ປະຖົມມະການ 5
5
ເຊື້ອສາຍຂອງອາດາມ
(1 ຂຄ 1:1-4)
1ຕໍ່ໄປນີ້ ແມ່ນລາຍຊື່ປະຫວັດເຊື້ອສາຍຂອງອາດາມ. (ເມື່ອພຣະເຈົ້າໄດ້ສ້າງມະນຸດນັ້ນ ພຣະອົງໄດ້ສ້າງເຂົາໃຫ້ມີຮູບລັກສະນະຄືພຣະອົງ. 2ພຣະອົງໄດ້ສ້າງພວກເຂົາໃຫ້ເປັນເພດຊາຍ ແລະເພດຍິງ ອວຍພອນພວກເຂົາ ແລະຕັ້ງຊື່ໃຫ້ພວກເຂົາວ່າ, “ມະນຸດ”) 3ເມື່ອອາດາມອາຍຸໄດ້ 130 ປີ, ລາວມີລູກຊາຍຜູ້ໜຶ່ງຊື່ວ່າເຊດ ຜູ້ທີ່ຄ້າຍຄືກັບລາວເອງ. 4ຫລັງຈາກນັ້ນ ອາດາມຍັງມີອາຍຸຍືນຍາວມາອີກ 800 ປີ. ລາວມີລູກຊາຍຍິງອີກຫລາຍຄົນ 5ແລະໄດ້ຕາຍໄປເມື່ອລາວອາຍຸໄດ້ 930 ປີ.
6ເມື່ອເຊດອາຍຸໄດ້ 105 ປີ ລາວໄດ້ລູກຊາຍຜູ້ໜຶ່ງຊື່ວ່າ ເອໂນດ 7ແລະມີອາຍຸຍືນຍາວມາອີກ 807 ປີ. ເຊດມີລູກຊາຍຍິງຫລາຍຄົນ 8ແລະໄດ້ຕາຍໄປເມື່ອລາວອາຍຸໄດ້ 912 ປີ.
9ເມື່ອເອໂນດອາຍຸໄດ້ 90 ປີ ລາວໄດ້ລູກຊາຍຜູ້ໜຶ່ງຊື່ວ່າ ເກນານ 10ແລະມີອາຍຸຍືນຍາວມາອີກ 815 ປີ. ເອໂນດມີລູກຊາຍຍິງຫລາຍຄົນ 11ແລະໄດ້ຕາຍໄປເມື່ອລາວອາຍຸໄດ້ 905 ປີ.
12ເມື່ອເກນານອາຍຸໄດ້ 70 ປີ. ລາວໄດ້ລູກຊາຍຜູ້ໜຶ່ງຊື່ວ່າ ມະຫາລາເລນ 13ແລະມີອາຍຸຍືນຍາວມາອີກ 840 ປີ. ເກນານມີລູກຊາຍຍິງຫລາຍຄົນ 14ແລະໄດ້ຕາຍໄປເມື່ອລາວອາຍຸໄດ້ 910 ປີ.
15ເມື່ອມະຫາລາເລນອາຍຸໄດ້ 65 ປີ, ລາວໄດ້ລູກຊາຍຜູ້ໜຶ່ງຊື່ວ່າ ຢາເຣັດ 16ແລະມີອາຍຸຍືນຍາວມາອີກ 830 ປີ. ມະຫາລາເລນມີລູກຊາຍຍິງຫລາຍຄົນ 17ແລະໄດ້ຕາຍໄປເມື່ອລາວອາຍຸໄດ້ 895 ປີ.
18ເມື່ອຢາເຣັດອາຍຸໄດ້ 162 ປີ ລາວມີລູກຊາຍຜູ້ໜຶ່ງຊື່ວ່າ ເອນົກ 19ແລະມີອາຍຸຍືນຍາວມາອີກ 800 ປີ. ຢາເຣັດມີລູກຊາຍຍິງຫລາຍຄົນ 20ແລະໄດ້ຕາຍໄປເມື່ອລາວອາຍຸໄດ້ 962 ປີ.
21ເມື່ອເອນົກອາຍຸໄດ້ 65 ປີ. ລາວມີລູກຊາຍຜູ້ໜຶ່ງຊື່ວ່າ ເມທູເສລາ. 22ຫລັງຈາກນັ້ນ ເອນົກກໍໄດ້ຕິດຕາມພຣະເຈົ້າໄປຕື່ມອີກ 300 ປີ ແລະມີລູກຊາຍຍິງຫລາຍຄົນ. 23ເອນົກມີອາຍຸທັງໝົດ 365 ປີ. 24ລາວໄດ້ດຳເນີນຊີວິດໃນຄວາມສາມັກຄີທຳຕິດສະໜິດກັບພຣະເຈົ້າ ແລະລາວກໍໄດ້ຫາຍຕົວໄປ ເພາະພຣະເຈົ້າໄດ້ຮັບເອົາລາວໄປ.
25ເມື່ອເມທູເສລາອາຍຸໄດ້ 187 ປີ ລາວມີລູກຊາຍຜູ້ໜຶ່ງຊື່ວ່າ ລາເມັກ 26ແລະມີອາຍຸຍືນຍາວມາອີກ 782 ປີ. ເມທູເສລາມີລູກຊາຍຍິງຫລາຍຄົນ 27ແລະໄດ້ຕາຍໄປເມື່ອລາວອາຍຸໄດ້ 969 ປີ.
28ເມື່ອລາເມັກອາຍຸໄດ້ 182 ປີ ລາວມີລູກຊາຍຜູ້ໜຶ່ງ 29ແລະລາວເວົ້າວ່າ, “ເດັກນ້ອຍຜູ້ນີ້ຈະເລົ້າໂລມພວກເຮົາໃຫ້ຫາຍຄວາມອິດເມື່ອຍຈາກວຽກງານໜັກ ເນື່ອງຈາກພຣະເຈົ້າຢາເວໄດ້ສາບແຊ່ງດິນ.” ສະນັ້ນ ເພິ່ນຈຶ່ງໃສ່ຊື່ເດັກນ້ອຍນີ້ວ່າ ໂນອາ. 30ລາເມັກມີອາຍຸຍືນຍາວມາອີກ 595 ປີ ແລະມີລູກຊາຍຍິງຫລາຍຄົນ. 31ລາວໄດ້ຕາຍໄປເມື່ອລາວອາຍຸໄດ້ 777 ປີ.
32ເມື່ອໂນອາອາຍຸໄດ້ 500 ປີ ໂນອາມີລູກຊາຍສາມຄົນຄື: ເຊມ, ຮາມ ແລະຢາເຟດ.
Currently Selected:
ປະຖົມມະການ 5: ພຄພ
Highlight
Share
Copy
Want to have your highlights saved across all your devices? Sign up or sign in
@ 2012 United Bible Societies. All Rights Reserved.
