Itsɛ́ 4
4
À wáa mú Òkúta òŋu Yòhánà méèdzì lɔ ńɖi-ɛgbɛ́-àkpɛ̀dzɔ́-ɔma-Ìyúɖà ŋa
1Ńbɛ̀ɛ́, Òkúta òŋu Yòhánà† méèdzì wà wíìnyɛ̀ fú ɔ̀nyà yèé wà bɛ̀ si ŋa#á làkóò gé, tsí atsɛbɔ-Ɔ̀ɖáyé† ŋa òŋu ɔ̀gã́-àɖèlé-ilé-Ɔ̀ɖáyé ŋa má nára-ɔma-ɛgbɛ́-Sàɖùké† ŋa gbo wáa tó gbòkã́. 2Ó dzà ŋá nára kpíkpɔ̀ ní Òkúta òŋu Yòhánà méèdzì wà tsɛ̀kɔ́ fú ɔ̀nyà ŋa ní Yèésù dzí ti náàŋírĩ-òkú ŋa wá náyé, tsí wà ń ɖíre fú ŋa ní òkú ŋa gbo nákó sɛ̃̀ dzí wá náyé. 3Tsí à mú ŋa lɔ káà sé nɛ́ɛ̀ŋà fú ilɛ̀ má. Iŋɛ́ yèé tse#ɛ́, alɛ́lɛ́ ti lɛ́. 4Ó ɖi, ɔ̀nyà kpíkpɔ̀ náàŋírĩ-ɛnɛ yèé ŋa gbɔ́ ɛ̀kɔ́-ŋa#á gba Yèésù gbɔ́. Tsí náàŋírĩ-ɛnɛ yèé ŋa gba Yèésù gbɔ́ ŋa kpó báàyí#ɛ́, ɔnɔkɛ̃̀ɛ̃ ŋa lɔ kíbí ɔ̀nyà ɛgbɛ̀rú lé nɛ́gbàá ɛgbàá ɔ̀nà méèdzì (5.000) bɛ́ɛ̀.
5Tsí ilɛ̀ má, tsí onùgbó-ìlú ŋa òŋu onùgbó-atsɛbɔ-Ɔ̀ɖáyé ŋa má nára-akɔ́nɛ nɛ́kpa-Ɔ̀ɖáyé† ŋa gbo kpó káà kpàɖé ńYèrúsàlɛ́mì. 6Àŋa yèé kpàɖé bɛ̀ ŋa#á ní: Hánà ɔ̀gã́-atsɛbɔ-Ɔ̀ɖáyé ŋa†, Kàyáfà gbo, Yòhánà gbo, Àlɛ̀kìsã́nɖè gbo má nára-ɔ̀nyà-aro-ɔ̀gã́-atsɛbɔ-Ɔ̀ɖáyé-àtíbɔ̀ ŋa gbo kpó. 7Ńbɛ̀ɛ́, à gbɛ̃́ Òkúta òŋu Yòhánà wáa ɖóro ńwádzú-ŋa. Tsí onùgbó ŋa#á wà bèrè ŋá ní: Nɛ̀ɛ́ fú ŋa ńkpá, tsí à ń bɔ arɔ#ɛ́? Nàmí nóŋù-ɛ̀tsɛ-nɛ̀ɛ́ gìɖì tútútú à bɔɔ́ ni?
8Gbòkã́#á, Mímí-Ɔ̀ɖáyé† tì wɔ̀ ńǹtá-Òkúta, tsí ó wà wí fú ŋa ní: Onùgbó-ìlú ŋa òŋu onùgbó-atsɛbɔ-Ɔ̀ɖáyé ŋa, 9àŋa tse ire fú àkɔ̃̀rɔ̃̀-kã̀, tsí à wà kpɛdzɔ́ bá àŋa ti nára‐ɛ̀ nɔ́mbɛ́ ní bí àŋa tse fáà, tsí àrɔ̃̀#ɛ́ tùúù? 10Ó ɖi, àŋa onùgbó ŋa, ɔma-Ìsàràyɛ́lì† ŋa gbo kpó, ká mà rere ní, bí idza#á wà nábarakpá si, tsí à wà rí#ɛ́, ikpá-Yèésù Kírísítò ti Nàsàrɛ́tì ni. Yèésù#ɛ́, àŋa ká-ŋa, à kã̀ã́ si ńǹtá-egi-ìɖáàgàlàdzà†, tsí ó kú, tsí Ɔ̀ɖáyé dzíi ti náàŋírĩ-òkú ŋa wá náyé. 11À kɔ si ńǸwé-Ɔ̀ɖáyé† ti nára-Yèésù#ɛ́ ké ní:
“Òkúta yèé ɛ̀ŋɛ amalé ŋa è kɛ́ sɔ taánù#ɛ́,
òŋu#ɛ́ ní wáa kpã́dzú lárè, tsí gbé négo-ilé#ɛ́,
àtsùgbée ilé#ɛ́ kó máa ɖíwó#ɛ́.”#4:11 Ìwé-Orĩ ŋa 118:22 (Psaumes 118:22)
12Yèésù òŋu níìkã̀ntso gé ní nákó nyáa gbanɛ là#á. Náyé gbaŋgba#á kpó#ɛ́, Ɔ̀ɖáyé kò mú ɔ̀nyà-kã̀ fú ní kó gbanɛ là ró náànyì-òŋu níìkã̀ntso#ɛ́ gé.
13Ńbɛ̀ɛ́, ó mu ɔma-ɛgbɛ́-àkpɛ̀dzɔ́-ɔma-Ìyúɖà ŋa† kpó kíbí à rí ní Òkúta òŋu Yòhánà kɛ̃̀ɖɔ̃̀, tsí wíìnyɛ̀ òŋu àkaralé#ɛ́. À rí ní ɔ̀nyà nákpo ŋa ní à dzɛ́#ɛ́, tsí à kò ma ìwé kpíkpɔ̀ gbo. À rí mà gbo ní Òkúta òŋu Yòhánà tɛ̀ náànyì-Yèésù wáa lɔ. 14Idza yèé à bɔ#ɛ́ gbo ɖóro gbè ŋá si bɛ̀, tsí kíbí à wà ríi#ɛ́, à kò tì ma iŋɛ́ yèé ká wí gìɖì#ɛ́ ró. 15Ńbɛ̀ɛ́, à wí fú ŋa ní ká fùɖá tã́ná, tsí àŋa ká-ŋa, àŋa kó lɔ ńǹkpá. 16Tsí à wà bere ara-ŋa ní: Bí àŋa nákó tse fú idza ŋa#á fáà náà? Báàyí#ɛ́, idza ŋa#á ti tse iŋɛ́-àwùsì lákṹ-kã̀ nódzú-ɛnɛ-ìlú-Yèrúsàlɛ́mì ŋa kpó, tsí àŋa kàkó sì nyáa sɛ̃́ ní òɖòbò ni. 17Ó ɖi, àŋa kó kɔ̀ fú ŋa, tsí afɔ̀#ɛ́ kó máa túùnkã́ lɔ wérí máa ró. Àŋa kó ɖódzo tse ŋá, tsí ká máa wíìnyɛ̀-Yèésù-kã̀ kpókpó fú ɔ̀nyà ŋa gìɖì ró.
18Ńbɛ̀ɛ́, à sɛ̃̀ kpè ŋá ró, tsí kɔ̀ fú ŋa ní ɔ̀nyà-kã̀ kpókpó kó máa wíìnyɛ̀-kã̀ nàmí tsɛ̀kɔ́-kã̀ nóŋù-ɛ̀tsɛ-Yèésù#ɛ́ ró. Ìɖí‐ɛ̀ ɖá.
19Ńbɛ̀ɛ́, Òkúta òŋu Yòhánà wà dzɔ́ŋù fú ŋa ní: Àŋa ká-ŋa gìɖì ká lɔ ńǹsérè-ara-ŋa, tsí ká mú yèé sã̀ ní ká tse nódzú-Ɔ̀ɖáyé#ɛ́ fú àŋa. Ó sã̀ ní àŋa kó nɛ́ àrísá fú ŋa nàmí àŋa kó nɛ́ àrísá fú Ɔ̀ɖáyé ni? Ká fɔ̀ɔ́ fú àŋa. 20Ó ɖi, iŋɛ́ yèé ŋa àŋa rí, tsí gbɔ́#ɛ́, kò nɛ́ àŋa kó nyáa tsikó‐ɛ̀.
21Ńbɛ̀ɛ́, ɔma-ɛgbɛ́-àkpɛ̀dzɔ́ ŋa#á tɔ́ ɖódzo tse ŋá ró, tsí à kɔ̀ ŋá dzɔ̀ɔ́, tsí à lɔ. À kò rí ɔ̀nà-kã̀ kpókpó, tsí ká ń tsoró bá ŋa, iŋɛ́ yèé tse#ɛ́, ɔ̀nyà kpó wà nyɛ Ɔ̀ɖáyé fú iŋɛ́ yèé tse nyɛ̀ŋɛ̀#ɛ́. 22Idza yèé àrɔ̃̀ tù bɛ́ɛ̀, tsí ó dzɛ́ iŋɛ́-àwùsì-kã̀#á, ó nɛ́ lárè ɔɖɔ̃́ ogóòdzì.
Atɛ̀náànyì-Yèésù ŋa wà wúùre ní Ɔ̀ɖáyé kó mú ɛ̀ɖɔ̃̀ kã àŋa
23Kíbí à kɔ Òkúta òŋu Yòhánà dzɔ̀ɔ́#ɛ́, à lɔ káà bá enìkéèdzì-ŋà ŋa, tsí à kpɛ̀rɔ́-kíbí onùgbó-atsɛbɔ-Ɔ̀ɖáyé ŋa òŋu onùgbó-ìlú ŋa wí fú ŋa gbà kpó#ɛ́. 24Kíbí à gbɔ́ afɔ̀ nyɛ̀ŋɛ̀ ŋa tã́#á, àŋa kpó yèé wà bɛ̀#ɛ́, à mú arũ ɖé, tsí à wà wúùre, tsí ní: Ɔlɔ́dzɔ́, ìwɔ ní tse ìgbèrí òŋu ilɛ̀, tsí tse àhũ òŋu iŋɛ́ ɔ̀kã̀lɔ́ɔ̀kã̀ kpó yèé wà ńnɛ̀ ŋa#á. 25Ìwɔ ní tse tsí Mímí-ɛ̀ɛ tì wɔ̀ ńǹtá-gbágbóǹgbàgbò-wa Ɖàfíɖì† àtsìtsɛ́-ɛ̀ɛ, tsí ò wíìnyɛ̀ gbà ńǹtá‐ɛ̀ wáa lɔ ní:
“Kí tse tsí ìlú ŋa kpó bínɔ́ si tó bɛ́ɛ̀,
tsí ɔ̀nyà-ìlú ŋa wà to ètò si ńǹtá-Ɔ̀ɖáyé bɛ́ɛ̀?
Tsí ètò ŋa#á gbo si dzɛ́ akpotu kpó.
26Ólú-ìtalɛ̀ bí ŋa wà kpaɖí si fú ogu dzídzɛ.
Ɔ̀gã́-ìlú ŋa wà kpérí ní àŋa kó dzà bá Ɔlɔ́dzɔ́
òŋu ólú yèé ó tsã̀#á.”#4:26 Ìwé-Orĩ 2:1-2 (Psaumes 2:1-2)
27Afɔ̀#ɛ́, òtítɔ́ ni. Ólú Èróɖì† gbo, ɔ̀gã́ Kpɔ̃̀tíyù Kpìlátò† gbo, ɔ̀nyà-ìlú-àledzò ŋa gbo má nára-ɔma-Ìsàràyɛ́lì† ŋa gbo kpó, à kpérí ńnɔ́-ìlú bí, tsí kɔ Yèésù àtsìtsɛ́-ɛ̀ɛ yèé ò tsã̀#á. 28À kpérí bɛ́ɛ̀, tsí tse iŋɛ́ yèé ìwɔ ká-ɛ̀ɛ, ò ti wò si ní kó tsɛ#ɛ́. Iŋɛ́ yèé à tse nyɛ̀ŋɛ̀#ɛ́, ò ti tse ètò‐ɛ̀ si òŋu ikpá-ɛ̀ɛ. 29Báàyí#ɛ́, Ɔlɔ́dzɔ́, rí kíbí à wà ɖódzo tse wá gbà tó gé, tsí o fú àwa, àtsìtsɛ́-ɛ̀ɛ ŋa ńkpá, tsí àa kó nyáa kɛ̃̀ɖɔ̃̀, tsí dzíkɔ̀-ɛ̀ɛ fú ɔ̀nyà ŋa òŋu àkaralé. 30Tsí o nya ikpá-ɛ̀ɛ ɖíre, tsí ká nyáa wà bɔ ɔ̀nyà ŋa, tsí wà tse iŋɛ́-àwùsì ŋa ńǹrɔ́ǹrɔ́ nóŋù-ɛ̀tsɛ-Yèésù àtsìtsɛ́-ɛ̀ɛ yèé ò tsã̀#á.
31Kíbí à wúùre tã́#á, ńbí à kpérí si, tsí wà wúùre#ɛ́ mì kpó dzìgìdzìgì. Tsí Mímí-Ɔ̀ɖáyé† tì wɔ̀ ńǹtá-ŋa kpó, tsí ɛ̀ɖɔ̃̀ kã̀ ŋá, tsí à wà fɔ afɔ̀-Ɔ̀ɖáyé òŋu àkaralé.
Bí atɛ̀náànyì-Yèésù ŋa wà tse ɔ̀kã̀ntso bá ara-ŋa gbà fáà?
32Ńbɛ̀ɛ́, atɛ̀náànyì-Yèésù ŋa kpó tse ɔ̀kã̀ntso bá ara ŋa dzálɛ̀ títí náàŋírĩ-ŋa#á, ɔ̀nyà-kã̀ kpókpó gìɖì kò wà mú iŋɛ́-ire‐ɛ̀ ŋa kpe ti ara‐ɛ̀ sɔ̃́ŋú ró. Ó ɖi, iŋɛ́ ŋa#á náa gbé má náàdzɔ́ fú ŋa kpó ni. 33Tsí Ɔ̀ɖáyé fú adzítsɛ́-Yèésù† ŋa ńkpá lákṹ-kã̀, tsí à náa wà nya àyídzá fú ɔ̀nyà ŋa wérí ní Yèésù dzí ti náàŋírĩ-òkú ŋa wá náyé. Tsí Ɔ̀ɖáyé náa wà tu kùsɛ̀ɛ̀ kpíkpɔ̀ kpíkpɔ̀ fú ŋa kpó. 34Iŋɛ́-kã̀ kpókpó kà hã́ ɔ̀nyà-kã̀ náàŋírĩ-ŋa. Ó ɖi, bí ilɛ̀ wà fú ɔ̀nyà-kã̀ náàŋírĩ-ŋa nàmí ilé, náa tàá, tsí kɛ́ owó‐ɛ̀ wá, 35tsí náa kɛ́ɛ bɔwɔ́-adzítsɛ́-Yèésù ŋa, tsí à náa kpɛ̃́ɛ̃ náàŋírĩ-ara-ŋa. Tsí ɛnɛ yèé ŋa ó wà ní ká gbà#á, à náa gba ìmarũ yèé kpã́dzú fú ŋa#á.
36Ńbɛ̀ɛ́, ɔ̀nyà-kã̀ wà náàŋírĩ-ŋa, tsí à náa kpèé ní Yòsɛ́fù†. Adzítsɛ́-Yèésù ŋa náa ɖáakì ní Bànàbá. (Òkpì-Bànàbá#á ní dzɛ́ aɖáàmílenɛ#ɛ́). Ó ti náro-Lèfí†, tsí à bíi ńlɛ̀-Sìkpírò. 37Ńbɛ̀ɛ́, ilɛ̀-oko-kã̀ wà fúu, tsí ó tàá, tsí kɛ́ owó‐ɛ̀ wáa bɔwɔ́-adzítsɛ́-Yèésù ŋa.
Currently Selected:
Itsɛ́ 4: ngl
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Itsɛ́ 4
4
À wáa mú Òkúta òŋu Yòhánà méèdzì lɔ ńɖi-ɛgbɛ́-àkpɛ̀dzɔ́-ɔma-Ìyúɖà ŋa
1Ńbɛ̀ɛ́, Òkúta òŋu Yòhánà† méèdzì wà wíìnyɛ̀ fú ɔ̀nyà yèé wà bɛ̀ si ŋa#á làkóò gé, tsí atsɛbɔ-Ɔ̀ɖáyé† ŋa òŋu ɔ̀gã́-àɖèlé-ilé-Ɔ̀ɖáyé ŋa má nára-ɔma-ɛgbɛ́-Sàɖùké† ŋa gbo wáa tó gbòkã́. 2Ó dzà ŋá nára kpíkpɔ̀ ní Òkúta òŋu Yòhánà méèdzì wà tsɛ̀kɔ́ fú ɔ̀nyà ŋa ní Yèésù dzí ti náàŋírĩ-òkú ŋa wá náyé, tsí wà ń ɖíre fú ŋa ní òkú ŋa gbo nákó sɛ̃̀ dzí wá náyé. 3Tsí à mú ŋa lɔ káà sé nɛ́ɛ̀ŋà fú ilɛ̀ má. Iŋɛ́ yèé tse#ɛ́, alɛ́lɛ́ ti lɛ́. 4Ó ɖi, ɔ̀nyà kpíkpɔ̀ náàŋírĩ-ɛnɛ yèé ŋa gbɔ́ ɛ̀kɔ́-ŋa#á gba Yèésù gbɔ́. Tsí náàŋírĩ-ɛnɛ yèé ŋa gba Yèésù gbɔ́ ŋa kpó báàyí#ɛ́, ɔnɔkɛ̃̀ɛ̃ ŋa lɔ kíbí ɔ̀nyà ɛgbɛ̀rú lé nɛ́gbàá ɛgbàá ɔ̀nà méèdzì (5.000) bɛ́ɛ̀.
5Tsí ilɛ̀ má, tsí onùgbó-ìlú ŋa òŋu onùgbó-atsɛbɔ-Ɔ̀ɖáyé ŋa má nára-akɔ́nɛ nɛ́kpa-Ɔ̀ɖáyé† ŋa gbo kpó káà kpàɖé ńYèrúsàlɛ́mì. 6Àŋa yèé kpàɖé bɛ̀ ŋa#á ní: Hánà ɔ̀gã́-atsɛbɔ-Ɔ̀ɖáyé ŋa†, Kàyáfà gbo, Yòhánà gbo, Àlɛ̀kìsã́nɖè gbo má nára-ɔ̀nyà-aro-ɔ̀gã́-atsɛbɔ-Ɔ̀ɖáyé-àtíbɔ̀ ŋa gbo kpó. 7Ńbɛ̀ɛ́, à gbɛ̃́ Òkúta òŋu Yòhánà wáa ɖóro ńwádzú-ŋa. Tsí onùgbó ŋa#á wà bèrè ŋá ní: Nɛ̀ɛ́ fú ŋa ńkpá, tsí à ń bɔ arɔ#ɛ́? Nàmí nóŋù-ɛ̀tsɛ-nɛ̀ɛ́ gìɖì tútútú à bɔɔ́ ni?
8Gbòkã́#á, Mímí-Ɔ̀ɖáyé† tì wɔ̀ ńǹtá-Òkúta, tsí ó wà wí fú ŋa ní: Onùgbó-ìlú ŋa òŋu onùgbó-atsɛbɔ-Ɔ̀ɖáyé ŋa, 9àŋa tse ire fú àkɔ̃̀rɔ̃̀-kã̀, tsí à wà kpɛdzɔ́ bá àŋa ti nára‐ɛ̀ nɔ́mbɛ́ ní bí àŋa tse fáà, tsí àrɔ̃̀#ɛ́ tùúù? 10Ó ɖi, àŋa onùgbó ŋa, ɔma-Ìsàràyɛ́lì† ŋa gbo kpó, ká mà rere ní, bí idza#á wà nábarakpá si, tsí à wà rí#ɛ́, ikpá-Yèésù Kírísítò ti Nàsàrɛ́tì ni. Yèésù#ɛ́, àŋa ká-ŋa, à kã̀ã́ si ńǹtá-egi-ìɖáàgàlàdzà†, tsí ó kú, tsí Ɔ̀ɖáyé dzíi ti náàŋírĩ-òkú ŋa wá náyé. 11À kɔ si ńǸwé-Ɔ̀ɖáyé† ti nára-Yèésù#ɛ́ ké ní:
“Òkúta yèé ɛ̀ŋɛ amalé ŋa è kɛ́ sɔ taánù#ɛ́,
òŋu#ɛ́ ní wáa kpã́dzú lárè, tsí gbé négo-ilé#ɛ́,
àtsùgbée ilé#ɛ́ kó máa ɖíwó#ɛ́.”#4:11 Ìwé-Orĩ ŋa 118:22 (Psaumes 118:22)
12Yèésù òŋu níìkã̀ntso gé ní nákó nyáa gbanɛ là#á. Náyé gbaŋgba#á kpó#ɛ́, Ɔ̀ɖáyé kò mú ɔ̀nyà-kã̀ fú ní kó gbanɛ là ró náànyì-òŋu níìkã̀ntso#ɛ́ gé.
13Ńbɛ̀ɛ́, ó mu ɔma-ɛgbɛ́-àkpɛ̀dzɔ́-ɔma-Ìyúɖà ŋa† kpó kíbí à rí ní Òkúta òŋu Yòhánà kɛ̃̀ɖɔ̃̀, tsí wíìnyɛ̀ òŋu àkaralé#ɛ́. À rí ní ɔ̀nyà nákpo ŋa ní à dzɛ́#ɛ́, tsí à kò ma ìwé kpíkpɔ̀ gbo. À rí mà gbo ní Òkúta òŋu Yòhánà tɛ̀ náànyì-Yèésù wáa lɔ. 14Idza yèé à bɔ#ɛ́ gbo ɖóro gbè ŋá si bɛ̀, tsí kíbí à wà ríi#ɛ́, à kò tì ma iŋɛ́ yèé ká wí gìɖì#ɛ́ ró. 15Ńbɛ̀ɛ́, à wí fú ŋa ní ká fùɖá tã́ná, tsí àŋa ká-ŋa, àŋa kó lɔ ńǹkpá. 16Tsí à wà bere ara-ŋa ní: Bí àŋa nákó tse fú idza ŋa#á fáà náà? Báàyí#ɛ́, idza ŋa#á ti tse iŋɛ́-àwùsì lákṹ-kã̀ nódzú-ɛnɛ-ìlú-Yèrúsàlɛ́mì ŋa kpó, tsí àŋa kàkó sì nyáa sɛ̃́ ní òɖòbò ni. 17Ó ɖi, àŋa kó kɔ̀ fú ŋa, tsí afɔ̀#ɛ́ kó máa túùnkã́ lɔ wérí máa ró. Àŋa kó ɖódzo tse ŋá, tsí ká máa wíìnyɛ̀-Yèésù-kã̀ kpókpó fú ɔ̀nyà ŋa gìɖì ró.
18Ńbɛ̀ɛ́, à sɛ̃̀ kpè ŋá ró, tsí kɔ̀ fú ŋa ní ɔ̀nyà-kã̀ kpókpó kó máa wíìnyɛ̀-kã̀ nàmí tsɛ̀kɔ́-kã̀ nóŋù-ɛ̀tsɛ-Yèésù#ɛ́ ró. Ìɖí‐ɛ̀ ɖá.
19Ńbɛ̀ɛ́, Òkúta òŋu Yòhánà wà dzɔ́ŋù fú ŋa ní: Àŋa ká-ŋa gìɖì ká lɔ ńǹsérè-ara-ŋa, tsí ká mú yèé sã̀ ní ká tse nódzú-Ɔ̀ɖáyé#ɛ́ fú àŋa. Ó sã̀ ní àŋa kó nɛ́ àrísá fú ŋa nàmí àŋa kó nɛ́ àrísá fú Ɔ̀ɖáyé ni? Ká fɔ̀ɔ́ fú àŋa. 20Ó ɖi, iŋɛ́ yèé ŋa àŋa rí, tsí gbɔ́#ɛ́, kò nɛ́ àŋa kó nyáa tsikó‐ɛ̀.
21Ńbɛ̀ɛ́, ɔma-ɛgbɛ́-àkpɛ̀dzɔ́ ŋa#á tɔ́ ɖódzo tse ŋá ró, tsí à kɔ̀ ŋá dzɔ̀ɔ́, tsí à lɔ. À kò rí ɔ̀nà-kã̀ kpókpó, tsí ká ń tsoró bá ŋa, iŋɛ́ yèé tse#ɛ́, ɔ̀nyà kpó wà nyɛ Ɔ̀ɖáyé fú iŋɛ́ yèé tse nyɛ̀ŋɛ̀#ɛ́. 22Idza yèé àrɔ̃̀ tù bɛ́ɛ̀, tsí ó dzɛ́ iŋɛ́-àwùsì-kã̀#á, ó nɛ́ lárè ɔɖɔ̃́ ogóòdzì.
Atɛ̀náànyì-Yèésù ŋa wà wúùre ní Ɔ̀ɖáyé kó mú ɛ̀ɖɔ̃̀ kã àŋa
23Kíbí à kɔ Òkúta òŋu Yòhánà dzɔ̀ɔ́#ɛ́, à lɔ káà bá enìkéèdzì-ŋà ŋa, tsí à kpɛ̀rɔ́-kíbí onùgbó-atsɛbɔ-Ɔ̀ɖáyé ŋa òŋu onùgbó-ìlú ŋa wí fú ŋa gbà kpó#ɛ́. 24Kíbí à gbɔ́ afɔ̀ nyɛ̀ŋɛ̀ ŋa tã́#á, àŋa kpó yèé wà bɛ̀#ɛ́, à mú arũ ɖé, tsí à wà wúùre, tsí ní: Ɔlɔ́dzɔ́, ìwɔ ní tse ìgbèrí òŋu ilɛ̀, tsí tse àhũ òŋu iŋɛ́ ɔ̀kã̀lɔ́ɔ̀kã̀ kpó yèé wà ńnɛ̀ ŋa#á. 25Ìwɔ ní tse tsí Mímí-ɛ̀ɛ tì wɔ̀ ńǹtá-gbágbóǹgbàgbò-wa Ɖàfíɖì† àtsìtsɛ́-ɛ̀ɛ, tsí ò wíìnyɛ̀ gbà ńǹtá‐ɛ̀ wáa lɔ ní:
“Kí tse tsí ìlú ŋa kpó bínɔ́ si tó bɛ́ɛ̀,
tsí ɔ̀nyà-ìlú ŋa wà to ètò si ńǹtá-Ɔ̀ɖáyé bɛ́ɛ̀?
Tsí ètò ŋa#á gbo si dzɛ́ akpotu kpó.
26Ólú-ìtalɛ̀ bí ŋa wà kpaɖí si fú ogu dzídzɛ.
Ɔ̀gã́-ìlú ŋa wà kpérí ní àŋa kó dzà bá Ɔlɔ́dzɔ́
òŋu ólú yèé ó tsã̀#á.”#4:26 Ìwé-Orĩ 2:1-2 (Psaumes 2:1-2)
27Afɔ̀#ɛ́, òtítɔ́ ni. Ólú Èróɖì† gbo, ɔ̀gã́ Kpɔ̃̀tíyù Kpìlátò† gbo, ɔ̀nyà-ìlú-àledzò ŋa gbo má nára-ɔma-Ìsàràyɛ́lì† ŋa gbo kpó, à kpérí ńnɔ́-ìlú bí, tsí kɔ Yèésù àtsìtsɛ́-ɛ̀ɛ yèé ò tsã̀#á. 28À kpérí bɛ́ɛ̀, tsí tse iŋɛ́ yèé ìwɔ ká-ɛ̀ɛ, ò ti wò si ní kó tsɛ#ɛ́. Iŋɛ́ yèé à tse nyɛ̀ŋɛ̀#ɛ́, ò ti tse ètò‐ɛ̀ si òŋu ikpá-ɛ̀ɛ. 29Báàyí#ɛ́, Ɔlɔ́dzɔ́, rí kíbí à wà ɖódzo tse wá gbà tó gé, tsí o fú àwa, àtsìtsɛ́-ɛ̀ɛ ŋa ńkpá, tsí àa kó nyáa kɛ̃̀ɖɔ̃̀, tsí dzíkɔ̀-ɛ̀ɛ fú ɔ̀nyà ŋa òŋu àkaralé. 30Tsí o nya ikpá-ɛ̀ɛ ɖíre, tsí ká nyáa wà bɔ ɔ̀nyà ŋa, tsí wà tse iŋɛ́-àwùsì ŋa ńǹrɔ́ǹrɔ́ nóŋù-ɛ̀tsɛ-Yèésù àtsìtsɛ́-ɛ̀ɛ yèé ò tsã̀#á.
31Kíbí à wúùre tã́#á, ńbí à kpérí si, tsí wà wúùre#ɛ́ mì kpó dzìgìdzìgì. Tsí Mímí-Ɔ̀ɖáyé† tì wɔ̀ ńǹtá-ŋa kpó, tsí ɛ̀ɖɔ̃̀ kã̀ ŋá, tsí à wà fɔ afɔ̀-Ɔ̀ɖáyé òŋu àkaralé.
Bí atɛ̀náànyì-Yèésù ŋa wà tse ɔ̀kã̀ntso bá ara-ŋa gbà fáà?
32Ńbɛ̀ɛ́, atɛ̀náànyì-Yèésù ŋa kpó tse ɔ̀kã̀ntso bá ara ŋa dzálɛ̀ títí náàŋírĩ-ŋa#á, ɔ̀nyà-kã̀ kpókpó gìɖì kò wà mú iŋɛ́-ire‐ɛ̀ ŋa kpe ti ara‐ɛ̀ sɔ̃́ŋú ró. Ó ɖi, iŋɛ́ ŋa#á náa gbé má náàdzɔ́ fú ŋa kpó ni. 33Tsí Ɔ̀ɖáyé fú adzítsɛ́-Yèésù† ŋa ńkpá lákṹ-kã̀, tsí à náa wà nya àyídzá fú ɔ̀nyà ŋa wérí ní Yèésù dzí ti náàŋírĩ-òkú ŋa wá náyé. Tsí Ɔ̀ɖáyé náa wà tu kùsɛ̀ɛ̀ kpíkpɔ̀ kpíkpɔ̀ fú ŋa kpó. 34Iŋɛ́-kã̀ kpókpó kà hã́ ɔ̀nyà-kã̀ náàŋírĩ-ŋa. Ó ɖi, bí ilɛ̀ wà fú ɔ̀nyà-kã̀ náàŋírĩ-ŋa nàmí ilé, náa tàá, tsí kɛ́ owó‐ɛ̀ wá, 35tsí náa kɛ́ɛ bɔwɔ́-adzítsɛ́-Yèésù ŋa, tsí à náa kpɛ̃́ɛ̃ náàŋírĩ-ara-ŋa. Tsí ɛnɛ yèé ŋa ó wà ní ká gbà#á, à náa gba ìmarũ yèé kpã́dzú fú ŋa#á.
36Ńbɛ̀ɛ́, ɔ̀nyà-kã̀ wà náàŋírĩ-ŋa, tsí à náa kpèé ní Yòsɛ́fù†. Adzítsɛ́-Yèésù ŋa náa ɖáakì ní Bànàbá. (Òkpì-Bànàbá#á ní dzɛ́ aɖáàmílenɛ#ɛ́). Ó ti náro-Lèfí†, tsí à bíi ńlɛ̀-Sìkpírò. 37Ńbɛ̀ɛ́, ilɛ̀-oko-kã̀ wà fúu, tsí ó tàá, tsí kɛ́ owó‐ɛ̀ wáa bɔwɔ́-adzítsɛ́-Yèésù ŋa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.