LUKAS 17
17
I Kobinsuhu'd Tulun do Momonsoi'd Dusa
(Mat. 18.6-7,21-22, Mar. 9.42)
1Om boro-boros no i Yesus di piro-piro o tumatanud dau do poingkaa, “Atantu' no do haro o piro-piro o hal do kobungou'd tulun do momonsoi'd dusa. Nga' obungou no i tulun di mominsuhu'ddi. 2Om osonong nogi' do lontoidan do watu di pongingisar o liou dau, om pataamon nogindo do hilo'd rahat dit aralom, ko' kopominsuhu' iyau do tongoiso' piya diti tulun diti tongoluhoi podti, gisom do kowonsoi nondo iyolo'd dusa. 3Iyo#Mat. 18.15 nopoddi, om mumbangan-bangan kou no kopio!
Ondung kowonsoi'd dusa o tobpinai dokoyu, om ongoyon no iyau sunudai. Ondung monosol iyau do nokowonsoi iyau do miagal diri, om ompunan no iyau. 4Ondung kowonsoi iyau'd dusa dot id diya' dot inturu' do sangadau om mongoi kasai' nopo iyau solowot diya' do momoros do, ‘Mokiampun oku,’ ka, do monikid di kasala' iyau, om ompunan kasai' no iyau,” ka dau.
Pasal do Kotumbayaan
5Om boro-boros noddi i piro-piro o rasul dot id Tuhan Yesus do poingkaa, “Oi Tuhan, pogiroto' no o kotumbayaan dahai,” ka. 6Om boros kad Tuhan do suminimbar, “Ondung haro o kotumbayaan dokoyu dot ongoirad nopo do linsou dit okooro' kopio, om milo kou no do momoros dot id guas dot ara do, ‘Sakat no om tumanom no do hilo'd rahat,’ ka, om atantu' no do mihuboyo-boyo' iri di boros dokoyu,” ka dau.
It Apatut do Wonsoyon do Susuhuon
7Om boros ka kawagu di Yesus, “Ondung haro ot id pialatan dokoyu do haro o susuhuon do mamaradu do hiri'd dumo ko' momogompi' pod dumba'. Om angatan tuu dau i susuhuon dau'ddi do, ‘Kaino kopio makan,’ ka, do koguli' i susuhuon dau'ddi? 8Atantu' no dot a' i' dau angatan, suwai ko' moro-boros nogi' iyau di susuhuon dau'ddi dot, ‘Ongoi posodia' do takanon ku. Om manampakai no di pakayan dit opulang, om tamangan oku no do gisom do kaakan om koinum oku; om kaakan oku po om makan ko nogindo iya',’ ka. 9Om a' i' minog do royohon i susuhuon diri do minumboyo' piya iyau di pinonuhuan di tuan dau. 10Om iyo kou nogiddi iyokoyu. Ondung ongowonsoi ngai' dokoyu i pinonuhuan dot id dokoyu, om momoros kou nopo dot, ‘Iyahai nopodti om susuhuon no toomod, om iti no ot apatut do wonsoyon dahai,’ kanto dokoyu,” ka di Yesus.
Minomolingos i Yesus do Hopod o Tulun di Kitoruol
11Tontok di manau-panau i Yesus do kumaa do hilo'd Yorusalim, om kawaya' no iyau do hiri'd watas dot id piwolitan do pomogunan do Samaria om Galilia. 12Di nopo manau-panau iyau do kumaa dot id iso' o kampung, om ongoyo' no iyau bontolo' do hopod o tulun di kitoruol do kusta.#17.12 Kusta: Antangan o Kamus. Om hiri pod sodu' i tulun diri, 13om pinglohou no dot, “Oi Yesus, oi Tuan, kosianai no dahai!” ka.
14Om#Otu. 14.1-32 ontong no i Yesus diyolo', om boro-boros nod poingkaa, “Ongoi kou no solowot di piro-piro ot imam om pokiporisaan no diyolo' ino tinan dokoyu!”#17.14 Komoyon nopod ayat diti om momolingos i' i Yesus diyolo', om iri noddi o kinoponuhuan dau diyolo' do mongoi solowot dit imam, om oporisa' i' om kointalang do nolingasan iyolo' di toruol diyolo'. ka dau.
Nga' hiri po iyolo'd tanga'd ralan om kolingasai no iyolo' di toruol diyolo'. 15Om kopurimanai noddi di songulun dot id pogialatan diyolo' do nolingasan iyau, om guli' no iyau dot id di Yesus om pamarayou no iyau'd Kinorohingan dot opuhod o boros. 16Om otud no iyau dot id toguang di Yesus, do minongunsikou dau. Iyau nopoddi nga' tulun do Samaria. 17Om boros kaddi di Yesus, “Okon toi ko' hopod kou tulun do nolingasan diri? Nga' hinonggo noddi i siam o tulun? 18Nokuro tu' iti no tulun do bansa'd suwai o guminuli' do mongoi pongunsikou'd Kinorohingan?” ka dau. 19Om boros kaddi di Yesus dot id tulun diri, “Ingkakat no om mamanau i'. Nolingasan ko no tu' notumbayaan ko i' doho',” ka dau.
I Maso do Korikatan do Pomorintaan do Kinorohingan
(Mat. 24.23-28,37-41)
20Om haro'ddi o piro-piro tulun do Parisi do minonguhot di Yesus ondung soira' do korikot i Pomorintaan do Kinorohingan. Om boros ka di Yesus do suminimbar, “A' i' dokoyu okito i Pomorintaan do Kinorohingan. 21Aiso' i' o momoros dot, ‘Ontong pogi', nokorikot nod hiti!’ ka, ko', ‘Nokorikot nod hilo'!’ ka. Tu' iri nopo Pomorintaan do Kinorohingan om id suang i' dokoyu,”#17.21 id suang i' dokoyu; ko': id pogialatan dokoyu; ko': sigog indo do mintalang dot id pogialatan dokoyu. ka dau.
22Om boro-boros noddi i Yesus di piro-piro o tumatanud dau do poingkaa, “Rumikot nondo o maso dot orohian kou do kokito dot ongoiso' o tadau di Tanak do Tulun, nga' a' kou i' kokito. 23Om haro nondo o tulun do momoros dot id dokoyu dot, ‘Ontong pogi', hilo' iyau,’ ka, ko', ‘Ontong pogi', nga' hiti no iyau,’ ka. Nga' kada' kou soliwan do mongoi pogihum dau. 24Tu' kowoyo-woyoo' nopo do Tanak do Tulun do tontok di tadau do mintalang iyau, om iyo noddi kodumaat do kumalab do dumarapas dilo tawan om kababang do mantad id iso' o tisan om kakaa dot id tisan ponong id sampaping. 25Nga' id gulu nopo kopio om mositi' no do kopuriman iyau dot ogumu' o koinggoritan, om a' romiton di tulun do maso'dti. 26Tu'#Kwn. 6.5-8 tontok nopondod tadau do pointalangon i Tanak do Tulun, om kowoyo-woyoo' nopo dau om miagal do kowoyo-woyoo' di poimpasi po i Nuu di gulu po. 27Tu'#Kwn. 7.6-24 mangakan-ngakan nopo om monginum-nginum, om mogikakawin o tulun. Om iyo kasai' nopoddi iyolo' do gisom do norikot o kinosuangan di Nuu do hiri'd kapal, om korikot noddi i sakob do gisom do nangapatai ngai' i tulun. 28Om#Kwn. 18.20—19.25 iyo nogiddi di poimpasi po i Lut. Tu' mangakan-ngakan om monginum-nginum, om mogiboli-boli om mananom-tanom om maal do walai o tulun. 29Nga' tontok di minogidu' i Lut do mantad hilo'd Sodom, om tadau iddi do suminondot o tapui di monomburalak po do mantad hilo'd tawan do minamatai ngai' di tulun. 30Om iyo nogiddi o kowoyo-woyoo' do tontok di tadau do pointalangon i Tanak do Tulun.
31Om#Mat. 24.17-18, Mar. 13.15-16 tontok nopondo do tadau'ddi om iri nopo i tulun do hiri'd timpak do taap do walai dau, om a' no iyau minog do lumintuhun do mongoi panganu di konunu-nunuwai do hiri'd suang di walai dau. Om iyo nogiddi i tulun di hiri'd dumo dau, tu' a' no minog do gumuli' do hiri'd walai dau. 32Soroho'#Kwn. 19.26 pogi' dokoyu ondung nunu o nosiliu dot id sawo di Lut! 33Iri#Mat. 10.39, 16.25, Mar. 8.35, Luk. 9.24, Yoh. 12.25 nopo tulun di tumotos do momogompi'd koposion dau, om okon nogi' dot atagakan di koposion dau'ddi. Nga' iri nopo tulun dit atagakan do koposion dau, om okon nogi' dot ogompi' dau o koposion dau'ddi. 34Kotumbayaai kou no: Tu' tontok nopondo do totuong diri om haro o duwo tulun do poingodop dot id iso' o toodopon, om ngoyon nondo i tiso' om tongkiadan nopo i tiso'. 35Om haro nogi' o duwo o tondu' do tumutu do gandum, om ngoyon nondo i tiso', om tongkiadan no i tiso'. 36[Om haro nogi' o duwo o tulun do morobuat do hiri'd dumo, om ngoyon nondo i tiso', om tongkiadan nopo i tiso',]”#17.36 Haro nogi' o piro-piro o solinan do pinoporuhang dot ayat 36 diti. Antangan o Mat. 24.49. ka di Yesus.
37Om ponguhot no i piro-piro o tumatanud di Yesus do poingkaa, “Hinonggo iri dot ongosiliu oi Tuhan?” ka diyolo'.
Om boros ka di Yesus do suminimbar, “Hinonggo nopo o haro o nintorusan di napatai, om hiri no o timungon di tombolog di mangangakan do nintorusan di napatai,” ka dau.
Currently Selected:
LUKAS 17: BDK
Highlight
Share
Copy
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia
LUKAS 17
17
I Kobinsuhu'd Tulun do Momonsoi'd Dusa
(Mat. 18.6-7,21-22, Mar. 9.42)
1Om boro-boros no i Yesus di piro-piro o tumatanud dau do poingkaa, “Atantu' no do haro o piro-piro o hal do kobungou'd tulun do momonsoi'd dusa. Nga' obungou no i tulun di mominsuhu'ddi. 2Om osonong nogi' do lontoidan do watu di pongingisar o liou dau, om pataamon nogindo do hilo'd rahat dit aralom, ko' kopominsuhu' iyau do tongoiso' piya diti tulun diti tongoluhoi podti, gisom do kowonsoi nondo iyolo'd dusa. 3Iyo#Mat. 18.15 nopoddi, om mumbangan-bangan kou no kopio!
Ondung kowonsoi'd dusa o tobpinai dokoyu, om ongoyon no iyau sunudai. Ondung monosol iyau do nokowonsoi iyau do miagal diri, om ompunan no iyau. 4Ondung kowonsoi iyau'd dusa dot id diya' dot inturu' do sangadau om mongoi kasai' nopo iyau solowot diya' do momoros do, ‘Mokiampun oku,’ ka, do monikid di kasala' iyau, om ompunan kasai' no iyau,” ka dau.
Pasal do Kotumbayaan
5Om boro-boros noddi i piro-piro o rasul dot id Tuhan Yesus do poingkaa, “Oi Tuhan, pogiroto' no o kotumbayaan dahai,” ka. 6Om boros kad Tuhan do suminimbar, “Ondung haro o kotumbayaan dokoyu dot ongoirad nopo do linsou dit okooro' kopio, om milo kou no do momoros dot id guas dot ara do, ‘Sakat no om tumanom no do hilo'd rahat,’ ka, om atantu' no do mihuboyo-boyo' iri di boros dokoyu,” ka dau.
It Apatut do Wonsoyon do Susuhuon
7Om boros ka kawagu di Yesus, “Ondung haro ot id pialatan dokoyu do haro o susuhuon do mamaradu do hiri'd dumo ko' momogompi' pod dumba'. Om angatan tuu dau i susuhuon dau'ddi do, ‘Kaino kopio makan,’ ka, do koguli' i susuhuon dau'ddi? 8Atantu' no dot a' i' dau angatan, suwai ko' moro-boros nogi' iyau di susuhuon dau'ddi dot, ‘Ongoi posodia' do takanon ku. Om manampakai no di pakayan dit opulang, om tamangan oku no do gisom do kaakan om koinum oku; om kaakan oku po om makan ko nogindo iya',’ ka. 9Om a' i' minog do royohon i susuhuon diri do minumboyo' piya iyau di pinonuhuan di tuan dau. 10Om iyo kou nogiddi iyokoyu. Ondung ongowonsoi ngai' dokoyu i pinonuhuan dot id dokoyu, om momoros kou nopo dot, ‘Iyahai nopodti om susuhuon no toomod, om iti no ot apatut do wonsoyon dahai,’ kanto dokoyu,” ka di Yesus.
Minomolingos i Yesus do Hopod o Tulun di Kitoruol
11Tontok di manau-panau i Yesus do kumaa do hilo'd Yorusalim, om kawaya' no iyau do hiri'd watas dot id piwolitan do pomogunan do Samaria om Galilia. 12Di nopo manau-panau iyau do kumaa dot id iso' o kampung, om ongoyo' no iyau bontolo' do hopod o tulun di kitoruol do kusta.#17.12 Kusta: Antangan o Kamus. Om hiri pod sodu' i tulun diri, 13om pinglohou no dot, “Oi Yesus, oi Tuan, kosianai no dahai!” ka.
14Om#Otu. 14.1-32 ontong no i Yesus diyolo', om boro-boros nod poingkaa, “Ongoi kou no solowot di piro-piro ot imam om pokiporisaan no diyolo' ino tinan dokoyu!”#17.14 Komoyon nopod ayat diti om momolingos i' i Yesus diyolo', om iri noddi o kinoponuhuan dau diyolo' do mongoi solowot dit imam, om oporisa' i' om kointalang do nolingasan iyolo' di toruol diyolo'. ka dau.
Nga' hiri po iyolo'd tanga'd ralan om kolingasai no iyolo' di toruol diyolo'. 15Om kopurimanai noddi di songulun dot id pogialatan diyolo' do nolingasan iyau, om guli' no iyau dot id di Yesus om pamarayou no iyau'd Kinorohingan dot opuhod o boros. 16Om otud no iyau dot id toguang di Yesus, do minongunsikou dau. Iyau nopoddi nga' tulun do Samaria. 17Om boros kaddi di Yesus, “Okon toi ko' hopod kou tulun do nolingasan diri? Nga' hinonggo noddi i siam o tulun? 18Nokuro tu' iti no tulun do bansa'd suwai o guminuli' do mongoi pongunsikou'd Kinorohingan?” ka dau. 19Om boros kaddi di Yesus dot id tulun diri, “Ingkakat no om mamanau i'. Nolingasan ko no tu' notumbayaan ko i' doho',” ka dau.
I Maso do Korikatan do Pomorintaan do Kinorohingan
(Mat. 24.23-28,37-41)
20Om haro'ddi o piro-piro tulun do Parisi do minonguhot di Yesus ondung soira' do korikot i Pomorintaan do Kinorohingan. Om boros ka di Yesus do suminimbar, “A' i' dokoyu okito i Pomorintaan do Kinorohingan. 21Aiso' i' o momoros dot, ‘Ontong pogi', nokorikot nod hiti!’ ka, ko', ‘Nokorikot nod hilo'!’ ka. Tu' iri nopo Pomorintaan do Kinorohingan om id suang i' dokoyu,”#17.21 id suang i' dokoyu; ko': id pogialatan dokoyu; ko': sigog indo do mintalang dot id pogialatan dokoyu. ka dau.
22Om boro-boros noddi i Yesus di piro-piro o tumatanud dau do poingkaa, “Rumikot nondo o maso dot orohian kou do kokito dot ongoiso' o tadau di Tanak do Tulun, nga' a' kou i' kokito. 23Om haro nondo o tulun do momoros dot id dokoyu dot, ‘Ontong pogi', hilo' iyau,’ ka, ko', ‘Ontong pogi', nga' hiti no iyau,’ ka. Nga' kada' kou soliwan do mongoi pogihum dau. 24Tu' kowoyo-woyoo' nopo do Tanak do Tulun do tontok di tadau do mintalang iyau, om iyo noddi kodumaat do kumalab do dumarapas dilo tawan om kababang do mantad id iso' o tisan om kakaa dot id tisan ponong id sampaping. 25Nga' id gulu nopo kopio om mositi' no do kopuriman iyau dot ogumu' o koinggoritan, om a' romiton di tulun do maso'dti. 26Tu'#Kwn. 6.5-8 tontok nopondod tadau do pointalangon i Tanak do Tulun, om kowoyo-woyoo' nopo dau om miagal do kowoyo-woyoo' di poimpasi po i Nuu di gulu po. 27Tu'#Kwn. 7.6-24 mangakan-ngakan nopo om monginum-nginum, om mogikakawin o tulun. Om iyo kasai' nopoddi iyolo' do gisom do norikot o kinosuangan di Nuu do hiri'd kapal, om korikot noddi i sakob do gisom do nangapatai ngai' i tulun. 28Om#Kwn. 18.20—19.25 iyo nogiddi di poimpasi po i Lut. Tu' mangakan-ngakan om monginum-nginum, om mogiboli-boli om mananom-tanom om maal do walai o tulun. 29Nga' tontok di minogidu' i Lut do mantad hilo'd Sodom, om tadau iddi do suminondot o tapui di monomburalak po do mantad hilo'd tawan do minamatai ngai' di tulun. 30Om iyo nogiddi o kowoyo-woyoo' do tontok di tadau do pointalangon i Tanak do Tulun.
31Om#Mat. 24.17-18, Mar. 13.15-16 tontok nopondo do tadau'ddi om iri nopo i tulun do hiri'd timpak do taap do walai dau, om a' no iyau minog do lumintuhun do mongoi panganu di konunu-nunuwai do hiri'd suang di walai dau. Om iyo nogiddi i tulun di hiri'd dumo dau, tu' a' no minog do gumuli' do hiri'd walai dau. 32Soroho'#Kwn. 19.26 pogi' dokoyu ondung nunu o nosiliu dot id sawo di Lut! 33Iri#Mat. 10.39, 16.25, Mar. 8.35, Luk. 9.24, Yoh. 12.25 nopo tulun di tumotos do momogompi'd koposion dau, om okon nogi' dot atagakan di koposion dau'ddi. Nga' iri nopo tulun dit atagakan do koposion dau, om okon nogi' dot ogompi' dau o koposion dau'ddi. 34Kotumbayaai kou no: Tu' tontok nopondo do totuong diri om haro o duwo tulun do poingodop dot id iso' o toodopon, om ngoyon nondo i tiso' om tongkiadan nopo i tiso'. 35Om haro nogi' o duwo o tondu' do tumutu do gandum, om ngoyon nondo i tiso', om tongkiadan no i tiso'. 36[Om haro nogi' o duwo o tulun do morobuat do hiri'd dumo, om ngoyon nondo i tiso', om tongkiadan nopo i tiso',]”#17.36 Haro nogi' o piro-piro o solinan do pinoporuhang dot ayat 36 diti. Antangan o Mat. 24.49. ka di Yesus.
37Om ponguhot no i piro-piro o tumatanud di Yesus do poingkaa, “Hinonggo iri dot ongosiliu oi Tuhan?” ka diyolo'.
Om boros ka di Yesus do suminimbar, “Hinonggo nopo o haro o nintorusan di napatai, om hiri no o timungon di tombolog di mangangakan do nintorusan di napatai,” ka dau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia