مَرقُس 3
3
اِلی قوران آدام
مَتّیٰ ۱۲:۹-۱۴؛ لوقا ۶:۶-۱۱
1باشغا بیر گون عیسی یِنه کِنیسه گیتدی. اُل یِرده اِلی قوران بیر آدام باردی. 2کَبیر آداملار عیسانی عاییپلاجاق بُلوپ، سَبَّت گونی بو آدامی شِفا بِرِرمیکَه دییّپ، اُنی ایزارلایاردیلار. 3عیسی اِلی قوران آداما: «بَری گِل!» دییدی. 4اُنسُنگ اُلاردان: «شِریغاتا گُرَه سَبَّت گونی یاخشیلیق اِتمِک دُغرومی یا-دا یامانلیق؟ بیرینینگ جانینی نِجات بِرمِک دُغرومی یا-دا اُلدورمِک؟» دییّپ سُرادی. اُلاردان سِس چیقمادی. 5عیسی اِطرافیندَکیلِره قاهار بیلِن باقیپ، اُلارینگ داش یورِکلی‌دیگینه قیناندی. یانگقی آداما: «اِلینگی اوزات!» دییدی. اُل هِم اِلینی اوزاتدی و شو واقتدا، اِلی دِرِّو شِفا تاپدی. 6فَریسی‌لِر داشاری چیقیپ، عیسانی نَدیپ یُق اِتمِلیدیگی بارادا هیرودیسینگ طارافدارلاری بیلِن ماصلاحاتلاشدیلار.
عیسی جلیل دِریانینگ کِناریندا
7عیسی شَگیرتلِری بیلِن دِریانینگ کِنارینا گیتدی. جلیل‌دِن بیر اولی جِماغات هِم اُنونگ ایزینا دوشوپ گیتدی. 8اُنونگ بیتیرِن ایشلِرینی اِشیدیپ، یهودیه‌دِن، اورشلیمدِن، اِدومیه‌دِن، اُردُن آرناسینینگ آنگیرسیندان، صور و صیدون اِطرافلاریندان اولی جِماغات یانینا گِلدی. 9عیسی جِماغاتینگ ایچینده قیسیلمازلیق اوچین، اُز شَگیرتلِرینه بیر قاییق حَضیرلاپ قُیماغی تابشیردی. 10عیسی اِنچِمه آداما شِفا بِردی، شُنونگ اوچین هِمّه مِریضلِر اُنگا اِل‍لِرینی دِگیرجِک بُلوپ، یانینا ایتیکلِشیپ گِلیَردیلِر. 11آرخو-جین اِیِلَنلِر عیسانی گُرِنلِرینده، اُنونگ آیاغینا ییقیلدیلار. اُلارینگ ایچیندَکی آرخو-جینلار: «سِن خودایینگ اُغلوسینگ!» دییّپ قیغیریاردیلار. 12اِمّا اُل اُزونینگ کیمدیگینی هیچ کیمه آیتمازلیغی اُلارا قاتی تابشیردی.
عیسی اُن ایکی شَگیردینی سایلایار
مَتّیٰ ۱۰:۱-۴؛ لوقا ۶:۱۲-۱۶
13اُنسُنگ عیسی داغا چیقیپ، اُز سایلان آداملارینی یانینا چاغیردی، اُلار اُنونگ یانینا باردیلار. 14-16عیسی اُن ایکی آدامی سایلاپ آلیپ، اُلارا رِسول‍لار دییّپ آد بِردی. اُنونگ واغیظ اِتمَگه ایبِرِن، مِریضلِری شِفا بِریپ، جینلاری کُوماغا ایختییار بِرِن بو اُن ایکی آدامی شولاردیر: شمعون – عیسی اُنگا پِطرُس دییّپ آد بِردی، 17زِبِدینینگ اُغول‍لاری یعقوب بیلِن یوحنا – عیسی اُلارا بوانِرجِس دییِن لاقابی بِردی، یَعنی «آسمان گوپوردیسینینگ اُغول‍لاری»، 18اُنسُنگ آندرِیاس، فیلیپُس، بارتولما، مَتّیٰ، توما، حَلفینینگ اُغلی یعقوب، تِدّی، قایراتلی شمعون 19و عیسی خایینلیق اِدیَن یهودا اِسخریوطی.
عیسی و بِعِلزِبول
مَتّیٰ ۱۲:۲۲-۳۲؛ لوقا ۱۱:۱۴-۲۳؛ ۱۲:۱۰
20سُنگرا عیسی بیر اُیه باردی. اُل یِرده هِم هِمیشه‌کیلِر یالی، یِنه-ده اولی جِماغات ییغنانانسُنگ، عیسانینگ شَگیرتلِری بیلِن ناهار اییمَگه-ده واقتلاری بُلمادی. 21عیسانینگ قارینداشلاری بو بارادا اِشیدِنلِرینده: «عیسی عاقیلیندان آزاشیپدیر» دییّپ، اُنی اَکیتمَگه گِلدیلِر.
22اورشلیمدِن گِلِن دین عُلَمالار بُلسا: «اُنی بِعِلزِبول اِیه‌لَپدیر، اُل جینلاری، جینلارینگ رِییسینینگ کُمِگی بیلِن کُووپ چیقاریار» دییّشیَردیلِر. 23شُنونگ اوچین عیسی خالقی یانینا چاغیریپ، میثال‍لار بیلِن سُزه باشلادی: «شِیطان اُز-اُزونی نَدیپ کُووپ چیقارسین؟ 24بیر پادیشاهلیغینگ ایچینده بُلونیشیک بُلسا، اُل پادیشاهلیق قاییم دوروپ بیلمِز. 25بیر اُیلیگینگ ایچینده بُلونیشیک بُلسا، اُل ماشغالا قاییم دوروپ بیلمِز. 26شِیطان اُز-اُزونه قارشی چیقیپ بُلونسه، قاییم دوروپ بیلمِز، اُنونگ پادیشاهلیغینینگ آخیری گِلدیگیدیر. 27هیچ کیم بیر گویچلی آدامینگ اُیونه گیریپ، مالینی تالاپ بیلمِز. اَوَّل اُنی دانگمالی بُلار، اُنسُنگ اُیونی تالار. 28سیزه دُغروسینی آیدیارین: اینسانلارینگ هِمّه گونَه‌لِری، هِر بیر زادا دیل یِتیرمِلِری باغیشلانار. 29اِمّا مُقادِّس روحا دیل یِتیرِنه آصلا باغیشلانما یُقدور. بو اِبِدیلیک گونَه بُلوپ، اُنونگ بُینوندان آسیلار.» 30عیسی مونی: «اُل – آرخو-جینلی» دییِنلِری اوچین آیتدی.
عیسانینگ اِنه‌سی و دُغانلاری
31اُنسُنگ اُنونگ اِنه‌سی بیلِن دُغانلاری گِلدی. اُلار داشاردا دوروپ، عیسانی چاغیرماق اوچین، اُنونگ یانینا آدام ایبِردیلِر. 32جِماغات عیسانینگ داشینی آلیپ اُتیردی. اُنگا: «اِنه‌نگ و دُغانلارینگ داشاردا سِنی سُرایارلار» دییدیلِر. 33عیسی اُلارا جُغاپ بِریپ: «مِنینگ اِنِم، دُغانلاریم کیم؟» دییدی. 34اُنسُنگ داشینی آلیپ اُتورانلارا سِراِدیپ: «اینه، مِنینگ اِنِم، مِنینگ دُغانلاریم. 35خودایینگ ایسلِگینی کیم بِرجای اِتسه، شُل مِنینگ دُغانیم، آیال دُغانیم هِم اِنه‌مدیر» دییدی.
Currently Selected:
مَرقُس 3: TUKIR
Highlight
Share
Copy
Want to have your highlights saved across all your devices? Sign up or sign in
© Turkmen Truth
مَرقُس 3
3
اِلی قوران آدام
مَتّیٰ ۱۲:۹-۱۴؛ لوقا ۶:۶-۱۱
1باشغا بیر گون عیسی یِنه کِنیسه گیتدی. اُل یِرده اِلی قوران بیر آدام باردی. 2کَبیر آداملار عیسانی عاییپلاجاق بُلوپ، سَبَّت گونی بو آدامی شِفا بِرِرمیکَه دییّپ، اُنی ایزارلایاردیلار. 3عیسی اِلی قوران آداما: «بَری گِل!» دییدی. 4اُنسُنگ اُلاردان: «شِریغاتا گُرَه سَبَّت گونی یاخشیلیق اِتمِک دُغرومی یا-دا یامانلیق؟ بیرینینگ جانینی نِجات بِرمِک دُغرومی یا-دا اُلدورمِک؟» دییّپ سُرادی. اُلاردان سِس چیقمادی. 5عیسی اِطرافیندَکیلِره قاهار بیلِن باقیپ، اُلارینگ داش یورِکلی‌دیگینه قیناندی. یانگقی آداما: «اِلینگی اوزات!» دییدی. اُل هِم اِلینی اوزاتدی و شو واقتدا، اِلی دِرِّو شِفا تاپدی. 6فَریسی‌لِر داشاری چیقیپ، عیسانی نَدیپ یُق اِتمِلیدیگی بارادا هیرودیسینگ طارافدارلاری بیلِن ماصلاحاتلاشدیلار.
عیسی جلیل دِریانینگ کِناریندا
7عیسی شَگیرتلِری بیلِن دِریانینگ کِنارینا گیتدی. جلیل‌دِن بیر اولی جِماغات هِم اُنونگ ایزینا دوشوپ گیتدی. 8اُنونگ بیتیرِن ایشلِرینی اِشیدیپ، یهودیه‌دِن، اورشلیمدِن، اِدومیه‌دِن، اُردُن آرناسینینگ آنگیرسیندان، صور و صیدون اِطرافلاریندان اولی جِماغات یانینا گِلدی. 9عیسی جِماغاتینگ ایچینده قیسیلمازلیق اوچین، اُز شَگیرتلِرینه بیر قاییق حَضیرلاپ قُیماغی تابشیردی. 10عیسی اِنچِمه آداما شِفا بِردی، شُنونگ اوچین هِمّه مِریضلِر اُنگا اِل‍لِرینی دِگیرجِک بُلوپ، یانینا ایتیکلِشیپ گِلیَردیلِر. 11آرخو-جین اِیِلَنلِر عیسانی گُرِنلِرینده، اُنونگ آیاغینا ییقیلدیلار. اُلارینگ ایچیندَکی آرخو-جینلار: «سِن خودایینگ اُغلوسینگ!» دییّپ قیغیریاردیلار. 12اِمّا اُل اُزونینگ کیمدیگینی هیچ کیمه آیتمازلیغی اُلارا قاتی تابشیردی.
عیسی اُن ایکی شَگیردینی سایلایار
مَتّیٰ ۱۰:۱-۴؛ لوقا ۶:۱۲-۱۶
13اُنسُنگ عیسی داغا چیقیپ، اُز سایلان آداملارینی یانینا چاغیردی، اُلار اُنونگ یانینا باردیلار. 14-16عیسی اُن ایکی آدامی سایلاپ آلیپ، اُلارا رِسول‍لار دییّپ آد بِردی. اُنونگ واغیظ اِتمَگه ایبِرِن، مِریضلِری شِفا بِریپ، جینلاری کُوماغا ایختییار بِرِن بو اُن ایکی آدامی شولاردیر: شمعون – عیسی اُنگا پِطرُس دییّپ آد بِردی، 17زِبِدینینگ اُغول‍لاری یعقوب بیلِن یوحنا – عیسی اُلارا بوانِرجِس دییِن لاقابی بِردی، یَعنی «آسمان گوپوردیسینینگ اُغول‍لاری»، 18اُنسُنگ آندرِیاس، فیلیپُس، بارتولما، مَتّیٰ، توما، حَلفینینگ اُغلی یعقوب، تِدّی، قایراتلی شمعون 19و عیسی خایینلیق اِدیَن یهودا اِسخریوطی.
عیسی و بِعِلزِبول
مَتّیٰ ۱۲:۲۲-۳۲؛ لوقا ۱۱:۱۴-۲۳؛ ۱۲:۱۰
20سُنگرا عیسی بیر اُیه باردی. اُل یِرده هِم هِمیشه‌کیلِر یالی، یِنه-ده اولی جِماغات ییغنانانسُنگ، عیسانینگ شَگیرتلِری بیلِن ناهار اییمَگه-ده واقتلاری بُلمادی. 21عیسانینگ قارینداشلاری بو بارادا اِشیدِنلِرینده: «عیسی عاقیلیندان آزاشیپدیر» دییّپ، اُنی اَکیتمَگه گِلدیلِر.
22اورشلیمدِن گِلِن دین عُلَمالار بُلسا: «اُنی بِعِلزِبول اِیه‌لَپدیر، اُل جینلاری، جینلارینگ رِییسینینگ کُمِگی بیلِن کُووپ چیقاریار» دییّشیَردیلِر. 23شُنونگ اوچین عیسی خالقی یانینا چاغیریپ، میثال‍لار بیلِن سُزه باشلادی: «شِیطان اُز-اُزونی نَدیپ کُووپ چیقارسین؟ 24بیر پادیشاهلیغینگ ایچینده بُلونیشیک بُلسا، اُل پادیشاهلیق قاییم دوروپ بیلمِز. 25بیر اُیلیگینگ ایچینده بُلونیشیک بُلسا، اُل ماشغالا قاییم دوروپ بیلمِز. 26شِیطان اُز-اُزونه قارشی چیقیپ بُلونسه، قاییم دوروپ بیلمِز، اُنونگ پادیشاهلیغینینگ آخیری گِلدیگیدیر. 27هیچ کیم بیر گویچلی آدامینگ اُیونه گیریپ، مالینی تالاپ بیلمِز. اَوَّل اُنی دانگمالی بُلار، اُنسُنگ اُیونی تالار. 28سیزه دُغروسینی آیدیارین: اینسانلارینگ هِمّه گونَه‌لِری، هِر بیر زادا دیل یِتیرمِلِری باغیشلانار. 29اِمّا مُقادِّس روحا دیل یِتیرِنه آصلا باغیشلانما یُقدور. بو اِبِدیلیک گونَه بُلوپ، اُنونگ بُینوندان آسیلار.» 30عیسی مونی: «اُل – آرخو-جینلی» دییِنلِری اوچین آیتدی.
عیسانینگ اِنه‌سی و دُغانلاری
31اُنسُنگ اُنونگ اِنه‌سی بیلِن دُغانلاری گِلدی. اُلار داشاردا دوروپ، عیسانی چاغیرماق اوچین، اُنونگ یانینا آدام ایبِردیلِر. 32جِماغات عیسانینگ داشینی آلیپ اُتیردی. اُنگا: «اِنه‌نگ و دُغانلارینگ داشاردا سِنی سُرایارلار» دییدیلِر. 33عیسی اُلارا جُغاپ بِریپ: «مِنینگ اِنِم، دُغانلاریم کیم؟» دییدی. 34اُنسُنگ داشینی آلیپ اُتورانلارا سِراِدیپ: «اینه، مِنینگ اِنِم، مِنینگ دُغانلاریم. 35خودایینگ ایسلِگینی کیم بِرجای اِتسه، شُل مِنینگ دُغانیم، آیال دُغانیم هِم اِنه‌مدیر» دییدی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Turkmen Truth