Luka 4
4
Sutana be Yezu nigɛ ka dɛsɛ
(Mat 4.1-11; Mar 1.12-13)
1Yezu fanin tun be Nii Senuman na. A bɔra Zurudɛn baji daa la ka taga kongokolon kɔnɔ. Nii Senuman tun b'a taayɔrɔ yira a la. 2Sutana y'a kɔrɔbɔ tile bi naani kɔnɔ. A ma dumuni si kɛ o tile bi naani kɔnɔ. O loonw tɛmɛnin kɔ, kɔngɔ y'a minɛ.
3O tuma na, Sutana y'a fɔ a ye ko: «N'i ye Ala Deen ye, a fɔ ko kabakuru nin ka yɛlɛma ka kɛ buru ye.»
4 #
Sad 8.3
Yezu y'a jaabi ko: «A fɔra Ala ka kuma na ko: ‹Mɔgɔ te balo ni dumunifɛn dama ye.› »
5O kɔ, Sutana tagara n'a ye kulu jamanjan dɔ kan ka diɲɛ jamanaw bɛɛ yira a la yɔrɔnin kelen, 6k'a fɔ a ye ko: «Ne bena nin bɛɛ kuntigiya n'a nafolo d'i ma. Ni ne b'a fɛ k'a di mɔgɔ min ma, ne b'a di o tigi ma, bari a bɛɛ ye ne ta ye. 7O la, ni e kɔni y'i kunbiri gwan ne kɔrɔ ka ne bato, a bɛɛ bena kɛ i ta ye.»
8 #
Sad 6.13
Yezu y'a jaabi ko: «A fɔra Ala ka kuma na ko: ‹I ka Matigi i ka Ala bato, ka baara kɛ ale kelenpe ye.› »
9A laban na, Sutana tagara n'a ye Zeruzalɛmu Alabatosoba kuun na, k'a fɔ a ye ko: «N'i ye Ala Deen ye, pan ka cun duguma, 10#Dal 91.11 bari a fɔra Ala ka kuma na ko: ‹A bena cii di a ka mɛlɛkɛw ma i koo la ko u ka janto i la.› 11#Dal 91.12 A fɔra yen fana ko: ‹U bena i ta u bolo la janko i seen kana gosi kabakuru la.› »
12 #
Sad 6.16
Yezu y'a jaabi ko: «A fɔra Ala ka kuma na fana ko: ‹I kana Matigi i ka Ala kɔrɔbɔ.› »
13Sutana y'a nigɛ cogo bɛɛ la ka dɛsɛ tuma min na, a tagara k'a to fɔlɔ.
Yezu b'a ka baara daminɛ Galile
(Mat 4.12-17; Mar 1.14-15)
14Yezu segira ka taga Galile mara la ni Nii Senuman ka sebagaya ye. A tɔgɔ bɔra o mara yɔrɔ bɛɛ la. 15A tun be mɔgɔw kalan zuwifuw ka kalansow kɔnɔ, mɔgɔw bɛɛ tun b'a boɲa.
Yezu ka dugu mɔgɔw ma la a la
(Mat 13.54-58; Mar 6.1-6)
16Yezu tagara Nazarɛti a mɔna dugu min na. Lafiɲɛlon, a donna kalanso kɔnɔ i n'a fɔ a tun be to k'a kɛ cogo min na. A wilila waasa ka kitabu kalan. 17Kira Ezayi ye kitabu min sɛbɛn, o dira a ma. A y'a dayɛlɛ ka yɔrɔ dɔ kalan. A sɛbɛnnin be yen ko:
18 #
Eza 61.1-2
«Matigi ka Nii be ne fɛ,
bari a ye ne woloma ka kibaru diman fɔ fantanw ye.
A ye ne ci ko n k'a fɔ jɔɔnw ye k'u bena hɔrɔnya,
ko n k'a fɔ fiɲɛntɔw ye k'u ɲaa bena yɛlɛ,
ko n ka mɔgɔtɔɔrɔninw bɔ u juguw bolo k'u bila,
19Matigi ben'a ka ɲumanya kɛ saan min na,
ko n k'o fɔ mɔgɔw ye.»
20O kɔ, Yezu ye kitabu datugu k'a di kalanso kɔlɔsibaga ma ka sigi. Mɔgɔ minw tun be yen, u bɛɛ y'u ɲaa basa a la. 21O tuma na, a ye kuma ta k'a fɔ u ye ko: «Aw ye kitabu nin kɔnɔnakuma minw mɛn sisan, o koow kɛra ka dafa bii.»
22U bɛɛ tun b'a tɔgɔɲuman fɔ. Yezu ka kumaɲuman ye u bɛɛ kabakoya, fɔɔ u tun b'a fɔ ko: «Nin te Yusufu dencɛ ye wa?»
23Yezu y'a fɔ u ye ko: «Siga t'a la, aw bena talen nin la ne ye ko: ‹Furakɛla, i yɛrɛ kɛnɛya sa.› Aw bena a fɔ ne ye fana ko: ‹I ye koo minw bɛɛ kɛ Kafaranamu, an y'o mɛn, i k'o ɲɔgɔnw kɛ yan fana i yɛrɛ ka dugu la.›
24 #
Zan 4.44
«Tiɲɛ na, ne b'a fɔ aw ye ko kira si te minɛ ka ɲa a yɛrɛ ka dugu la.» 25#Mas fɔlɔ 17.1 O kɔ, a y'a fɔ u ye ko: «Ne b'a fɔ aw ye ko kira Eli ka tile la, sanji banna ka na saan saba ni tilan kɔnɔ, tuma min na kɔngɔba tun donna jamana yɔrɔ bɛɛ la. Firiyamuso caaman tun be Isirayɛli jamana na, 26#Mas fɔlɔ 17.8-16 nga Ala ma kira Eli ci u si fɛ. A y'a ci firiyamuso dɔ fɛ Sarɛpita, Sidɔn mara la. 27#Mas 2nan 5.1-14 Farisogobana tun be mɔgɔ caaman na Isirayɛli, kira Elize ka tile la fana, nga u si ma kɛnɛya, fɔɔ Naman ka bɔ Siri jamana na.»
28Kalanso kɔnɔ mɔgɔw y'o kuma nunu mɛn tuma min na, u dimina kosɔbɛ. 29U wilila ka Yezu minɛ ka bɔ n'a ye dugu kɔnɔ ni fanga ye. U ka dugu siginin be kulu min gɛrɛn na, u tagara n'a ye o kunna. U tun b'a fɛ k'a ɲɔti ka ben fɔɔ duguma. 30Nga Yezu kɔni tɛmɛna u furancɛ la ka taga.
Yezu be jinatɔ dɔ kɛnɛya
(Mat 7.28-29; Mar 1.21-28)
31Yezu tagara Galile mara dugu dɔ la, min tɔgɔ ko Kafaranamu. A tun be mɔgɔw kalanna lafiɲɛlon na yen. 32U kabakoyara a ka mɔgɔ kalancogo la, bari a tun be kuma i n'a fɔ fanga be mɔgɔ min bolo. 33Jinatɔ dɔ tun be u fɛ kalanso kɔnɔ. O cɛɛ nin pɛrɛnna kosɔbɛ ko: 34«Ee! Mun be an ni e cɛ? Nazarɛtika Yezu, i nana k'an halaki wa? I ye mɔgɔ min ye, ne b'o lɔn. I ye Ala ka ciden senuman ye.»
35Yezu jamana a kunna k'a fɔ a ye ko: «I daje! Bɔ cɛɛ nin na.» Jina ye cɛɛ ta k'a ben duguma u cɛma ka bɔ a la. Nga foyi ma kɛ cɛɛ la.
36Mɔgɔ bɛɛ kabakoyara fɔɔ u tun be ɲɔgɔn ɲininga ko: «Haan! Nin ye mun kuma ye? A be kuma jinaw fɛ ni fanga ni setigiya ye. U be bɔ mɔgɔw la fana.» 37O sababu fɛ, Yezu tɔgɔ bɔra o mara yɔrɔ bɛɛ la.
Yezu be banabagatɔ caaman kɛnɛya
(Mat 8.14-17; Mar 1.29-34)
38Yezu bɔra kalanso kɔnɔ ka taga Simɔn ka soo. Simɔn biranmuso tɔɔrɔnin tun be farigwan bolo kosɔbɛ. U ye Yezu daali ko a k'a kɛnɛya. 39Yezu tagara biri a kunna k'a fɔ ko a ka kɛnɛya. Farigwan banna. A wilila o yɔrɔnin bɛɛ k'u mako ɲa.
40Tilekun donnin kɔ, mɔgɔw tagara Yezu sɛgɛrɛ n'u ka banabagatɔw bɛɛ ye. A y'a bolo la u kelen kelen bɛɛ kan k'u kɛnɛya. 41Jinaw fana bɔra mɔgɔ caaman na. U bɔtɔ, u tun be pɛrɛn ko: «I ye Ala Dencɛ ye.» Nga Yezu ye kangari la u ye. A tun te sɔn u ka kuma, bari olu tun b'a lɔn ko Ala ka Mɔgɔ wolomanin nin lo.
Yezu cikun
(Mar 1.35-39; Mat 4.23)
42Dugu gwɛra dɔrɔn, Yezu bɔra ka taga yɔrɔmalanin dɔ la. Jama y'a daminɛ k'a yɔrɔ ɲini. U tagar'a ye tuma min na, u y'a daali ko a ka to u kɔrɔ, ko a kana taga yɔrɔjan. 43Nga a y'a fɔ u ye ko: «Ne ka kan ka Ala ka masaya kibaru diman fɔ dugu tɔw la fana, bari ne cikun ye o le ye.»
44O la, a tun be waajuli kɛ kalansow kɔnɔ Zude mara la.
Currently Selected:
Luka 4: AKKDC08
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.
Luka 4
4
Sutana be Yezu nigɛ ka dɛsɛ
(Mat 4.1-11; Mar 1.12-13)
1Yezu fanin tun be Nii Senuman na. A bɔra Zurudɛn baji daa la ka taga kongokolon kɔnɔ. Nii Senuman tun b'a taayɔrɔ yira a la. 2Sutana y'a kɔrɔbɔ tile bi naani kɔnɔ. A ma dumuni si kɛ o tile bi naani kɔnɔ. O loonw tɛmɛnin kɔ, kɔngɔ y'a minɛ.
3O tuma na, Sutana y'a fɔ a ye ko: «N'i ye Ala Deen ye, a fɔ ko kabakuru nin ka yɛlɛma ka kɛ buru ye.»
4 #
Sad 8.3
Yezu y'a jaabi ko: «A fɔra Ala ka kuma na ko: ‹Mɔgɔ te balo ni dumunifɛn dama ye.› »
5O kɔ, Sutana tagara n'a ye kulu jamanjan dɔ kan ka diɲɛ jamanaw bɛɛ yira a la yɔrɔnin kelen, 6k'a fɔ a ye ko: «Ne bena nin bɛɛ kuntigiya n'a nafolo d'i ma. Ni ne b'a fɛ k'a di mɔgɔ min ma, ne b'a di o tigi ma, bari a bɛɛ ye ne ta ye. 7O la, ni e kɔni y'i kunbiri gwan ne kɔrɔ ka ne bato, a bɛɛ bena kɛ i ta ye.»
8 #
Sad 6.13
Yezu y'a jaabi ko: «A fɔra Ala ka kuma na ko: ‹I ka Matigi i ka Ala bato, ka baara kɛ ale kelenpe ye.› »
9A laban na, Sutana tagara n'a ye Zeruzalɛmu Alabatosoba kuun na, k'a fɔ a ye ko: «N'i ye Ala Deen ye, pan ka cun duguma, 10#Dal 91.11 bari a fɔra Ala ka kuma na ko: ‹A bena cii di a ka mɛlɛkɛw ma i koo la ko u ka janto i la.› 11#Dal 91.12 A fɔra yen fana ko: ‹U bena i ta u bolo la janko i seen kana gosi kabakuru la.› »
12 #
Sad 6.16
Yezu y'a jaabi ko: «A fɔra Ala ka kuma na fana ko: ‹I kana Matigi i ka Ala kɔrɔbɔ.› »
13Sutana y'a nigɛ cogo bɛɛ la ka dɛsɛ tuma min na, a tagara k'a to fɔlɔ.
Yezu b'a ka baara daminɛ Galile
(Mat 4.12-17; Mar 1.14-15)
14Yezu segira ka taga Galile mara la ni Nii Senuman ka sebagaya ye. A tɔgɔ bɔra o mara yɔrɔ bɛɛ la. 15A tun be mɔgɔw kalan zuwifuw ka kalansow kɔnɔ, mɔgɔw bɛɛ tun b'a boɲa.
Yezu ka dugu mɔgɔw ma la a la
(Mat 13.54-58; Mar 6.1-6)
16Yezu tagara Nazarɛti a mɔna dugu min na. Lafiɲɛlon, a donna kalanso kɔnɔ i n'a fɔ a tun be to k'a kɛ cogo min na. A wilila waasa ka kitabu kalan. 17Kira Ezayi ye kitabu min sɛbɛn, o dira a ma. A y'a dayɛlɛ ka yɔrɔ dɔ kalan. A sɛbɛnnin be yen ko:
18 #
Eza 61.1-2
«Matigi ka Nii be ne fɛ,
bari a ye ne woloma ka kibaru diman fɔ fantanw ye.
A ye ne ci ko n k'a fɔ jɔɔnw ye k'u bena hɔrɔnya,
ko n k'a fɔ fiɲɛntɔw ye k'u ɲaa bena yɛlɛ,
ko n ka mɔgɔtɔɔrɔninw bɔ u juguw bolo k'u bila,
19Matigi ben'a ka ɲumanya kɛ saan min na,
ko n k'o fɔ mɔgɔw ye.»
20O kɔ, Yezu ye kitabu datugu k'a di kalanso kɔlɔsibaga ma ka sigi. Mɔgɔ minw tun be yen, u bɛɛ y'u ɲaa basa a la. 21O tuma na, a ye kuma ta k'a fɔ u ye ko: «Aw ye kitabu nin kɔnɔnakuma minw mɛn sisan, o koow kɛra ka dafa bii.»
22U bɛɛ tun b'a tɔgɔɲuman fɔ. Yezu ka kumaɲuman ye u bɛɛ kabakoya, fɔɔ u tun b'a fɔ ko: «Nin te Yusufu dencɛ ye wa?»
23Yezu y'a fɔ u ye ko: «Siga t'a la, aw bena talen nin la ne ye ko: ‹Furakɛla, i yɛrɛ kɛnɛya sa.› Aw bena a fɔ ne ye fana ko: ‹I ye koo minw bɛɛ kɛ Kafaranamu, an y'o mɛn, i k'o ɲɔgɔnw kɛ yan fana i yɛrɛ ka dugu la.›
24 #
Zan 4.44
«Tiɲɛ na, ne b'a fɔ aw ye ko kira si te minɛ ka ɲa a yɛrɛ ka dugu la.» 25#Mas fɔlɔ 17.1 O kɔ, a y'a fɔ u ye ko: «Ne b'a fɔ aw ye ko kira Eli ka tile la, sanji banna ka na saan saba ni tilan kɔnɔ, tuma min na kɔngɔba tun donna jamana yɔrɔ bɛɛ la. Firiyamuso caaman tun be Isirayɛli jamana na, 26#Mas fɔlɔ 17.8-16 nga Ala ma kira Eli ci u si fɛ. A y'a ci firiyamuso dɔ fɛ Sarɛpita, Sidɔn mara la. 27#Mas 2nan 5.1-14 Farisogobana tun be mɔgɔ caaman na Isirayɛli, kira Elize ka tile la fana, nga u si ma kɛnɛya, fɔɔ Naman ka bɔ Siri jamana na.»
28Kalanso kɔnɔ mɔgɔw y'o kuma nunu mɛn tuma min na, u dimina kosɔbɛ. 29U wilila ka Yezu minɛ ka bɔ n'a ye dugu kɔnɔ ni fanga ye. U ka dugu siginin be kulu min gɛrɛn na, u tagara n'a ye o kunna. U tun b'a fɛ k'a ɲɔti ka ben fɔɔ duguma. 30Nga Yezu kɔni tɛmɛna u furancɛ la ka taga.
Yezu be jinatɔ dɔ kɛnɛya
(Mat 7.28-29; Mar 1.21-28)
31Yezu tagara Galile mara dugu dɔ la, min tɔgɔ ko Kafaranamu. A tun be mɔgɔw kalanna lafiɲɛlon na yen. 32U kabakoyara a ka mɔgɔ kalancogo la, bari a tun be kuma i n'a fɔ fanga be mɔgɔ min bolo. 33Jinatɔ dɔ tun be u fɛ kalanso kɔnɔ. O cɛɛ nin pɛrɛnna kosɔbɛ ko: 34«Ee! Mun be an ni e cɛ? Nazarɛtika Yezu, i nana k'an halaki wa? I ye mɔgɔ min ye, ne b'o lɔn. I ye Ala ka ciden senuman ye.»
35Yezu jamana a kunna k'a fɔ a ye ko: «I daje! Bɔ cɛɛ nin na.» Jina ye cɛɛ ta k'a ben duguma u cɛma ka bɔ a la. Nga foyi ma kɛ cɛɛ la.
36Mɔgɔ bɛɛ kabakoyara fɔɔ u tun be ɲɔgɔn ɲininga ko: «Haan! Nin ye mun kuma ye? A be kuma jinaw fɛ ni fanga ni setigiya ye. U be bɔ mɔgɔw la fana.» 37O sababu fɛ, Yezu tɔgɔ bɔra o mara yɔrɔ bɛɛ la.
Yezu be banabagatɔ caaman kɛnɛya
(Mat 8.14-17; Mar 1.29-34)
38Yezu bɔra kalanso kɔnɔ ka taga Simɔn ka soo. Simɔn biranmuso tɔɔrɔnin tun be farigwan bolo kosɔbɛ. U ye Yezu daali ko a k'a kɛnɛya. 39Yezu tagara biri a kunna k'a fɔ ko a ka kɛnɛya. Farigwan banna. A wilila o yɔrɔnin bɛɛ k'u mako ɲa.
40Tilekun donnin kɔ, mɔgɔw tagara Yezu sɛgɛrɛ n'u ka banabagatɔw bɛɛ ye. A y'a bolo la u kelen kelen bɛɛ kan k'u kɛnɛya. 41Jinaw fana bɔra mɔgɔ caaman na. U bɔtɔ, u tun be pɛrɛn ko: «I ye Ala Dencɛ ye.» Nga Yezu ye kangari la u ye. A tun te sɔn u ka kuma, bari olu tun b'a lɔn ko Ala ka Mɔgɔ wolomanin nin lo.
Yezu cikun
(Mar 1.35-39; Mat 4.23)
42Dugu gwɛra dɔrɔn, Yezu bɔra ka taga yɔrɔmalanin dɔ la. Jama y'a daminɛ k'a yɔrɔ ɲini. U tagar'a ye tuma min na, u y'a daali ko a ka to u kɔrɔ, ko a kana taga yɔrɔjan. 43Nga a y'a fɔ u ye ko: «Ne ka kan ka Ala ka masaya kibaru diman fɔ dugu tɔw la fana, bari ne cikun ye o le ye.»
44O la, a tun be waajuli kɛ kalansow kɔnɔ Zude mara la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.