Genesis 20
20
1 Tha Abrahàm ag àicheadh a mhnatha Sàrah, agus Abimelech ga gabhail da ionnsaigh fhèin. 6 Ach air faotainn rabhaidh o Dhia ann an aisling, tha e ga toirt air a h‑ais dha.
1Agus dh’imich Abrahàm as a sin don tìr mu dheas, agus ghabh e còmhnaidh eadar Cadeis agus Sur#Gen 16:7, 14, agus bha e air chuairt ann an Gèrar#Gen 26:6.
2Agus thubhairt Abrahàm mu Shàrah a bhean, Is i mo phiuthar i#Gen 12:13; 26:7: agus chuir Abimelech righ Ghèrair teachdaire uaithe, agus ghabh e Sàrah.
3Agus thàinig Dia gu Abimelech ann an aisling#Iob 33:15; Salm 105:14 anns an oidhche, agus thubhairt e ris, Feuch, is duine marbh thu airson na mnà a ghabh thu; oir is bean duine eile i.
4Ach cha tàinig Abimelech am fagas dhi: agus thubhairt e, A Thighearna, am marbh thu mar an ceudna cinneach ionraic#1 Each 21:17?
5Nach dubhairt esan riumsa, Is i mo phiuthar i? Agus thubhairt ise, eadhon ise fhèin, Is e mo bhràthair e: ann an treibhdhireas mo chridhe#2 Rìgh 20:3; 2 Cor 1:12; 1 Tim 1:13, agus ann an neochiontas mo làmh, rinn mi seo.
6Agus thubhairt Dia ris ann an aisling, Seadh, tha fhios agam gur ann an treibhdhireas do chridhe a rinn thu seo, agus chùm mise mar an ceudna thu o pheacachadh#Gen 31:7; 35:5 am aghaidh#Salm 51:4: uime sin cha do leig mi leat beantainn rithe.
7A‑nis, matà, thoir air a h‑ais don duine a bhean; oir is fàidh e, agus nì e ùrnaigh air do shon#1 Sam 7:5; Iob 42:8; Seum 5:16, agus bidh tu beò: ach mura toir thu air a h‑ais i, biodh fhios agad gum faigh thu bàs gu cinnteach, thu fhèin agus gach uile as leat.
8Uime sin dh’èirich Abimelech moch anns a’ mhadainn, agus ghairm e a sheirbhisich uile, agus dh’aithris e na nithean sin uile nan èisdeachd: agus bha eagal mòr air na daoine.
9An sin ghairm Abimelech air Abrahàm, agus thubhairt e ris, Ciod e seo a rinn thu oirnn? Agus ciod an eucoir a rinn mise ort, gun tug thu ormsa agus air mo rìoghachd#Ecs 32:21; Ios 7:25 peacadh mòr? Rinn thu gnìomharan ormsa nach bu chòir a dhèanamh#Gen 34:7.
10Agus thubhairt Abimelech ri Abrahàm, Ciod a chunnaic thu, gun do rinn thu an nì seo?
11Agus thubhairt Abrahàm, A chionn gun dubhairt mi annam fhèin, Gu cinnteach chan eil eagal an Tighearna anns an ionad seo#Neh 5:15; Salm 36:1; Gnà 16:6; agus marbhaidh iad mi airson mo mhnà.
12Agus gidheadh is i gu deimhinn mo phiuthar#Gen 11:29, nighean m’athar, i, ach chan i nighean mo mhàthar; agus bha i agam mar mhnaoi.
13Agus nuair a thug Dia orm dol air m’aineol o thaigh m’athar, an sin thubhairt mi rithe, Is e seo do choibhneas a nochdas tu dhòmhsa; anns gach àite don tig sinn, abair mum thimcheall, Is e mo bhràthair e.
14Agus ghabh Abimelech caoraich agus buar agus òglaich agus banoglaich, agus thug e iad do Abrahàm, agus thug e air a h‑ais dha Sàrah a bhean.
15Agus thubhairt Abimelech, Feuch, tha m’ fhearann fad chomhair#Gen 47:6: gabh còmhnaidh far an taitneach leat.
16Agus ri Sàrah thubhairt e, Feuch, thug mi mìle bonn airgid dod bhràthair: feuch, tha e dhutsa na chòmhdachadh sùl do gach uile a tha maille riut, agus maille ris gach uile: mar seo fhuair i achmhasan#Gnà 12:1; 25:12; Tais 3:19.
17Agus rinn Abrahàm ùrnaigh ri Dia: agus leighis Dia Abimelech agus a bhean agus a bhanoglaich; agus rug iad clann.
18Oir dhruid an Tighearna suas gach bolg ann an teaghlach Abimeleich#Gen 12:17; 1 Sam 1:6, airson Shàrah bean Abrahàim.
Currently Selected:
Genesis 20: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017
