Utandiko 21
21
Kuvyalwa kwakwe Isaki
1Yawe apolelela Sala wakwe vino walavile 2#Aye 11:11 nga Sala asenda indilwa avyala umwana umonsi kuli Abulaamu uwali mukote. Mwana wi wavilwe mu nsita ino Leza walanzile. 3Abulaamu amutemela izina ati Isaki. 4#Uta 17:12; Mil 7:8 Lino Isaki waya na manda cinani, Abulaamu amusilamula wakwe vino Leza wapeezile ilamulo kunoli. 5Abulaamu wali ni myaka umwanda onga lino Isaki wavilwe. 6Sala avwanga ati, “Leza watandetela insansa ni nseko nu muntu wensi wino aluvwa ukuti navyalila Abulaamu umwana alaseka pamwi nani.” 7Nupya avwanga ati, “Aweni welenginye ukuti ne Sala ningavyalila Abulaamu umwana? Mwalola, natimuvyalila umwana umonsi mu ukote.”
8Mwana akula yamulumula, nga pa wanda uno yamulumwile, Abulaamu acita cimulo icikulu cuze.
Abulaamu wazinga Haga na Isumeli
9Limwi Sala waweni kuno Isaki yakumupumya kuli Isumeli wino Haga mwina Eguputo waviile kuli Abulaamu. 10#Gal 4:29, 30 Lyene Sala avwanga kuli Abulaamu ati, “Zinga muzya wiyo nu mwana wakwe yapita. Mwana wa muzya atalinzile akwateko cipande nanti cimwi ca vyuma vyako vino umwana wane umonsi Isaki alapyana.” 11Pa kuvwa vivyo Abulaamu umwenzo umuwaya, asakamikwa cuze pano Isumeli nawe kwene wali umwana wakwe. 12#Lom 9:7; Aye 11:18 Nga Leza anena Abulaamu ati, “Utasakamikwa pa mwana na pa muzya wako Haga. Cita consi cino Sala wakunena ukucita, pano muli Isaki amuno ulakwatila ana yano nakulaya. 13Nu ku mwana wa muzya kwene ndapeela ana aingi kuti yakaye uluko lukulu. Nawe kwene umwana wako.”
14Lino waca katondo Abulaamu apeela Haga ivyakulya nu lufinga luzile amanzi, amutwika nu kumupapika umwana, nga amuzinga. Alino Haga apita afuma akululumba mu Lwanga lwa Belisyeba. 15Lino amanzi yasizile mu lufinga, apaapula umwana asya wamuteka mu cimpuza. 16Nawe aya aikala katalamukila manye amamita ikumi, aivwanzya ati, “Ntangenalola kuno umwana wane akufwa.” Lyene lino acili atenzi papa, atandika ukulila.
17Leza auvwa umwana kuno akulila, nga mungeli wakwe Leza avwanga kuli Haga ukufuma kwiyulu ati, “Icani icakucuzya, we Haga? Utuvwa intete! Leza watauvwa kulila kwa mwana. 18Katuka pita katole umwana umumyalazye. Munoli ndacita luko lukulu ukupitila mu amu mupanda wakwe.” 19Lyene Leza amuyula amanso, nga Haga alola icifula ca manzi. Caleka apita nga aya azuzya lufinga, nga aiza amwesya umwana. 20Leza wali nu mwana mu kukula kwakwe. Mwana wilya watenzi mu Lwanga lwa Palani, aya umulunzi mucenjele nupya uwamaka. 21Nyina amulondela umwanaci wakutwala ukufuma ku Eguputo.
Ulayano pakasi kakwe Abulaamu na Abimeleki
22 #
Uta 26:26
Mu nsita ilya Abimeleki apita na Fikoli musika mukalamba wa vita vyakwe, aya kuli Abulaamu amunena ati, “Leza waya nawe muli vyonsi vino ukacita. 23Caleka laya nu mulapo pa manso yakwe Leza ukuti utalantumpika, nene nanti ana yane, nanti amu mupanda wane. Nemo indi uwakutailwa kunuli, caleka nawe kwene laya ukuti umayanga uwakutailwa kunondi nu ku mpanga yane kwene ino utenzimo wa mwinamasi.”
24Abulaamu aasuka ati, “Nalaya.”
25Lelo Abulaamu wailizyanyizye kuli Abimeleki pamulandu wa cifula cino aomvi yakwe Abimeleki yalanga yapoka. 26Abimeleki watile, “Ntamanyile wacita cico. Utatazile unene, nga lii, lili iila lyakutandika kuvwa pamulandu uu.” 27Lyene Abulaamu apeela Abimeleki imfwele ni ng'ombe, nga ya oili yazumilizyanya yacita cipangano. 28Abulaamu apaatula twana utwa mfwele cinimbali pa mfwele zyakwe. 29Abimeleki auzya Abulaamu ati, “Uzye pacani wacita cico?” 30Nawe aasuka ati, “Ufwile ukupokelela imfwele zi cinimbali kulanga ukuzumila vino anene nimvile cifula ci.” 31Caleka cifula yacitemela izina yati Belisyeba, pamulandu wakuti apano antu oili yacitile umulapo.
32Pacisila ca kucita cipangano cakuzumilizyanya cino yacisile pa Belisyeba, Abimeleki na Fikoli, musika mukulu wa vita vyakwe, yapita yaswilila ku Filisti. 33Nga Abulaamu alema umuti wa tamalisiki#21:33 TAMALISIKI: Umuti walondololwa ukuti ukazanwa umu lwanga nupya usiiuma awe. Antu umu lwanga yakauomvya wa cilyo ca mbuzi. pa Belisyeba, nu kupepa Yawe Leza, wape nape. 34Abulaamu aikala mu mpanga ya Filisti pa nsita ntali.
Currently Selected:
Utandiko 21: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
Utandiko 21
21
Kuvyalwa kwakwe Isaki
1Yawe apolelela Sala wakwe vino walavile 2#Aye 11:11 nga Sala asenda indilwa avyala umwana umonsi kuli Abulaamu uwali mukote. Mwana wi wavilwe mu nsita ino Leza walanzile. 3Abulaamu amutemela izina ati Isaki. 4#Uta 17:12; Mil 7:8 Lino Isaki waya na manda cinani, Abulaamu amusilamula wakwe vino Leza wapeezile ilamulo kunoli. 5Abulaamu wali ni myaka umwanda onga lino Isaki wavilwe. 6Sala avwanga ati, “Leza watandetela insansa ni nseko nu muntu wensi wino aluvwa ukuti navyalila Abulaamu umwana alaseka pamwi nani.” 7Nupya avwanga ati, “Aweni welenginye ukuti ne Sala ningavyalila Abulaamu umwana? Mwalola, natimuvyalila umwana umonsi mu ukote.”
8Mwana akula yamulumula, nga pa wanda uno yamulumwile, Abulaamu acita cimulo icikulu cuze.
Abulaamu wazinga Haga na Isumeli
9Limwi Sala waweni kuno Isaki yakumupumya kuli Isumeli wino Haga mwina Eguputo waviile kuli Abulaamu. 10#Gal 4:29, 30 Lyene Sala avwanga kuli Abulaamu ati, “Zinga muzya wiyo nu mwana wakwe yapita. Mwana wa muzya atalinzile akwateko cipande nanti cimwi ca vyuma vyako vino umwana wane umonsi Isaki alapyana.” 11Pa kuvwa vivyo Abulaamu umwenzo umuwaya, asakamikwa cuze pano Isumeli nawe kwene wali umwana wakwe. 12#Lom 9:7; Aye 11:18 Nga Leza anena Abulaamu ati, “Utasakamikwa pa mwana na pa muzya wako Haga. Cita consi cino Sala wakunena ukucita, pano muli Isaki amuno ulakwatila ana yano nakulaya. 13Nu ku mwana wa muzya kwene ndapeela ana aingi kuti yakaye uluko lukulu. Nawe kwene umwana wako.”
14Lino waca katondo Abulaamu apeela Haga ivyakulya nu lufinga luzile amanzi, amutwika nu kumupapika umwana, nga amuzinga. Alino Haga apita afuma akululumba mu Lwanga lwa Belisyeba. 15Lino amanzi yasizile mu lufinga, apaapula umwana asya wamuteka mu cimpuza. 16Nawe aya aikala katalamukila manye amamita ikumi, aivwanzya ati, “Ntangenalola kuno umwana wane akufwa.” Lyene lino acili atenzi papa, atandika ukulila.
17Leza auvwa umwana kuno akulila, nga mungeli wakwe Leza avwanga kuli Haga ukufuma kwiyulu ati, “Icani icakucuzya, we Haga? Utuvwa intete! Leza watauvwa kulila kwa mwana. 18Katuka pita katole umwana umumyalazye. Munoli ndacita luko lukulu ukupitila mu amu mupanda wakwe.” 19Lyene Leza amuyula amanso, nga Haga alola icifula ca manzi. Caleka apita nga aya azuzya lufinga, nga aiza amwesya umwana. 20Leza wali nu mwana mu kukula kwakwe. Mwana wilya watenzi mu Lwanga lwa Palani, aya umulunzi mucenjele nupya uwamaka. 21Nyina amulondela umwanaci wakutwala ukufuma ku Eguputo.
Ulayano pakasi kakwe Abulaamu na Abimeleki
22 #
Uta 26:26
Mu nsita ilya Abimeleki apita na Fikoli musika mukalamba wa vita vyakwe, aya kuli Abulaamu amunena ati, “Leza waya nawe muli vyonsi vino ukacita. 23Caleka laya nu mulapo pa manso yakwe Leza ukuti utalantumpika, nene nanti ana yane, nanti amu mupanda wane. Nemo indi uwakutailwa kunuli, caleka nawe kwene laya ukuti umayanga uwakutailwa kunondi nu ku mpanga yane kwene ino utenzimo wa mwinamasi.”
24Abulaamu aasuka ati, “Nalaya.”
25Lelo Abulaamu wailizyanyizye kuli Abimeleki pamulandu wa cifula cino aomvi yakwe Abimeleki yalanga yapoka. 26Abimeleki watile, “Ntamanyile wacita cico. Utatazile unene, nga lii, lili iila lyakutandika kuvwa pamulandu uu.” 27Lyene Abulaamu apeela Abimeleki imfwele ni ng'ombe, nga ya oili yazumilizyanya yacita cipangano. 28Abulaamu apaatula twana utwa mfwele cinimbali pa mfwele zyakwe. 29Abimeleki auzya Abulaamu ati, “Uzye pacani wacita cico?” 30Nawe aasuka ati, “Ufwile ukupokelela imfwele zi cinimbali kulanga ukuzumila vino anene nimvile cifula ci.” 31Caleka cifula yacitemela izina yati Belisyeba, pamulandu wakuti apano antu oili yacitile umulapo.
32Pacisila ca kucita cipangano cakuzumilizyanya cino yacisile pa Belisyeba, Abimeleki na Fikoli, musika mukulu wa vita vyakwe, yapita yaswilila ku Filisti. 33Nga Abulaamu alema umuti wa tamalisiki#21:33 TAMALISIKI: Umuti walondololwa ukuti ukazanwa umu lwanga nupya usiiuma awe. Antu umu lwanga yakauomvya wa cilyo ca mbuzi. pa Belisyeba, nu kupepa Yawe Leza, wape nape. 34Abulaamu aikala mu mpanga ya Filisti pa nsita ntali.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013