កោរាញអ៝សម៝ន 7
7
នាវឆាតេផាន ងើយ
1ជេសរីអីកោរាញជានឞ្រាសទុតក្វ៝ង់អោបឆាតេផាន ៖ “ទីកើតនៃងាន់ដ៝ង់បាស?” 2ឆាតេផាន អើសលាស៖ “ហើយផូងកោរាញ ហើយផូងអ៝សនោកោញវា ទាន់ខាន់មៃអ្យាត់គ៝ប់ហ៝ម់! កោរាញឞ្រាសតានាវច្រេកលើប ពាង់ នើម ពាង់លែៈតឹមមពើលមាចែអាឞ្រាហាម់ ឞ៝ន់កាល់អែនើស ទោលពាង់ហោមគុតាឞ្រីមេឆោពោតាមៀ អេល៝រមាពាង់គុតាប៝នចារាន ។#នន ១១:៣១ 3កោរាញឞ្រាសលាសកើតនអា៖ «មៃទ៝ក់ហ៝ម់លោសឞើសឞ្រីទាកមៃនើម ឞើសនទុលមពោលមៃ ជេសរីហាន់តានតុកឞ្រីទាកអីគ៝ប់ញច៝ង់មាមៃ»#នន ១២:១។ 4ជេសរីអាឞ្រាហាម់ ទូឞើសឞ្រីខាលដេ ហាន់គុតាប៝នចារាន ។ ជេសខឹតឞឹពាង់តានៃ កោរាញឞ្រាសលែវពាង់ទូឞើសឞ្រីនៃ ហាន់តាឞ្រីអីខាន់មៃគុអាបៃអ្យា។ 5តាឞ្រីអ្យា កោរាញឞ្រាសមោអោសអ៝ន់នែសមីរមាពាង់ នែសទឹងមពាងជ៝ង់កោរាញឞ្រាសមោអ៝ន់ដ៝ង់។ យើនមាកោរាញឞ្រាសត៝នឞ្រីអ្យាជេងឞ្រីពាង់ នហ៝មាត៝ត់ក៝នត៝ត់ឆៅពាង់នើមអាកើយតៃ ឞ៝លលាសនោកនៃអាឞ្រាហាម់ មោហ៝ៈអោសគែសក៝ន។#នន ១១:២៩-៣០; ១២:៧ 6កោរាញឞ្រាសលាសមាពាង់កើតនអា៖ «ក៝នឆៅមៃមរាគុជេងឞូនាច់តាឞ្រីទាកឞូអេង។ ឞូនុយ្សតាឞ្រីអីនៃឆ៝ៈខាន់ពាង់ជានទឹក នទ្រែលមាតុនជ៝តខាន់ពាង់ជ៝ៈ ៤០០ នាម់»។ 7កោរាញឞ្រាសលាសដ៝ង់៖ «យើនលាសគ៝ប់តេៈទោយ្សមាឞ្រីទាកអីឆ៝ៈក៝នឆៅមៃនៃជានទឹក។ ជេសរីក៝នឆៅមៃទូលោសឞើសនតុកនៃ គុយើកមឞាសគ៝ប់តាឞ្រីអ្យា»#នន ១៥:១៣-១៤។ 8ជេសរីកោរាញឞ្រាសតឹមរាង្លាប់មាអាឞ្រាហាម់ ដាៈពាង់ក៝សនតោទឹងលែៈផូងឞូក្លោអីគុតាញីសពាង់។ នទើអីនៃជេងនាវមឞេននាវតឹមរាង្លាប់អីនៃ។ នទ្រីទឹងទោលអីឆាក់ អីក៝នពាង់នើមទែសគែសផាមនារ អាឞ្រាហាម់ អីឞឹរីក៝សនតោមាពាង់។ ជេសរីអីឆាក់ ក៝សនតោអ៝ន់មាយាកោប អីក៝នពាង់ យាកោប ក៝សនតោអ៝ន់មា ១២ នុយ្សអីក៝នឞូក្លោពាង់ដ៝ង់ នទ្រីទឹងលែៈផូងឞ៝ន់ជេងអីក៝នឆៅ ១២ នុយ្សខាន់ពាង់នៃ។#នន ១៧:៩-១៤ 9ខាន់ពាង់អីនៃគែសនូយ្សនហ៝ម់មោនាចមាយោឆែប អីអ៝សខាន់ពាង់ នទ្រីទឹងតាច់លើយអោឞាល់អ៝ន់គុជានទឹកតាឞ្រីអេឆីប ។ យើនមាកោរាញឞ្រាសគុនទ្រែលពាង់#នន ៣៧:៤, ១១-២៨; ៣៩:២ 10រាក្លាយ្សលែៈនាវជេរជ៝ត់តាពាង់ អ៝ន់ពាង់គែសនាវមឹនគឹតឞ្លាវងាន់ នទ្រែលមាអ៝ន់ផារ៝ន អីកាដាច់ឞ្រីអេឆីប #៧:១០៖ ទឹងលែៈកាដាច់តាឞ្រីអេឆីប ឞូក្វាល់លាស៖ «ផារ៝ន »។នៃទីនូយ្សនហ៝ម់មាពាង់ដ៝ង់។ ផារ៝ន អ៝ន់ពាង់ជេងកោរាញម៝ត់អ្វាញ់តាឞ្រីអេឆីប នទ្រែលមាអ៝ន់ម៝ត់អ្វាញ់ទឹងលែៈទ្រាប់នទើពាង់នើមដ៝ង់។#នន ៣៩:២១-២៣; ៤១:១៤-៤៦ 11ឞើសកើយនៃគែសនាវជីឆ៝ត់ជីង៝តក្វ៝ង់តាឞ្រីអេឆីប នទ្រែលមាតាឞ្រីកានាអាន គែសរេសរាញាល់លាមនតុក។ ផូងអូចែឞ៝ន់កាល់អែនើសជ៝យនទើឆោងឆាមោគែសអោស។#នន ៤១:៥៣-៥៧ 12ទោលយាកោប តាង់លឺលាសហោមគែសឞាតាឞ្រីអេឆីប រី ពាង់ដាៈអីក៝នៗពាង់ហាន់តាឞ្រីនៃឞោកទាក។#នន ៤២:១-៥ 13ត៝ត់មាហាន់ឞារតឹ រីមើយោឆែប អ៝ន់អ៝សនោពាង់គឹតនាល់ពាង់ នហ៝មាផារ៝ន គឹតនទុលមពោលយោឆែប រីដ៝ង់។#នន ៤៥:១-១៦; ៤៦:២៦-២៧ 14ជេសរីយោឆែប ដាៈឞូហាន់ឆ៝ៈយាកោប អីឞឹពាង់ឞើសរី នទ្រែលមាឞាល់មពោលពាង់ ទឹងលែៈនៃគែស ៧៥ នុយ្ស។ 15នទ្រីយាកោប ហាន់តាឞ្រីអេឆីប គុនហ៝មាខឹតតាឞ្រីនៃ នអ៝ប់មាក៝នឞូក្លោពាង់#៧:១៥៖ តានាវងើយគ្រែក លាស៖ «ផូងចែឞ៝ន់»។ខឹតតាឞ្រីនៃដ៝ង់។ 16ជេសរីឞូរាទែងឆាក់ជាន់យាកោប នទ្រែលមាយោឆែប លែវត៝ប់តាប៝នឆីកែម តាឞ្រីឞ៝ន់នើមអ្យា នតុកមោចអាឞ្រាហាម់ ទែរាវាត់ឞើសក៝នឆៅហេម៝រ តានតុកប៝នឆីកែម នៃនើស”។#នន ៣៣:១៩; ៥០:៥, ២៤-២៥; យោឆ ២៤:៣២
17“ផូងឞ៝ន់លើមាឞឹកលើមាអ៝ក់តាឞ្រីអេឆីប រី ត៝ត់ឞើយទីនាម់កោរាញឞ្រាសទែត៝នមាអាឞ្រាហាម់ នៃនើស។#នង ១:៧-១៦, ២២ 18ជេសរីគែសកាដាច់មហែនត្រ៝ៈជានកាដាច់តាឞ្រីអេឆីប រី កាដាច់អីនៃមោអោសគឹតនទើយោឆែប វៃជានមាផូងអេឆីប នើស។ 19កាដាច់អីនៃគែសនាវមឹនអ្យើសមហឹកងាន់មាផូងឞ៝ន់ ពាង់តុនជ៝តផូងអូចែឞ៝ន់ នហ៝មាត៝ត់ដាៈខាន់ពាង់មអារ់លើយក៝នមហែទែស មោអ៝ន់អោសរ៝ងរេស។ 20មោឆេ ទែសនោកនៃដ៝ង់ ពាង់ជេងអ៝សឞេអ្វែសរែស#៧:២០៖ មោលាស «អ្វែសរែសតាឞើសនាប់កោរាញឞ្រាស»។ងាន់។ មេៈឞឹម៝ត់ពាង់តាជៃគែសពែខៃ។#នង ២:១-១០; ហេឞ ១១:២៣ 21ទោលរីអ្យាត់មាអីមេៈឞឹមអារ់ពាង់ គែសក៝នឞូអូរផារ៝ន អីកាដាច់ឞ្រីអេឆីប ឆ៝ៈម៝ត់ ជេងតឹមឞានមាក៝នពាង់នើមងាន់។ 22នទ្រីទឹងមោឆេ លាប់នតីទឹងលែៈនាវគឹតឞ្លាវផូងអេឆីប ជេសរីពាង់មឞើសងើយឞ្លាវងាន់ នទ្រែលមាឞ្លាវជានការអ៝ក់នតីលដ៝ង់។ 23ត៝ត់ពាង់គែស ៤០ នាម់ ពាង់អុចហាន់ខ៝ល់ផូងអីឆ្រាអែល អីអ៝សនោឞាល់មពោលពាង់នើម។#នង ២:១១-២២; ១៨:៣-៤; ហេឞ ១១:២៤-២៧ 24ត៝ត់តានៃពាង់ឆៃទូហ្វេមពោលអេឆីប ជានអ្យើសលើសឞាល់ពាង់ទូហ្វេ ពាង់កើលងកីងឞាល់ពាង់រី ជេសរីព្លើងមឞាងមពោលអេឆីប អីនៃត៝ត់ខឹតរ៝។ 25មោឆេ មឹនអេងឆាក់ពាង់នើម ផូងអ៝សនោមឹនមាពាង់រ៝កោរាញឞ្រាសទែអ៝ន់គៃមារាក្លាយ្សខាន់ពាង់ តីសមាឞូមោគែសអោសមឹនកើតនៃ។ 26ត៝ត់នារអោយតៃ មោឆេ ឆៃមពោលអីឆ្រាអែល អាបាៈតឹមលើសនទ្រាង់ខាន់ពាង់នើម ពាង់ឞ្វៃ អ៝ន់ខាន់ពាង់តឹមរាង្លាប់ឞាល់ ពាង់លាស៖ «ហើយអ៝សនោ ម៝សជានតឹមលើសអ្យើសនទ្រាង់នើម អើមឞូអេងលាសខាន់មៃនៃហែស?» 27ពាង់អីជានអ្យើសមាអ៝សនោច្យៅមែងរី ងក្លឹមោឆេ នហ៝មាលាសពាង់៖ «ឞូម៝សអ៝ន់មៃជានកោរាញ នទ្រែលមាជានកោរាញផាតទោយ្សមាហេន? មោគែសអោស។ 28មៃអុចងខឹតគ៝ប់ កើតមៃលែៈងខឹតទូហ្វេមពោលអេឆីប នត្រីនើសឞើស?#នង ២:១៤» 29ជេសមោឆេ តាង់នាវកើតនៃពាង់ក្លាចផូងអេឆីប ព្លើងងខឹតពាង់ដ៝ង់ ជេសរីពាង់ញច្វាត់ទូគុជេងឞូនាច់តាឞ្រីមាដេន ជ៝ៈនាម់ងាន់។ តានតុកឞ្រីនៃពាង់គែសក៝នឞូក្លោឞារហៃ”។
30“ត៝ត់គែស ៤០ នាម់ គែសទូហ្វេតោងពារ់កោរាញឞ្រាសតឹមមពើលឆាក់អ៝ន់មាមោឆេ ឆៃតាឞ្រីរាទាសយោកឆីនាយ រី។ តាឞ្រីរាទាសនៃគែសទូពុមល៝ក ជេសរីតោងពារ់អីនៃតឹមមពើលមាពាង់ជេងមព្យាត់អុញតាពុមល៝កអីនៃ។#នង ២:២៣-២៥; ៣:១-១០ 31ទោលមោឆេ ឆៃកើតនៃ ពាង់គែសនាវនទ្រ៝ត់ហីសរាហ៝ល់ងាន់មោវ៝ត់អោសមានទើតឹមមពើលអីនៃ យ៝រមាពុមល៝កអីនៃមោគែសអោសអុញឆាងាន់។ ជេសរីពាង់ហាន់ទាច់គៃមាអ្វាញ់នហេលនទើនៃ ពាង់តាង់កោរាញឞ្រាសលាសមាពាង់៖ 32«គ៝ប់ជេងឞ្រាសអាឞ្រាហាម់ យើកមឞាស ជេងឞ្រាសអីឆាក់ យើកមឞាស ជេងឞ្រាសយាកោប យើកមឞាស»#នង ៣:៦។ មោឆេ ញឆ៝រ់ងាន់ ពាង់ក្លាចមោហោមអោសឞាញ់អ្វាញ់។ 33កោរាញឞ្រាសលាសមាពាង់៖ «ទ្រ៝សលើយនតោជ៝តមៃនៃ យ៝រលាសនតុកមៃទ៝ក់នៃជេងនតុកក្ល៝សអ្វែស។ 34លែៈគ៝ប់ឆៃងាន់នាវឞូតុនជ៝តមាប៝នលានគ៝ប់តាឞ្រីអេឆីប លែៈគ៝ប់តាង់ងាន់នាវខាន់ពាង់រាដេងដ៝ង់ ជុរគ៝ប់អ្យាគៃមារាក្លាយ្សខាន់ពាង់អីនៃ។ ទ៝ក់ហ៝ម់! គ៝ប់ដាៈមៃហាន់តាឞ្រីអេឆីប អាបៃអ្យារ៝»#នង ៣:៥-១០។ 35អាល៝រនើសមោឆេ អ្យាប៝នលានអីឆ្រាអែល លែៈរាលាច់មោអោសគឹតនាល់ពាង់ ឞូទែលាសពាង់៖ «ឞូម៝សអ៝ន់មៃជានកោរាញ នទ្រែលមាជានកោរាញផាតទោយ្សហេន?» យើនមាកោរាញឞ្រាសទែដាៈពាង់ហាន់ជានកោរាញ នទ្រែលមារាក្លាយ្សខាន់ពាង់។ តោងពារ់កោរាញឞ្រាសអីលែៈតឹមមពើលជេសមាពាង់តាពុមល៝កនៃនើសកើលពាង់ជានការអីនៃ។#នង ២:១៤ 36មោឆេ អ្យាលែវផូងប៝នលានអីឆ្រាអែល ទូលោសឞើសឞ្រីអេឆីប ពាង់ជាននាវខ្លៃ នទ្រែលមានាវមឞេនលែៈនាវងាន់តាឞ្រីអេឆីប តាទាកវាច់ទាកវារ់ចាង់ តាឞ្រីរាទាសទោល ៤០ នាម់ខាន់ពាង់គុតានៃ។#នង ៧:៩—១២:៣០; ១៤:២១-២២; នក ១៤:៣៣-៣៤; នវ ៤:៣៤ 37មោឆេ អីអ្យាលាសមាផូងអីឆ្រាអែល ៖ «ជឹតនាប់តៃកោរាញឞ្រាសអ៝ន់គែសទូហ្វេឞូនុយ្សនតើយ្សនាវងើយកោរាញឞ្រាសតាៈឞើសអ៝សនោខាន់អៃមៃ តឹមឞានមាគ៝ប់ [អ៝ន់ខាន់អៃមៃអ្យាត់នាវពាង់ទោ]»#នវ ១៨:១៥។ 38មោឆេ អីអ្យាគុនទ្រែលផូងប៝នលានអីរាគូមតាឞ្រីរាទាសនើស តោងពារ់អីនៃមឞើសងក៝ចមាពាង់តាយោកឆីនាយ ជេសរីពាង់នតើយ្សនាវអីនៃអ៝ន់មាផូងអូចែឞ៝ន់។ ពាង់ឆ៝ៈទើននាវងើយកោរាញឞ្រាសអីអ៝ន់នាវរេស អ៝ន់ត៝ត់មាផូងឞ៝ន់។#នង ២០:១៨-២១; ៣១:១៨ 39តីសមាផូងអូចែឞ៝ន់មោអ្យាត់អោសនាវពាង់ ខាន់ពាង់មោហោមអុចពាង់ជានកោរាញ គែសនូយ្សនហ៝ម់អុចព្លឹតៃតាឞ្រីអេឆីប ជឹតច្រាវ។#នង ១៦:២-៣ 40ខាន់ពាង់លាសមាអារោន អីនោមោឆេ កើតនអា៖ «ដាៈមៃជានម៝នរូបឞ្រាសអេងៗមាលែវផូងហេន យ៝រលាសមោឆេ អីលែវហេនលោសតាៈឞើសឞ្រីអេឆីប នើស ហេនមោគឹតអោសម៝សនាវគែសមាពាង់»#នង ៣២:១-២។ 41ជេសរីខាន់ពាង់ជានម៝នទូមល៝ម់ក៝ននទ្រោក ខាន់ពាង់ជានឞ្រាសយើកមឞាសមារូបអីនៃ ខាន់ពាង់រាម់មអាកមានទើតីខាន់ពាង់នើមជាន។#នង ៣២:៤-៦ 42កើតនទ្រីកោរាញឞ្រាសមោហោមអោសម៝ត់អ្វាញ់ខាន់ពាង់ ប៝កគ៝រខាន់ពាង់អ៝ន់យើកមឞាសមាលែៈនទើតាកាលើត្រោក ជេងតឹមទីដាសនាវគែសញចីសតាឆ៝ម់បុតឞូនុយ្សនតើយ្សនាវងើយកោរាញឞ្រាសកើតនអា៖
«ហើយផូងអីឆ្រាអែល ទោលខាន់អៃមៃគុតាឞ្រីរាទាស ៤០ នាម់នើស
ទឹងលែៈមពោមពា(ឆ្យុម)អីខាន់អៃមៃងខឹត នទ្រែលមានទើជានឞ្រាសអីខាន់អៃមៃវៃជាន ខាន់អៃមៃមោគែសអោសជានមាគ៝ប់។
43ខាន់អៃមៃតូងចូនឞ៝កជានឞ្រាសមាឞ្រាសមោលុក
នទ្រែលមារូបមាញ់ឞ្រាសរេមផាន់ អីឞ្រាសផូងអេងយើកមឞាសដ៝ង់
ទឹងលែៈរូបឞ្រាសខាន់អៃមៃជានម៝ននៃ គៃមាយើកមឞាសមាពាង់!
យ៝រមាខាន់អៃមៃជានកើតនៃទឹងគ៝ប់វែងខាន់អៃមៃអ៝ន់ទូលោសឞើសឞ្រីទាកខាន់អៃមៃនើមហាន់ងាយរាលាវមាឞ្រីបាបីលោន ជឹតនាប់តៃ»#អាម ៥:២៥-២៧”។
44“តាឞ្រីរាទាស ផូងអូចែឞ៝ន់នោកនៃនើសគែសជេសចូនឞ៝កជានឞ្រាសមាកោរាញឞ្រាស ខាន់ពាង់ជានចូនអីនៃកើតនាវកោរាញឞ្រាសដាៈមាមោឆេ កើតព្រែអីឆៃរីនើស។#នង ២៥:៩ 45ផូងអូចែឞ៝ន់ញអោតដើនចូនអីនៃ នហ៝មាត៝ត់យោឆ្វេ លែវលាប់តានតុកឞ្រីទាកអីខាន់ពាង់ទើយពីតឞើសឞូ ឞ្រីទាកអីកោរាញឞ្រាសទែនត្រុតឞូទូលោសតានាប់មាត់ខាន់ពាង់នៃនើស។ ចូនអីនៃហោមត៝ត់មាកាដាច់ដាវីត ដ៝ង់”។#យោឆ ១៨:១; ១នរ ២១:២៩
46“កោរាញឞ្រាសរ៝ង់ងាន់មាកាដាច់ដាវីត ដាវីត អុចជានទូមល៝ម់ញីសមាយើកមឞាសកោរាញឞ្រាស ឞ្រាសអីចែយាកោប ឞ៝ន់កាល់អែនើសយើកមឞាស។#២ឆា ៧:២-១៣; ១កក ៦:១-៣៨ 47យើនមាកោរាញឞ្រាសមោអោសអ៝ន់ពាង់ជានញីសអីនៃ កាដាច់ឆាលោមោន អីក៝នពាង់ទឹងហ៝ចជានញីសជានឞ្រាសអីនៃ។ 48យើនមាកោរាញឞ្រាសទុតព្រេស មោគុអោសតាញីសតីឞូនុយ្សជាន។ ឞូនុយ្សនតើយ្សនាវងើយកោរាញឞ្រាសកាល់អែនើសលែៈគែសញចីសដ៝ង់៖
49«កោរាញឞ្រាសលាស៖ «ត្រោកហោមជេៈតឹមឞានមារានើលកាដាច់នតុកគ៝ប់គុ
ជេសរីនែសនតូហោមជេៈតឹមឞានមារានើលនតុករាកើលជ៝ង់គ៝ប់។
លាសនទ្រីមើមញីសខាន់មៃទើយជានអ៝ន់មាគ៝ប់ហាៈ?
មោលាសអាសនតុកអ៝ន់គ៝ប់ឞែមាគុ?
50យ៝រលាសត្រោក នទ្រែលមានែសនតូ ទឹងលែៈនទើអីនៃនើស តីគ៝ប់នើមទាទេញជេង»»#អេឆា ៦៦:១-២”។
51“ហើយឞូនុយ្សទាង់ក៝! ខាន់មៃតឹមឞានមាឞូនុយ្សអីមោទីផូងអីឆ្រាអែល គែសតោរមោអុចអ្យាត់កោរាញឞ្រាស។ ខាន់មៃតឹមរាទ៝ង់ដាសឞ្រាសហ្វេងអ្វែសអីក្ល៝សអ្វែសនឹងនែងទើម តឹមឞានមាផូងអូចែខាន់មៃកាល់អែរីនើសដ៝ង់!#នង ៣២:៩; អេឆា ៦៣:១០ 52យ៝រលាសលែៈមពោលឞូនុយ្សនតើយ្សនាវងើយកោរាញឞ្រាសកាល់អែនើស ផូងអូចែខាន់មៃជានជេរមាខាន់ពាង់ទាទេ។ ខាន់ពាង់ងខឹតលើយលែៈផ្យៅមពោលឞូនុយ្សនតើយ្សនាវងើយកោរាញឞ្រាសអីងក៝ចល៝រមានាវវាច់ឞ្រាសក្រីស អីទូហ្វេឞូនុយ្សឆ៝ង់។ អាបៃអ្យាខាន់មៃលែៈញុបឞ្រាសក្រីស អីនៃញជុនមាឞូ ជេសរីងខឹតលើយអោឞាល់ដ៝ង់។#លក ១១:៤៧-៥១; ១៣:៣៤ 53ខាន់មៃលែៈឆ៝ៈទើនជេសនាវវៃកោរាញឞ្រាសអីតោងពារ់លែៈអ៝ន់មាមោឆេ នទ្រែលមាផូងអូចែឞ៝ន់ តីសមាខាន់មៃមោអោសជានតឹងនាវពាង់ដាៈនៃ!”
ឞូងខឹតឆាតេផាន
54ជេសឞូតាង់នាវឆាតេផាន ងើយនៃ ឞូជីនូយ្សទុតហោ កាប់រាច្យាត់ឆេកនែងមាពាង់ងាន់។#ការ ៥:៣៣ 55ល៝ង់ឆាតេផាន រី ឞ្រាសហ្វេងអ្វែសអីក្ល៝សអ្វែសគុតាពាង់ងាន់ អ៝ន់ពាង់ងគើរអ្វាញ់ជឹតត្រោកតី ឆៃនាវច្រេកលើបកោរាញឞ្រាស នទ្រែលមាឆៃឞ្រាសយេឆូ ទ៝ក់ឞើសមាកោរាញឞ្រាសរីដ៝ង់។#លក ២២:៦៩; រម ៨:៣៤ 56ពាង់លាស៖ “អ្វាញ់រី! គ៝ប់ឆៃត្រោកពើកលាហឺរ នទ្រែលមាឆៃកោរាញយេឆូ អីក៝នឞូនុយ្សតាៈឞើសកោរាញឞ្រាសទ៝ក់ឞើសមាកោរាញឞ្រាសរីដ៝ង់”។ 57ទោលនៃឞូនតែរទុតហោ នហ៝មាឆ៝ៈលាវតីញឆេតតោរខាន់ពាង់នើមគៃមាមោហោមតាង់នាវពាង់ដ៝ង់ ទឹងលែៈឞូរាទោសតាពាង់រីទាទេ។ 58ឞូមផ៝ក់តេកពាង់ទូលោសឞើសទីសប៝នយេរូឆាលឹម នៃ គៃមាក្លុបពាង់មាលុត៝ត់ខឹត។ មពោលអីគុអ្វាញ់នៃ ទ្រីសអាវក្វ៝ង់ខាន់ពាង់នើមអ៝ន់តាជ៝ង់ទូហ្វេឞូក្លោនទាម់ រាញាឆោល ។#ការ ២២:២០; នវ ១៧:៧ 59ទោលឞូនតុបឆាតេផាន មាលុរី ពាង់មឞើសឆើម៖ “ហើយកោរាញយេឆូ ទាន់មៃឆ៝ៈទើនហ្វេងគ៝ប់”។#លក ២៣:៤៦ 60ជេសរីពាង់ច៝នកោម៝ក់ នតែរទុតនតែសងាន់៖ “ហើយកោរាញ! លើយអោសកើបនាវតីសអ្យាត៝ត់មាខាន់ពាង់”។ ជេសពាង់លាសកើតនៃ នហ៝មារ៝សនហ៝ម់ក្ល៝ក់។#មថ ៥:៤៤; លក ២៣:៣៤
Currently Selected:
កោរាញអ៝សម៝ន 7: cmoK
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
