Mar 12
12
Ɛrɛzɛn sɛnɛkɛlajuguw talen
(Mat 21.33-46; Luka 20.9-19)
1 #
Eza 5.1-2
O kɔ, Yezu y'a daminɛ ka talen la zuwifuw ka ɲamɔgɔw ye ko: «Cɛɛ dɔ ye *ɛrɛzɛnforo bɔ. A ye kogo lɔ k'a lamini, ka dingɛ sogi ka ɛrɛzɛn nin jii bɔyɔrɔ dilan, ka sangaso lɔ a kɔlɔsibagaw ye. A y'a don baarakɛla dɔw bolo. O kɔ, a tagara taama na. 2Ɛrɛzɛn mɔna tuma min na, a y'a ka jɔɔn dɔ ci baarakɛla nunu fɛ ko a ka taga ale niyɔrɔ minɛ. 3U y'o jɔɔn nin minɛ k'a bugɔ k'a bololakolon bila ka taga. 4Forotigi ye jɔɔn wɛrɛ ci u fɛ. U y'o fana bugɔ a kuun na k'a nɛni. 5Forotigi ye jɔɔn wɛrɛ bila ka taga, u y'o faga. O kɔ, a ye jɔɔn caaman ci u fɛ tugu, u ye dɔw bugɔ ka dɔw faga. 6Mɔgɔ kelen min tora forotigi fɛ sisan, o y'a dencɛ ye. A tun b'o kanu kosɔbɛ. A y'o fana ci u fɛ a laban na. A tun be miiri ko: ‹U bena n dencɛ boɲa.› 7Nga baarakɛlaw y'a fɔ ɲɔgɔn ye ko: ‹Nin le ye cɛntala ye, aw ye na an k'a faga, cɛɛn nin bena kɛ an ta ye.› 8U y'a minɛ k'a faga k'a suu fili waga kɔnɔ.
9«Forotigi bena mun kɛ sa? A bena segi ka taga o baarakɛlaw faga ka baarakɛla dɔ wɛrɛw ta k'u bila foro kɔnɔ. 10#Dal 118.22-23 Siga t'a la, aw ye yɔrɔ dɔ kalan Ala ka kuma na min b'a fɔ ko: ‹Bonlɔlaw tun banna kabakuru min na, o nana kɛ kabakuru barikaman ye, boon nɔnkɔn ta. 11Matigi le y'o kɛ. O ye kabako ye an ɲana.› »
12Zuwifuw ka ɲamɔgɔw y'a faamu ko Yezu ka talen nin ɲaa sinna olu yɛrɛ ma. U tun be cogo ɲinina waasa ka Yezu minɛ, nga u tun be siran jama ɲa minkɛ, u tagara k'a to yen.
Nisara sarako
(Mat 22.15-22; Luka 20.20-26)
13Zuwifuw ka ɲamɔgɔw ye *Fariziɲɛ dɔw ni *Erɔdi kɔmɔgɔ dɔw ci Yezu fɛ, janko u ka se k'a minɛ a yɛrɛ dalakuma fɛ. 14U tagar'a fɔ a ye ko: «Karamɔgɔ, an y'a lɔn ko i be tiɲɛ fɔ. I fana te siran mɔgɔ si ɲa ka sɔn o tigi ta ma, bari i te mɔgɔ bɔ mɔgɔ la. I be mɔgɔw kalan Alasira la ni kuma minw ye, o bɛɛ ye tiɲɛ ye. An b'i ɲininga ni a daganin be ka nisɔngɔ sara Ɔrɔmu masacɛ ye, walima a daganin tɛ? An ka kan k'a sara, walima an man kan k'a sara?»
15Yezu y'a lɔn ko filakanfɔlaw lo. O la, a y'a fɔ u ye ko: «Mun na aw be ne dakɔrɔbɔ? Aw ye warigwɛ deen kelen di yan, n b'a filɛ.»
16U ye wari dɔ yira a la. A y'u ɲininga ko: «Jɔn jaa n'a bulonɔn ye nin ye a kan?» U y'a jaabi ko: «Ɔrɔmu masacɛ ta lo.»
17O tuma na, Yezu y'a fɔ u ye ko: «Fɛɛn min ye masacɛ ta ye, aw k'o di masacɛ ma, ka Ala ta di Ala ma.» O kuma nin y'u kabakoya kosɔbɛ.
Saduseɲɛw ka ɲiningali
(Mat 22.23-33; Luka 20.27-40)
18 #
Kɛw 23.8
*Saduseɲɛw le tun b'a fɔ ko suuw tena kunun. U dɔw tagara Yezu fɛ k'a fɔ a ye ko: 19#Sad 25.5 «Karamɔgɔ, Musa y'a fɔ an ye ko ni cɛɛ dɔ sara k'a ka muso to k'a sɔrɔ a muso ma deen sɔrɔ, a dɔgɔcɛ ka kan k'o muso nin ta ka deen sɔrɔ a kɔrɔcɛ ye. 20Ayiwa, dencɛ wolonwula tun be cɛɛ dɔ fɛ. Kɔrɔcɛman ye muso furu. A sara k'a muso to yen n'a ma deen sɔrɔ. 21Filanan y'o muso kelen nin ta. O fana sara, a ma deen sɔrɔ ni muso nin ye. A sabanan fana kɛra ten. 22U wolonwula la, mɔgɔ si ma deen sɔrɔ ni muso nin ye. U bɛɛ sanin kɔ, muso fana sara. 23Suuw bena kunun loon min na, n'o mɔgɔw nunu kununna, muso nin bena kɛ u jumɛn ta ye, bari u mɔgɔ wolonwula bɛɛ y'a furu ka ye.»
24Yezu y'u jaabi ko: «Aw filila, bari aw te Ala ka kuma faamu, aw te Ala ka sebagaya lɔn fana. 25N'o tɛ, suuw bena kunun waati min na, furu tena kɛ. Mɔgɔw bɛɛ bena kɛ i n'a fɔ mɛlɛkɛw sankolo la. 26#Bɔk 3.6 Suuw ka kununko faan fɛ, tasuma tun wilila yiritunin min na, aw ma deli k'o koo kalan Musa ka kitabu la wa? Ala y'a fɔ Musa ye ko: ‹Ne ye Ibrayima ni Isiyaka ani Yakuba ka Ala ye.› » 27O kɔ, Yezu y'a fɔ u ye tugu ko: «Ala te suuw ka Ala ye, nga ɲanamanw ka Ala lo. O la, n b'a fɔ aw ye ko aw filila kosɔbɛ.»
Sariya bɛɛ la gwɛlɛma
(Mat 22.34-40; Luka 10.25-28)
28Sariya karamɔgɔ dɔ tun y'a tulo malɔ Yezu ni *Saduseɲɛw ka kuma na. A y'a ye ko Yezu y'u jaabi ka ɲa minkɛ, a gwɛrɛla Yezu la k'a ɲininga ko: «Ala ka sariya jumɛn koo ka gwɛlɛ a ma ka tɛmɛ tɔw bɛɛ kan?»
29 #
Sad 6.4-5
Yezu y'a jaabi ko: «Sariya min koo ka gwɛlɛ Ala ma ka tɛmɛ tɔw bɛɛ kan, o filɛ nin ye: ‹Isirayɛlidenw, aw ka mɛnni kɛ. Matigi, an ka Ala ye Matigi kelenpe le ye. 30I ka Matigi i ka Ala kanu n'i dusu bɛɛ ye, an'i kɔnɔ bɛɛ ye, n'i hakili bɛɛ ye, an'i barika bɛɛ ye.› 31#Sar 19.18 Min be tugu o la, o filɛ nin ye: ‹I k'i mɔgɔɲɔgɔn kanu i n'a fɔ i yɛrɛ.› Sariya wɛrɛ si koo man gwɛlɛ Ala ma k'olu fila bɔ.»
32 #
Sad 4.35
Sariya karamɔgɔ nin y'a fɔ Yezu ye ko: «Cɔ! Karamɔgɔ, i ye tiɲɛ fɔ. Ala kelenpe le be yen, dɔ wɛrɛ si te yen n'ale tɛ. 33#Oze 6.6 Ka Ala kanu i dusu la, i hakili la n'i barika bɛɛ ye, ani k'i mɔgɔɲɔgɔn kanu i n'a fɔ i b'i yɛrɛ kanu cogo min na, o ka fisa ni saraka sifa bɛɛ ye, saraka jɛnitaw fara jɛnibaliw kan.»
34Yezu y'a ye ko a kumana ni hakilitigiya ye minkɛ, a y'a fɔ a ye ko: «Fɛɛn bɛrɛ t'i jɛn ka don Ala ka masaya la.»
O kɔ, mɔgɔ si m'a jaa gwɛlɛya ka Yezu ɲininga foyi la tugu.
Ala ka mɔgɔ wolomanin
(Mat 22.41-46; Luka 20.41-44)
35Ka Yezu to mɔgɔw kalan na Alabatosoba kɔnɔ, a y'u ɲininga ko: «Sariya karamɔgɔw be se k'a fɔ cogo di ko Ala bena mɔgɔ min woloma k'a ci, k'o ye Dawuda ka deen dama ye? 36#Dal 110.1 Dawuda yɛrɛ y'a fɔ Nii Senuman barika la ko: ‹Matigi Ala y'a fɔ ne Matigi ye ko: Sigi ne kinibolo fɛ fɔɔ ne k'i juguw cɔnkɔn i seen kɔrɔ.› 37Dawuda yɛrɛ b'a wele ko ale Matigi, a do be se ka kɛ Dawuda ka deen dama ye cogo di?»
Jamaba tun b'a lamɛnna ni nisɔndiya ye.
Yezu be kangari la sariya karamɔgɔw koo la
(Mat 23.1-36; Luka 20.45-47)
38Ka Yezu to mɔgɔw kalan na, a y'a fɔ u ye ko: «Aw k'aw yɛrɛ kɔlɔsi sariya karamɔgɔw la. A ka d'u ye ka forocaw don ka yaala. U b'a fɛ mɔgɔw k'u fo forobayɔrɔw la. 39A ka d'u ye fana ka sigi ɲafɛ kalansow kɔnɔ ani dumuni kɛyɔrɔw la. 40Olu le be firiyamusow bololafɛnw bɛɛ bɔsi u la. O kɔ, u be mɛn Aladali la janko mɔgɔw k'u filɛ mɔgɔɲumanw ye. Olu ka jalaki tɔɔrɔ bena juguya kosɔbɛ.»
Firiyamuso ye wari don kɛsu kɔnɔ
(Luka 21.1-4)
41Wari tun be don kɛsu min na Alabatosoba kɔnɔ, Yezu sigira k'a ɲaa sin o ma. A tun be mɔgɔw ka wari doncogo filɛ. Nafolotigi caaman ye wari caaman don o kɛsu kɔnɔ. 42Firiyamuso dɛsɛbagatɔ dɔ nana ka warimisɛn deen fila don yen. O wari hakɛ tun te tɛmɛ tama kelen ɲɔgɔn kan. 43O tuma na, Yezu ye muso nin yira kalandenw na k'a fɔ u ye ko: «Tiɲɛ na, ne b'a fɔ aw ye ko firiyamuso dɛsɛbagatɔ nin ye wari min don kɛsu kɔnɔ, o ka ca ni mɔgɔ tɔw bɛɛ ta ye. 44Mɔgɔ tɔw ye dɔɔni dɔrɔn bɔ u ka nafolo la k'a di, nga ale kɔni n'a ka fantanya bɛɛ, a y'a cɛɛn bɛɛ di. A ma foyi to a kun ka kɛ dumuni sɔngɔ ye k'a sɔrɔ dumunifɛn si t'a fɛ.»
Currently Selected:
Mar 12: AKKDC08
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.
Mar 12
12
Ɛrɛzɛn sɛnɛkɛlajuguw talen
(Mat 21.33-46; Luka 20.9-19)
1 #
Eza 5.1-2
O kɔ, Yezu y'a daminɛ ka talen la zuwifuw ka ɲamɔgɔw ye ko: «Cɛɛ dɔ ye *ɛrɛzɛnforo bɔ. A ye kogo lɔ k'a lamini, ka dingɛ sogi ka ɛrɛzɛn nin jii bɔyɔrɔ dilan, ka sangaso lɔ a kɔlɔsibagaw ye. A y'a don baarakɛla dɔw bolo. O kɔ, a tagara taama na. 2Ɛrɛzɛn mɔna tuma min na, a y'a ka jɔɔn dɔ ci baarakɛla nunu fɛ ko a ka taga ale niyɔrɔ minɛ. 3U y'o jɔɔn nin minɛ k'a bugɔ k'a bololakolon bila ka taga. 4Forotigi ye jɔɔn wɛrɛ ci u fɛ. U y'o fana bugɔ a kuun na k'a nɛni. 5Forotigi ye jɔɔn wɛrɛ bila ka taga, u y'o faga. O kɔ, a ye jɔɔn caaman ci u fɛ tugu, u ye dɔw bugɔ ka dɔw faga. 6Mɔgɔ kelen min tora forotigi fɛ sisan, o y'a dencɛ ye. A tun b'o kanu kosɔbɛ. A y'o fana ci u fɛ a laban na. A tun be miiri ko: ‹U bena n dencɛ boɲa.› 7Nga baarakɛlaw y'a fɔ ɲɔgɔn ye ko: ‹Nin le ye cɛntala ye, aw ye na an k'a faga, cɛɛn nin bena kɛ an ta ye.› 8U y'a minɛ k'a faga k'a suu fili waga kɔnɔ.
9«Forotigi bena mun kɛ sa? A bena segi ka taga o baarakɛlaw faga ka baarakɛla dɔ wɛrɛw ta k'u bila foro kɔnɔ. 10#Dal 118.22-23 Siga t'a la, aw ye yɔrɔ dɔ kalan Ala ka kuma na min b'a fɔ ko: ‹Bonlɔlaw tun banna kabakuru min na, o nana kɛ kabakuru barikaman ye, boon nɔnkɔn ta. 11Matigi le y'o kɛ. O ye kabako ye an ɲana.› »
12Zuwifuw ka ɲamɔgɔw y'a faamu ko Yezu ka talen nin ɲaa sinna olu yɛrɛ ma. U tun be cogo ɲinina waasa ka Yezu minɛ, nga u tun be siran jama ɲa minkɛ, u tagara k'a to yen.
Nisara sarako
(Mat 22.15-22; Luka 20.20-26)
13Zuwifuw ka ɲamɔgɔw ye *Fariziɲɛ dɔw ni *Erɔdi kɔmɔgɔ dɔw ci Yezu fɛ, janko u ka se k'a minɛ a yɛrɛ dalakuma fɛ. 14U tagar'a fɔ a ye ko: «Karamɔgɔ, an y'a lɔn ko i be tiɲɛ fɔ. I fana te siran mɔgɔ si ɲa ka sɔn o tigi ta ma, bari i te mɔgɔ bɔ mɔgɔ la. I be mɔgɔw kalan Alasira la ni kuma minw ye, o bɛɛ ye tiɲɛ ye. An b'i ɲininga ni a daganin be ka nisɔngɔ sara Ɔrɔmu masacɛ ye, walima a daganin tɛ? An ka kan k'a sara, walima an man kan k'a sara?»
15Yezu y'a lɔn ko filakanfɔlaw lo. O la, a y'a fɔ u ye ko: «Mun na aw be ne dakɔrɔbɔ? Aw ye warigwɛ deen kelen di yan, n b'a filɛ.»
16U ye wari dɔ yira a la. A y'u ɲininga ko: «Jɔn jaa n'a bulonɔn ye nin ye a kan?» U y'a jaabi ko: «Ɔrɔmu masacɛ ta lo.»
17O tuma na, Yezu y'a fɔ u ye ko: «Fɛɛn min ye masacɛ ta ye, aw k'o di masacɛ ma, ka Ala ta di Ala ma.» O kuma nin y'u kabakoya kosɔbɛ.
Saduseɲɛw ka ɲiningali
(Mat 22.23-33; Luka 20.27-40)
18 #
Kɛw 23.8
*Saduseɲɛw le tun b'a fɔ ko suuw tena kunun. U dɔw tagara Yezu fɛ k'a fɔ a ye ko: 19#Sad 25.5 «Karamɔgɔ, Musa y'a fɔ an ye ko ni cɛɛ dɔ sara k'a ka muso to k'a sɔrɔ a muso ma deen sɔrɔ, a dɔgɔcɛ ka kan k'o muso nin ta ka deen sɔrɔ a kɔrɔcɛ ye. 20Ayiwa, dencɛ wolonwula tun be cɛɛ dɔ fɛ. Kɔrɔcɛman ye muso furu. A sara k'a muso to yen n'a ma deen sɔrɔ. 21Filanan y'o muso kelen nin ta. O fana sara, a ma deen sɔrɔ ni muso nin ye. A sabanan fana kɛra ten. 22U wolonwula la, mɔgɔ si ma deen sɔrɔ ni muso nin ye. U bɛɛ sanin kɔ, muso fana sara. 23Suuw bena kunun loon min na, n'o mɔgɔw nunu kununna, muso nin bena kɛ u jumɛn ta ye, bari u mɔgɔ wolonwula bɛɛ y'a furu ka ye.»
24Yezu y'u jaabi ko: «Aw filila, bari aw te Ala ka kuma faamu, aw te Ala ka sebagaya lɔn fana. 25N'o tɛ, suuw bena kunun waati min na, furu tena kɛ. Mɔgɔw bɛɛ bena kɛ i n'a fɔ mɛlɛkɛw sankolo la. 26#Bɔk 3.6 Suuw ka kununko faan fɛ, tasuma tun wilila yiritunin min na, aw ma deli k'o koo kalan Musa ka kitabu la wa? Ala y'a fɔ Musa ye ko: ‹Ne ye Ibrayima ni Isiyaka ani Yakuba ka Ala ye.› » 27O kɔ, Yezu y'a fɔ u ye tugu ko: «Ala te suuw ka Ala ye, nga ɲanamanw ka Ala lo. O la, n b'a fɔ aw ye ko aw filila kosɔbɛ.»
Sariya bɛɛ la gwɛlɛma
(Mat 22.34-40; Luka 10.25-28)
28Sariya karamɔgɔ dɔ tun y'a tulo malɔ Yezu ni *Saduseɲɛw ka kuma na. A y'a ye ko Yezu y'u jaabi ka ɲa minkɛ, a gwɛrɛla Yezu la k'a ɲininga ko: «Ala ka sariya jumɛn koo ka gwɛlɛ a ma ka tɛmɛ tɔw bɛɛ kan?»
29 #
Sad 6.4-5
Yezu y'a jaabi ko: «Sariya min koo ka gwɛlɛ Ala ma ka tɛmɛ tɔw bɛɛ kan, o filɛ nin ye: ‹Isirayɛlidenw, aw ka mɛnni kɛ. Matigi, an ka Ala ye Matigi kelenpe le ye. 30I ka Matigi i ka Ala kanu n'i dusu bɛɛ ye, an'i kɔnɔ bɛɛ ye, n'i hakili bɛɛ ye, an'i barika bɛɛ ye.› 31#Sar 19.18 Min be tugu o la, o filɛ nin ye: ‹I k'i mɔgɔɲɔgɔn kanu i n'a fɔ i yɛrɛ.› Sariya wɛrɛ si koo man gwɛlɛ Ala ma k'olu fila bɔ.»
32 #
Sad 4.35
Sariya karamɔgɔ nin y'a fɔ Yezu ye ko: «Cɔ! Karamɔgɔ, i ye tiɲɛ fɔ. Ala kelenpe le be yen, dɔ wɛrɛ si te yen n'ale tɛ. 33#Oze 6.6 Ka Ala kanu i dusu la, i hakili la n'i barika bɛɛ ye, ani k'i mɔgɔɲɔgɔn kanu i n'a fɔ i b'i yɛrɛ kanu cogo min na, o ka fisa ni saraka sifa bɛɛ ye, saraka jɛnitaw fara jɛnibaliw kan.»
34Yezu y'a ye ko a kumana ni hakilitigiya ye minkɛ, a y'a fɔ a ye ko: «Fɛɛn bɛrɛ t'i jɛn ka don Ala ka masaya la.»
O kɔ, mɔgɔ si m'a jaa gwɛlɛya ka Yezu ɲininga foyi la tugu.
Ala ka mɔgɔ wolomanin
(Mat 22.41-46; Luka 20.41-44)
35Ka Yezu to mɔgɔw kalan na Alabatosoba kɔnɔ, a y'u ɲininga ko: «Sariya karamɔgɔw be se k'a fɔ cogo di ko Ala bena mɔgɔ min woloma k'a ci, k'o ye Dawuda ka deen dama ye? 36#Dal 110.1 Dawuda yɛrɛ y'a fɔ Nii Senuman barika la ko: ‹Matigi Ala y'a fɔ ne Matigi ye ko: Sigi ne kinibolo fɛ fɔɔ ne k'i juguw cɔnkɔn i seen kɔrɔ.› 37Dawuda yɛrɛ b'a wele ko ale Matigi, a do be se ka kɛ Dawuda ka deen dama ye cogo di?»
Jamaba tun b'a lamɛnna ni nisɔndiya ye.
Yezu be kangari la sariya karamɔgɔw koo la
(Mat 23.1-36; Luka 20.45-47)
38Ka Yezu to mɔgɔw kalan na, a y'a fɔ u ye ko: «Aw k'aw yɛrɛ kɔlɔsi sariya karamɔgɔw la. A ka d'u ye ka forocaw don ka yaala. U b'a fɛ mɔgɔw k'u fo forobayɔrɔw la. 39A ka d'u ye fana ka sigi ɲafɛ kalansow kɔnɔ ani dumuni kɛyɔrɔw la. 40Olu le be firiyamusow bololafɛnw bɛɛ bɔsi u la. O kɔ, u be mɛn Aladali la janko mɔgɔw k'u filɛ mɔgɔɲumanw ye. Olu ka jalaki tɔɔrɔ bena juguya kosɔbɛ.»
Firiyamuso ye wari don kɛsu kɔnɔ
(Luka 21.1-4)
41Wari tun be don kɛsu min na Alabatosoba kɔnɔ, Yezu sigira k'a ɲaa sin o ma. A tun be mɔgɔw ka wari doncogo filɛ. Nafolotigi caaman ye wari caaman don o kɛsu kɔnɔ. 42Firiyamuso dɛsɛbagatɔ dɔ nana ka warimisɛn deen fila don yen. O wari hakɛ tun te tɛmɛ tama kelen ɲɔgɔn kan. 43O tuma na, Yezu ye muso nin yira kalandenw na k'a fɔ u ye ko: «Tiɲɛ na, ne b'a fɔ aw ye ko firiyamuso dɛsɛbagatɔ nin ye wari min don kɛsu kɔnɔ, o ka ca ni mɔgɔ tɔw bɛɛ ta ye. 44Mɔgɔ tɔw ye dɔɔni dɔrɔn bɔ u ka nafolo la k'a di, nga ale kɔni n'a ka fantanya bɛɛ, a y'a cɛɛn bɛɛ di. A ma foyi to a kun ka kɛ dumuni sɔngɔ ye k'a sɔrɔ dumunifɛn si t'a fɛ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.