. 5اِنچِمه‌لِر: ”مِن مسیح“ دییّپ، مِنینگ آدیم بیلِن گِلیپ، کَن آداملاری آلدارلار. 6سیز اوروش توراندیغی و اوزاقداقی اوروشلار بارادا خابارلاری اِشیدِنینگیزده قُرقمانگ. بولار بُلمالیدیر، یُنه هِنیز دونیَه‌نینگ آخیری دَلدیر. 7چونکی میلِّت-میلِّته و حُکومِت-حُکومِته قارشی چیقار. آیری-آیری یِرلِرده آچلیقلار و یِر تیترِمِلِر بُلار. 8بولارینگ هِمّه‌سی دُغورما دِردلِرینگ باشلانیانجیسیدیر.
9«سُنگرا سیزی آزار بِرمِکلِره سِزاوار اِدِرلِر، اُلدورِرلِر، مِنینگ آدیم سِبَپلی هِمّه میلِّتلِر سیزدِن ییگرِنِرلِر. 10شُندا کَن آداملار مِندِن اِل چِکیپ، بیری-بیریلِرینه خایینلیق اِدِرلِر، بیری-بیریلِریندِن ییگرِنِرلِر. 11کَن یالان نِبیلِر دُرَپ، کَن آداملاری آزدیرارلار. 12یامان ایشلِرینگ آرتانلیغی سِبَپلی، کَن آداملارینگ سُیگوسی سُوار. 13اِمّا آخیرنا چِنلی جیدان نِجات تاپار. 14آسمانینگ پادیشاهلیغی بو خوش خاباری هِمّه میلِّتلِره شاهاتلیق حُکمونده دونیَه‌نینگ هِمّه یِرینده واغیظ اِدیلِر، یِکه شُندان سُنگ دونیَه‌نینگ آخیری گِلِر.
15«شُنونگ اوچین هِم دانیال پیغامبار سِبَبی آیدیلان وِیرانچیلیق گِتیریَن ییگرِنجی زادینگ مُقادِّس یِرده دیکیلِنینی گُرِنینگیزده#دانییال ۹:۲۷؛ ۱۱:۳۱؛ ۱۲:۱۱ – قُی، اُقیجی مونگا دوشونسین – 16یهودیه‌دَکیلِر داغلارا قاچسین. 17بامداقی آدام بیر زات آلماق اوچین آشاق دوشوپ، اُیه گیرمِسین. 18اِکینچیلیگیندَکیلِر دُنونی آلماق اوچین اُیونه دُلانماسین. 19اُل گونلِرده گُورِلی آیال‍لارینگ و چاغا اِمدیریَنلِرینگ وای گونونه! 20قاچا-قاچلیغینگیز قیشدا یا-دا سَبَّت گونی بُلماسین دییّپ دُغا اِدینگ. 21اُل گونلِرده شِیله بیر قاتی قینچیلیقلار بُلار، دونیَه‌نینگ باشلانان واقتیندان تا شو واقتا چِنلی مونونگ یالی زات هیچ هاچان بُلان دَلدیر و بُلمازام. 22اُل گونلِر قیسغالدیلمادیق بُلسادی، اُندا هیچ کیم نِجات تاپمازدی، اِمّا سایلانانلارینگ خاطیراسینا اُل گونلِر قیسغالدیلار.
23«شُندا بیری سیزه: ”اینه، مسیح بو یِرده“ یا-دا ”حُنّا، اُل یِرده“ دییسه، اینانمانگ. 24چونکی یالان مسیحلِر، یالان نِبیلِر دُرَپ، سایلانانلاری-دا مومکین بُلدیغیچا آزدیرجاق بُلوپ، بِییک عالاماتلار و مُعجِزه‌لِر گُرکِزِرلِر. 25اینه، مِن سیزه اُووندِن آیتدیم. 26شِیلِلیکده، سیزه: ”اینه، مسیح بیاباندا“ دییسِلِر، گیتمَنگ. ”اینه، اُل اُیونگ ایچینده“ دییسِلِر-ده، اینانمانگ. 27اینسان اُغلونینگ گِلشی گوندُغاردا چاقیپ، گونباتاردا هِم گُرونیَن ییلدیریم یالی بُلار. 28قاراغوشلارینگ اویشمِگی ماسلیغینگ باردیغینینگ بیر عالاماتیدیر.
29«شُل گونلِرینگ قینچیلیغینگ ایز یانی گون قارالار، آی نورینی بِرمِز. ییلدیزلار آسماندان قاچار و آسمانینگ قودراتلاری تیترِشِر.#اِشعیا ۱۳:۱۰؛ ۳۴:۴ 30سُنگرا آسماندان اینسان اُغلونینگ عالاماتی گُرنِر، شُندا یِر یوزوندَکی هِمّه خالقلار یاس توتوپ فِریاد اِدِرلِر. اینسان اُغلونینگ بولوتلاردا اولی قودرات و بِییکلیک بیلِن گِلیَنینی گُرِرلِر. 31اُل اولی سورنای سِسی بیلِن اُز پِریشده‌لِرینی یُل‍لار. پِریشده‌لِر اُنونگ سایلانلارینی آسمانینگ بیر اوجوندان بِیلِکی اوجونا چِنلی، دونیَه‌نینگ دُرت بورجوندان ییغنارلار.
32«اینجیر باغیندان دِرس آلینگ: اُنونگ شاخالاری یومشاپ، یاپراق چیقاران واقتی تُمسونگ قُلایلاندیغینی بیلیَرسینگیز. 33شُنونگ یالی-دا، بو زاتلاری گُرِنینگیزده، اینسان اُغلونینگ قُلایلاندیغینی، قاپینینگ آغزیندادیغینی بیلینگ. 34سیزه دُغروسینی آیدیارین، بو زاتلارینگ هِمّه‌سی بُلیانچا، بو نِسل دونیَه‌دِن اُتمِز. 35آسمان هِم یِر اُتِر، یُنه مِنینگ سُزلِریم آصلا اُتمِز.»
بیلینمِیَن گون و ساغات
مَرقُس ۱۳:۳۲-۳۷؛ لوقا ۱۷:۲۶-۳۰، ۳۴-۳۵؛ ۱۲:۴۱-۴۸
36«اِمّا اُل گونی هِم ساغادی هیچ کیم بیلیَن دَلدیر، نه آسمانداقی پِریشده‌لِر، نه-ده اُغول بیلیَندیر، یِکه بیر آتا بیلیَندیر. 37نوحونگ زامانیندا یاشاییش نَهیلی بُلان بُلسا، اینسان اُغلونینگ گِلشی-ده شِیله بُلار. 38نوح کِشتییَه مینِن گونونه چِنلی و سیل گِلمِدِن اُوال، آداملار اییّپ-ایچیپ، اُیلِنیپ، نیکاح اِدیَردیلِر. 39اولی سیل گِلیپ، هِمّه‌سینی سوپوریپ اَکیدیَنچَه، اُلار اُز باشلاریندان اینجِک زاتلاردان آصلا بیخاباردیلار. اینسان اُغلونینگ گِلشی هِم شِیله بُلار.#یاراتیلیش ۶:۵-۸؛ ۷:۶-۲۴ 40شُندا اِکینچیلیگینده ایکی آدام بُلار، بیری آلنار، بیری قُییلار. 41دِگیرمِن باشیندا بوغدای اون اِدیَن ایکی آیال بُلار، بیری آلنار، بیری قُییلار.
42«شُنونگ اوچین اُیا بُلونگ، چونکی سیز خودایینگیزینگ هایسی گون گِلجِگینی بیلمِیَرسینگیز. 43اِمّا مونی بیلینگ: اُی اِیه‌سی اُغرینینگ هایسی ساغاتدا گِلجِگینی بیلسِدی، اُیا بُلاردی، اُیونی تالاتمازدی. 44مونونگ اوچین سیز هِم تاییار بُلونگ، سِبَبی اینسان اُغلی سیزینگ قاراشمایان ساغادینگیزدا گِلِر.
45«آقاسینینگ صادیق هِم عاقیلّی خیدماتکَری کیم؟ بِیلِکی خیدماتکَرلِرینه واقتلی-واقتیندا ناهار بِرمِک اوچین، اُلارینگ اوستوندِن قُیان آدامی دَلمی؟ 46آقاسی دُلانیپ گِلِنده، اُز ایشینینگ باشیندا گُرِن خیدماتکَری نَهیلی خوشواقت! 47سیزه دُغروسینی آیدیارین: آقاسی هِمّه مال-مولکونی شُنگا اینانار.
48«اِمّا یامان نییِتلی خیدماتکَر اُز ایچیندِن: ”آقام گیچ گِلِر“ دییّپ، 49هِمکَرلِرینی اورماغا، سِرخُشلار بیلِن اییّپ-ایچمَگه باشلار، 50اِمّا اُل خیدماتکَرینگ آقاسی بُلسا اُنونگ قاراشمایان گونونده، گومَن اِتمِیَن ساغادیندا گِلِر. 51سُنگرا اُنی پارچا-پارچا اِدیپ و ایکی‌یوزلی آداملارینگ گونی یالی جِزالاندیرار. اُل یِرده آغلاما و دیش قیجیرداما بُلار.»
Currently Selected:
مَتّیٰ 24: TUKIR
Highlight
Share
Copy
Want to have your highlights saved across all your devices? Sign up or sign in
© Turkmen Truth
مَتّیٰ 24
24
دونیَه‌نینگ آخیرینینگ عالاماتلاری
مَرقُس ۱۳:۱-۳۱؛ لوقا ۲۱:۵-۳۳
1عیسی عیباداتخانادان چیقیپ باریارقا، شَگیرتلِری عیباداتخانانینگ بینالارینا قووانیپ، اُنی عیسی گُرکِزمِک اوچین، اُنونگ یانینا گِلدیلِر. 2اِمّا عیسی اُلارا: «بو زاتلارینگ هِمّه‌سینی گُریَنگیزمی؟ سیزه دُغروسینی آیدیارین: بو یِرده داش اوستونده داش قالماز، هِمّه‌سی وِیران بُلار» دییدی.
3بیرآز سُنگرا عیسی زِیتون داغیندا اُتیرقا، شَگیرتلِری اُنونگ یانینا گِلیپ: «بیزه آیت، بو زاتلار هاچان بُلار؟ سِنینگ گِلمِگینگی و دونیَه‌نینگ آخیرینی گُرکِزیَن عالامات نَهیلی بُلار؟» دییّپ سُرادیلار. 4عیسی اُلارا شِیله جُغاپ بِردی: «خاباردار بُلونگ، هیچ کیم سیزی آلدایماسین. 5اِنچِمه‌لِر: ”مِن مسیح“ دییّپ، مِنینگ آدیم بیلِن گِلیپ، کَن آداملاری آلدارلار. 6سیز اوروش توراندیغی و اوزاقداقی اوروشلار بارادا خابارلاری اِشیدِنینگیزده قُرقمانگ. بولار بُلمالیدیر، یُنه هِنیز دونیَه‌نینگ آخیری دَلدیر. 7چونکی میلِّت-میلِّته و حُکومِت-حُکومِته قارشی چیقار. آیری-آیری یِرلِرده آچلیقلار و یِر تیترِمِلِر بُلار. 8بولارینگ هِمّه‌سی دُغورما دِردلِرینگ باشلانیانجیسیدیر.
9«سُنگرا سیزی آزار بِرمِکلِره سِزاوار اِدِرلِر، اُلدورِرلِر، مِنینگ آدیم سِبَپلی هِمّه میلِّتلِر سیزدِن ییگرِنِرلِر. 10شُندا کَن آداملار مِندِن اِل چِکیپ، بیری-بیریلِرینه خایینلیق اِدِرلِر، بیری-بیریلِریندِن ییگرِنِرلِر. 11کَن یالان نِبیلِر دُرَپ، کَن آداملاری آزدیرارلار. 12یامان ایشلِرینگ آرتانلیغی سِبَپلی، کَن آداملارینگ سُیگوسی سُوار. 13اِمّا آخیرنا چِنلی جیدان نِجات تاپار. 14آسمانینگ پادیشاهلیغی بو خوش خاباری هِمّه میلِّتلِره شاهاتلیق حُکمونده دونیَه‌نینگ هِمّه یِرینده واغیظ اِدیلِر، یِکه شُندان سُنگ دونیَه‌نینگ آخیری گِلِر.
15«شُنونگ اوچین هِم دانیال پیغامبار سِبَبی آیدیلان وِیرانچیلیق گِتیریَن ییگرِنجی زادینگ مُقادِّس یِرده دیکیلِنینی گُرِنینگیزده#دانییال ۹:۲۷؛ ۱۱:۳۱؛ ۱۲:۱۱ – قُی، اُقیجی مونگا دوشونسین – 16یهودیه‌دَکیلِر داغلارا قاچسین. 17بامداقی آدام بیر زات آلماق اوچین آشاق دوشوپ، اُیه گیرمِسین. 18اِکینچیلیگیندَکیلِر دُنونی آلماق اوچین اُیونه دُلانماسین. 19اُل گونلِرده گُورِلی آیال‍لارینگ و چاغا اِمدیریَنلِرینگ وای گونونه! 20قاچا-قاچلیغینگیز قیشدا یا-دا سَبَّت گونی بُلماسین دییّپ دُغا اِدینگ. 21اُل گونلِرده شِیله بیر قاتی قینچیلیقلار بُلار، دونیَه‌نینگ باشلانان واقتیندان تا شو واقتا چِنلی مونونگ یالی زات هیچ هاچان بُلان دَلدیر و بُلمازام. 22اُل گونلِر قیسغالدیلمادیق بُلسادی، اُندا هیچ کیم نِجات تاپمازدی، اِمّا سایلانانلارینگ خاطیراسینا اُل گونلِر قیسغالدیلار.
23«شُندا بیری سیزه: ”اینه، مسیح بو یِرده“ یا-دا ”حُنّا، اُل یِرده“ دییسه، اینانمانگ. 24چونکی یالان مسیحلِر، یالان نِبیلِر دُرَپ، سایلانانلاری-دا مومکین بُلدیغیچا آزدیرجاق بُلوپ، بِییک عالاماتلار و مُعجِزه‌لِر گُرکِزِرلِر. 25اینه، مِن سیزه اُووندِن آیتدیم. 26شِیلِلیکده، سیزه: ”اینه، مسیح بیاباندا“ دییسِلِر، گیتمَنگ. ”اینه، اُل اُیونگ ایچینده“ دییسِلِر-ده، اینانمانگ. 27اینسان اُغلونینگ گِلشی گوندُغاردا چاقیپ، گونباتاردا هِم گُرونیَن ییلدیریم یالی بُلار. 28قاراغوشلارینگ اویشمِگی ماسلیغینگ باردیغینینگ بیر عالاماتیدیر.
29«شُل گونلِرینگ قینچیلیغینگ ایز یانی گون قارالار، آی نورینی بِرمِز. ییلدیزلار آسماندان قاچار و آسمانینگ قودراتلاری تیترِشِر.#اِشعیا ۱۳:۱۰؛ ۳۴:۴ 30سُنگرا آسماندان اینسان اُغلونینگ عالاماتی گُرنِر، شُندا یِر یوزوندَکی هِمّه خالقلار یاس توتوپ فِریاد اِدِرلِر. اینسان اُغلونینگ بولوتلاردا اولی قودرات و بِییکلیک بیلِن گِلیَنینی گُرِرلِر. 31اُل اولی سورنای سِسی بیلِن اُز پِریشده‌لِرینی یُل‍لار. پِریشده‌لِر اُنونگ سایلانلارینی آسمانینگ بیر اوجوندان بِیلِکی اوجونا چِنلی، دونیَه‌نینگ دُرت بورجوندان ییغنارلار.
32«اینجیر باغیندان دِرس آلینگ: اُنونگ شاخالاری یومشاپ، یاپراق چیقاران واقتی تُمسونگ قُلایلاندیغینی بیلیَرسینگیز. 33شُنونگ یالی-دا، بو زاتلاری گُرِنینگیزده، اینسان اُغلونینگ قُلایلاندیغینی، قاپینینگ آغزیندادیغینی بیلینگ. 34سیزه دُغروسینی آیدیارین، بو زاتلارینگ هِمّه‌سی بُلیانچا، بو نِسل دونیَه‌دِن اُتمِز. 35آسمان هِم یِر اُتِر، یُنه مِنینگ سُزلِریم آصلا اُتمِز.»
بیلینمِیَن گون و ساغات
مَرقُس ۱۳:۳۲-۳۷؛ لوقا ۱۷:۲۶-۳۰، ۳۴-۳۵؛ ۱۲:۴۱-۴۸
36«اِمّا اُل گونی هِم ساغادی هیچ کیم بیلیَن دَلدیر، نه آسمانداقی پِریشده‌لِر، نه-ده اُغول بیلیَندیر، یِکه بیر آتا بیلیَندیر. 37نوحونگ زامانیندا یاشاییش نَهیلی بُلان بُلسا، اینسان اُغلونینگ گِلشی-ده شِیله بُلار. 38نوح کِشتییَه مینِن گونونه چِنلی و سیل گِلمِدِن اُوال، آداملار اییّپ-ایچیپ، اُیلِنیپ، نیکاح اِدیَردیلِر. 39اولی سیل گِلیپ، هِمّه‌سینی سوپوریپ اَکیدیَنچَه، اُلار اُز باشلاریندان اینجِک زاتلاردان آصلا بیخاباردیلار. اینسان اُغلونینگ گِلشی هِم شِیله بُلار.#یاراتیلیش ۶:۵-۸؛ ۷:۶-۲۴ 40شُندا اِکینچیلیگینده ایکی آدام بُلار، بیری آلنار، بیری قُییلار. 41دِگیرمِن باشیندا بوغدای اون اِدیَن ایکی آیال بُلار، بیری آلنار، بیری قُییلار.
42«شُنونگ اوچین اُیا بُلونگ، چونکی سیز خودایینگیزینگ هایسی گون گِلجِگینی بیلمِیَرسینگیز. 43اِمّا مونی بیلینگ: اُی اِیه‌سی اُغرینینگ هایسی ساغاتدا گِلجِگینی بیلسِدی، اُیا بُلاردی، اُیونی تالاتمازدی. 44مونونگ اوچین سیز هِم تاییار بُلونگ، سِبَبی اینسان اُغلی سیزینگ قاراشمایان ساغادینگیزدا گِلِر.
45«آقاسینینگ صادیق هِم عاقیلّی خیدماتکَری کیم؟ بِیلِکی خیدماتکَرلِرینه واقتلی-واقتیندا ناهار بِرمِک اوچین، اُلارینگ اوستوندِن قُیان آدامی دَلمی؟ 46آقاسی دُلانیپ گِلِنده، اُز ایشینینگ باشیندا گُرِن خیدماتکَری نَهیلی خوشواقت! 47سیزه دُغروسینی آیدیارین: آقاسی هِمّه مال-مولکونی شُنگا اینانار.
48«اِمّا یامان نییِتلی خیدماتکَر اُز ایچیندِن: ”آقام گیچ گِلِر“ دییّپ، 49هِمکَرلِرینی اورماغا، سِرخُشلار بیلِن اییّپ-ایچمَگه باشلار، 50اِمّا اُل خیدماتکَرینگ آقاسی بُلسا اُنونگ قاراشمایان گونونده، گومَن اِتمِیَن ساغادیندا گِلِر. 51سُنگرا اُنی پارچا-پارچا اِدیپ و ایکی‌یوزلی آداملارینگ گونی یالی جِزالاندیرار. اُل یِرده آغلاما و دیش قیجیرداما بُلار.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Turkmen Truth