Lukas 10
10
Yexus Khaiv 72 Leeg Moog Qha Txuj Moo Zoo
1Tomqaab ntawd tug Tswv xaiv dlua 72#10:1: 72; tej phoo ntawv qub kws xuas teg sau, muaj 70. leeg, muab puab faib ua ib paab twg ob leeg hab khaiv puab ua Nwg ntej moog rua txhua lub nroog hab txhua thaaj chaw kws Nwg yuav moog. 2Yexus has rua puab tas, “Cov nplej kws zoo hlais lawm muaj ntau, tabsis cov tubzug kws hlais muaj tsawg. Mej cale thov tug tswv teb kuas nwg khaiv dlua ib co tubzug moog paab hlais nwg cov nplej. #Math 9:37-38 3Cale moog! Kuv khaiv mej moog zoole paab yaaj kws moog nyob nruabnraab paab maa. #Math 10:16 4Mej tsi xob nqaa naab nyaj lossis naab thoobpuab lossis khau; txawm mej ntsib leejtwg tom tej kev, los mej tsi xob nrug tug ntawd thaampem. #Math 10:7-14; Malak 6:8-11; Lukas 9:3-5
5“Thaus mej moog rua huv leejtwg tsev, mej yuavtsum xub has tas, ‘Thov Vaajtswv pub kev nyaabxeeb rua tsev tuabneeg nuav.’ 6Yog tsev tuabneeg ntawd muaj ib tug xaav tau kev nyaabxeeb, tes ca txuj kev nyaabxeeb kws mej has ntawd nrug nwg nyob. Tabsis yog tsi muaj, tes ca tej kev nyaabxeeb ntawd rov lug rua ntawm mej. 7Mej yuavtsum nyob huv lub tsev ntawd xwb; puab pub rua mej noj hab haus lecaag, los mej cale noj hab haus le ntawd. Ruaqhov tug tubzug yeej tsimnyog tau txais nwg tej nqezug. Tsi xob pheej tawm huv ib lub tsev moog rua lwm lub tsev. #1Klt 9:14; 1Tim 5:18
8“Thaus mej moog txug lub nroog twg, yog cov tuabneeg ntawd txaistog mej, tes mej cale noj tej zaub-mov kws puab ua rua mej noj, 9mej cale khu tej tuabneeg kws muaj mob huv lub nroog ntawd, hab qha rua cov tuabneeg ntawd paub tas ‘Vaajtswv lub Tebchaws tub lug ze mej lawm.’ 10Tabsis thaus mej moog txug huv lub nroog twg kws tsi muaj tuabneeg txaistog mej, mej cale tawm moog rua tom tej kev hab has tas, #Tegnum 13:51 11‘Txawm yog tej nyuas moov aav huv mej lub nroog kws lu peb kutaw los peb yuav muab so kuas poob moog ua kev tawmtsaam mej. Tabsis kuas mej ncuntsoov tas Vaajtswv lub Tebchaws tub lug ze mej lawm!’ 12Kuv qha tseeb rua mej has tas, thaus txug Nub Txavtxim, Vaajtswv tseem yuav rautxim rua lub nroog ntawd nyaav dlua le thaus Nwg rautxim rua lub nroog Xaudoos! #Chiv 19:24-28; Math 11:24; Math 10:15
Tej Nroog Kws Tsi Ntseeg
(Mathais 11:20-24)
13“Lub nroog Khaulaxees, koj yuav raug kev puamtsuaj lau! Lub nroog Npexaidas los tuabyaam nkaus hab, koj yuav raug kev puamtsuaj lau! Kheevlaam tej txujci tseemceeb kws tau ua rua meb pum lawm, yog ua nyob rua huv lub nroog Thailes hab lub nroog Xidoos, tes ntshe cov tuabneeg kws nyob huv ob lub nroog ntawd tub xub muab naabtsaaj lug npua nyob quastsawg hab tsuab tshauv nphoo puab ibce, qha has tas puab tub tso puab tej kev txhum tseg puag thaus ntxuv lug lawm! #Yaxaya 23:1-18; Exek 26:1—28:26; Yau 3:4-8; Amaus 1:9-10; Xekhali 9:2-4 14Thaus txug Nub Txavtxim, Vaajtswv tseem yuav taabncuab lub nroog Thailes hab lub nroog Xidoos tshaaj le kws Nwg taabncuab meb. 15Lub nroog Kapena-us, koj yuav tsaav koj lub fwjchim kuas sab moog txij ntuj nua lov? Koj yuav raug muab pov moog rua huv ntujtawg lau!” #Yaxaya 14:13-15
16Yexus has rua Nwg cov thwjtim has tas, “Tug kws noog mej lug, tug ntawd yeej noog Kuv lug. Tug kws tsi leeg paub mej, tug ntawd yeej tsi leeg paub Kuv; hab tug kws tsi leeg paub Kuv, tug ntawd yeej tsi leeg paub tug kws khaiv Kuv lug.” #Math 10:40; Malak 9:37; Lukas 9:48; Yauh 13:20
72 Leeg Rovqaab Lug
17Thaus 72#10:17: 72; tej phoo ntawv qub kws xuas teg sau, muaj 70 (saib nqai 1). leeg thwjtim rovqaab lug, puab zoosab kawg le. Puab has rua Yexus tas, “Tug Tswv, thaus peb tuav Koj lub npe, dlaab kuj noog peb lug hab!”
18Yexus teb puab has tas, “Kuv pum Xataas poob sau ntuj lug ib yaam le tsagligxub laim. 19Mej ua tuabzoo noog! Kuv tub pub fwjchim rua mej kuas mej tsuj tau naab hab raubris teb, hab mej muaj peevxwm kovyeej txhua yaam fwjchim kws lug ntawm tug Yeebncuab lug; yuav tsi muaj ib yaam dlaabtsi ua rua mej raug mob. #Nnkauj 91:13 20Txawm le ntawd los mej tsi xob zoosab vim tej ntsujplig phem ntawd noog mej lug; tabsis mej cale zoosab vim qhov kws Vaajtswv tub sau mej lub npe ca rua sau ntuj ceebtsheej lawm.”
Yexus Zoosab
(Mathais 11:25-27; 13:16-17)
21Thaus ntawd Vaaj Ntsujplig tug Dlawbhuv#10:21: Vaaj Ntsujplig tug Dlawbhuv; tej phoo ntawv qub kws xuas teg sau, muaj Vaaj Ntsujplig; lwm phoo has tas Nwg tug ntsujplig ua rua Yexus puvnpo txuj kev zoosab, Nwg txhaj has tas, “Txiv, tug Tswv kws kaav lub ntuj hab lub nplajteb! Kuv ua Koj tsaug ruaqhov Koj tau muab tej nuav zais ca tsi qha rua cov tuabneeg kws muaj tswvyim hab txawjntse paub, tabsis Koj ho muab qha rua cov tuabneeg kws tsi txawj tsi ntse paub. Yog lawm, Txiv, qhov nuav yog qhov kws Koj yeej pumzoo kuas muaj le ntawd.
22“Kuv Txiv tub muab ibpuas tsaavyaam rua Kuv lawm. Tsi muaj leejtwg paub tas Leejtub yog leejtwg, tsuas yog Leejtxiv txhaj paub xwb, hab tsi muaj leejtwg paub tas Leejtxiv yog leejtwg, tsuas yog Leejtub hab cov kws Leejtub pumzoo qha rua txhaj paub xwb.” #Yauh 3:35; Yauh 10:15
23Yexus txawm tig moog has tuabywv rua cov thwjtim has tas, “Yog ib qho koobmoov zoo kawg le, mej txhaj pum tej nuav! 24Kuv qha rua mej has tas cov xwbfwb cev Vaajtswv lug hab cov vaajntxwv ntau leej xaav pum tej kws mej pum nuav los puab tub tsi pum, hab puab xaav nov tej kws mej nov nuav los puab tub tsi tau nov.”
Zaaj Lug Pevtxwv Kws Has Txug Tug Tuabneeg Xamalis Sabzoo
25Muaj ib zag, ib tug xwbfwb qha Kevcai txawm sawvtseeg thom Yexus has tas, “Xwbfwb, kuv yuav ua lecaag es kuv txhaj tau txujsa ntev dlhawv moog ibtxhis?”
26Yexus teb nwg has tas, “Nyob huv txuj Kevcai tau sau tseg lecaag? Thaus koj nyeem ne koj totaub lecaag?”
27Tug txivneej ntawd teb tas, “ ‘Koj yuavtsum hlub tug Tswv kws yog koj tug Vaajtswv, kuas kawg sab kawg ntsws, kawg plaab kawg plawv, kawg dlaag kawg zug, hab kawg laajlim tswvyim’; hab ‘Koj yuavtsum hlub koj tug kwvtij zejzog ib yaam le koj hlub koj tugkheej.’ ”
28Yexus teb tas, “Koj has yog lawm; koj ua le ntawd tes koj yeej yuav tau txujsa xwb.”
29Tabsis tug xwbfwb ntawd xaav qhuas has tas nwg yog tug ncaajnceeg, tes nwg txawm nug Yexus has tas, “Tug twg txhaj yog kuv tug kwvtij zejzog?”
30Yexus teb tas, “Muaj ib tug txivneej kws taug kev ntawm lub nroog Yeluxalees moog rua nraag lub nroog Yelikaus, tau raug tubsaab ua phem rua nwg; puab muab nwg tej rigtsho lwg taag, hab muab nwg ntaus yuavlaug tuag tso rua ntawm kev. 31Thaus ntawd kuj muaj ib tug povthawj hlub taug txujkev ntawd tuaj hab, thaus nwg pum tug txivneej ntawd, nwg txawm tshuv kev moog lawm. 32Tuabyaam nkaus le ntawd, muaj ib tug tuabneeg Levis taug kev tuaj txug ntawd hab, nwg moog xauj tug txivneej ntawd ib muag tes nwg txawm tshuv kev moog lawm hab.
33“Tabsis muaj ib tug tuabneeg Xamalis taug kev tuaj txug ntawm tug txivneej ntawd; thaus nwg pum tug txivneej ntawd, nwg hlub tug txivneej ntawd heev. #2Xwm 28:15 34Nwg txaav zog moog saib, nwg txawm muab kag roj hab cawv txivmaab lug laub rua tug txivneej ntawd tej qhovtxhaab hab muab ntaub qhwv rua; tes nwg txawm tsaws tug txivneej ntawd rua sau nwg tug neegluav hab coj tug txivneej ntawd moog pw tom ib lub tsevsu hab tu tug txivneej ntawd. 35Nub tomqaab, tug tuabneeg Xamalis txawm muab tau ob npib#10:35: Lug Kilis yog 2 denalis. nyaj rua tug tswv ntawm lub tsevsu hab has tas, ‘Thov koj paab tu tug txivneej nuav; yog koj ho siv tshaaj lawm los thaus kuv rovqaab lug, kuv maamle ntxiv rov rua koj.’ ”
36Thaus xaus, Yexus txhaj nug nwg has tas, “Koj sim xaav seb, peb tug nuav, tug twg txhaj yog tug kws raug tubsaab ntaus ntawd le kwvtij zejzog?”
37Tug xwbfwb kws qha Kevcai teb tas, “Yog tug kws muaj lub sab taabncuab tug kws raug ntaus ntawd.”
Yexus has rua nwg tas, “Yogle, tes koj cale moog hab ua nkaus le ntawd.”
Yexus Moog Saib Mathas Hab Malis
38Thaus Yexus hab Nwg cov thwjtim taug kev moog, Yexus txawm moog txug huv ib lub zog, muaj ib tug quaspuj hu ua Mathas tau txaistog Yexus moog su huv nwg tsev. #Yauh 11:1 39Mathas muaj ib tug namhluas hu ua Malis, nwg txawm cale lug nyob ze ntawm Yexus kutaw hab noog Nwg tej lug qha. 40Mathas ntxhuvsab rua ntau yaam num kws nwg yuavtsum tau ua, nwg txhaj lug has rua Yexus has tas, “Tug Tswv, kuv tug namhluas ca kuv tuableeg ua num xwb los Koj txawm kaavlam le lov? Koj has kuas nwg cale lug paab kuv!”
41Tug Tswv teb tas, “Mathas, Mathas 'e! Koj txhawj hab ntxhuvsab rua ntau yaam num kawg le, 42tabsis tsuas muaj ib yaam txhaj cheemtsum xwb. Malis tub xaiv tau yaam kws zoo ntawd lawm, yeej tsi muaj leejtwg yuav txeeb tau yaam ntawd tawm ntawm nwg moog le.”
Currently Selected:
Lukas 10: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Lukas 10
10
Yexus Khaiv 72 Leeg Moog Qha Txuj Moo Zoo
1Tomqaab ntawd tug Tswv xaiv dlua 72#10:1: 72; tej phoo ntawv qub kws xuas teg sau, muaj 70. leeg, muab puab faib ua ib paab twg ob leeg hab khaiv puab ua Nwg ntej moog rua txhua lub nroog hab txhua thaaj chaw kws Nwg yuav moog. 2Yexus has rua puab tas, “Cov nplej kws zoo hlais lawm muaj ntau, tabsis cov tubzug kws hlais muaj tsawg. Mej cale thov tug tswv teb kuas nwg khaiv dlua ib co tubzug moog paab hlais nwg cov nplej. #Math 9:37-38 3Cale moog! Kuv khaiv mej moog zoole paab yaaj kws moog nyob nruabnraab paab maa. #Math 10:16 4Mej tsi xob nqaa naab nyaj lossis naab thoobpuab lossis khau; txawm mej ntsib leejtwg tom tej kev, los mej tsi xob nrug tug ntawd thaampem. #Math 10:7-14; Malak 6:8-11; Lukas 9:3-5
5“Thaus mej moog rua huv leejtwg tsev, mej yuavtsum xub has tas, ‘Thov Vaajtswv pub kev nyaabxeeb rua tsev tuabneeg nuav.’ 6Yog tsev tuabneeg ntawd muaj ib tug xaav tau kev nyaabxeeb, tes ca txuj kev nyaabxeeb kws mej has ntawd nrug nwg nyob. Tabsis yog tsi muaj, tes ca tej kev nyaabxeeb ntawd rov lug rua ntawm mej. 7Mej yuavtsum nyob huv lub tsev ntawd xwb; puab pub rua mej noj hab haus lecaag, los mej cale noj hab haus le ntawd. Ruaqhov tug tubzug yeej tsimnyog tau txais nwg tej nqezug. Tsi xob pheej tawm huv ib lub tsev moog rua lwm lub tsev. #1Klt 9:14; 1Tim 5:18
8“Thaus mej moog txug lub nroog twg, yog cov tuabneeg ntawd txaistog mej, tes mej cale noj tej zaub-mov kws puab ua rua mej noj, 9mej cale khu tej tuabneeg kws muaj mob huv lub nroog ntawd, hab qha rua cov tuabneeg ntawd paub tas ‘Vaajtswv lub Tebchaws tub lug ze mej lawm.’ 10Tabsis thaus mej moog txug huv lub nroog twg kws tsi muaj tuabneeg txaistog mej, mej cale tawm moog rua tom tej kev hab has tas, #Tegnum 13:51 11‘Txawm yog tej nyuas moov aav huv mej lub nroog kws lu peb kutaw los peb yuav muab so kuas poob moog ua kev tawmtsaam mej. Tabsis kuas mej ncuntsoov tas Vaajtswv lub Tebchaws tub lug ze mej lawm!’ 12Kuv qha tseeb rua mej has tas, thaus txug Nub Txavtxim, Vaajtswv tseem yuav rautxim rua lub nroog ntawd nyaav dlua le thaus Nwg rautxim rua lub nroog Xaudoos! #Chiv 19:24-28; Math 11:24; Math 10:15
Tej Nroog Kws Tsi Ntseeg
(Mathais 11:20-24)
13“Lub nroog Khaulaxees, koj yuav raug kev puamtsuaj lau! Lub nroog Npexaidas los tuabyaam nkaus hab, koj yuav raug kev puamtsuaj lau! Kheevlaam tej txujci tseemceeb kws tau ua rua meb pum lawm, yog ua nyob rua huv lub nroog Thailes hab lub nroog Xidoos, tes ntshe cov tuabneeg kws nyob huv ob lub nroog ntawd tub xub muab naabtsaaj lug npua nyob quastsawg hab tsuab tshauv nphoo puab ibce, qha has tas puab tub tso puab tej kev txhum tseg puag thaus ntxuv lug lawm! #Yaxaya 23:1-18; Exek 26:1—28:26; Yau 3:4-8; Amaus 1:9-10; Xekhali 9:2-4 14Thaus txug Nub Txavtxim, Vaajtswv tseem yuav taabncuab lub nroog Thailes hab lub nroog Xidoos tshaaj le kws Nwg taabncuab meb. 15Lub nroog Kapena-us, koj yuav tsaav koj lub fwjchim kuas sab moog txij ntuj nua lov? Koj yuav raug muab pov moog rua huv ntujtawg lau!” #Yaxaya 14:13-15
16Yexus has rua Nwg cov thwjtim has tas, “Tug kws noog mej lug, tug ntawd yeej noog Kuv lug. Tug kws tsi leeg paub mej, tug ntawd yeej tsi leeg paub Kuv; hab tug kws tsi leeg paub Kuv, tug ntawd yeej tsi leeg paub tug kws khaiv Kuv lug.” #Math 10:40; Malak 9:37; Lukas 9:48; Yauh 13:20
72 Leeg Rovqaab Lug
17Thaus 72#10:17: 72; tej phoo ntawv qub kws xuas teg sau, muaj 70 (saib nqai 1). leeg thwjtim rovqaab lug, puab zoosab kawg le. Puab has rua Yexus tas, “Tug Tswv, thaus peb tuav Koj lub npe, dlaab kuj noog peb lug hab!”
18Yexus teb puab has tas, “Kuv pum Xataas poob sau ntuj lug ib yaam le tsagligxub laim. 19Mej ua tuabzoo noog! Kuv tub pub fwjchim rua mej kuas mej tsuj tau naab hab raubris teb, hab mej muaj peevxwm kovyeej txhua yaam fwjchim kws lug ntawm tug Yeebncuab lug; yuav tsi muaj ib yaam dlaabtsi ua rua mej raug mob. #Nnkauj 91:13 20Txawm le ntawd los mej tsi xob zoosab vim tej ntsujplig phem ntawd noog mej lug; tabsis mej cale zoosab vim qhov kws Vaajtswv tub sau mej lub npe ca rua sau ntuj ceebtsheej lawm.”
Yexus Zoosab
(Mathais 11:25-27; 13:16-17)
21Thaus ntawd Vaaj Ntsujplig tug Dlawbhuv#10:21: Vaaj Ntsujplig tug Dlawbhuv; tej phoo ntawv qub kws xuas teg sau, muaj Vaaj Ntsujplig; lwm phoo has tas Nwg tug ntsujplig ua rua Yexus puvnpo txuj kev zoosab, Nwg txhaj has tas, “Txiv, tug Tswv kws kaav lub ntuj hab lub nplajteb! Kuv ua Koj tsaug ruaqhov Koj tau muab tej nuav zais ca tsi qha rua cov tuabneeg kws muaj tswvyim hab txawjntse paub, tabsis Koj ho muab qha rua cov tuabneeg kws tsi txawj tsi ntse paub. Yog lawm, Txiv, qhov nuav yog qhov kws Koj yeej pumzoo kuas muaj le ntawd.
22“Kuv Txiv tub muab ibpuas tsaavyaam rua Kuv lawm. Tsi muaj leejtwg paub tas Leejtub yog leejtwg, tsuas yog Leejtxiv txhaj paub xwb, hab tsi muaj leejtwg paub tas Leejtxiv yog leejtwg, tsuas yog Leejtub hab cov kws Leejtub pumzoo qha rua txhaj paub xwb.” #Yauh 3:35; Yauh 10:15
23Yexus txawm tig moog has tuabywv rua cov thwjtim has tas, “Yog ib qho koobmoov zoo kawg le, mej txhaj pum tej nuav! 24Kuv qha rua mej has tas cov xwbfwb cev Vaajtswv lug hab cov vaajntxwv ntau leej xaav pum tej kws mej pum nuav los puab tub tsi pum, hab puab xaav nov tej kws mej nov nuav los puab tub tsi tau nov.”
Zaaj Lug Pevtxwv Kws Has Txug Tug Tuabneeg Xamalis Sabzoo
25Muaj ib zag, ib tug xwbfwb qha Kevcai txawm sawvtseeg thom Yexus has tas, “Xwbfwb, kuv yuav ua lecaag es kuv txhaj tau txujsa ntev dlhawv moog ibtxhis?”
26Yexus teb nwg has tas, “Nyob huv txuj Kevcai tau sau tseg lecaag? Thaus koj nyeem ne koj totaub lecaag?”
27Tug txivneej ntawd teb tas, “ ‘Koj yuavtsum hlub tug Tswv kws yog koj tug Vaajtswv, kuas kawg sab kawg ntsws, kawg plaab kawg plawv, kawg dlaag kawg zug, hab kawg laajlim tswvyim’; hab ‘Koj yuavtsum hlub koj tug kwvtij zejzog ib yaam le koj hlub koj tugkheej.’ ”
28Yexus teb tas, “Koj has yog lawm; koj ua le ntawd tes koj yeej yuav tau txujsa xwb.”
29Tabsis tug xwbfwb ntawd xaav qhuas has tas nwg yog tug ncaajnceeg, tes nwg txawm nug Yexus has tas, “Tug twg txhaj yog kuv tug kwvtij zejzog?”
30Yexus teb tas, “Muaj ib tug txivneej kws taug kev ntawm lub nroog Yeluxalees moog rua nraag lub nroog Yelikaus, tau raug tubsaab ua phem rua nwg; puab muab nwg tej rigtsho lwg taag, hab muab nwg ntaus yuavlaug tuag tso rua ntawm kev. 31Thaus ntawd kuj muaj ib tug povthawj hlub taug txujkev ntawd tuaj hab, thaus nwg pum tug txivneej ntawd, nwg txawm tshuv kev moog lawm. 32Tuabyaam nkaus le ntawd, muaj ib tug tuabneeg Levis taug kev tuaj txug ntawd hab, nwg moog xauj tug txivneej ntawd ib muag tes nwg txawm tshuv kev moog lawm hab.
33“Tabsis muaj ib tug tuabneeg Xamalis taug kev tuaj txug ntawm tug txivneej ntawd; thaus nwg pum tug txivneej ntawd, nwg hlub tug txivneej ntawd heev. #2Xwm 28:15 34Nwg txaav zog moog saib, nwg txawm muab kag roj hab cawv txivmaab lug laub rua tug txivneej ntawd tej qhovtxhaab hab muab ntaub qhwv rua; tes nwg txawm tsaws tug txivneej ntawd rua sau nwg tug neegluav hab coj tug txivneej ntawd moog pw tom ib lub tsevsu hab tu tug txivneej ntawd. 35Nub tomqaab, tug tuabneeg Xamalis txawm muab tau ob npib#10:35: Lug Kilis yog 2 denalis. nyaj rua tug tswv ntawm lub tsevsu hab has tas, ‘Thov koj paab tu tug txivneej nuav; yog koj ho siv tshaaj lawm los thaus kuv rovqaab lug, kuv maamle ntxiv rov rua koj.’ ”
36Thaus xaus, Yexus txhaj nug nwg has tas, “Koj sim xaav seb, peb tug nuav, tug twg txhaj yog tug kws raug tubsaab ntaus ntawd le kwvtij zejzog?”
37Tug xwbfwb kws qha Kevcai teb tas, “Yog tug kws muaj lub sab taabncuab tug kws raug ntaus ntawd.”
Yexus has rua nwg tas, “Yogle, tes koj cale moog hab ua nkaus le ntawd.”
Yexus Moog Saib Mathas Hab Malis
38Thaus Yexus hab Nwg cov thwjtim taug kev moog, Yexus txawm moog txug huv ib lub zog, muaj ib tug quaspuj hu ua Mathas tau txaistog Yexus moog su huv nwg tsev. #Yauh 11:1 39Mathas muaj ib tug namhluas hu ua Malis, nwg txawm cale lug nyob ze ntawm Yexus kutaw hab noog Nwg tej lug qha. 40Mathas ntxhuvsab rua ntau yaam num kws nwg yuavtsum tau ua, nwg txhaj lug has rua Yexus has tas, “Tug Tswv, kuv tug namhluas ca kuv tuableeg ua num xwb los Koj txawm kaavlam le lov? Koj has kuas nwg cale lug paab kuv!”
41Tug Tswv teb tas, “Mathas, Mathas 'e! Koj txhawj hab ntxhuvsab rua ntau yaam num kawg le, 42tabsis tsuas muaj ib yaam txhaj cheemtsum xwb. Malis tub xaiv tau yaam kws zoo ntawd lawm, yeej tsi muaj leejtwg yuav txeeb tau yaam ntawd tawm ntawm nwg moog le.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.