MARKO 16
16
Yesu Ɔta Ɔbɔrɛ I Makpise Ndɛ̃.
1Ikpɛnɛ nyɔare kutsuɛ gɔ Iwarãyi ɔɔro ne, Maria Magdalase gu Maria gɔ nɖe Yakobo ɔnyi gu Salome ɔsɛ maaɣa korobo sɔ maasɛ maasɔla Yesu. 2Ne ɔso gɔ kaɖe ɔɖaɛ ku Kɔsiɖa kaya ne, mata sɔ masɛ kabiarakɔ̃. 3-4Gɔ masɛ i ɔri ne, mato makarɛ so sɔ, “Nna loamɛrɛdza ita ɔɖi i iwo kanya ɔtã bo?” Makarɛ so ngbɔ alasɔ ita siare iɖe. Ɣɛɛ gɔ mabo mmɔ ne, manya sɔ ɔnyiiɔ ɔli ita sɛnɛkɛ̃ra ɔsɛ i kuruɛ. 5Ne ɔso maso mabo i iwo ame, ne manya ɔporoporoi ɔwɛ̃ si i kuɖearɔ̃ iso, ɔpia awu fudza futututu ne. Makpɛ̃ so.
6Ɔporoporoi gɔmɔ ɔɣere ma sɔ, “Midaanigã. Loɣe sɔ Yesu Nasaretse gɔ mapɛ mamatãra i kudziri iso mito mibie. Ɔna i ngbe! Ɔ̃ɔta, ɔpia ngbã! Minyɔ ngbegɔ marara wũ! 7Ne ɔso misɛ miaɣere ɔ̃ marasuãdze gu Petro ana sɔ, ‘Yesu ɔɔɖe mi katɔ̃ ɔkpa Galilea karɔ̃ iso. Mmɔ mianya wũ lɛ kumɛgɔ ɔɣɛ ɔsɛ ne.’ ”
8Ibara marɔ̃go magbe ɣii, ne marui i kabiarakɔ̃ mmɔ ku ifɔ̃ gu iti ikpakpa gu ise ne. Gɔ marui ne, maiwo kuwɛ̃ ɔɣere i ɔri iso, alasɔ ifɔ̃ ɔmɔɛ̃ ma.
Yesu Ɔɖi So Ɔte Maria Magdalase.
9Gɔ Yesu ɔta ɔbɔrɛ i makpise ame ku Kɔsiɖa kaya tutuutu ame ne, ɔɖe katɔ̃ ɔɖi so ɔte Maria Magdalase gɔ ame ɔsa siwarã lalaa ikɔdzɛ ɔɖi ɔnya. 10Ɔsɛ ɔ̃aɣere Yesu malaa sɔ, Yesu ɔɔta ɔwi gɔ ame mato mabiɛ mamararã so ala ɔ̃ kukpi ɔso. 11Gɔ Maria ɔɣere ma sɔ Yesu ɔɔta ɔpia ngbã ne ɔnya wũ ne, maifɔ wũ maɖe.
Yesu Ɔɖiso Ɔte Marasuãdze Inyɔ I Ɔri Iso.
12Ɔwi gɔgbe kama ne, Yesu ɔɖi so ɔte marasuãdze inyɔ ma nsɛ i Yerusalem ɔri. Mainya wũ maɖi ite i karɔ̃kasɛkɔ̃. 13Ɣɛɛ gɔ matsue ne, makpese masɛ maaɣere matsɔra. Ɣɛɛ ne, maifɔ ma maɖe.
Yesu Ɔɖi So Ɔte Marasuãdze Iweo-Ɔwɛ̃.
14Katsɔrakɔ̃ ne, Yesu ɔɖi so ɔte marasuãdze iweo-ɔwɛ̃ i aɖera kaɖekɔ̃. Ɔnyagalagu ma alasɔ mana kafɔkaɖe fiɛ ma atsue ba ɔle aɣede, fiɛ maifɔ mma lonya wũ maɖegu katɔ̃ maɖe sɔ ɔpia ngbã.
15Ɔɣere ma sɔ, “Mikɛlɛ kayi ɔɖuɖu ame si miɣɛ Ɣaa Itɔ̃me Bielea i maturi ɔɖuɖu ndɛ̃. 16Ɔbiara gɔ loafɔ Itɔ̃me Bielea nɛ ɔɖe, fiɛ ɔ̃afɔ Ɣaa itupie kubarara ne, ɔ̃ana iɖi. Ɣɛɛ ngɔ loifɔ ɔɖe ne, Ɣaa to ɔ̃atã wũ kukpi ipɔ. 17Akparĩ wagbe loasiai mma lofɔ maɖe ne. Maabara awawãra, maasa siwarã lalaa maɖi i wũ iyere ame. Maaɣɛ siɖe ɣɛtɛ agbãagbã dzɛ maiɣe fiɛ maisuã. 18Si mamɔɛ̃ aɣɛ ɣee si manɛ ndu lalaa ne, iibabara ma kuira. Si masia manyɛse nrɔɔ̃ i ati ne, maana isosarɛ.”
Ɣaa Ɔsu Yesu Ɔkɛlɛgu Kato.
19Gɔ Bosate Yesu ɔɖe ma aka wamɔ kama ne, Ɣaa ɔsu wũ ɔkɛlɛgu kato ɔsɛra i ɔ̃ kuɖearɔ̃ iso. 20Ɔ̃ masiaidze ana ɔki nrɔ̃ ɔɖuɖu iso maɣɛ ɔ̃ Itɔ̃me Bielea. Ne Bosate ɔwe i ma ame, ɔsɛgu ma sɔ maɖi ɔ̃ Itɔ̃me Bielea mate iki awawãra agbãagbã wa mabara i ɔ̃ ɔle ame ne.
Currently Selected:
MARKO 16: akp
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
MARKO 16
16
Yesu Ɔta Ɔbɔrɛ I Makpise Ndɛ̃.
1Ikpɛnɛ nyɔare kutsuɛ gɔ Iwarãyi ɔɔro ne, Maria Magdalase gu Maria gɔ nɖe Yakobo ɔnyi gu Salome ɔsɛ maaɣa korobo sɔ maasɛ maasɔla Yesu. 2Ne ɔso gɔ kaɖe ɔɖaɛ ku Kɔsiɖa kaya ne, mata sɔ masɛ kabiarakɔ̃. 3-4Gɔ masɛ i ɔri ne, mato makarɛ so sɔ, “Nna loamɛrɛdza ita ɔɖi i iwo kanya ɔtã bo?” Makarɛ so ngbɔ alasɔ ita siare iɖe. Ɣɛɛ gɔ mabo mmɔ ne, manya sɔ ɔnyiiɔ ɔli ita sɛnɛkɛ̃ra ɔsɛ i kuruɛ. 5Ne ɔso maso mabo i iwo ame, ne manya ɔporoporoi ɔwɛ̃ si i kuɖearɔ̃ iso, ɔpia awu fudza futututu ne. Makpɛ̃ so.
6Ɔporoporoi gɔmɔ ɔɣere ma sɔ, “Midaanigã. Loɣe sɔ Yesu Nasaretse gɔ mapɛ mamatãra i kudziri iso mito mibie. Ɔna i ngbe! Ɔ̃ɔta, ɔpia ngbã! Minyɔ ngbegɔ marara wũ! 7Ne ɔso misɛ miaɣere ɔ̃ marasuãdze gu Petro ana sɔ, ‘Yesu ɔɔɖe mi katɔ̃ ɔkpa Galilea karɔ̃ iso. Mmɔ mianya wũ lɛ kumɛgɔ ɔɣɛ ɔsɛ ne.’ ”
8Ibara marɔ̃go magbe ɣii, ne marui i kabiarakɔ̃ mmɔ ku ifɔ̃ gu iti ikpakpa gu ise ne. Gɔ marui ne, maiwo kuwɛ̃ ɔɣere i ɔri iso, alasɔ ifɔ̃ ɔmɔɛ̃ ma.
Yesu Ɔɖi So Ɔte Maria Magdalase.
9Gɔ Yesu ɔta ɔbɔrɛ i makpise ame ku Kɔsiɖa kaya tutuutu ame ne, ɔɖe katɔ̃ ɔɖi so ɔte Maria Magdalase gɔ ame ɔsa siwarã lalaa ikɔdzɛ ɔɖi ɔnya. 10Ɔsɛ ɔ̃aɣere Yesu malaa sɔ, Yesu ɔɔta ɔwi gɔ ame mato mabiɛ mamararã so ala ɔ̃ kukpi ɔso. 11Gɔ Maria ɔɣere ma sɔ Yesu ɔɔta ɔpia ngbã ne ɔnya wũ ne, maifɔ wũ maɖe.
Yesu Ɔɖiso Ɔte Marasuãdze Inyɔ I Ɔri Iso.
12Ɔwi gɔgbe kama ne, Yesu ɔɖi so ɔte marasuãdze inyɔ ma nsɛ i Yerusalem ɔri. Mainya wũ maɖi ite i karɔ̃kasɛkɔ̃. 13Ɣɛɛ gɔ matsue ne, makpese masɛ maaɣere matsɔra. Ɣɛɛ ne, maifɔ ma maɖe.
Yesu Ɔɖi So Ɔte Marasuãdze Iweo-Ɔwɛ̃.
14Katsɔrakɔ̃ ne, Yesu ɔɖi so ɔte marasuãdze iweo-ɔwɛ̃ i aɖera kaɖekɔ̃. Ɔnyagalagu ma alasɔ mana kafɔkaɖe fiɛ ma atsue ba ɔle aɣede, fiɛ maifɔ mma lonya wũ maɖegu katɔ̃ maɖe sɔ ɔpia ngbã.
15Ɔɣere ma sɔ, “Mikɛlɛ kayi ɔɖuɖu ame si miɣɛ Ɣaa Itɔ̃me Bielea i maturi ɔɖuɖu ndɛ̃. 16Ɔbiara gɔ loafɔ Itɔ̃me Bielea nɛ ɔɖe, fiɛ ɔ̃afɔ Ɣaa itupie kubarara ne, ɔ̃ana iɖi. Ɣɛɛ ngɔ loifɔ ɔɖe ne, Ɣaa to ɔ̃atã wũ kukpi ipɔ. 17Akparĩ wagbe loasiai mma lofɔ maɖe ne. Maabara awawãra, maasa siwarã lalaa maɖi i wũ iyere ame. Maaɣɛ siɖe ɣɛtɛ agbãagbã dzɛ maiɣe fiɛ maisuã. 18Si mamɔɛ̃ aɣɛ ɣee si manɛ ndu lalaa ne, iibabara ma kuira. Si masia manyɛse nrɔɔ̃ i ati ne, maana isosarɛ.”
Ɣaa Ɔsu Yesu Ɔkɛlɛgu Kato.
19Gɔ Bosate Yesu ɔɖe ma aka wamɔ kama ne, Ɣaa ɔsu wũ ɔkɛlɛgu kato ɔsɛra i ɔ̃ kuɖearɔ̃ iso. 20Ɔ̃ masiaidze ana ɔki nrɔ̃ ɔɖuɖu iso maɣɛ ɔ̃ Itɔ̃me Bielea. Ne Bosate ɔwe i ma ame, ɔsɛgu ma sɔ maɖi ɔ̃ Itɔ̃me Bielea mate iki awawãra agbãagbã wa mabara i ɔ̃ ɔle ame ne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.