Chivkeeb 20
20
Anplahaas Hab Anpimelej
1Anplahaas tau tshais chaw tawm ntawm Maales moog rua yaav qaabteb Kana-aas hab moog nyob rua nruabnraab ntawm lub nroog Kades hab Saws. Tomqaab ntawd, thaus nwg lug nyob rua huv lub nroog Nkelas, 2nwg tau has tas Xalas kws yog nwg tug quaspuj yog nwg tug muam xwb. Yogle ntawd, Vaajntxwv Anpimelej kws kaav lub nroog Nkelas txawm has kuas coj Xalas moog rua nwg. 3Muaj ib mos Vaajtswv tau lug tshwm rua Anpimelej huv nruab npausuav hab has tas, “Koj yuav tuag lau, ruaqhov tug quaspuj kws koj tau coj lug nuav, nwg tub muaj quasyawg lawm.”
4Tabsis Anpimelej yeej tsi tau txaav moog ti Xalas le, nwg txhaj has tas, “Tug TSWV, kuv tub tsi tau ua txhum! Koj txawm yuav cale ua rua kuv hab kuv tsaav tuabneeg kuas puamtsuaj moog nua lov? 5Anplahaas tugkheej los yeej has tas Xalas yog nwg tug muam, hab Xalas los kuj has tas Anplahaas yog nwg tug nug hab. Kuv tau ua tej nuav lug ntawm lub sab ncaajnceeg xwb, yogle ntawd kuv yeej tsi tau ua txhum le.”
6Vaajtswv teb huv nruab npausuav has tas, “Yog kawg, Kuv yeej paub tas koj ua tej nuav lug ntawm lub sab ncaajnceeg, vimle ntawd, Kuv txhaj tsi pub koj ua txhum tawmtsaam Kuv hab txhaj tsi pub koj moog kov Xalas. 7Tabsis zagnua, koj cale xaa tug quaspuj ko rovqaab moog rua nwg tug quasyawg. Nwg yog ib tug xwbfwb cev Vaajtswv lug, nwg yuav thov Vaajtswv rua koj, mas koj yuav tsi tuag. Tabsis yog koj tsi xaa nwg rovqaab, Kuv qha tseeb rua koj has tas koj yeej yuav tuag, koj hab taagnrho koj tsaav tuabneeg yuav tuag taag huv tuabsi.”
8Taagkig sawvntxuv Anpimelej hu taagnrho nwg cov numtswv tuaj hab nwg qha tej kws tau tshwmsim ntawd rua puab noog, mas ua rua puab ntshai kawg le. 9Tes Anpimelej txhaj hu Anplahaas lug hab nug has tas, “Koj ua dlaabtsi le nuav rua peb? Kuv tau ua txhum dlaabtsi rua koj es koj txhaj coj txuj kev puamtsuaj nuav lug rua kuv hab kuv lub tebchaws? Tej kws koj ua rua kuv nuav yeej tsi tsimnyog ua kag le! 10Vim lecaag koj txhaj ua le nuav?”
11Anplahaas teb tas, “Kuv xaav tas ntshe tsi muaj ib tug tuabneeg kws fwm Vaajtswv nyob rua huv nuav le, tes nyobtsaam puab yuav tua kuv povtseg hab yuav kuv tug quaspuj. 12Nwg yeej yog kuv tug muam tag-tag le. Nwg hab kuv yeej koom ib leeg txiv, tabsis wb nyag muaj nyag nam, kuv txhaj yuav nwg ua kuv tug quaspuj. 13Yogle ntawd, thaus Vaajtswv has kuas kuv tso kuv txiv tej vaajtse hab tawm moog nyob rua lwm lub tebchaws, kuv txhaj has rua nwg tas, ‘Qhov kws koj qha tau has tas koj ncaajnceeg rua kuv yog le nuav: txhua qhov kws wb moog, koj qha rua suavdlawg paub tas kuv yog koj tug nug.’ ”
14Tes Anpimelej txhaj tso Xalas rovqaab lug rua Anplahaas. Tuablub sijhawm ntawd nwg tseem muab yaaj, muab tshis, muab nyuj, muab tubqhe hab ntxhais qhev pub rua Anplahaas hab. 15Nwg has rua Anplahaas has tas, “Taagnrho tej aav cheebtsaam nuav puavleej yog kuv le, koj yuav nyob qhovtwg los tau taag lawvle koj sab nyam.” 16Nwg ho has rua Xalas has tas, “Kuv muab 1,000 lub txajnyag rua koj tug nug, ua povthawj rua txhua tug kws nrug koj nyob uake kuas pum tas koj tsi muaj txim. Txhua tug yuav paub tas koj yeej tsi tau ua txhum dlaabtsi le.”
17-18Vim tej nuav tau tshwmsim lug rua Xalas kws yog Anplahaas tug quaspuj, tug TSWV txhaj ua rua txhua tug quaspuj kws nyob huv Anpimelej lub loog xeeb tsi taug tub le. Yogle ntawd, Anplahaas txhaj thov Vaajtswv rua Anpimelej, hab Vaajtswv tau khu Anpimelej zoo hab tseem khu Anpimelej tug quaspuj hab nwg tej ntxhais qhev zoo huv tuabsi, puab txhaj rov muaj taug mivnyuas.
Currently Selected:
Chivkeeb 20: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 20
20
Anplahaas Hab Anpimelej
1Anplahaas tau tshais chaw tawm ntawm Maales moog rua yaav qaabteb Kana-aas hab moog nyob rua nruabnraab ntawm lub nroog Kades hab Saws. Tomqaab ntawd, thaus nwg lug nyob rua huv lub nroog Nkelas, 2nwg tau has tas Xalas kws yog nwg tug quaspuj yog nwg tug muam xwb. Yogle ntawd, Vaajntxwv Anpimelej kws kaav lub nroog Nkelas txawm has kuas coj Xalas moog rua nwg. 3Muaj ib mos Vaajtswv tau lug tshwm rua Anpimelej huv nruab npausuav hab has tas, “Koj yuav tuag lau, ruaqhov tug quaspuj kws koj tau coj lug nuav, nwg tub muaj quasyawg lawm.”
4Tabsis Anpimelej yeej tsi tau txaav moog ti Xalas le, nwg txhaj has tas, “Tug TSWV, kuv tub tsi tau ua txhum! Koj txawm yuav cale ua rua kuv hab kuv tsaav tuabneeg kuas puamtsuaj moog nua lov? 5Anplahaas tugkheej los yeej has tas Xalas yog nwg tug muam, hab Xalas los kuj has tas Anplahaas yog nwg tug nug hab. Kuv tau ua tej nuav lug ntawm lub sab ncaajnceeg xwb, yogle ntawd kuv yeej tsi tau ua txhum le.”
6Vaajtswv teb huv nruab npausuav has tas, “Yog kawg, Kuv yeej paub tas koj ua tej nuav lug ntawm lub sab ncaajnceeg, vimle ntawd, Kuv txhaj tsi pub koj ua txhum tawmtsaam Kuv hab txhaj tsi pub koj moog kov Xalas. 7Tabsis zagnua, koj cale xaa tug quaspuj ko rovqaab moog rua nwg tug quasyawg. Nwg yog ib tug xwbfwb cev Vaajtswv lug, nwg yuav thov Vaajtswv rua koj, mas koj yuav tsi tuag. Tabsis yog koj tsi xaa nwg rovqaab, Kuv qha tseeb rua koj has tas koj yeej yuav tuag, koj hab taagnrho koj tsaav tuabneeg yuav tuag taag huv tuabsi.”
8Taagkig sawvntxuv Anpimelej hu taagnrho nwg cov numtswv tuaj hab nwg qha tej kws tau tshwmsim ntawd rua puab noog, mas ua rua puab ntshai kawg le. 9Tes Anpimelej txhaj hu Anplahaas lug hab nug has tas, “Koj ua dlaabtsi le nuav rua peb? Kuv tau ua txhum dlaabtsi rua koj es koj txhaj coj txuj kev puamtsuaj nuav lug rua kuv hab kuv lub tebchaws? Tej kws koj ua rua kuv nuav yeej tsi tsimnyog ua kag le! 10Vim lecaag koj txhaj ua le nuav?”
11Anplahaas teb tas, “Kuv xaav tas ntshe tsi muaj ib tug tuabneeg kws fwm Vaajtswv nyob rua huv nuav le, tes nyobtsaam puab yuav tua kuv povtseg hab yuav kuv tug quaspuj. 12Nwg yeej yog kuv tug muam tag-tag le. Nwg hab kuv yeej koom ib leeg txiv, tabsis wb nyag muaj nyag nam, kuv txhaj yuav nwg ua kuv tug quaspuj. 13Yogle ntawd, thaus Vaajtswv has kuas kuv tso kuv txiv tej vaajtse hab tawm moog nyob rua lwm lub tebchaws, kuv txhaj has rua nwg tas, ‘Qhov kws koj qha tau has tas koj ncaajnceeg rua kuv yog le nuav: txhua qhov kws wb moog, koj qha rua suavdlawg paub tas kuv yog koj tug nug.’ ”
14Tes Anpimelej txhaj tso Xalas rovqaab lug rua Anplahaas. Tuablub sijhawm ntawd nwg tseem muab yaaj, muab tshis, muab nyuj, muab tubqhe hab ntxhais qhev pub rua Anplahaas hab. 15Nwg has rua Anplahaas has tas, “Taagnrho tej aav cheebtsaam nuav puavleej yog kuv le, koj yuav nyob qhovtwg los tau taag lawvle koj sab nyam.” 16Nwg ho has rua Xalas has tas, “Kuv muab 1,000 lub txajnyag rua koj tug nug, ua povthawj rua txhua tug kws nrug koj nyob uake kuas pum tas koj tsi muaj txim. Txhua tug yuav paub tas koj yeej tsi tau ua txhum dlaabtsi le.”
17-18Vim tej nuav tau tshwmsim lug rua Xalas kws yog Anplahaas tug quaspuj, tug TSWV txhaj ua rua txhua tug quaspuj kws nyob huv Anpimelej lub loog xeeb tsi taug tub le. Yogle ntawd, Anplahaas txhaj thov Vaajtswv rua Anpimelej, hab Vaajtswv tau khu Anpimelej zoo hab tseem khu Anpimelej tug quaspuj hab nwg tej ntxhais qhev zoo huv tuabsi, puab txhaj rov muaj taug mivnyuas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.