យោហាន 4
4
ឞ្រាសយេឆូ តឹមងើយនទ្រែលទូហ្វេឞូអូរផូងឆាមារី
1ផូងផារីឆី តាង់ឞូងក៝ចលាស ឞ្រាសយេឆូ គែសអ៝សម៝នអ៝ក់រាលាវមាយោហាន-បាប់តែម នទ្រែលមាជានបាប់តែមយុកមាទាកអ៝ន់មាឞូនុយ្សអ៝ក់រាលាវមាពាង់ដ៝ង់។ 2-3ត៝ត់ឞ្រាសយេឆូ លែៈគឹតនាវអីនៃ ពាង់លោសឞើសឞ្រីយូដា ព្លឹឆឹតតៃតាឞ្រីកាលីលេ ។ យើនមាឞ្រាសយេឆូ នើមមោអោសជានបាប់តែមយុកមាទាកអ៝ន់ឞូ គែសមពោលអ៝សម៝នពាង់ទើមជាន។#យហ ៣:២២ 4ពាង់ហាន់គ្លាត់រ៝ៈឞ្រីឆាមារី យ៝រមាកោរាញឞ្រាសដាៈ#៤:៤៖ មោលាស «ពាង់អ្យាត់មាហាន់រ៝ៈឞ្រីឆាមារី »។ ត្រ៝ងឞើសឞ្រីកាលីលេ ហាន់ជឹតប៝នយេរូឆាលឹម ហាន់គ្លាត់រ៝ៈឞ្រីឆាមារី ទាច់ យើនមាអ៝ក់ផូងអីឆ្រាអែល ហាន់ទែរត្រ៝ងអីនៃ ជេងហាន់ត្រ៝ងអីងាយ។។ 5រ៝ៈត្រ៝ងនៃពាង់ហាន់ត៝ត់តាប៝នឆូខារ តាឞ្រីឆាមារី ប៝នអីនៃតឹមទាច់ដាសនែសយាកោប អីចែផូងអីឆ្រាអែល ពាៈមាក៝នពាង់យោឆែប កាល់អែនើស។#នន ៣៣:១៩; ៤៨:២២ 6តានតុកនៃគែសទូមល៝ម់នតូទាក រាញា«នតូទាកយាកោប »។ ឞ្រាសយេឆូ ហាន់លែៈរាគាញ់ ជេសរីពាង់គុរាលូកេងនតូទាកនៃ នោកនៃក្លាប់លាសលែៈនារងក្លាងឞោក។ 7ជេសរីគែសទូហ្វេឞូអូរឆាមារី ហាន់ឞុកទាក ឞ្រាសយេឆូ លាសមាពាង់៖ “ទាន់ទាកញេតអើ”។ 8មពោលអ៝សម៝នពាង់លែៈហាន់រាវាត់នទើឆាតាប៝ន។ 9ឞូអូរឆាមារី នៃលាសមាឞ្រាសយេឆូ ៖ “មៃផូងអីឆ្រាអែល គ៝ប់ឞូអូរផូងឆាមារី ម៝សមៃទាន់ទាកគ៝ប់ច្រាវ?” ពាង់លាសកើតនៃ យ៝រលាសផូងអីឆ្រាអែល ដាសមាផូងឆាមារី មោគែសអោសតឹមទីឞាល់។#លក ៩:៥២-៥៣ 10ឞ្រាសយេឆូ លាសមាពាង់៖ “លាសអៃនាល់នទើកោរាញឞ្រាសអុចអ៝ន់ទើមទាម នទ្រែលមានាល់គ៝ប់អីឞូនុយ្សលាសមាអៃ៖ «ទាន់ទាកញេតអើ» អៃទាន់ទាកឞើសគ៝ប់ ជេសរីគ៝ប់អ៝ន់ទាកអីអ៝ន់នាវរេសមាអៃរ៝”។#យហ ៧:៣៧-៣៩; នតម ២១:៦ 11ឞូអូរអីនៃអើសមាពាង់៖ “អើកោរាញ នតូទាកអ្យាជ្រូងាន់ មាៈនទើមៃមាឞុក លាសនទ្រីឞើសតាៈគែសទាកអីអ៝ន់នាវរេស? 12លាសនទ្រីមៃក្វ៝ង់រាលាវចែហេន#៤:១២៖ មោលាស «ឞ៝ន់»។ តានាវងើយគ្រែក គែសទូនាវទើម «ហេន» នអ៝ប់មា«ឞ៝ន់»។ ចែយាកោប អីអ្យា ជេងចែផូងអីឆ្រាអែល ជេសរីផូងឆាមារី កើបពាង់ជេងចែខាន់ពាង់ដ៝ង់។ យើនមាឞូអូរអីនៃអុចតឹមងខាសផូងពាង់ដាសផូងអីឆ្រាអែល ។យាកោប បាស? យ៝រលាសពាង់លែៈអ៝ន់នតូទាកអីអ្យាមាហេន។ ពាង់នើម នទ្រែលមាមពោលក៝នឞូក្លោពាង់ នអ៝ប់មាមពោមពា(ឆ្យុម)ពាង់ញេតទាកឞើសនតូអីអ្យាទាទេ”។#យហ ៨:៥៣ 13ឞ្រាសយេឆូ លាស៖ “ឞូម៝សញេតទាកអីអ្យាហោមជីហីរដ៝ង់#យហ ៦:៥៨; អេឆា ៥៥:១-២ 14យើនមាឞូម៝សញេតទាកគ៝ប់អ៝ន់ មោហោមគែសអោសនាវជីហីរជឹត យ៝រលាសទាកគ៝ប់អ៝ន់អីនៃ ជេងតូទាកតាពាង់អីលោសរាទោលអ៝ន់គែសនាវរេសនហ៝រ៝”។ 15ឞូអូរអីនៃលាសមាពាង់៖ “អើកោរាញ! ទាន់ទាកមៃអីរីអ៝ន់គ៝ប់បាៈអើ គៃមាគ៝ប់មោហោមជីហីរ មោហោមខាច់ហាន់ឞុកតាអ្យាជឹត”។#យហ ៦:៣៤ 16ឞ្រាសយេឆូ លាសមាពាង់៖ “ឆឹតក្វាល់ឆាយអៃ ហាន់ព្លឹតាអ្យា”។ 17ឞូអូរអីនៃអើស៖ “គ៝ប់មោអោសគែសឆាយ”។ ឞ្រាសយេឆូ លាស៖ “អៃលាសអៃមោគែសឆាយកើតនៃជេងទីងាន់ 18យ៝រលាសអៃនើសលែៈគែសព្រាម់អឹឆាយ យើនមាឞូនុយ្សគុដាសអៃអាប់នារអាបៃអ្យាមោអោសទីឆាយងាន់អៃ នាវអៃងើយអីនៃជេងទីងាន់”។ 19ឞូអូរអីនៃលាស៖ “អើកោរាញ គ៝ប់គឹតមៃឞូនុយ្សនតើយ្សនាវងើយកោរាញឞ្រាសងាន់រ៝។#យហ ៦:១៤; ៧:៤០; លក ៧:៣៩ 20អូចែផូងហេនកាល់អែនើស អ៝ន់ផូងហេនយើកមឞាសកោរាញឞ្រាសតាកាលើយោកអ្យា យើនមាមើមទឹងផូងអីឆ្រាអែល ខាន់មៃលាសអ៝ន់យើកមឞាសពាង់តាប៝នយេរូឆាលឹម ទើម?”#យោឆ ៨:៣០-៣៥; នវ ១១:២៦-៣០; ២៧:១១-១៣ 21ឞ្រាសយេឆូ លាស៖ “អើយោស អៃអ្យាត់នាវគ៝ប់អ្យា៖ ត៝ត់ទីនាររីតៃ នតុកយើកមឞាសមាកោរាញឞ្រាសអីឞឹមោគែសអោសលាសតាកាលើយោកអ្យា មោលាសតាប៝នយេរូឆាលឹម ។ 22ផូងឆាមារី ខាន់អៃយើកមឞាសកោរាញឞ្រាសយើនមាមោអោសគឹតនាល់ពាង់។ ផូងអីឆ្រាអែល ហេន ហេនយើកមឞាសកោរាញឞ្រាសនអ៝ប់មាគឹតនាល់ពាង់ដ៝ង់ យ៝រលាសនាវរាក្លាយ្សមាទឹងលែៈឞូនុយ្សកោរាញឞ្រាសអ៝ន់នៃតាៈឞើសផូងអីឆ្រាអែល #៤:២២៖ ឞ្រាសយេឆូ អីនើមរាក្លាយ្សជេងផូងអីឆ្រាអែល ។។#ការ ១៧:២៣; អេឆា ២:៣ 23យើនមាត៝ត់ទីនារអីនៃ អាបៃអ្យាលែៈត៝ត់ជេស ឞូនុយ្សអីយើកមឞាសទីងាន់ងេនមាកោរាញឞ្រាសឞឹ យើកមឞាសពាង់មានូយ្សនហ៝ម់#៤:២៣៖ មោលាស «យើកមឞាសពាង់តាៈឞើសឞ្រាសហ្វេងអ្វែស»។ មានាវងាន់ នាវយើកមឞាសកើតអីនៃជេងនាវកោរាញឞ្រាសឞឹអុច។#យហ ១៤:៦; អេផ ២:១៨ 24កោរាញឞ្រាសជេងហ្វេងមោគែសអោសឆាក់ជាន់ នទ្រីឞូម៝សយើកមឞាសមាពាង់ អ្យាត់មាយើកមឞាសមានូយ្សនហ៝ម់ មានាវងាន់”។#យហ ៣:៥; ១៤:៦; ២កោ ៣:១៧-១៨ 25ឞូអូរអីនៃលាស៖ “គ៝ប់លែៈគឹតជេស ឞ្រាសមេឆី #៤:២៥៖ នាវ«មេឆី »នៃជេងនាវងើយហេឞ្រើ រាឞ្លាងតានាវងើយគ្រែក លាស «ក្រីស »។អីឞូក្វាល់ឞ្រាសក្រីស អីនើមរាក្លាយ្សតាៈឞើសកោរាញឞ្រាសទែញជ្វាល់ដ៝ង់ ពាង់មរាត៝ត់តានែសនតូអ្យា លាសពាង់ត៝ត់ ពាង់រាឞ្លាងទឹងលែៈនទើមាហេន”។#យហ ៩:៣៥-៣៧ 26ឞ្រាសយេឆូ លាស៖ “គ៝ប់អីរី#៤:២៦៖ នាវឞ្រាសយេឆូ លាស៖ «គ៝ប់អីរី» ងកាសនាវកោរាញឞ្រាសមឞើសមារាញាពាង់នើម អីកោរាញឞ្រាសលែៈមឞើសអ៝ន់មាមោឆេ នើស(នង ៣:១៤)។ហែស គ៝ប់អីគុងើយនទ្រែលអៃអីអ្យាហែស”។
27តាម៝ងនៃមពោលអ៝សម៝នពាង់ឆឹតត៝ត់តារី ខាន់ពាង់នទ្រ៝ត់ហីសរាហ៝ល់ងាន់ឆៃពាង់គុងើយនទ្រែលទូហ្វេឞូអូរ#៤:២៧៖ នើមនតីផូងអីឆ្រាអែល វៃទែរងើយនទ្រែលឞូអូរ រាលាវមានៃជឹតខាន់ពាង់មោងើយ លាសមោគឹតនាល់ឞូអូរអីនៃ មោអុចអោសគុអេងឞារហៃទើម។ ជេសរីឞូអូរអីនៃ ជេងផូងឆាមារី ដ៝ង់។។ យើនមាមោគែសទូហ្វេអោបពាង់ ម៝សនទើពាង់ជ៝យ មោលាសមើមទឹងពាង់តឹមងើយនទ្រែលឞូអូរអីនៃ។ 28ឞូអូរអីនៃនត្លើយនោងរាឞ៝ង់ទាកតារី ជេសរីឆឹតតាប៝ន មឞើសមាឞូតារី៖ 29“ហាន់អ្វាញ់ គែសទូហ្វេឞូក្លោលាសទឹងលែៈនទើគ៝ប់លែៈជាន គឹតពាង់ឞ្រាសក្រីស ហើ?” 30ខាន់ពាង់លោសឞើសប៝ននៃហាន់គ្រុងតាឞ្រាសយេឆូ ។
31នទុតឞូអូរនៃឆឹតតាប៝ន មពោលអ៝សម៝នលាសមាឞ្រាសយេឆូ ៖ “អើនើមនតី ឆោងឆាហ៝ម់!” 32ពាង់លាស៖ “គ៝ប់គែសនទើឆោងឆាហើយ ខាន់មៃមោអោសគឹតនទើគ៝ប់ឆោងឆា”។ 33មពោលអ៝សម៝នតឹមលាសនទ្រាង់ខាន់ពាង់៖ “គឹតលែៈគែសឞូអ៝ន់នទើឆោងឆាមាពាង់?” 34ឞ្រាសយេឆូ លាស៖ “នទើឆោងឆាគ៝ប់នៃ ជេងនាវគ៝ប់ជានតឹងនាវអុចកោរាញឞ្រាសនើមអីតើមញជ្វាល់គ៝ប់វាច់ នទ្រែលមាជានលើយអ៝ន់ជេសនាវជានការអីនៃ។#យហ ៦:៣៨; មថ ៤:៤; ហេឞ ១០:៩-១០ 35ខាន់មៃតឹមលាស៖ «ហោមព្វាន់ខៃជឹតនាប់ ត៝ត់ខៃកាច់»។ យើនមាគ៝ប់ឞែ គ៝ប់លាសមាខាន់មៃ៖ អ្វាញ់ហ៝ម់ផូងឞូនុយ្សអីវាច់នៃ ខាន់ពាង់តឹមឞានមាទូលោកមីរអីគែសឞាលែៈទុមទីមាកាច់ងាន់ យ៝រមាខាន់ពាង់អុចញឆីងមាគ៝ប់។#មថ ៩:៣៧ 36អាបៃអ្យាមពោលឞូនុយ្សកាច់ហោមឆ៝ៈទើននទើងខោមមាខាន់ពាង់ ខាន់ពាង់រាគូមឞូនុយ្សគៃមាគែសនាវរេសនហ៝រ៝តឹមឞានមាឞូរាគូមព្លៃ លាសនទ្រីមពោលឞូនុយ្សតូច ដាសមពោលឞូនុយ្សកាច់ខាន់ពាង់រាម់មអាកតឹមឞាន។#១កោ ៣:៦-៨ 37កើតនទ្រីនាវវៃលាស៖ «ពាង់អ្យាមាតូច ពាង់អីត៝មាកាច់» ជេងទីងាន់។ 38គ៝ប់លែៈអ៝ន់ខាន់មៃតឹមឞានមាហាន់កាច់តាមីរនតុកខាន់មៃមោម៝ប់អោសរាអាសជាន លែៈគែសឞូនុយ្សអាអេងរាអាសជាន ជេសរីខាន់មៃមាហាន់កាច់រាគូមនទើតាៈឞើសខាន់ពាង់អីនៃរាអាសជាន”។
39តាប៝នអីនៃគែសអ៝ក់ផូងឆាមារី ញឆីងមាឞ្រាសយេឆូ យ៝រមាតាង់នាវឞូអូរអីនៃមឞើសងក៝ចមាខាន់ពាង់៖ “គែសទូហ្វេឞូក្លោលាសទឹងលែៈនទើគ៝ប់លែៈជាន”។#យហ ៤:២៩ 40កើតនទ្រីនោកផូងឆាមារី រានតាឞ្រាសយេឆូ រី ខាន់ពាង់ក៝ន់អ៝ន់ពាង់គុតានៃប៝ត់ ជេសរីឞ្រាសយេឆូ គុនទ្រែលខាន់ពាង់តានៃឞារនារ។ 41គែសឞូនុយ្សញឆីងមាឞ្រាសយេឆូ អ៝ក់រាលាវរីជឹត ត៝ត់មាតាង់នាវពាង់នើមមឞើសងក៝ចនៃ។ 42ផូងខាន់ពាង់លាសមាឞូអូរអីនៃ៖ “អាបៃអ្យាហេនញឆីងមាពាង់ យ៝រលាសលែៈហេននើមតាង់នាវពាង់មឞើសងក៝ច មោអោសទើននាវអៃមឞើសងក៝ចទើម នទ្រែលមាលែៈហេនគឹតពាង់ជេងនើមរាក្លាយ្សទឹងលែៈឞូនុយ្សតានែសនតូអ្យាងាន់”។#លក ២:១១
ឞ្រាសយេឆូ ជានឞាសនាវជីក៝នឞូក្លោទូហ្វេកោរាញ
43ត៝ត់ឞារនារនៃ ជេសរីឞ្រាសយេឆូ លោសឞើសនតុកនៃ ហាន់តាឞ្រីកាលីលេ ។ 44ឞ្រាសយេឆូ លែៈលាសជេស៖ “ទឹងលែៈឞូនុយ្សនតើយ្សនាវងើយកោរាញឞ្រាស មោគែសអោសទូហ្វេឞូនុយ្សតាប៝នពាង់នើមយើកមាពាង់”។#មថ ១៣:៥៧ 45ឞ្រាសយេឆូ ត៝ត់តាឞ្រីកាលីលេ នៃ ឞូនុយ្សតាឞ្រីនៃរ៝មពាង់ យ៝រលាសលែៈខាន់ពាង់ឆៃពាង់ជាននាវខ្លៃនោកញេតបុននហ៝តតាប៝នយេរូឆាលឹម នើស យ៝រលាសនោកនៃខាន់ពាង់ហាន់លាប់ញេតបុននទ្រែលតានៃដ៝ង់។#យហ ២:២៣ 46ជេសរីឞ្រាសយេឆូ ព្លឹតៃតាប៝នកានា ឞ្រីកាលីលេ នតុកប៝នពាង់ជានទាកអ៝ន់ជេងនទ្រាញ់ព្លៃយុងយារប៝នរីនើស។ តាប៝នកាពើនិម #៤:៤៦៖ ប៝នកាពើនិម ដាសប៝នកានា ងាយក្លាប់លាស ២៦ កីលោមែត។គែសទូហ្វេកោរាញ ក៝នឞូក្លោពាង់គែសនាវជី។#យហ ២:១-១១ 47ត៝ត់កោរាញអីនៃតាង់លាសឞ្រាសយេឆូ លោសតាៈឞើសឞ្រីយូដា លែៈត៝ត់តាឞ្រីកាលីលេ ពាង់ហាន់ជ៝យ ត៝ត់ឆៃទាន់ឞ្រាសយេឆូ ហាន់ជានឞាសក៝នពាង់ យ៝រលាសជីឞើយមាខឹត។ 48ឞ្រាសយេឆូ លាសមាពាង់៖ “លាសផូងអីឆ្រាអែល ខាន់អៃមៃមោអោសឆៃនាវខ្លៃ នទ្រែលមានាវមឞេនគ៝ប់ជាន ខាន់អៃមៃមោញឆីងអោសមាគ៝ប់”។#យហ ៦:៣០; ១កោ ១:២២ 49កោរាញអីនៃលាសមាឞ្រាសយេឆូ ៖ “អើកោរាញ ទាន់មៃហាន់ហ៝ម់ គើញលាន់ខឹតក៝នគ៝ប់”។ 50ឞ្រាសយេឆូ លាសមាពាង់៖ “មៃឆឹតទោ ក៝នមៃហោមរេស”។ ពាង់អ្យាត់នាវឞ្រាសយេឆូ លាស ជេសរីពាង់ព្លឹឆឹត។ 51ទោលហាន់ឆឹតរ៝ៈត្រ៝ង គែសផូងទឹកពាង់ហាន់ច្វាៈពាង់មឞើសងក៝ចមាពាង់៖ “អើកោរាញ ក៝នមៃលែៈឞាសហើយ”។ 52ពាង់អោបផូងទឹកពាង់៖ “ម៝សម៝ងពាង់ឞាស?” ខាន់ពាង់មឞើស៖ “ម៝ងង្វាយកេងមាង់នត្រីនើសពាង់ឞាសជីក៝ប”។ 53អីឞឹរី កាសគឹតនោកម៝ងអីនៃដ៝ង់ឞ្រាសយេឆូ លាសមាពាង់៖ “ក៝នមៃហោមរេស”។ ជេសរីពាង់ នអ៝ប់មារានាក់វ៝ល់ពាង់ទឹងលែៈញឆីងមាឞ្រាសយេឆូ ទាទេ។ 54អីអ្យាជេងលែៈត៝ល់ឞារឞ្រាសយេឆូ ទែជាននាវខ្លៃ នតើមឞើសពាង់ព្លឹឆឹតឞើសឞ្រីយូដា ហាន់តាឞ្រីកាលីលេ រី។#យហ ២:១១
Currently Selected:
យោហាន 4: cmoK
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
យោហាន 4
4
ឞ្រាសយេឆូ តឹមងើយនទ្រែលទូហ្វេឞូអូរផូងឆាមារី
1ផូងផារីឆី តាង់ឞូងក៝ចលាស ឞ្រាសយេឆូ គែសអ៝សម៝នអ៝ក់រាលាវមាយោហាន-បាប់តែម នទ្រែលមាជានបាប់តែមយុកមាទាកអ៝ន់មាឞូនុយ្សអ៝ក់រាលាវមាពាង់ដ៝ង់។ 2-3ត៝ត់ឞ្រាសយេឆូ លែៈគឹតនាវអីនៃ ពាង់លោសឞើសឞ្រីយូដា ព្លឹឆឹតតៃតាឞ្រីកាលីលេ ។ យើនមាឞ្រាសយេឆូ នើមមោអោសជានបាប់តែមយុកមាទាកអ៝ន់ឞូ គែសមពោលអ៝សម៝នពាង់ទើមជាន។#យហ ៣:២២ 4ពាង់ហាន់គ្លាត់រ៝ៈឞ្រីឆាមារី យ៝រមាកោរាញឞ្រាសដាៈ#៤:៤៖ មោលាស «ពាង់អ្យាត់មាហាន់រ៝ៈឞ្រីឆាមារី »។ ត្រ៝ងឞើសឞ្រីកាលីលេ ហាន់ជឹតប៝នយេរូឆាលឹម ហាន់គ្លាត់រ៝ៈឞ្រីឆាមារី ទាច់ យើនមាអ៝ក់ផូងអីឆ្រាអែល ហាន់ទែរត្រ៝ងអីនៃ ជេងហាន់ត្រ៝ងអីងាយ។។ 5រ៝ៈត្រ៝ងនៃពាង់ហាន់ត៝ត់តាប៝នឆូខារ តាឞ្រីឆាមារី ប៝នអីនៃតឹមទាច់ដាសនែសយាកោប អីចែផូងអីឆ្រាអែល ពាៈមាក៝នពាង់យោឆែប កាល់អែនើស។#នន ៣៣:១៩; ៤៨:២២ 6តានតុកនៃគែសទូមល៝ម់នតូទាក រាញា«នតូទាកយាកោប »។ ឞ្រាសយេឆូ ហាន់លែៈរាគាញ់ ជេសរីពាង់គុរាលូកេងនតូទាកនៃ នោកនៃក្លាប់លាសលែៈនារងក្លាងឞោក។ 7ជេសរីគែសទូហ្វេឞូអូរឆាមារី ហាន់ឞុកទាក ឞ្រាសយេឆូ លាសមាពាង់៖ “ទាន់ទាកញេតអើ”។ 8មពោលអ៝សម៝នពាង់លែៈហាន់រាវាត់នទើឆាតាប៝ន។ 9ឞូអូរឆាមារី នៃលាសមាឞ្រាសយេឆូ ៖ “មៃផូងអីឆ្រាអែល គ៝ប់ឞូអូរផូងឆាមារី ម៝សមៃទាន់ទាកគ៝ប់ច្រាវ?” ពាង់លាសកើតនៃ យ៝រលាសផូងអីឆ្រាអែល ដាសមាផូងឆាមារី មោគែសអោសតឹមទីឞាល់។#លក ៩:៥២-៥៣ 10ឞ្រាសយេឆូ លាសមាពាង់៖ “លាសអៃនាល់នទើកោរាញឞ្រាសអុចអ៝ន់ទើមទាម នទ្រែលមានាល់គ៝ប់អីឞូនុយ្សលាសមាអៃ៖ «ទាន់ទាកញេតអើ» អៃទាន់ទាកឞើសគ៝ប់ ជេសរីគ៝ប់អ៝ន់ទាកអីអ៝ន់នាវរេសមាអៃរ៝”។#យហ ៧:៣៧-៣៩; នតម ២១:៦ 11ឞូអូរអីនៃអើសមាពាង់៖ “អើកោរាញ នតូទាកអ្យាជ្រូងាន់ មាៈនទើមៃមាឞុក លាសនទ្រីឞើសតាៈគែសទាកអីអ៝ន់នាវរេស? 12លាសនទ្រីមៃក្វ៝ង់រាលាវចែហេន#៤:១២៖ មោលាស «ឞ៝ន់»។ តានាវងើយគ្រែក គែសទូនាវទើម «ហេន» នអ៝ប់មា«ឞ៝ន់»។ ចែយាកោប អីអ្យា ជេងចែផូងអីឆ្រាអែល ជេសរីផូងឆាមារី កើបពាង់ជេងចែខាន់ពាង់ដ៝ង់។ យើនមាឞូអូរអីនៃអុចតឹមងខាសផូងពាង់ដាសផូងអីឆ្រាអែល ។យាកោប បាស? យ៝រលាសពាង់លែៈអ៝ន់នតូទាកអីអ្យាមាហេន។ ពាង់នើម នទ្រែលមាមពោលក៝នឞូក្លោពាង់ នអ៝ប់មាមពោមពា(ឆ្យុម)ពាង់ញេតទាកឞើសនតូអីអ្យាទាទេ”។#យហ ៨:៥៣ 13ឞ្រាសយេឆូ លាស៖ “ឞូម៝សញេតទាកអីអ្យាហោមជីហីរដ៝ង់#យហ ៦:៥៨; អេឆា ៥៥:១-២ 14យើនមាឞូម៝សញេតទាកគ៝ប់អ៝ន់ មោហោមគែសអោសនាវជីហីរជឹត យ៝រលាសទាកគ៝ប់អ៝ន់អីនៃ ជេងតូទាកតាពាង់អីលោសរាទោលអ៝ន់គែសនាវរេសនហ៝រ៝”។ 15ឞូអូរអីនៃលាសមាពាង់៖ “អើកោរាញ! ទាន់ទាកមៃអីរីអ៝ន់គ៝ប់បាៈអើ គៃមាគ៝ប់មោហោមជីហីរ មោហោមខាច់ហាន់ឞុកតាអ្យាជឹត”។#យហ ៦:៣៤ 16ឞ្រាសយេឆូ លាសមាពាង់៖ “ឆឹតក្វាល់ឆាយអៃ ហាន់ព្លឹតាអ្យា”។ 17ឞូអូរអីនៃអើស៖ “គ៝ប់មោអោសគែសឆាយ”។ ឞ្រាសយេឆូ លាស៖ “អៃលាសអៃមោគែសឆាយកើតនៃជេងទីងាន់ 18យ៝រលាសអៃនើសលែៈគែសព្រាម់អឹឆាយ យើនមាឞូនុយ្សគុដាសអៃអាប់នារអាបៃអ្យាមោអោសទីឆាយងាន់អៃ នាវអៃងើយអីនៃជេងទីងាន់”។ 19ឞូអូរអីនៃលាស៖ “អើកោរាញ គ៝ប់គឹតមៃឞូនុយ្សនតើយ្សនាវងើយកោរាញឞ្រាសងាន់រ៝។#យហ ៦:១៤; ៧:៤០; លក ៧:៣៩ 20អូចែផូងហេនកាល់អែនើស អ៝ន់ផូងហេនយើកមឞាសកោរាញឞ្រាសតាកាលើយោកអ្យា យើនមាមើមទឹងផូងអីឆ្រាអែល ខាន់មៃលាសអ៝ន់យើកមឞាសពាង់តាប៝នយេរូឆាលឹម ទើម?”#យោឆ ៨:៣០-៣៥; នវ ១១:២៦-៣០; ២៧:១១-១៣ 21ឞ្រាសយេឆូ លាស៖ “អើយោស អៃអ្យាត់នាវគ៝ប់អ្យា៖ ត៝ត់ទីនាររីតៃ នតុកយើកមឞាសមាកោរាញឞ្រាសអីឞឹមោគែសអោសលាសតាកាលើយោកអ្យា មោលាសតាប៝នយេរូឆាលឹម ។ 22ផូងឆាមារី ខាន់អៃយើកមឞាសកោរាញឞ្រាសយើនមាមោអោសគឹតនាល់ពាង់។ ផូងអីឆ្រាអែល ហេន ហេនយើកមឞាសកោរាញឞ្រាសនអ៝ប់មាគឹតនាល់ពាង់ដ៝ង់ យ៝រលាសនាវរាក្លាយ្សមាទឹងលែៈឞូនុយ្សកោរាញឞ្រាសអ៝ន់នៃតាៈឞើសផូងអីឆ្រាអែល #៤:២២៖ ឞ្រាសយេឆូ អីនើមរាក្លាយ្សជេងផូងអីឆ្រាអែល ។។#ការ ១៧:២៣; អេឆា ២:៣ 23យើនមាត៝ត់ទីនារអីនៃ អាបៃអ្យាលែៈត៝ត់ជេស ឞូនុយ្សអីយើកមឞាសទីងាន់ងេនមាកោរាញឞ្រាសឞឹ យើកមឞាសពាង់មានូយ្សនហ៝ម់#៤:២៣៖ មោលាស «យើកមឞាសពាង់តាៈឞើសឞ្រាសហ្វេងអ្វែស»។ មានាវងាន់ នាវយើកមឞាសកើតអីនៃជេងនាវកោរាញឞ្រាសឞឹអុច។#យហ ១៤:៦; អេផ ២:១៨ 24កោរាញឞ្រាសជេងហ្វេងមោគែសអោសឆាក់ជាន់ នទ្រីឞូម៝សយើកមឞាសមាពាង់ អ្យាត់មាយើកមឞាសមានូយ្សនហ៝ម់ មានាវងាន់”។#យហ ៣:៥; ១៤:៦; ២កោ ៣:១៧-១៨ 25ឞូអូរអីនៃលាស៖ “គ៝ប់លែៈគឹតជេស ឞ្រាសមេឆី #៤:២៥៖ នាវ«មេឆី »នៃជេងនាវងើយហេឞ្រើ រាឞ្លាងតានាវងើយគ្រែក លាស «ក្រីស »។អីឞូក្វាល់ឞ្រាសក្រីស អីនើមរាក្លាយ្សតាៈឞើសកោរាញឞ្រាសទែញជ្វាល់ដ៝ង់ ពាង់មរាត៝ត់តានែសនតូអ្យា លាសពាង់ត៝ត់ ពាង់រាឞ្លាងទឹងលែៈនទើមាហេន”។#យហ ៩:៣៥-៣៧ 26ឞ្រាសយេឆូ លាស៖ “គ៝ប់អីរី#៤:២៦៖ នាវឞ្រាសយេឆូ លាស៖ «គ៝ប់អីរី» ងកាសនាវកោរាញឞ្រាសមឞើសមារាញាពាង់នើម អីកោរាញឞ្រាសលែៈមឞើសអ៝ន់មាមោឆេ នើស(នង ៣:១៤)។ហែស គ៝ប់អីគុងើយនទ្រែលអៃអីអ្យាហែស”។
27តាម៝ងនៃមពោលអ៝សម៝នពាង់ឆឹតត៝ត់តារី ខាន់ពាង់នទ្រ៝ត់ហីសរាហ៝ល់ងាន់ឆៃពាង់គុងើយនទ្រែលទូហ្វេឞូអូរ#៤:២៧៖ នើមនតីផូងអីឆ្រាអែល វៃទែរងើយនទ្រែលឞូអូរ រាលាវមានៃជឹតខាន់ពាង់មោងើយ លាសមោគឹតនាល់ឞូអូរអីនៃ មោអុចអោសគុអេងឞារហៃទើម។ ជេសរីឞូអូរអីនៃ ជេងផូងឆាមារី ដ៝ង់។។ យើនមាមោគែសទូហ្វេអោបពាង់ ម៝សនទើពាង់ជ៝យ មោលាសមើមទឹងពាង់តឹមងើយនទ្រែលឞូអូរអីនៃ។ 28ឞូអូរអីនៃនត្លើយនោងរាឞ៝ង់ទាកតារី ជេសរីឆឹតតាប៝ន មឞើសមាឞូតារី៖ 29“ហាន់អ្វាញ់ គែសទូហ្វេឞូក្លោលាសទឹងលែៈនទើគ៝ប់លែៈជាន គឹតពាង់ឞ្រាសក្រីស ហើ?” 30ខាន់ពាង់លោសឞើសប៝ននៃហាន់គ្រុងតាឞ្រាសយេឆូ ។
31នទុតឞូអូរនៃឆឹតតាប៝ន មពោលអ៝សម៝នលាសមាឞ្រាសយេឆូ ៖ “អើនើមនតី ឆោងឆាហ៝ម់!” 32ពាង់លាស៖ “គ៝ប់គែសនទើឆោងឆាហើយ ខាន់មៃមោអោសគឹតនទើគ៝ប់ឆោងឆា”។ 33មពោលអ៝សម៝នតឹមលាសនទ្រាង់ខាន់ពាង់៖ “គឹតលែៈគែសឞូអ៝ន់នទើឆោងឆាមាពាង់?” 34ឞ្រាសយេឆូ លាស៖ “នទើឆោងឆាគ៝ប់នៃ ជេងនាវគ៝ប់ជានតឹងនាវអុចកោរាញឞ្រាសនើមអីតើមញជ្វាល់គ៝ប់វាច់ នទ្រែលមាជានលើយអ៝ន់ជេសនាវជានការអីនៃ។#យហ ៦:៣៨; មថ ៤:៤; ហេឞ ១០:៩-១០ 35ខាន់មៃតឹមលាស៖ «ហោមព្វាន់ខៃជឹតនាប់ ត៝ត់ខៃកាច់»។ យើនមាគ៝ប់ឞែ គ៝ប់លាសមាខាន់មៃ៖ អ្វាញ់ហ៝ម់ផូងឞូនុយ្សអីវាច់នៃ ខាន់ពាង់តឹមឞានមាទូលោកមីរអីគែសឞាលែៈទុមទីមាកាច់ងាន់ យ៝រមាខាន់ពាង់អុចញឆីងមាគ៝ប់។#មថ ៩:៣៧ 36អាបៃអ្យាមពោលឞូនុយ្សកាច់ហោមឆ៝ៈទើននទើងខោមមាខាន់ពាង់ ខាន់ពាង់រាគូមឞូនុយ្សគៃមាគែសនាវរេសនហ៝រ៝តឹមឞានមាឞូរាគូមព្លៃ លាសនទ្រីមពោលឞូនុយ្សតូច ដាសមពោលឞូនុយ្សកាច់ខាន់ពាង់រាម់មអាកតឹមឞាន។#១កោ ៣:៦-៨ 37កើតនទ្រីនាវវៃលាស៖ «ពាង់អ្យាមាតូច ពាង់អីត៝មាកាច់» ជេងទីងាន់។ 38គ៝ប់លែៈអ៝ន់ខាន់មៃតឹមឞានមាហាន់កាច់តាមីរនតុកខាន់មៃមោម៝ប់អោសរាអាសជាន លែៈគែសឞូនុយ្សអាអេងរាអាសជាន ជេសរីខាន់មៃមាហាន់កាច់រាគូមនទើតាៈឞើសខាន់ពាង់អីនៃរាអាសជាន”។
39តាប៝នអីនៃគែសអ៝ក់ផូងឆាមារី ញឆីងមាឞ្រាសយេឆូ យ៝រមាតាង់នាវឞូអូរអីនៃមឞើសងក៝ចមាខាន់ពាង់៖ “គែសទូហ្វេឞូក្លោលាសទឹងលែៈនទើគ៝ប់លែៈជាន”។#យហ ៤:២៩ 40កើតនទ្រីនោកផូងឆាមារី រានតាឞ្រាសយេឆូ រី ខាន់ពាង់ក៝ន់អ៝ន់ពាង់គុតានៃប៝ត់ ជេសរីឞ្រាសយេឆូ គុនទ្រែលខាន់ពាង់តានៃឞារនារ។ 41គែសឞូនុយ្សញឆីងមាឞ្រាសយេឆូ អ៝ក់រាលាវរីជឹត ត៝ត់មាតាង់នាវពាង់នើមមឞើសងក៝ចនៃ។ 42ផូងខាន់ពាង់លាសមាឞូអូរអីនៃ៖ “អាបៃអ្យាហេនញឆីងមាពាង់ យ៝រលាសលែៈហេននើមតាង់នាវពាង់មឞើសងក៝ច មោអោសទើននាវអៃមឞើសងក៝ចទើម នទ្រែលមាលែៈហេនគឹតពាង់ជេងនើមរាក្លាយ្សទឹងលែៈឞូនុយ្សតានែសនតូអ្យាងាន់”។#លក ២:១១
ឞ្រាសយេឆូ ជានឞាសនាវជីក៝នឞូក្លោទូហ្វេកោរាញ
43ត៝ត់ឞារនារនៃ ជេសរីឞ្រាសយេឆូ លោសឞើសនតុកនៃ ហាន់តាឞ្រីកាលីលេ ។ 44ឞ្រាសយេឆូ លែៈលាសជេស៖ “ទឹងលែៈឞូនុយ្សនតើយ្សនាវងើយកោរាញឞ្រាស មោគែសអោសទូហ្វេឞូនុយ្សតាប៝នពាង់នើមយើកមាពាង់”។#មថ ១៣:៥៧ 45ឞ្រាសយេឆូ ត៝ត់តាឞ្រីកាលីលេ នៃ ឞូនុយ្សតាឞ្រីនៃរ៝មពាង់ យ៝រលាសលែៈខាន់ពាង់ឆៃពាង់ជាននាវខ្លៃនោកញេតបុននហ៝តតាប៝នយេរូឆាលឹម នើស យ៝រលាសនោកនៃខាន់ពាង់ហាន់លាប់ញេតបុននទ្រែលតានៃដ៝ង់។#យហ ២:២៣ 46ជេសរីឞ្រាសយេឆូ ព្លឹតៃតាប៝នកានា ឞ្រីកាលីលេ នតុកប៝នពាង់ជានទាកអ៝ន់ជេងនទ្រាញ់ព្លៃយុងយារប៝នរីនើស។ តាប៝នកាពើនិម #៤:៤៦៖ ប៝នកាពើនិម ដាសប៝នកានា ងាយក្លាប់លាស ២៦ កីលោមែត។គែសទូហ្វេកោរាញ ក៝នឞូក្លោពាង់គែសនាវជី។#យហ ២:១-១១ 47ត៝ត់កោរាញអីនៃតាង់លាសឞ្រាសយេឆូ លោសតាៈឞើសឞ្រីយូដា លែៈត៝ត់តាឞ្រីកាលីលេ ពាង់ហាន់ជ៝យ ត៝ត់ឆៃទាន់ឞ្រាសយេឆូ ហាន់ជានឞាសក៝នពាង់ យ៝រលាសជីឞើយមាខឹត។ 48ឞ្រាសយេឆូ លាសមាពាង់៖ “លាសផូងអីឆ្រាអែល ខាន់អៃមៃមោអោសឆៃនាវខ្លៃ នទ្រែលមានាវមឞេនគ៝ប់ជាន ខាន់អៃមៃមោញឆីងអោសមាគ៝ប់”។#យហ ៦:៣០; ១កោ ១:២២ 49កោរាញអីនៃលាសមាឞ្រាសយេឆូ ៖ “អើកោរាញ ទាន់មៃហាន់ហ៝ម់ គើញលាន់ខឹតក៝នគ៝ប់”។ 50ឞ្រាសយេឆូ លាសមាពាង់៖ “មៃឆឹតទោ ក៝នមៃហោមរេស”។ ពាង់អ្យាត់នាវឞ្រាសយេឆូ លាស ជេសរីពាង់ព្លឹឆឹត។ 51ទោលហាន់ឆឹតរ៝ៈត្រ៝ង គែសផូងទឹកពាង់ហាន់ច្វាៈពាង់មឞើសងក៝ចមាពាង់៖ “អើកោរាញ ក៝នមៃលែៈឞាសហើយ”។ 52ពាង់អោបផូងទឹកពាង់៖ “ម៝សម៝ងពាង់ឞាស?” ខាន់ពាង់មឞើស៖ “ម៝ងង្វាយកេងមាង់នត្រីនើសពាង់ឞាសជីក៝ប”។ 53អីឞឹរី កាសគឹតនោកម៝ងអីនៃដ៝ង់ឞ្រាសយេឆូ លាសមាពាង់៖ “ក៝នមៃហោមរេស”។ ជេសរីពាង់ នអ៝ប់មារានាក់វ៝ល់ពាង់ទឹងលែៈញឆីងមាឞ្រាសយេឆូ ទាទេ។ 54អីអ្យាជេងលែៈត៝ល់ឞារឞ្រាសយេឆូ ទែជាននាវខ្លៃ នតើមឞើសពាង់ព្លឹឆឹតឞើសឞ្រីយូដា ហាន់តាឞ្រីកាលីលេ រី។#យហ ២:១១
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.