Chivkeeb 22
22
Vaajtswv Has Kuas Anplahaas Muab Ixaj Fij
1Tau ib ntus tomqaab nuav Vaajtswv txawm sim Anplahaas sab. Vaajtswv hu Anplahaas has tas, “Anplahaas!” Anplahaas teb tas, “Kuv nyob ntawm nuav.”
2Vaajtswv has tas, “Cale coj koj tuableeg tub Ixaj kws koj hlub tshaajplawg, moog rua peg cheebtsaam Mauliyas. Koj muab nwg tua hlawv ua khoom fij pub rua Kuv sau lub roob kws Kuv yuav qha rua koj.” #2Klt 3:1
3Nub tomqaab Anplahaas txhaj sawvntxuv lug txav tawg yuav coj moog hlawv khoom fij; muab tawg hab tej khoom nog rua nwg tug neegluav thauj, coj Ixaj hab coj nwg ob tug tubkhai nrug nwg moog. Puab txawm sawvkev moog rua peg qhov chaw kws Vaajtswv tau qha rua Anplahaas lawm. 4Thaus puab moog tau peb nub ke lawm, Anplahaas txawm tsaa muag saib pum thaaj chaw kws Vaajtswv qha rua nwg tseem nyob dleb. 5Nwg txawm has rua ob tug tubkhai has tas, “Meb nrug tug neegluav nyob ntawm nuav. Kuv tug tub wb yuav moog pehawm Vaajtswv nyob rua tid, thaus wb pehawm taag, wb maam rovqaab lug.”
6Anplahaas muab cov tawg kws yuav hlawv khoom fij rua Ixaj kwv, tes nwg nqaa ib raab rag hab suavtawg. Thaus obtug taabtom taug kev moog, 7Ixaj txawm has tas, “Txiv!”
Anplahaas teb tas, “Koj has dlaabtsi os mivtub?”
Ixaj nug has tas, “Kuv pum koj tub muaj suavtawg hab muaj tawg, tabsis tug mivnyuas yaaj kws yuav coj tuaj tua hlawv fij ntawd nyob qhovtwg?”
8Anplahaas teb tas, “Mivtub 'e, Vaajtswv yeej yuav npaaj ib tug mivnyuas yaaj lug rua wb tua hlawv ua khoom fij xwb.” Tes obtug ob txivtub txawm uake taug kev moog lawm.
9Thaus obtug moog txug ntawm qhov chaw kws Vaajtswv qha rua Anplahaas lawm, Anplahaas txhaj teeb tau ib lub thaaj hab muab tawg tib txeem npo rua sau lub thaaj ntawd. Nwg txhaj muab nwg tug tub paav hab coj moog tso rua sau lub thaaj, kws yog sau cov tawg. #Yakau 2:21 10Tes nwg txawm tsawv nkaus raab rag lug yuav muab Ixaj tua. 11Tabsis tug TSWV tug timtswv txawm hu tawg ntho sau ntuj tuaj rua nwg has tas, “Anplahaas, Anplahaas!”
Nwg teb tas, “Kuv nyob ntawm nuav.”
12Tug timtswv has tas, “Tsi xob tua tug mivtub ko lossis tsi xob ua ib yaam dlaabtsi rua nwg hlo le; nwgnuav Kuv paub lawm has tas koj fwm hab noog Vaajtswv lug heev, ruaqhov koj tsi khauvxwm koj tuableeg tub, koj zoosab hlo coj tuaj pub rua Kuv.”
13Anplahaas tsaa qhovmuag saib ib puagncig, nwg txawm pum ib tug laug yaaj kub dlaig ntawm ib tauv khaub. Nwg txhaj moog muab lug tua hlawv fij rua Vaajtswv hloov nwg tug tub chaw. #Henpl 11:17-19 14Anplahaas txhaj tis npe rua qhov chaw ntawm hu ua, “Tug TSWV yog tug kws Npaaj tseg.”#22:14: Npaaj; lossis Pum. Txawm yog najnub nwgnuav los tuabneeg tseem hu has tas, “Sau tug TSWV lub roob, Nwg yog tug npaaj tseg.”#22:14: npaaj; lossis pum.
15Tug TSWV tug timtswv rov hu sau ntuj tuaj rua Anplahaas ua zag thib ob has tas, 16“Kuv coglug lug ntawm Kuv lub npe has tas Kuv yuav foom koobmoov nplua-mag rua koj, tug TSWV yog tug has le nuav. Ruaqhov koj tau ua lawvle Kuv has hab koj tsi khauvxwm koj tuableeg tub kws koj muab fij rua Kuv.#Henpl 6:13-14 17Kuv txhaj coglug tseg rua koj has tas Kuv yuav pub koj muaj caajceg coob npaum le tej nubqub sau nruabntug, lossis npaum le tej xuabzeb nraag ntug havtxwv. Koj tej caajceg yuav kovyeej puab cov yeebncuab. #Henpl 11:12 18Vim koj noog Kuv lug, txhua tsaav tuabneeg kws nyob huv qaabntuj nuav yuav tau txais koobmoov lug ntawm koj caajceg.” #Tegnum 3:25
19Anplahaas txhaj rovqaab lug rua nraag nwg ob tug tubkhai, hab puab rov lug rua nraag Npe-awsenpas kws yog Anplahaas qhov chaw nyob.
Nahaus Cov Xeebntxwv
20Tsi ntev lug tomqaab nuav muaj tuabneeg moog qha rua Anplahaas has tas Milekas yug tau yim leej mivnyuas rua nwg tug kwv Nahaus. 21Uxes yog tug tub hlub, Npuxes yog tug kwv, Kemuyees kws yog Alaas txiv, 22Khexes, Haxaus, Piledas, Yilafes, hab Npethuyees. 23Npethuyees yog Lenpekas txiv. Milekas yug tau yim tug tub nuav rua Nahaus kws yog Anplahaas tug kwv. 24Nahaus tug namyau Le-umas, yug tau Tenpas, Nkahaas, Tahas hab Ma-akas.
Currently Selected:
Chivkeeb 22: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 22
22
Vaajtswv Has Kuas Anplahaas Muab Ixaj Fij
1Tau ib ntus tomqaab nuav Vaajtswv txawm sim Anplahaas sab. Vaajtswv hu Anplahaas has tas, “Anplahaas!” Anplahaas teb tas, “Kuv nyob ntawm nuav.”
2Vaajtswv has tas, “Cale coj koj tuableeg tub Ixaj kws koj hlub tshaajplawg, moog rua peg cheebtsaam Mauliyas. Koj muab nwg tua hlawv ua khoom fij pub rua Kuv sau lub roob kws Kuv yuav qha rua koj.” #2Klt 3:1
3Nub tomqaab Anplahaas txhaj sawvntxuv lug txav tawg yuav coj moog hlawv khoom fij; muab tawg hab tej khoom nog rua nwg tug neegluav thauj, coj Ixaj hab coj nwg ob tug tubkhai nrug nwg moog. Puab txawm sawvkev moog rua peg qhov chaw kws Vaajtswv tau qha rua Anplahaas lawm. 4Thaus puab moog tau peb nub ke lawm, Anplahaas txawm tsaa muag saib pum thaaj chaw kws Vaajtswv qha rua nwg tseem nyob dleb. 5Nwg txawm has rua ob tug tubkhai has tas, “Meb nrug tug neegluav nyob ntawm nuav. Kuv tug tub wb yuav moog pehawm Vaajtswv nyob rua tid, thaus wb pehawm taag, wb maam rovqaab lug.”
6Anplahaas muab cov tawg kws yuav hlawv khoom fij rua Ixaj kwv, tes nwg nqaa ib raab rag hab suavtawg. Thaus obtug taabtom taug kev moog, 7Ixaj txawm has tas, “Txiv!”
Anplahaas teb tas, “Koj has dlaabtsi os mivtub?”
Ixaj nug has tas, “Kuv pum koj tub muaj suavtawg hab muaj tawg, tabsis tug mivnyuas yaaj kws yuav coj tuaj tua hlawv fij ntawd nyob qhovtwg?”
8Anplahaas teb tas, “Mivtub 'e, Vaajtswv yeej yuav npaaj ib tug mivnyuas yaaj lug rua wb tua hlawv ua khoom fij xwb.” Tes obtug ob txivtub txawm uake taug kev moog lawm.
9Thaus obtug moog txug ntawm qhov chaw kws Vaajtswv qha rua Anplahaas lawm, Anplahaas txhaj teeb tau ib lub thaaj hab muab tawg tib txeem npo rua sau lub thaaj ntawd. Nwg txhaj muab nwg tug tub paav hab coj moog tso rua sau lub thaaj, kws yog sau cov tawg. #Yakau 2:21 10Tes nwg txawm tsawv nkaus raab rag lug yuav muab Ixaj tua. 11Tabsis tug TSWV tug timtswv txawm hu tawg ntho sau ntuj tuaj rua nwg has tas, “Anplahaas, Anplahaas!”
Nwg teb tas, “Kuv nyob ntawm nuav.”
12Tug timtswv has tas, “Tsi xob tua tug mivtub ko lossis tsi xob ua ib yaam dlaabtsi rua nwg hlo le; nwgnuav Kuv paub lawm has tas koj fwm hab noog Vaajtswv lug heev, ruaqhov koj tsi khauvxwm koj tuableeg tub, koj zoosab hlo coj tuaj pub rua Kuv.”
13Anplahaas tsaa qhovmuag saib ib puagncig, nwg txawm pum ib tug laug yaaj kub dlaig ntawm ib tauv khaub. Nwg txhaj moog muab lug tua hlawv fij rua Vaajtswv hloov nwg tug tub chaw. #Henpl 11:17-19 14Anplahaas txhaj tis npe rua qhov chaw ntawm hu ua, “Tug TSWV yog tug kws Npaaj tseg.”#22:14: Npaaj; lossis Pum. Txawm yog najnub nwgnuav los tuabneeg tseem hu has tas, “Sau tug TSWV lub roob, Nwg yog tug npaaj tseg.”#22:14: npaaj; lossis pum.
15Tug TSWV tug timtswv rov hu sau ntuj tuaj rua Anplahaas ua zag thib ob has tas, 16“Kuv coglug lug ntawm Kuv lub npe has tas Kuv yuav foom koobmoov nplua-mag rua koj, tug TSWV yog tug has le nuav. Ruaqhov koj tau ua lawvle Kuv has hab koj tsi khauvxwm koj tuableeg tub kws koj muab fij rua Kuv.#Henpl 6:13-14 17Kuv txhaj coglug tseg rua koj has tas Kuv yuav pub koj muaj caajceg coob npaum le tej nubqub sau nruabntug, lossis npaum le tej xuabzeb nraag ntug havtxwv. Koj tej caajceg yuav kovyeej puab cov yeebncuab. #Henpl 11:12 18Vim koj noog Kuv lug, txhua tsaav tuabneeg kws nyob huv qaabntuj nuav yuav tau txais koobmoov lug ntawm koj caajceg.” #Tegnum 3:25
19Anplahaas txhaj rovqaab lug rua nraag nwg ob tug tubkhai, hab puab rov lug rua nraag Npe-awsenpas kws yog Anplahaas qhov chaw nyob.
Nahaus Cov Xeebntxwv
20Tsi ntev lug tomqaab nuav muaj tuabneeg moog qha rua Anplahaas has tas Milekas yug tau yim leej mivnyuas rua nwg tug kwv Nahaus. 21Uxes yog tug tub hlub, Npuxes yog tug kwv, Kemuyees kws yog Alaas txiv, 22Khexes, Haxaus, Piledas, Yilafes, hab Npethuyees. 23Npethuyees yog Lenpekas txiv. Milekas yug tau yim tug tub nuav rua Nahaus kws yog Anplahaas tug kwv. 24Nahaus tug namyau Le-umas, yug tau Tenpas, Nkahaas, Tahas hab Ma-akas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.