Lukas 17
17
Kev Txhum
(Mathais 18:6-7, 21-22; Malakaus 9:42)
1Yexus has rua Nwg cov thwjtim has tas, “Txawm lecaag los yeej yuav muaj tej keeb kws ua rua tuabneeg ua txhum, tabsis tug kws xeeb lub keeb ntawd yuav raug kev puamtsuaj! 2Tug kws ua rua cov mivnyuas nuav ib tug ua txhum, cale muab hlua khi ib txhibzeb kws luj dlai rua tug ntawd cejdlaab hab muab nwg pov rua huv havtxwv kuj zoo dlua! 3Yogle ntawd, mej yuavtsum ceevfaaj txug yaam kws mej ua! #Math 18:15
“Yog koj ib tug kwvtij ua txhum rua koj, koj yuavtsum ntuag nwg. Yog nwg leeg kev txhum lawm, koj yuavtsum zaamtxim rua nwg. 4Yog ib nub nwg ua txhum rua koj xyaa zag, tabsis nwg yeej rov tuaj leeg rua koj txug xyaa zag has tas, ‘Kuv tau ua txhum lawm,’ los koj yuavtsum tau zaamtxim rua nwg.”
Kev Ntseeg
5Cov timthawj has rua tug Tswv tas, “Thov Koj ua kuas peb kev ntseeg luj tuaj.”
6Tug Tswv teb tas, “Yog mej muaj kev ntseeg luaj le ib lub noob maxataj, mej muaj peevxwm has rua tsob ntoo zaub kaab nuav tas, ‘Cale rhu hlo caag hab moog cog rua huv havtxwv!’ tes tsob ntoo zaub kaab ntawd yeej yuav noog mej has.
Tug Tubkhai Tegnum
7“Pevxaam has tas ib tug ntawm mej paab ko muaj ib tug tubkhai kws tseem laijlag lossis tseem yug yaaj. Thaus nwg rovqaab nraag laj lug, mej puas yuav has rua tug tubkhai ntawd tas, ‘Koj cale lug noj mov’? 8Mej yeej yuav tsi has le ntawd! Mej yuav has rua nwg tas, ‘Cale moog npaaj kuv pluag mo kuas txhij, muab dlaim ntaub thaiv xubndlag lug khi ntawm dluav hab dlaus zaub dlaus mov rua kuv thaus kuv tseem taabtom nojhaus; tomqaab ntawd koj maamle noj.’ 9Mej puas yuav ua tug tubkhai ntawd tsaug vim nwg ua lawvle qhov kws mej has kuas nwg ua? 10Mej los kuj ib yaam nkaus hab; thaus mej ua txhua yaam lawvle mej raug khaiv lawm, mej yuav has tas, ‘Peb yog ib co tubkhai kws tsi tseemceeb dlaabtsi, peb tsuas ua lawvle peb tegnum xwb.’ ”
Yexus Khu Kaum Tug Txivneej Mob Ruas
11Thaus Yexus moog nraag lub nroog Yeluxalees, Nwg tau taug kev lawv tug nrimteb xeev Xamalis hab xeev Kalilais moog. 12Thaus Nwg taabtom moog rua huv ib lub zog, txawm muaj kaum tug txivneej mob ruas#17:12: mob ruas: lug Kilis siv lulug nuav rua ntau yaam kaab mob kws yog mob phem-phem rua ntawm dlaim tawv nqaj, kuj yuav tsi yog kag mob ruas hab. lug ntsib Nwg. Puab sawv dleb-dleb 13hab hu nrov-nrov has tas, “Yexus, tug Tswv, thov Koj taabncuab peb hab lau!”
14Thaus Yexus pum puab, Nwg has rua puab tas, “Mej cale moog cuag cov povthawj hlub kuas puab tshuaj saib mej.” #Levi 14:1-32
Thaus puab taabtom taug kev moog, puab tej ruas cale zoo lawm.#17:14: cale zoo lawm: Saib 5:12. 15Puab cov ntawd muaj ib tug pum tas nwg tej ruas tub zoo taag lawm, nwg txawm rovqaab lug hab qw nrov-nrov qhuas Vaajtswv. 16Nwg txhuscaug ndlua ntawm Yexus kutaw hab ua Yexus tsaug. Tug ntawd yog tuabneeg Xamalis. 17Yexus has tas, “Muaj kaum leej tub zoo huv tuabsi lawm; cuaj leeg u ne, ho dlua twg lawm? 18Vim lecaag tsuas muaj tuabtug nuav kws yog Lwmtsaav Tuabneeg txhaj rov lug ua Vaajtswv tsaug xwb?” 19Tes Yexus txawm has rua tug ntawd tas, “Koj cale sawv hab moog; koj txuj kev ntseeg tub ua rua koj zoo lawm.”
Vaajtswv Lub Tebchaws Yuav Lug
(Mathais 24:23-28, 37-41)
20Cov Falixais muaj qeeleej nug Yexus has tas thaus twg Vaajtswv lub Tebchaws maamle lug? Yexus teb tas, “Vaajtswv lub Tebchaws yuav tsi lug zoole tej yaam dlaabtsi kws tuabneeg yuav pum tau. 21Tsi muaj leejtwg yuav has tas, ‘Mej saib seb, nwg nyob ntawm nuav!’ lossis ‘Nwg nyob tod!’; Ruaqhov Vaajtswv lub Tebchaws tub nyob rua huv mej lawm.”#17:21: nyob rua huv mej lawm; lossis nyob nruabnraab ntawm mej; lossis yuav cale tshwm lug rua ntawm mej.
22Yexus txawm has rua cov thwjtim tas, “Yeej yuav muaj ib lub sijhawm kws mej xaav pum nub kws Tuabneeg Leejtub rov lug, tabsis mej yuav tsi pum. 23Yuav muaj tuabneeg has rua mej has tas, ‘Mej moog saib tod seb!’ lossis ‘Mej lug saib ntawm nuav!’ Tabsis mej tsi xob moog hab tsi xob dlha lawv puab qaab. 24Nub kws Tuabneeg Leejtub lug, yuav zoole tsagligxub laim sau nruabntug, ib saab ntuj moog rua ib saab ntuj. 25Tabsis uantej ntawd, Nwg yuavtsum raug kev tsimtxom ntau yaam hab cov tuabneeg tam nuav yuav tsi leeg yuav Nwg.
26“Tam kws Nau-as ua neej nyob zoo lecaag, tes lub sijhawm kws Tuabneeg Leejtub lug yuav zoo ib yaam nkaus le ntawd. #Chiv 6:5-8 27Tej tuabneeg suavdlawg najnub noj hab haus, yuav quaspuj yuav quasyawg, hab ua tshoob ua kug moog txug ncua nub kws Nau-as nce moog rua huv nkoj, hab dlej lug nyaab tej tuabneeg ntawd tuag taag huv tuabsi. #Chiv 7:6-24 28Lub sijhawm kws Tuabneeg Leejtub lug yuav zoo ib yaam nkaus le tam kws Lauj nyob. Tej tuabneeg suavdlawg najnub noj hab haus, ua laag ua luam, cog qoob cog loo hab ua vaaj ua tsev. #Chiv 18:20—19:25 29Tabsis nub kws Lauj tawm huv lub nroog Xaudoos moog, txawm muaj nplaimtawg leejfaaj poob sau ntuj lug kub puab tuag taag huv tuabsi. 30Nub kws Tuabneeg Leejtub lug, yuav zoo ib yaam nkaus le ntawd.
31“Nub ntawd tug kws nyob sau ruvtsev, txheej tsev laagtshaav, tsi xob nqeg moog nqaa ib yaam dlaabtsi huv tsev tawm; ib yaam nkaus le ntawd, tug kws nyob tom teb lawm, tsi xob rov lug rua huv tsev. #Math 24:17-18; Malak 13:15-16 32Ncuntsoov txug Lauj tug quaspuj! #Chiv 19:26 33Tug kws xaav ceev nwg txujsa, tug ntawd yuav nplaam txujsa, tabsis tug kws yeem ca nwg txujsa tu, tug ntawd yuav tau txujsa. #Math 10:39; 16:25; Malak 8:35; Lukas 9:24; Yauh 12:25 34Kuv qha rua mej has tas, mo ntawd txawm yog ob tug tuabneeg pw ua ib txaag los yuav coj ib tug moog, yuav tseg ib tug ca. 35Ob tug quaspuj taabtom zumzeb uake los yuav coj ib tug moog, yuav tseg ib tug ca.” 36#17:36: Tej phoo ntawv qub kws xuas teg sau, ntxiv nqai 36 nuav rua: 2 tug txivneej kws tseem taabtom ua dlejnum tom teb los yuav coj ib tug moog, tseg ib tug ca (saib Mathais 24:40).
37Cov thwjtim nug Yexus has tas, “Tug Tswv, yuav muaj le ntawd nyob rua qhovtwg?”
Yexus teb tas, “Lub cev tuag nyob qhovtwg, tes dlaav lwjhau yuav sau nthwv moog rua qhov ntawd.”
Currently Selected:
Lukas 17: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Lukas 17
17
Kev Txhum
(Mathais 18:6-7, 21-22; Malakaus 9:42)
1Yexus has rua Nwg cov thwjtim has tas, “Txawm lecaag los yeej yuav muaj tej keeb kws ua rua tuabneeg ua txhum, tabsis tug kws xeeb lub keeb ntawd yuav raug kev puamtsuaj! 2Tug kws ua rua cov mivnyuas nuav ib tug ua txhum, cale muab hlua khi ib txhibzeb kws luj dlai rua tug ntawd cejdlaab hab muab nwg pov rua huv havtxwv kuj zoo dlua! 3Yogle ntawd, mej yuavtsum ceevfaaj txug yaam kws mej ua! #Math 18:15
“Yog koj ib tug kwvtij ua txhum rua koj, koj yuavtsum ntuag nwg. Yog nwg leeg kev txhum lawm, koj yuavtsum zaamtxim rua nwg. 4Yog ib nub nwg ua txhum rua koj xyaa zag, tabsis nwg yeej rov tuaj leeg rua koj txug xyaa zag has tas, ‘Kuv tau ua txhum lawm,’ los koj yuavtsum tau zaamtxim rua nwg.”
Kev Ntseeg
5Cov timthawj has rua tug Tswv tas, “Thov Koj ua kuas peb kev ntseeg luj tuaj.”
6Tug Tswv teb tas, “Yog mej muaj kev ntseeg luaj le ib lub noob maxataj, mej muaj peevxwm has rua tsob ntoo zaub kaab nuav tas, ‘Cale rhu hlo caag hab moog cog rua huv havtxwv!’ tes tsob ntoo zaub kaab ntawd yeej yuav noog mej has.
Tug Tubkhai Tegnum
7“Pevxaam has tas ib tug ntawm mej paab ko muaj ib tug tubkhai kws tseem laijlag lossis tseem yug yaaj. Thaus nwg rovqaab nraag laj lug, mej puas yuav has rua tug tubkhai ntawd tas, ‘Koj cale lug noj mov’? 8Mej yeej yuav tsi has le ntawd! Mej yuav has rua nwg tas, ‘Cale moog npaaj kuv pluag mo kuas txhij, muab dlaim ntaub thaiv xubndlag lug khi ntawm dluav hab dlaus zaub dlaus mov rua kuv thaus kuv tseem taabtom nojhaus; tomqaab ntawd koj maamle noj.’ 9Mej puas yuav ua tug tubkhai ntawd tsaug vim nwg ua lawvle qhov kws mej has kuas nwg ua? 10Mej los kuj ib yaam nkaus hab; thaus mej ua txhua yaam lawvle mej raug khaiv lawm, mej yuav has tas, ‘Peb yog ib co tubkhai kws tsi tseemceeb dlaabtsi, peb tsuas ua lawvle peb tegnum xwb.’ ”
Yexus Khu Kaum Tug Txivneej Mob Ruas
11Thaus Yexus moog nraag lub nroog Yeluxalees, Nwg tau taug kev lawv tug nrimteb xeev Xamalis hab xeev Kalilais moog. 12Thaus Nwg taabtom moog rua huv ib lub zog, txawm muaj kaum tug txivneej mob ruas#17:12: mob ruas: lug Kilis siv lulug nuav rua ntau yaam kaab mob kws yog mob phem-phem rua ntawm dlaim tawv nqaj, kuj yuav tsi yog kag mob ruas hab. lug ntsib Nwg. Puab sawv dleb-dleb 13hab hu nrov-nrov has tas, “Yexus, tug Tswv, thov Koj taabncuab peb hab lau!”
14Thaus Yexus pum puab, Nwg has rua puab tas, “Mej cale moog cuag cov povthawj hlub kuas puab tshuaj saib mej.” #Levi 14:1-32
Thaus puab taabtom taug kev moog, puab tej ruas cale zoo lawm.#17:14: cale zoo lawm: Saib 5:12. 15Puab cov ntawd muaj ib tug pum tas nwg tej ruas tub zoo taag lawm, nwg txawm rovqaab lug hab qw nrov-nrov qhuas Vaajtswv. 16Nwg txhuscaug ndlua ntawm Yexus kutaw hab ua Yexus tsaug. Tug ntawd yog tuabneeg Xamalis. 17Yexus has tas, “Muaj kaum leej tub zoo huv tuabsi lawm; cuaj leeg u ne, ho dlua twg lawm? 18Vim lecaag tsuas muaj tuabtug nuav kws yog Lwmtsaav Tuabneeg txhaj rov lug ua Vaajtswv tsaug xwb?” 19Tes Yexus txawm has rua tug ntawd tas, “Koj cale sawv hab moog; koj txuj kev ntseeg tub ua rua koj zoo lawm.”
Vaajtswv Lub Tebchaws Yuav Lug
(Mathais 24:23-28, 37-41)
20Cov Falixais muaj qeeleej nug Yexus has tas thaus twg Vaajtswv lub Tebchaws maamle lug? Yexus teb tas, “Vaajtswv lub Tebchaws yuav tsi lug zoole tej yaam dlaabtsi kws tuabneeg yuav pum tau. 21Tsi muaj leejtwg yuav has tas, ‘Mej saib seb, nwg nyob ntawm nuav!’ lossis ‘Nwg nyob tod!’; Ruaqhov Vaajtswv lub Tebchaws tub nyob rua huv mej lawm.”#17:21: nyob rua huv mej lawm; lossis nyob nruabnraab ntawm mej; lossis yuav cale tshwm lug rua ntawm mej.
22Yexus txawm has rua cov thwjtim tas, “Yeej yuav muaj ib lub sijhawm kws mej xaav pum nub kws Tuabneeg Leejtub rov lug, tabsis mej yuav tsi pum. 23Yuav muaj tuabneeg has rua mej has tas, ‘Mej moog saib tod seb!’ lossis ‘Mej lug saib ntawm nuav!’ Tabsis mej tsi xob moog hab tsi xob dlha lawv puab qaab. 24Nub kws Tuabneeg Leejtub lug, yuav zoole tsagligxub laim sau nruabntug, ib saab ntuj moog rua ib saab ntuj. 25Tabsis uantej ntawd, Nwg yuavtsum raug kev tsimtxom ntau yaam hab cov tuabneeg tam nuav yuav tsi leeg yuav Nwg.
26“Tam kws Nau-as ua neej nyob zoo lecaag, tes lub sijhawm kws Tuabneeg Leejtub lug yuav zoo ib yaam nkaus le ntawd. #Chiv 6:5-8 27Tej tuabneeg suavdlawg najnub noj hab haus, yuav quaspuj yuav quasyawg, hab ua tshoob ua kug moog txug ncua nub kws Nau-as nce moog rua huv nkoj, hab dlej lug nyaab tej tuabneeg ntawd tuag taag huv tuabsi. #Chiv 7:6-24 28Lub sijhawm kws Tuabneeg Leejtub lug yuav zoo ib yaam nkaus le tam kws Lauj nyob. Tej tuabneeg suavdlawg najnub noj hab haus, ua laag ua luam, cog qoob cog loo hab ua vaaj ua tsev. #Chiv 18:20—19:25 29Tabsis nub kws Lauj tawm huv lub nroog Xaudoos moog, txawm muaj nplaimtawg leejfaaj poob sau ntuj lug kub puab tuag taag huv tuabsi. 30Nub kws Tuabneeg Leejtub lug, yuav zoo ib yaam nkaus le ntawd.
31“Nub ntawd tug kws nyob sau ruvtsev, txheej tsev laagtshaav, tsi xob nqeg moog nqaa ib yaam dlaabtsi huv tsev tawm; ib yaam nkaus le ntawd, tug kws nyob tom teb lawm, tsi xob rov lug rua huv tsev. #Math 24:17-18; Malak 13:15-16 32Ncuntsoov txug Lauj tug quaspuj! #Chiv 19:26 33Tug kws xaav ceev nwg txujsa, tug ntawd yuav nplaam txujsa, tabsis tug kws yeem ca nwg txujsa tu, tug ntawd yuav tau txujsa. #Math 10:39; 16:25; Malak 8:35; Lukas 9:24; Yauh 12:25 34Kuv qha rua mej has tas, mo ntawd txawm yog ob tug tuabneeg pw ua ib txaag los yuav coj ib tug moog, yuav tseg ib tug ca. 35Ob tug quaspuj taabtom zumzeb uake los yuav coj ib tug moog, yuav tseg ib tug ca.” 36#17:36: Tej phoo ntawv qub kws xuas teg sau, ntxiv nqai 36 nuav rua: 2 tug txivneej kws tseem taabtom ua dlejnum tom teb los yuav coj ib tug moog, tseg ib tug ca (saib Mathais 24:40).
37Cov thwjtim nug Yexus has tas, “Tug Tswv, yuav muaj le ntawd nyob rua qhovtwg?”
Yexus teb tas, “Lub cev tuag nyob qhovtwg, tes dlaav lwjhau yuav sau nthwv moog rua qhov ntawd.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.