Lukas 12
12
Ceevfaaj Cov Tuabneeg Ntsejmuag Ncaaj Sabnkhaus
(Mathais 10:26-27)
1Thaus muaj tuabneeg ntau txheeb leej tuaj sissau uake, ua rua ib leeg tsuj ib leeg kutaw, tes Yexus txhaj xub has rua Nwg cov thwjtim tas, “Mej yuavtsum ceevfaaj cov Falixais cov keeb, kws yog puab txuj kev ua ntsejmuag ncaaj sabnkhaus. #Math 16:6; Malak 8:15 2Tej kws muab npug ca lawm yeej yuav raug muab qheb kuas suavdlawg paub, hab txhua yaam kws muab zais ca lawm yeej yuav raug muab nthuav tawm xwb. #Malak 4:22; Lukas 8:17 3Yogle ntawd, txhua yaam kws mej tau has thaus tsausntuj, tes thaus kaajntug xwb suavdlawg yuav nov taag huv tuabsi, hab tej kws mej sisntxhi huv tsev es muab qhovrooj kaw rua, yuav nov nchaa ntwg sau ruvtsev tuaj.
Yuav Ntshai Leejtwg
(Mathais 10:28-31)
4“Kuv cov phoojywg 'e, Kuv qha rua mej has tas, mej tsi xob ntshai cov kws tua tau mej lub cev tabsis dlhau ntawd tes tub ua tsi tau dlaabtsi le lawm. 5Kuv yuav qha has tas tsimnyog mej yuavtsum ntshai leejtwg. Mej yuavtsum ntshai tug Vaajtswv kws tua tau mej lub cev hab muaj fwjchim muab mej pov tau rua huv ntujtawg. Yog lau, Kuv qha rua mej has tas, tug nuav yog tug kws tsimnyog mej ntshai!
6“Tsib tug noog tsev, luas tsuas muag 2 npib xwb puas yog? Txawm yog ib tug noog tsev xwb los Vaajtswv yeej tsi novqaab hlo le. 7Txawm yog mej tej plaubhau los Vaajtswv tub suav txhua txuj huv tuabsi ca lawm. Yogle ntawd, mej tsi xob ntshai; mej tseem muajnqes tshaaj le ntau tug noog tsev!
Leeg Hab Tsi Leeg Yuav Khetos
(Mathais 10:32-33; 12:32; 10:19-20)
8“Kuv qha tseeb rua mej has tas, yog leejtwg leeg paub Kuv taabmeeg suavdlawg, Tuabneeg Leejtub yuav leeg paub tug ntawd taabmeeg Vaajtswv cov timtswv ceebtsheej ib yaam nkaus. 9Tabsis yog leejtwg tsi leeg paub Kuv taabmeeg suavdlawg, Tuabneeg Leejtub yuav tsi leeg paub tug ntawd taabmeeg Vaajtswv cov timtswv hab.
10“Yog leejtwg thuam Tuabneeg Leejtub, Vaajtswv yeej zaamtxim tau, tabsis yog leejtwg thuam Vaaj Ntsujplig tug Dlawbhuv, Vaajtswv yuav tsi zaamtxim rua tug ntawd. #Math 12:32; Malak 3:29
11“Thaus puab kom mej rua huv tej tsev saablaaj lossis coj mej moog cuag tej tswvxeev hab tej numtswv, mej tsi xob txhawj tas mej yuav has dlaws mej zaaj lecaag lossis mej yuav has lecaag. #Math 10:19-20; Malak 13:11; Lukas 21:14-15 12Ruaqhov thaus ntawd Vaaj Ntsujplig tug Dlawbhuv yuav qha rua mej has tas mej yuav has lecaag txhaj zoo.”
Zaaj Lug Pevtxwv Has Txug Tug Npluanuj Kws Ruag
13Muaj ib tug txivneej nyob huv paab tuabneeg coob-coob ntawd has rua Yexus tas, “Xwbfwb, thov Koj has kuas kuv tug tijlaug faib kuv nam kuv txiv tej teejtug rua kuv hab.”
14Yexus teb tas, “Phoojywg, leejtwg tsaa Kuv ua tug txavtxim hab faib teejtug rua meb?” 15Tes Yexus txawm has rua suavdlawg tas, “Mej txhua tug yuavtsum ceevfaaj tsi xob ua tug tuabneeg kws ntshaw txhua yaam, ruaqhov tuabneeg txujsa tsi yog nyob rua ntawm txhua yaam txhua tsaav kws nwg muaj.”
16Yexus has ib zaaj lug pevtxwv rua puab has tas, “Muaj ib tug txivneej npluanuj, nwg muaj laj muaj teb kws cog tau qoobloo zoo heev. 17Nwg xaav tas, ‘Kuv tub tsi muaj chaw txaus ntim kuv tej qoobloo nuav le lawm, es kuv yuav ua lecaag?’ 18Nwg txawm xaav tas, ‘Kuv yuav ua le nuav. Kuv yuav muab kuv cov txhaab lauj povtseg hab ua dlua ib cov txhaab kws luj dlua qub, kuv maam muab kuv tej qoobloo hab qhov txhua chaw moog tso rua huv. 19Tes kuv yuav has rua kuv lub sab has tas, Koj muaj moo kawg! Koj muaj ibpuas tsaavyaam zoo txhijzog kws yuav kaav koj ntau xyoo lawm. Cale su, nyob noj nyob haus, hab xyivfaab hlo!’ 20Tabsis Vaajtswv has rua tug npluanuj ntawd tas, ‘Tug nam tuabneeg ruag, mo nuav lau koj txujsa tub yuav raug rhu tawm ntawm koj moog; yogle ntawd, txhua yaam kws koj npaaj tseg rua koj tugkheej nuav yuav yog leejtwg tug?’ ”
21Yexus xaus lug has tas, “Tej tuabneeg kws sau txhua yaam lug rua nwg tugkheej, tabsis tsi npluanuj rua ntawm Vaajtswv saab tes yeej los zoole ntawd.”
Tsosab Rua Vaajtswv
(Mathais 6:25-34)
22Tes Yexus txawm has rua Nwg cov thwjtim has tas, “Vimle nuav, Kuv txhaj qha rua mej kuas mej tsi xob txhawj txug mej txujsa has tas mej yuav noj dlaabtsi lossis txhawj txug mej lub cev has tas mej yuav naav dlaabtsi. 23Txujsa tseemceeb dlua tej zaub-mov, hab lub cev tseemceeb dlua tej rigtsho. 24Mej saib tej uab-laag seb: puab yeej tsi cog qoobloo hab tsi hlais tsi sau; puab yeej tsi muaj txhaab tsi muaj phawv ntim qoobloo ca; los Vaajtswv tseem yug puab! Mej tseem muajnqes heev dlua tej noog ntawd! 25Mej tej kev txhawj puas yuav ua rua mej muaj sa nyob ntev zog ntxiv?#12:25: nyob ntev zog ntxiv; lossis sab zog tuaj.
26“Yog tej yaam nyuas miv-miv nuav mej tub ua tsi tau, es mej tseem yuav moog txhawj lwmyaam ua dlaabtsi? 27Mej saib tej paajntoos tom tajnraag tawg lecaag: puab tub tsi ua num lossis tub tsi ntus ntaub ntus xuv. Tabsis Kuv qha rua mej has tas, txawm yog vaajntxwv Xalumoos npluanuj npaum ntawd los nwg tub tsi tau naav ib cev rigtsho zoo npaum le tej paajntoos ntawd ib lub le. #1Vaaj 10:4-7; 2Xwm 9:3-6 28Tej nyuas nrojtsuag kws muaj nyob nubnua tabsis pigkig xwb luas tub yuav muab pov hlawv rua huv qhovcub, los Vaajtswv tseem pub rua nwg tawgpaaj zoonkauj kawg le. Mej xaav tas Vaajtswv yuav tsi pub rua mej muaj naav zoo dlua tej nrojtsuag ntawd nua lov? Uacaag mej kev ntseeg yuav miv ualuaj le!
29“Yogle ntawd, mej tsi xob txhawj tas mej yuav noj hab yuav haus dlaabtsi. 30(Cov tuabneeg huv nplajteb nuav kws tsi paub Vaajtswv najnub txhawj txug tej nuav.) Mej Leejtxiv yeej paub tas mej cheemtsum muaj tej nuav. 31Tabsis mej yuavtsum xub nrhav Vaajtswv lub Tebchaws tsaiv, Nwg maamle muab tej nuav rua mej.
Nyajtxag Sau Ntuj Ceebtsheej
(Mathais 6:19-21)
32“Cov mivnyuas yaaj 'e, mej tsi xob ntshai, ruaqhov mej Leejtxiv tub txaussab muab nwg lub tebchaws rua mej lawm. 33Cale muab mej tej qhov txhua chaw muag hab muab tej nyajtxag ntawd faib rua cov tuabneeg pluag. Cale xaws cov naab ntim nyaj kws tsi txawj ndluag rua mej, hab ntim mej tej nyaj rua sau ntuj ceebtsheej kws yuav tsi txawj pluj, qhov ntawd tubsaab yuav moog nyag tsi tau, hab ntsaum kaabrwg yuav tsi noj. 34Ruaqhov mej tej nyajtxag nyob qhovtwg, mej lub sab yeej yuav nyob qhov ntawd.
Cov Tubqhe Kws Zuv Tog
35“Mej cale sa hlaab khovkho npaaj ua dlejnum hab taws mej cov teeb ca, #Math 25:1-13 36ib yaam le cov tubqhe kws npaaj tog puab tug tswv kws moog noj tshoob yuav rov lug. Thaus nwg lug txug hab khob, cov tubqhe yuav qheb hlo qhovrooj rua nwg taamsim ntawd. #Malak 13:34-36 37Thaus tug tswv rov lug hab pum cov tubqhe tseem zuv tog, mas cov tubqhe ntawd yuav muaj kev kaajsab heev! Kuv qha rua mej has tas, tug tswv yuav sa hlaab khovkho, yuav has kuas cov tubqhe moog nyob quastsawg ntawm rooj, hab nwg yuav ua tug dlaus zaub dlaus mov rua puab noj. 38Txawm yog nwg yuav lug thaus ib taagmo lossis thaus yuav kaajntug los xij, yog nwg pum cov tubqhe tseem zuv tog, mas cov tubqhe ntawd yeej yuav muaj kev kaajsab xwb!
39“Mej ncuntsoov tas yog tug tswvtsev paub tas thaus twg tubsaab yuav tuaj, nwg yeej yuav zuv tog, tsi pub kuas tubsaab tsoo hab nkaag tau lug rua huv nwg tsev. #Math 24:43-44 40Yogle ntawd, mej los yuavtsum npaaj kuas txhij, ruaqhov Tuabneeg Leejtub yuav lug lub sijhawm kws mej tsi ceevfaaj txug Nwg.”
Tug Tubqhe Kws Ncaajnceeg Lossis Tug Kws Tsi Ncaajnceeg
(Mathais 24:45-51)
41Petus nug Yexus has tas, “Tug Tswv, zaaj lug pevtxwv kws Koj has nuav, yog Koj has rua peb los yog has rua txhua tug?”
42Tug Tswv teb tas, “Yogle ntawd, leejtwg txhaj yog tug tubqhe kws ncaajnceeg hab ntse? Nwg yog tug kws nwg tug tswv muab tsaa ua tug luj saib tug tswv cov tubqhe, hab ua tug faib zaub faib mov rua puab noj lawvle lub sijhawm. 43Thaus tug tswv rov lug tsev hab pum tug tubqhe ntawd taabtom ua tej num nuav, tes tug tubqhe ntawd yuav tau txais txuj kev kaajsab! 44Kuv qha tseeb rua mej has tas, tug tswv yuav tsaa tug tubqhe ntawd ua tug saib txhua yaam kws yog tug tswv le. 45Tabsis yog tug tubqhe ntawd xaav tas tseem tshuav ntev nwg tug tswv maam rov lug, tes nwg txawm pib muab cov tubqhe ntaus, lojxov quaspuj quasyawg huv tuabsi, hab nwg noj tsau haus qaug. 46Muaj ib nub, thaus tug tubqhe ntawd tsi ceevfaaj hab tsi paub txug, tes tug tswv yuav rov lug lub sijhawm ntawd ntaag. Tug tswv yuav muab nwg hlais ua tej dlwb dlaig,#12:46: muab nwg hlais ua tej dlwb dlaig; lossis muab pov rua saabnrau. hab muab nwg moog nrug cov tuabneeg kws tsi nooglug nyob.
47“Tug tubqhe kws paub nwg tug tswv lub sab lawm, tabsis nwg yeej tsi npaaj kuas txhij hab tsi ua lawvle tug tswv lub sab nyam, yuav maag nplawm ntau nplawg. 48Tabsis tug tubqhe kws yeej tsi paub nwg tug tswv lub sab, txawm yog nwg ua txhum txaus nplawm los nwg yuav tsi maag ntau nplawg. Tug kws tau txais ntau, tug ntawd yuavtsum tau ua ntau. Tug kws tau txais ntau dlua ntawd, tug ntawd hajyam yuavtsum tau ua ntau dlua ntawd hab.
Yexus Yog Qhov Kws Ua Rua Muaj Kev Sisfaib
(Mathais 10:34-36)
49“Qhov kws Kuv lug yog Kuv coj suavtawg lug hlawv lub nplajteb, hab Kuv xaav tas kheevlaam suavtawg tub cig lawm! 50Tabsis Kuv yuavtsum tau ua ib qhov kevcai rausdlej tsaiv, sov Kuv tseem yuav nyuajsab npaumtwg moog txug thaus kws qhov ntawd dlhau lawm! #Malak 10:38 51Mej xaav tas Kuv coj kev nyaabxeeb lug rua huv lub nplajteb nua lov? Kuv qha rua mej has tas tsi yog kev nyaabxeeb tabsis yog Kuv coj kev sisfaib lug. 52Txij nuav moog tsev tuabneeg kws muaj tsib leeg yuav sistawg, peb leeg yuav tawmtsaam ob leeg hab ob leeg yuav tawmtsaam peb leeg. 53Txiv yuav tawmtsaam tub hab tub yuav tawmtsaam txiv, nam yuav tawmtsaam ntxhais hab ntxhais yuav tawmtsaam nam, nampuj yuav tawmtsaam nyaab hab nyaab yuav tawmtsaam nampuj.” #Mikha 7:6
Totaub Txug Sijhawm
(Mathais 16:2-3)
54Yexus has rua suavdlawg tas, “Thaus mej pum ib tauv fuab sawv tsaus nti tim saab nubpoob, taamsim ntawd mej has tas, ‘Yuav lug naag lau,’ tes naag txawm lug tag. 55Hab thaus mej nov cua ntsawj saab qaabteb tuaj, mej has tas, ‘Yuav kub heev lau,’ tes txawm kub tag-tag le. 56Cov nam tuabneeg ntsejmuag ncaaj sabnkhaus! Mej txawj saib fuab saib cua hab txawj txhais has tas yuav tshaavntuj lossis yuav lug naag, ua lecaag mej ho tsi paub txhais tej kws tshwmsim nyob rua najnub nua?”
Has Kuas Rov Sishum
(Mathais 5:25-26)
57“Vim lecaag mej tsi ua tuabzoo saib seb yuav ua yaam twg txhaj yog? 58Yog leejtwg xyuamphaaj kom koj hab coj koj moog rua huv lub tsev tu plaub, uantej kws tsi tau moog has plaub, koj cale thov nwg kuas meb rov sishum. Yog koj tsi ua le ntawd, nwg yuav muab koj caab moog rua tug txavtxim, tes tug txavtxim yuav muab koj cob rua tub ceevxwm, hab tub ceevxwm yuav coj koj moog kaw rua huv tsev lojcuj. 59Kuv qha tseeb rua koj has tas, koj yuav tawm tsi tau moog txug thaus kws koj them nqe taag tsaiv.”
Currently Selected:
Lukas 12: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Lukas 12
12
Ceevfaaj Cov Tuabneeg Ntsejmuag Ncaaj Sabnkhaus
(Mathais 10:26-27)
1Thaus muaj tuabneeg ntau txheeb leej tuaj sissau uake, ua rua ib leeg tsuj ib leeg kutaw, tes Yexus txhaj xub has rua Nwg cov thwjtim tas, “Mej yuavtsum ceevfaaj cov Falixais cov keeb, kws yog puab txuj kev ua ntsejmuag ncaaj sabnkhaus. #Math 16:6; Malak 8:15 2Tej kws muab npug ca lawm yeej yuav raug muab qheb kuas suavdlawg paub, hab txhua yaam kws muab zais ca lawm yeej yuav raug muab nthuav tawm xwb. #Malak 4:22; Lukas 8:17 3Yogle ntawd, txhua yaam kws mej tau has thaus tsausntuj, tes thaus kaajntug xwb suavdlawg yuav nov taag huv tuabsi, hab tej kws mej sisntxhi huv tsev es muab qhovrooj kaw rua, yuav nov nchaa ntwg sau ruvtsev tuaj.
Yuav Ntshai Leejtwg
(Mathais 10:28-31)
4“Kuv cov phoojywg 'e, Kuv qha rua mej has tas, mej tsi xob ntshai cov kws tua tau mej lub cev tabsis dlhau ntawd tes tub ua tsi tau dlaabtsi le lawm. 5Kuv yuav qha has tas tsimnyog mej yuavtsum ntshai leejtwg. Mej yuavtsum ntshai tug Vaajtswv kws tua tau mej lub cev hab muaj fwjchim muab mej pov tau rua huv ntujtawg. Yog lau, Kuv qha rua mej has tas, tug nuav yog tug kws tsimnyog mej ntshai!
6“Tsib tug noog tsev, luas tsuas muag 2 npib xwb puas yog? Txawm yog ib tug noog tsev xwb los Vaajtswv yeej tsi novqaab hlo le. 7Txawm yog mej tej plaubhau los Vaajtswv tub suav txhua txuj huv tuabsi ca lawm. Yogle ntawd, mej tsi xob ntshai; mej tseem muajnqes tshaaj le ntau tug noog tsev!
Leeg Hab Tsi Leeg Yuav Khetos
(Mathais 10:32-33; 12:32; 10:19-20)
8“Kuv qha tseeb rua mej has tas, yog leejtwg leeg paub Kuv taabmeeg suavdlawg, Tuabneeg Leejtub yuav leeg paub tug ntawd taabmeeg Vaajtswv cov timtswv ceebtsheej ib yaam nkaus. 9Tabsis yog leejtwg tsi leeg paub Kuv taabmeeg suavdlawg, Tuabneeg Leejtub yuav tsi leeg paub tug ntawd taabmeeg Vaajtswv cov timtswv hab.
10“Yog leejtwg thuam Tuabneeg Leejtub, Vaajtswv yeej zaamtxim tau, tabsis yog leejtwg thuam Vaaj Ntsujplig tug Dlawbhuv, Vaajtswv yuav tsi zaamtxim rua tug ntawd. #Math 12:32; Malak 3:29
11“Thaus puab kom mej rua huv tej tsev saablaaj lossis coj mej moog cuag tej tswvxeev hab tej numtswv, mej tsi xob txhawj tas mej yuav has dlaws mej zaaj lecaag lossis mej yuav has lecaag. #Math 10:19-20; Malak 13:11; Lukas 21:14-15 12Ruaqhov thaus ntawd Vaaj Ntsujplig tug Dlawbhuv yuav qha rua mej has tas mej yuav has lecaag txhaj zoo.”
Zaaj Lug Pevtxwv Has Txug Tug Npluanuj Kws Ruag
13Muaj ib tug txivneej nyob huv paab tuabneeg coob-coob ntawd has rua Yexus tas, “Xwbfwb, thov Koj has kuas kuv tug tijlaug faib kuv nam kuv txiv tej teejtug rua kuv hab.”
14Yexus teb tas, “Phoojywg, leejtwg tsaa Kuv ua tug txavtxim hab faib teejtug rua meb?” 15Tes Yexus txawm has rua suavdlawg tas, “Mej txhua tug yuavtsum ceevfaaj tsi xob ua tug tuabneeg kws ntshaw txhua yaam, ruaqhov tuabneeg txujsa tsi yog nyob rua ntawm txhua yaam txhua tsaav kws nwg muaj.”
16Yexus has ib zaaj lug pevtxwv rua puab has tas, “Muaj ib tug txivneej npluanuj, nwg muaj laj muaj teb kws cog tau qoobloo zoo heev. 17Nwg xaav tas, ‘Kuv tub tsi muaj chaw txaus ntim kuv tej qoobloo nuav le lawm, es kuv yuav ua lecaag?’ 18Nwg txawm xaav tas, ‘Kuv yuav ua le nuav. Kuv yuav muab kuv cov txhaab lauj povtseg hab ua dlua ib cov txhaab kws luj dlua qub, kuv maam muab kuv tej qoobloo hab qhov txhua chaw moog tso rua huv. 19Tes kuv yuav has rua kuv lub sab has tas, Koj muaj moo kawg! Koj muaj ibpuas tsaavyaam zoo txhijzog kws yuav kaav koj ntau xyoo lawm. Cale su, nyob noj nyob haus, hab xyivfaab hlo!’ 20Tabsis Vaajtswv has rua tug npluanuj ntawd tas, ‘Tug nam tuabneeg ruag, mo nuav lau koj txujsa tub yuav raug rhu tawm ntawm koj moog; yogle ntawd, txhua yaam kws koj npaaj tseg rua koj tugkheej nuav yuav yog leejtwg tug?’ ”
21Yexus xaus lug has tas, “Tej tuabneeg kws sau txhua yaam lug rua nwg tugkheej, tabsis tsi npluanuj rua ntawm Vaajtswv saab tes yeej los zoole ntawd.”
Tsosab Rua Vaajtswv
(Mathais 6:25-34)
22Tes Yexus txawm has rua Nwg cov thwjtim has tas, “Vimle nuav, Kuv txhaj qha rua mej kuas mej tsi xob txhawj txug mej txujsa has tas mej yuav noj dlaabtsi lossis txhawj txug mej lub cev has tas mej yuav naav dlaabtsi. 23Txujsa tseemceeb dlua tej zaub-mov, hab lub cev tseemceeb dlua tej rigtsho. 24Mej saib tej uab-laag seb: puab yeej tsi cog qoobloo hab tsi hlais tsi sau; puab yeej tsi muaj txhaab tsi muaj phawv ntim qoobloo ca; los Vaajtswv tseem yug puab! Mej tseem muajnqes heev dlua tej noog ntawd! 25Mej tej kev txhawj puas yuav ua rua mej muaj sa nyob ntev zog ntxiv?#12:25: nyob ntev zog ntxiv; lossis sab zog tuaj.
26“Yog tej yaam nyuas miv-miv nuav mej tub ua tsi tau, es mej tseem yuav moog txhawj lwmyaam ua dlaabtsi? 27Mej saib tej paajntoos tom tajnraag tawg lecaag: puab tub tsi ua num lossis tub tsi ntus ntaub ntus xuv. Tabsis Kuv qha rua mej has tas, txawm yog vaajntxwv Xalumoos npluanuj npaum ntawd los nwg tub tsi tau naav ib cev rigtsho zoo npaum le tej paajntoos ntawd ib lub le. #1Vaaj 10:4-7; 2Xwm 9:3-6 28Tej nyuas nrojtsuag kws muaj nyob nubnua tabsis pigkig xwb luas tub yuav muab pov hlawv rua huv qhovcub, los Vaajtswv tseem pub rua nwg tawgpaaj zoonkauj kawg le. Mej xaav tas Vaajtswv yuav tsi pub rua mej muaj naav zoo dlua tej nrojtsuag ntawd nua lov? Uacaag mej kev ntseeg yuav miv ualuaj le!
29“Yogle ntawd, mej tsi xob txhawj tas mej yuav noj hab yuav haus dlaabtsi. 30(Cov tuabneeg huv nplajteb nuav kws tsi paub Vaajtswv najnub txhawj txug tej nuav.) Mej Leejtxiv yeej paub tas mej cheemtsum muaj tej nuav. 31Tabsis mej yuavtsum xub nrhav Vaajtswv lub Tebchaws tsaiv, Nwg maamle muab tej nuav rua mej.
Nyajtxag Sau Ntuj Ceebtsheej
(Mathais 6:19-21)
32“Cov mivnyuas yaaj 'e, mej tsi xob ntshai, ruaqhov mej Leejtxiv tub txaussab muab nwg lub tebchaws rua mej lawm. 33Cale muab mej tej qhov txhua chaw muag hab muab tej nyajtxag ntawd faib rua cov tuabneeg pluag. Cale xaws cov naab ntim nyaj kws tsi txawj ndluag rua mej, hab ntim mej tej nyaj rua sau ntuj ceebtsheej kws yuav tsi txawj pluj, qhov ntawd tubsaab yuav moog nyag tsi tau, hab ntsaum kaabrwg yuav tsi noj. 34Ruaqhov mej tej nyajtxag nyob qhovtwg, mej lub sab yeej yuav nyob qhov ntawd.
Cov Tubqhe Kws Zuv Tog
35“Mej cale sa hlaab khovkho npaaj ua dlejnum hab taws mej cov teeb ca, #Math 25:1-13 36ib yaam le cov tubqhe kws npaaj tog puab tug tswv kws moog noj tshoob yuav rov lug. Thaus nwg lug txug hab khob, cov tubqhe yuav qheb hlo qhovrooj rua nwg taamsim ntawd. #Malak 13:34-36 37Thaus tug tswv rov lug hab pum cov tubqhe tseem zuv tog, mas cov tubqhe ntawd yuav muaj kev kaajsab heev! Kuv qha rua mej has tas, tug tswv yuav sa hlaab khovkho, yuav has kuas cov tubqhe moog nyob quastsawg ntawm rooj, hab nwg yuav ua tug dlaus zaub dlaus mov rua puab noj. 38Txawm yog nwg yuav lug thaus ib taagmo lossis thaus yuav kaajntug los xij, yog nwg pum cov tubqhe tseem zuv tog, mas cov tubqhe ntawd yeej yuav muaj kev kaajsab xwb!
39“Mej ncuntsoov tas yog tug tswvtsev paub tas thaus twg tubsaab yuav tuaj, nwg yeej yuav zuv tog, tsi pub kuas tubsaab tsoo hab nkaag tau lug rua huv nwg tsev. #Math 24:43-44 40Yogle ntawd, mej los yuavtsum npaaj kuas txhij, ruaqhov Tuabneeg Leejtub yuav lug lub sijhawm kws mej tsi ceevfaaj txug Nwg.”
Tug Tubqhe Kws Ncaajnceeg Lossis Tug Kws Tsi Ncaajnceeg
(Mathais 24:45-51)
41Petus nug Yexus has tas, “Tug Tswv, zaaj lug pevtxwv kws Koj has nuav, yog Koj has rua peb los yog has rua txhua tug?”
42Tug Tswv teb tas, “Yogle ntawd, leejtwg txhaj yog tug tubqhe kws ncaajnceeg hab ntse? Nwg yog tug kws nwg tug tswv muab tsaa ua tug luj saib tug tswv cov tubqhe, hab ua tug faib zaub faib mov rua puab noj lawvle lub sijhawm. 43Thaus tug tswv rov lug tsev hab pum tug tubqhe ntawd taabtom ua tej num nuav, tes tug tubqhe ntawd yuav tau txais txuj kev kaajsab! 44Kuv qha tseeb rua mej has tas, tug tswv yuav tsaa tug tubqhe ntawd ua tug saib txhua yaam kws yog tug tswv le. 45Tabsis yog tug tubqhe ntawd xaav tas tseem tshuav ntev nwg tug tswv maam rov lug, tes nwg txawm pib muab cov tubqhe ntaus, lojxov quaspuj quasyawg huv tuabsi, hab nwg noj tsau haus qaug. 46Muaj ib nub, thaus tug tubqhe ntawd tsi ceevfaaj hab tsi paub txug, tes tug tswv yuav rov lug lub sijhawm ntawd ntaag. Tug tswv yuav muab nwg hlais ua tej dlwb dlaig,#12:46: muab nwg hlais ua tej dlwb dlaig; lossis muab pov rua saabnrau. hab muab nwg moog nrug cov tuabneeg kws tsi nooglug nyob.
47“Tug tubqhe kws paub nwg tug tswv lub sab lawm, tabsis nwg yeej tsi npaaj kuas txhij hab tsi ua lawvle tug tswv lub sab nyam, yuav maag nplawm ntau nplawg. 48Tabsis tug tubqhe kws yeej tsi paub nwg tug tswv lub sab, txawm yog nwg ua txhum txaus nplawm los nwg yuav tsi maag ntau nplawg. Tug kws tau txais ntau, tug ntawd yuavtsum tau ua ntau. Tug kws tau txais ntau dlua ntawd, tug ntawd hajyam yuavtsum tau ua ntau dlua ntawd hab.
Yexus Yog Qhov Kws Ua Rua Muaj Kev Sisfaib
(Mathais 10:34-36)
49“Qhov kws Kuv lug yog Kuv coj suavtawg lug hlawv lub nplajteb, hab Kuv xaav tas kheevlaam suavtawg tub cig lawm! 50Tabsis Kuv yuavtsum tau ua ib qhov kevcai rausdlej tsaiv, sov Kuv tseem yuav nyuajsab npaumtwg moog txug thaus kws qhov ntawd dlhau lawm! #Malak 10:38 51Mej xaav tas Kuv coj kev nyaabxeeb lug rua huv lub nplajteb nua lov? Kuv qha rua mej has tas tsi yog kev nyaabxeeb tabsis yog Kuv coj kev sisfaib lug. 52Txij nuav moog tsev tuabneeg kws muaj tsib leeg yuav sistawg, peb leeg yuav tawmtsaam ob leeg hab ob leeg yuav tawmtsaam peb leeg. 53Txiv yuav tawmtsaam tub hab tub yuav tawmtsaam txiv, nam yuav tawmtsaam ntxhais hab ntxhais yuav tawmtsaam nam, nampuj yuav tawmtsaam nyaab hab nyaab yuav tawmtsaam nampuj.” #Mikha 7:6
Totaub Txug Sijhawm
(Mathais 16:2-3)
54Yexus has rua suavdlawg tas, “Thaus mej pum ib tauv fuab sawv tsaus nti tim saab nubpoob, taamsim ntawd mej has tas, ‘Yuav lug naag lau,’ tes naag txawm lug tag. 55Hab thaus mej nov cua ntsawj saab qaabteb tuaj, mej has tas, ‘Yuav kub heev lau,’ tes txawm kub tag-tag le. 56Cov nam tuabneeg ntsejmuag ncaaj sabnkhaus! Mej txawj saib fuab saib cua hab txawj txhais has tas yuav tshaavntuj lossis yuav lug naag, ua lecaag mej ho tsi paub txhais tej kws tshwmsim nyob rua najnub nua?”
Has Kuas Rov Sishum
(Mathais 5:25-26)
57“Vim lecaag mej tsi ua tuabzoo saib seb yuav ua yaam twg txhaj yog? 58Yog leejtwg xyuamphaaj kom koj hab coj koj moog rua huv lub tsev tu plaub, uantej kws tsi tau moog has plaub, koj cale thov nwg kuas meb rov sishum. Yog koj tsi ua le ntawd, nwg yuav muab koj caab moog rua tug txavtxim, tes tug txavtxim yuav muab koj cob rua tub ceevxwm, hab tub ceevxwm yuav coj koj moog kaw rua huv tsev lojcuj. 59Kuv qha tseeb rua koj has tas, koj yuav tawm tsi tau moog txug thaus kws koj them nqe taag tsaiv.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.