Chivkeeb 26
26
Ixaj Nyob Huv Tebchaws Nkelas
1Rov muaj dlua kev tshaib nqhes nyob huv lub tebchaws ntawd, ib yaam le tam kws thaus Anplahaas tseem ua neej nyob. Ixaj txhajle moog cuag Anpimelej, kws yog cov Filixatees tug vaajntxwv huv lub nroog Nkelas. 2Tug TSWV tau lug tshwm rua Ixaj pum hab has tas, “Koj tsi xob moog rua tebchaws Iziv; nyob tuabywv ntawm nuav, kws yog thaaj chaw Kuv qha rua koj nyob. 3Nyob ntawm nuav xwb, Kuv yuav nrugnraim koj nyob hab foom koobmoov rua koj. Kuv yuav muab taagnrho ib cheebtsaam ntawm nuav rua koj hab koj caajceg. Kuv yuav ncuntsoov tej lug kws kuv cogtseg rua koj txiv Anplahaas lawm. 4Kuv yuav pub kuas koj muaj caajceg coob npaum le tej nubqub sau nruabntug, hab kuv yuav muab taagnrho ib cheebtsaam ntawm nuav pub rua puab. Txhua tsaav tuabneeg kws nyob huv qaabntuj nuav yuav tau txais koobmoov lug ntawm koj caajceg. 5Kuv yuav foom koobmoov rua koj, ruaqhov Anplahaas noog Kuv lug, hab coj lawvle Kuv tej kevcai hab tej lug xaaj txhua lu.”
6Yogle ntawd, Ixaj txhaj nyob tuabywv huv lub nroog Nkelas. 7Thaus cov txivneej kws nyob huv lub nroog ntawd nug txug nwg tug quaspuj, nwg teb puab has tas Lenpekas yog nwg tug muam nua xwb. Nwg tsi kaam qha has tas Lenpekas yog nwg tug quaspuj, ruaqhov nwg ntshai nyobtsaam cov txivneej kws nyob huv lub nroog ntawd muab nwg tua povtseg hab yuav Lenpekas, vim Lenpekas zoonkauj heev. 8Thaus Ixaj nyob huv lub nroog ntawd tau ntev loo, vaajntxwv Anpimelej nyob huv tsev xauj ntawm qhovrais pum Ixaj hab Lenpekas obtug tseem taabtom sispuag. 9Anpimelej txhaj tso tuabneeg moog nug Ixaj has tas, “Lenpekas tub yog koj tug quaspuj ntaag los sav! Vim lecaag koj ho has tas nwg yog koj tug muam?”
Ixaj teb vaajntxwv has tas, “Yog kuv qha tas nwg yog kuv tug quaspuj, ntshai tsaam muaj tuabneeg laam muab kuv tua povtseg hab yuav Lenpekas.”
10Anpimelej has tas, “Koj ua dlaabtsi le nuav rua peb? Yog muaj ib tug txivneej laam cale moog nrug koj tug quaspuj pw, tes koj yog tug kws coj txuj kev txhum ntawd lug rua peb.” 11Anpimelej txhaj ceebtoom rua suavdlawg has tas: “Yog leejtwg laam ua limham rua tug txivneej nuav lossis nwg tug quaspuj, tug ntawd yuav raug muab tua kuas tuag.”
12Ixaj cog qoobloo rua huv lub tebchaws ntawd, hab xyoo ntawd nwg sau tau qoob ntau tshaaj cov noob kws nwg cog lawm 100 npaug, ruaqhov tug TSWV foom koobmoov rua nwg. 13Ixaj vaammeej zujzug hab dlhau moog ua ib tug tuabneeg npluanuj heev. 14Vim Ixaj muaj tej tsajtxhu kws yog yaaj hab nyuj coob, hab muaj tubkhai coob kawg le, txhaj ua rua cov tuabneeg Filixatees khib heev. 15Puab txhaj muab tej qhovdlej kws nwg txiv Anplahaas cov tubkhai khawb thaus Anplahaas tseem ua neej nyob txhub taag huv tuabsi.
16Tes Anpimelej txhaj has rua Ixaj tas, “Koj cale tsiv tawm huv peb lub tebchaws nuav moog, ruaqhov koj muaj fwjchim tshaaj peb lawm.” 17Yogle ntawd, Ixaj txhaj tsiv tawm huv lub nroog ntawd hab moog tsaa tsevntaub nyob rua huv lub Haav Nkelas; nwg nyob qhov ntawd tau ib ntus. 18Nwg txhajle rovqaab khawb cov qhovdlej kws thaus u nwg txiv Anplahaas khawb ca lawm dlua ib zag ntxiv; ruaqhov tomqaab kws Anplahaas tuag lawm, cov Filixatees tau tuaj muab tej qhovdlej ntawd txhub taag lawm. Ixaj tau tis npe rua cov qhovdlej nuav lawvle tej qub npe kws thaus u nwg txiv tub tis rua lawm.
19Ixaj cov tubkhai moog khawb ib lub qhovdlej huv lub haav ntawd hab txawm muaj dlej txhawv tawm lug. 20Tes cov tuabneeg yug yaaj kws nyob huv lub nroog Nkelas txawm tuaj nrug Ixaj cov tuabneeg yug yaaj siscaav has tas, “Cov dlej nuav yog peb le.” Yogle ntawd, Ixaj txhaj muab lub qhovdlej ntawd tis npe hu ua Exej, kws txhais has tas “Siscaav.”
21Ixaj cov tubkhai rov khawb dlua ib lub qhovdlej, tes txawm rov muaj kev siscaav txug lub qhovdlej ntawd dlua hab, yogle ntawd, nwg txhaj muab lub qhovdlej ntawd tis npe hu ua Xibnas, kws txhais has tas “Yeebncuab.” 22Nwg txhaj tsiv tawm ntawm thaaj chaw ntawd moog khawb dlua ib lub qhovdlej. Nyob qhov ntawd tsi muaj kev siscaav sistshe lawm, yogle ntawd, nwg txhaj muab lub qhovdlej ntawd tis npe hu ua Lehaunpauj, kws txhais has tas “Muaj Aav Dlaav.” Nwg has tas, “Nwgnuav tug TSWV pub peb muaj aav dlaav nyob huv lub tebchaws nuav, mas peb yuav muaj kev vaammeej nyob rua ntawm nuav lau.”
23Ixaj txhaj tawm ntawm qhov chaw ntawd hab moog rua tom Npe-awsenpas. 24Mo ntawd tug TSWV txhaj lug tshwm rua nwg pum hab has tas, “Kuv yog koj txiv Anplahaas tug Vaajtswv. Koj tsi xob ntshai, ruaqhov Kuv yeej nrugnraim koj. Kuv yuav foom koobmoov rua koj hab pub rua koj muaj caajceg coob lawvle Kuv tau coglug rua Kuv tug tubkhai Anplahaas lawm.” 25Ixaj txhaj teeb tau ib lub thaaj rua ntawd hab pehawm tug TSWV. Tes nwg txawm tsaa nwg lub tsevntaub nyob rua ntawd, hab nwg cov tubkhai rov khawb dlua ib lub qhovdlej.
Ixaj Hab Anpimelej Sis Coglug
26Anpimelej coj Ahuxas kws yog nwg tug tuavxaam hab Fikaus kws yog nwg tug thawj tubrog nrug nwg tuaj huv Nkelas tuaj cuag Ixaj. #Chiv 21:22 27Ixaj txhaj nug has tas, “Vim lecaag nwgnuav mej txhaj tuaj cuag kuv? Yaav nraag ntej mej tub ntxub kuv kawg hab tub ntab kuv tawm huv mej lub tebchaws lawm ne?”
28Puab teb tas, “Nwgnuav peb paub tas tug TSWV nrugnraim koj, hab peb xaav tas tsimnyog peb yuavtsum tau lug sishas kuas hum. Peb xaav kuas koj coglug rua peb 29has tas koj yuav tsi ua phem rua peb, ib yaam le peb tsi tau ua phem rua koj. Peb yeej ua zoo rua koj hab tso koj moog kaajsab lug. Nwgnuav peb pum meej-meej tas tug TSWV foom koobmoov rua koj lawm.”
30Yogle ntawd, Ixaj txhaj npaaj tau ib rooj mov rua puab suavdlawg noj hab haus uake. 31Taagkig sawvntxuv puab txhaj nyag leeg nyag lug hab ib leeg coglug rua ib leeg. Tes Ixaj txhaj xaa puab sawvkev moog tsev kaajsab lug lawm.
32Nub ntawd Ixaj cov tubkhai txhaj lug pav qha rua nwg txug lub qhovdlej kws puab tau moog khawb ntawd has tas, “Peb tub moog nrhav tau dlej lawm!” 33Ixaj txhaj tis npe rua lub qhovdlej ntawd hu ua Sinpas, kws txhais has tas “Coglug.” Vimle ntawd txhaj ua rua lub nroog Npe-awsenpas#26:33: Npe-awsenpas: Lub npe nuav lug Henplais txhais tas “Lub Qhovdlej Coglug” lossis “Lub Qhovdlej Xyaa” (saib 21:31.) tau lub npe nuav.
Exaus Ob Tug Quaspuj Kws Yog Tuabneeg Txawv Tebchaws
34Thaus kws Exaus noobnyoog muaj plaubcaug xyoo, nwg yuav tau cov tuabneeg Hitis ob tug ntxhais lug ua quaspuj, Yudis kws yog Npe-elis tug ntxhais, hab Npasemas kws yog Eloos tug ntxhais. 35Ob tug nyaab nuav ua rua Ixaj hab Lenpekas ua neej lwjsab kawg le.
Currently Selected:
Chivkeeb 26: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 26
26
Ixaj Nyob Huv Tebchaws Nkelas
1Rov muaj dlua kev tshaib nqhes nyob huv lub tebchaws ntawd, ib yaam le tam kws thaus Anplahaas tseem ua neej nyob. Ixaj txhajle moog cuag Anpimelej, kws yog cov Filixatees tug vaajntxwv huv lub nroog Nkelas. 2Tug TSWV tau lug tshwm rua Ixaj pum hab has tas, “Koj tsi xob moog rua tebchaws Iziv; nyob tuabywv ntawm nuav, kws yog thaaj chaw Kuv qha rua koj nyob. 3Nyob ntawm nuav xwb, Kuv yuav nrugnraim koj nyob hab foom koobmoov rua koj. Kuv yuav muab taagnrho ib cheebtsaam ntawm nuav rua koj hab koj caajceg. Kuv yuav ncuntsoov tej lug kws kuv cogtseg rua koj txiv Anplahaas lawm. 4Kuv yuav pub kuas koj muaj caajceg coob npaum le tej nubqub sau nruabntug, hab kuv yuav muab taagnrho ib cheebtsaam ntawm nuav pub rua puab. Txhua tsaav tuabneeg kws nyob huv qaabntuj nuav yuav tau txais koobmoov lug ntawm koj caajceg. 5Kuv yuav foom koobmoov rua koj, ruaqhov Anplahaas noog Kuv lug, hab coj lawvle Kuv tej kevcai hab tej lug xaaj txhua lu.”
6Yogle ntawd, Ixaj txhaj nyob tuabywv huv lub nroog Nkelas. 7Thaus cov txivneej kws nyob huv lub nroog ntawd nug txug nwg tug quaspuj, nwg teb puab has tas Lenpekas yog nwg tug muam nua xwb. Nwg tsi kaam qha has tas Lenpekas yog nwg tug quaspuj, ruaqhov nwg ntshai nyobtsaam cov txivneej kws nyob huv lub nroog ntawd muab nwg tua povtseg hab yuav Lenpekas, vim Lenpekas zoonkauj heev. 8Thaus Ixaj nyob huv lub nroog ntawd tau ntev loo, vaajntxwv Anpimelej nyob huv tsev xauj ntawm qhovrais pum Ixaj hab Lenpekas obtug tseem taabtom sispuag. 9Anpimelej txhaj tso tuabneeg moog nug Ixaj has tas, “Lenpekas tub yog koj tug quaspuj ntaag los sav! Vim lecaag koj ho has tas nwg yog koj tug muam?”
Ixaj teb vaajntxwv has tas, “Yog kuv qha tas nwg yog kuv tug quaspuj, ntshai tsaam muaj tuabneeg laam muab kuv tua povtseg hab yuav Lenpekas.”
10Anpimelej has tas, “Koj ua dlaabtsi le nuav rua peb? Yog muaj ib tug txivneej laam cale moog nrug koj tug quaspuj pw, tes koj yog tug kws coj txuj kev txhum ntawd lug rua peb.” 11Anpimelej txhaj ceebtoom rua suavdlawg has tas: “Yog leejtwg laam ua limham rua tug txivneej nuav lossis nwg tug quaspuj, tug ntawd yuav raug muab tua kuas tuag.”
12Ixaj cog qoobloo rua huv lub tebchaws ntawd, hab xyoo ntawd nwg sau tau qoob ntau tshaaj cov noob kws nwg cog lawm 100 npaug, ruaqhov tug TSWV foom koobmoov rua nwg. 13Ixaj vaammeej zujzug hab dlhau moog ua ib tug tuabneeg npluanuj heev. 14Vim Ixaj muaj tej tsajtxhu kws yog yaaj hab nyuj coob, hab muaj tubkhai coob kawg le, txhaj ua rua cov tuabneeg Filixatees khib heev. 15Puab txhaj muab tej qhovdlej kws nwg txiv Anplahaas cov tubkhai khawb thaus Anplahaas tseem ua neej nyob txhub taag huv tuabsi.
16Tes Anpimelej txhaj has rua Ixaj tas, “Koj cale tsiv tawm huv peb lub tebchaws nuav moog, ruaqhov koj muaj fwjchim tshaaj peb lawm.” 17Yogle ntawd, Ixaj txhaj tsiv tawm huv lub nroog ntawd hab moog tsaa tsevntaub nyob rua huv lub Haav Nkelas; nwg nyob qhov ntawd tau ib ntus. 18Nwg txhajle rovqaab khawb cov qhovdlej kws thaus u nwg txiv Anplahaas khawb ca lawm dlua ib zag ntxiv; ruaqhov tomqaab kws Anplahaas tuag lawm, cov Filixatees tau tuaj muab tej qhovdlej ntawd txhub taag lawm. Ixaj tau tis npe rua cov qhovdlej nuav lawvle tej qub npe kws thaus u nwg txiv tub tis rua lawm.
19Ixaj cov tubkhai moog khawb ib lub qhovdlej huv lub haav ntawd hab txawm muaj dlej txhawv tawm lug. 20Tes cov tuabneeg yug yaaj kws nyob huv lub nroog Nkelas txawm tuaj nrug Ixaj cov tuabneeg yug yaaj siscaav has tas, “Cov dlej nuav yog peb le.” Yogle ntawd, Ixaj txhaj muab lub qhovdlej ntawd tis npe hu ua Exej, kws txhais has tas “Siscaav.”
21Ixaj cov tubkhai rov khawb dlua ib lub qhovdlej, tes txawm rov muaj kev siscaav txug lub qhovdlej ntawd dlua hab, yogle ntawd, nwg txhaj muab lub qhovdlej ntawd tis npe hu ua Xibnas, kws txhais has tas “Yeebncuab.” 22Nwg txhaj tsiv tawm ntawm thaaj chaw ntawd moog khawb dlua ib lub qhovdlej. Nyob qhov ntawd tsi muaj kev siscaav sistshe lawm, yogle ntawd, nwg txhaj muab lub qhovdlej ntawd tis npe hu ua Lehaunpauj, kws txhais has tas “Muaj Aav Dlaav.” Nwg has tas, “Nwgnuav tug TSWV pub peb muaj aav dlaav nyob huv lub tebchaws nuav, mas peb yuav muaj kev vaammeej nyob rua ntawm nuav lau.”
23Ixaj txhaj tawm ntawm qhov chaw ntawd hab moog rua tom Npe-awsenpas. 24Mo ntawd tug TSWV txhaj lug tshwm rua nwg pum hab has tas, “Kuv yog koj txiv Anplahaas tug Vaajtswv. Koj tsi xob ntshai, ruaqhov Kuv yeej nrugnraim koj. Kuv yuav foom koobmoov rua koj hab pub rua koj muaj caajceg coob lawvle Kuv tau coglug rua Kuv tug tubkhai Anplahaas lawm.” 25Ixaj txhaj teeb tau ib lub thaaj rua ntawd hab pehawm tug TSWV. Tes nwg txawm tsaa nwg lub tsevntaub nyob rua ntawd, hab nwg cov tubkhai rov khawb dlua ib lub qhovdlej.
Ixaj Hab Anpimelej Sis Coglug
26Anpimelej coj Ahuxas kws yog nwg tug tuavxaam hab Fikaus kws yog nwg tug thawj tubrog nrug nwg tuaj huv Nkelas tuaj cuag Ixaj. #Chiv 21:22 27Ixaj txhaj nug has tas, “Vim lecaag nwgnuav mej txhaj tuaj cuag kuv? Yaav nraag ntej mej tub ntxub kuv kawg hab tub ntab kuv tawm huv mej lub tebchaws lawm ne?”
28Puab teb tas, “Nwgnuav peb paub tas tug TSWV nrugnraim koj, hab peb xaav tas tsimnyog peb yuavtsum tau lug sishas kuas hum. Peb xaav kuas koj coglug rua peb 29has tas koj yuav tsi ua phem rua peb, ib yaam le peb tsi tau ua phem rua koj. Peb yeej ua zoo rua koj hab tso koj moog kaajsab lug. Nwgnuav peb pum meej-meej tas tug TSWV foom koobmoov rua koj lawm.”
30Yogle ntawd, Ixaj txhaj npaaj tau ib rooj mov rua puab suavdlawg noj hab haus uake. 31Taagkig sawvntxuv puab txhaj nyag leeg nyag lug hab ib leeg coglug rua ib leeg. Tes Ixaj txhaj xaa puab sawvkev moog tsev kaajsab lug lawm.
32Nub ntawd Ixaj cov tubkhai txhaj lug pav qha rua nwg txug lub qhovdlej kws puab tau moog khawb ntawd has tas, “Peb tub moog nrhav tau dlej lawm!” 33Ixaj txhaj tis npe rua lub qhovdlej ntawd hu ua Sinpas, kws txhais has tas “Coglug.” Vimle ntawd txhaj ua rua lub nroog Npe-awsenpas#26:33: Npe-awsenpas: Lub npe nuav lug Henplais txhais tas “Lub Qhovdlej Coglug” lossis “Lub Qhovdlej Xyaa” (saib 21:31.) tau lub npe nuav.
Exaus Ob Tug Quaspuj Kws Yog Tuabneeg Txawv Tebchaws
34Thaus kws Exaus noobnyoog muaj plaubcaug xyoo, nwg yuav tau cov tuabneeg Hitis ob tug ntxhais lug ua quaspuj, Yudis kws yog Npe-elis tug ntxhais, hab Npasemas kws yog Eloos tug ntxhais. 35Ob tug nyaab nuav ua rua Ixaj hab Lenpekas ua neej lwjsab kawg le.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.