Chivkeeb 9
9
Vaajtswv Coglug Rua Nau-as
1Vaajtswv foom koobmoov rua Nau-as hab nwg cov tub has tas, “Mej yuav muaj tub muaj ki coob, mas mej caajceg yuav fuamvaam moog thoob nplajteb. #Chiv 1:28 2Txhua yaam tsaj huv nplajteb, txhua yaam naag-noog kws yaa sau nruabntug, txhua yaam kaab kws ndlaug huv aav, hab txhua yaam ntseg huv havtxwv, puavleej yuav ntshai rwg mej. Txhua yaam ntawd yog muab tso rua mej kaav. 3Mej muaj cai noj tau txhua yaam ntawd ib yaam le tej zaub kws Kuv tub pub rua mej noj lawm hab. 4Tabsis mej tsi xob noj tej nqaj kws tseem muaj ntshaav nyob rua huv; Kuv txwv le nuav vim txujsa yog nyob rua huv cov ntshaav. #Levi 7:26-27; 17:10-14; 19:26; 2Kev 12:16; 15:23 5Yog leejtwg txuv ib tug tuabneeg twg txujsa, tug ntawd yuav raug txim tuag. Yog tej tsaj twg tum ib tug tuabneeg tuag, Kuv yuav rautxim tuag rua tej tsaj ntawd ib yaam nkaus. 6Vaajtswv yog tug tsim kuas tuabneeg muaj tug fwvxyeej zoole Nwg, yogle ntawd, yog leejtwg muab ib tug tuabneeg ntawd tua povtseg, yuav muaj lwmtug muab nwg tua ib yaam nkaus le ntawd hab. #Tsiv 20:13; Chiv 1:26
7“Mej yuavtsum muaj tub muaj ki kuas coob, sub mej tej caajceg txhaj yuav fuamvaam moog thoob nplajteb.” #Chiv 1:28
8Vaajtswv has rua Nau-as hab nwg cov tub tas, 9“Zagnua Kuv coglug tseg rua mej hab mej caajceg, 10hab rua txhua yaam kws muaj sa, tsi has txhua yaam noog hab txhua yaam tsaj, kws nrug mej tawm huv lub nkoj lug. 11Kuv coglug tseg rua mej has tas: Kuv yuav tsi rhuav txhua yaam kws muaj sa lug ntawm dlej nyaab ntxiv lawm, hab dlej yuav tsi nyaab lub nplajteb kuas puamtsuaj ib zag ntxiv le lawm.
12“Nuav yog lub cim ntawm Kuv tej lug cogtseg moog ibtxhis rua mej hab txhua yaam kws muaj sa, 13Kuv yuav muab Kuv tug dluab tshaavnaag tso sawv rua sau nruabntug. Tug dluab tshaavnaag ntawd yog lub cim kws Kuv coglug tseg nrug lub nplajteb. 14Thaus twg Kuv ua kuas muaj fuab roog sau nruabntug, hab muaj tug dluab tshaavnaag ntawd tshwm nyob rua sau cov fuab, 15Kuv yuav ncuntsoov tej lug kws Kuv tau cogtseg rua mej hab rua txhua yaam tsaj has tas dlej yuav tsi lug nyaab txhua yaam kws muaj sa kuas puamtsuaj ib zag ntxiv le lawm. 16Thaus tug dluab tshaavnaag sawv tshwm rua sau cov fuab, Kuv yuav pum tug dluab tshaavnaag ntawd hab yuav ncu txug tej lug kws Kuv tau cogtseg moog ibtxhis rua mej hab rua txhua yaam kws muaj sa nyob huv nplajteb. 17Qhov ntawd lau, yog lub cim kws Kuv coglug tseg rua txhua yaam kws muaj sa nyob huv nplajteb.”
Nau-as Hab Nwg Cov Tub
18Nau-as cov tub kws tawm huv lub nkoj lug yog: Sees, Haas hab Yafej. (Haas yog Kana-aas txiv.) 19Nau-as peb tug tub nuav yog txhua tsaav tuabneeg kws nyob huv nplajteb cov yawmkoob.
20Nau-as yog tuabneeg ua laj ua teb, nwg yog thawjtug kws xub cog txivmaab. 21Tomqaab nwg haus ib cov kua txivmaab, nwg txawm qaug heev, nwg cale hle rigtsho hab pw labqaab ploog huv nwg lub tsevntaub. 22Thaus Haas, kws yog Kana-aas txiv, pum nwg txiv pw labqaab le ntawd, nwg txawm tawm moog has qha rua nwg ob tug tijlaug. 23Tes Sees hab Yafej txhaj moog muab tau ib lub tsho ntev nthuav rua nrau obtug nrauqaum hab muab khuam rua sau obtug xubpwg. Obtug txhaj thaubqaab moog rua huv lub tsevntaub hab coj moog npug obtug txiv, hab tig ndlag rua ibcaag kuas tsi xob pum obtug txiv labqaab. 24Thaus Nau-as zoo cawv tsim lug nwg paub tej kws nwg tug tub ntxawg ua rua nwg, 25nwg txhaj has tas,
“Kuv foom phem rua Kana-aas!
Nwg yuav ua nwg ob tug tijlaug qhev.
26Ua tug TSWV kws yog Sees tug Vaajtswv tsaug!
Kana-aas yuav ua Sees qhev.
27Thov kuas Vaajtswv ua rua Yafej#9:27: Yafej: Lub npe nuav has muaj ntsiv thooj le lulug Henplais kws has tas “fuamvaam.” fuamvaam!
Thov kuas nwg caajceg nrug Sees tsaav tuabneeg nyob uake.
Kana-aas yuav ua Yafej qhev.”
28Tomqaab dlej nyaab nplajteb taag, Nau-as ua neej nyob tau 350 xyoo ntxiv 29hab tuag thaus nwg muaj noobnyoog 950 xyoo.
Currently Selected:
Chivkeeb 9: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 9
9
Vaajtswv Coglug Rua Nau-as
1Vaajtswv foom koobmoov rua Nau-as hab nwg cov tub has tas, “Mej yuav muaj tub muaj ki coob, mas mej caajceg yuav fuamvaam moog thoob nplajteb. #Chiv 1:28 2Txhua yaam tsaj huv nplajteb, txhua yaam naag-noog kws yaa sau nruabntug, txhua yaam kaab kws ndlaug huv aav, hab txhua yaam ntseg huv havtxwv, puavleej yuav ntshai rwg mej. Txhua yaam ntawd yog muab tso rua mej kaav. 3Mej muaj cai noj tau txhua yaam ntawd ib yaam le tej zaub kws Kuv tub pub rua mej noj lawm hab. 4Tabsis mej tsi xob noj tej nqaj kws tseem muaj ntshaav nyob rua huv; Kuv txwv le nuav vim txujsa yog nyob rua huv cov ntshaav. #Levi 7:26-27; 17:10-14; 19:26; 2Kev 12:16; 15:23 5Yog leejtwg txuv ib tug tuabneeg twg txujsa, tug ntawd yuav raug txim tuag. Yog tej tsaj twg tum ib tug tuabneeg tuag, Kuv yuav rautxim tuag rua tej tsaj ntawd ib yaam nkaus. 6Vaajtswv yog tug tsim kuas tuabneeg muaj tug fwvxyeej zoole Nwg, yogle ntawd, yog leejtwg muab ib tug tuabneeg ntawd tua povtseg, yuav muaj lwmtug muab nwg tua ib yaam nkaus le ntawd hab. #Tsiv 20:13; Chiv 1:26
7“Mej yuavtsum muaj tub muaj ki kuas coob, sub mej tej caajceg txhaj yuav fuamvaam moog thoob nplajteb.” #Chiv 1:28
8Vaajtswv has rua Nau-as hab nwg cov tub tas, 9“Zagnua Kuv coglug tseg rua mej hab mej caajceg, 10hab rua txhua yaam kws muaj sa, tsi has txhua yaam noog hab txhua yaam tsaj, kws nrug mej tawm huv lub nkoj lug. 11Kuv coglug tseg rua mej has tas: Kuv yuav tsi rhuav txhua yaam kws muaj sa lug ntawm dlej nyaab ntxiv lawm, hab dlej yuav tsi nyaab lub nplajteb kuas puamtsuaj ib zag ntxiv le lawm.
12“Nuav yog lub cim ntawm Kuv tej lug cogtseg moog ibtxhis rua mej hab txhua yaam kws muaj sa, 13Kuv yuav muab Kuv tug dluab tshaavnaag tso sawv rua sau nruabntug. Tug dluab tshaavnaag ntawd yog lub cim kws Kuv coglug tseg nrug lub nplajteb. 14Thaus twg Kuv ua kuas muaj fuab roog sau nruabntug, hab muaj tug dluab tshaavnaag ntawd tshwm nyob rua sau cov fuab, 15Kuv yuav ncuntsoov tej lug kws Kuv tau cogtseg rua mej hab rua txhua yaam tsaj has tas dlej yuav tsi lug nyaab txhua yaam kws muaj sa kuas puamtsuaj ib zag ntxiv le lawm. 16Thaus tug dluab tshaavnaag sawv tshwm rua sau cov fuab, Kuv yuav pum tug dluab tshaavnaag ntawd hab yuav ncu txug tej lug kws Kuv tau cogtseg moog ibtxhis rua mej hab rua txhua yaam kws muaj sa nyob huv nplajteb. 17Qhov ntawd lau, yog lub cim kws Kuv coglug tseg rua txhua yaam kws muaj sa nyob huv nplajteb.”
Nau-as Hab Nwg Cov Tub
18Nau-as cov tub kws tawm huv lub nkoj lug yog: Sees, Haas hab Yafej. (Haas yog Kana-aas txiv.) 19Nau-as peb tug tub nuav yog txhua tsaav tuabneeg kws nyob huv nplajteb cov yawmkoob.
20Nau-as yog tuabneeg ua laj ua teb, nwg yog thawjtug kws xub cog txivmaab. 21Tomqaab nwg haus ib cov kua txivmaab, nwg txawm qaug heev, nwg cale hle rigtsho hab pw labqaab ploog huv nwg lub tsevntaub. 22Thaus Haas, kws yog Kana-aas txiv, pum nwg txiv pw labqaab le ntawd, nwg txawm tawm moog has qha rua nwg ob tug tijlaug. 23Tes Sees hab Yafej txhaj moog muab tau ib lub tsho ntev nthuav rua nrau obtug nrauqaum hab muab khuam rua sau obtug xubpwg. Obtug txhaj thaubqaab moog rua huv lub tsevntaub hab coj moog npug obtug txiv, hab tig ndlag rua ibcaag kuas tsi xob pum obtug txiv labqaab. 24Thaus Nau-as zoo cawv tsim lug nwg paub tej kws nwg tug tub ntxawg ua rua nwg, 25nwg txhaj has tas,
“Kuv foom phem rua Kana-aas!
Nwg yuav ua nwg ob tug tijlaug qhev.
26Ua tug TSWV kws yog Sees tug Vaajtswv tsaug!
Kana-aas yuav ua Sees qhev.
27Thov kuas Vaajtswv ua rua Yafej#9:27: Yafej: Lub npe nuav has muaj ntsiv thooj le lulug Henplais kws has tas “fuamvaam.” fuamvaam!
Thov kuas nwg caajceg nrug Sees tsaav tuabneeg nyob uake.
Kana-aas yuav ua Yafej qhev.”
28Tomqaab dlej nyaab nplajteb taag, Nau-as ua neej nyob tau 350 xyoo ntxiv 29hab tuag thaus nwg muaj noobnyoog 950 xyoo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.