مَتّیٰ 8
8
عیسی جُزامینی شِفا بِریَر
مَرقُس ۱:۴۰-۴۵؛ لوقا ۵:۱۲-۱۶
1عیسی داغدان آشاق اینِنده، اولی جِماغات اُنونگ ایزینا دوشدی. 2شُل واقت جُزاما دوچار بُلان بیر آدام اُنونگ یانینا گِلیپ، دیزینا چُکوپ: «اِی آقام، اِگِر ایسلِسِنگ، مِنی جُزامدان پَک اِدیپ بیلِرسینگ» دییدی. 3عیسی اِلینی اوزاتدی-دا، اُنگا دِگریپ: «بُلیار، پَک بُل!» دییدی. اُل آدام شو واقتدا جُزامدان شِفا تاپدی. 4سُنگرا عیسی اُنگا: «خاباردار بُل، مونی هیچ کیمه آیتماغین. یُنه گیت-ده، اُزونگی کاهینا گُرکِز و پَکلِنِندیگینگی هِمّه‌لِره بِلّی بُلار یالی، موسانینگ تابشیران قربانلیغینی بِر» دییدی.
رومی اَفسَرینگ ایمانی
لوقا ۷:۱-۱۰
5عیسی کَفَرناحوما گیرِنده، بیر اَفسَر اُنونگ یانینا گِلیپ: 6«آقام، مِنینگ خیدماتکَریم اُیده فِلِج بُلیپ یاتیر. چِکیَن جِبریندِن یانگا قیمیلاپ-دا بیلِنُق» دییّپ یالباردی. 7عیسی اُنگا: «مِن باریپ، اُنی شِفا بِرِریم» دییدی. 8اَفسَر عیسی شِیله جُغاپ بِردی: «آقام، سِن مِنینگ اُیومه گِلمِگینگه مِن لاییق دَل. دینگه بیرجه سُز آیتسانگ بِس، مِنینگ خیدماتکَریم شِفا تاپار. 9مِن هِم حُکوم آشاغینداقی آدامدیرین، ایختییاریمدا سِربازلاریما بار. اُلارینگ بیرینه ”گیت“ دییسِم گیدیَر، باشغا بیرینه ”گِل“ دییسِم گِلیَر. خیدماتکَریمه-ده ”شونی اِت“ دییسِم اِدیَر.»
10عیسی مونی اِشیدِنده حایران قالدی. اُل ایزینا دوشوپ گِلیَنلِره: «سیزه دُغروسینی آیدیارین، مِن اسرائیل‌دا هِم شِیله ایمانی بار آدامی تاپمادیم. 11سیزه شونی-دا آیدیارین: گوندُغاردان و گونباتاردان کَن آداملار گِلیپ، ابراهیم، اسحاق، یعقوب بیلِن بیله آسمانینگ پادیشاهلیغیندا بیر ساچاغینگ باشیندا اُتورارلار. 12اِمّا پادیشاهلیغینگ میراثچیسی بِلِّنِنلِر داشاری، قارانگقیلیغا زینگالار. اُل یِرده آغلاما و دیش قیجیرداما بُلار» دییدی. 13عیسی اَفسَره: «بار، گیدیبِر، قُی، سانگا ایمانینگا گُرَه بُلسون!» دییدی. اُنونگ خیدماتکَری شو واقتینگ اُزونده شِفا تاپدی.
عیسی کَن مِریضلِری شِفا بِریَر
مَرقُس ۱:۲۹-۳۴؛ لوقا ۴:۳۸-۴۱
14عیسی پِطرُسینگ اُیونه گِلدی. اُل پِطرُسینگ قایین اِنه‌سینی قیزّیرما توتوپ یاتانی گُردی. 15عیسی آیالینگ اِلیندِن توتان ماحالی، اُنونگ قیزّیرماسی آیریلدی. آیال یِریندِن توروپ، عیسی خیدمات اِتمَگه باشلادی.
16شُل گون آغشام عیسانینگ یانینا دیوانالاری گِتیردیلِر. اُل هِم بیر سُز بیلِن اُلاردَکی جینلاری چیقاردی، شِیله-ده مِریضلِرینگ هِمّه‌سینی شِفا بِردی. 17شونلوقدا، اِشعیا پیغامبارینگ اوستو بیلِن آیدیلان شو سُزلِر بِرجای بُلدی:
«اُل بیزینگ ناتووانلیغیمیزی اُز اوستونه آلدی و
بیزینگ دِردلِریمیزی چِکدی.»#اِشعیا ۵۳:۴
عیسانینگ ایزینا دوشمِک
لوقا ۹:۵۷-۶۲
18عیسی داشینا اویشِن کَن جِماغاتی گُروپ، دِریانینگ بِیلِکی طارافینا گِچمِگی دِستور بِردی. 19شُندا دین عُلَمالارینگ بیری گِلیپ: «اُستاد، سِن نیرَه گیتسِنگ، مِن هِم سِنینگ ایزینگا دوشجِک» دییدی. 20عیسی اُنگا: «تیلکیلِرینگ جایی، قوشلارینگ کِتِکلِری باردیر، اِمّا اینسان اُغلونینگ باشینی قُیماغا-دا یِری یُقدور» دییّپ جُغاپ بِردی.
21اُنونگ باشغا بیر شَگیردی: «آقام، اِجازا بِر، اَوَّل گیدیپ، آتامی جایلاپ گِلِیین» دییدی. 22اِمّا عیسی اُنگا: «مِنینگ ایزیما دوش، قُی، اُلولِرینی اُلولِرینگ اُزلِری جایلاسینلار» دییدی.
عیسی طوفانی یاتیریار
مَرقُس ۴:۳۵-۴۱؛ لوقا ۸:۲۲-۲۵
23عیسی قاییقا مینِنده، شَگیرتلِری هِم اُنونگ ایزینا دوشدولِر. 24بیردِن دِریادا گویچلی قای توردی، قاییق مُوجلِره دوشدی. اِمّا عیسی اوقلاپ یاتیردی. 25شَگیرتلِری اُنی اُیاریپ: «آقام، بیزی نِجات بِر! بیز هِلَک بُلوپ باریاریس!» دییدیلِر. 26عیسی اُلارا: «نَمه اوچین قُرقیارسینگیز، اِی ایمانی آزلار!» دییدی. سُنگرا بیردِن اُل یِریندِن توروپ، یِله و دِریایا کَیِدی، اُل یِره کَمیل اومسوملیک بُلدی. 27اُلار حایران قالیپ: «بو نَهیلی آدامقا؟ اُنونگ سُزونه یِلِم حتّیٰ، دِریا هِم قولاق آسیار؟» دییّشدیلِر.
عیسی جینلاری چیقاریار
مَرقُس ۵:۱-۲۰؛ لوقا ۸:۲۶-۳۹
28عیسی دِریانینگ بِیلِکی کِنارینداقی جَدَریلیلِرینگ یوردونا گِلدی. اُل یِرده اُنگا ایکی دیوانا آدام دوش گِلدی. اُلار مازارچیلیقدان چیقیپ گِلیَردیلِر. اُلارینگ خاص خاطارلی بُلدیغی اوچین، اُل یِردِن هیچ کیم گِچیپ بیلمِیَردی. 29بیردِن اُلار: «اِی خودایینگ اُغلی عیسی، سِنینگ بیزینگ بیلِن نَمه ایشینگ بار؟ بیزی واقتیندان اُنگ عاذاپ بِرمَگه گِلدینگمی؟» دییّپ قیغیریشیپ باشلادیلار. 30شُل واقت اُلاردان اوزاغراقدا اولاقان دُنگوز سوروسی اُتلاپ یُردی. 31جینلار عیسی یالباریپ: «اِگِر بیزی کُووپ چیقارماقچی بُلسانگ، اُندا بیزی دُنگوز سوروسینه ایبِر» دییدیلِر. 32عیسی اُلارا: «بارینگ!» دییدی. شِیدیپ، اُلار آداملاردان چیقیپ، دُنگوزلارینگ ایچینه گیردیلِر. اُنسُنگ هِمّه دُنگوز سوروسی قایادان اُزلِرینی دِریایا زینگیشیپ غارق بُلدیلار. 33چُپانلار قاچیپ، شَهره گیتدیلِر. اُلار دیوانالارا نَمه بُلاندیغی باراداقی واقالارینگ هِمّه‌سینی خالقا گورّونگ بِردیلِر. 34سُنگرا شَهرینگ هِمّه ایلاتی عیسی بیلِن دوشوشماغا چیقدیلار. اُنی گُرِنلِرینده، اُز یورتلاریندان گیتمِگینی ایسلَپ، عیسی یالباردیلار.
Currently Selected:
مَتّیٰ 8: TUKIR
Highlight
Share
Copy
Want to have your highlights saved across all your devices? Sign up or sign in
© Turkmen Truth
مَتّیٰ 8
8
عیسی جُزامینی شِفا بِریَر
مَرقُس ۱:۴۰-۴۵؛ لوقا ۵:۱۲-۱۶
1عیسی داغدان آشاق اینِنده، اولی جِماغات اُنونگ ایزینا دوشدی. 2شُل واقت جُزاما دوچار بُلان بیر آدام اُنونگ یانینا گِلیپ، دیزینا چُکوپ: «اِی آقام، اِگِر ایسلِسِنگ، مِنی جُزامدان پَک اِدیپ بیلِرسینگ» دییدی. 3عیسی اِلینی اوزاتدی-دا، اُنگا دِگریپ: «بُلیار، پَک بُل!» دییدی. اُل آدام شو واقتدا جُزامدان شِفا تاپدی. 4سُنگرا عیسی اُنگا: «خاباردار بُل، مونی هیچ کیمه آیتماغین. یُنه گیت-ده، اُزونگی کاهینا گُرکِز و پَکلِنِندیگینگی هِمّه‌لِره بِلّی بُلار یالی، موسانینگ تابشیران قربانلیغینی بِر» دییدی.
رومی اَفسَرینگ ایمانی
لوقا ۷:۱-۱۰
5عیسی کَفَرناحوما گیرِنده، بیر اَفسَر اُنونگ یانینا گِلیپ: 6«آقام، مِنینگ خیدماتکَریم اُیده فِلِج بُلیپ یاتیر. چِکیَن جِبریندِن یانگا قیمیلاپ-دا بیلِنُق» دییّپ یالباردی. 7عیسی اُنگا: «مِن باریپ، اُنی شِفا بِرِریم» دییدی. 8اَفسَر عیسی شِیله جُغاپ بِردی: «آقام، سِن مِنینگ اُیومه گِلمِگینگه مِن لاییق دَل. دینگه بیرجه سُز آیتسانگ بِس، مِنینگ خیدماتکَریم شِفا تاپار. 9مِن هِم حُکوم آشاغینداقی آدامدیرین، ایختییاریمدا سِربازلاریما بار. اُلارینگ بیرینه ”گیت“ دییسِم گیدیَر، باشغا بیرینه ”گِل“ دییسِم گِلیَر. خیدماتکَریمه-ده ”شونی اِت“ دییسِم اِدیَر.»
10عیسی مونی اِشیدِنده حایران قالدی. اُل ایزینا دوشوپ گِلیَنلِره: «سیزه دُغروسینی آیدیارین، مِن اسرائیل‌دا هِم شِیله ایمانی بار آدامی تاپمادیم. 11سیزه شونی-دا آیدیارین: گوندُغاردان و گونباتاردان کَن آداملار گِلیپ، ابراهیم، اسحاق، یعقوب بیلِن بیله آسمانینگ پادیشاهلیغیندا بیر ساچاغینگ باشیندا اُتورارلار. 12اِمّا پادیشاهلیغینگ میراثچیسی بِلِّنِنلِر داشاری، قارانگقیلیغا زینگالار. اُل یِرده آغلاما و دیش قیجیرداما بُلار» دییدی. 13عیسی اَفسَره: «بار، گیدیبِر، قُی، سانگا ایمانینگا گُرَه بُلسون!» دییدی. اُنونگ خیدماتکَری شو واقتینگ اُزونده شِفا تاپدی.
عیسی کَن مِریضلِری شِفا بِریَر
مَرقُس ۱:۲۹-۳۴؛ لوقا ۴:۳۸-۴۱
14عیسی پِطرُسینگ اُیونه گِلدی. اُل پِطرُسینگ قایین اِنه‌سینی قیزّیرما توتوپ یاتانی گُردی. 15عیسی آیالینگ اِلیندِن توتان ماحالی، اُنونگ قیزّیرماسی آیریلدی. آیال یِریندِن توروپ، عیسی خیدمات اِتمَگه باشلادی.
16شُل گون آغشام عیسانینگ یانینا دیوانالاری گِتیردیلِر. اُل هِم بیر سُز بیلِن اُلاردَکی جینلاری چیقاردی، شِیله-ده مِریضلِرینگ هِمّه‌سینی شِفا بِردی. 17شونلوقدا، اِشعیا پیغامبارینگ اوستو بیلِن آیدیلان شو سُزلِر بِرجای بُلدی:
«اُل بیزینگ ناتووانلیغیمیزی اُز اوستونه آلدی و
بیزینگ دِردلِریمیزی چِکدی.»#اِشعیا ۵۳:۴
عیسانینگ ایزینا دوشمِک
لوقا ۹:۵۷-۶۲
18عیسی داشینا اویشِن کَن جِماغاتی گُروپ، دِریانینگ بِیلِکی طارافینا گِچمِگی دِستور بِردی. 19شُندا دین عُلَمالارینگ بیری گِلیپ: «اُستاد، سِن نیرَه گیتسِنگ، مِن هِم سِنینگ ایزینگا دوشجِک» دییدی. 20عیسی اُنگا: «تیلکیلِرینگ جایی، قوشلارینگ کِتِکلِری باردیر، اِمّا اینسان اُغلونینگ باشینی قُیماغا-دا یِری یُقدور» دییّپ جُغاپ بِردی.
21اُنونگ باشغا بیر شَگیردی: «آقام، اِجازا بِر، اَوَّل گیدیپ، آتامی جایلاپ گِلِیین» دییدی. 22اِمّا عیسی اُنگا: «مِنینگ ایزیما دوش، قُی، اُلولِرینی اُلولِرینگ اُزلِری جایلاسینلار» دییدی.
عیسی طوفانی یاتیریار
مَرقُس ۴:۳۵-۴۱؛ لوقا ۸:۲۲-۲۵
23عیسی قاییقا مینِنده، شَگیرتلِری هِم اُنونگ ایزینا دوشدولِر. 24بیردِن دِریادا گویچلی قای توردی، قاییق مُوجلِره دوشدی. اِمّا عیسی اوقلاپ یاتیردی. 25شَگیرتلِری اُنی اُیاریپ: «آقام، بیزی نِجات بِر! بیز هِلَک بُلوپ باریاریس!» دییدیلِر. 26عیسی اُلارا: «نَمه اوچین قُرقیارسینگیز، اِی ایمانی آزلار!» دییدی. سُنگرا بیردِن اُل یِریندِن توروپ، یِله و دِریایا کَیِدی، اُل یِره کَمیل اومسوملیک بُلدی. 27اُلار حایران قالیپ: «بو نَهیلی آدامقا؟ اُنونگ سُزونه یِلِم حتّیٰ، دِریا هِم قولاق آسیار؟» دییّشدیلِر.
عیسی جینلاری چیقاریار
مَرقُس ۵:۱-۲۰؛ لوقا ۸:۲۶-۳۹
28عیسی دِریانینگ بِیلِکی کِنارینداقی جَدَریلیلِرینگ یوردونا گِلدی. اُل یِرده اُنگا ایکی دیوانا آدام دوش گِلدی. اُلار مازارچیلیقدان چیقیپ گِلیَردیلِر. اُلارینگ خاص خاطارلی بُلدیغی اوچین، اُل یِردِن هیچ کیم گِچیپ بیلمِیَردی. 29بیردِن اُلار: «اِی خودایینگ اُغلی عیسی، سِنینگ بیزینگ بیلِن نَمه ایشینگ بار؟ بیزی واقتیندان اُنگ عاذاپ بِرمَگه گِلدینگمی؟» دییّپ قیغیریشیپ باشلادیلار. 30شُل واقت اُلاردان اوزاغراقدا اولاقان دُنگوز سوروسی اُتلاپ یُردی. 31جینلار عیسی یالباریپ: «اِگِر بیزی کُووپ چیقارماقچی بُلسانگ، اُندا بیزی دُنگوز سوروسینه ایبِر» دییدیلِر. 32عیسی اُلارا: «بارینگ!» دییدی. شِیدیپ، اُلار آداملاردان چیقیپ، دُنگوزلارینگ ایچینه گیردیلِر. اُنسُنگ هِمّه دُنگوز سوروسی قایادان اُزلِرینی دِریایا زینگیشیپ غارق بُلدیلار. 33چُپانلار قاچیپ، شَهره گیتدیلِر. اُلار دیوانالارا نَمه بُلاندیغی باراداقی واقالارینگ هِمّه‌سینی خالقا گورّونگ بِردیلِر. 34سُنگرا شَهرینگ هِمّه ایلاتی عیسی بیلِن دوشوشماغا چیقدیلار. اُنی گُرِنلِرینده، اُز یورتلاریندان گیتمِگینی ایسلَپ، عیسی یالباردیلار.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Turkmen Truth