Teg Num 4
4
Cov Numtswv Taug Petus hab Yauhaas Zaaj
1Thaus Petus hab Yauhaas tseem taabtom qha cov tuabneeg ntawd, cov povthawj qee leej,#4.1 cov povthawj qee leej; tej phoo qub has tas, cov thawj ntawm cov povthawj. cov tubrog kws saib lub Tuamtsev tug thawj hab ib cov Xadukais txawm tuaj nrhav obtug. 2Puab chim rua Petus hab Yauhaas heev, rua qhov obtug qha rua suavdlawg has tas, Yexus tub sawv huv qhov tuag rov qaab lug lawm. Obtug qha le ntawd, suavdlawg txhaj paub has tas, tuabneeg sawv tau huv qhov tuag rov qaab lug. 3Puab txawm nteg Petus hab Yauhaas coj moog kaw ib mos, rua qhov thaus ntawd tub tsaus ntuj lawm. 4Tabsis cov tuabneeg kws tau nov obtug qha zaaj ntawd, muaj ntau leej ntseeg Yexus; suav cov txivneej kws lug ntseeg muaj kwvlaam le tsib txheeb leej.
5Thaus kaaj ntug lawm, cov Yudais tej thawjcoj, cov txwjlaug hab cov xwbfwb kws qha Vaajtswv txuj Kevcai tuaj ua ke saablaaj huv lub nroog Yeluxalees. 6Anas kws yog tug Povthawj Hlub, Kaiyafas, Yauhaas, Alexaades hab lwm tug kws yog tug Povthawj Hlub tsev tuabneeg tuaj nrug puab saablaaj hab. 7Puab coj Petus hab Yauhaas lug sawv taabmeeg puab hab puab nug obtug has tas, “Leejtwg pub fwjchim rua meb? Hab meb tuav leejtwg lub npe ua tej nuav?”
8Taamsim ntawd, Vaaj Ntsujplig tug Dlawbhuv txawm lug kaav Petus lub sab, Petus teb puab has tas, “Cov numtswv kws kaav pejxeem hab cov txwjlaug, 9nub nua mej nug wb le nuav, yog mej nug txug qhov kws wb khu tug txivneej tuag ceg nuav lossis nug txug qhov kws nwg ob txhais ceg zoo. 10Yog mej nug le ntawd, kuv teb rua mej hab cov Yixalayees suavdlawg has tas, tub yog Yexus tug kws yog tuabneeg Naxales ua rua tug txivneej kws sawv taabmeeg mej nuav zoo ntaag. Yexus yog tug kws mej muab ntsa rua sau tug ntoo khaublig, tabsis Vaajtswv tub tsaa nwg sawv huv qhov tuag rov qaab lug lawm. 11Yexus yog tug kws Vaajtswv txujlug qha tseg has tas:#Pnk 118.22
‘Lub Pobzeb kws cov kws ua tsev
muab povtseg,
nwgnuav tub muab lub ntawd lug
ua lub thawj lawm.’
12Tsi muaj leejtwg cawm tau peb dlim peb lub txim, tsuas yog Yexus tuab leeg xwb txhaj cawm tau, tsi muaj dlua lwm tug kws Vaajtswv tso lug cawm peb tuabneeg nplajteb kuas peb dlim peb lub txim le.”
13Thaus puab pum has tas Petus hab Yauhaas muaj sab tawv teb le ntawd, puab xaav tsi thoob le, rua qhov puab paub has tas obtug yeej tsi tau kawm ntawv. Ces puab ncu dlheev txug has tas, obtug yeej nrug Yexus nyob ua ke. 14Tabsis puab tsi muaj lug teb, rua qhov puab pum tug txivneej tuag ceg kws zoo lawm nrug obtug sawv ua ke ntawd. 15Puab txawm kuas Petus hab Yauhaas obtug tawm moog rua nrau zoov, puab saablaaj has tas, 16“Peb yuav ua le caag rua obtug? Cov tuabneeg kws nyob huv lub nroog Yeluxalees nuav puavleej paub has tas, zaaj txujci tseemceeb nuav tub yog obtug ua, yog peb yuav has tas tsi yog obtug ua los yeej has tsi tau. 17Peb yuavtsum txwv tsi pub obtug has Yexus lub npe rua leejtwg le, zaaj nuav txhaj yuav tsi nrov nchaa moog rua suavdlawg nov.”
18Puab txawm hu obtug rov qaab lug, hab puab has rua obtug kuas obtug tsi xob has lossis qha Yexus zaaj ib zag le lawm. 19Tabsis Petus hab Yauhaas teb puab has tas, “Wb noog mej lug zoo dlua le wb noog Vaajtswv lug los? Mej sim xaav saib, ob qho nuav qhov twg yuav hum Vaajtswv sab dlua? 20Tej kws wb nov hab wb pum lawm, wb yeej yuav qha, wb npog tsi tau le.” 21Cov numtswv hajyam txwv obtug tawv dlua thawj zag, ces puab maam le tso obtug moog. Puab tsi paub yuav rau txim le caag rua obtug, rua qhov tej tuabneeg kws pum zaaj txujci tseemceeb ntawd suavdlawg puavleej qhuas Vaajtswv. 22Tug txivneej kws Vaajtswv khu zoo ntawd noobnyoog muaj plaub caug tawm xyoo lawm.
Cov Ntseeg Tuaj Ua Ke Thov Vaajtswv
23Thaus cov numtswv tso Petus hab Yauhaas lawm, obtug rov moog rua ntawm cov ntseeg hab qha tej kws cov thawj ntawm cov povthawj hab cov txwjlaug txwv obtug rua puab noog. 24Thaus cov ntseeg nov le ntawd, puab koom ua ib lub sab thov Vaajtswv has tas: “Vaajtswv, koj yog tug kws tsim lub ntuj hab lub nplajteb, tsim dlej havtxwv hab tsim ib puas tsaav yaam kws nyob sau nruab ntug, nyob huv nplajteb hab huv havtxwv, #Tsd 20.11; Tnp 9.6; Pnk 146.6 25koj kuas Vaaj Ntsujplig tug Dlawbhuv qha rua peb yawmkoob Daviv kws yog koj tug tubkhai has tas:
‘Vim le caag lwm Tsaav Tuabneeg
chim heev;
hab tej tuabneeg tuavhuv ua phem,
tabsis ua tsi tau? #Pnk 2.1-2 (LXX)
26Cov vaajntxwv kws kaav lub nplajteb
nuav sawv nreg nroog tog
hab cov numtswv tuaj ua ke
tawmtsaam
tug Tswv hab tug Mexiyas.’
27Yeej muaj le ntawd tag, rua qhov Helauj hab Pauti-us Philaj obtug nrug lwm Tsaav Tuabneeg hab cov Yixalayees tuaj ua ke rua huv lub nroog nuav tawmtsaam Yexus kws yog koj tug Tubkhai dlawbhuv kws koj tsaa ua tug Mexiyas lawm.#Luk 23.7-11; Mat 27.1-2; Mak 15.1; Luk 23.1; Yhs 18.28-29 28Tej kws puab ua nuav tub yog muaj lawv le koj lub fwjchim hab koj tau npaaj sab tseg lawm. 29Tug Tswv, nwgnuav thov koj tsaa qhovmuag saib tej kws puab ua nruj ua tsiv rua peb. Hab thov koj paab peb cov kws yog koj cov tubkhai kuas muaj lub sab tawv qha koj txujlug. 30Thov koj cev teg khu tej tuabneeg kws muaj mob, hab thaus peb tuav Yexus kws yog koj tug Tubkhai dlawbhuv lub npe, thov koj ua tej txujci tseemceeb rua suavdlawg pum.”
31Thaus puab thov taag, qhov chaw kws puab nyob ntawd txawm ua zug koog, Vaaj Ntsujplig tug Dlawbhuv txawm lug kaav puab txhua tug lub sab, puab txhaj muaj lub sab tawv qha Vaajtswv txujlug.
Cov Ntseeg sis Faib tej Khoom Kws Puab Muaj
32Cov ntseeg txhua tug puavleej koom ua ib lub sab. Puab nqaa puab tej qhov txhua chaw tuaj tso ua ke ua suavdlawg tug. Tsi muaj ib tug yuav has tas, tej kws nwg muaj yog nwg le.#Ten 2.44-45 33Vaajtswv pub fwjchim rua cov timthawj, puab txhaj muaj lub sab tawv ua timkhawv has txug zaaj kws Tswv Yexus sawv huv qhov tuag rov qaab lug, hab Vaajtswv foom koob moov rua puab txhua tug. 34Puab cov ntawd tsi muaj ib tug txomnyem le. Cov kws muaj aav ntau lossis muaj teb, muaj vaaj muaj tsev los nwg muab muag, hab coj cov nyaj kws nwg muag tau tuaj 35rua cov timthawj; hab cov timthawj muab cov nyaj ntawd faib rua suavdlawg lawv le tug kws muaj chaw siv.
36Yauxej kuj ua le ntawd hab; Yauxej yog xeem Levis, nwg yug tim lub koog Povtxwv Xaipas. Cov timthawj tis dlua ib lub npe rua Yauxej hu ua Npananpas, (lub npe ntawd txhais has tas “Tug kws Txhawb Zug.”) 37Nwg muab nwg dlaim teb muag, hab coj cov nyaj tuaj rua cov timthawj.
Currently Selected:
Teg Num 4: HNJ2000
Highlight
Share
Copy
Want to have your highlights saved across all your devices? Sign up or sign in
© 2000 United Bible Societies. All rights reserved.
Teg Num 4
4
Cov Numtswv Taug Petus hab Yauhaas Zaaj
1Thaus Petus hab Yauhaas tseem taabtom qha cov tuabneeg ntawd, cov povthawj qee leej,#4.1 cov povthawj qee leej; tej phoo qub has tas, cov thawj ntawm cov povthawj. cov tubrog kws saib lub Tuamtsev tug thawj hab ib cov Xadukais txawm tuaj nrhav obtug. 2Puab chim rua Petus hab Yauhaas heev, rua qhov obtug qha rua suavdlawg has tas, Yexus tub sawv huv qhov tuag rov qaab lug lawm. Obtug qha le ntawd, suavdlawg txhaj paub has tas, tuabneeg sawv tau huv qhov tuag rov qaab lug. 3Puab txawm nteg Petus hab Yauhaas coj moog kaw ib mos, rua qhov thaus ntawd tub tsaus ntuj lawm. 4Tabsis cov tuabneeg kws tau nov obtug qha zaaj ntawd, muaj ntau leej ntseeg Yexus; suav cov txivneej kws lug ntseeg muaj kwvlaam le tsib txheeb leej.
5Thaus kaaj ntug lawm, cov Yudais tej thawjcoj, cov txwjlaug hab cov xwbfwb kws qha Vaajtswv txuj Kevcai tuaj ua ke saablaaj huv lub nroog Yeluxalees. 6Anas kws yog tug Povthawj Hlub, Kaiyafas, Yauhaas, Alexaades hab lwm tug kws yog tug Povthawj Hlub tsev tuabneeg tuaj nrug puab saablaaj hab. 7Puab coj Petus hab Yauhaas lug sawv taabmeeg puab hab puab nug obtug has tas, “Leejtwg pub fwjchim rua meb? Hab meb tuav leejtwg lub npe ua tej nuav?”
8Taamsim ntawd, Vaaj Ntsujplig tug Dlawbhuv txawm lug kaav Petus lub sab, Petus teb puab has tas, “Cov numtswv kws kaav pejxeem hab cov txwjlaug, 9nub nua mej nug wb le nuav, yog mej nug txug qhov kws wb khu tug txivneej tuag ceg nuav lossis nug txug qhov kws nwg ob txhais ceg zoo. 10Yog mej nug le ntawd, kuv teb rua mej hab cov Yixalayees suavdlawg has tas, tub yog Yexus tug kws yog tuabneeg Naxales ua rua tug txivneej kws sawv taabmeeg mej nuav zoo ntaag. Yexus yog tug kws mej muab ntsa rua sau tug ntoo khaublig, tabsis Vaajtswv tub tsaa nwg sawv huv qhov tuag rov qaab lug lawm. 11Yexus yog tug kws Vaajtswv txujlug qha tseg has tas:#Pnk 118.22
‘Lub Pobzeb kws cov kws ua tsev
muab povtseg,
nwgnuav tub muab lub ntawd lug
ua lub thawj lawm.’
12Tsi muaj leejtwg cawm tau peb dlim peb lub txim, tsuas yog Yexus tuab leeg xwb txhaj cawm tau, tsi muaj dlua lwm tug kws Vaajtswv tso lug cawm peb tuabneeg nplajteb kuas peb dlim peb lub txim le.”
13Thaus puab pum has tas Petus hab Yauhaas muaj sab tawv teb le ntawd, puab xaav tsi thoob le, rua qhov puab paub has tas obtug yeej tsi tau kawm ntawv. Ces puab ncu dlheev txug has tas, obtug yeej nrug Yexus nyob ua ke. 14Tabsis puab tsi muaj lug teb, rua qhov puab pum tug txivneej tuag ceg kws zoo lawm nrug obtug sawv ua ke ntawd. 15Puab txawm kuas Petus hab Yauhaas obtug tawm moog rua nrau zoov, puab saablaaj has tas, 16“Peb yuav ua le caag rua obtug? Cov tuabneeg kws nyob huv lub nroog Yeluxalees nuav puavleej paub has tas, zaaj txujci tseemceeb nuav tub yog obtug ua, yog peb yuav has tas tsi yog obtug ua los yeej has tsi tau. 17Peb yuavtsum txwv tsi pub obtug has Yexus lub npe rua leejtwg le, zaaj nuav txhaj yuav tsi nrov nchaa moog rua suavdlawg nov.”
18Puab txawm hu obtug rov qaab lug, hab puab has rua obtug kuas obtug tsi xob has lossis qha Yexus zaaj ib zag le lawm. 19Tabsis Petus hab Yauhaas teb puab has tas, “Wb noog mej lug zoo dlua le wb noog Vaajtswv lug los? Mej sim xaav saib, ob qho nuav qhov twg yuav hum Vaajtswv sab dlua? 20Tej kws wb nov hab wb pum lawm, wb yeej yuav qha, wb npog tsi tau le.” 21Cov numtswv hajyam txwv obtug tawv dlua thawj zag, ces puab maam le tso obtug moog. Puab tsi paub yuav rau txim le caag rua obtug, rua qhov tej tuabneeg kws pum zaaj txujci tseemceeb ntawd suavdlawg puavleej qhuas Vaajtswv. 22Tug txivneej kws Vaajtswv khu zoo ntawd noobnyoog muaj plaub caug tawm xyoo lawm.
Cov Ntseeg Tuaj Ua Ke Thov Vaajtswv
23Thaus cov numtswv tso Petus hab Yauhaas lawm, obtug rov moog rua ntawm cov ntseeg hab qha tej kws cov thawj ntawm cov povthawj hab cov txwjlaug txwv obtug rua puab noog. 24Thaus cov ntseeg nov le ntawd, puab koom ua ib lub sab thov Vaajtswv has tas: “Vaajtswv, koj yog tug kws tsim lub ntuj hab lub nplajteb, tsim dlej havtxwv hab tsim ib puas tsaav yaam kws nyob sau nruab ntug, nyob huv nplajteb hab huv havtxwv, #Tsd 20.11; Tnp 9.6; Pnk 146.6 25koj kuas Vaaj Ntsujplig tug Dlawbhuv qha rua peb yawmkoob Daviv kws yog koj tug tubkhai has tas:
‘Vim le caag lwm Tsaav Tuabneeg
chim heev;
hab tej tuabneeg tuavhuv ua phem,
tabsis ua tsi tau? #Pnk 2.1-2 (LXX)
26Cov vaajntxwv kws kaav lub nplajteb
nuav sawv nreg nroog tog
hab cov numtswv tuaj ua ke
tawmtsaam
tug Tswv hab tug Mexiyas.’
27Yeej muaj le ntawd tag, rua qhov Helauj hab Pauti-us Philaj obtug nrug lwm Tsaav Tuabneeg hab cov Yixalayees tuaj ua ke rua huv lub nroog nuav tawmtsaam Yexus kws yog koj tug Tubkhai dlawbhuv kws koj tsaa ua tug Mexiyas lawm.#Luk 23.7-11; Mat 27.1-2; Mak 15.1; Luk 23.1; Yhs 18.28-29 28Tej kws puab ua nuav tub yog muaj lawv le koj lub fwjchim hab koj tau npaaj sab tseg lawm. 29Tug Tswv, nwgnuav thov koj tsaa qhovmuag saib tej kws puab ua nruj ua tsiv rua peb. Hab thov koj paab peb cov kws yog koj cov tubkhai kuas muaj lub sab tawv qha koj txujlug. 30Thov koj cev teg khu tej tuabneeg kws muaj mob, hab thaus peb tuav Yexus kws yog koj tug Tubkhai dlawbhuv lub npe, thov koj ua tej txujci tseemceeb rua suavdlawg pum.”
31Thaus puab thov taag, qhov chaw kws puab nyob ntawd txawm ua zug koog, Vaaj Ntsujplig tug Dlawbhuv txawm lug kaav puab txhua tug lub sab, puab txhaj muaj lub sab tawv qha Vaajtswv txujlug.
Cov Ntseeg sis Faib tej Khoom Kws Puab Muaj
32Cov ntseeg txhua tug puavleej koom ua ib lub sab. Puab nqaa puab tej qhov txhua chaw tuaj tso ua ke ua suavdlawg tug. Tsi muaj ib tug yuav has tas, tej kws nwg muaj yog nwg le.#Ten 2.44-45 33Vaajtswv pub fwjchim rua cov timthawj, puab txhaj muaj lub sab tawv ua timkhawv has txug zaaj kws Tswv Yexus sawv huv qhov tuag rov qaab lug, hab Vaajtswv foom koob moov rua puab txhua tug. 34Puab cov ntawd tsi muaj ib tug txomnyem le. Cov kws muaj aav ntau lossis muaj teb, muaj vaaj muaj tsev los nwg muab muag, hab coj cov nyaj kws nwg muag tau tuaj 35rua cov timthawj; hab cov timthawj muab cov nyaj ntawd faib rua suavdlawg lawv le tug kws muaj chaw siv.
36Yauxej kuj ua le ntawd hab; Yauxej yog xeem Levis, nwg yug tim lub koog Povtxwv Xaipas. Cov timthawj tis dlua ib lub npe rua Yauxej hu ua Npananpas, (lub npe ntawd txhais has tas “Tug kws Txhawb Zug.”) 37Nwg muab nwg dlaim teb muag, hab coj cov nyaj tuaj rua cov timthawj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2000 United Bible Societies. All rights reserved.