Tegnum 2
2
Vaaj Ntsujplig Tug Dlawbhuv Lug
1Thaus txug nub Pheetekhos,#2:1: Pheetekhos yog 50 nub tomqaab ua kevcai Hlaa Dlhau. cov ntseeg suavdlawg tuaj sissau uake nyob rua ntawm ib qhov chaw. #Levi 23:15-21; 2Kev 16:9-11 2Uacav txawm muaj ib lub suab nrov nroo ntwg sau ntuj lug ib yaam le ib nthwv cua hlub-hlub lug puvnkaus rua huv lub tsev kws puab taabtom nyob uake ntawd. 3Puab pum zoole tej nplaig suavtawg lug hab faib pis rhe moog rua sau puab txhua tug. 4Puab txhaj puvnpo Vaaj Ntsujplig tug Dlawbhuv hab txawm cale pib has tau lwmyaam lug lawvle Vaaj Ntsujplig tau pub rua puab.
5Muaj cov Yudais kws fwm Vaajtswv tuaj txhua lub tebchaws kws nyob huv qaabntuj nuav tuaj su rua huv lub nroog Yeluxalees. 6Thaus puab nov lub suab ntawd, muaj tuabneeg coob-coob txawm lug sissau uake hab xaav tsi thoob le, vim puab txhua tug nyag taug nyag nov cov ntseeg ntawd has puab tsaav tuabneeg yaam lug.
7Puab tsi paub yuav has lecaag, tes puab txawm nug has tas, “Cov tuabneeg kws taabtom haslug nuav tsi yog tuabneeg Kalilais lov? 8Ua lecaag peb txhua tug ho nov puab has tau peb tej lug? 9Peb yog tuabneeg Pathias, tuabneeg Medes, hab tuabneeg Elaas; ibtxha yog tuaj huv Mexuputamias tuaj, tuaj huv Yudas hab Kapadaukias tuaj; tuaj huv Pootus hab Exias tuaj, 10tuaj huv Felinkias hab Paafilias tuaj, tuaj huv Iziv tuaj, hab tuaj huv tej cheebtsaam ntawm tebchaws Linpias kws nyob ze Kulenes tuaj. Ibtxha yog tuaj huv lub nroog Loos tuaj, 11kws yog cov Yudais hab Lwmtsaav Tuabneeg kws tau kaavxeem lug coj Yudais txuj kev ntseeg, ibtxha yog tuaj huv lub povtxwv Khetes hab huv Alanpias tuaj; peb puavleej nov puab has peb tej lug kws yog has txug tej txujci tseemceeb kws Vaajtswv tau ua lug lawm!” 12Puab nov le ntawd, puab xaav tsi thoob hab tsi totaub le, puab sisnug zumzawg has tas, “Tej nuav yog lecaag tag?”
13Tabsis muaj lwmtug has saib tsi taug cov ntseeg tas, “Cov tuabneeg ntawd qaugcawv lawm!”
Petus Tej Lug Qha
14Thaus ntawd Petus nrug rua kaum-ib tug timthawj txawm sawvtseeg, nwg txhaj has nrov-nrov rua cov tuabneeg coob-coob ntawd has tas, “Cov kwvtij Yudais hab mej txhua tug kws nyob huv lub nroog Yeluxalees, mej ua tuabzoo noog, kuv yuav qha tej nuav rua mej. 15Taamsim nuav nyavnyuas yog cuaj teev sawvntxuv xwb, cov txivneej nuav tsi yog qaugcawv le mej xaav. 16Tabsis tej nuav yog muaj lawvle Yau-ees, kws yog tug xwbfwb cev Vaajtswv lug tau has tseg lawm has tas:
17“ ‘Vaajtswv has tas, thaus txug tam kws nplajteb yuav kawg, Kuv yuav ua le nuav:
Kuv yuav pub Kuv tug Ntsujplig rua txhua tug.
Mej tej tub tej ntxhais yuav cev Kuv tej lug.
Mej tej tub hluas yuav ua ywgtoog,
hab mej tej quaslaug yuav ua npausuav pum. #Yau 2:28-32 (LXX)
18Tsi taag le ntawd xwb, thaus txug tam ntawd,
Kuv yuav pub Kuv tug Ntsujplig rua Kuv cov tubkhai, tsi has quaspuj hab quasyawg,
puab yuav cev Kuv tej lug.
19Kuv yuav ua tej txujci tseemceeb rua sau nruabntug,
hab ua tej cim qhatshwm rua huv lub qaabntuj nuav.
Yuav muaj ntshaav, muaj suavtawg hab muaj paatawg auv nab;
20lub nub yuav tsaus,
hab lub hli yuav lab le ntshaav,
uantej Nub tseemceeb kws ci ntsaa-ab ntawm tug Tswv lug txug.
21Thaus ntawd leejtwg kws thov tug Tswv paab, tug ntawd yuav dlim.’
22“Cov kwvtij Yixalayees, mej cale noog tej lug kws kuv yuav qha nuav! Yexus kws yog tuabneeg Naxalev, yog tug kws Vaajtswv tau pub fwjchim rua Nwg ua tej txujci tseemceeb. Tej nuav mej yeej paub huvsi, ruaqhov tej ntawd tub tshwmsim nyob rua huv mej nuav lawm. 23Qhov kws Yexus raug muab cob rua mej txhais teg, raug mej hab cov tuabneeg txhum muab ntsa rua sau ntoo khaublig, hab muab Nwg tua povtseg, qhov ntawd tub yog lawv nraim le Vaajtswv tau pumzoo hab npaaj tseg lug lawm. #Math 27:35; Malak 15:24; Lukas 23:33; Yauh 19:18 24Tabsis Vaajtswv tub tso Nwg dlim ntawm txuj kev tuag hab tsaa Nwg sawv rovqaab lug muaj txujsa lawm, vim txuj kev tuag lub fwjchim tuav tsi tau Nwg ca. #Math 28:5-6; Malak 16:6; Lukas 24:5 25Ruaqhov Daviv has txug Nwg has tas:
“ ‘Kuv najnub pum tug Tswv nyob ntawm kuv xubndlag;
Nwg nyob ntawm kuv saab xis, kuv txhaj tsi ntxhuvsab. #Nnkauj 16:8-11 (LXX)
26Tub yog vimle nuav kuv txhaj zoosab,
hab kuv tej lug puvnpo kev zoosab xwb.
Txawm kuv yog tuabneeg nqajtawv xwb los
kuv tseem muaj kev casab,
27ruaqhov Koj yeej yuav tsi tso kuv tug ntsujplig ca rua huv tubtuag teb;
lossis ca Koj tug tubkhai kws ncaajnceeg cev nqaj lwj nyob rua huv qhovntxaa.
28Koj tub qha txug txujkev kws coj moog tau txujsa rua kuv lawm,
hab qhov kws Koj nrug kuv nyob, ua rua kuv zoosab kawg le.’
29“Cov kwvtij, kuv muaj cuabkaav qha rua mej paub txug peb yawmkoob Daviv, has tas nwg tub tuag hab puab muab nwg coj moog log lawm, najnub nua nwg lub ntxaa tseem nyob. 30Thaus u nwg yog ib tug xwbfwb cev Vaajtswv lug. Nwg paub tas Vaajtswv tub coglug rua nwg has tas Vaajtswv yuav tsaa nwg ib tug xeebntxwv lug ua vaajntxwv ib yaam le nwg. #Nnkauj 132:11; 2Xamu 7:12-13 31Daviv tub paub tej kws Vaajtswv yuav ua yaav pegsuab lawm, yogle ntawd nwg txhaj has txug qhov kws tug Mexiyas sawv huv qhovtuag rovqaab lug has tas,
“ ‘Vaajtswv tsi tau tso Nwg tseg rua huv tubtuag teb;
lossis Nwg cev nqaj tsi tau lwj nyob rua huv qhovntxaa.’
32Tug Yexus nuav yog tug kws Vaajtswv tau tsaa sawv huv qhovtuag rovqaab lug, hab peb suavdlawg puavleej ua timkhawv txug zaaj nuav. 33Nwg tau raug tsaa moog nyob rua ntawm Vaajtswv tug kws yog Nwg Txiv, saab teg xis, hab Vaajtswv tau pub Vaaj Ntsujplig rua Nwg lawvle Vaajtswv tau coglug tseg lawm. Qhov kws mej pum hab nov nuav yog Nwg qhov khoomplig kws Nwg tau muab nchuav lug pub rua peb. 34Daviv yeej tsi tau moog sau ntuj ceebtsheej dlua le, tabsis nwg has tas,
“ ‘Tug Tswv has rua kuv tug Tswv has tas:
Lug nyob ntawm Kuv saab xis nuav #Nnkauj 110:1
35moog txug thaus Kuv muab Koj cov yeebncuab ua lub tog tag taw huv Koj qaab xibtaws.’
36“Yogle ntawd tsoom Yixalayees, mej suavdlawg yuavtsum paub tseeb has tas tug Yexus kws mej muab ntsa rua sau ntoo khaublig, yog tug kws Vaajtswv tau muab tsaa ua tug Tswv hab ua tug Mexiyas!”
37Thaus suavdlawg nov le ntawd, puab nyuajsab kawg le, puab txawm nug Petus hab cov timthawj has tas, “Cov kwvtij, peb yuav ua lecaag?”
38Petus teb puab has tas, “Mej txhua tug yuavtsum tso mej tej kev txhum tseg hab ua kevcai rausdlej huv Yexus Khetos lub npe, sub Vaajtswv txhaj yuav zaam mej lub txim; hab mej txhaj yuav tau txais Vaajtswv qhov khoomplig, kws yog Vaaj Ntsujplig tug Dlawbhuv. 39Ruaqhov Vaajtswv tej lug cogtseg yog cog rua mej, mej cov mivnyuas, hab cov tuabneeg kws nyob dleb-dleb, cov kws tug Tswv kws yog peb tug Vaajtswv hu lug cuag Nwg.”
40Petus tseem ntuag hab qha puab ntxiv has tas, “Mej yuavtsum nrhav kev tsiv kuas dlim ntawm txuj kev rautxim kws yuav muaj lug rua cov tuabneeg kws sabphem nuav!” 41Cov tuabneeg kws ntseeg Petus tej lug qha, txhajle ua kevcai rausdlej, hab nub ntawd muaj kwvlaam le 3,000 leej tau lug ntseeg ntxiv. 42Puab kubsab lug kawm tej kws cov timthawj qha, puab sishlub sispaab, puab noj Yexus rooj mov hab thov Vaajtswv uake.
Lub Neej Ntawm Cov Ntseeg Yexus
43Thaus suavdlawg pum tej txujci tseemceeb kws cov timthawj ua, puab xaav tsi thoob le. 44Taagnrho cov ntseeg suavdlawg koom ib lub sab, nyag nqaa nyag tej qhov txhua chaw tuaj tso uake ua suavdlawg tug. #Tegnum 4:32-35 45Puab muab puab tej aav hab tej khoom kws yog puab tug muag, hab muab tej nyaj ntawd faib rua txhua tug lawvle tug kws muaj kev cheemtsum. 46Puab najnub moog pehawm Vaajtswv huv lub Tuamtsev, puab noj Yexus rooj mov, hab noj mov uake huv puab tej vaaj tej tsev lug ntawm txuj kev zoosab hab lub sabdlawb sabzoo, 47puab qhuas Vaajtswv, hab txaussab rua tej kev zoo kws tej tuabneeg suavdlawg qhuas txug puab. Hab txhua-txhua nub, tug Tswv yeej coj cov kws dlim lawm lug ntxiv rua puab.
Currently Selected:
Tegnum 2: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tegnum 2
2
Vaaj Ntsujplig Tug Dlawbhuv Lug
1Thaus txug nub Pheetekhos,#2:1: Pheetekhos yog 50 nub tomqaab ua kevcai Hlaa Dlhau. cov ntseeg suavdlawg tuaj sissau uake nyob rua ntawm ib qhov chaw. #Levi 23:15-21; 2Kev 16:9-11 2Uacav txawm muaj ib lub suab nrov nroo ntwg sau ntuj lug ib yaam le ib nthwv cua hlub-hlub lug puvnkaus rua huv lub tsev kws puab taabtom nyob uake ntawd. 3Puab pum zoole tej nplaig suavtawg lug hab faib pis rhe moog rua sau puab txhua tug. 4Puab txhaj puvnpo Vaaj Ntsujplig tug Dlawbhuv hab txawm cale pib has tau lwmyaam lug lawvle Vaaj Ntsujplig tau pub rua puab.
5Muaj cov Yudais kws fwm Vaajtswv tuaj txhua lub tebchaws kws nyob huv qaabntuj nuav tuaj su rua huv lub nroog Yeluxalees. 6Thaus puab nov lub suab ntawd, muaj tuabneeg coob-coob txawm lug sissau uake hab xaav tsi thoob le, vim puab txhua tug nyag taug nyag nov cov ntseeg ntawd has puab tsaav tuabneeg yaam lug.
7Puab tsi paub yuav has lecaag, tes puab txawm nug has tas, “Cov tuabneeg kws taabtom haslug nuav tsi yog tuabneeg Kalilais lov? 8Ua lecaag peb txhua tug ho nov puab has tau peb tej lug? 9Peb yog tuabneeg Pathias, tuabneeg Medes, hab tuabneeg Elaas; ibtxha yog tuaj huv Mexuputamias tuaj, tuaj huv Yudas hab Kapadaukias tuaj; tuaj huv Pootus hab Exias tuaj, 10tuaj huv Felinkias hab Paafilias tuaj, tuaj huv Iziv tuaj, hab tuaj huv tej cheebtsaam ntawm tebchaws Linpias kws nyob ze Kulenes tuaj. Ibtxha yog tuaj huv lub nroog Loos tuaj, 11kws yog cov Yudais hab Lwmtsaav Tuabneeg kws tau kaavxeem lug coj Yudais txuj kev ntseeg, ibtxha yog tuaj huv lub povtxwv Khetes hab huv Alanpias tuaj; peb puavleej nov puab has peb tej lug kws yog has txug tej txujci tseemceeb kws Vaajtswv tau ua lug lawm!” 12Puab nov le ntawd, puab xaav tsi thoob hab tsi totaub le, puab sisnug zumzawg has tas, “Tej nuav yog lecaag tag?”
13Tabsis muaj lwmtug has saib tsi taug cov ntseeg tas, “Cov tuabneeg ntawd qaugcawv lawm!”
Petus Tej Lug Qha
14Thaus ntawd Petus nrug rua kaum-ib tug timthawj txawm sawvtseeg, nwg txhaj has nrov-nrov rua cov tuabneeg coob-coob ntawd has tas, “Cov kwvtij Yudais hab mej txhua tug kws nyob huv lub nroog Yeluxalees, mej ua tuabzoo noog, kuv yuav qha tej nuav rua mej. 15Taamsim nuav nyavnyuas yog cuaj teev sawvntxuv xwb, cov txivneej nuav tsi yog qaugcawv le mej xaav. 16Tabsis tej nuav yog muaj lawvle Yau-ees, kws yog tug xwbfwb cev Vaajtswv lug tau has tseg lawm has tas:
17“ ‘Vaajtswv has tas, thaus txug tam kws nplajteb yuav kawg, Kuv yuav ua le nuav:
Kuv yuav pub Kuv tug Ntsujplig rua txhua tug.
Mej tej tub tej ntxhais yuav cev Kuv tej lug.
Mej tej tub hluas yuav ua ywgtoog,
hab mej tej quaslaug yuav ua npausuav pum. #Yau 2:28-32 (LXX)
18Tsi taag le ntawd xwb, thaus txug tam ntawd,
Kuv yuav pub Kuv tug Ntsujplig rua Kuv cov tubkhai, tsi has quaspuj hab quasyawg,
puab yuav cev Kuv tej lug.
19Kuv yuav ua tej txujci tseemceeb rua sau nruabntug,
hab ua tej cim qhatshwm rua huv lub qaabntuj nuav.
Yuav muaj ntshaav, muaj suavtawg hab muaj paatawg auv nab;
20lub nub yuav tsaus,
hab lub hli yuav lab le ntshaav,
uantej Nub tseemceeb kws ci ntsaa-ab ntawm tug Tswv lug txug.
21Thaus ntawd leejtwg kws thov tug Tswv paab, tug ntawd yuav dlim.’
22“Cov kwvtij Yixalayees, mej cale noog tej lug kws kuv yuav qha nuav! Yexus kws yog tuabneeg Naxalev, yog tug kws Vaajtswv tau pub fwjchim rua Nwg ua tej txujci tseemceeb. Tej nuav mej yeej paub huvsi, ruaqhov tej ntawd tub tshwmsim nyob rua huv mej nuav lawm. 23Qhov kws Yexus raug muab cob rua mej txhais teg, raug mej hab cov tuabneeg txhum muab ntsa rua sau ntoo khaublig, hab muab Nwg tua povtseg, qhov ntawd tub yog lawv nraim le Vaajtswv tau pumzoo hab npaaj tseg lug lawm. #Math 27:35; Malak 15:24; Lukas 23:33; Yauh 19:18 24Tabsis Vaajtswv tub tso Nwg dlim ntawm txuj kev tuag hab tsaa Nwg sawv rovqaab lug muaj txujsa lawm, vim txuj kev tuag lub fwjchim tuav tsi tau Nwg ca. #Math 28:5-6; Malak 16:6; Lukas 24:5 25Ruaqhov Daviv has txug Nwg has tas:
“ ‘Kuv najnub pum tug Tswv nyob ntawm kuv xubndlag;
Nwg nyob ntawm kuv saab xis, kuv txhaj tsi ntxhuvsab. #Nnkauj 16:8-11 (LXX)
26Tub yog vimle nuav kuv txhaj zoosab,
hab kuv tej lug puvnpo kev zoosab xwb.
Txawm kuv yog tuabneeg nqajtawv xwb los
kuv tseem muaj kev casab,
27ruaqhov Koj yeej yuav tsi tso kuv tug ntsujplig ca rua huv tubtuag teb;
lossis ca Koj tug tubkhai kws ncaajnceeg cev nqaj lwj nyob rua huv qhovntxaa.
28Koj tub qha txug txujkev kws coj moog tau txujsa rua kuv lawm,
hab qhov kws Koj nrug kuv nyob, ua rua kuv zoosab kawg le.’
29“Cov kwvtij, kuv muaj cuabkaav qha rua mej paub txug peb yawmkoob Daviv, has tas nwg tub tuag hab puab muab nwg coj moog log lawm, najnub nua nwg lub ntxaa tseem nyob. 30Thaus u nwg yog ib tug xwbfwb cev Vaajtswv lug. Nwg paub tas Vaajtswv tub coglug rua nwg has tas Vaajtswv yuav tsaa nwg ib tug xeebntxwv lug ua vaajntxwv ib yaam le nwg. #Nnkauj 132:11; 2Xamu 7:12-13 31Daviv tub paub tej kws Vaajtswv yuav ua yaav pegsuab lawm, yogle ntawd nwg txhaj has txug qhov kws tug Mexiyas sawv huv qhovtuag rovqaab lug has tas,
“ ‘Vaajtswv tsi tau tso Nwg tseg rua huv tubtuag teb;
lossis Nwg cev nqaj tsi tau lwj nyob rua huv qhovntxaa.’
32Tug Yexus nuav yog tug kws Vaajtswv tau tsaa sawv huv qhovtuag rovqaab lug, hab peb suavdlawg puavleej ua timkhawv txug zaaj nuav. 33Nwg tau raug tsaa moog nyob rua ntawm Vaajtswv tug kws yog Nwg Txiv, saab teg xis, hab Vaajtswv tau pub Vaaj Ntsujplig rua Nwg lawvle Vaajtswv tau coglug tseg lawm. Qhov kws mej pum hab nov nuav yog Nwg qhov khoomplig kws Nwg tau muab nchuav lug pub rua peb. 34Daviv yeej tsi tau moog sau ntuj ceebtsheej dlua le, tabsis nwg has tas,
“ ‘Tug Tswv has rua kuv tug Tswv has tas:
Lug nyob ntawm Kuv saab xis nuav #Nnkauj 110:1
35moog txug thaus Kuv muab Koj cov yeebncuab ua lub tog tag taw huv Koj qaab xibtaws.’
36“Yogle ntawd tsoom Yixalayees, mej suavdlawg yuavtsum paub tseeb has tas tug Yexus kws mej muab ntsa rua sau ntoo khaublig, yog tug kws Vaajtswv tau muab tsaa ua tug Tswv hab ua tug Mexiyas!”
37Thaus suavdlawg nov le ntawd, puab nyuajsab kawg le, puab txawm nug Petus hab cov timthawj has tas, “Cov kwvtij, peb yuav ua lecaag?”
38Petus teb puab has tas, “Mej txhua tug yuavtsum tso mej tej kev txhum tseg hab ua kevcai rausdlej huv Yexus Khetos lub npe, sub Vaajtswv txhaj yuav zaam mej lub txim; hab mej txhaj yuav tau txais Vaajtswv qhov khoomplig, kws yog Vaaj Ntsujplig tug Dlawbhuv. 39Ruaqhov Vaajtswv tej lug cogtseg yog cog rua mej, mej cov mivnyuas, hab cov tuabneeg kws nyob dleb-dleb, cov kws tug Tswv kws yog peb tug Vaajtswv hu lug cuag Nwg.”
40Petus tseem ntuag hab qha puab ntxiv has tas, “Mej yuavtsum nrhav kev tsiv kuas dlim ntawm txuj kev rautxim kws yuav muaj lug rua cov tuabneeg kws sabphem nuav!” 41Cov tuabneeg kws ntseeg Petus tej lug qha, txhajle ua kevcai rausdlej, hab nub ntawd muaj kwvlaam le 3,000 leej tau lug ntseeg ntxiv. 42Puab kubsab lug kawm tej kws cov timthawj qha, puab sishlub sispaab, puab noj Yexus rooj mov hab thov Vaajtswv uake.
Lub Neej Ntawm Cov Ntseeg Yexus
43Thaus suavdlawg pum tej txujci tseemceeb kws cov timthawj ua, puab xaav tsi thoob le. 44Taagnrho cov ntseeg suavdlawg koom ib lub sab, nyag nqaa nyag tej qhov txhua chaw tuaj tso uake ua suavdlawg tug. #Tegnum 4:32-35 45Puab muab puab tej aav hab tej khoom kws yog puab tug muag, hab muab tej nyaj ntawd faib rua txhua tug lawvle tug kws muaj kev cheemtsum. 46Puab najnub moog pehawm Vaajtswv huv lub Tuamtsev, puab noj Yexus rooj mov, hab noj mov uake huv puab tej vaaj tej tsev lug ntawm txuj kev zoosab hab lub sabdlawb sabzoo, 47puab qhuas Vaajtswv, hab txaussab rua tej kev zoo kws tej tuabneeg suavdlawg qhuas txug puab. Hab txhua-txhua nub, tug Tswv yeej coj cov kws dlim lawm lug ntxiv rua puab.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.