Itsɛ́ 3

Òkúta òŋu Yòhánà méèdzì bɔ arɔ-kã̀

1Ó ɖi nɔ́dzɔ́-kã̀, tsí Òkúta òŋu Yòhánà làkóò ńlé-Ɔ̀ɖáyé ńǹwèrè-odzúùrɔ̃̀-alɛ́ bɛ́. Ìwèrè nyɛ̀ŋɛ̀#ɛ́ náa dzɛ́ ìwèrè-ìre wúwú-kã̀ fú ɔma-Ìyúɖà† ŋa ni. 2Èkũ̀-ɔgbà-ilé-Ɔ̀ɖáyé†#ɛ́-kã̀ wà, tsí à náa kpèé ní Èkũ̀-Àfɛ́ŋú. Nára-èkũ̀#ɛ́, ɔ̀nyà-kã̀ náa gbé bɛ̀. Arɔ ní ó dzɛ́#ɛ́. Ɛsɛ̀‐ɛ̀ ŋa kú kpó, tsí bɛ́ɛ̀ ní à bíi wá#á ńnɛ̀ɛ́. Nɔ́dzɔ́ kɔ́dzɔ́, à náa kɛ́ɛ wáa si bɛ̀, tsí kó wà bere owó nɔ́wɔ́-ɛnɛ yèé ŋa náa wáa lɔ nɔ́gbà-ilé-Ɔ̀ɖáyé#ɛ́. 3Ńbɛ̀ɛ́, ó rí Òkúta òŋu Yòhánà† gbo kíbí à bòkó wɔ̀ lɔ nɔ́gbà-ilé#ɛ́, tsí ó wà bèrè ŋá ní ká fú òŋu nówó. 4Tsí Òkúta òŋu Yòhánà tadzú máa si, tsí wà wòó kokoko, tsí Òkúta wà wí fúu ní: Kó wo-àŋa rere!

5Ńbɛ̀ɛ́, idza#á gbo tadzú má ŋa si, tsí wà wò ŋá. Iŋɛ́ yèé tse#ɛ́, ó módzú si ní à bòkó fú òŋu ńŋɛ́-kã̀ ni. 6Tsí Òkúta wà fɔ̀ fúu ró ní: Owó-kã̀ kpókpó kò wà nɔ́wɔ́-òŋu. Ó ɖi, iŋɛ́ yèé wà fú òŋu#ɛ́ ní òŋu bòkó ń fúu#ɛ́. Nóŋù-ɛ̀tsɛ yèé Yèésù Kírísítò ti Nàsàrɛ́tì ń bɔwɔ́-òŋu#ɛ́, òŋu wà wí fúu ní kó ǹɖe kpáà, tsí kó rɛ̃̀.

7Tsí Òkúta mú ɔwɔ́-àwóòtã́‐ɛ̀ bɔ̀ fúu ní kó ǹɖe ɖóro. Gbòkã́ gé#ɛ́, ɛsɛ̀-arɔ#ɛ́ òŋu ɛ̀kũ̀rɔ̃́sɛ̀‐ɛ̀ ŋa ɖi rere, tsí le kpó. 8Tsí ó ǹɖe, tsí fò kéréŋú, tsí wà rɛ̃̀. Tsí ó wɔ̀ nɔ́gbà-ilé-Ɔ̀ɖáyé#ɛ́ lɔ bá Òkúta òŋu Yòhánà, tsí wà rɛ̃̀, tsí wà fòtalɛ̀, tsí wà nyɛ Ɔ̀ɖáyé làkóò. 9Tsí ɔ̀nyà kpó yèé wà bɛ̀#ɛ́ wà rí kíbí arɔ#ɛ́ wà rɛ̃̀, tsí wà nyɛ Ɔ̀ɖáyé#ɛ́. 10Tsí à màá ní òŋu ní náa dzokó nára-Èkũ̀-Àfɛ́ŋú#ɛ́, tsí wà bere iŋɛ́#ɛ́. Kíbí à rí ní ó wà rɛ̃̀ bɛ́ɛ̀#ɛ́, ó nódzo fú ŋa tó bɛ́ɛ̀.

Òkúta wà dzíkɔ̀-Yèésù nɔ́gbà-ilé-Ɔ̀ɖáyé

11Ńbɛ̀ɛ́, idza#á òŋu dzi Òkúta òŋu Yòhánà†#á banɛ́ si gé ni. Tsí ɔ̀nyà kpó tédzú súré wáa bá ŋa, tsí ó mù ŋá si títítí. À kpérí si ńǹfáfɛ́-kã̀ nɔ́gbà-ilé-Ɔ̀ɖáyé†#ɛ́ ni. À náa kpe ìfáfɛ́#ɛ́ ní ìfáfɛ́-Sàlòmɔ́†. 12Kíbí Òkúta rí bɛ́ɛ̀#ɛ́, ó wà wí fú ŋa ní: Ɔma-Ìsàràyɛ́lì† ŋa, kí tse tsí ó wà mù ŋa tó bɛ́ɛ̀? Bɛ́ fáà, tsí odzú-ŋa kí ńǹtá-àŋa si tó bɛ́ɛ̀? À ɖédzú ikpá tàŋa ká-àŋa ní tse iŋɛ́ lákṹ yèé#ɛ́ɛ̀? Nàmí kíbí ìgbèngbé-àŋa dzɔdzú-Ɔ̀ɖáyé gbà#á ní àŋa tse tsí idza#á wà rɛ̃̀#ɛ́ɛ̀? Òò! Kò tsi àŋa ni. 13Ɔ̀ɖáyé yèé Àbàràhámì† òŋu Ìsákà† má nára-Yàkúbù† sɛ̃̀ wáa lɔ#ɛ́, Ɔ̀ɖáyé yèé gbágbóǹgbàgbò-àŋa ŋa sɛ̃̀ wáa lɔ#ɛ́, òŋu ní nya lílákṹ-Yèésù àtsìtsɛ́‐ɛ̀, tsí ń ɖíre#ɛ́. Yèésù#ɛ́ ní àŋa ká-ŋa, à mú, tsí ń bɔwɔ́-ɔ̀nyà ŋa ní ká kpaá#á. Tsí kíbí à gbɛ̃́ɛ̃ lɔ ńɖi-Kpìlátò†#ɛ́, ó ní òŋu kó kɔ̀ɔ́ dzɔ̀ɔ́, tsí àŋa ká-ŋa, à kɔ̀. 14Yèésù#ɛ́, òŋu ní dzɛ́ ti Ɔ̀ɖáyé akpá akpá, ɛsɛ̀ ɛsɛ̀, tsí dzɛ́ atsòtítɔ́ gbo#ɛ́, à kò dzɛ́ ní Kpìlátò kó kɔ̀ɔ́ dzɔ̀ɔ́, tsí à bèrèé ní kó kɔ ɛnɛ yèé dzɛ́ akpànyà nóòkú#ɛ́ dzɔ̀ɔ́ fú àŋa. 15Bɛ́ɛ̀ ní à tse tsí kpa Oláàyɛ̀ nóòkú#ɛ́ ńnɛ̀ɛ́. Ó ɖi, Ɔ̀ɖáyé dzíi ti náàŋírĩ-òkú ŋa wá náyé, tsí ńǹtsodzú-àŋa ni. 16Àŋa kpó, à wà rí idza arɔ#ɛ́, tsí à màá rere ní òŋu ni nɔ̀! Ikpá-Yèésù ní bɔɔ́#ɛ́. Iŋɛ́ yèé tse#ɛ́, àŋa karalé si ńǹtá‐ɛ̀. Àkaralé yèé àŋa nɛ́ si ńǹtá-ɛ́kɔ‐ɛ̀#ɛ́ ní tse tsí idza#á wà nábarakpá si, tsí àŋa kpó, à wà rí#ɛ́.

17Tsí Òkúta sɛ̃̀ wà wí fú ŋa ró ní: Ìnàbí-mi ɔma-Ìyúɖà† ŋa, òŋu mà ní iŋɛ́-àrìmà ní tse ŋá, tsí àŋa gbo, onùgbó-ìlú-ŋa gbo, à dzɔ́ kpérí, tsí tse iŋɛ́ nyɛ̀ŋɛ̀ bá Yèésù wáa lɔ#ɛ́. 18Ó ɖi dzɔ̀ɔ́ dzɔ̀ɔ́#ɛ́, Ɔ̀ɖáyé òŋu ká‐ɛ̀ ti fɔ̀ gbà ńǹtá-agbáfɔ̀‐ɛ̀ fɔ̀ ŋa wáa lɔ ní bɛ́ɛ̀ ní Kírísítò Agbanɛlà yèé òŋu tsã̀, tsí bɛ̀ wá#á nákó réré#ɛ́ ńnɛ̀ɛ́. Tsí iŋɛ́ yèé ó fɔ̀#ɛ́ ní ó tse#ɛ́. 19Báàyí#ɛ́, ká nyíìlò kpaɖà, tsí ká wá ńɖi-Ɔ̀ɖáyé, tsí kó wɛ àbi-ŋà ŋa ǹɖe fú ŋa. 20Bí à tse bɛ́ɛ̀, Ɔlɔ́dzɔ́ nákó fú ŋa ńǹwèrè-kã̀ ní ká ń míra, tsí nákó bɛ Kírísítò Agbanɛlà yèé ó ti tsã̀ si#ɛ́ wá fú ŋa. Ɛnɛ#ɛ́ Yèésù ni. 21Ó wà ní kó gbé nɔ́ɔ̀rɔ̃ si títí fú ìwèrè yèé Ɔ̀ɖáyé nákó tɔ́tse iŋɛ́ ɔ̀kã̀lɔ́ɔ̀kã̀ kpó si ńǹɖì‐ɛ̀#ɛ́. Ɔ̀ɖáyé ti fɔ afɔ̀ nyɛ̀ŋɛ̀ ŋa wáa lɔ gbà ńǹtá-agbáfɔ̀‐ɛ̀ fɔ̀ ŋa. 22Ó ɖi, Mɔ̀ɔ́sè† gbo ti wí wáa lɔ ní: “Ɔ̀ɖáyé Ɔlɔ́dzɔ́ nákó tsã ɔ̀nyà-kã̀ náàŋírĩ-ɔma-ìlú-àŋa ŋa, tsí ɛnɛ nyɛ̀ŋɛ̀ nákó dzɛ́ agbáfɔ̀-Ɔ̀ɖáyé fɔ̀†, tsí nákó wà kíbí òŋu ká-òŋu bɛ́. Tsí ó wà ní ká tse si ńǹtá-afɔ̀ ɔ̀kã̀lɔ́ɔ̀kã̀ kpó yèé nákó wí fú ŋa#á. 23Bí ɔ̀nyà-kã̀ kɔ̀ ní òŋu kàkó tse si ńǹtá-afɔ̀-agbáfɔ̀-Ɔ̀ɖáyé fɔ̀#ɛ́, ɛnɛ nyɛ̀ŋɛ̀ kàkó gbé náàŋírĩ-ɔma-Ìsàràyɛ́lì ŋa ró. À nákó kpaá nóòkú.”#3:23 Ìwé-Àkóro 18:15, 18-19 (Deutéronome 18:15, 18-19)

24Agbáfɔ̀-Ɔ̀ɖáyé fɔ̀ ŋa kpó ti wíìnyɛ̀ ti nára-iŋɛ́ yèé nákó wáa tse nɔ́dzɔ́-òníbɛ́ ŋa#á. Sàmùwɛ́lì agbáfɔ̀-Ɔ̀ɖáyé fɔ̀ má nára-agbáfɔ̀-Ɔ̀ɖáyé fɔ̀ yèé Ɔ̀ɖáyé kpè náànyì tɛ̀ɛ̀ ŋa kpó#ɛ́, àŋa kpó, à ti wíi wáa lɔ. 25Ó ɖi, Ɔ̀ɖáyé tàlé-kã̀ si gbà ńǹtá-agbáfɔ̀‐ɛ̀ fɔ̀ ŋa. Àlé#ɛ́, àŋa ɔma-Ìsàràyɛ́lì ŋa kpó ní ó taá fú#ɛ́. Tsí kíbí Ɔ̀ɖáyé tse ìmɔ̀lɛ̀ bá gbágbóǹgbàgbò-ŋà ŋa#á, àŋa gbo, à wà ńnɛ̀. Ó wí fú Àbàràhámì ní: “Gbà ńǹtá-ɔmalɔ́ma‐ɛ̀ ní òŋu nákó tu kùsɛ̀ɛ̀ fú ɔ̀nyà-ìtalɛ̀ ŋa kpó#ɛ́.”#3:25 Ìwé-Ìkpìnkpìlɛ̀-ayé 22:18, 26:4 (Genèse 22:18, 26:4) Tsí àŋa kpó, à wà ńnɔ́-àlé nyɛ̀ŋɛ̀ yèé Ɔ̀ɖáyé ta, tsí ń tse ìmɔ̀lɛ̀ bá Àbàràhámì#ɛ́. 26Ó ɖi, àŋa ní Ɔ̀ɖáyé tsɛ̃̀tsɛ̃̀ rã́ àtsìtsɛ́‐ɛ̀ wá fú#ɛ́. Ɔ̀ɖáyé dzíi wá náyé, tsí rã́ã wá àtóoríi kó tu kùsɛ̀ɛ̀ fú ŋa. Kùsɛ̀ɛ̀#ɛ́ ní dzɛ́ ní nákó tse tsí ɛnɛ kṹnukṹ nákó nyíìlò kpaɖà, tsí kàkó tse íbàɖí ró#ɛ́.

Currently Selected:

Itsɛ́ 3: ngl

Highlight

Copy