Luka 17
17
Yafa tuma bɛɛ
(Mat 18.6-7,21-22; Mar 9.42)
1Yezu y'a fɔ a ka kalandenw ye ko: «Wajibi lo sababu bena sɔrɔ min b'a to mɔgɔw kunna be cɛn, nga mɔgɔ min bena kɛ o sababu nin ye, bɔnɛ be o tigi ye. 2Ni mɔgɔ dɔ kɛra sababu ye ka denmisɛn nunu dɔ kunna cɛn, yanni a tigi k'o kɛ, ni kabakuru belebeleba tun sirila a kaan na k'a fili kɔgɔji kɔnɔ, o tun ka fisa a ma. 3#Mat 18.15 Aw k'aw yɛrɛw kɔlɔsi o koow la.
«N'i balima y'i hakɛ ta, i k'a ka filiyɔrɔ fɔ a ye. N'a nimisara, yafa a ma. 4N'a y'i hakɛ ta siɲɛ wolonwula tile kelen kɔnɔ, n'a segira i fɛ a siɲɛ wolonwula bɛɛ la ko i ka yafa ale ma, i ka yafa a ma.»
Yezu ka kalandenw ka koo
(Mat 17.20)
5Cidenw y'a fɔ Matigi ye ko: «Matigi, dɔ fara an ka lanaya kan.»
6A y'a fɔ u ye ko: «N'aw tun be la ne la dɔɔni dɔrɔn, hali n'o lanaya boɲa tun be mutaridikisɛ bɔ, aw tun bena se k'a fɔ yiriba nin ye ko a ka bɔn ka bɔ yan ka taga yɛrɛ tutu kɔgɔji la. A tun bena sɔn aw ta ma.
7«Ni baaraden b'aw dɔ fɛ, n'a be sɛnɛ kɛ, walima n'a be begɛnw le kɔlɔsi, n'a segira ka bɔ kongo la tuma min na, a tigi ben'a fɔ a ye ko a ka teliya ka na aw be dumuni kɛ wa? 8Ayi. A ben'a fɔ o baaraden ye ko a k'a cɛɛ siri ka dumuni labɛn k'a d'a ma. Ko ni ale tilara dumuni na tuma min na, o kɔ a fana be sɔrɔ ka dumuni kɛ ka minni kɛ. 9Yala a bena barika la o baaraden ye bari a y'a ka baara kɛta kɛ wa? N ma la o la. 10O cogo la, baara min kalifara aw fana ma, n'aw y'o dama kɛ, aw k'a fɔ aw yɛrɛ ye ko aw te foyi ɲa.»
Yezu be farisogobanatigi mɔgɔ tan kɛnɛya
11Yezu tun be tagara Zeruzalɛmu, a ye Galile ni Samari mara cɛɛ tigɛ. 12A tun be ɲini ka don dugu dɔ kɔnɔ, farisogobanatigi mɔgɔ tan tagar'a kunbɛn. U lɔra yɔrɔjan ka furancɛ dɔɔni to u ni Yezu cɛ. U y'u kaan kɔrɔta k'a fɔ ko: 13«Karamɔgɔ Yezu, makari an na.»
14 #
Sar 14.1-32
Yezu y'u ye, a y'a fɔ u ye k'u ka taga u yɛrɛw yira sarakalasebagaw la. K'u to o sira kan, u bɛɛ kɛnɛyara. 15U dɔ y'a ye ko a kɛnɛyara minkɛ, a segitɔ ka taga Yezu fɛ, a tora ka Ala tanu kosɔbɛ. 16A sera Yezu fɛ, a y'a kunbiri gwan a kɔrɔ k'a ɲaa biri duguma ka barika la a ye, k'a sɔrɔ o cɛɛ tun ye Samarika ye. 17O tuma na, Yezu y'a fɔ ko: «Mɔgɔ tan bɛɛ ma kɛnɛya wa? U tɔɔ kɔnɔntɔn nunu be min? 18U si ma kɔsegi ka na Ala tanu ni lonancɛ nin kelen tɛ!» 19O kɔ, a y'a fɔ cɛɛ nin ye ko: «I kisira i ka lanaya barika la. Wili ka taga.»
Mɔgɔ Dencɛ segiko
20 *Fariziɲɛw ye Yezu ɲininga ko Ala ka masaya bena na tuma jumɛn. A y'u jaabi ko: «O tena kɛ i n'a fɔ mɔgɔw ta be ye cogo min na. 21U ten'a fɔ fana ko: ‹A filɛ yan› walima: ‹A filɛ yen fɛ›, bari Ala sigira a ka masaya la aw cɛma ka ban.»
22O kɔ, a y'a fɔ kalandenw ye ko: «Loon dɔ bena se, a bena diya aw ye ka Mɔgɔ Dencɛ ye, nga aw ten'a ye.
23«Mɔgɔw ben'a fɔ aw ye ko: ‹A be yan,› walima: ‹A be yen fɛ.› Aw kana tugu u kɔ dɛ! 24Saan be manamana ka kɛnɛ bɔ sankolo faan kelen na ka ye a faan dɔ la cogo min na, Mɔgɔ Dencɛ fana bena kɛ ten a nalon na. 25Nga sanni o loon ka se, wajibi lo a ka tɔɔrɔ kosɔbɛ ani bii mɔgɔw ka ban a la.
26 #
Kod 6.5-8
«Koo min tun kɛra Nuhun ka tile la, o ɲɔgɔn bena kɛ fana Mɔgɔ Dencɛ natuma na. 27#Kod 7.6-24 Mɔgɔw tun be dumunibabaw kɛ ka minni kɛ, ani ka furu fɔɔ ka taga se Nuhun donlon ma kurunba kɔnɔ. O tuma na, sanjiba nana k'u bɛɛ halaki. 28#Kod 18.20—19.25 A bena kɛ o cogo kelen na i n'a fɔ Lɔti ka waati la. Mɔgɔw tun be dumunibabaw kɛ, ka minni kɛ, ka sanni ni feereli kɛ, ka sɛnɛ kɛ, ka soow lɔ. 29Nga Lɔti bɔra Sodɔmu dugu kɔnɔ loon min na, Ala y'u bɛɛ halaki ni tasuma ni kiribi ye ka bɔ sankolo la. 30Mɔgɔ Dencɛ bena segi loon min na, a bena kɛ ten fana.
31 #
Mat 24.17-18; Mar 13.15-16 «O loon na, n'o kɛra ka mɔgɔ min sɔrɔ a ka boon kunna, n'a ka minanw be soo kɔnɔ, a kana jigi k'u ta. N'o y'a sɔrɔ ni min be foro la, o tigi kana kɔsegi tugu. 32#Kod 19.26 Koo min kɛra Lɔti ka muso la, aw k'aw hakili jigi o la. 33#Mat 10.39; 16.25; Mar 8.35; Luka 9.24; Zan 12.25 Mɔgɔ min b'a fɛ k'a nii kisi, o tigi bena bɔnɔ a la. Nga ni min bɔnɔna a nii la, o tigi ben'a nii kisi. 34Ne b'a fɔ aw ye k'o loon sufɛ, ni mɔgɔ fila be dilan kelen kan, u bena kelen ta ka kelen to yen. 35Muso fila bena to sinni na yɔrɔ kelen, u bena kelen ta ka kelen to yen. [ 36Cɛɛ fila bena sɔrɔ foro kelen kɔnɔ, u bena kelen ta ka kelen to yen.]»
37Kalandenw y'a ɲininga ko: «O bena kɛ yɔrɔ jumɛn, Matigi?» A y'u jaabi ko: «Ni fɛnsu be yɔrɔ min na, dugaw be lajɛn o yɔrɔ le la.»
Currently Selected:
Luka 17: AKKDC08
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.
Luka 17
17
Yafa tuma bɛɛ
(Mat 18.6-7,21-22; Mar 9.42)
1Yezu y'a fɔ a ka kalandenw ye ko: «Wajibi lo sababu bena sɔrɔ min b'a to mɔgɔw kunna be cɛn, nga mɔgɔ min bena kɛ o sababu nin ye, bɔnɛ be o tigi ye. 2Ni mɔgɔ dɔ kɛra sababu ye ka denmisɛn nunu dɔ kunna cɛn, yanni a tigi k'o kɛ, ni kabakuru belebeleba tun sirila a kaan na k'a fili kɔgɔji kɔnɔ, o tun ka fisa a ma. 3#Mat 18.15 Aw k'aw yɛrɛw kɔlɔsi o koow la.
«N'i balima y'i hakɛ ta, i k'a ka filiyɔrɔ fɔ a ye. N'a nimisara, yafa a ma. 4N'a y'i hakɛ ta siɲɛ wolonwula tile kelen kɔnɔ, n'a segira i fɛ a siɲɛ wolonwula bɛɛ la ko i ka yafa ale ma, i ka yafa a ma.»
Yezu ka kalandenw ka koo
(Mat 17.20)
5Cidenw y'a fɔ Matigi ye ko: «Matigi, dɔ fara an ka lanaya kan.»
6A y'a fɔ u ye ko: «N'aw tun be la ne la dɔɔni dɔrɔn, hali n'o lanaya boɲa tun be mutaridikisɛ bɔ, aw tun bena se k'a fɔ yiriba nin ye ko a ka bɔn ka bɔ yan ka taga yɛrɛ tutu kɔgɔji la. A tun bena sɔn aw ta ma.
7«Ni baaraden b'aw dɔ fɛ, n'a be sɛnɛ kɛ, walima n'a be begɛnw le kɔlɔsi, n'a segira ka bɔ kongo la tuma min na, a tigi ben'a fɔ a ye ko a ka teliya ka na aw be dumuni kɛ wa? 8Ayi. A ben'a fɔ o baaraden ye ko a k'a cɛɛ siri ka dumuni labɛn k'a d'a ma. Ko ni ale tilara dumuni na tuma min na, o kɔ a fana be sɔrɔ ka dumuni kɛ ka minni kɛ. 9Yala a bena barika la o baaraden ye bari a y'a ka baara kɛta kɛ wa? N ma la o la. 10O cogo la, baara min kalifara aw fana ma, n'aw y'o dama kɛ, aw k'a fɔ aw yɛrɛ ye ko aw te foyi ɲa.»
Yezu be farisogobanatigi mɔgɔ tan kɛnɛya
11Yezu tun be tagara Zeruzalɛmu, a ye Galile ni Samari mara cɛɛ tigɛ. 12A tun be ɲini ka don dugu dɔ kɔnɔ, farisogobanatigi mɔgɔ tan tagar'a kunbɛn. U lɔra yɔrɔjan ka furancɛ dɔɔni to u ni Yezu cɛ. U y'u kaan kɔrɔta k'a fɔ ko: 13«Karamɔgɔ Yezu, makari an na.»
14 #
Sar 14.1-32
Yezu y'u ye, a y'a fɔ u ye k'u ka taga u yɛrɛw yira sarakalasebagaw la. K'u to o sira kan, u bɛɛ kɛnɛyara. 15U dɔ y'a ye ko a kɛnɛyara minkɛ, a segitɔ ka taga Yezu fɛ, a tora ka Ala tanu kosɔbɛ. 16A sera Yezu fɛ, a y'a kunbiri gwan a kɔrɔ k'a ɲaa biri duguma ka barika la a ye, k'a sɔrɔ o cɛɛ tun ye Samarika ye. 17O tuma na, Yezu y'a fɔ ko: «Mɔgɔ tan bɛɛ ma kɛnɛya wa? U tɔɔ kɔnɔntɔn nunu be min? 18U si ma kɔsegi ka na Ala tanu ni lonancɛ nin kelen tɛ!» 19O kɔ, a y'a fɔ cɛɛ nin ye ko: «I kisira i ka lanaya barika la. Wili ka taga.»
Mɔgɔ Dencɛ segiko
20 *Fariziɲɛw ye Yezu ɲininga ko Ala ka masaya bena na tuma jumɛn. A y'u jaabi ko: «O tena kɛ i n'a fɔ mɔgɔw ta be ye cogo min na. 21U ten'a fɔ fana ko: ‹A filɛ yan› walima: ‹A filɛ yen fɛ›, bari Ala sigira a ka masaya la aw cɛma ka ban.»
22O kɔ, a y'a fɔ kalandenw ye ko: «Loon dɔ bena se, a bena diya aw ye ka Mɔgɔ Dencɛ ye, nga aw ten'a ye.
23«Mɔgɔw ben'a fɔ aw ye ko: ‹A be yan,› walima: ‹A be yen fɛ.› Aw kana tugu u kɔ dɛ! 24Saan be manamana ka kɛnɛ bɔ sankolo faan kelen na ka ye a faan dɔ la cogo min na, Mɔgɔ Dencɛ fana bena kɛ ten a nalon na. 25Nga sanni o loon ka se, wajibi lo a ka tɔɔrɔ kosɔbɛ ani bii mɔgɔw ka ban a la.
26 #
Kod 6.5-8
«Koo min tun kɛra Nuhun ka tile la, o ɲɔgɔn bena kɛ fana Mɔgɔ Dencɛ natuma na. 27#Kod 7.6-24 Mɔgɔw tun be dumunibabaw kɛ ka minni kɛ, ani ka furu fɔɔ ka taga se Nuhun donlon ma kurunba kɔnɔ. O tuma na, sanjiba nana k'u bɛɛ halaki. 28#Kod 18.20—19.25 A bena kɛ o cogo kelen na i n'a fɔ Lɔti ka waati la. Mɔgɔw tun be dumunibabaw kɛ, ka minni kɛ, ka sanni ni feereli kɛ, ka sɛnɛ kɛ, ka soow lɔ. 29Nga Lɔti bɔra Sodɔmu dugu kɔnɔ loon min na, Ala y'u bɛɛ halaki ni tasuma ni kiribi ye ka bɔ sankolo la. 30Mɔgɔ Dencɛ bena segi loon min na, a bena kɛ ten fana.
31 #
Mat 24.17-18; Mar 13.15-16 «O loon na, n'o kɛra ka mɔgɔ min sɔrɔ a ka boon kunna, n'a ka minanw be soo kɔnɔ, a kana jigi k'u ta. N'o y'a sɔrɔ ni min be foro la, o tigi kana kɔsegi tugu. 32#Kod 19.26 Koo min kɛra Lɔti ka muso la, aw k'aw hakili jigi o la. 33#Mat 10.39; 16.25; Mar 8.35; Luka 9.24; Zan 12.25 Mɔgɔ min b'a fɛ k'a nii kisi, o tigi bena bɔnɔ a la. Nga ni min bɔnɔna a nii la, o tigi ben'a nii kisi. 34Ne b'a fɔ aw ye k'o loon sufɛ, ni mɔgɔ fila be dilan kelen kan, u bena kelen ta ka kelen to yen. 35Muso fila bena to sinni na yɔrɔ kelen, u bena kelen ta ka kelen to yen. [ 36Cɛɛ fila bena sɔrɔ foro kelen kɔnɔ, u bena kelen ta ka kelen to yen.]»
37Kalandenw y'a ɲininga ko: «O bena kɛ yɔrɔ jumɛn, Matigi?» A y'u jaabi ko: «Ni fɛnsu be yɔrɔ min na, dugaw be lajɛn o yɔrɔ le la.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.