Luka 20:46-47

«Aw ka aw yɛrɛw kɔlɔsi sariya karamɔgɔw la. Ka forocaw don ka yaala, o ka d'u ye, u b'a fɛ fana ko mɔgɔw k'u fo i n'a fɔ mɔgɔbabaw, jamayɔrɔ la. Ka sigi ɲafɛ, mɔgɔbabaw ka sigiyɔrɔ la, kalansow kɔnɔ ani jama ka dumunikɛyɔrɔw la, o fana ka d'u ye. Olu le be firiyamusow bololafɛnw bɛɛ bɔsi u la. O kɔ, u be mɛn Ala daalili la janko mɔgɔw k'u filɛ mɔgɔɲumanw ye. Olu ka jalaki tɔɔrɔ bena juguya kosɔbɛ.»