Chivkeeb 7
7
Dlej Nyaab Nplajteb
1Vaajtswv has rua Nau-as has tas, “Koj hab taagnrho koj tsev tuabneeg cale moog rua huv lub nkoj. Taagnrho tej tuabneeg kws nyob huv nplajteb tam nuav, Kuv tsuas pum koj tuableeg xwb txhajle ua lub neej ncaajnceeg. 2Coj tej tsaj kws huv ib yaam xyaa nkawm nrug koj moog, tabsis tej tsaj kws tsi huv tes tsuas coj ib yaam ib nkawg xwb. 3Coj tej noog ib yaam xyaa nkawm moog hab. Ua le nuav sub txhaj yuav ceev tau txhua yaam tsaj hab noog kuas muaj sa hab fuamvaam thoob lub nplajteb nuav dlua ntxiv. 4Xyaa nub sau nuav Kuv yuav tso naag lug plaubcaug nub plaubcaug mo rua huv nplajteb, kuas txhua yaam muaj sa kws Kuv tau tsim lawm puamtsuaj taag huv tuabsi moog.” 5Nau-as txhaj ua txhua yaam lawvle Vaajtswv tau xaaj tseg lawm.
6Thaus dlej nyaab nplajteb Nau-as muaj noobnyoog 600 xyoo. 7Nau-as hab nwg quaspuj, nwg cov tub hab cov nyaab, puavleej moog rua huv lub nkoj kuas tsiv dlhau qhov kws dlej yuav nyaab. 8Txhua yaam tsaj hab noog, tej maum tej txiv, tej puj tej lauv, tsi has cov kws huv lossis tsi huv, 9puavleej nrug Nau-as moog rua huv lub nkoj lawvle Vaajtswv tau xaaj tseg lawm. 10Xyaa nub tomqaab dlej naag txawm laub quaslug lug nyaab nplajteb.
11Thaus Nau-as muaj noobnyoog 600 xyoo, txwm nkaus rua nubtim kaum-xyaa, lub ob hlis ntuj, nub ntawd tej qhovdlej txhawv txawm tawg pis rhe huv aav tuaj, hab roojntug txawm qheb hlo ua rua naag laub quaslug sau ntuj lug rua huv nplajteb. 12Naag lug rua huv nplajteb tau plaubcaug nub plaubcaug mo.
13Tuabnub ntawd Nau-as hab nwg quaspuj nrug rua obtug peb tug tub kws yog Sees, Haas, Yafej, hab obtug peb tug nyaab moog rua huv lub nkoj. 14Txhua yaam tsaj, tsi has tsaj nyeg tsaj qus, tsaj luj tsaj miv, tej kws nkaag huv aav, hab txhua yaam noog puavleej nrug puab moog rua huv lub nkoj huv tuabsi. 15Txhua yaam tsaj kws muaj sa, tsi has tug puj tug lauv, tug maum tug txiv, puavleej nrug Nau-as moog rua huv lub nkoj, 16lawvle Vaajtswv tau xaaj tseg lawm. Tes tug TSWV txawm kaw lub qhovrooj nkoj rua lawm.
17Naag yeej lug tsi tu le tau plaubcaug nub, hab dlej fuam sab zujzug ua rua lub nkoj nqaa hlo ntaab yeeg lawm. 18Dlej nyaab sab zujzug tuaj, ua rua lub nkoj ntaab yeeg rua sau nplaimdlej. 19Dlej nyaab sab heev, ua rua moog vuv taagnrho tej hauv roob sab huv tuabsi, 20hab dlej tseem nyaab dlhau 7 mev ntawm tej hauv roob sab ntawd rua sau lawm hab. 21Txhua yaam kws muaj sa nyob huv nplajteb tuag taag, tsi has naag-noog, tsaj nyeg tsaj qus, hab tej tuabneeg huv tuabsi. 22Txhua yaam kws txawj ua paa nyob huv nplajteb tuag taag huv tuabsi. 23Tug TSWV muab txhua yaam kws muaj sa nyob huv nplajteb, tsi has tuabneeg, tsaj hab noog, rhuav povtseg taagnrho huv tuabsi moog. Tsuas tshuav Nau-as hab cov kws nrug nwg moog rua huv lub nkoj nkaus xwb.
24Dlej yeej tsi nqeg le tau 150 nub.
Currently Selected:
Chivkeeb 7: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 7
7
Dlej Nyaab Nplajteb
1Vaajtswv has rua Nau-as has tas, “Koj hab taagnrho koj tsev tuabneeg cale moog rua huv lub nkoj. Taagnrho tej tuabneeg kws nyob huv nplajteb tam nuav, Kuv tsuas pum koj tuableeg xwb txhajle ua lub neej ncaajnceeg. 2Coj tej tsaj kws huv ib yaam xyaa nkawm nrug koj moog, tabsis tej tsaj kws tsi huv tes tsuas coj ib yaam ib nkawg xwb. 3Coj tej noog ib yaam xyaa nkawm moog hab. Ua le nuav sub txhaj yuav ceev tau txhua yaam tsaj hab noog kuas muaj sa hab fuamvaam thoob lub nplajteb nuav dlua ntxiv. 4Xyaa nub sau nuav Kuv yuav tso naag lug plaubcaug nub plaubcaug mo rua huv nplajteb, kuas txhua yaam muaj sa kws Kuv tau tsim lawm puamtsuaj taag huv tuabsi moog.” 5Nau-as txhaj ua txhua yaam lawvle Vaajtswv tau xaaj tseg lawm.
6Thaus dlej nyaab nplajteb Nau-as muaj noobnyoog 600 xyoo. 7Nau-as hab nwg quaspuj, nwg cov tub hab cov nyaab, puavleej moog rua huv lub nkoj kuas tsiv dlhau qhov kws dlej yuav nyaab. 8Txhua yaam tsaj hab noog, tej maum tej txiv, tej puj tej lauv, tsi has cov kws huv lossis tsi huv, 9puavleej nrug Nau-as moog rua huv lub nkoj lawvle Vaajtswv tau xaaj tseg lawm. 10Xyaa nub tomqaab dlej naag txawm laub quaslug lug nyaab nplajteb.
11Thaus Nau-as muaj noobnyoog 600 xyoo, txwm nkaus rua nubtim kaum-xyaa, lub ob hlis ntuj, nub ntawd tej qhovdlej txhawv txawm tawg pis rhe huv aav tuaj, hab roojntug txawm qheb hlo ua rua naag laub quaslug sau ntuj lug rua huv nplajteb. 12Naag lug rua huv nplajteb tau plaubcaug nub plaubcaug mo.
13Tuabnub ntawd Nau-as hab nwg quaspuj nrug rua obtug peb tug tub kws yog Sees, Haas, Yafej, hab obtug peb tug nyaab moog rua huv lub nkoj. 14Txhua yaam tsaj, tsi has tsaj nyeg tsaj qus, tsaj luj tsaj miv, tej kws nkaag huv aav, hab txhua yaam noog puavleej nrug puab moog rua huv lub nkoj huv tuabsi. 15Txhua yaam tsaj kws muaj sa, tsi has tug puj tug lauv, tug maum tug txiv, puavleej nrug Nau-as moog rua huv lub nkoj, 16lawvle Vaajtswv tau xaaj tseg lawm. Tes tug TSWV txawm kaw lub qhovrooj nkoj rua lawm.
17Naag yeej lug tsi tu le tau plaubcaug nub, hab dlej fuam sab zujzug ua rua lub nkoj nqaa hlo ntaab yeeg lawm. 18Dlej nyaab sab zujzug tuaj, ua rua lub nkoj ntaab yeeg rua sau nplaimdlej. 19Dlej nyaab sab heev, ua rua moog vuv taagnrho tej hauv roob sab huv tuabsi, 20hab dlej tseem nyaab dlhau 7 mev ntawm tej hauv roob sab ntawd rua sau lawm hab. 21Txhua yaam kws muaj sa nyob huv nplajteb tuag taag, tsi has naag-noog, tsaj nyeg tsaj qus, hab tej tuabneeg huv tuabsi. 22Txhua yaam kws txawj ua paa nyob huv nplajteb tuag taag huv tuabsi. 23Tug TSWV muab txhua yaam kws muaj sa nyob huv nplajteb, tsi has tuabneeg, tsaj hab noog, rhuav povtseg taagnrho huv tuabsi moog. Tsuas tshuav Nau-as hab cov kws nrug nwg moog rua huv lub nkoj nkaus xwb.
24Dlej yeej tsi nqeg le tau 150 nub.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.